|
[/quote]
بمكن هدفك مشوش شوية لإنك داخلة بالمجموع مش بالرغبة بس برده يمكن لو سالتي حتلاقي إنه الافضل كان في حتة تانية متعرفيهاش وبكره تحمدي ربنا إنك مرحتيش لمكان تاني كان ممكن يبقى اصعب الحمد لله ع كل حاجة انا متأكد ان ربنا متختاري الاحسن والافضل ومحدش عارف ايه اللي ممكن فعلا بحصل في المستقبل ويبقي خير وغالباً في المواقف اللى فيها الخيارات الصعبة بنصلي ركعتين الاستخارة ودول مهمين جداً طبعاً بعد الاخذ بالاسباب ومعرفة كلا المنطقتين اللى رايحنلهم والمميزات في كل منهم ان شاء الله هصلي صلاه استخاره ربنا يقدم اللي فيه الخير على فكرة انا برده كنت بخاف من اتخاذ القرارات وخصوصاً الكبيرة بس في حاجات مينفعش اسيبها من غير اختيار عشان كده بقى لازم اختار حتى لو انا مش قد المسؤولية بكره اتعلم عندك حق لازم اقرر واتحمل عشان اتعلم ومحدش بيعرف من غير ميجرب والحياة مغامرة ومخاطرة زي ما بيقولو فمفيش حاجة ممكن نعملها تخسرنا إلا التقصير في عمل الحاجة لا اكثر وربنا يوفقك ان شاء الله في اختيارك [/quote]يارب ان شاء الله متشكره اوي ع النصائح الغالية وان شاء الله هعمل بيها كلها |
اه دي مشكله تنيه
طيب خلاص ليه مش تشوفي اي حد من صحابك بتثقي فيها بتحسي انها عاقله ومثقفه وكده يعني وتقعدي تتكلمي معاها وتتنقشي معاها غير كده ممكن بعد ما تفكري انتي مع نفسك تصلي صلاة استخاره وان شاء الله ربنا هيهديكي لما فيه الصواب انا بتشاور مع واحدة صاحبتي في الموضوع دا وهي بقي محتارهلي وعماله تفكر لي وان شاء الله ربنا يعمل اللي فيه الخير متشكرة ع مساعدة للمرة الثانية |
عارفة ساعات كتير التفكير فى الحاجة بيسبب توتر و قلق ...
وده بيخليك مش عارفة تاخدى قرار فى الحاجة دى.... ساعات لازم ناخد وقت نصفى ذهننا و نروق بالنا.... و نصلى صلاة استخارة و نثق بالله ثم انفسنا... ساعتها كل حاجة بتبقى واضحة قدامك.... وبالنسبة لكلام الغير اللى بيتقال ليك.... فكرى فى كل راى من وجهة نظر صاحبه ومن وجهة نظرك مع بعض.... ومش ع انه كلام صح وانتى غلط... فكرى ع ان كله صح بس لكل واحد وجهة نظر.... لانه يرى الشئ من حيث يقف... |
اقتباس:
بصي ياستي اولا كلمة شخصيتك ضعيفه دي مش عاجباني يعني متنطبقش ع الكلام اللي انتي بتقوليه ده يعني ف الاول ف تانية ثانوي مكنش عندك هدف عشان تختاري ع اساسه ف اي حاجة اي حد قالك عليها عملتيها وف الكليه بردو انتي متعرفيش عن الاقسام حاجة وكل واحد بيتكلم من وجهه نظره انتي ف حكاية الاقسام دي سيبك من كلام اي حد ودوري واسألي ناس تعرف وتكون بعيده عنك وكمان حددي انتي عايزة ايه وهدفك ايه بتقولي انك عاوزة تطلعي برة بلدك عشان تتعرفي ع ناس جديده ده مش هدف وهما عندهم حق لما برفضو الغربه مش كويسة يعني وبعدين ف اي حاحة تانية حاولي تعتمدي ع نفسك شويه يعني اسمعي من الناس كلها وحاولي ترتبي مع نفسك مش يكون اعتمادك الكلي ع الناس لان مفيش حد هيهرف مصلحتك واللي يريحك اكتر منك وكمان حاولي تشيلي من دماغك فكرة انك مبتعرفيش تفكري يعني حطي ف دماغك لما تحسي بكده لو انتي لوحدك ومفيش حد يساعدكم هتعملي ايه وكمان صاحبتك اللي بتفكرلك احسن منك ف ايه؟ اقتباس:
مش عارفه حاسة كمان ان كلام مامتك مأثر عليكي حاولي متحطيش الجمله دي ف دماغك اصلا واعرفي انك مش كده ومتخافيش من التجربه وقرري واغلطي لان ساعتها هيكون غلطك انتي المسؤوله عنه وساعتها هتحاولي تصلحيه لان طول مانتي بترمي القررات ع الناس التانيه هترمي النتايج ع الناس التانية |
ماشاء الله ماشاء الله 15 صفحة :d انا مش عارف ارد طبعا بعد الدوك ايمان
|
اقتباس:
على فكرة ال15 صفحة دول لأكتر من سري جداً يعني كذا واحد كان عارض مشكلته هنا لو عندك مشاكل انت كمان اعرضها ومتخفش مش حقول لحد عليك :d |
طبعا مع احترامى لكل الاراء الا ان كم وكيف المذاكره ودرجة حب الماده عليها عامل كبير جدا جدا هى اللى بتحدد يعنى مثلا ماده زى الكيمياء انا كنت بعشقها فكنت متفوقه فيها وعلى طول الاولى على مجموعتى والمجموعه كمان عليها عامل مهم جدا فى المذاكره يعنى مثلا لو مجموعه شاطره او مختلطه(بنات وصبيان)مفيش حد بيحب يتكسف قدام حد خصوصا فى الظروف دى فتلاقى الكل بيذاكر ويحب يتفوق وده بيدى حافز ويا سلام كمان لو فى حد بتحبو فى المجموعه دى سواء المدرس او زمايلك حتلاقى نفسك حابب تروح الدرس وبالتالى تفهم وتذاكر الماده وتستمتع بيها وكمان طبعا دوافع الشخص والهدف اللى عايز يحققه(مذاكره علم نفس كويس ههههه) عن نفسى هى دى الحاجات اللى قصرت معايا وخلتنى اتفوق الحمد الله وعالفكره انا دخلت صيدله يعنى كليه حلوه الحمد لله معلش طولت عليكو وهو ده راى فاى حد عنده اعتراض او تحفظ على اى نقطه فيه او راى مخالف احب اسمعه ونتناقش ان شاء الله وشكرا
|
ازيكو يا جماعة
بعد السلام انا 2 ثانوى و مرحلة الثانوية الصعبة جدا ربنا يوفقنا يارب وغالبا داخل على موضوع حب وارتباط عاطفى وخايف من الموضوع ده ياثر على مذاكرتى او تركيزى مع العلم انى هعرف افرق كويس اوى بين كل حاجة وانى هدفى السنتين الجايين فوق الطموح العادى وان شاء الله ربنا يكرمنى بس برضو انا لسه خايف جدا رايكم ايه وياريت تشاركونى |
اقتباس:
اولا : مرحلة الثانوى مش صعبة ولا حاجة المهم انك مش تديها اكبر من حجمها ولا اقل يعنى تعمل اللى عليك .. بس من غير ضغط نفسى وتوتر وحاول تحب الحاجة اللى بتعملها عشان تبدع فيها وطالما هدفك فوق الطموح العادى يبقى لازم تشتغل عشانه كويس جدا واعرف ان اى تقصير هاتلاقى نتيجته ف الاخر انا السنة دى مثلا قصرت ف مذاكرة العربى طول السنة ومع انى حليت ف الامتحان كويس جداا وكنت متأكدة انى مش هانقص جبت 26 ونص والاقتصاد ذاكرته كويس جدااا طول السنة ودخلت الامتحان كان طويل .. مالحقتش اراجع بعد ما جاوبت طبعا وحسيت انى ممكن انقص فيه .. بس الحمد لله جبت فول مارك اللى اقصده ان نتيجة اللى بتعمله سواء كان تعب ومجهود او استهتار ولعب هاتلاقيها ف الاخر ولو مالقيتهاش ف النتيجة اخر السنة هاتلاقيها ف كليتك بعد كدة او ف شغلك عشان كدة بجد اعمل اللى عليك كويس جداا كفاية احساس ان ضميرك مرتاح بانك مش مقصر احساس تحفة اصلا ومش هايخليك تحس باى قلق حاجة كمان لازم تحسن علاقتك بربنا وتحافظ عليها وده مش على مدار السنتين دول بس .. هاا :d وخصوصا تحافظ على الصلاة لان اللى مش بيصلى بيكون خرج من الاسلام :) .. .. .. .. .. .. ثانيا : حكاية الارتباط العاطفى دى هانبصلها من ناحيتين الناحية الاولى :.. انا درست ف علم النفس السنة دى ف اسس الاستذكار انك عشان تكون منتبه للحاجة اللى بتذاكرها لازم تفضى دماغك من اى مشكلة نفسية او اى حاجة تشغل تفكيرك ماتقولش انا هاعرف افصل .. كان غيرك اشطر زى ما بيقولوا :d وانت لو بجد عندك طموح وهدف عايز توصله هاتلاقى نفسك مش بتفكر ف اى حاجة تانية بس لو فكرت ف حاجات تانية يبقى انت بتوهم نفسك ان عندك طموح ف حاول تعرف كويس انت عايز مين فيهم .. الارتباط ولا الهدف على كل حال نسبة النجاح ف انك توفق ما بين الدراسة واى حاجة تانية متهيألى ماتزيدش عن 1% او اقل كمان وانا باتكلم عن نماذج حصلت فعلا قدامى ولو