السلام عليكم يا دكتور عبد الرحمن كنت عاوز أعرف كلية الخدمة الاجتماعية الوظائف المتاحة ليها أيه وخصوصا المراكز الخمسة الاولى ولسيادتكم جزيل الشكر والاحترام

ياجماعه محدش عارف حاجه عن وظايف اوائل تربيه رياض اطفال
ياريت اللي عارف يقولنا
وربنا يوفق الجميع ان شاء الله

د عبد الرحمن هل معنى ذلك لو اني طالبة منحة و حصلت على درجة الماجستير ولكن بعد ان تم توفير الدرجات يعني اسمي لم ينزل بعد على موقع الاكاديمية هل معنى ذلك ان يكون لي حق في التعيين في هذا الاعلان القادم

انا اسفة يا دكتور عبدالرحمن انا عارفة انى زهقت حضرتك بس انا عايزة اعرف اعمل ايه انا اسمىاتبعت من الجامعة للتنظيم والادارة ورقم عشرين مكرر والكشف مفيهوش مكررات حتى اللى جايبين نفس نسبتى بادئين من رقم 16 عشان بيسبقونى ابجديا ولما سالت الموظفة قالتلى انهم هياخدوا لغاية رقم عشرين بس انا عارفة ان حضرتك قريت الكلام ده منى كام مرة
استفسارى الان لو روحت ولقيت اسماء زمايلى اللى من اول رقم 16 وجايبين نفس نسبتى ليهم جواب تعيين اعمل ايه لانه مش ذنبى انى بحرف السين هل اعمل تظلم ؟ وياترى لو عملت تظلم عشان خمسة نفس نسبتى اتعينوا هيتقبل ولا بس هبقى بعشم نفسى ياريت تفيدنى يادكتور لو سمحت

ور ناس كتير يا ريت اللى عنده معلومه يرد عليهاالله سؤال سما محي

اخبار الناس الى كانو بيستلمو جواباتهم انهاردة اية طمنونا عليكم ياجماعة

بسم الله الرحمن الحيم

ساتكلم عما حدث معى امبارح عندما ذهبت لاستلم جواب الترشيح وصلت الجهاز الساعة 10 صباحا خرجت من الجهاز الساعة 4 صباحا المفاجاه ان اخر عشر دقايق هاقولكم كنت قاعد مع مين

1- انا طبعا خريج كلية الحقوق بنى سويف دفعة 2007 والحمد لله حصلت على الماجستير 2011 طبعا انا ترتيبى الثامن عشر على الدفعة لكن رقمى فى الكشق 30 فباتالى اسمى ماكانش موجود هناك والحمد لله على كل حال مع العلم انهم استبعدوا المعينين من الكشوفات يعنى احنا عددنا فى الحقوق 180 لكل الدفعات الكشف الاجمالى اللى فى التنظيم 66 واحد فقط وفيه شخص واحد من دفعتى من العشرين هوه اللى استلم الجواب

2- طبعا ماسكتش بدأت اسال على موضوع المكررين سالت موظفين الكشوفات قالوا احنا ما نعرفش قالولى اسال مدام جيهان قابلتها انسانه محترمه جدا قالتلى انتم امركم غريب بس احنا فيه احتمال اننا ناخد المكررين بس بعد ماندرس الموضوع مع الدكتور

3- دخلت على استاذ جينتل كده اسمه احمد قالى انتم ليكم حق بنسبة ميه فى الميه قالى كل اللى اقدر اقوله اعمل تظلم وشكاولى لحد ماتاخد حقك خصوصا عشان فيه درجات ما تمش تسكينها

4- دخلت على الاستاذ رئيس الشؤن القانونية قالى طبعا المفروض لو خمسه جايبين نفس الدرجة يتحسبوا واحد زى الكلية بتاعتك ماعامله كده قلتله الحل قالى اكتب شكوى وهاديك رقم وتابعنى وفعلا الراجل محترم جدا ادانى رقم الموبايل كمان

