|
اُعجب بحد
اُشكر فيه اهتم بيه هيطنشك يتكبر عليك تكرهه تبعد عنه يجيلك تانى هى تتكبر عليه يكرهك تحس بالذنب تروحله يتكبر عليك تكرهه تروح الفيس تكتب الناس بقت وحشه اوى و الدنيا غداره وتحط صوره واحد مخنوق كلاكيت عاشر مره . . . . |
وحيااه ابوووك قبل ما تاخد بالاسباب تووكل على ربنا
انا معظم مشاكلى و قرفى بسبب انى باخد بام الاسباب بس و مش بتووكل |
مش شرررط والله ان اللى يبصلك و يركز معاك يبقى معجب بيك
والله اللى معجب بحد بيبقى متعمد يبصله و اللى معجب بيه مش واخد باله عشان ميتقفش وكلامى ميخصش الناس البجحه عشان كده لما حد يبصلك متاخدش مقلب فى نفسك عشان احتمال كبير هو يا اما بيشبه عليك او شكلك غريب بالنسباله و احتمال ضعيف يكون معجب وممكن برده يكون معجب اوى بس متاخدش الاحتمال ده عشان متاخدش مقلب كبير بعدين |
أخلاق الناس مثل أسنانهم إذا تسوست كان لمسها مؤلما .
|
كفكف دموعك موطني فخيولنا * * تعدو على درب الكفاح صحاحا وطنٌ هو الإيمان فارفع رايةً * * * ودع التخاذل يستحيل فلاحا وطنٌ على هرم الخلود ممجدٌ * * * قَمِنٌ بأن نهدي له الأرواحا |
لو لاقيت ملحد او حد مش مسلم اياً كان يا رييييييييت متجادلوش ابداً غير لما يكون علمك قوى
برده لو لاقيت اى تصرف غلط دينياً انت معندكش خلفيه قوى ليه ده غلط و ايه السبب و عندك ادله موثوق فيها يا ريت تسكت انت كده بتضر ديننك اكتر لما تبين للشخص الملحد او الشخص اللى بيرتكب ذنب عشان بتبين ضحاله علمك و تفكيرك ربنا خصص ناس للرد عليهم و انت لو عاوز تبقى زيهم اجتهد و اقرا و روح دروس و اشتغل كويس بس مش تسمع كام كلمة فى حصة دين وخطبه جمعة و كام درس على قناة اقرا و تروح تعمل فيها شيخ على اي حد غلط الفتوى منتشره اوى فى مصر و مفيش مصرى ميحبش يفتى بجد فتوتك ديه ممكن تسبب كوارث بعدين انا لما عرفت ان العلما و الجهابزه بتوع زمان لما كانو بيخشو يجاوبو على اى سؤال لحسن يكون غلط و بشوف بجاحتنا دلوقتى فى الفتوى مستغربتش ليه احنا متخلفين اوى كده ليه متفتكرش ان نيتك الحلوه و حماسك هيكون مبرر انك تفتى براحتك |
فتشبَّهوا إن لم تكونوا مثلَهُم *** إنَّ التشبُّهَ بالكِرامِ فَلاحُ
|
تغير اللبن الى زبادى تغير كيميائى ولا فيزيائى
شكرا |
فيه ناس من كتر ما هى لئيمه و خبيثه بقيت اقنع نفسى انهم طيبين عشان مروحش احرقهم
|
أيها الشاكي وما بك داء .. كيف تغدو إذا غدوت عليلا
أترى الشوك في الورود وتعمى .. أن ترى فوقه الندى إكليلا والذي نفسه بغير جمال .. لا يرى في الوجود شيئا جميلا |
انا شخصيه وحيييييييييييده جداً جداً جداً لابعد حد