انت من ضمن الـ1% دول ماكونتش هاتكتب الرد ده ودى حاجة انا متأكدة منها لان مجرد انك خايف ده معناه انه ماينفعش فكر ف نفسك ومستقبلك وفرحتك لما تحقق هدفك وبرضو فكر ف نفسك واحساسك لما تضيع هدفك والاتنين ف ايدك توصلهم ان شاء الله بمجرد انك تختار اللى عايزه .. والناحية التانية بقى :.. ف السن ده ناس كتير بتعيش تجارب وارتباطات وبتفشل لان لسة هما مش قادرين يختاروا صح ف بمجرد انك تحس انك معجب بحد بتكون عايز ترتبط بيه وبعدها بفترة الارتباط ده ينتهى طبعا بعد ما تكون ظلمت نفسك وظلمت معاك واحدة كل ذنبها ان هى كمان ماعرفتش تقدر الوضع صح صدقنى بجد الغالبية من التجارب دى بتكون وقتية وفاشلة ماتقولش انا هاكون من الاقلية اللى بتنجح لان خوفك وسؤالك ده معناه انك مش متأكد من اى حاجة ولا متأكد من مشاعرك ولا متأكد من انك هاتقدر تنجح وتوصل لكل اللى عايزه اوقات بيكون لازم تضحى بحاجة عشان حاجة تانية افضل واهم والحاجة اللى انا واثقة انك هاتندم لو ضحيت بيها هى مستقبلك الحاجة التانية ممكن تتضايق شوية لو سيبتها .. بس بعد كدة هايكون عادى احتمال بعدها بفترة تقول انا ازاى كنت بافكر كدة ربنا يوفقك يا رب ويحميك وان شاء الله تحقق الهدف اللى عايز توصله .. فى رعاية الله وآسفة انى طولت بس كان لازم :) |
اقتباس:
أنا يمكن خوفى من موضوع الإرتباط هو إنى خايف أكون مشتت، كل هدفى الفترة دى إنى أكون مكرس كل مجهوداتى وتفكيري وتركيزي تجاه الكتاب إللى قدامى عشان هو اللى حيوصلني، يعنى انا مش خوفى يعنى قلقى أو إن أفكارى غير منظمة ومتداخلة، أنا خوفى من إن المرحلة الأهم فى حياتى إللى نويت أدخلها بقلب جامد إن شاء الله تناوشها أمور تانية مش ده وقتها.. لكن حضرتك أكيد عارفة إن شعور كل واحد فينا مش بإيده يتحكم فيه ويغيره أو يأجله، أه طبعا أنا أقدر أحجمه وأديله حدوده، لكن مقدرش وقت المذاكرة أمسحه من دماغى! وده هو خوفى الحقيقي انا يمكن اللى كان بيديلى احساس انى ادخل المرحلة دى "بحرص" ان ممكن تأثيرها عليا يكون إيجابى ودورها تشجيعى ليا إنى أعمل أقصى ما عندى عشان أقدر أوصل للطموح إللى أنا عايزه، لكنى متأكد متأكد متأكد وعلى يقين تماماً إنى علاقتى بيها مش هيكون له أى لازمة بدون ما أوصل لأعلى مكانة إن شاء الله عشان أكون جدير بكده، وعشان كده أنا مشتت جداً، وأكيد أنا خبرتى قليلة لسه، بس بعرف أوزن الأمور والكلام، وعشان كده كنت بطلب المساعدة من أهل الخبرة. وألف شكر لحضرتك على الإهتمام ، ربنا يخليكى |
الموضوع مهم جدا
بس فى ملحوظه جميع الطرق كويسه ماعدا بتاع جو الامتحانات دة لما بتخيل االجو ده ممكن ازهق بسرعة جدا من المذاكره اى حد عندة تعليق يتفضل يقوله |
أهل سلف .. وطن سلف
اذيكم يا شباب المستقبل (بنات وولاد ) :d كنت قلت انا وايمان ان احنا هنعمل فكره لذيذه كده -من رايي يعنى :d - ان احنا هنجيب مشكله عجبتنا وبيعانى منها ناس كتير ممكن يكون انا ممكن تكون انت ونحاول نعالجها احنا مع بعض وفى الاخر نجيب رأى جايب الخلاصه المشكله دى بجد خلتنى اضايق واعتقد ان اى حد هيقراها هيحس انه قرفان اوى من بلده من النظام من كل حاجه اسيبكم معاها ونتناقش بعد كده http://www.boswtol.com/washwasha/ima.../fadfad_01.jpg أنا عمري 21 سنة، أنا مخنوق من أهلي ومن الدنيا كلها.. ماعندكمش أهل سلف؟! طبعا أنا ماقصدش.. مهما خنقوني فهم أولى بيّ وأنا أولى بيهم.. المشكلة إنهم فاكرين إني دايماً عايش في رغد المعيشة وإني تمام ومش ناقصني حاجة، بس يمكن عشان أنا بطلت أطلب منهم من زمان، من ساعة ما حسيت إنهم بيتطحنوا في الحياة عشان يأكلوني ويلبسوني! أنا ناقصني إن حد يقول لي: "مالك؟ إيه اللي مزعلك؟ عملت إيه النهارده؟ مش نفسك تتجوز؟! إيه أخبار الكلية معاك؟" الكلية اللي أنا طالب فيها مع إيقاف التنفيذ، وماشي فيها بخطوات سلحفاة ومش بإيدي؛ لأني لا معايا آخد كورسات، ولا الكتاب نافع، ولا هو بينزل أول السنة ولا أنا معايا 60 جنيه أسبوعياً عشان أحضر محاضرات، ولو حضرت وسافرت فهل الدكتور كمان هييجي من الإسكندرية لدمنهور ولاّ لأ؟! ولو جِه، أنا هافهم منه وهو قرفان مني، ودايما فاكرنا أغبياء وبيتكلم بالقطارة؟؟ والله وأنا في سنة أولى كنت طالب مجتهد، وكنت باحضر وأذاكر وكمان كنت باشرح لزمايلي المحاضرات، لكن بصيت لقيت نفسي شايل في سنة أولى 10 مواد!! طيب كنت باذاكر ليه، ومقطّع نفسي على إيه؟ ومن ساعتها بقت الكلية الحلم الضائع.. وبعدين لمّا أخلصها وأروّح، فين أهلي؟ مش عايزين يفهموا كده طبعا، دايما بيسألوا: "أمال الناس اللي بتنجح دي بتنجح ازاي؟"، وأنا نفسي ألاقي أي رد عشان أقوله لهم بس مش عارف. ازاي أهلنا بيطلبوا منا إننا نكون مثاليين وزي ابن فلان وبنت علان اللي هم شايفينهم حلوين. مايعرفوش اللي أنا أعرفه عنهم، وأهالينا أساساً مش مثاليين، ازاي أنا مش باعرف أقرأ واقول لك: "اقرأ".. ازاي؟!! كده حرام، علِّمني القراءة وبعدين ابقى عاقبني إني مش باقرأ. يعني وفّر لي ظروف الطالب الناجح وبعدين اسألني إنت بتسقط ليه. واللي أكتر من كده إنهم كل شوية بيقولوا: "يا فاشل يا ساقط، إنت مش راجل، ومالكش لازمة"، تخيل؟! طيب لو ماليش لازمة ربنا كان خلقني ليه؟ وبعدين اللي في نفس سني بيعملوا إيه غير إنهم ياخدوا المصروف ويخرجوا يتفسحوا ويهزروا.. والله أنا عمري ما خرجت مع بنت، وأنا عندي واحد وعشرين سنة دلوقتي، ولا انبسطت! هافرح إمتى؟ لما أكون صاحب عيال؟! طول عمري في حالي وماليش دعوة بحد.. باشتري طقم واحد كل سنة ونص وراضي، مش عارف أدخل سينما وهي حبي الأول لأنها بتقعدني في البيت 3 أيام مانزلش عشان يكون معايا 12 جنيه أدخل بعشرة وأركب مواصلات وأشرب القصب قبل وبعد السينما وراضي.. طيب أجيب كريم للشعر منين وماكينة حلاقة منين، ولو اتهفّيت في عقلي وحبيت أحط بارفان؟؟! دي طلبات أساسية وبسيطة لكن..... بطلت سجاير عشان مش معايا تمنها وكمان عشان كنت باتخنق من الناس اللي بيطلبوا مني سجاير، وأنا مش باعرف أقول لأ!! أو أكدب، مش بُخل لكن لأنها بحساب يعني، وكده الجدول هيبوظ! ده أنا عشان أشتري كتاب عاجبني وأنا من مدمني القراءة باحسب ألف حساب، عشان أشتري الجورنال اللي بحبه وأنا مصروفي 4 جنيه، منهم جنيه للنت، والباقي مواصلات أو تمن كوباية عصير القصب اللي بيسعدني، أو باكو مناديل أو مصاريف استثنائية كتير قوي. وكمان زي ما بطلت التدخين بطلت أروح جيم؛ لأنه كان بـ2 جنيه.. مش حاجة يعني، بس كانوا بيفرقوا معايا جدا.. أنا باكون في أشد الحرج لما أركب مواصلة ويكون فيها حد أعرفه، أو هو راكب معايا وأنا مش معايا غير تمن نفر واحد، وأنا مش عايز حد يدفع لي.. باكون مش عارف أدفع لوحدي وكده هيقول عليّ كلام، أو هيظن ظنّ مش كويس، ولاّ أعمل عبيط! أنا مش عايز حد يدفع لي ويكون ليه جميل عليّ، ومن أكبر المشاكل اللي عندي بقى إني مش قادر أحب.. ماعنديش الإمكانيات إني أحب.. أنا مش عايز مصروف زيادة من أمي؛ لأنها كتّر خيرها لحد كده،. بس طالب منهم يحسوا بيّ، دايما فاكرين إني عايش مقضيها زي الشباب الهايف اللي مش فاهم حاجة عن الدنيا ولا عن بلده واللي حاصل فيها، كل كلامي ياخذوه باستهزاء، فعلا ماحدش بيحس بالإنسان غير نفسه، أنا مش عارف إيه الحل في البلد دي.. حسبي الله ونعم الوكيل.. مش لاقي حل.. كل ده وماحدش من أهلي -لا أبويا ولا أمي- حاسس بيّ، لأن الاثنين منفصلين، وأبويا مش بيسأل عليّ، وأمي الغلبانة عينيها طالعة عشان نلاقي نأكل، هي مدرسة بقالها 19 سنة، مدرسة أولى ومرتبها 290 جنيه، وأنا عندي أختين بنات، منهم واحدة في ثانوي وواحدة عايزة عريس وأنا ماعنديش أي أمل إن بكرة يتصلح.. سنة بتفوت وراء سنة وأنا حاسس إني باعجِّز وقلبي بقى كله تجاعيد وأنا عندي 21 سنة وعندي اكتئاب وكاره الدنيا.. والله ساعات بامشي في الشارع عايز أضرب الناس ويضربوا فيّ لحد ما أرتاح، بس أرجع أقول هم مالهم؟ إنت هتتجنن ولاّ إيه؟! كل ما أشوف البنات اللي ماشية خاربة الدنيا، والشباب اللي بيدخن السجاير الأجنبية اللي تمنها يساوي مصروف يومين ليّ وبيفكر النهاردة هنسهر فين وراكبين عربيات شبابي، ومعليين الكاسيت، وأنا واقف مستني الأوتوبيس أو الترام، وألاقي عربية مكيفة فيها كلب مطلع لي لسانه بيغيظني وبيقول لي: "أنا كلب بس واخد حقي، راكب عربية وإنت مش لاقي النقل العام يا (.....)". كل ده أبويا وأمي مش حاسين بيّ، ولا كمان أصحاب البلد اللي المفروض إنهم بيشتغلوا عندنا، هو ده اللي أنا طالبه.. طالب إن الناس كلها تحس ببعضها وماحدش يلوم على التاني غير لما يعرف ظروفه.. ولاّ ليه يلومه؟! طالما مش هيساعده، يسيبه في حاله عايش في اللي هو عايش فيه، ويوفر عليه حرقة الدم.. يا رب كلامي يوصل في وسط الزحمة.. حتى لو ما وصلش أديني اتكلمت وفضفضت مع الكمبيوتر يمكن يشوف لي حل!! |
كفاية رغى
فكرة ممتازة يا اسمك ايه :::::::::::::: بس الشخص دا مسود الدنيا اوى مش مستاهلة كل ده هو ذكر فى الاول انه اهله مطحونين علشان يوفروله اكل وشرب ولبس اذا هو عارف ظروفهم ومستواهم المادى ودا شىء فى حد ذاته كويس بس بعد كدا قال ان فى فجوة بينه وبين اهله فجوة اسرية يعنى محدش بيسأل عنه ومحدش بيسأل فيه اكيد هو عارف انهم عايزينه يبقا احسن شخص فى الدنيا وبيحاولو على قد ما يقدرو يوفروله احتياجاته بس ما باليد حيلة ااذن هو عنده فجوة اجتماعية لانه مش مقرب اوى لاهله ودا شىء يخليهم مش يحسو بيه او ميكونش عندهم دراية بظروفه النفسية فياريت يحاول يقرب من اهله شوية يتكلم معاهم يحكيلهم اكيد هيحسو بيه بس المشكلة النفسية دى ناتجة عن الظروف المادية لان ظروفه المادية زى مهو واضح من كلامه مش كويسة ومش راضى برزقه اللى ربنا قاسمهوله كلنا بردو ظروفنا مش اد كدا مش كل يوم فى سينيمات ولا نوادى ولا ديسكوهات ولا خروجات بردو ومع ذلك راضيين بللى ربنا قاسمهولنا الرسول بيقول ارضى بما قسمه الله لك تكن اغنى الناس ) او فيما معناه والحياة مش كويسة علطول ولا وحشة علطول كل واحد فينا له ظروفه ويوم حلو ويوم وحش الدنيا مش بتثبت على حالة وبكره زى ما بيقولو تروق وتحلى كل اللى عليك انك تصبر وربنا هيعدلها ان شاء الله وبخصوص الكلية هيا الكلية دى النجاح فيها بالنصيب كدا مش شرط انك تزاكر وتنجح دا بيبقا تبع مزاج الدكتور واللى يشترى الكتاب ينجح غير كدا ممكن مينجحش ربنا يهدى الدكاترة بس مش معنى كدا انك تستسلم وتحط ايدك على خدك لا لازم تزاكر تانى وتحاول تكون افضل وربنا بردو مش بيضيع تعب حد ان الله لا يضيع اجر من احسن عملا وبالنسبة للظروف المادية ممكن انت تظبطها شوية تشوف شغلانة بجانب الكلية اهى هتحسن الوضع المادى شوية متسودش الدنيا كدا ودايما متبصش للى اغنى منك لا بص للى حالته اقل منك هترتاح جامد انا رغيت كتير اوى بس مش مهم فوتتكو بعافية :d |
اولا بالنوسبة للفكرة ياجماعه احنا عملنا كده كتنشيط للموضوع لانه زي ماحنا عارفين النوم بيجيب نوم (دايما بيقلوهالي ايام الدراسة :d) يعني طول ماهو مش شغال كده محدش هيحس بيه بالنسبة للمشكلة بقى مش عارفة انا شكلي كان ليا مزاج للنكد امبارح بس لما قربت المشكلة تاني ناو بتركيز مش حسيت اني متعاطفه مع الولد اوي ايوة هو ظروفه صعبه جدا بس لو بصينا ع الاسباب نلاقي هو ليه ايد فيها اولا هو بيقول باباه ومامته منفصلين الاب مش بيسأل عليهم والام 290 جنيه ف الشهر عنده اختين بنات واحده عايزة تتجوز والتانية عايزة دروس وهو راجل 21 سنة سايب مامته تشتغل ومستني منها المصروف لاء وكمان مش عاجبه اربعه جنيه ف اليوم يعني 120 جنيه ف الشهر تقريبا نص مرتب ماماته الحل من وجهه نظري انه يستغل الوقت اللي بيفكر فيه ف ظروفه ده ويروح يشوفله شغل حتى لو ف محل يوفر بيه مصروفه ويصرف ع نفسه بس ويوفر الفلوس اللي بياخدها من مامته دي لاخواته المحتاجين هو بردو مشكلته انه حاطط ف دماغه الناس التانية اللي ف نفس سنه بيتفسحو ومش عارفة مين راكب عربية طيب انت فين مش كل الناس زي بعضها انت ظروف اهلك صعبه حاول انت اللي تعمل نفسك حاول تساعدهم مش تطلب منهم زياده انت لو اشتغلت وصرفت ع نفسك واخواتك هتدي لمامتك انها تسأل عليك وتهتم بيك لان اكيد زي مانت مدايق من الظروف بتاعتك اهلك اكيد مش مبسوطين بردو يعني دلوقت من وجهه نظري حل المشكلة كلها ف ايده انه يشتغل ويذاكر ويساعد نفسه ويبطل تفكير ف حال الدنيا والظروف السودا اللي هو فيها ويعرف انه احسن من غيره بكتير بس مش يقعد يفضفض لكمبيوتر !! |
اقتباس:
بص الشخص ده كان برضه مرتبط بطرف تاني قوي قوي قووووي وبرضه قدامه المذاكره والكلام ده بس حط قدامه ده اني عشان اكسبها اصلا لازم اني اجتهد وابذل اقصي جهد عندي وفي نفس الوقت عادي انا ملتزم بحبي للشخص ده وبكافح عشانه فانت تحط في بالك كده انك هتمر بمرحله زي دي وانت كمان بتذاكر وقدامك ثانويه عامه يبقي لازم تذاكر عشان تكسبها لازم تنجح عشان توصلها في الاخر يعني تخلي المذاكره والارتباط مع بعض بمعني انك تبقي حاطط في بالك انا هذاكر عشانها يبقي لو مذاكرتش خلاص فبكده هتذاكر وفي نفس الوقت مش هتخلي الارتباط بينكم يطغي علي مستقبلك مش عارفه اقولها غير كده الصراحه يارب تكون فهمتني |
اقتباس:
الشاب ده حاسس بمشكلته و حاسس بظروفه بس نفسه يبقى أحسن حال من كده لكن مش قادر و واضح إن عنده نسبة من عدم الرضا و دى مشكلة كبيرة جداً لإن القناعة و الرضا فى الزمن ده مش بنلاقيهم كتير هو من النوع اللى عايز دفعة قوية من حد علشان يشتغل و ينجح فى حياته و يكون لنفسه حياة مستقرة بس ده مش هيجى إلا من إصراره لازم يكون عنده عزيمة أكتر حال البلد تعبان ومفيش شغل بس ليه مانتعبش أكتر و نحفر فى الصخر والدته مش هتسرق علشان يعيشوا كويس ولا إخواته بإيدهم يعملوا حاجة هو اللى فى إيده المفتاح هيتعب أوى بس معلش .. على الأقل يحس إنه ليه قيمة المفروض يدور على شغل فى أى مكان حتى لو هيشتغل سباك .. بس المهم إن يكون معاه قرش حلال و حتى لو المرتب مش هيصرف على أمه و اخواته على الأقل يصرف على نفسه و يحمد ربنا إنه فى نعمة مش حاسس بيها .. مستواهم المادى الضعيف خلاه لا يمشى مع بنات و يبطل السجاير و يا ريت لما ربنا يفتحها عليه مايرجعش تانى للغلط محدش هيحس بمشكلته و حاله اللى عايش فيه إلا هو أنا شفت شباب حالهم أسوء من حال الشاب ده و طبعاً مانقدرش نقول غير ربنا يصلح حال الجميع و نحمد ربنا على كل نعمة عايشين فيهل و لو بسيطة الحمد لله على كل حال أخيراً رديت .. ربنا يصبركم عليا مشرفة فاشلة و النت بتاعها أفشل منها :d سلام عليكم |