5- دخلت تانى شوية قابلت الاستاذ هانى بجد شخصية محترمة حاكيت المشكله قالى اولا انا المسؤل عن موضوع الترتيب ده ثانيا ادينى صورة من الكشف واتصل بيه يوم الاربعاء واقولك تعمل ايه وادانى الرقم واخد رقمى

6- دخلت تانى شويه لحد الدور التاسع وقابلت شخصيه فى منهى الاحترام وهو الاستاذ مصطفى التهامى اكد لى اننا اصحاب حقوق اكيده وان شاء الله هناخد المكررين

دخلت عند استاذتنا المحترمه جدا وهى الاستاذه امل نفس الكلام انتم اصحاب حقوق ومش ذنبكم انكم مكررين ودخلت معانا فى الحوار استاذتين انا مش عارف اسمائهم بس بردو قالو ان شاء الله هناخد المكررين واعمل تلظلم

7- اخيرا هاقولكم اخر عشر دقايق كانت مع مين ياترى مع معالى الوزير الدكتور صفوت قلت للاستاذه امل انا عايز ادخل واشوف وجهة نظره قالت حاضر وبالفعل دخلت بعد السلام ازيك يادكتور قالى اهلا ايه الموضوع قالى باختصار قلت حاضر عطيته الكشف بتاع الكلية قالى انا يابنى جايلى 20 درجة فقط لاغير وماقدرش اقول لوزير المالية على درجات تانى قلت يافندم الناس دى كلها متعينه فى هيئات قضائية قالى انا ملزم بعشرين اسم فقط قلتله طب فيه درجات ما سكنتش قالى والله ممكن ناخد ناس تانيه بس ماوعدكش عشان ماتجيش تقلى انت وعدتنى قلت يافندم انا اعمل ايه دلوقتى متخرج بقاللى اربع سنين وقدمت فى الهيءات القضائية وحصلش نصيب قالى انا ذنبى ايه قلتله ايه الحل قالى اعمل تظلم قلت اعمله دلوقتى قالى لا الافضل تعمله فى الميعاد الللى هوه يوم 16/1/2012 قالى عشان هاشكل لجنه للبت فى التظلمات وان شاء الله خير قلتله متشكر جدا على سعة صدر حضرتك ليه قالى العفو وكان مشغول جدا عشان فيه اخطاء فى جامعة عين شمس وتركت المكتب وذهبت .

د. عبد الرحمن لى استفسار انتظر منك الاجابة اذا استطعت
اولا ما وظايف خريج زراعة
ثانيا انا زوجى اتنقل شغلة بشرم الشيخ وانا كتبت فى الاستمارة محافظة الاسماعيلية هل من السهل انى اعمل انتداب لمدة 5سنوات مثلا ال هى فترة انتهاء عمل زوجى من شرم واجيب افادة بكدة واقدمها وبعدين ارجع الاسماعيلية تانى بعد5سنوات ولا اعمل ايه؟

المقارنة بالأكبر سنا ير كده يبقى هزارولازم تتظلمي

أعذروني ياجماعة أنا مش هارد على الأسئلة المكررة لضيق الوقت


مبروك ولو اني كنت اتمنى أشوفك
كل شئ جايز بس بعد 69شهور من استلام العمل


لو معاك نمرة أستاذ مصطفى التهامي أو مدام امل ابعتهالي علشان فيه مشكلة في المنيا عاوز اخلصها معاهم