متعرفوش انا من سنه او اتنين كنت بحب قد ايه اقعد مع الناس وطول الوقت كنت مع ناس مش لوحدى بس بصراحه لما انعزلت حسيت انى احسن بكتييير من الاول العزله صعبه اوى فى الاول صعبه لدرجه انك ممكن تنتحر بس بعد ما تتعود عليها هتستمتع اوووى و اصلاً مفيش حاجه حلوه كلها و العزله اسوا حاجه انك ممكن تبقى فريسه للشيطان و لنفسك كمان بس لو انت عندك قدرة على السيطره على نفسك كويس و بتقرا و بتحب تتامل و عندك جديه فى حياتك مفيش حاجه من ديه هتضرك بجد شعور العزله و انك ملكش حد بعد فتره كبيره بتكتشف انه حلوو جداً ومش وحش زى ما ناس كتير فاكره اصلاً الناس اللى بتكره الوحده ناس ليها علاقات كتير و اتعودت على الناس بس انا بصراحه بتكيفنى الوحده اوووى ومحبش اختلط كتير بحد ابداً بجد وحدتك هتهون عليك الدنيا اوووووى و هتبقى فكرك كله فى حاجات راقيه اوى و هتفكر فى ربنا اكترر بكتير انا مش ضد التعامل مع الناس بس انا ضد الاختلاط بيهم كتير بصراحه لما اكلم نفسى بحس براحه اكبر بكتير لما اكلم اى حد حتى ماما كفااايه انى هسمع نفسى كويس و مش هقعد انتقدها او اتعاطف معاها او افضحها بعدين مشكلة الوحده فى اولها بسسسسس بعد كده هتتعود تماماً عليها و هتحس انك ملك لوحدك من غير حد معظم صحابى من غير صحابهم بحس انهم ضايعين ومخنوقين اوى و ميعرفوش يفرفشو من غير صحابهم و بصراحه بحس انهم عبيد لبعض يمكن انت لوحدك قوتك اقل منهم عشان هم مع بعض بس وقت ما يكون كل واحد لوحده محدش هيقدر عليك ابداً عشان انت متماسك من غير حد انا بصراحه كنت طول عمرى مفرحش غير لما اكون مع حد واهزر معاه بس لما انعزلت و بعدت كنت فاكر انى مش هعرف افرفش و اغير مودى لوحدى بس لما اتعودت لاقيتنى بفرح اكتر ما انا مع حد تانى ناس كتير من اللى اتعودو على الاختلاط هيرفضو فكرى بس متاكد لو انعزلو فتره هيفهمو كلامى كويس انا فى الاول كنت بجرى على الناس عشان تساعدنى وقت ما اقع بس لما انعزلت اعتمدت على نفسى تماماً و بقيت اعتمد على ربنا اكترمن الاول كمان انا بعترررف انى كتبت قبل ككده انى نفسى فى صديق بس انا بقول دلوقتى انى مش عاااوز اى صديق ابداً حتى لو ملاك انا وربنا وبسسسسسسس مش عاوز اى تدخل اجنبى الوحده كنززز بس مش هتعرفه غير بعد مده طويله فى الوحده هى عباره عن مغارة وحشه فى اولها و حلووه اوى فى نصها فلما تنعزل هتلاقى نفسك مشتاق للناس و كلامهم و هزارهم بس لما تبعد لفتره اطول هتلاقى انك فى رااااااحه كبيره اوى انا مقصدش انى متكلمش مع حد ابداً و لا اتعامل لا طبعاً انا اقصد انك تتعامل عادى مع الكل عادى بس بشكل سطحى وخلاص مش لازم نعمق العلاقه اصلاً العلاقات السطحيه ديه ذهبيه بس محدش عارف قيمتها بس اى حد حابب ينعزل يبقى عارف انه هيقابل مشاكل كتير اووى فى الاول و فيه مشاكل هتفضل مستمره معاك بس كله متوقف عليك و على تحملك بس متخاافش المشاكل ديه هتقويك اوى لما تواجهها لوحدك من احلى الحاجات فى العزله انى فهمت نفسى اوى عن الاول واكتشفت العيوب بتاعتى بشكل محايد اوى و عرفت نقاط ضعفى وقوتى و ده على المدى البعيد هيفدنى جامد |
ديماً الدنيا هتمشى عكس احساااسك
لو احساسك ان حاجه حلوه هتحصل هتلاقى حاجه معفنه حصلت و العكس صحيح عشان كده اول ما تلاقى احساسك ان حاجه حلوه جايه جهز عقلك ان حاجه وحشه هتحصل وده حصل معايا كتييييييييير |
سفرى بعيد وزادى لن يبلغنى *** وقوتى ضعفت والموت يطلبنى