ايه ده
ده انتي مسوداها مسوداها هرد تاني |
اقتباس:
اقتباس:
احم والله انا سايبه الموضوع لغايه مترد :d لقيتك معبرتش قلت انزل ده وخلاص :d رد الحاجه دعاء سمير كانت عامله كتاب عسل بجد فيه مشاكل متخلفه اسمه حب بلون البنفسج :d فى مشاكل تحسوا انكم فى بلاد الواك واك فعلاً ::::::: عارفة إنك لما نويت تفضفض لنا يا م. لم تكن تأمل في حل سحري، بقدر ما كانت المسألة بالنسبة لك مجرد فضفضة يهمك إنها توصل، وعلى حد تعبيرك "وحتى لو ماوصلتش أديني اتكلمت وفضفضت مع الكمبيوتر يمكن يشوف لي حل".. أديها وصلت يا صديقي وأديني باتكلم معك. وأنا أقرأ فضفضتك للمرة الثانية، لم أحتمل ما اعتمل فيّ من مشاعر متخبطة بين التأثر والغضب، فقطعت قراءتي وسألت أصدقائي هنا: "إذا أردت أن أرسل رسالة لمسئول كبير -قد يهمه الأمر-، هتوصل له هو ولاّ الحاشية بتاعته هي اللي هتستقبلها؟!" كنت أريد أن أريهم إلى أي حال آلت حياتنا، وكيف لم نعد نحظى بحياة آدمية في بلدنا! :d قبل ما ندوّر -مع بعض- على حل يا م، سأناقش معك حياتك التي أصبحت بكل أحلامها، وخيبات آمالها، وعقباتها، نموذجاً متكرراً في قطاع كبير جداً من جيلنا، وإن كانت بدرجات متفاوتة. بل ويوجد ما هو أسوأ من ذلك. لن أضحك عليك وأقول لك إن التعليم يتطور، ويقترحون إنشاء معامل حقيقية في المدارس فيها موقد "بنزن" ومخابر مدرجة، وسيتم تخصيص حمامات للبنات فقط وللأولاد فقط في المدارس المشتركة! وخفضوا ساعات الامتحان إلى ساعتين مع الاحتفاظ بنفس نوعية وكــمّ الأسئلة التي تحتاج إلى أربع ساعات أحياناً!! وأصبح لدينا رحلات استكشافية لطلبة الجامعة في الصحراء الغربية والواحــات، دول حتى رجعوا سنة سادسة ابتدائي كمان!! ولن أقول لك إنه يوجد حلول سحرية لن تحتاج فيها غير إنك تمسح مصباح علاء الدين. :d إنما سأمسك كل خيط مُتاح من أصله. بمعنى أنه لو أنا أتفق معك في بعض ملاحظاتك عن الدراسة في الجامعة، فهذا لا يعني أني أقول لك: "سيبك من التعليم.. ده مش جايب همــّه وروح اتعـلم لك حــرفــة"! -وعلامة التعجب دي من عندي طبعاً!!-.. ولو اتفقت معك إن ظروفك صعبة، فهذا لا يعني أني أقول لك: "استنى لحد ما حال البلد يتصلح"، أو أكون غير واقعية وأقول لك إنك -رغم ذلك- عندك القدرة على أن تغير حياتك كلها في غمضة عين على نظام "انسف حمامك". إنما كلامي هذا لا يعني أبداً أن تركن إلى الظروف وتسلّم نفسك لطول الأمل الذي لن يأتي مادمت لم تتحرك من مكانك. وحتى لو افترضنا أني اتفقت معك في كل شيء، فأنا لا أتفق معك إطلاقاً في النبرة التشاؤمية التي غلبت عليك. شوف يا م. الكثيرون من المثقفين والكبار لم يكونوا خريجي مدارس "ليسيه" أو تعليم أجنبي. ولم تكن والدتهم سيدة أرستقراطية تتحدث الإنجليزية والفرنسية أكثر من تحدثها بالعربي -اللهم إلا إذا أرادت أن تأمر الخدم لكي يفهموها!- إنما كانت ربة بيت إذا كانوا من أهل المدينة، وغالباً ما تكون ربة بيت ريفي تطعم البهائم وتحلبها. وأغلبهم لم يكن والدهم ذا نفوذ ومال وجاه، إنما فلاح بسيط قد يكون اضطر لبيع جزء من أرضه حتى يصرف على تعليم ابنه الذي صار دكتوراً أو عالماً. كل ما قاموا به أنهم (أرادوا ونووا) -واخد بالك إني حاطة الكلمتين بين قوسين؟-. وبعدما أرادوا ونووا، اتجهوا لهدفهم بكل ما أتيح لهم وقتها: تركيز، وطبلية، ولمبة جاز، وشوية إيمان، ودعوة من الوالدين. لم يكن متوفراً وقتها ورق كاف ليذاكروا فيه ويحفظوا، ولم يكن لديهم نت تحت أيديهم يخدمهم في البحث والدراسة، وكان أكلهــم يشبه المقـررات الدراسية الآن -هو نفسه كل يوم لا يتغير، إلا في بعض المناسبات وليست كلها!!-، وكانت وسيلة الترفيه الوحيدة لديهم أن يلعبوا ماتش في "الجـُرن" وهم حافيين، وتبقى منتهى الرفاهية إذا كان العمدة أو أغنى من في البلدة قد أنعم الله عليه بصفقة استطاع أن يشتري بثمنها "راديو"، وما بعد منتهى الرفاهية إذا كان كريماً ووضع الراديو في الشباك في أول خميس من كل شهر فيستمعون لحفلة "أم كلثوم"! إذا لم تستغرب أنت، فأكيد سيستغرب آخرون... لكن والله هذا متوسط ما كان يحدث. يعني فيه قصص كثيرة جداً فيها الحياة بأنياب ومخالب وتعضّ. لن أمضي في ضرب الأمثلة يا صديقي لأن كل النهايات كانت ناجحة ونجاح من النوع الكبير، مش اللي يسد الخانة. وكذلك بدايتهم كانت واحدة وألخصها مرة ثانية في حكمة إنجليزية تقول: "When there is a will, there is a way" يعني بالعربي البسيط: "إذا صدق العزم، وَضـَح السبيل". ضع أمامك هدف يا م. وكن صادقاً في نيتك، وإياك والوقوع في فـخ العناوين الكبيرة: "أنا لازم أنجح" أو "أنا لازم أطور نفسي وأبقى كويس"، لأنك لو تركت النجاح والتطوير مفتوحاً هكذا ستقع في فـخ آخر اسمه التسويف لأنك لم تحدد من البداية. ماحدش بيبني السطح قبل ما يحفر ويضع الأساس ويرفع الدور الأول! ليكن أول هدف لك ونحن في بداية سنة جديدة، أن تنجح هذه السنة بدون مواد. وبما أنك نجحت بإذن الله، ضع الهدف الثاني، إنك تشتغل في الصيف وتتعلم لغة بالاعتماد على نفسك وليس بالضرورة أن تدفع شيء وشويات في كورس، من متابعة إذاعة بنفس اللغة أو مشاهدة أفلام ومسلسلات تتحدث بها، أو حتى بأن تمسك القصص التي كانت مقررة عليك من قبل وتذاكرها كلغة وتراكيب وليست كقصة وترتيب أحداث. ثم الهدف الذي يليه إن أول قرش يرزقك به الله من الشغل تجيب منه 2 كيلو مانجو للبيت وتأكلوه مع بعض، وتشتري منه كتب من مكتبة الأسرة بأسعارها الزهيدة وكتبها عالية القيمة، وتروح السينما -بس ياريت تكون فيه أفلام تستحق ساعتها-. ستتعجب من الأهداف البسيطة التي اقترحتها عليك. لكن هذه هي الحياة يا صديقي؛ فتافيت، حاجات صغيرة، وأشياء بسيطة، تتراكم فوق بعضها لتصنع جبلاً، أو ملحمة، أو حدوتة، وفي كلٍ منها حياة. أقول لك دعكَ من الذين يتمرغون في النـِعَم والمال بين الكلاب والقطط حتى لا تتعب ولكي لا يتعمق إحساسك بما ينقصك وأنت تستحقه، وبما لديهم وهم لا يستحقونه في نظرك. ولا تشغل بالك ببعض الناس ممن تقول عليهم إنهم توفرت لديهم أسباب النجاح وسبله. لكنهم فشلة.. ويا ريت نقف عند فشلة فقط!!. لديهم مال يشتري مدينتك لكنهم يصرفونه في تدمير أنفسهم، وأنت تعرف ما فيها كما قلت. ولا تضع في ذهنك أن أسرتك تقصد إهانتك يا م. حين يتساءلون عن لازمتك في الحياة. ألم تسأل نفسك يوماً كيف يجتمع كلام والدتك القارس كالبرد أحياناً واتهامها لك بالفاشل، مع شغلها ليل نهار حتى توفر لك ولأخوتك لقمة عيش شريفة فلا تمتد يدك لأحد ولا تمشي وأنت مكسور النفس؟؟!! أعتقد أنك لو فكرت بطريقتك المنظمة، والعميقة التي بدت لي في طريقتك في الحكي، كنت ستصل إلى أنها تريدك أحسن الناس لأنها -ببساطة- تحبك وتراك مستحقاً لتكون أحسنهم. أعرف أنك لم ترسل لنا لكي أخبرك بـ(أفضل 5 طرق عبقرية للنجاح في الكلية بأقل إمكانية). ولم تفضفض لنا أيضاً لكي أقترح عليك (أشرف حيلة ذكية تخليك تعيش مية مية).. أعرف أن كل ذلك يهون مع إرداتك وحبك للاطلاع سواء