![]() |
ملتقى طلاب الصف الثالث الثانوى (المراجعة النهائية)
في الاول السلام عليكم ثانيا بقي اتمني تكونوا بخير جميعا وربنا يوفقكم ياااااااااارب في ثانويتكم ويحققلكم اللي بتتمنوه لاحظت ليكم استفسارات كتير في مواضيع متعددة فجه في بالي ان اعمل الموضوع ده عشان استفسارتكم واسئلتكم وكل حاجة بدل مابتسئلوا في كل موضوع وكدة ومتشتتين هنا حطوا اسئلتكم ويكون مكان انتم كلكم فيه وبردو مرجع ليكم اناعملتوا ل3 ثانوية جميع الاقسام لو عايزين تقسموه وتعملوا لكل قسم موضوع وملتقي خاص بيه براحتكم عايزين كل استفسارتكم هنا اللي يريحكم بردو وبالتوفيق ليكم جميعا باذن الله في حمي الرحمن |
مش عارفه اذاكر كتير وبكسل ع طول والوقت بيجري بسرعه والمذاكرة بتتنسسي وعندي 15 ماده وفاضل 55 يوم اعمل ايه
|
اقتباس:
تفوقي لنفسك وتقدري وقتك عشان مش بقي وقت لده كله مفيش حاجة اسمها مش عارفة ع فكرة هدفك وحلمك اللي عايزة تحققيه هو اللي هيخليكي تعرفي حددي هدفك وركزي عليه وقت ماتحسي بهدفك مش هتلاقي اي عقبة قدامك حاولي واعملي اللي عليكي ومش تضيعي اللي فاضل وترجعي تندمي في الاخر ربنا يوفقك يااااااااارب |
يارب بقى :(
|
اقتباس:
|
اقتباس:
ما فيش حاجه اسمها عمل دي ، بس انتم بتخترعوا مبررات علشان لو المجموع وحش ترجعوا تقولوا وانا ذنبي ايه مش انا اللي معموللي عمل !! يا جماعه انا والله سمهت عن ناس فضلت طول السنه نايمه وشدت في وقت اقل من اللي متاح لينا حالا ، ابن عمتي علمي رياضه كان بييجي يلعب معايا طول السنه وكان بيروح بالليل او لو عندة درس وفاق على اخر شهر 30 يوم مش عارف اقول لكم ايه يعني عمل معجزة في الشهر دة وجاب 99 وكسر،ودخل هندسه بترول ربنا يكرمه يعني االوقت لسه بدري بس مش تيجي تذاكري تقولي الوقت لسه بدري لا هو بدري للي بيداكر في اليوم 3 ،4 فصول ،ونصيحه خفضوا معدل الدخول عالنت يعني مش تدخلوا عالموقع دة واللي محتاجينه عندكم في الكتب ، انا داخل انزل الجدول بتاع الامتحان |
اقتباس:
|
اقتباس:
|
شكراااااااااااااا ليك
|
اقتباس:
انا عايزه اوصل لحالتك دى وان شاء الله هوصل نفسى اذاكر اربع فصول فى اليوم علشان الحق اراجع ٣ مرات بس يا دوب هو فصل واحد بس بصراحة لاول مرة يتذاكر ايه رايك اخلص كل الجديد الاول وبعدين اراجع بالاربع فصول فى اليوم انت تركت الدروس ؟ انا عايزه اعمل كده بقولك كل ما تدخل المنتدى اكتب كلام من النوع ال انت كتبته ده قول معتش وقت اعملوا ال عليكوا بقى اخلصوا |
اقتباس:
ابداي بالجديد بس خلي بالك وانا براجع بيفوت عليا دروس مش فاكر انها اتشرحت لي اصلا بامسك الدرس ساعتين او ثلاثه بالكتير بشويه فواصل راحه بينهم بيخلص الدرس يعني المفروص اربع فصول دي جديد او قديم مش فارقه اصل تقريبا معظمنا ناسي معظم المنهج ،تمسكي جزئيه وتحلي عليها واهم حاجه الحللللللللللللل والله الحل اللي بيثبت الدرس ، وحاولي تفضلي تذاكري الساعه متواصله وبيعدين راحه 5 دقائق من غير ما تخرجي برا غرفه المذاكرة علشان لو خرجتي مش هترجعي ،ولو تعرفي تشتري ورق طابعه يبقي احسن بكتييير ، تمسكي الدرس وتقولي يا انا يا انت وتحلي عليه وتدخلي على اللي بعدة من مادة تانيه والدرس اللي مش تسيبيه يكون بيراجع جزئيات تمشي وراة فصل بفصل وخلي بالك مش تفتكري اني وانا بذاكر كاني بالعب ولا فرحان لا والله في دروس بتطلع عيني بذاكرها وانا مش قادر اصلا بس عامل تحدي مع نفسي اني اخلصه واحل تمارينه ولو هموت وبعدين اما الحمد لله اخلصه اذاكر رياضه افتح بيها دماغي يعني كله بيتعب وصدقيني هتفرحي جدا وثقتك هترجع لما تخلصيه وتحلي تمارينه وتمارين الثانويه العامه عليه لو تقدري |
حد يعرف كتاب انجليزي مراجعه تكون اسئلته صعبه يعني منقي الصعب ، ،
|
اقتباس:
لو ع الاسئلة الصعبة وكدة يعني فكتاب top students وsenior اسئلتهم صعبة زي ماانت عايز اما المراجعة عموما فكتاب the best جميل وبردو ركز ع اسئلة work book وبالتوفيق باذن الله |
اقتباس:
|
اقتباس:
عارف انت لما تبقى عندك خمول وتلاقى حد فى نفس ظروفك بيقولك انا بعمل كذا وكذا وانت اتصرف زيى بجد بتفرق جامد يكفينى من كلامك انه خلى عندى اصرار وتحدى ان شاء الله يوم النتيجة هدخل ع الموقع ده يوم ما جيب طب يعنى وباذن الله هلاقيك بتقولنا باركولى ربنا معانا كلنا يلا بقى شدوا حيلكوا |
جميع الأوقات بتوقيت GMT +2. الساعة الآن 12:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.