ولى بقايا ذنوب لست اعلمها *** الله يعلمها فى السر والعلن وانا الذى اغلق الابواب مجتهدا *** عن المعاصى وعين الله تنظرنى مااحلم الله عنى حيث امهلنى*** وقدما بيتا فى ذنب يسترنى كاننى بين تلك الاهل منطرحا *** على الفراش وايديهم تقلبنى وقد اتوا بطبيب كى يعالجنى *** ولم ارى الطبي اليوم ينفعنى واشتد نزعى وصار الموت يجذبها*** من كل عرق بلا رفق ولا هون كاننى وحولى من ينوح على؟** يبكى عليه وينعانى ويندبنى وقام احب الناس فى عجل*** نحو المغسل ياتينى يغسلنى فجائنى رجل منهم فجردنى*** من الثياب فاعرانى وافردنى واودعونى على الالواح منطرحا*** وصار فوقى خرير الماء ينظفنى واسكب الماء من فوقى وغسلنى*** غسلا ثلاثا ونادى القوم بالكفن وحملونى على الاكتاف اربعة*** من الرجال وخلفى من يشيعنى وقدمونى الى المحراب وانصرفوا*** خلف الامام فصلى ثم ودعنى صلوا عليه صلاة لاركوع لها *** ولا سجود لعل الله يرحمنى وانزلونى الى قبرى على مهل*** وقدموا واحد منهم يلحدنى فكشف الثوب عن وجهى لينظرنى*** فاسكب الدمع من عينيه فاغرقنى وقال هلوا عليه التراب واغتنموا*** حسن الثواب من الرحمن ذو المنن واخرجونى من الدنيا فوا اسفاه *** على رحيل بلا زاد يبلغنى يانفسى كفى عن العصيان واغتمنى *** حسن الثواب من الرحمن ذو المنن |
اقتباس:
|
ما أعظم أن تكون غائبا حاضرا علي أن تكون حاضرا غائب...
|
|
oh allah
i'm so weak without you I need you by my side all the time I'm lost without you please guide my to the right way i have many problems in my damn life but i'm sure that you can solve them all |
بشفق تماما على البنات فى المجتمعات الشرقيه
هتعيش جزء من حياتها تحافظ على شرفها و الجزء التانى شايله هم اسره بحالها |
متحاولش تخبى مشاعرك عشان عينك هتفقسك ديماً
والله اللى بيمثلو الناس بتبقى عارفه حقيقتهم كويس و بيسايرووهم وخلاص ووقت الجد بيكشفوهم متفتكرش انك لما تبتسم فى حد مش بتطيقه من جواك هو هيحبك و يفتكر انك بتحبه اصلاً اللى فى القلب فعلاً بيوصل للقلب غير كده لا فمتتعبش نفسك وتتخابث وتفتكر ان المعامله بوشين هتقنع الناس و ان محدش هيقفشك |
ثروة الانسان الحقيقية هى علم وسيرة صالحة يتركها بين الناس بعد مماته
وليست بمال يجرى خلفه فى حياته ولن ينال منه سوى قماش أبيض يلف به عند مماته أخرتها متر فى مترين |
اقتباس:
|
فيه موقف كنت عملته وانا صغير عادى بس كل ما افتكره اضحك كتير
مره اختى الكبيره كانت عاينه تفاحه ليها فى الدرج بتاعها و انا كنت عاوز اكل تفاح و مفيش غير ديه ادامى و هى بتتعصب اوى لما حد ياخد حاجه بتاعتها رحت واكل جزء منها وبعدين رحت بسنانى منقرش جوانب القطمه على اساس فار هو اللى واكلها و بعد كده لاقتها بتنادى على ماما ومتوقع هتقلها حد كل التفاحه بتاعتى و الاقيها بتقلها الحقى الفار كلها ابن الكلب ! و انا سمعتها من هنا و كنت هفطس على نفسى من الضحك و المشكله ان ماما وقتها صدقتها باين او عملت نفسها صدقتها عشان متزعلش هههه ويقولك الابن الاكبر هو الاذكى ههههههههههههههه وده اللى خدناه من الكارتونات هى شكلها افتكرت فعلاً الحيوانات بتاكل كل حاجه زى الكرتون |
