![]() |
دكتور عبد الرحمن الله يخليك نجاوبني
انا اتصلت امس على الجهاز والموظف قالي ان الجواب هيجي فيه الديرية اللي هنتوزع عليها وهى بعدها هتوزعنا وبصراحة الواحد اتخلبط يعني مش هيتكب المكان المحدد اللي هنتعين فيه؟؟؟؟؟؟؟؟؟ |
من فضلك د عبد الرحمن
حصلت على الماجستير عن طريق منحة وحصلت على الدرجه قبل انتهاء موعد المنحة ولكن اثناء الحصر لم يتم ادراج اسمي ضمن طلاب المنح عن طريق الخطأ فهل هذا ممكن يؤدي الى سقوط حقي في التعيين |
دكتور عبد الرحمن الله يخليك نجاوبني
انا اتصلت امس على الجهاز والموظف قالي ان الجواب هيجي فيه الديرية اللي هنتوزع عليها وهى بعدها هتوزعنا وبصراحة الواحد اتخلبط يعني مش هيتكب المكان المحدد اللي هنتعين فيه نرجو الرد دكتور عبد الرحمن الله يجزيك عننا الف خير |
أنا الرابعة علي كلية تربية تعليم أساسي بجامعة الفيوم ولكن فوجئت بأن أسمي مش موجود في الحصر الجديد بسبب أنهم أخذوا العشرين من كلية تربية تعليم عام وأنا حزينة لذالك فهل يوجد حل لهذه المشكلة ولا خلاص حلم التعيين راح منهم لله خلوني أحلم بالله عليكم حد يرد عليا
|
دكتور عبد الرحمن المسافرين بالخارج كم من الوقت لديهم لاستلام جوابات الترشيح هل هى 30 يوم ام 60 يوم ؟ ارجو الرد وشكرا لك |
استاذ عبدالرحمن ياريت بنود قانون تعيين العشرين الاوائل عشان ارفع قضية تخطى فى التعيين ........................... وحسبى الله ونعم الوكيل فى كل من شارك فى اصدار قرار استبعاد المكررين من الكشوفات .
|
السلام عليكم
عايز اسأل احنا هنسافر القاهره عشان استلام جواب الترشيح ولا ايه عشان انا من محافظه اسوان بس عشان احجز التذاكر ياريت حد يتكرم عليا ويفيدنى
|
المنح اخدوا الموافقة إنما الحاصلين من الخارج دول فهينزل لهم إعلان والناس تقدم والأعلى هيتاخد هم متوفر لهم 600 درجة حتى الآن
|
اقتباس:
نعم لو لم تتجعلي اجامعة ترسل اسمك في ملحق سيسقط حقك اقتباس:
اقتباس:
اقتباس:
|
السلام عليكم ورحمة الله وبركاته بداية لازم ندعي ربنا انه يصلح حالنا وحال البلد ويفك عنا الكرب والهم والغم ويرفع عنا الظلم اللي حاصل دلوقتي من ناس لا تتقي الله وأن يحتسب ضحايا الظلم والفساد وال*** الغاشم شهداء عنده ويرفع شأن مصر وشعبها _ــــــــــــــــــــــــــــــــــــــــ_ اللهم لك الحمد على منك وعطفك على عبادك الضعفاء أحب أبارك لكل الأوائل على اقتراب تحقيق أمل من آمالنا في الحياة بس بردو إللي ربنا مجعلش ليه نصيب في الرزق ده مايزعلش ويصبر وان شاء الله ربك كريم ومش بيسيب حد وكل واحد مكتوبله رزقه _ــــــــــــــــــــــــــــــــــــــــ_ أخيراً وليس آخراً أحب أوجه خالص الشكر والحب لابن بلدي الدكتور عبد الرحمن على سعيه في الخير وحب مساعدة الناس وسعة صدره ربنا يكرمك ويجعله في ميزان حسناتك ويوفقك ويوفقنا جميعا إلى ما فيه الخير مبـــــــــــــ 1000 ــــــــــروك http://www.uselessgraphics.com/Thumbs_21.gif |
السلام عليكم و الرحمة الله
لي استفسار اتمني ان يرد علي د عبد الرحمن و هو انني تم تعيني بالفعل في التربية و التعليم مؤخرا و الحمد لله و لكني من ضمن المدرجين في كشوف الأوائل و سؤالي هل سيكون لي خطاب تعيين ام سيتم استبعادي؟ و كيف لي ان اعرف و انا لست من القاهرة و الأهم لو لي خطاب تعيين ما هي الأمتيازات التي ستكون لي بأذن الله حيث اني سمعت ان من الناحية المادية سيكون المرتب 800 جنيه مع العلم ان مرتبي لم يصل الي 600 جنيه بالتربية و التعليم حتي هذه اللحظة ارجو الرد يا دكتور اذا سمحت |
