كملى علمى وخليها على الله .. طالما كدا كدا انتى ناوية تخشي خاص

لكن بخصوص الجامعة الالمانية .. فطبعا الجامعة الالمانية في الصيدلة بالذات مافيش اختلاف عليها

من ناحية بتاخد في حدود كام انا برده ماقدرش اديكى رقم معين لان دا معتمد على التنسيق

والتنسيق زي مابفضل اقول واكرر دا نسبة وتناسب .. بناءا على نسب معينة بيتم قياسها

فمافيش حاجة اسمها ان انا اديكي رقم معين واقولك الجامعة الفلانية بتقبل من كذا

لان لو دا حصل يبقى انا بشتغلك وبفتى .. كل سنة ليها ظروفها ونسب مجاميعها

مصاريفها 32 الف + الحاجات اللي على جنب بقى زي مصاريف التقديم والتأمين والحاجات دى

وعلى فكرة معظم الجامعات دلوقتى بقت ماشية بسياسة الاسعار المتقاربة .. زي السوق كدا

تلاقي مثلا جامعة الاهرام الكندية 33 الف .. اكتوبر 32 الف .. فاروس 33 الف .. المستقبل 33 الف

عندك الجامعة الروسية 24 الف .. بس دي راعى انها لسه جديدة ومقللة في السعر عشان تستقطب الطلبة

طب معلش ممكن اعرف مكان الجامعة الالمانية فين بالظبط

فى القاهرة الجديدة التجمع الخامس .. عند الجامعة الامريكية كدا

16000

مدينة بدر - طريق مصر السويس الصحراوى

مدنى - اتصالات وبحوث فضاء - معدات - ميكاترونيك - طاقة - نووى

عشان انا مابحبش افتى .. دى تقدر تسأل فيها الجامعة نفسها

على حسب المعدل العام للمجاميع .. للأسف ماقدرش اديك رقم معين

معلش يا جماعة انا سمعت ان فى كلية اسمها كلية العلوم التطبيقية فى 6 اكتوبر
ممكن اعرف السنة اللى فاتت خدت من كام الخاص
و لما اتخرج اية شغلتى و فيها اقسام اية
و لو فى الكلية دة فى الجامعة الالمانية او اى جامعة اجنبية

معلش يا فامبير باشا كنت عاوز اسئل سؤال تانى في جامعه (والله اعلم) خاص بتقبل اقل من العادى ب واحد في المائه يعني مثال

دلوقتي صيدله قفلت علي 96% دة بتقبل ادناها من 95% وطبعا بسر اقل بس ميزتها بتقبل علي اللي ملحقوش يعني بيكون فيها الصفوة

يرييت اعرف تعليقك علي الموضوع دة وشكرا

لو سمحت يا باشا بس كنت عاوز اسأل عن اكاديمية المستقبل

http://www.futureacademyegypt.com/hi...page_03_02.htm

هنا مكتوب المصاريف 4122 جنيه في السنه - شعبة علوم الحاسب انجليزي
واتصلت بيهم وسألت قالوا الباص 1500 في السنه
يعني كله 5622 جنيه

هل الرقم ده مظبوط فعلاً ..
ولا في مصاريف مستخبية ..
ولو في تبقي كام ؟؟

+

سؤال تاني

كاتبين ان في خصم كامل وخصم 50% و 25 % للمجاميع الكبيرة
90 - 80 - 70
هل الخصم ده علي طول كل سنه ولا اول سنه بس ؟؟؟

لا مافيش خالص كلية في جامعة اكتوبر بالاسم دا .. فيه فنون تطبيقية ماشي

دي فيها اقسام اثاث - اعلان - تصوير

فى الخاص هاتلاقي في الجامعة الامريكية و المعهد العالى للفنون التطبيقية فى 6 اكتوبر

الجامعة الامريكية دي ليها سكة لوحدها طبعا مختلفة عن اي سكة جامعة تانية في مصر

المعهد العالى للفنون التطبيقية التقديم دا تبع التنسيق عادى .. مصاريفه 6 الاف فى السنة

لا مافيش .. عشان تبقى عارف من الآخر الجامعات الخاصة تجااااااااارة

انا عارف ان فيه ناس كتيرة هاتزعل منى .. بس والله العظيم تجارة

وكلام بقى انهم بياخدوا اقل بواحد في الميه من مجموع الثانوية العامة والكلام دا لا سيبك منه

بعض الجامعات بتدى منح على اللي جايبين شرايح مجاميع عالية ومقدمين .. دى الميزة ..

وبتبقى منح 10% و 20% .. من توتال مصاريف بيوصل للـ 30 والـ 40 الف !!

بص انا مش هاقولك انى خبير فى كل المعاهد عشان ماكدبش عليك

بس غالبا المصاريف المستخبية بتبقى في صورة ملف التقديم و مبلغ التأمين اللي الله اعلم هاتسترده ولا لاء

فدا لما انتا تروح هناك تسأل احسن بقى .. بس مش هايبقى كتير يعنى أكيد

أكيد طبعا لاول سنة بس .. واذا جيبت تقديرات بقى خلال دراستك بتعملك تخفيض فى المصاريف

طبقا لنظام المنح فى الاكاديمية .. دا اذا كان فيها اصلا

معظم الناس اللي بتخش فاروس بتبقى من اسكندرية .. ودا عشان تقريبا مافيش غيرها فى اسكندرية

فيه الاكاديمية البحرية وفيه جامعة بيروت .. بس عشان فاروس فيها التخصصات اللي الناس عايزاها فابيخشوها

طبعا انا ماقدرش اديك كومنت جازم بان مستواها كذا وشهادتها كذا لانى مادرستش فيها

بس زى ماقولتلك .. الاقبال عليها بيبقى عشان هيا الوحيدة فى اسكندرية ..

او اتوجد جامعات غيرها فى اسكندرية وبمستوى تعليمى افضل .. اكيد هاتلاقي ناس سابتها وراحت للناس التانية

عاوزة اسال الجامعة البريطانية احلى ولا الالمانية بالنسبة للصيدلة

و بالنسبة للسكن فى سكن فى الجامعة الالمانية

و معلش اخر سؤال حضرتك فى الجامعة الالمانية قلتلى ان فى امتحان تحديد ممستوى فى اللغة طيب فى الانجلش بس ولا لازم يكون معاة المانى

معلش عارفة انى بقيت رخمة و بسال اسئلة كتير
بس انا محتارة مش عارفة اختار واحدة منهم و الاحلى فى الشهادة عشان الشغل