فيه حاجات مش هتستوعبها غير لما تتعامل
وفيه حاجات مش هتستوعبها غير لما تخلو بنفسك اسوا حاجه من كتر التعامل انك هتبقى نسخه تانيه من الناس و اسوا حاجه من كتر الخلوه انك هتبقى شايف نفسك احسن واحد لازم نوازن بينهم عشان منختلش نفسياً |
|
نفسى كل يوم جمعة نخليه عيد فعلاً مش اسم بس
و نسمية عيد الفرحه و كل واحد يعمل حاجه تفرح حد تانى ولو بسيطه و كل الشوارع يبقى فيها اغااانى و مزيكا و كلنا نلبس لبس مضحك و فرى اوى و نرقص ونغنى فى الشوااارع عادى و نعلق بلالين فى البلكونات و نسلم على اى حد نقابله فى الشارع و الشرطه توزع شيكولاته على اى حد ماشى و ممنوع نعمل اى حاجه جد او تزعل فى اليوم واهم حاااااااجه كلنا نساعد الناس الفقرا و نزور الايبتام و دار المسنين و مستشفى السرطان بجد لو كل اسبوع عملنا كده مش كل سنه هيبقى فيه فرق شااسع انا ملاحظ الناس معتتش تفرح غير كل فين وفين ومبقوش يفرحو غير فى الاعياد بس عشان كده انا فكرت نعمل عيد اسبوعى عشان الفرحه تستمر و بجد الايجابيه هتخلينا نكمل و ننتج بقوه ياااااااااا ريت نطبقه بجد |
كلاام فى الصميم لاقيته فى الفيس
مدينة الألف مئذنه تقع في دولة المليون مسجد ومصلي ، شعب مدينة الألف مئذنه متدين بطبعه _ لا تسألني كيف يكون التدين طبع ولكنهم جُبلو علي هذا الامر _ مدينة الألف مئذنه سميت بهذا الاسم لان بها اكثر من الف مئذنه لأكثر من الف مسجد كما هو واضح ، سميت بهذا الاسم منذ زمن بعيد ولست ادري لماذا تسمي به حتي اليوم ولم تتغير لمدينه العشر تلاف مئذنه مثلا ، ثم اني أتحسس دوما من الأرقام الصحيحة ولكن لا باس ، في مدينة الألف مئذنه يبني الناس مساجد يتكلف الواحد منها مليون جنية او اكثر ، في نفس المدينه ذات الألف مئذنه ينام الآلاف في شوارعها عراه جوعانين ، في نفس المدينه ذات الألف مئذنه لا توجد مستشفيات ، في مدينة الألف مئذنه يبني الناس مساجد عملاقة باهظة التكاليف علي الطرق السريعة حيث لا تجد بها اكثر من ١٠ أشخاص علي اقصي تقدير بينما لا توجد مساكن كافيه لإيواء الآلاف ، وبينما يتكدس الطلاب في الفصول ، وبينما لا يجد مريضا سريرا في مستشفي حكومي سئ ، ذات ليله كنت علي الطريق السريع وإذا بي اجد مسجدا عملاقا لا تقل تكلفة إنشائه عن مليون جنيه بلا اي مبالغة ، هذا المسجد في محيط أراضي زراعية حوالي ٥٠ كم مربع ، فقط الطريق السريع وسط أراض زراعية هائلة ، قل لي بالله عليك أوليس المشردون أولي بهذا البذخ ؟! ، أوليس المرضي أولي بهذا الاهتمام ؟! ، ملايين من الجنيهات تنفق علي بناء المساجد وملايين من الجنيهات تنفق علي إدارتها سنويا ، الكنائس والأديرة أيضاً ليست بأفضل منها ، لماذا هذا البذخ والإسراف علي دور العباده التي لا تستخدم الا من ٢٠ شخصا في كل صلاه !! ، أهكذا أمركم