دكتور عبد الرحمن
انت رديت على رامى 49 وقلت 60 يووووووووووووووووووووووووووووووووووووووووووووووووم للمغتربين بالنسبة لجواب الترشيح هلى هى غلطة ولا صحيحة حيرتنا يا دكتور |
جريدة : الأهرام تاريخ : 18/12/2011 تبدأ من السبت المقبل 24/12/2011 وحتي14 /1 /2012 تسليم خطابات التعيين لأوائل الخريجين بالجامعات دفعات2003 وحتي2010 علي أن يتم تسليم الخطاب لنفس الخريج ولايجوز للغير تسلمه وصرح الدكتور صفوت النحاس رئيس الجهاز المركزي للتنظيم والادارة بأن تسليم الخطابات سيتم في مدة اقصاها30 يوما ويتوجه بعدها الخريج الي جهة عمله التي تم ترشيحه اليها مشيرا الي أن لاينظر الي طلبات المتخلفين عن التقدم للتعيين بعد الفترة الزمنية الممنوحة لذلك وأضاف رئيس الجهاز أنه سيتم استقبال الشكاوي لمدة10 أيام بعد استلام الخطابات لمن يعترض علي الوظيفة0 وأشار الي أن هذه التعيينات لم تشمل خريجي جامعة الأزهر والبالغ عددهم11 ألف خريج وسيتم تحديد فترة لاحقة لتسليم الخطابات وأرجع سبب التأخير الي عدم ارسال البيانات الخاصة بالخريجين وأكد أن اجمالي تكلفة هذه التعيينات600 مليون جنيه يتم ادراجها في السنة المالية المقبلة والتي تبدأ في يوليو 2012 وحول مشروع الحد الأقصي للأجور اوضح ان الجهاز عرض علي مجلس الوزراء مقترحات لاستكمال المشروع وتطبيقه علي نحو20 ألفا وهم أصحاب الوظائف القيادية العليا وألمح الي إن المشروع لايطبق علي الوظائف الاستشارية والقضاة والسلك الدبلوماسي الأوائل في الخارج يستلموا الجواب ويسلموه في جهة العمل ويستوفوا الأوراق ويستلموا إقرار القيام بالعمل كل ده خلال 60 يووووووووم ... من الآخر أنا حاسس إن الناس اللي في الخارج هيفضلوا يسئلوني السئوال ده لغاية ما الـ60يوم يخلصوا !!!!!!!!!!!!! |
دكتور عبد الرحمن حضرتك ليه مش بترد على أسئلتي؟
|
هل ينفع يا دكتور التظلم لو جه التعيين خارج مدينتي؟ وإزاي نقدم التظلم
هل الجواب هيجي فيه المديرية اللي هنشتغل تبعها وهى توزعنا ولا هيكون فيه المكان بالظبط؟ هل ينفع نقدم التظلم في نفس اليوم لأني من خارج القاهرة |
أرجو من الدكتور عبد الرحمن توضيح :
إزاي كل الأوائل هيستلموا العمل في يوم واحد ؟؟؟؟ وما معنى ما قيل في الأهرام :( وأكد أن اجمالي تكلفة هذه التعيينات600 مليون جنيه يتم ادراجها في السنة المالية المقبلة والتي تبدأ في يوليو 2012 ) |
عندى ليكوا خبر يا جماعة
موقع الجهاز المركزى فتح تانى اخيررررررررررررررررررررررررررررررررررررررررررررررر رررا ولو انه يعنى الكتور عبد الرحمن مش مخلينا محتاجين نسال على حاجة |