الاولوية لأكبر سنا وغير كده يبقى هزار ولازم تتظلمي



هتتعيني مدرسة ماتخافيش الأعلى بيروح الجامعة

إداري بالجامعة وتربية وتعليم

واكد د. صفوت النحاس انه تم توزيع بعض اوائل الخريجين »كمرحلة أولي« علي بعض وحدات الجهاز الاداري بالدولة وفقا للاحتياجات الوظيفية من الدرجة الثالثة التخصصية من مختلف المجموعات النوعية وفقا لجداول الوظائف المعتمدة لكل منها.. وذلك في إطار المشروع القومي لتشغيل أوائل الخريجين بالجامعات المصرية وجامعة الازهر..وأضاف انه عملا علي تحقيق مبدأ الشفافية وتكافؤ الفرص امام كل الخريجين الذين سيتم ترشيحهم علي الجهات المختلفة سواء »بالمرحلة الاولي« أو (المرحلة الثانية) إو الذين سيتم ترشيحهم بعد ذلك بناء علي بحث بعض التظلمات من الترشيح او من تعديل جهة الترشيح أو لاي سبب آخر.. ولذلك فقد تقرر أن تتضمن القرارات الصادرة من السلطة المختصة بالتعيين تحديد يوم الاحد 22 يناير 2102 كتاريخ موحد لأقدمية كل الخريجين.

معلش يا دكتور انا عارفة انى هاتقل عليك من عشمى
اكيد الانتداب بعد 6 شهور ؟ماينفعش اقضيهم فى مكان الانتداب؟
ولا اغير مكان العمل اثناء فترة التظلمات؟
رجاءا تجاوبنى يا دكتور

بليييييييييييييييييييييييييييييييييييييييييييييييي ييييييز اوعى تقفل من غير ما ترد تأكيدا على سؤالى

السلام عليكم ورحمة الله وبركاتة
 

سؤال لو سمحت يادكتور , احنا علي علم ان لازم كل خريج يستلم جوابه بنفسه , لكن في بعض الجروبات مكتوب فيها اهالي استلمت لابنائهم بشرط درجة القرابة والاوراق كلها تكون معهم !!!! هل هذا صحيح ؟؟؟ جزاكم الله كل خير

سؤال
 

السلام عليكم
مبروك لكل الخرجيين ولكن لي سؤال للدكتور عبد الرحمن :

هو إني رقمي في الكشف 17 بعد إستبعاد معيدين ورقمي 20 قبل استبعاد المعيدين والحمد لله مفيش تكرار في الكشف وأنا خريجة تربية ونفسي أشتغل في التدريس لأني أحبه ولكن سمعت مؤخرا إن في ناس كتير جالهم أخصائيين في الجامعة وبصراحة أنا مش حابه أكون إداريه لأنه مش في مجال تخصصي .

سؤال معلش هما بيعينوا إزاي يعني هل التمييز للخمسة الأوائل في تربية أنهم يكونوا في الجامعة والأواخر هم في مدرسة ارجو الرد .....

'نا للاسف لسه عارفه ان اسمى كان من ضمن العشرين الاوائل ومش مليت استماره رغبات لانى مكنتش اعرف وانا من محافظه الشرقيه وجوابات الترشيح 9\1 اعمل ايه؟

حاولي في التظلمات إن مانفعش يبقى هتقعدي الـ6شهورمكانك


سافري بكرة على طول على القاهرة واملي استمارة علشان تلحقي تتوزعي مع جامعتك

الاعلى في الجامعة والأقل مدرسين وانا جاوبت يافاطمة قبل كده بس معلش علشان انت زبونة قديمة هنا

ك خريج استلم بنفسه وتأكيد عى ذلك .. ماحدث غير ذلك لم أره ولا اعلم عنه شئ

مادام انت مش في الكشف ولا من العشرين خلاص مفيش نصيب

السلام عليكم يا دكتور السؤال للمرة الثالثة كلية الخدمة الاجتماعية الوظائف المتاحة لها وخصوصا الخمسة الاوائل معلش يا دكتور يا ريت تجاوبنى وبارك الله فيك وكثر من أمثالك