الله؟! ، ام هكذا تتقربون اليه !! أوليس ثواب الاهتمام بالمدارس والمستشفيات والبحث العلمي والمصانع بقدر ثواب الاهتمام بدور العباده ام ان الرياء والمنفعة او كلاهما السبب الأصلي في بنائها بهذا الإسراف ، حيث الرياء في ان يقول الناس فلان بني مسجدا كلفة كذا من الجنيهات ، او المنفعة من ان يبني مسجدا فوقه منزلا معفي من الضرائب والخدمات ، نحتاج مراجعة أنفسنا جميعا فالمشردون في الطرقات او في مقالب الزباله قد ملئوا طرقات المدينه ذات الألف مئذنه حتي لصارت اقرب لمدينة المليون فقير ومشرد ، وباتت الألف مئذنه تحتاج لمليون مُصلي كذلك . |
مش هتتعلم غير لما تتمرمط
العلام مش ببلااااااااش يا بشر متفتكرش قعادك على كرسى و التكييف شغال و الكابتشينو فى ايدك و اغانى فيروز شغاله انك هتتعلم لا يا باابااااا فوووووق .. ربنا مش هيسيب االلى تعب و طلع عينه و يقف معاك انت متفتكرش ان مامى لما تدعيلك ولا بابى و لا كل قرايبك ربنا هيقف جنبك لالالالالالا القران معظمه والذين امنوا وعملوووووووووووووووا الصالحات عملوووو عملووووو يعنى من الاخر انسى انك توصل لحاجه بجد وانت مستريح لازم تدفع تمنها و متتعبش على اى حاجه تافهه و السلام للازم تكون حاجه فعلاً هتاثر فى حياتك جامد و هتريحك بعدين اوى مش عارف كتبت الكلمتين دول ليه يمكن بشجع نفسى اكتر او حاسس ان فيه حد محتاجهم بس اياً كان لازم كلنا نتعب اوووووووى بس بشكل صحح مش غلط و تعب متخطط مش اى هبل وخلاص |
اى حد مش من القاهره احب اوصفله الوضع عندنا
لما هتيجى عندنا هتلاقى زحمة مووووت و كمية شحاتين او ناس عامله نفسها شحاتين كتييييره اوى لدجة مستفزه بالذات فى المترووووووو لو جيت عندنا اوووووووعى تديهم حاجه ابداً عشان هم مش محتاجين على فكره هتلاقى بنات كتيييييير لابسه حجاب و فيزووون مع بعض معرفش ازاى و هتلاقى اللبس زى الاجانب و الشعر متغطى بقماشه كده وخلاص بس برده مش كل البنات يعنى عشان معممش وطبعاً هتلاقى منظمة التحرش العالمية منتشره فى جميع ارجاء البلد و بيصطادو اى فريسه اسسف بنت لوحدها و يظبطوها و هتلاقى تلوث سمعى كبيييير ودوشه و كل واحد ماشى بوظه شبرين مش طايق نفسه و طبعاً هتلاقى المواصلات طالعاده متكدسه و واقفه طول اليوم ومش هنسى اكيد الكورنيش و كل واحد ماشى مع البت بتاعته وطبعاً اشتباكات فى مناطق كتير مع الشرطه وخلافه فيها حاجات حلوه مش هنكر بس البلاوى اللى فوق ديه مضيعها حلاوتها تماما |
اقتباس:
|
واحساس بجد مجرح لما تسيب حد وانت عارف انو محتاجلك بس بحكم الظروف مش هتئدر تكون معاه اآخ بس
|
كلنا عندنا طاقات عاااااليه اوى اوى اوى اوى
بس مش هتطلع غير لما نؤمن بيها كل طاقه عبارة عن بنت عندها كبرياء و عزة نفس مش تطلع غير لما تؤمن تماما بيها و تثق فيها عشان كده اوووووعى تسمح لنفسك انك تحس انك قليل او معندكش قدره على حاجه والله لو هتخدع نفسك اخدع نفسسسك لحد ما العقل الباطن يصدق و هيصدق عشان هى غبى منفذ و العقل الواعى ذكى بس تنفيذه مش قوى زى الباطن |