بشأن الاجراءات الخاصة بتعيين أوائل الخريجين صرح الدكتور صفوت النحاس رئيس الجهاز المركزى للتنظيم والإدارة بأنه سوف يتم تسليم خطابات ترشيح اوائل الخريجين دفعات 2003 حتى 2010 يوم 23 -12 -2011 كما سيتم اخطار الجهات التى تم ترشيح الاوائل عليها بكشوف المرشحين لاستصدار قرارات التعيين تعيين الأوائل من السبت 24/12/2011 .. وجدول زمني لاستلام الخطابات تاريخ الاستلام اسم الجامعة 24/12/2011 بنى سويف دمنهور المنيا 25/12/2011 كفر الشيخ جنوب الوادي سوهاج 26/12/2011 عين شمس أكاديمية الفنون أكاديمية السادات 27/12/2011 المنوفية 28/12/2011 القاهرة 1/1 /2012 بنها 2/1/2012 طنطا 5/1/2012 إسكندرية أسيوط 8/1/2012 بورسعيد قناة السويس 9/1/2012 الزقازيق الفيوم 10/1/2012 المنصورة 14/1/2012 حلوان جامعة الأزهر سيتحدد الموعد لاحقا كما أكد سيادته انه على الخريج أن يتسلم خطاب الترشيح للوظيفة بنفسه ولن يقبل عنه من ينوب أو بتوكيل وسيبدأ إرسال الترشيحات إلى جهات التعيين قبل استلام الخريجين خطابات الترشيح وللخريج الحق في التظلم بما يخص فقط المحافظة التي تم التعيين عليها خلال 10 أيام من استلام خطاب التعيين من الجهة الحكومية وسيبت في التظلم فورا من قبل الجهاز في يوم تسليمه للجهاز. وسيفتح الجهاز أبوابه لمدة شهر لمن لم يتسلم خطاب ترشيح الوظيفة في الميعاد المحدد بالجدول الزمني ويسقط حق الخريج في الوظيفة ما لم يتسلم خطاب التعيين بعد 60 يوما منذ استلامه خطاب الترشيح .. يخرج من هذا المشروع أوائل الكليات التي يخضع خريجوها للتكليف " الأطباء وأطباء الأسنان والصيادلة والتمريض |
اقتباس:
واطمع ان تستبدل كلمة من الخارج بكلمة على حسابهم الخاص لما ينتابها من لبس ان تكون من خارج القطر المصرى شكرا |
انا حاصل على ليسانس تربيه قسم تاريخ من جامعه اسيوط لسنه2008 وقد حصلت على الترتيب الاول على القسم بمجموع82.89%
ولكن ترتيبى الواحد والعشرين على الكليه علما بأن العشرين حاصل على 82.90% يعنى فرق واحد من مائه فى المائه ليه هما ما اختاروش الاوائل من كل قسم والله العظيم ده حراااااااااااااااااااااااااااااااااااااااااااام |
اقتباس:
عموما ماشي بس ابقوا افتكروني بالدعاء .. مش هنا !!! لأ وانتم بتصلوا يعني أنا مش عاوز أسمعه .. |
يادكتور عبدالرحمن ده سؤالى الاخير عشان ان بجد ازعجتك معايه لكن سعة صدرك هى التى خلتنى اسأل كتير
دلوقتى كلية دار العلوم جامعة الفيوم باعته الكشوفات بالمكرر يعنى مثلا دفعة 2004 فيها 29 اسم وعلى فكرة ده فى الحصر الجديد السؤال كالتالى هل يحق لى ان اتظلم لانه تم استبعادى من الكشف واستند الى كشف كلية دار العلوم ولا لا فيه نقطه كمان حضرتك قلت انهم هايعينوا 20 اسم فقط على موقع الاكاديمية فى الحصر الجديد كلية التربيه جامعة طنطا فى المساسل رقم 20 فيه 20 اسم متساويين فى الدرجة يعنى الدفعة كلها 40 اسم فى الكشف كل ذلك ان حدث وقام النحاس بتعيين المكرريين مايطنيش الحق فى التظلم ارجو الرد .................................................. ......... وشكرا لك . |
السلام عليكم و الرحمة الله يا
دكتور عبد الرحمن لي استفسار اتمني ان يرد علي و هو انني تم تعيني بالفعل في التربية و التعليم مؤخرا و الحمد لله و لكني من ضمن المدرجين في كشوف الأوائل و سؤالي هل سيكون لي خطاب تعيين ام سيتم استبعادي؟ و كيف لي ان اعرف و الأهم لو لي خطاب تعيين ما هي الأمتيازات التي ستكون لي بأذن الله حيث اني سمعت ان من الناحية المادية سيكون المرتب 800 جنيه مع العلم ان مرتبي 616 جنيه بالتربية و التعليم وامتحنت الكادر ارجو الرد يا دكتور اذا سمحت |
