اقتباس:
المشاركة الأصلية كتبت بواسطة $طالبة علم$
(المشاركة 5936374)
اكيد طبعا...........دة شرف لينا......... وعقبالنا يااااااارب والف مبرك.........ياريت تقولنا ذاى كنت بتنظم يومك....دة لو مش فيها غلاسه يعنى........ونذاكر اذاى
|
الله يبارك فيكي ، أنا كنت برتب يومي بطريقة (مش عارف هتنفع مع غيري ولا لأ) أني بقول مثلا يوم السبت هذاكر انجليزي كلمات وفيزياء والسبت اللي بعديه هذاكر انجليزي قواعد واحل مسائل واسئلة على الفيزياء وباقي الأيام بنفس النظام مع تغيير بسيط في حالة وجود ظروف ويوم الجمعة حالة خاصة لأنه مابيبقاش فيه دروس ولامدارس فبذاكر فيه كتير
ايام المدارس كان يومي في المذاكرة بيبدأ الساعة 4 العصر لحد الساعة الساعة 6 والساعة سبعة بيقا في درس خصوصي الساعة 8 لحد 9.5 مذاكرة والساعة 9.5 أو 10 بيقبا في درس خصوصي
بعد الساعة 11 الصراحة الواحد مش بيذاكر خالص إلا في أضيق الظروف
ايام المراجعة بعد وفي شهر 1 الموضوع بيتغير خالص لأنه مش بروح المدرسة تقريبًا
انا بنصح كل واحد وواحدة أنهم يعملوا لنفسهم جدول خاص بيهم يتناسب مع المدرسة والدروس بس مايبقاش روتين يعني يتنوع كل اسبوع ولازم يتغير ايام المراجعات
اقتباس:
المشاركة الأصلية كتبت بواسطة $طالبة علم$
(المشاركة 5936141)
الوارثه سهله ولا ايه يا جماعه........انا عندى عقده منها اصلا من اعدادى......والعضويه ايه نظامها......والاكترونيات فى الفيزيا خوفونى منها........... اما بالنسبة للنتيجه فمش عارفه اقول ايه؟.....انا اعرف بنات عباقرة..... وجابو 95.5...لا وكل المدرسين يشهدولهم بانهم المفروض يطلعو اوائل على الجمهوريه.....يعنى ذكاء وتركيز مفيش بعد كده.......وناس تانيه محدش كان متوقع انهم يجيبو 97.5 و98.5.... مع انهم مش اذكيه ولا كانو متفوقين وعمرهم ما طلعو من الاوائل....انا بجد احبط..... لما اشوف ناس تعبت بجد وفى الاخر مجبتش........وفى واحده تعبت نفسيا قبل الامتحان بشهر وكانت خسارة بردو كان نفسى ابقى ذيها جابت بردو95 وواحده ممتازة تعبت واجلت السنه......طب دة اسمه ايه دة.... انا مش عارف اقول ايه... وناس متستاهلش جابت درجات ..... ولله فى خلقه شئون ربنا يعدينا منها على خير
|
بالنسبة للوراثة فهي سهلة جدا ومعظمها درسناه قبل كده
بس الواحد مايعقدش نفسه بالمسائل المفزلكة لأنه والله ماجات ولا مسألة مفزلكة السنادي وكلها مسائل جات بالنص
وانا بقول انه مفيش حاجة صعبة في الوراثة غير درس صغير خالص في الأخر وده مسائلة محددة
الكيمياء العضوية بالنسبالي بقت لعب عيال مش زي ماخوفوني بيها زمان
استاذي قاللي انت تشد حيلك في أول أربع دروس وهتبقا سهلة جدا معاك إنما لو لعبت وماشديت حيلك في اول أربع هتبقا العضوية عذاااب
الكيمياء عمومًا بتتذاكر من الكتاب المدرسي ولازم تتحل تدريباته كويس وكل نقطة في الكتاب وبعدين ذاكر براحتك بره
لأنه احيانا التدريبات بيبقا فيها مسائل ومعادلات مش موجودة في الشرح بطريقة مباشرة
ياجماعة لازم الكيمياء تتذاكر من الكتاب المدرس وخصوصًا العضوية ، اللهم بلغت
الالكترونيات انا ذاكرتها كلها قبل مايقولوا انها محذوفة ، منهم لله بس كانت متوسطة يعني مش لدرجة الصعوبة اللي تخوف
بالنسبالي التبريد اسهل فصل في الفيزياء كلها وهو مالهوش علاقة ابدا بسنة تانية غير جزئية بسيطة اسمها فروض نظرية الحركة للغازات (سطرين بس) والاستاذ بيشرحهم عادي
انا هقولك المختصر في حكاية الدرجات والنتيجة في رد تاني