انا مشكلتى انى بحب التعمق اوووووى حتى لو هيدخلنى فى متاهات انا مش قدها
بحس انها مجازفة فكرية كبيره و متعبه اوى بس ممتعه جداً ليا بالتعمق هتقدر توصل لحاجات كبيره من ابسط الحاجات حوليك هى تعتبر درب من التامل بس بشكل متعب اكتر بس لو حابب تتعمق يا ريييييييييت متديش حكم نهائى فى اى حاجه ابداً لانك مهما كان تعمقك هيكون من زاويه واحده و انت متعررررررررفش الغيب |
النهارده اسعد يوم واصعب يوم في حياتي
طبعا هتقولو ازاي اصعب واسعد: اقولكم انا كان اسعد يوم في حياتي لان ربنا رزق اختي النهارده ببنوته زي العسل وطبعا زي ما حضراتكم عارفين ان الامتحانات ابتدت من النهارده وطبعا حضرتي منمتش من امبارح لحد يوم الامتحان الصبح وطبا روحت الامتحان وجيت الساعه 2 وعلي اذان العصر بالظبط كنت بلبس عشان نازلين باختي المستشفي وده مش معادها خالص انها تولد بس ربنا علي كل شئ قدير وطبعا انا كنت صايمه ومن غير سحور ومكنتش اكلت حاجه من امبارح غير الغدا وبس ونزلت بقي وانا طبعا بدوووووووووووخ من الموصلات كانت حالتي صعبه النهاررده اوي وحالتي النفسيه كانت وحشه عشان هببت في ماده من المواد اللي كانو عليا النهارده انتو متخيلين انا كنت عامله ازاي النهارده بس والله رغم كل اللي حصلي الا اني مبسوووووووطه اوي بلبنوته الجديده وديه كانت اول مره اروح مع حد من اخواتي المستشفي واخر مره ان شاء الله لاني كنت هموووووووووووووووووت من كتر العياط والخوف علي اختي اسفه جدا صدعتكم معايا بس حبيت اشاركم لحظات هبلي وسعادتي |
اقتباس:
وبالنسبه للامتحان و لا يهمك ده قدر و اجتهدى اكتر الامتحان الجاى هتسمو البنوته ايه ؟ |
قبل ما اعمل اى حاجه لازم ادور على اكتر طريقه فعاله و سهله
محبش ابدأ على طوول كده و اشتغل و خلاص لو هضيع ساعه فى الاول احسن ما اضيع عشر ساعات بعدين |
الاجتهاد و القرب من ربنا باستمرار علاج اى مرض نفسى مهما كاااااااان
لو حسيت بخنقه اعرف انك قصرت فى الاتنين دول متروحش على كتب وفيديوهات التنمية البشريه عشان هتضيع وقت وبس الملموس اقوى من المعنوى بمراحل |
لا اؤمن بالابتكار على الاطلاق
انا مش بؤمن بلفظ ابداع ابداً و شايف ان المبدع الوحيد هو ربنا كل الاختراعات اللى حصلت كانت مستوحاه من الطبيعه او من حاجات ربنا خلقها قبل كده بس اللى اخترعو كان عندهم دقة ملاحظة مش اكتر و قدرة على الربط و التحليل حتى الكلام اللى بنتكلمه متاثر بحاجات احنا شفناها و سمعناها قبل ما نتكلم حتى الرسومات و الشعر و كل المواهب بتبقى مستوحاه من حاجات كتير موجوده اصلاً الابداع بمفهوم البشر انك يبقى عندك قوة ملاحظه و تحول الحاجات البسيطه اوووووووووى لحاجه كبيره حلوه بس انا شايف ان ده مش ابداع الابداع انك تخلق حاجه مش مستواحاه من اى حاجه على الاطلاق ربنا هو المبدع الوحيد عشان خلق حاجات ملهاش مثيل و باتقان باهر من اول النمله لحد الشجر و السما وكل حاجه |
اقتباس:
خمس بنوتات مين بس ؟؟اساسا اختي ولدت في وقت غلط:blush: ان شاء الله ربنا يسهل ويسترها معايا يارب اصلي طيبه خالص:d البنوته هنسميها ان شاء الله فاطمه وانا هدلعها اقولها لوجي :d:d |
الانسان حرباء ذكيه
اقصد بحرباء انه طبعه بيتغير للمحيط اللى حوليه و تصرفاته بتبقى على حسب الجو المحيط بيه و انه مينفعش نثق فى اى انسان ثقه عمياء عشان بمجرد ما ظروفه الحلوه هتتغير هو كمان هيتغير اعرف ناس كانت ظروفها حلوه و شخصيتها كاانت حلوه جداً بس لما ظروفها بقت وحشه و الناس غدرو بيها شخصيتهم بقت سيئه جداً و بقوا يعملو حاجات يرفضها المجتمع و القانون تماماً و حجتهم ان الدنيا قرصت عليهم عشان كده انا عمرى ما هثق فى اى حد حتى لو ملاك و ميهمنيش اذا ككان ده هيزعل حد منى او لا ثق فى الانسان كل ما هو فى الطور الحلو و اول ما تحس انه بدا يقلب اسحب ثقتك اووعى تثق فى حد على طول حتى لو شفت منه كل خير و عللللللللللللى فكككككككككره الناس اللى بيعملو بلاااااوى كتيير هم اكتر ناس بتحب تكون زى الملاك فى التعامل بتاعهم عشان محدش يحس انهم بيعملو مصايب متستغربش لما تلاقى حد بدقن بيكلم بنات و بيشرب مخدرات و لما تلاقى منقبه ليها علاقات محرمه و لما تلاقى واحد بيقول قال الله وقال الرسول و بيعمل ذنوب قد عدد شعر راسه ناس كتير هتفتكرنى بهاجم اى حد تقى و محترم لاااااااا انا مقصدش ان كل الناس ديه كده و اصلاً انا برفض التعمييييييم كلياً و عمرى ما بعمم و عمرى ما هؤمن بالتعميم بس انا عاوز اقولك انه المظاهر حااااجه و الباطن حاجه تانيه خاالص و اخر كلمة عاوز اقولها ان احنا مش ملايكه و لا شياطين و ان احنا ربنا قدانا القدرة ان احنا نبقى فى منزلة الملايكه لما نعمل حاجات كويسه و نهبط لمنزلة الشياطين لما نعمل حاجات وحشه يعنى بالعربى كلنا مش ثابتين و عمالين ننزل و نطلع فمتستغربش لما تلاقى حد كان فووق و نزل فجأه و لما تلاقى حد كان تحت و طلع فجاه و متفتكرش ان اللى فوق هيفضل فوق طول عمره و اللى تحت هيفضل تحت طول عمره الدنيا قرفها فى تقلبتها و تناقضتها ديه و اللغبطه بتاعتها عشان كده عيش كل يوم باسلوب مختلف و متحاولش تدور على اسلوب واحد بس تعيش بيه حياتك عشان ظروفك مش واحده و ده بيسموه مروووونه |
اقتباس:
فاطمه اسم راائع و كوويس انها مسمتهاش اسم من الاسماء الجديده الغريبه ديه اللى متعرفش مخترعنها منين ديه المهم حمدالله ع السلامه و ابقى اعزمينا ع السبوع بقى هههههههه |
اقتباس:
لوجي دلع لوجين ياعم هيما الله يسلمك من عيوني حاضر هعزمكم ع السبوع |
نظرتك الوحشه للامور هتخلى الشخص الحلو يعاملك بطريقه وحشه و العكس صحيح
|
انا متضاااااااااايق اوى اوى اوى اوى عشان اسات الظن فى حاجات كتير