على فكرة يا جماعة.. ناس كتير من المغتربين عندهم نفس التساؤلات... يعني بجد احنا اتحرمنا من حقنا سنيييييييين طويلة اتجوزنا فيها وخلفنا وبقى عندنا أطفال في المدرسة وسافرنا واتغربنا.. وبعدين لما البلد (وجزاهم الله خيرا أنا مش بقلل من مجهود المسئولين والله) بس بجد لما أخيرا هيدونا حقنا بيحطونا قدام اختيارات صعبة:
1- السيدات المغتربات مع أزواجهن يتركوا الأسرة الحبيبة لمدة 6 أشهر ده إذا الإجراءات مشيت بالمسطرة من غير أي تعقيد ومحصلش في البلد أي مشكلة بسبب ...... بلاش اراء سياسة هنا. 2- الرجال المغتربون واللي ما صدقوا لقوا فرصة عمل في الخارج وفي منهم اللي أسس أسرة.. لما ييجي ياخد حقه مطلوب منه يهدم الأسرة دي مؤقتا ويسيب اللي وراه واللي قدامه بعد سبع سنوات كفاح مثلا. طيب لماذا لا يعطوا فرصة للمغتربين إنهم يستلموا العمل ولا يباشروا ويعملوا حفظ وظيفة لأن ده حقهم في البلد وبأي شروط أخرى يعني دفع تأمينات وخلافه.. وبكده يبقى أخدنا حقنا وفي نفس الوقت ما هدمناش حياتنا اللي أسسناها خلال سبع سنوات والله تعبنا فيها جدااااااااا.. يعني ازاي أخلي بنتي تسيب مدرستها وأنتقل لمصر وأترك أسرتي لمدة 6 شهور؟؟؟ وده ذنبي إني لم يتم تعييني في الموعد؟؟ شاركوني الرأي خصوصا المغتربات ونشوف ممكن نقدم التماس أو ما شابه..على فكرة أنا كنت هتعين معيدة في كليتي لأني الأولى مع مرتبة الشرف وبالفعل طلع قرار تعييني لكن المحسوبيات لغت القرار وهدموا كل حاجة وما سكتش واشتكيت في الإذاعة والتليفزيون ورحت لحد رئيس الجامعة ولم يساعدني أحد!! والحمدلله لم أيأس وحصلت على تمهيدي الماجيستير وشغالة في الرسالة دلوقتي .. عشان كده أنا حاسة إن من حقي المطلب ده وهو إني أحفظ وظيفتي وأحصل عليها من غير أذى.. |
يا استاذ عبدالرحمن ياريت تفيدنى لو سمحت انا اسمى اتبعت للتنظيم والادارة بس انا رقم عشرين مكرر ومفيش فى الكشف مكرر غير فىر قم عشرين ولما اتصلت بالتظيم والادارة الموظفة قالتلى ان اسمى فى الكشف بس هما هياخدوا لغاية رقم عشرين بس مع العلم ان من رقم 16 لغاية عشرين نفس نسبتى فهل ممكن يعينوا الخمسة دول وميعينونيش مع اننا حاصلة على نفس نسبتهم بس هما سابقينى فى الترتيب الابجدى ؟ ولو حصل ده واتعين الخمسة دول اقدر اعمل ايه لان ده حقى لانى جايبة نفس نسبتهم ؟ مع العلم يادكتولر انى قريت فى صفحات كتير ان النحاس قال ان التكرار مسموح بس فى رقم عشرين فلو الكلام ده صح ياريت تاكدهولى لان معنى كده ان الموظفة هى اللى مش عارفة؟ ويارب يجزيك كل خير يا دكتور ياريت تطمنى
|
يا استاذ عبدالرحمن ياريت تفيدنى لو سمحت انا اسمى اتبعت للتنظيم والادارة بس انا رقم عشرين مكرر ومفيش فى الكشف مكرر غير فىر قم عشرين ولما اتصلت بالتظيم والادارة الموظفة قالتلى ان اسمى فى الكشف بس هما هياخدوا لغاية رقم عشرين بس مع العلم ان من رقم 16 لغاية عشرين نفس نسبتى فهل ممكن يعينوا الخمسة دول وميعينونيش مع اننا حاصلة على نفس نسبتهم بس هما سابقينى فى الترتيب الابجدى ؟ ولو حصل ده واتعين الخمسة دول اقدر اعمل ايه لان ده حقى لانى جايبة نفس نسبتهم ؟ مع العلم يادكتولر انى قريت فى صفحات كتير ان النحاس قال ان التكرار مسموح بس فى رقم عشرين فلو الكلام ده صح ياريت تاكدهولى لان معنى كده ان الموظفة هى اللى مش عارفة؟ ويارب يجزيك كل خير يا دكتور ياريت تطمنى
|
بلاغ الى النائب العام ضد الدكتور صفوت النحاس يتهمه بالتلاعب والتحايل على قرار مجلس الوزراء بتعيين ال20 الاوائل
