|
انا بجد عاملة اقرى التوبيك دة من اوله لاخره وافتكر ايام مكنا بكتب وشغالة ضحك فعلا ذكريااااااااااااات
ربنا يسترها معانا جميعا فى الترم دة ان شاء الله |
أول محاضرة لدكتور الرياضيات احضرها
كان في مسألة في التكامل موقفاني (كنت مخلص المنهج قبل ما ناخده مع الدكتور) كان جابهالي صاحب ليا في هندسة عين شمس روحت للدكتور اوريله المسألة عشان يحلها حاول فيها كده محاولتين تلاتة وقالي كملها :d مع انه محلهاش بس حاول :d جه المحاضرة اللي بعدها يقول " الطالب اللي جايبلي مسألة من عين شمس .. بيختبرني هاه بيختبرني من حق كل طالب انه يختبر استاذه .. لكن انا عايز اقوله انك هتلاقي في الكتاب مسائل زيها واصعب منها هو فين الطالب ده يوريني نفسه كده ؟؟ " والحمد لله كنت غايب :d والعجيب انه جه المحاضرة اللي بعدها يسأل عني برضه :d والحمد لله مبقتش احضرله خالص :d |
ثاني امتحـان عملي
الحمد لله داخل الامتحان وأنا حافظ التجارب والقوانين كـل حاجــة الا رسمــــــــــــــــــــة التجربة:( .. صعبة أوي وحاولت كتير وبرضو مش عرفت أرسمها ف البيت .. المهم دخلنا المعمـل واستلمت ورقة الاسئـلة ولسـة بقول يا هادي لقيت المعيد جنبي وبيرزعني 4 اسئـلة شفوي .. والحمد لله الاسئلة طلعت سهلـة وحاوبت وأخدت 5/5 :) المهم اشتغلت ع التجربة الي قدامي واستنتجت القراءات المعملية وكل حاجة وعوضت بالقوانين ورسمت علاقـة بيانية وكل حاجة تمام .. دلوقت مش فاضل غير اية :( رسمـــــــــــــــــــــة التجربة :d الداكتور كان طالب مننا ريبورت فية التجارب الى احنا هنمتحن فيها كلها والرسومات فية ومتصحح ومحطوط قدامي ف الامتحـان .. ودلوقت مش فاضـل غير اية ؟؟؟ ... رسمــــــــــــــــــة التجربة :d لسـة بقتح الريبورت من غير ما حد ياخد بالة وابص ع الرسمة عشان أنقلها .. المعيـدة لمحتني وبتقـول ( أيــــــــــة يا باشا . بتعمل ية ان شاء الله ) .. افتكـرت فيلم الناظر والجمـلة الى بتقـ,ل ( اعمل نفسك ميت أعمل نفسك ميت :d) لقيتها جت جنبي ... ف بقولها ( نعــــــم ) .. ليقتها بقول ( نعم الله عليك يبني .. ولقيتها بتتكلم بتزعيق * فااااااااااتح الريبورت وبتنقل منة * اوباااااااااااا الدكتور سمع:o.. ( هـو مين دا يا بشمهندسة الى فاتح الريبورت وبينقل منة :d.. نهااارة اسود :d) هاتيلي الورقـة بتاعة الواد دة . أنتشلت المعيدة الورقة من قدامي وودتهالـة وقام كاتب عليها * غشاااااااااااااااااااااااش * :d وشاور عليا وقال * برااااااااااااا يا حيوان * افتكـــــــــرو ان دا كلة عشان الرسمة والباقي كلة بمجهودي:d .. مهو مش معقول برضو اجاوب ف الشفوي واخد 5/5 وف الاخر يكتب ع ورقتي غشاش عشان رسمة .. هو انا كدا هفضل منحوس طول عمري :d |
بالله عليكو يا جماعه حد يساعدني يقولي اعمل ايه؟ انا دلوقتي النهارده كان عندي امتحان فيزيا وبعدين مش عارفه جرالي ايه في الامتحان اغمي عليا ومعرفتش اركز خالص ومعرفتش اعمل حاجه المهم يعني هشيل الفيزيا ومش قادره اتكلم ولا انطق ومش عارفه اعمل ايه يمكن دا لاني منمتش ولا اكلت بقالي كام يوم بسبب توتري من الفيزيا واهلي زهقوا معايا وانا مش كان جيلي نفس لاي حاجه وكنت قاعده بذاكر جيت النهارده مش افتكرت ولا كلمه وحيات ربنا ومش عارفه اقول لاهلي ايه ؟دول كانوا يروحوا فيها لانهم تعبوا اوي معايا طول السنه المهم دلوقتي انا اعمل ايه محتاجه حد يقولي ؟ طيب والدور التاني دا بناخد دراجته كلها ولا ايه النظام ولا اعيد السنه كلها؟؟ انتم رايكم ايه؟؟؟ |
اقتباس:
ربنا يسترها علينا احنا اللى علينا الدور ف حكاية الكليات دى انا مش مصدقة انى كمان شهرين ان شاء الله هقبا طالبة كامحية رسمى :d |
| جميع الأوقات بتوقيت GMT +2. الساعة الآن 09:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.