ربنا هيستر، بس انت ملكش حق الصراحة العضوية دي سهلة جدا، هيا محتاجة منك ماتركنهاش، وانك تكرر كتير جدا، وانك تربطها ببعض، طالما عاملالك مشكلة كدا خصصلها كل يوم وقت تحل فيه معادلات تخليق هي الي هتلملك الدنيا وهتربطلك العضوية ببعضها ودا المطلوب، او حتى خلي الوقت دا لمراجعة جزء معين منها مثلا النهاردا الالكانات بكرا الالكينات كدا.. عامة الكيميا دي مش هتحس انك مذاكرها فعلا غير لما تحللها امتحانات، فانت خليك جريء و ابدأ حل امتحانات اول ماتخلصها، انا قولت كدا كذا مرة والله، مش عارف مش راضيين تقتنعوا ليه، انا مجرب الموضوع دا والله ياجدعان مش بألف، اول اربع خمس امتحانات كيميا هتحلهم هتحس بالعجز وهترجع تشوف الاجابة كتير، بس بعد كدا هتنطلق في الحل وهتبقى وحش الكيميا اسمع مني :078111rg3:

لسه ماكتبتلوش حاجة مستنيه يلاغيني هو الاول، معظم الكلام اللي هقولهوله قلته قبل كدا
ومع ذلك مش هنساكم بردو وهبقى اكتبلكم اللي عندي يمكن زي ما بتقولي كلامي يفرق مع حد
هو الموضوع نفسي بشكل كبير مش اكتر

عادي، ابدأي من النهاردا بداية جديدة وانسي كل التقصير اللي عدا
كل يوم ابدأيه بنية جديدة انك هتعملي افضل ما عندك النهاردا وتبذلي مجهودك..
اصل هقولك على حاجة، تفكيرك في تقصيرك واهمالك في الماضي، مش هيجبلك غير الاحساس بالحسرة ودا هيدمرك، وخلاص الماضي دا عدا مش هينفع تغيريه مهما عملتي فمترهقيش نفسك في التفكير فيه، وتفكيرك في المستقبل كتير بردو دا تضييع وقت عشان دا بإيد ربنا محدش عارف ايه اللي هيحصله، احسن حاجة خليكي في الحاضر، دا الوحيد اللي تملكيه، واستغلي اللحظة اللي انتي عايشاها احسن استغلال بنظرة تفاؤل للمستقبل بردو، بس ماتفكريش فيه كتير عشان دا بتاع ربنا، وبلاش احلام اليقظة الزايدة عن حدها دي هاه :slap1qk6: خليكوا فدلوقتي..
فكروا بالشكل دا وان شاء الله ربنا هيكرمكوا من حيث لا تحتسبوا ;)

والله انا تعبت نفسياً بجد
لدرجة اني مسكت كتب رميتها كلها اول امبارح واضايقت
بس المادة فعلا الي بتخليني اضايق هي الكيمياء والمادة الي بتخليني اتفائل هي الرياضة

استهدى بالله مش كدا
العصبية دي مش هتفيدك، كل ماتبرد اكتر كل ما اداءك يكون احسن سواء دلوقتي او اثناء الامتحانات..
انت اكيد بتراجع على فصول الكيميا فصل فصل وسايب حل الامتحانات ، عشان كدا حاسس بالضياع فيها
جرب الي قولتلك عليه في العضوية، انا كنت متضايق من المادة بردو بس لما حليت امتحانات اتحسنت جدا والله، وكنت لوحدي كمان من غير درس..
السيناريو اللي هيحصل انك ممكن تقطع الكتاب اول ما تبدأ حل امتحانات مش هترميه بس عشان هتلاقي نفسك بتشوف الاجابة كتير..
بس هتحس بالفرق بعد رابع او خامس امتحان وهتطمن جدا للمادة دي
ابدأ من النهاردا في حل امتحانات كيميا حتى لو لسه مخلصتش مراجعة، حلها مع المراجعة هتبقى برنس فيها...
ولو في حاجة مش واضحة عندك فيديوهات البرامج التعليمية او اسأل في المنتدى هنا او اسألني..
الكيميا اللي عندكوا دي عبيطة جدا والله خسارة تنزل فيها درجات
...
وطالما الرياضة بتخليك متفائل خلاص بعد ماتذاكرها على طول ذاكر كيميا عشان نفسك تكون مفتوحة وانت بتذاكرها متتقفلش