|
ياجماعة رجاءا اللى يعرف نص قانون تعيين ال20 الاوائل ياريت يبلغنى به عشان اعرف اذا كان القانون بياخد المكررين ولا لا لانى ان شاء الله بناءا على القانون هذا ساتقدم ببلاغ الى النيابة العامه اتهم رئيس جامعة بنى سويف وعميد كلية الحقوق بالتلاعب فى كشوفات ال20 الاوائل حيث ان هناك كشفين كشف يقول انى من ال 20 وكشف يقول لا القرار بتاع مجلس الوزراء جاء نصه صريحا بتعيين ال20 الاوائل لم يقل تعيين 20 اسم مم يتيح لى ان اتهم الدكتور النحاس امام النائب العام بعدم تطبيق وتنفيذ قرار مجلس الوزراء او بمعنى ادق مخالفة قرار مجلس الوزراء ........................................... وباذن الله لو رحت يوم السبت وماخدتش الجواب هاطلع على النائب العام لانى مع الدليل بانى من ال20 الاوائل ولم اخد جواب الترشيح
|
شكرا د عبد الرحمن للرد على استفسارتنا وربنا يجعله فى ميزان حسناتك يارب كنت عايزة اسئل حضرتك على حاجة هما فى التنظيم والادارة هيلحقوا يوزعوا الجوابات كلها على الاوائل فى نفس اليوم ولا ممكن نروح ومنلحقش نستلم لانهم هيخلصوا الساعة 2 وممكن يقولوا تعالوا بكرة علشان الزحمة لان حضرتك عارف الاوضاع عملة ازاى فى مصر ومينغعش نروح ونرجع ع الفاضى
|
السلام عليكم ورحمة الله وبركاته ..
إخواني وأخواتي أوائل جامعات مصر وبذرة علمائها .. أيام قلائل وكل واحد يعرف آخرة تعبه سنين الدراسة ونتمنى أن يكون التكريم على مستوى الحدث .. ونتمنى نحن أيضا أن نكون على مستوى الحدث .. وأقصد بأن نكون نحن على مستوى الحدث أي أن يتعهد كل واحد بينه وبين الله في خشوع أن يثبت للجميع أنه جدير بالمكان الذي وضع فيه وأن مصر قد أنجبت جيلا متميزا هو في الحقيقة امتداد لأجيال عباقرة مصر السابقين .. لا يوجد من هو افضل منكم علما وعقلية في مصر .. فأثبتوا جدارتكم واستعينوا بطاعة الله واجعلوه عونا لكم فلربما تأتون بعد سنوات وتجلسون مكاني هنا وتأخذون بأيدي خريجين أوائل جدد وتلقون منهم دعوة في قيام الليل هي أفضل لكم عند الله من كل أعمالكم .. أحب أنوه لكم أن مجتمعكم الجديد ليس ورديا بل إنه كأي من مجتمعاتنا التي عانت عصر ظلام وفساد وظلم .. فستجدون على المكاتب بجواركم من يأخذ بيدك أو من يحقد عليكم وعلى تفوقكم ومن هو أعلى منك مرتبة وأقل منك علما وستجدون من يحاول إقصائك وآخر يقف في وجه طموحاتك .. ولكن أيضا ستجد من يرفع شأنك ويجد نفسه صغيرا بقربك .. ومن يحترمك ويعليك بالرغم من أنه يكبرك بسنوات عديدة .. إنها الدنيا .. فيها من ظَلم ومن ظُلم .. فحاولوا ان تتقربوا لهذا وذاك وتأخذوا بيد القليل ليكبركم وتستعينوا بالكبير ليعليكم .. وتواضعوا يعلو شأنكم بينهم وعاملوا الله في أنفسكم .. يعاملكم الناس فيه .. وبالنسبة لنوعية الوظائف أنا لي رأي هنا .. أولا فيه تصنيف نوعي لكل وظيفة .. والناس عارفة كده من الأول .. يعني خريج سياحة تصنيفه أخصائي سياحة وخريج هندسة تصنيفه مهندس والتربوي تصنيفه مدرس أوأخصائي تعليم .. القصة بس في التوزيع على أماكن التعيين .. يعني معلش مايجيش حد يقوللي أنا مهندس واتزعت مهندس ليه بس !!!!! طبعا هو المهندس كان عاوز يتعين إيه.؟؟؟ نفس الكلام لإخواننا التربويين .. اللي كتير منهم زعلان إنه هيتعين في التربية والتعليم .. أمال لما حضرتك دخلت الكلية كنت ناوي تطلع إيه؟؟؟؟؟ أما بالنسبة للناس اللي كان أملها أن تكون هناك تعيينات جامعية كمعيدين وهكذا إحنا قلنا من زمان إن الكلام ده مش هيحصل ضمن تعيينات الأوائل ولازم يكون بإعلان لأن ده هو قانون الجامعات ومعلش نستلم وظايفنا ونكمل دراسات عليا والبلد كل شوية بتنزل فيها إعلانات والجامعات بتطلب والبلد بتتغير للأحسن بإذن الله .. متستعجلوش وإرضوا بالواقع ولإن شكرتم لأزيدنكم .. ربنا هيزيد بس انت اشكر واسعى .. واسأل مجرب !!!!! موضوع أخير كلنا ياريت نحسب حسبتنا كويس وخصوصا الناس اللي شغالة زي المعلمين أو الناس اللي شغالة بره مصر ياريت تراعي حاجتين مهمين : الأولى : خلي نظرتك أوسع وأبعد ماتبصش تحت رجليك .. انت لما بتقرر انت بتقرر في مستقبل أولادك وحقوقهم .. يعني فكر وحاسب نفسك قبل ماتتحاسب وتاخد من تحتك لفوقك بعد كده .. الثانية : ياريت ماتحاولش تتدخل في اختيارات حد لا تؤثر عليه بأن يرفض أو يقبل .. انت انصح واصمت وخليه يختار حتى لو طلب منك الاختيار قولله انت أدرى .. دي يا جماعة مسئولية مش قليلة ماتخليش حد يدعي عليك بعد كده .. واخلي مسئوليتك أمام الله .. أخيرا .. وأنا عارفكم صدعتم .. اتمنى أن لا تنسوا بعضكم وأن تتشاركوا مع بعضكم البعض .. ولازم نتعاون بعد كده لأننا كل مابيعدي الوقت بتكون فرصة اكبر لامتداد الموده بينكم .. وأنا عن نفسي دائما هاكون تحت أمركم على صفحتي الشخصية أو هنا أو في أي مكان لو الناس حابة تستفسر عن أي حاجة تخص تخصصاتها .. وكده كده هاكون مع الناس بتوع أول يوم يوم السبت 24 /12 أمام التنظيم والإدارة رايح مع ناس اقربائي .. واليوم أنا باطلب طلب وحيد منكم كنت طلبته في أول يوم بدأت فيه المشاركة في هذه القضية منذ تسعة أشهر .. وهوا أنا أكرره في أواخر أيام القضية .. أتمنى انه لو مر ذكري على بالكم أن تذكروني بالدعاء بالخير .. راجيا من الله أن يرزقني الخير من دعائكم .. بسم الله الرحمن الرحيم رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى القَوْمِ الكَافِرِينَ. صدق الله العظيم |
د. عبد الرحمن لو سمحت انا متثبته فى التربيه والتعليم لسه السنه دى ومن الاوائل هل هيطلعلى جواب ترشيح ولا هتنكسل
ولو طلع هيطلع فين وايه ماهو مدرسه برضه يبقى انا ماليش لزمه فى تعيين الاوائل ولا ايه |
ياريت تفيدنى يادكتور لانى اول يوم وخايفه جدااااااااا
وهل فى موقع هتنزل عليه اماكن التوزيع قبل مانروح القاهره وهو انا لو اتصلت بيهم بالتليفون ممكن يقولولى انا اتوزعت فين ولا لا |
ياجماعة رجاءا اللى يعرف نص قانون تعيين ال20 الاوائل ياريت يبلغنى به عشان اعرف اذا كان القانون بياخد المكررين ولا لا لانى ان شاء الله بناءا على القانون هذا ساتقدم ببلاغ الى النيابة العامه اتهم رئيس جامعة بنى سويف وعميد كلية الحقوق بالتلاعب فى كشوفات ال20 الاوائل حيث ان هناك كشفين كشف يقول انى من ال 20 وكشف يقول لا القرار بتاع مجلس الوزراء جاء نصه صريحا بتعيين ال20 الاوائل لم يقل تعيين 20 اسم مم يتيح لى ان اتهم الدكتور النحاس امام النائب العام بعدم تطبيق وتنفيذ قرار مجلس الوزراء او بمعنى ادق مخالفة قرار مجلس الوزراء ........................................... وباذن الله لو رحت يوم السبت وماخدتش الجواب هاطلع على النائب العام لانى مع الدليل بانى من ال20 الاوائل ولم اخد جواب الترشيح
