لو سمحت كنت عايزه اعرف قسم الحاسبات فى كلية العلوم ممكن ادخلوا من علمى علوم ولا علمى رياضة ولا مش فارقه ؟!
و بياخد من كام كده تقريبا ؟!
شكرًا

لو انت عايز علوم اسكندرية ... قسم حاسب ده من علمى رياضة :)
وتدخله من سنة تانية على حسب تقديرك فى سنة اولى

وبالتوفيق:)

معظم الجامعات علمى رياضه

يا جماعة انا علمي رياضة لو دخلت الكلية دي هيبقا اية الاقسام المتاحة ليا .... قسم رياضة بس ولا في اقسام تانية ؟؟

لو سمحت حضرتك انا اتخرجت من الثانوية العامة بمجموع 99.6 وحلمي من زمان اووي اني ادخل كلية علوم قسم فلك وارصاد جوية بس للاسف اكتشفت ان قسم الفلك الخالص ده بياخد علمي رياضة وانا علمي علوم ومفيش حد بيقولي كلام موثق عن الاقسام او الدراسة او المناهج كله كلام مرسل
بعد اذن حضرتك عايزة اعرف بالظبط ايه اقسام الفلك في كلية علوم ؟ وهل في اقسام بتقبل من علمي علوم ولا لأ ؟ وايه نظ
ام الدراسة فيها يعني هدرس واطبق ولا هيبقى كله نظري وخلاص ؟ وايه مجالات. الشغل في القسم ده بعد ما اتخرج ؟ وهل بالفعل القسم مش بيفتح كل سنة حسب العدد ولا ده كلام مش صح ؟ وشكرا مقدما

على حسب جامعة حضرتك
بس فى اقسام حاسب الى - رياضة - فيزيا - فيزيا حيوية - احصاء

طيب ممكن حضرتك تقولي قسم الحاسب موجود في المنصورة ولا لأ
ولو مش موجود في المنصورة هيكون موجود فين

لو سمحت كنت محتاج اعرف حاجات عن قسم علوم البترول
بجد انا محتار وخايف اقدم فيه محتاج اعرف كل حاجه عنه

بالنسبة لجامعة القاهرة ..

الأقسام المتعلقة بدراسات الفلك :
- فلك منفرد
- فيزياء \ فلك
- علوم فضاء منفرد
- أرصاد جوية منفرد .
- فيزياء \ أرصاد جوية .

حسب متطلبات القسم . مثلا قسم فلك منفرد لازم عشان تدخله تكون واخد مادتين من المواد الإختيارية :
- فلك .. ودي مادة متاحة لعلمي علوم وعلمي رياضة .
- جبر .. متاحة لعلمي رياضة فقط .
ملحوظة <<< دكاترة القسم حاليا بيسعو لإنهم يلغو الجبر كمتطلب .. فممكن على السنة دي الشرط تتغير

الدراسة فيها تطبيق هيبقى في مراصد زي مرصد حلوان . ومناطق زي القطامية .. والنظري طبعا اساسي .

مجالات الشغل .. حسب القسم .. بس أكيد مجال أكاديمي ممكن - أبحاث علمية - تشتغل في مرصد .

لا مش حسب العدد في دفعة كان فيها طالبة واحدة بس في القسم غالبا الحد الأقصى للطلبة بيبقى 10 بس .

حاول تتابع مع حد من كليات تانية بس حسب علمي القسم دا في جامعة القاهرة فقط ..

ممكن معلومات اكتر عن كلية علوم دمياط

والله ياستاذ محمد مش عارفة هو موجود فى علوم المنصورة ولالا
بس هو قسم الحاسب الالى ده موجود فى كلية علوم جامعة اسكندرية

وبالتوفيق ان شاء الله :)

أنا طالب علمي ريلضة لو دخلت كلية علوم مفيش أدامي غير قسم رياضة

قسم بترول الخاص موجود فى كلية علوم جامعة اسكندرية
وب 10 الاف جنيه فى السنة

لا حضرتك فى اقسام تانية

حاسب الى - رياضة - فيزيا - فيزيا حيوية - احصاء