الشئون الاجتماعية

استفسار هام جدا
 

السلام عليكم انا مشكلتى ان الكلية بعتت كشف به اسماء الاوائل ووضعت المكررين حسب الترتيب الابجدى و ليس حسب السن مع العلم انى انا اكبر المكررين سنا ووضعوا اسمى حسب الترتيب الابجدى العشرين مكرر رقم 21 و دلوقتى مش عارفة اعمل ايه و محدش بيرد على تليفون التنظيم والادارة ومش عارفة اسافر بسبب الجو و المطر وبلدى بعيدة ومش عارفة اعمل تظلم امتى فيدونى بالله عليكم

دعبد الرحمن لوسمحت اللى مكتوب له فى الجواب ديوان عام المحافظة ومجلس محلى باحث سياحة هيشتغل فى المحافظة ولا المجلس والافضل المحافظة ولا المجلس

جزاك الله خير يادكتور عبد الرحمن وألف مبروك لك ولكل الاوائل وربنا يوفق الجميع

عايزين نفهم موضوع طلاب المنح

عل فكرة انا خريج سياحة ارشاد سياحى والله اعلم ايه الل هيجيلى
بقلك ياابشا ايه الاخبار عموما فى مجالنا وخصوصا مع الاوائل النهاردة وامبارح

يا ريت يا جماعة اللى عنده اخبار عن اوائل الازهر يطمنا
و جزيل الشكر مقدما

كفارة ياالاوائل
 

مبروك للاوائل
 

مبروك للاوائل . الوظايف كويسة

بس استفسار من الدكتور عبد الرحمن ربنا يخلية للاوائل

بعد مستلمنا جواب المدام وهي خريجة تجارة وتم توزيعها علي مصلحة الضرائب المصرية ( اخصائي تسويات ضريبية ثالث)

سالنا قالو روحو الضرائب . رحنا مبني الضرائب شارع القصر العيني وسالنا قالو التعينات في شارع البستان عند محطة مترو محمد نجيب الدور الرابع وتوجهنا بالفعل . لكن المختص اخد صورة من جواب الترشيح ورقم التليفون وقال انة لم تصلهم كشوف من التنظيم والادارة . ولسة لما يوافق عليهم رئيس المصلحة .
مع احنا كتبين الرغبة سوهاج

هل نتوجة لمصلحة الضرائب بسوهاج ؟ واجراءات التعييين هتم بسوهاج ولا القاهرة ؟

ولك مني الشكر والتقدير

اوائل تربيه رياضيه
 

انا من أوائل الخريجين جامعة المنيا كلية تربية نوعية وجالى الجواب اخصائى ثالث تربية وتعليم مديرية المنيا مع انى امتحنت كادر ومتثبت فهل لو استلمت هتتغير المعاملة المادية أو هتنقل من المدرسة مثلا

اخيرااااااااا لاقيت حد رياض اطفال
الاولي والتانيه اخصائي شئون ف الجامعه والباقي مدرسين

الكلام ده مع جامعه كفر الشيخ

استفسار
 

أوكي ابعتهولي لو سمحت ضروري من فضلك

تعييينك من سوهاج وفعلا كشوف كتير ممكن تتأخر لأربعاء جهز ورقك وروح الخميس سوهاج
كماكنت لن يتغير شئ عموما روح آخر الأسبوع وسلم نفسك للمنيا علشان يوحدوا لك الدرجة



http://www.asrt.sci.eg/ar/

جهد مشكور
 

الف شكر يادكتور عبد الرحمن انا استفدت كتير من معلوماتك وقررت اشترك واسجل معك بس ارجوك لى استفسار بشان اوائل التربيه الرياضيه الخمسه الاوائل هل سيتم تعيين معيدين منهم؟

تتأزم الأمور..وتؤصد الأبواب..ويضيق’ الحال..و تبكى..وتطرق الأبواب التى تعرفها ،ولكنها لا، تفتح..وقتها سيحدث شئ، ما.. فتجد بابا، فتح من حيث لا تحتسب، بعد أن تكون قد فقدت كل أمل فى النجاة.. بعد اعتقادك بأنك غرقت فى أعماق بحور الظلمات..