|
الحقنى يادكتور . انا كتبت فى الرغبات 3 محافظات مش واحده بس دى فيها مشكله ياريت تطمنى بسرعه علشان انا مسافر وعايز الحق اتصرف لو فيه مشكله
|
الساده اوائل الخريجيين المحترمين والمستبعدين من كشوفات العشرين لانهم مكررين اوكد لكم اننا اصحاب حقوق اكيده فى مشروع تعيين اوائل الخريجين الصادر بجلسة مجلس الوزراء رقم 15 بتاريخ 16/6/2011 والزم الجهاز المركزى للتنظيم والادارة بتنفيذه واتخاذ الاجراءات الازمه
احب ان اعرفكم ان القرار صدر بتعيين ال 20 الاوائل لم يقل 20 اسم ولم يقل 20 مركز بمعنى ان الكشوفات المرسله من الكليات يجب على الجهاز المركزى للتنظيم والادارة الالتزام بها عندما ذهبت الى الجهاز المركزى بالقاهرة قال احد المسؤلين ان الجهاز سيعين 20 اسم فقط وعندما واجهته بكشف كلية دار العلوم دفعة 2004 فى الحصر الجديد الذى يحتوى على 29 اسم قال لى اللى هاييجى هانعينوا وواجهته ايضا بكشف كلية التربيةدفعة 2009 جامعة طنطا الذى يحتوى على 15 اسم فى المركز رقم 20 اى الاجمالى 35 اسم قالى احنا بنعين حسب الكشف الجديد . ذهبت الى كلية الحقوق ببنى سويف وقابلت مديرة شئون الخريجيين قلت لها هناك كشفين كشف يقول انى من ال20 واخر لا قالت انا بنفذ الاوامر قلت لها لكن الجهاز قال الى هييجى هانعينوا قالت احنا بعتنا الكشف بال20 الاوائل اما الكشف الجديد ليس ال20 الاوائل قلت لها دا يبقى تزوير قالت احنا بنفذ اوامر الذى ساتخذه كالتالى : 1- ساتوجه الى النائب العام اتهم الدكتور صفوت بالتحايل والتلاعب بكشوفات اوائل الخريجيين ومخالفة قرار مجلس الوزراء بتعيين ال20 الاوائل 2- ساتوجه الى المحامى العام لنيابات بنى سويف وهيئة النيابة الادارية وهيئة الرقابة الادارية اتهم كل من عميد كلية الحقوق ببنى سويف ومديرة شؤن الخريجين بتغيير الكشوفات وتبديل المراكز كل من ظلم من هذا القرار فليقم بهذه الاجراءات ومن اراد ان يتضامن معى هذه بياناتى : عمرو يحيا حسن محمد كلية الحقوق بنى سويف دفعة 2007 موبايل 01228435543 |
اقتباس:
|
ان شاء الله هنفضل ندخل المنتدى هنا بعد التعيين
والله حضرتك هونت علينا حاجات كتييير وتعبنا حضرتك من كتر الاسئلة المكررة ومهما قولنا مش هنجازيك على صبرك معانا ربنا يجعل كل دا في ميزان حساناتك وبعد إذنك يا دكتور حضرتك عندك فكرة عن الوظائف اللي ممكن تكون متاحة لحاسبات ومعلومات؟؟؟؟؟؟؟؟ |
الرجاء من الدكتور عبد الرحمن الاجابة على استفساراتنا و بعد ذلك الاختيار لنا واحنا هنتحمل مسؤلية هذا الاختيار وشكرا
وربنا يجعله فى ميزان حسناتك باستلام الأوائل خطابات الترشيح من مقر الجهاز المركزي للتنظيم والإدارة من المكان الذى سلمنا فيه الرغبات ولامن الجهاز المركزي للتنظيم والإدارة بالقاهرة؟ هتكون هناك الساعة كام(انا منياوى زيك) لي استفسار اتمني ان ترد علي و هو انني تم تعيني بالفعل في التربية و التعليم مؤخرا و الحمد لله و لكني من ضمن المدرجين في كشوف الأوائل و سؤالي هل سيكون لي خطاب تعيين ام سيتم استبعادي؟ و كيف لي ان اعرف و الأهم لو لي خطاب تعيين ما هي الأمتيازات التي ستكون لي بأذن الله حيث اني سمعت ان من الناحية المادية سيكون المرتب 800 جنيه مع العلم ان مرتبي الحالى 616 جنيه بالتربية و التعليم وامتحنت الكادر ومن اوائل دفعت 2003ارجو الرد يا دكتور اذا سمحت |