بالقراءة أو الفرجة على السينما، لو كنت تشعر بالدفء مع أسرتك للدرجة التي جعلتك تتهكم في عبارة تشبه الكوميديا السوداء وتسأل: "ماعندكش أهل سَلَف؟!". وإن كنت اتفقت معك في كثير مما قلت، فهذه هي النقطة الأخرى التي لا أتفق معك فيها إطلاقاً. لو قلّبت أسئلة مامتك واستفسارها عن مستواك واتهامها لك بالفشل، ستجد وراءه -كما قلت لك- حباً وحرصاً. لكنه ليس بالطريقة التي ترجوها أنت. والدتك تسعى يا م. بكل ما أوتيت، وكونها توفر لك أقل ما تحتاج إليه فهذا -في وجهة نظرها- حب وهذا هو الدفء. وتعبها، وطلباتك حتى وإن لم تعد تطلب، وجري الأيام لا يجعلها تتوقف لتربت على ظهرك وتقول لك: "مالك؟" أو "عامل إيه؟" أنا لست مع وجهة نظرها تماماً التي قد لا تعيها هي، ولست ضدها. لكنني متفهمة لها وهذا ما نصفه بأن الحياة واخداه. ومعلش إذا قلت لك: "لا تطلب منها ذلك". بل قـم به بنفسك يا صديقي. كن لها صديقاً، وفكر معها بصوت عالٍ حتى لو لم تتقبل منك ذلك في الأول، حتى لو صدتك وقالت لك: "روح ذاكر لك كلمتين بدل الرغي ده". اسألها عن أحداث يومها، واعرف جدولها بما أنها مـُدرسة، واعرف المواضيع التي تشتملها مادتها. احكٍ معها واستمع لها. خذها في تمشية بسيطة غير مكلفة على كورنيشكم اللي يردّ الروح مع هواء البحر وطعم اليود فيه. وبينك وبين نفسك، فكر كيف ضحت من أجلك وإخوتك، وكيف حاربت وحدها يا م. وقارن بينها وبينك لما تعتبر أن التضحية التي قدمتها لها أنك لم تعد تشرب سجاير لأنك لا تجد ما تصرفه عليها، وأنك توفر لكي لا تشتري الجـِلّ!! وبعدين يا أخي الجـِلّ ده يسيء للشعر، وأعتقد إن كل واحد مدخن عنده وعي عليه إنه يبطل السجاير. أنت لست في حاجة لأهل سَلَف يا م. بل في حاجة لتبدأ بنفسك الأول، ولتزيل الغبار من على روحك وروح البيت كله. ولا تحبس نفسك في التفكير في كيف اشترى فلان هذا القميص الذي يكفي سعره مصروفاً لك لمدة 6 شهور. ولا في أن كيف هذا الشاب المستهتر زميلك في الجامعة، يركب سيارة لا تحلم بلمسها من الخارج! دعكَ من القشور يا م. -اقروا البتاعه دى بجد- يوجد ناس يا صديقي والله العظيم ما تلاقي لقمة يومها. ألم تسمع عن القصة التي تناولها كل من يهتم بحال الناس عن التلميذة التي سقطت مغشياً عليها في الفصل. ولما لم تجد المـُدرسة -وهي جديدة على المدرسة- أي رد فعل من التلاميذ وكأن الأمر شيء عادي، استنكرت. وبالفعل أخبرها التلاميذ أن إغماء تلك الطفلة متكرراً. ولما سألتها المـُدرسة عن السبب، قالت الطفلة إنها لم تأكل من اليوم السابق. ولما سألتها المدرسة وليه؟ كان رد البنت: "لسه دوري ماجاش"...!! أسرتها مكونة من كذا فرد، ودخل باباها صغير جداً.. فاضطرت مامتها إنها تعمل "جدول" -ليس كجدول مامتك الدراسي- بل جدول لكل واحد من أفراد الأسرة لكي يأكل!! يعني السبت يأكل "حسين"، والأحد "مريم"، والإثنين "تامر"....!!!! خـلاصــة القول يا م. لأني أطلت عليك.. احمد ربنا على كـل النـِعم التـي وهبــها لك. احمــده على والــدتـك -السيدة العظيمة التي أنحني لها إجلالاً وبلّغها تحياتي-، واحمده على صحتك وأنك فيك القدرة على الوقوف على قدميك وكسب رزقك بنفسك. واحمده على العقل الذي وهبه لك ولم تستخدم منه حتى الآن إلا نسبة قليلة جداً من إمكانياته التي ظهرت في طريقتك، وكلامك. وبعد الحمد والشكر الذي وعدنا الله بأننا لو شكرناه فسوف يزيدنا من نعيمه.. وخد بالك في الآية قال تعالى: "إن شكرتم لأزيدنكم".. و"لام جواب القسم" هنا أكيدة من "سوف" التي قلتها أنا في معنى الآية. يعني أكيد، أكيد، ربنا سيزيدنا إن شكرناه. تفاءل، واجعل لديك إيمان يا م.؛ إيمان بالله، وإيمان بما أعطاك الله، وإيمان بكل شيء خير سيوصلك بإذن الله للخير سواء كان زيادة في الرزق، أو بالحب، أو بركة في الأهل والعمر. وأعتقد إن معظمنا يذكر معنى الإيمان، وهو ما وَقـَـر في القلب وصدقه العمل. فلو أنت وثقت في رحمة ربنا، ستعمل على أن تكسبها ولا تجلس تنتظرها. ولو آمنت أنك قـادر -بعون الله- على تحقيق مرادك من العلم، والمادة، والاطلاع، ستجد نفسك بمنتهى البساطة تتجه بكل ما أوتيت من مقومات وإمكانيات شخصية وعقلية تدركها أو لم تدركها بعد إلى تحقيق ذلك مهما طال عليك الطريق يا صديقي. تحياتي وتحيات كل زملائي من القلب لك، وأتمنى إنك تطمنّا عليك، ويارب -ولو بعد سنين- يا م. تتذكر فضفضتك دي وتضحك وأنت راض وحامد ربنا لأنها كانت ماضيا أعدك لحاضر سعيد، ومبهج، وناجح. :::::::::: بجد ردها رائع والردود اللى فوق جميله بس البت دى رغايه اوى :d بس ردها نفسه مفيد :d |
هي فكرة جميلة جدابس أعتقد ان صاحب الفكرة الأستاذ/أحمد حافظ جلال لأني شوفتها في موضوعاته من فترة كبيرة جدا
|
اقتباس:
موضوع استاذ أحمد ماكملش و بما إن الموضوع هنا مثبت و نشيط يبقى ليه مانعرضش فيه المشاكل أهلاً بيك فى الموضوع :::::::: سمنة كنتى تحطى المشكلة و وراها الرد بتاع دعاء بصراحة رد ممتع و فيه كمية أمل و تفائل رهيبة ربنا يجازيها كل خير و جزاكم الله جميعاً كل خير |
اقتباس:
اها عشان منتعقدش :d يلا في انتظار المشكلة اللي بعديها يارب متكون سودا زي اللي قبلها |
ذاكرنا وحلينا وحفظنا........... لكن الحفظ بيتبخر والفهم بيفضل وانت ممكن تعبر باسلوبك
ده اللى انا ابعته فى ثانوى وياريتنى ما اتبعته, انا اتظلمت فى حوالى 10 درجات بسبب الموضوع ده واما اعمل تظلم الاقيهم حاسبنلى الاجابة غلط عشان مش نفس النص اللى فى نموذج الاجابة, مع انه نفس المضمون لكن باسلوب مختلف وطبعا مخدتش حاجة فى البلد اللى ما يعلم بيها الا ربنا دى انا مش هقول غير حسبى الله ونعم الوكيل, لولا العشر درجات دول كان زمانى فى هندسة دلوقتى لكن قدر الله وما شاء فعل اجيبلك م الاخر, الثانوية العامة دى حظوووووووووووووووووووووووظ بعد قدر ربنا طبعا |
اقتباس:
هههههههههه اوك المره دى ان شاء الله كنت سيبالكم فرصه تفكروا انتو :d اقتباس:
هههههههههه هجبلكم مشاكل مروشه اسمها موشكله يا حاج شريف :p اجبهلكم مش نكد ازاى بس :d يلا عامه هنزل واحده النهارده وهحط بعدها الدر ان شاء الله :d منورنا يارداله والله |
في انتظارك يا حاجة ياسمين
|
اقتباس:
هههههههههههههه اها نجبلك واحد صايم وجعان مثلا مش عارف يفطر ولا يستنى المغرب :d يلا ياياسو خنقتينا هشوف مساعده غيرك :p |
اقتباس:
لا مبقولش كده انا بقول مشكلة اه بس مش سودة كده اللي قبلها مكانش فيها حاجة حلوة خالص كنت خلاص همد ايدي في جيبي و هعطيها اللي فيه النصيب :d بصي يا حاجة ايمان متاخديني مساعد و سيبك من ياسمين اللي مبتعرفش تعمل حاجة دي :d بمرتب اقل علي فكرة يعني نضافة وريحة وتوفير :d |