مقفول عندى للاسف لانى مشاركاتى قليلة
مفيش اى حاجة تانى زى الفيس مثلا

طيب إن شاء الله هحاول من النهاردة ابدأ حل امتحانات كيميا

متقلنا نعمل اى فى المواد الى مبتضفش للمجموع انا مذاكرتش اى حاجة فيه

الامتحان مراجعة يا دكتورة امل

هو ايه الفرق بين كان التامية والناقصة :d

التامة بعدها فاعل وبس .. هتيجي في الامتحان احساس :d

ههههههههههه زي 2013

هههههههههه امتحانا هيكون زيهم

اخيييرا هانت ^^ كلها شهر وشوىه مذاكرة وشهر امتحانات وبس وناخد الاجازة ..كل ما ازهق بقول هانت وافتكر الاجازة .. واقول "لا يدرك النعيم بالنعيم "^^

اجازة ايه بقي :d:slap1qk6:
ده احنا هنخلص امتحانات وننتظر النتيجة وننسق ونشوف نتيجة التنسيق ونشتري اللبس والادوات ونعد نفسنا باذن المولي للجامعة وفي كل ده هياخد من الاجازة
يعني من الاخر احنا ملناش اجازة :mad:

يا جماعه انا عضوة جديدة وعاوزة اشارك معاكو ويخد يشجغني ع المزاكرة بس انا علوم وتقريبا اعدة م كل المراجعات :)

هاتيه من اى حد من زميلاتك وصوريه "الامتحانات بالاجابات" ضروري .لو ما عرفتيش تجيبيهم من النت

صفحة 173 في كتاب الامتحان فيزياء رقم هاء في 14 مجدش يعرف هنتصرف فيها ازاي

خلاص الحمد لله حليتها

ازيكم عاملين ايه؟
امممم
فيه مدرس فرنساوي مستعد يعملكوا حصص اونلاين ويحل معاكوا اهو بالمرة توفروا الوقت اللي بتروحوا فيه الدرس، اللي عايز يحضر يقول عشان يحددلكم معاد، قولوا لصحابكم عشان كل ما يكون العدد اكبر كل مايكون افضل..
هو كان بيعملنا حصص السنة اللي فاتت انا وكام واحد في المنتدى كنا بنحضرها، واستفدنا منها جدا

انا اهو هشترك :d اصلا انا بروح درس الفرنساوى يوم واسبوع لأ :p :stickjo4:

طب مفيش مدرس الماني :p

معلش هو الالماني ككده مظلوم

بس ارفع راسك انت بتدرس الماني

ربنا معاكوا يارب ويقويكوا جميعا

ويوفقكم وينولكم كل اللي تتمنوه

تمام، محتاجين اتنين كمان ع الاقل عشان يبدأ معاكوا

واحد هير يابني هنا للاستاذ بسرعة :039uw8:

للمرة التامنة هقولها
الأدب والتعليق ع النص من كتاب الوزارة
الأدب والتعليق ع النص من كتاب الوزارة
الأدب والتعليق ع النص من كتاب الوزارة

ايه الي عرفك بكلمة هير :028ja7::039uw8:

اها عندك حق دايماً مظلوم :angry2:
ده في مدرستنا كنت انا و2 بس في اللجنة الي الالماني والباقي كله فرنساوي
انا اصلا بكره الفرنساوي من الاعدادي اتعقدت منه
مفيش احلي من الالماني :):romarioxp6:

الالماني سهل وممتع جدا
اما الفرنساوي واعتذارا للجميع بتحس ان بيعووا بقهم كده
يعني في ادوات اسمها (لاا _ليي _لو)
تحيه خاصه للالماني

يعني اي صحابك الشطار الماني
مانت دكتور اهو هنحسدك يعني
هخرج من الموضوع بقي للناس يزهقوا مني

هههههههههه وليه انت مبقتش الماني

مش معنى اني قولت صحابي الشطار ان انا مكنتش شاطر، بالعكس انا شايف اني كنت اشطر واحد فيهم (مع ان واحد منهم جاب 407.5 بس انا كنت اشطر بردو :p ) شايفين التواضع :romarioxp6: ..
قصدي اننا كنا اسرة مع بعضينا كدا بس فتالتة كلهم اختاروا الماني وانا لوحدي اللي اختارت فرنساوي..

الفرنساوي مرتاحله نفسيا اكتر، الالماني بحسهم بيتخانقوا كدا مش بيتكلموا وشكله كان هيعصبني فمبدهاش بئا :p ..
وربنا ستر وقفلت الفرنساوي الحمد لله

......................