رجاء ياجماعه
ان شاء الله الاخوه اللي هايستلمو ا من يوم السبت يقولولنا ايه الاخبار وكل واحد يبقي يقولنا كليته ايه وخطاب الترشيح بتاعو لأي وظيفه وربنا يطمن الجميع ان شاء الله |
الاستاذ الفاضل الدكتور عبد الرحمن لك كل التحية والتقدير
================================ انا بسأل امتي نتيجة تقديمات اوائل الازهر العشرين في التنظيم والادارة .. شكرا لك |
انا اتصلت بالتنظيم والادارة انهارده الصبح قالولي نتيجة اوائل التربية والتعليم يوم 9_1_2012
لكن نتيجة اوائل الازهر لسة مش عارفين يريت لو حد يعرف يقولي ؟؟؟ شكرا لكم |
وهنستلم جواب التعيين من التنظيم والادارة التابع للمحافظة اللي قدمت فيها ولا من مصر المقر الرئيسي
|
اقتباس:
اقتباس:
اقتباس:
اقتباس:
اقتباس:
اقتباس:
سيكون لك خطاب تعيين لو انت هتتعين في التربية والتعليم يبقى يبقى الحال على ماهو عليه .. ماديا ومعنويا .. أما لو هتتعين في مكان تاني يبقى مرتبك حسب جهة التعيين .. |
الوضع ايه بالنسبة لاوائل الازهر العشرين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
|
ياريت تفيدنى يادكتور فى استفسارى انا رقم عشرين مكرر ولا يوجد مكرر ين فى الكشف معادا رقم عشرين وعندما سالت الموظفة قالتلى انهم هياخدوا لغاية عشرين بس مع ان اسمى موجود وهى شفته وبكده خمسة جايبين نفس نسبتى هيتعينوا وانا لا ياترى اعمل ايه وهل اروح فى يومى ولا اعمل اييه وكده من حقى اتعين ولا لا؟ ياريت تطمنى يا دكتور
|
معلش خبر طارئ ممكن يلخبط حسابات الكل ..
على مسئوليتي الشخصية ... صفوت النحاس اليوم استدعى مندوب من كل فرع من مديريات التنظيم والإدارة بالمحافظات لاستلام كشوف وخطابات أوائل كل جامعة بحيث يتسلم اوائل كل جامعة جواباتهم من محافظاتهم .. أن عارف إن الكلام ده هيلخبط حسابات ناس كتير والناس هتدايق وتقول حجزنا وخلاص وخصوصا أوائل محافظات الصعيد .. المندوبين متواجدين انهاردة بالفعل في التنظيم والإدارة بالقاهرة في اجتماع وسبب ده إن النحاس خاف مع اضطرابات البلد ومشاكل القاهرة أن لا يرضى الاوائل بوظائفهم ويتجمهروا امام جهاز التنظيم والإدارة .. فتعمد أن ياتي مندوب وياخذ جوابات الترشيح لكل محافظة على حده .. أو على الأقل يأخذ كشوفات الأماكن المعين بها أوائل كل محافظة وكل واحد يشوف مكان تعيينه في بلده .. ويبقى يسافر لاحقا لاستلام الجواب أو ينتظر وصول الجواب بعد إسبوعين على محافظته .. الكلام اللي وصلني وأنا متأكد منه جدا أنا قلته .. ومع ذلك دعونا ننتظر حتى المساء لنعلم نتائج الاجتماع مع مندوبي المحافظات .. وهل أتو بالجوابات أم بالكشوف أم ماذا !!!!! مع تحياتي د.عبدالرحمن المنياوي |
وبالنسبة لاوائل الازهر ليه محدش بيرد عليا ااااا :(((((((((((((((((((
|
:( :( :( :( :( :( :( :( :( :( :( :(
|
هل من مجيب ..........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ظ
|
يعنى كده بإذن الله حناخد الجواب من مقر التنظيم والادارة بمحافظتنا ؟؟؟؟؟؟؟؟؟؟؟؟؟؟؟؟؟؟ ألف شكر يا استاذ عبد ارحمن بجد ربنا يجازيك خير
|
جميع الأوقات بتوقيت GMT +2. الساعة الآن 11:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.