بجد معلش يا جماعه اولاً انتى عارفه الظروف يا ايمى وبعدين انا اتفرست كل المشاكل عاتشفيه انا معجبه بمعيد عندى بحبها ومش قادر انساها ضحكتها صفرا اوى خنقتنى بغيرتها والأدهى انا بحب واحده بس انا قصير اوى عنها عالم مقرفه صحيح مالها الجزم ام كعب :::::::: المهم انا عجبنى الرد ع المشكلة جداً http://www.boswtol.com/2006/mastaba/...fadfada_02.jpg بسم الله الرحمن الرحيم، أنا بصراحة مش بافضفض عشان مشكلة شخصية بس كنت عايز أكلم كل واحد يقرأ كلامي وأقول له احنا دايما بنشتكي من الأب والأم مع إنهم أكتر ناس خايفين علينا وبيحبونا. وبنقول إنهم مش عارفين أو حاسين بينا.. طبعا النهاردة كل أم وأب لازم يخافوا على أولادهم ويطمنوا على مستقبلهم وكل واحد فينا لما يتجوز ويخلف هيعرف معنى الخوف على الابن أو "الضنى" وأنا بفضل كلمة "ضنى" دي..باقول سؤال واحد لكل أهل متقدم لهم عريس أو داخلين على جواز ابن أو ابنة: لو إنت كأب مش مطمئن للراجل اللي هتجوزه بنتك، الفلوس هي اللي هتضمن لك ده؟ الإجابة طبعا واضحة.. ياريت نخلي تفكيرنا أعلى وإدراكنا للأمور أكتر.. احنا في زمن ما ينفعش فيه الاستسلام أو الخضوع. ع. |
الى الحمام الزاجل
رد دعاء بالمناسبه هى خريجه تجاره مش كبيره اوى عننا :d مع أني لا أعاني؛ مما يعاني منه الشباب بحكم أني بنت ولست مسئولة عن توفير شقة -ويفضل- تمليك، وسيارة -ويفضل- ألا تكون فيات 128، وحساب في البنك -ويفضل- ألا يقل عن مئة ألف بعد تكاليف الزواج والفرح الفاخر، ووظيفة محترمة -ويفضل- ألا يقل مرتبها عن 3 آلاف جنيه شهرياً، إلا أنني أحسست بك وتأثرت جداً من كلامك. لأنه والله همّ يحزن. أحييك على تفهمك لطبيعة ما يحدث فأنت أرجعت المغالاة في المهور وطلبات الزواج من أولياء الأمور إلى خوفهم على بناتهم. بالفعل، هم معذورون في خوفهم لأن الزواج لم يعد ذلك الحلم الوردي ولم تعد تلك الحياة الجميلة التي كان يحلم بها الشباب زمان وكان يظهر ذلك في أفلام الأبيض والأسود. بل أصبح التعبير المتعارف عليه بيننا أنه "شر لابد منه"!! لما يصر الأب على طلبات معينة ويجعل الأمور أصعب على عريس ابنته، يكون في باله ضمان حقها المادي حتى إذا لم تأخذ حقها الطبيعي لا تفقد كل شيء وعلى الأقل تخرج بكم جنيه، وكم أنتريه، على كم دولاب من تجربتها إذا فشلت. ولما يبالغ في تقدير مؤخر الصداق، يكون همّه أنه لا يجعل عملية الطلاق سهلة على العريس فكلما زاد مؤخر الصداق كلما فكر مليون مرة قبل أن يقدم على الطلاق لأنه سيدفع دم قلبه. لكنني سأرجع لما قلته في فضفضتك يا صديقي بأن الفلوس لا تضمن له سعادة ابنته ولا تضمن أن يكون العريس ابن حلال سيصونها ويحفظها. بل إن التضييق في طلبات الزواج يكون له تأثير سيئ جدًا على الشباب وهذا ما نراه حالياً بيننا. فالشاب لا يجد ما يتزوج به، لذلك يفضل أن يعيش حياة فوضوية بلا قيم ولا نظام يحكمها. فيلعب بمشاعر البنات ويعيش على هواه براحته تحت اسم أنه لم يعدها بشيء، وأنه لم يقل لها كملة "بحبك"، وأن كل ما حدث كان "لطف زائد" في التعامل بينه وبينها!! هذا إذا لم يكن العيار فلت ووصل اللاعب للعب بالأعراض. كما أن المغالاة قد تؤثر سلبيًا على البنت ومن ستتزوجه فلا يكنّ لأهلها محبة حقيقية لأنهم صعّبوا عليه الزواج. وقد يصل التأثير لعلاقتهما ببعض فيتهمها أنها كانت شريكة معهم وأنا الهدف من هذا الزواج هو امتصاص دمه وحبسه بين القائمة والمؤخر. لكن ليس عليك أن تسلّم بذلك وتكتئب وتيأس، بل عليك بالعمل والاجتهاد وبإذن الله ربنا يسهلها لك ولك شاب ينوي الحلال حتى وإن كانت المشكلة في أن الموازين انقلبت يا "ع." مما يجعل الناس تتمسك بالماديات لأنه لم تعد هناك ثقة بين الناس ولا محبة حقيقية تربط بين القلوب. وكأنهم يرون في المال تعويضاً وهم بالطبع مخطئون في ذلك. لذلك أول ما قرأت كلامك وتأثرت يا "ع." كتبت على أول فضفضتك "إلى الحمام الزاجل مطلوب هبوط عاجل" وهي بيت من قصيدة للرائع "بهاء جاهين" اسمها "عاجل وشكراً للأهمية".. أرى أنها تفسر وتوضح بمنتهى الجمال ما أعنيه بـ"انقلاب الموازين"... ومنها: إلى الحمام الزاجل مطلوب هبوط عاجل يا حزن.. متسجّل بعلم الوصول إلى صحون الفول قلبي لمونة ناشفة.. مش مسئول إلى السلام الذري نزلت حمامة تبيض خدوها تحري غصن الزتون صادروه، حيازة سلاح إلى الندى في الصباح ممنوع بدون ترخيص إلى الكروان ادفع جميع دمك ضريبة ملاهي أو خلّي تسبيحك في زورك حبيس إلى الربيع القادم نحيط سيادتكم علم أصبح لازم تصريح دخول م السيد المسئول إلى جميع البراعم ممنوع يفتـّح قلبك النائم إلا بطلب رسمي لجناب الغول ..... ......... إلى عيون الخلق والمية عطشان... ولو في دقيقة ماشربتش ح موت مقتول عاجل وشكرًا للأهمية |
اقتباس:
هههههههههه بجد كنت عاوزه انزلكم مشكله عن طالب طب جامده جدا بس بجد تعبت ومش لاقياها هدور ويارب الاقيها بقى وبعدين يختى متنزلى انتى عالم متواكله صحيح :p اقتباس:
ههههههههههه عم بونكس بيرسم ع الوظيفه لا اوعى اعورك انا شرانيه وبعدين هأكل العيال منين بعد مايمان تطردنى :p مش بعيد اجى انا بالعضويه واكتب إصه حياتى :d اهى نزلت اهى ع الله متقراش بقى :p |
اقتباس:
هههههههههههههههههههههههه اسمها اصة ؟ جبتي كام في العربي يا ياسمين :d انا قريتها بس دي مش مشكلة جامدة زي اللي قبلها سوديها شوية :d |
موضوع جميل جدا يستاهل النقاش انا عن نفسي بحب افهم الحاجة ساعة ما بتتشرح قدامي اول حاجة و بعدين اذاكرها بالكتابة و بعد كده احل التمارين الي في الكتب الخارجية على الدرس الي ذاكرته و طبعا مهما ذاكرت هيوقف معايا اسئلة ممكن اكون عرفاها بس مش عارفه اعبر باسلوبي كويس فلما اشوف صيغة السؤال بيجي ازاي مع الاجابة الي انا بطلعها بنفسي هتثبت طبعا في دماغي و كل ما احل اكتر بتكون نسبة الاستفادة اكبر بس طبعا بعد مذاكرة ربنا يوفقنا جميعا |
بسم الله الرحمن الرحيم
انا كنت خايف من حاجة و قلقاني .. أولاً أنا الحمد لله ناجح في دراستي و درجاتي كويسة و طلعت الأول على الفصل في أولى ثانوي و كل حاجة الحمد لله و عمري ما أخدت دروس أبداً في دراستي ولا عمري فكرت آخد و طبعاً أنا داخل دلوأتي على ثانوية عامة و الكل بدأ من زمان و أنا نويت أني أتابع مع المدرسة و أنا رافض أصلاً فكرة الدروس دي بس دلوأتي أنا قلقان شوية لأن في ناس تعض تقول لازم تاخد دروس و بتاع .. و الصراحة كل يوم بقرب من الدراسة بيزيد قلقي لأني تقريباً الوحيد في الفصل اللى مبيخدش دروس !! يا ريت يعني لأخوة لو يقلولي انا كده صح و لا غلطت و ايه الخطوات و النصائح اللى ممكن أعملها و انا مع المدرسة .. و على فكرة مدرسين المدرسة شرحهم ممتاز و بفهم منهم عطلول و كلهم عندهم ضمير و الحمد لله .. مستني الرد |
اولا سلام عليكم بص /ى جميل جدا انك كنت معتمد على نفسك ومش بتتجه للدروس ومع ذلك بتطلع م الاوائل ثانوية عامة اللى بيفرق فيها تركيز كل فرد وتحصيل المعلومات انت دلوقتى بتقول مدرسين المدرسة كويسين وبيشرحو وعندهم ضمير ايه المشكلة لما تاخد بجانب المدرسة دروس علشان حتى ميبقاش عندك قلق وبدل ما تركز مرة تركز مرتين مرة مع الدرس ومرة مع المدرسة واكيد الدروس بتختلف عن المدرسة المدرس فى الدرس هينزلك امتحانات وهيشغلك انما فى المدرسة هيقتصر على المنهج ومش هتبقا ملم بكل حاجة فيه فروح مع زمايلك فى الدروس على الاقل تجمع معلومات اكتر ودا هيفيدك كتير فى امتحانات الثانوية ولو شايف نفسك مش محتاج للدروس بردو براحتك بس كنصيحة من ناس مجربة خد دروس علشان تقدر تنفع نفسك ربنا يوفقك دمت فى رعاية الله |
اقتباس:
شكراً على ردك بس لو أخدت دروس و رحت المدرسة صدقني هيبقى الحمل كبير أوي و هضيع وقت المذاكرة على الفاضي لأني هسمع الشرح مرتين بدل ما استثمر وقتي في المذاكرة + أنا كنت ناوي إن شاء الله أتابع مع المدرسة عادي و آجي في الآخر في الفترة النهائية آخد مراجعات بحيث أني آخد برضو خبرة المدرس في الدرس و أحل أكبر قدر ممكن معاه ولا أنتا ايه رأيك و شكراً على الرد مرة تانية |
اقتباس:
اخى الفاضل من كلامك اتضح لى انك مجتهد وتعتمد على نفسك لهذا لست فى حاجه الى دروس لان تحصيلك عال بالاضافه الى انك لا تحتاج الى حافز على التحصيل توكل على الله وانتظم فى مدرستك وعليك بكتب المراجعات والامتحانات وثق فى نفسك ولا تقلق وفقك الله لما فيه الخير ويسر لك امورك فى امان الله |
اذيكم يا جماعه على فكره انا لسه جديده فى المنتدى ودى اول مره اشوف التوبك على فكره الفكره عجبتنى جداا انا عارفه ان الرد هيكون فى اخر صفحه يعنى متاخر عن الرد عن الفكره بس انا قولت ارد وخلاص وقريت فى اخر صفحه راى سرى جدا حول الدروس واسمحلى يا سرى ارد عليك من اخت اكبر لسه مخلصه ثانويه عامه ورايحه اعدادى صيدله
انت شكلك مبتحيش موضوع الدروس بس صدقنى مدرسين المدرسه مهما يكونوا كويسين وعندهم ضمير عمر ما المنهج بيخلص فى المدرسه واذا كنت ناوى تروح فى الاخر فانت لما تيجى تروح فى الاخر هتحس انك تايه شويه فى وقت مينفعش ثانيه فيه تضيع اما بالنسبه لموضوع الشرح صدقنى انا برده كنت بكره اسمع الشرح مرتين فكنت بركز كويس مع استاذ الدرس واخلى الفصل ملراجعه لان الدرس عاده بيبقى سابق الفصل بكتير لان المدرس بيبقى عايز يحل ويراجع غير مدرس الفصل سورى يعنى بتبقى مش فرقه معاه كتير وبالنسبه للوقت فكلنا كنا بناخد دروس وبنروح المدرسه عادى يعنى وكنا منظمين الوقت والحمد الله ربنا وفقنا ودخلنا اللى احنا عايزينه ده غيلر كمان ان زاميلك فى الفصل هيبقوا بيخدوا دروس وبيرحوا المدرسه وبيذكروا للدروس وبيمتحنوه وكده يعنى انت هتلاقى الموضوع ماشى لوحده وان اشاء الله يوفقكم كلم وتدخلوا اللى انتم تتمنوه واسمحلى اسالك كام سؤال كده انت لسه رايح تانيه صح باين من كلامك طيب انت ذاكرت اد ايه فى اللنتى زاكرته وعامل ايه فيه وبتحل فى كتب خارجيه ولا لسه |
أنا عايز أعرف حاجة واحدة بس
الاخ سري جدا الاولاني خالص راح فين وليه محدش فتح مشكلته تاني أنا لغاية دلوقت مفهمتش إيه اللي بيعانيه بالضبط عشان كده يا ريت لو هو قرا كلامي يا ريت يرجع يكمل موضوعه ويحكي الحاجة اللي بيقول اننا مش هنصدقوه فيها عشان أنا شايف إن دي هي المشكلة الوحيدة الغامضة بالنسبة لي أرجو عدم التنفيض :d |
اقتباس:
و الله إحنا بنساعد أى حد محتاج مساعدة |
السلام عليكم ورحمه الله وبركاته
انا احمد لسه جديد ف المنتدى ورايح تانيه ثانوى انا مش عاوز ازعجكوا والله بس انتوا جيتولى نجده من عند ربنا مشكلتى هى ان انا كنت شاطر جدا وكنت بجيب درجات عاليه خالص فى كل السنين من اول ما بدأت دراسه وكنت بطلع من الاوائل بس فى تالته اعدادى لقيت نفسى مع اصحاب بياخدونى للعب وعدم المذاكره والموضوع استمر لحد دلوقتى وجيبت فى تالته اعدادى واولى ثانوى درجات وحشه خالص خالص خالص ومشكلتى بقى انى بقيت مش بعرف اقعد على الكتاب وحاسس ان تانيه ثانوى دى طويله اوى وممله وحاسس ان انا مهما ذاكرت فى الاخر مش حجيب حاجه وثقتى بنفسى بقت صفر وبالاخرين كمان ارجوكم ارجوكم ارجوكم اى حد يساعدنى والله حكون شاكر ليكم اوى وربنا يسعدكم ويوفقكم مع العلم يا جماعه ان صحابى دول فيهم واحد معايا من زمان وشاطر خالص كنت انا وهو لوحدنا بس بعد كده اتصاحبنا على اتنين مش بيذاكروا خالص وضيعونا معاهم وانا مش عارف اسيبهم او ما اسيبهومش ولو سيبتهم اسيبهم ازاى؟ اخوكم فى الله احمد |
اقتباس:
وعليكم السلام ورحمة الله وبركاته أهلاً بيك معانا فى المنتدى بالنسبة للمشكلة واضح إنك قبل 3 إعدادى ماكنتش بتلعب أو ماعشتش طفولتك أوى علشان كده أول ما لقيت اللعب و الذى منه دخلت فيه و بقيت بتعوض اللى راح منك فى المذاكرة بالنسبة لأصحابك الى بتسأل أسيبهم ولا لأ .. فا الطبيعى إنك تسيبهم يعنى تخلى علاقتك بيهم سطحية و لما يقولولك تعالى نروح المكان الفلانى إعتذرلهم و وضح اسبابك بعيد عن إنك عايز تذاكر بالنسبة لصاحبك اللى بتقول إنه شاطر لو هو لسه شاطر يبقى لازم تقوله إنكم تبعدوا عن أصحابكم التانيين و تشجعوا بعض على المذاكرة نيجى بقى للمذاكرة و المشكلة الأكبر .. بما إنك إعترفت إنك غلطان و حاسس بخطورة المشكلة فا ده هيسهل إنك ترجع شاطر زى الأول بس عايز شوية مجهود منك لازم أول حاجة تفتكر كل ما تتخنق من المذاكرة إنك لو مذاكرتش هيكون يوم النتيجة لا قدر الله أكتر يوم نفسك تنساه فى حياتك و تخيل بيتكم و هو كله حزن و ضيق من النتيجة و تخيل برده لما تذاكر و تجتهد البيت هيكون مليان فرحة و جمال و يبقى أسعد أيام حياتك و حاول على قد ما تقدر تقنع نفسك إنك بتتسلى أو بتلعب مش بتذاكر أو مجبر على المذاكرة .. إعتبر المذاكرة جزء من اللعب لما تزهق من المذاكرة كتير و بدل ما كل شوية تقوم من على المذاكرة خليك فى المكان اللى بتذاكر فيه سواء على المكتب او فى أى مكان و ارسم أو شخبط أو اكتب اى حاجة أو اقرا مجلة .. إلخ ، و بعد 10 دقايق إرجع ذاكر تانى و لما تتخنق خالص بقى خلى قوم إتوضا و صلى ركعتين أو إعمل البريك بتاعك وقت الصلاة حاول تنجز جزء كبير من المذاكرة علشان لما تزهق و تقوم من على المذاكرة تكون أنجزت جزء كويس منا للى عليك آسفة على تأخيرى فى الرد .. كتبته مرتين و النت فصل :( يا رب أكون قدرت اوضحلك نقط اساسية تمشى عليها و أكون قدرت أفيدك بشىء و ربنا يوفقك |
اقتباس:
بلزم نفسي بس عشان عارفاني:bosyht9: |
السلام عليكم
اولا انا حاسه ان حياتى اتغيرت خالص بقيت إنسانه تانيه خاااااالص يعني انا فى الأول كنت ناجحه وبطلع م الأوائل وكده وكمان طريقة معاملتى مع اهلى كانت كويسه جدا بس لقيت نفسي فجأه أتغيرت بقيت أفكر فى حاجات عمرى ما فكرت فيها وعلطول حاسه انى حزينه جدا ومكتئبه بس مش عارفه أيه السبب حياتى كلها بقت كئيبه وحزينه كل ما بحاول افرح الاقى اى حاجه تحصلي تخليني حزينه ارجوكم مستنيه ردكم |
اقتباس:
معلش نمت كتير اوي لسه صاحيه اهو :d مشكلتك ع فكرة مش مشكله اصلا طول مانت عندك احساس ان في مشكله وعارف ايه هي دي اول الطرق للحل اولا بالنسبه لاصحابك طول ماهما محترمين ومشكلتهم بس اللعب وعدم المذاكرة انت ممكن متخسرهمش خالص يعني حاول ف دروسك وانت بتتفق مع المندرسين تبقى ف مجموعات غيرهم انت وصاحبك لو هو بقى زيهم ومش سهل يتغير بردو ابعد عنه ف الدروس وف وقت فراغك ممكن تبقى تنزل تخرج معاهم عشان متبقاش خسرتهم ده لو هما محترمين انما غير كده يبقى تنتهز فرصه الثانويه وكده وخلاص ابعد عنهم دي اول حاجة بالنسبه بقى للمذاكرة ف طبيعي انك بقالك فترة مش بتذاكر مش هيكون ليك نفس للمذاكرة يعني لسه متعودتش بص انت حاول تشجع نفسك يعني ظبط لنفسك مكان بتحبه اقعد ذاكر فيه وحاول تهوي الاوضه اللي بتذاكر فيها وحاول تختار الوقت اللي بتحبه ذاكر فيه يعني وفر لنفسك جو منعش كده وحاول تبدأ بالمواد اللي بتحبها والزم نفسك بجدول بالساعات عشان تلتزم بيه وممكن كمان تعمل لنفسك متلا ساعة الا ربع مذاكرة وربع ساعه ريست ف وقت مذاكرتك واعمل لنفسك حافز بمعنى انك تكافئ نفسك لما تحسن انك انجزت وتعاقبها لما تحس انك مقصر وانت اللي تحدد مكافئتك وعقابك حسب الحاجات اللي بتحبها ممكن كمان تتفق مع صاحبك وتشجعو بعض يعني تتفقو ع حاجة تخلصوها سوا ف وقت معين كده يعني وشد حيليك واحنا موجودين بردو يلا عايزين نقولك يادكتور ولا ياباشمهندس اللي انت عايزه يعني :d |