بجد انا بعتذر تماماً لاى حد اسات الظن فيه و يا رب ابعد عنى وساس الشيطان المقززه ديه انا بحس انى تابع للشيطان و مبفقش غير لما اتقرص جامد سوء الظن شىء كارثى بجد و مقرف جداً و متعب اوى حسن الظن راحه بجد و حتى لو هو عمل حاجه وحشه الشخص ده لما يلاقيك بتحسن الظن فيه هيتكسف على نفسه و غير كده سوء الظن هيخليك تصدق من كتر ما بتظن و تفكر عقلك الباطن هيصدق و هتبدا تحاول تثبت ظنك ده باى شكل عشان اصبح يقين عندك ان الشخص ده وحش جداً انا فهمت دلوقتى اهمية الحديث بتاع التمس لاخيك سبعين عذر الظن السىء هيتعبك نفسياً حتى لو كان صح سواء ظنيت ظن حلو او وحش كلا الحالتين انت بتوهم نفسك فاوهم نفسك بحاجه مريحه و تخليك ايجابى اكتر |
اوحش حاجة الشعور بالحيرة انك تبقى مش عارف اللى قدامك بتحبك و لا لا انك تبنى بيوت على الوهم و بعدين تهدها فى لحظة كل ده عشان عشت فى الوهم و تخيلت ان حبها ليك حقيقى ...... فعلا شعور وحش جدا ربنا ما يكتبه على حد
|
انت مين قدوتك ياهتلر
|
اقتباس:
|
اسوأ محطات حياتى وقت ما كنت فاكر انى احسن من حد فى حاجه
بجد احساس الغرور سىء جداً لان الغرور عبارة عن نضاره بتخليك تشوف كل حاجه اصغر من حجمها الطبيعى و ان حجمك اكبر من حجمه الطبيعى اياك فى يووووووووم لو عملت حاجه واو او حلوه اوى انك احسن من حد لازم تعرف انك عملت الحاجه الواو ديه عشان ربنا وفقك و عشان ربنا عاوز يختبرك الحلووو اختبار و الوحش اختبار يعنى وقت ما تطلع الاول على المحافظه ده اختبار عشان يشوف هتتواضع و لا تتكبر و لما يجيلك مرض قوى هيشوفك هتصبر وتقول الحمدلله و لا تجزع و تقول ربنا ظلمنى ومش عارف ايه الغرور مش هتحس بيه غير لما تاخد على قفاك للاسف فيه ناس كتييييييير مغروره و عامله نفسها متواضعه لكن جواها غرور بشع و هى بتوهم نفسها الناس ديه هيجى وقت هيحسو انهم معفنيين اوى و هتبقى لحظه صعبه عليهم وقت ما يكتشفو انهم و لا حاجه ربنا هيمهلك وقت كبير عشان تفووق بس لو انت اتماديت هيبعتلك اشخاص تكرهك فى نفسك انا حسيت بغرور وقت ما كنت فى اعدادى عشان كنت بعرف ارسم حلو اوى وبرسم اشخاص و كل حاجه و كنت فاكر نفسى مفيش احسن منى و فرحان بنفسى اوى و فى مره لاقيت ع الفيس وانا بدور ناس كتييير اصغر منى بترسم حاجات فظيعه و صعبه اووووووووى و محتاجه واحد عبقرى و اكتشفت انى عبيط اوى و شغلى بالمقارنه بيهم تعبان اووووى و طبعاً كانت صدمه بالنسبالى و قرفت من غرورى المتعفن والحمدلله لما عرفت حجمى بدا مستوايا يزيد بشكل احسن من الاول و اسرع بس سبت الرسم بقالى كتير اوى عشان مش عارف حرام ولا لا |
اومن أن خلف الحبات الوادعات تزهو جنات . . اومن أن خلف الليل العاتي الأمواج يعلو سراج . . اومن أن القلب الملقى في الأحزان يلقى الحنان ... . . كلي إيمان إيمان إيمان . . اومن أن خلف الريح الهوجاء شفاه تتلو الصلاة . . اومن أن في صمت الكون المقفل من يصغي لي . . أني إذ ترنو عيناي للسماء تصفو الأضواء تعلو الألحان ... كلي إيمان إيمان إيمان |
لو هتعمل حاجه و جواك حماس كبير اووووووووى
اعرف انك مش هتعملها باتقان |
الحب من وجهة نظرى رغبة فى الاحساس بالاهتمام و نسيان هموم الواقع و الاحساس بالامان
|
| جميع الأوقات بتوقيت GMT +2. الساعة الآن 09:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.