واحتراما للناس اللي ف3 هنا مش هخرج برا الموضوع تاني ومش هتكلم غير فحاجة تفيدهم بس، عشان وقتهم غالي جدا اليومين دول خسارة يضيعوه في قراية اي كلام وخلاص..
ربنا معاكوا هانت..

فعلا ياجماعة والله بصراحة مسيو يعنى مقولكوش على قمة الروعة فى شرحه وحله الامتحانات معانا انا بضم صوتى لصوت محمد
جزاك الله كل خير يا محمد :022yb4::022yb4:

الجدول اللي نزل وحش اووي حاطين يوم قبل الاحياء ويوم قبل الجيو ربنا يستر

اخبااااااااااااااااااااااااااااركم
ياجماعة
ربنا معاكم ومعايا
ادعوووووووووووووووووولى لاحسن النفسوية ف الزيطة خاااااااااالص

ربنا معاكى ومعانا ..الحال من بعضه بجد :friendsxs3:
احساس انك مش عارف هو انت عارف و لا مش عارف .. مش هقولك ساعة على بعضها المود كويس ..لكن فى نفس ذات الساعة نفس بتقول كمل ونفس بتقول كفايه .وف كلتا الحالتين الكتاب مفتوح الى ان يقضي الله امرا كان مفعولا
لا حلو كده خلينا نخلص بقي:022yb4:

لو سمحتم ممكن افادة :
لو انا عندى امتحان فى مادة كاملة "كلها حفظ" .وانا كنت مراجعاها على فترات بس بعيدة ..ومفيش وقت انى اذاكرها كلها على بعضها من تانى لان معاها امتحانات مواد تانية ..هل اقراها "مع العلم انه مش بيفرق " وبعدين احل اسئلة شاملة ولو وقف ارجع للسؤال واحفظه .. ولا فيه طريقة افضل ؟

هو زي ما بتقول ناس كتير
حلي اسئلة شاملة وحتي لو في سؤال معاكي مش عرفاه او نسياه ترجعي تبصي ع الاجابة وفي نفس الوقت بتكوني بتحلي + مذاكرة كدا احسن طريقة
علي الرغم اني مش بفضل الطريقة دي

بالنسبة لي كويس
بس المشكلة اني في ايام احنا هنروحها وانتو هتقعدوا تذاكرو فيها يا بختكم :022yb4:

سؤال ؟
هو انتو حالياً بتذاكرو كام مادة في اليوم وبتحلو امتحانات ولا ايه ؟

انا حاليا مش بحل امتحانات غير انجلش ..
الجيو باذن الله من الاسبوع القادم وكذلك الفزياء والكيمياء
العربي لسه شوي وكذلك الاحياء
لسه بروح دروس بس عاملة جدول وماشيه عليه ع ماجيش على مادة وسيب التانيه
والاسئلة الل ف الملخصات بحل الل فاتنى حتى لو مش هراجعه فى الدرس فبيبقي مراجعة تالته ليا

طيب كل يوم بتذاكري المواد كلها ولا ايه ؟

اكيد لا
فيه ايام ممكن يتذاكر فيها 4 مواد :بس مش انى احدد المادة دى يتذاكر فيها كذا وكذا ..لا ببقي عاملاها بس انى احل على جزء معين ذاكرته وما حلتش عليه ..بجانب ان فيه مواد ف نفس اليوم محددة الل هيتذاكر فيها فعليا .
مثال :امس :حليت جيو ..بجانب ان عندى امتحان الجمعة على 3/4 العربي فجبت القراءة وحليت اسئلة على ال همتحن عليه كله بجانب وحدتين فرنساوى وحليت عليهم دى كده فى قاعدة بالليل الصبح بكون براجع للدرس ال e

طيب لو واحد زي حلاتي كدا مثلا في العربي
حالل القراءة كلها من الاضواء والامتحان والدليل
اعمل ايه تاني بعد المذاكرة :022yb4:

ايه يا جماعة محدش عايز يراجع فرنساوى انا لوحدى :(
طب ممكن حضرتك تقول ع اسم المستر ده او بروفايله او اى حاجة يعنى عشان حتى لو لا قدر الله معرفناش نجمع حصص اونلاين نبقى نسأله فى الحجات اللى واقفة معانا ؟؟

مين الي قعلك كدة دا قبل الاحياء و الجيو اربع ايام كاملين

بروفايله
https://fb.com/nasser.ezz.7

رقمه
01003638589