اقتباس:
ازيك ياسري جدا بصي انا مش هقدر افيدك اوي ف الحكايه دي بس انا عايزاكي تراجعي حياتك تاني ممكن تكوني بعدتي عن ربنا مثلا تكوني مش بتصلي باانتظام في معصيه معينه يعني بتعمليها حاولي تقربي من ربنا اكتر وحاول تطردي اي فكرة مش حاباها من دماغك وكمان املي يومك متخليهوش فاضي يعني ذاكري كتير خلصتي مذاكره اخرجي او اقري او اتفرجي ع التلفزيون ومتقعدي مع نفسك كتير قربي من ربنا اوي وصاحبي ناس كتير واملي حياتك اعتقد ان ده افضل حل بس انتي مش موضحه مشكلتك اوي اي حاجة تعوزيها تاني احنا موجودين منورة ياقمر :) |
اقتباس:
يضطر الانسان أحياناً إلى تغيير مسار حياته جزئياً او كاملاً اقدر اقول مش احياناً كمان بل غالباً فهذه إحدى صفات فترة المراهقة التغير في كل شيء خاصة المعاملة مع الاهل وذلك لاحساس الابن أنه صح دائماً ويجب ان يكون له رأيه الخاص في كل شيء هذا من حقك ولكن عليك ايضاً تنفيذ اوامر والديك حتى ولو ظننت أنه خاطئاً فهم في النهاية يخافون عليك ويخشون ما لا تعرفه زمان كان الواحد دايماً فرحان وده شيء طبيعي لأنه كان الواحد خالي من الهم كل قرايبك بيحبوك بيدلعوك بيجيبولك اللى عايزه مش محتاج تعمل حاجة لنفسك مش محتاج تذاكر مش محتاج تزعل غير لما تجوع لكن مع الوقت كل واحد اهتماماته وواجباته بتزيد يبقى لازم الواحد حياته تتغير عن زمان مش حيفضل طول حياته يضحك ويفرح وخلاص بس مش كل الدنيا احزان عشان نعممها حوالينا كلها لازم نبص بنظرة متزنة للأمور وبما إنه كلامك كان عام وموضحتيش ايه نوع المشاكل اللى بتقابلك والاحزان فانا حاولت برده اتكلمت بشكل عام لعل يكون فيه ما يفيد لو قعدنا نقارن بين زمان ودلوقتي حنتعب كتير لكن ممكن نقارن بين دلوقتي واللى نقدر نبقى عليه في المستقبل والحياة ماهي برهة صغيرة حقيرة لا تستحق منا البكاء ولا الشهيق ولا النحيب ولكن علينا ايضاً الا نتخذها كلها هزواً ولهواً فلنعمل ونعد لحياتنا الخاصة التي نريدها نحن لا التي تريدنا الدنيا عليها |
والله يا جماعه مش عارف اقولكم ايه
متشكر متشكر متشكر انا اتكلمت مع صاحبى ده ان انا وهو واتنين تانيين صحابنا برده بس مش اوى اننا نذاكر سوا ونبقى مع بعض فى كل حاجه بس هو فيه سؤال محيرنى احنا فينا 3 عاوزين هندسه بترول وواحد عاوز طب هل ممكن نحقق ده؟؟؟؟؟؟؟؟؟؟؟؟؟؟؟؟؟؟؟؟؟ |
مفييش حاجة مستحيلة
مش كل اللي بيطلع بمجموع في الثانوي بيبقي شاطر وعبقري اهم حاجة انك تركز في مذاكرتك و في موادك الثانوية العامة دي تافهة و هتندم بجد في الكلية لو معرفتش تحقق فيها اكبر عدد من الدرجات هي بجد سهلة بالنسبة للكلية حاول تركز فيها و ان شا ءالله ربنا هيكرمك بالتوفيق للجميع في امان الله |
اقتباس:
علي قدر الجهد المبذول تأتي النتائج لو انت واثق في ربنا تمام الثقة إنك لو اديته حقك هيديلك حقك " أنا عند ظن عبدي بي " مفيش كلام لازم يتحقق :) ربنا يوفقك |
يعني تشد حيلك وربنا مش هيضيع تعبك اكيد ان شاء الله
وهيديك اللي كاتبلك انه فيه خير حتى لو مش هندسه المهم تعمل اللي عليك وان شاء الله ربنا يحققلك كل احلامك |
السلام عليكم ورحمة الله وبركاته
مشاكلي كتير لكن اغلبها مكرره قبل كدا وبحاول استفيد من ردود حضراتكم لكن الاهم المشكله ديه انا بخاف من نفسي والسبب ده مخليني مش بثق اطلاااقاافي نفسي يعني هقولكم حاجه انا مش همدح في نفسي لكن هقول اللي ليا واللي عليا الحمد لله مش عمري لا كلمت شباب( بس كلمت واحد ع النت لكن باسلوب محترم جداااا لمجرد اني بحاول اهرب من الدنيا اللي انا فيها ) ولا مشيت معاهم ولا اتصلت بحد ولا حااجه ... لغاية هنا كويس بس اللي مش كويس انا من كتر المشاكل اللي حصلت حوليا في الفتره اللي فاتت والخدع والخيانه (مش خيانة حبيب .. خيانة اصدقاء )والصدمات اللي حصلت انا بقيت بميل لاني ابقي مش كويسه يعني هقولكم حاجه بجد مكرهاني في نفسي لغاية اوقتي نا مره كنت في البحر السنادي وكان بابا واخواتي طلعوا ع الشط وانا كنت لوحدي جوا كان في شباب قريبيين مني شويه والله كنت هروح اكلمهم واقعد معاهم وقعدت اقول انا ليه كويسه ما اجي اجرب ابقي وحشه شويه اهو اي تغير يحصل في حياتي والسلام ومره فكرت اشرب سجاير او مخدرات ومره قولت ياللا ابقي بنت مش محترمه خااااااالص وياللا ان شا الله ارقص بس كنت بفضل ماسكه نفسي بالعافيه والحمد لله حتي الان مش عملت حاجه من دول لكن مازلت خايفه برضه .. انا اسفه للكلام اللي كنت بستخدمه بس انا اول مره احكي المشكله ديه بالذات ... في حاجه تانيه مقصره عليا اني برتاح لشخص ومش قولتله ومش هقوله وهو كويس جدااااا نفسي احكيله كل حاجه لكن هو بعيد عني مسافر ومش عارفه راجع امتي بس محتجاله ع الاقل يبقي في نفس البلد هبقي مطمنه لكن دلوقت قلقانه جدااا عليه وماسكه نفسي مش عارفه اكلمه هو ابن صاحبة ماما لكن مامته اتوفت وماما بتتصل بيه لكن كل فتره ببقي نفسي اخد منها التليفون لكن مش بعرف رغم ان اختي اللي اكبر ني بتكلمه عادي لما ماما بتكون بتكلمه وماما مش بتقول حاجه لانه يعتبر واحد من البيت وماما قالتلي كلميه وانا رفضت وهو بيسال كل مره وانا بقول لماما قوليله اي حاجه عشان هيا عارفه اني هستحي اكلم اي حد وخصوصا هو بلخبط معاه في الكلام وحاجه مضايقانا كمان بابا علطووول ضاغط عليا ف يالمذاكره ويقول يعايزك زيبنت عمك وابن خالتك دكتوره ومهندسه وصيدلانيه ومذيعه وشغال ضغط ضغط انا كنت كويسه في المذاكره لكن ضغطه زاد عليا اووي من اسبوع كدا بقيت مش بمسك اكتبا بدخل الاوضه واعمل اي حاجه وخلاص وهو كدا مش بيتكلم واللي يستفزني انه شويه يقولي انتي لازم تذاكري كويس ومش تعطلي نفسك وشويه تلاقوه جاي يقومني اعمله حاجه ويعطلني لما اجي اناملي شويه باليل علي الساعه 12 رغم ان ده فوق طاقتي ومش عادتي انام متاخد يقولي لا ذاكري تاني ويجي يصحيني من الساعه 5 ونص الصبح عشان اذاكر مش بعرف اناام خااالص مضايقني في كل حاجه وبقي بيضيع شخصيتي ومش ليا قرار خالص بيكبر اخويا الصغير عليا يعني انا جابلي حاجه لازم يجبله زيها اخويا يضربني ومش اشتكيله ولما اخويا يشتكيله ااني مش بكلمه لانه بيكون مزهقني يروح ممزعقلي وانا مش برضى اقوله ان اخويا الصغير ضربني رغم انه كبير يعني مش لعب عيال في اعدادي و برغم كل ده بابا كان بيحبني جداااااا وانا عارفه كدا كويس لكن متغير معايا رغم اني مش متغيره معاهم في البيت يمكن متغيره لاني بقيت احزن من مما كنت فيه من قبل لكن معني كدا المفروض يقربوا مني ويشفوا فيا ايه مش يغيروا المعامله.. هبقي اكمل بعدين ان شاالله |
| جميع الأوقات بتوقيت GMT +2. الساعة الآن 12:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.