لا صداع ولا حاجة يا هندسة

الشيت بتاع الرياضة المعيد قلنا حلوه فى ورق نضيف خارجى
وقلنا لو فى حاجة وقفت معاكوا هاتوها وهو يحلها معانا
عشان قال ممكن ميقدروش يلموها كلها

بس انت قصدك ايه على اسكتش الميكانيكا ده والفيزياء

الكتب يعنى ولا ايه:romarioxp6:

كويس يا ايمى انك فكرتينى بالجدول انا انهاردة حضرت محاضرة انتاج من الساعة 3:45 والجدول اتعلق بعها وانا وده الجدول :
الفترة الاولى (8:30 -9:50 )
الفترة التانية(10- 11:20 )
التالتة (11:30-12:50 )
الرابعة (1:00 2:20 )
الخامسة (2:30 -3:50 )
السادسة (4 -5:20)
السابعة (5:30 -6:50 )
الثامنة (7 -8:20 )
ومكتوب قبل المواعيد دى
بهدف زيادة فترات التدريس بالكلية ولتقليل كثافة الطلبة فى المحاضرات وزيادة المتاح من اماكن التدريس وبناء على موافقة مجلس الكلية بجلستهبتاريخ 13-10-2009 تم تعديل الجداول الدراسية وذلك اعتبارا من السبت الموافق 17-10-2009

معلش بقى يا جمااااااااااعة
سلام دلوقتى عشان الحق ابيض المحاضرات عشان اوديها بكرة
وحكتب عليها eng_emy
عشان ميحصلش لغبطة
ويااااارب نستفاد كلنا ان شاء الله

لو سمحتم هيا حقوق انسان دي ملهاش حضور ولا سكاشن ومصدر المذاكره منين

:dبقولكم ايه يا بشمهندسين المستقبل
حلوة بشمهندسين المستقبل دى:d:d:d

حضراتكم كدة يعنى ناوين تعملوا ايه فى المادة اللى ما تتسمى دى:bosyht9:
اللى بيقولوا عليها تكنولوجيا الانتاج:bosyht9::bosyht9:

يعنى دى حفظ ولا فهم
ولا ايه نظامها بالظبط:blush:

عشان دكتورة سهير دى مش بفهم منها اى حاجة
وبنام منها
كانها بتدينى تنويم تقططيسى:d:d


وكله كوووووم وحكاية الورشة دى كوم تانى:d

طب البنات ذنبهم ايه فى الحاجات دى:bosyht9:
فى اللحام والسمكرة والخ الخ الخ
يعنى نقول على نفسنا اسطى ولا بلية ولا ايه بالظبط:d:d:d

يعنى ده جزاتى انى دخلت هندسة:angry2::angry2::d:d

ووالله صدقت يا بلال لما قلت عليها انها رخمة

صح قبل ماانسى عشان الزهايمر بس:d:d

انا سمعت ان فى ورق محاضرات ليها فى المكتبات اللى برة الكلية دى

ابقوا اشتروه

وانا حجيبه بكرة ان شاء الله:022yb4:

ولو حد توصل لمعجزةإلهية:d:d فى طريقة مذاكرة المادة دى ياريت يقول

دي الفترات الجديدة:)

بصى ياايمى انا لسة واصلة للطريقة امبارح يعنى قضى نفسك انتى تحضرى المحاضرة وحولى لو سمحتى تفهمى وانسى انك تكتبى وراها مش حتلحقى انتى خدى الكتاب معاكى وقارنى وخططى على بعض الحاجات وممكن تزودى حاجات فى الكتاب بايدك من اللى بتقوله يعنى اعملى فى الكتاب علامات انتى تبقى فاهماها وبردو حتلاقى فى حاجات مش متخيلاها ولا فاهماها لما تروحى الورشة الموضوع بتهيا لى حيكون اوضح (بس مش اوى يعنى ههههههه)
وبالنسبة للعملى انتى اكتبى ورا المعيدين الحاجات اللي بيملوها وركزى اوى مع المعيد وهو بيعمل العملى وحاولى تلاحظى ازاى هو بشتغل على المكنة وتلاحظى شكل المكنة على قد ماتقدرى واكتبى الحاجات اللى انتى لاحظتيها دى والملحوظات اللى المعيد لفت نظركوا ليها وتذاكريها لما تروحى والموضوع كدة بردو يبقى اتحل بنسبة 85 % والباقى ييجى مع الوقت وتساهيل ربنا والمداومة فى المذاكرة
انا عن نفسى بعد كل ده بردو كل ما فتح كتاب الانتاج واجرب اذاكر اتخنق منه واقفله عشان هو اصلا مادة رخمة شوية وعايز الى حد ما حفظ وربنا يستر فيه

انا جربت اعمل كده المحاضره اللى فاتت بس المشكله كانت ان عبات ما كنت بدور على الحتة اللى بتتشرح بلاقى ان في الشرح اللى على البروجيكتور معايا بعد كده بلاقيه راح حتة تانيه خالص بعديها ب3 صفح وبعد كده يرجع تاني وهكذا لغايت ما خلاص .

وبمناسبه الورق بتاع الانتاج اللى بره فى المكتبات ده بكام وفيه كل المحاضرات وحد جابه؟

وكت عايز اسال الشيت بتاع الرياضه ده نحلوا 0 ، 1 فى ورق وهيتعلم برده؟

والميكانيكا نحلوا مسائل وهتتعلم برده ؟ وايه هي المسائل؟

ازيكم يا بشمهندسين وايه اخباركم وايه اخبار كليتنا الجميلة معاكم بجد ديه اجمل كلية فى العالم المهم انا معاكم بس بقالى ياما مبدخلش اكيد نسيوتنى المهم يارب تكونوا كلكم بخير وبجد البشمهندس عبد الرحمن ده ليه منى جزيل الشكر والعرفان بكل اعماله الرائعة ومش عارف الناس زعلانة كده ليه من الكلية وياجماعة الامر سهل خلاص بس لازم يكون قرف فى اوله وبعدين احنا هنبقى مهندسين يعنى اكتر حد بيتعب فى شغله واخر واحد بيروح من الموقع او مكان العمل لانه بيبقى اهم واحد ولازم نستحمل علشان نبقى مهندسين تمام ونعمل حاجة لبلدنا اللى ضايعة ديه مش نبقى جواسيس:slap1qk6::slap1qk6::slap1qk6:
وكمان لو حد متابع اخبار العالم اليومين دول واحدة من اسرائيل اخدت جائزة نوبل فى الكيمياء واسمها كمان عادا يونات يعنى بجد مطلوب مننا نعمل حاجات ياما علشان خاطر بلدنا
وشكرا للكل
اخوكم محمود صادق

ولا مشكلة ولا حاجة انت المهم تركز مع كلام الدكتورة والشرح متركزش اوى مع البروجيكتور بس بردو حاول تتابعه حبة وحبة يعنى وهى بتقول نفس الكلام اللى على البروجيكتور وشوف العناوين فى الكتاب بس وعلم عليها واكتب المهم جنب كل حاجة والمحاضرة دى تقريبا مفيش غير رسمة واحدة اللى مش فى الكتاب والدكتورة قالت انها موجودة فى كتاب العملى وفعلا هى مش بتشرح بانتظام يعنى بتاخد جزء من ادام وجزء من ورا بس وانت بتذاكر ابقى ذاكره بنظام الكتاب

ممكن بس عمليه صعبه شويه او شويتين

بس محدش اتكلم على اللى بره الكليه ده فى المكاتب ده فى تريند ولا فين وبكام وحلو ولا ايه وبييجى منه الامتحان ولا ايه