|
اقتباس:
واذاى اقدر اتميز فيه عن غيرى مع العلم انى مش بميل للمجال ده وكان نفسى فى حاسبات ومعلومات فى الاكاديميه ايضا |
ممكن اعرف كل المعلومات عن كلية الهندسه فى جامعة النيل و الجامعه البريطانيه من حيث سعر الدراسه و مكان الجامعه و التخصصات والفرق بين جامعة النيل و الروسيه و البريطانيه حيث ان هناك فارق كبير فى الاسعار |
اقتباس:
طبعاً العملية مش وردية زى مانتا متخيل يعنى .. الموضوع محتاج تعب وشغل يعنى ايه تعب وشغل ؟ .. يعنى مذاكرة عشان تجيب تقدير .. وفى نفس الوقت تمنى نفسك من خلال الكورسات والتدريب اقتباس:
1- التقدير الدراسى : دا مهم جدا .. وماتسمعش كلام الناس اللى بتقولك تقدير ايه ياعم صلى ع النبى المهم الخبرة اهو دا كلام احباط ومالوش أى اساس من الصحة .. التقدير بيفيدك فى انك لما بتيجى تقدم لشغل على الاقل بيبقى منظرك حلو ضيف لدا ان فى بعض الجهات مابتقبلش اقل من تقدير معين يعنى عندك مثلا البنك المركزى مابيبقبلش اقل من امتياز زائد انه لازم يعدى من الاختبارات عندك 90% من البنوك فى مصر مابتقبلش اقل من تقدير جيد .. والافضلية للجيد جدا طبعا (الا اذا كان ليك واسطة) بمعنى اصح .. التقدير بيميزك عن زميلك اللى لسه متخرج معاك فى الحصول على وظيفة محترمة فى مكان محترم بمرتب محترم بعد مابتشتغل بتبتدى تاخد خبرة .. فلما بتتنقل من مكان لمكان ساعتها مابيبتبصش للتقدير على قد مابيبتيص انتا اشتغلت فين قبل كدا وطبيعة شغلك كانت ايه وقد ايه ومن امتى لامتى والتقرير السنوى بتاعك تقديره ايه .. وهكذا فالخلاصة ان التقدير الدراسى فى الجامعة بيخليك تحط رجلك فى شغلانه كويسة ومن خلال الشغلانه تبتدى تاخد خبرة وتتنقل لمكان احسن لان طبعا انتا عمرك ماهاتستمر فى مكان واحد طول عمرك .. خاصة فى ظل القطاع الخاص 2- الكورسات : الكورسات دى من أهم الحاجات اللى لازم لازم لازم تعتمد عليها الكورسات عموما فى مجال ادارة الاعمال بتتلخص فى حاجتين او تلات حاجات كورسات لغة - كورسات متخصصة (بنوك-استثمار-بورصة .. الخ) - كورسات دولية بالنسبة لكورسات اللغة دى أكيد مافيش اختلاف عليها انك لازم يبقى معاك لغة واللغة مش مجرد كتابة وشوية جرامر على امتحان تويفل .. لا اللغة يعنى انك تتكلم وتمارس اللغة هاتقولي ياعم مش مهم ماهو لما باجي اقدم فى شغل بيعملوا امتحان انجليش واي كيو فى السريع كدا هاقولك انتا نسيت محطة الانترفيو .. بيبقى بالانجليش وساعاتها بتتكشف انتا بتعرف تتكلم ولا لاء بالنسبة للكورسات المتخصصة .. دى بقى على حسب مانتا دماغك مودياك فين اذا كان مثلا دماغك فى البورصة ووجع الدماغ وحرق الدم والضغط والسكر يبقى عليك وعلى البورصة نفسها .. بيقدموا هناك كورسات فيها بس غالية شويتين اذا كان دماغك فى الاتصالات وخدمة العملا يبقى عليك وعلى كورسات الداتا بيز والاوراكل .. الخ اذا كان دماغك فى البنوك يبقى عليك وعلى التدريب فى البنوك او المعهد المصرفى وهكذاااااا .. اقتباس:
كله بيخش عشان مجموعه زنقه ودخله الكلية دى ودا مش بيقلل من قيمة الكلية طبعا .. بس المشكلة انها محطوطة فى النص .. بين كليات القمة العالية (طب - هندسة - السن - اعلام .. الخ) والكليات اللى تحت (حقوق وآداب .. الخ) عشان كدا بيسموها كلية الشعب .. فدا مش تقليل من قيمتها .. الكلية والمجال ذات نفسه حلو ومفتوح جدا بس للى يعرف يسلك طريقه بنفسه ويتميز فيه |
السلام عليكم
ياريت اعرف رأيكم فى المعهد العالى للهندسه 6 اكتوبر وياريت معلومات عنها |
اقتباس:
او تقدر تقول 40 الف بعد مصاريف التقديم والحاجات التانية جامعة النيل : المبلغ بصراحة مش معروف بالظبط بس هوا فى حدود الـ 60 الف اقتباس:
جامعة النيل : مقرها المؤقت فى القرية الذكية و المقر الدائم فى الشيخ زايد الله اعلم بقى اتنقلوا ولا لسـه اقتباس:
جامعة النيل : حاسبات - اتصالات - صناعة اقتباس:
1- اتفاقيات الشراكة بين الجامعات : عندك مثلا جامعة زى جامعة النيل عاملة اتفاقية مع جامعة مينيسوتا وميامى ودول جامعتين فى امريكا مافيش خلاف عليهم .. جامعة مينيسوتا واخده السابع ع العالم .. وميامى الـ 198 ع العالم http://www.webometrics.info/top12000.asp وطبعا من المؤكد ان الشهادة نفسها بتبقى معتمدة منهم عشان كدا تلاقيها هيا أعلى سعر بالنسبة للجامعة البريطانية فهيا عاملة اتفاقية شراكة مع جامعة لوفبروف ودى تصنيفها الـ 542 ع العالم .. فانتا لما بتاخد الشهادة بتبقى معتمدة ومعادلة منهم .. شهادة مزدوجة يعنى معتمدة من وزارة التعليم العالى ومعتمدة من الجامعة اللى معمول معاها اتفاقية الشراكة الجامعة الروسية بتقدم شهادة مستقلة .. بس فى نفس الوقت بتدى فرصة للمميزين فى انهم يكملوا تعليمهم فى روسيا فى الجامعات اللى برده معمول معاها اتفاقيات شراكة زى سان بطرس برج و موسكو 2- البرامج الدراسية : بالنسبة لجامعة النيل .. اول ماتعملت اصلا ماكانتش معمولة للطلاب كانت للبحث العلمى فقط .. وللخريجين اللى جايبين جيد جدا وامتياز وفى تخصصات معينة واغلبها فى مجال الاتصالات من اول السيمستر بتاع 2009/2010 دى كانت بداية افتتاح برنامج الطلاب من خريجى الثانوية العامة وهنا بتتضح اهمية الجامعة وسر غلو مصاريفها بالنسبة للجامعة البريطانية فااكيد برده هاتلاقيها مستمدة مناهجها من المناهج البريطانية وكذلك الجامعة الروسية 3- تاريخ انشاء الجامعة : تاريخ انشاء الجامعة بيبقى مهم جدا .. لان كل ما الجامعة كانت لسه جديدة كل ماكانت لسه مش معروفة ودا بيفسر سر رخص المصاريف فى الجامعة الروسية نوعا ما عن غيرها ودا لانها منشأة من عهد قريب من سنة 2006 تقريباً |
اقتباس:
|
اقتباس:
فيه المعهد العالى للهندسة المعمارية بـ 6 اكتوبر وفيه المعهد العالى للهندسة بـ 6 اكتوبر (ابقى حددى) اني واى .. خلينا فى المعهد العالى للهندسة دا فيه 4 اقسام .. مدنى - حاسبات - ميكاترونيكس - صناعية مصاريفه حوالى 6500 الاربع اقسام متعادلين من المجلس الأعلى للجامعات .. يعنى بيدوا درجة بكالوريوس من ناحية بقى هوا حلو ولا وحش .. انا مش متخصص فى الحوار دا عشان اقولك بالظبط لكن المعظم لما بييجى يرتب المعاهد من فوق لتحت بيبتدى بالمعهد التكنولوجى العالى بالعاشر بعديه مودرن اكاديمى .. بعديه الشروق .. بعديه 6 اكتوبر اللى فى مدينة الثقافة والعلوم (اللى انتى بتسألى عنه) وتختلف الاراء بقى بين الكام معهد دول |
اقتباس:
انتا للأسف ماشيدتش حيلك فى سنة تانية ماتفضلش حاطط ايدك على خدك وتقول انا مش هاخش معهد ولا كلية .. انا زعلان .. انا متضايق ابتديها جد من اول سنة تالته .. واتعب عشان تعرف تعوض وتعلى من مجموعك ودايما خليك فاكر .. اللى بينفع بينفع نفسه .. والكلام دا ياما اتقالى ساعة لما كنت فى الثانوية العامة زيك كدا وحتى فى الجامعة اهو .. وأدينى على مشارف التخرج ان شاء الله وبدأت اجنى ثمار الكلمة دى لان فعلا اللى بينفع بينفع نفسه انا مش هاديك درس فى التقوى والصلاح عشان ماتقولش عليا انتا راجل خنيق بس شد شوية على نفسك عشان تعرف توصل للى انتا عايزه .. وربنا معاك يا ريس |
اقتباس:
وهعيد السنة .. ع مادة الجيولوجيا فقط ولو هذيد ممكن 5% بس ف المجموع انا بس عايز اطمن السنة الى جاية هل هدخل معهد خاص ولا لأ . انا عارف انى بتقل عليك .. بس حابب أخد رأيك |
السلام عليكم
جزاكم الله خيرا ع هذا المجهود الكبير ربنا يكرمك ممكن اعرف ايه الفرق بين معهد هندسه زى الشروق والعاشر واكتوبر وكدا وبين كليه هندسه زى الى ف جامعه 6 اكتوبر وجامعه سينا لان فرق المصاريف كتير اوى لكن ف النهايه مش نفس الشهاده؟؟! بكالوريوس هندسه ولا ايه ؟! |
اقتباس:
ياريت اعرف اقسامه ومواده وايه الكورسات اللى ممكن اخدها علشان تساعدنى فى الدراسه وكده وهى الدراسه كلها انجلش ولا ايه؟؟؟ |
انا انشاء الله رايح سنة ثالثة ثانوي وجبت في الصف الثاني 74% وعايز اكمل علمي رياضة لكي ادخل هندسة الخاصة .فما هو مجموعها
وهل انشاء الله اقدر اجيبه مش صعب |
السلام عليكم
التوبيك فكرتو جامده جدا اهنيكو عليه انا اسماء جايه من السعوديه والتنسيق جابلي علوم طنطا وانا من طنطا ومقلقه من علوم وكان نفسي ادخل خاص علاج طبيعي كنت حابه حد يقولي ايه الكليات الخاصه اللي فيها علاج طبعي ؟ |
مع العلم ان السنه دي فراغ اه بس المغتربين اللي زي حالتنا ما استفادوش منو باي حاجه بالعكس حطملنا مستقبلنا زياده عليه القدرات اللي حطوهالنا دي واللي نزلت المجاميع بتاعتنا للأرض
|
ممكن حد يفدني بالله عليكم هندسه الشروق بتأخذ من الدبلومات الخمس سنوات انا جايب 87.5 وملحقتش هندسه ممكن اخشه ولا ايه ممكن بالله عليكم حد يرد من أصحاب الخبره وانا عارف اني الموقع فيه كتير من اصحاب الخبره شكرا جزيلا
|
| جميع الأوقات بتوقيت GMT +2. الساعة الآن 07:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.