تذكرت وأنا أكتب هذه الكلمات، قصة الشاب الذى غرقت سفينته فى البحر..ونجا هو بعد أن ألقت به الأمواج على جزيرة مجهولة ومهجورة،ومرت به الأيام، وهو فى هذا الوضع الأليم، يدعو الله أن ينجيه من كربه،وذات يوم،ذهب الرجل يلتقط بعضًا من الثمار، ريثما ينضج طعامه الموضوع على بعض أعواد الخشب المتقدة، ولكنه عندما عاد فوجئ بأن النار التهمت كوخه الصغير الذى بناه من أعواد الشجر ليحتمى من برودة الليل والأمطار.

فأخذ يصرخ”: لماذا يارب ؟ حتى الكوخ احترق.. لم يعد يتبقى لى شىء فى هذه الدنيا ،و أنا غريب فى هذا المكان"..و نام الرجل من الحزن وهو جائع .. و فى الصباح كانت هناك مفاجأة فى انتظاره..إذ وجد سفينة تقترب من الجزيرة لإنقاذه ،وذلك بسبب رؤيتهم للدخان المتصاعد من الكوخ المحترق ،فعرفوا أن شخصًا ما يطلب الإنقاذ..

لذلك إذا ساءت ظروفك.. واحترق كوخك، فلا تخف ،فقد تكون هذه الظروف سببًا فى أن تصبح قويًا،وعظيمًا..فالأشياء العظيمة دائمًا تبدأ بكسر ،وجرح..فلولا الفشل ما عرفنا طعمًا للنجاح ولولا المر ما عرفنا طعمًا للعسل..فالله خبير بنفوسنا..ويعلم جيدًا ما يصلح لنا..لذلك يعطى كل شىء بقدر..

فقط ثق بأن الله له حكمة فى كل شىء يحدث لك ..وأحسن الظن به ..وعندما يحترق كوخك ..اعلم أن الله يسعى لإنقاذك..فالله لم يخلقنا فى هذه الأرض ليعذبنا،ولكنه يريد أن ’يخرج أجمل ما فينا ،فالقمر يزداد روعة كلما اشتد الظلام حوله، فما أجمل أن نثق بالله و بتصريفه للأمور،أليس الله بأحكم الحاكمين،ولنأخذ من قصة سيدنا يوسف عبرة ،حيث أراد أخوته أن يقتلوه ..فلم يمت،ثم أرادوا أن يمحى أثره ..فارتفع شأنه،ثم بيع ليكون مملوكًا.. فأصبح ملكًا،وأرادوا أن يمحو محبته من قلب أبيه.. فازداد حبه ليوسف.

وأقول إلى كل رائع تأخرت أمانيه عن كل من يحيط به بضع سنين..عندما يؤصد فى وجهك أحد أبواب السعادة .. تأكد أن الله سيفتح لك العديد من الأبواب الأخرى،،فلا تبك على باب مغلق،ولا تقف بجواره تلعن حظك.. و لا تيأس إذا تأخر ما تحلم به ..واعلم أنك ستحصل على أكثر مما تتصور.. و تأكد أن الله لا ينسى،حتى لو نسيت أنت.. فهو يشعر بك ،وبحزنك ..ويرى دموعك التى تغرق الأرض تحتك ..فتمهل فإنه يدبر لك فى الغيب أمورًا لو علمتها لبكيت فرحًا.. فلا تيأس إذا أخر الله لك ما تحب..ولا تجزع من مرارة القدر.. ولا تحزن إذا جبرت على التعايش مع وضع قد يؤلمك..بل اصبر وابتسم لأنه قال بكل رحمة

" وَلَسَوْفَ يُعْطِيكَ رَبُّكَ فَتَرْضَى"