|
سلام عليكم يا جماعة ..
دلوقتى الكلام كله على الدفعات من 2002 الى 2009 طيب دفعه 2001 امتياز التانى على الكليه وماجستير ودكتوراه وفى الاخر مدرس بالازهر الذي كان شريفاً ايه موقفه ؟ ملحوظة !! المؤهل : ليسانس اداب وتربية " ازهر " دراسات عليا " جامعة الزقازيق " ماجستير " جامعة الزقازيق " دكتوراة " جامعة الزقازيق " |
شكرا جزيلا يادكتور عبدالرحمن ويارب يوفقك على طول
انا روحت النهارده كفرالشيخ لنائب رئيس الجامعة وعميد الكليه وخليت دكتور من التجاره يكلمه وانا روحت من طرفه بس المهم ان الاتنين كلمهم واحد مفيش فايدة يادكتور النائب قالى ان فعلا القرار جاى من دفعة 2003 ل 2010 وورانى القرار بس قالى ان الكليه مفيهاش بيانات للدفعات ماقبل 2006 وقالى ان جامعة طنطا بعتلنا كشوف الاوائل الحاصة ب2003 و 2004 و 2005 وقالى ان العشرين الاوائل على طنطا اتحسبوا على كل جامعة طنطا وورانى الكشف بتاع 2005 وقالى ان فىه 3 من ضمن العشرين على طنطا من كفرالشيخ مها اقوله زى حضرتك مااولتلى مفيش فايدة برضه قالى يابنى دفعة 2005 الدكاتره فى طنطا هما اللى بيدوا كفرالشيخ وكمان الكتب والامتحانات وخلافه يلا مفيش فايده او بالمعنى الصح مفيش نصيب يادكتور بس الراجل كان كلامه معايا ف قمة الاحترام والذوق يلا قدرالله وماشاء فعل انا هاستنى باه اشوف مكتب الوزير هايرد عليه ولا ايه بس ان شاء الله شكلها كده هارفع شكوى حضرتك معايا يادكتور ؟ |
ربنا معاكوا
اقتباس:
ربنا يوفق الجميع ومايجيبش عطلة بإذن الله ... وعلى فكرة فيه مواقع كتيرة جدا فيها رسائل ماجستير ودكتوراة كاملة وفي كل المجالات ... وربنا يسهل للجميع .. |
يا خسارة
اقتباس:
الدكتورة المحترمة وفاء : أولا أنا سعيد جدا بدخولك المنتدى .. بصي بقى القانون بيدي الحق للكلية عندك من حقها تكلفك بتكليفات زي المعيدين بس بشرط إنهم يحاسبوكي على هذه الأعمال ماديا غير مرتبك طبعا لأن منحتك اسمها منحة تفرغ للحصول على درجة الماجستير .. ولو هيتم تكليفك يبقى من حقك إنك تاخدي أجر والكلام ده بيحصل في كتير من الكليات والباحثين فيها بياخدوا حوالي 360 جنيه ...لكن الكليات بتطنش واحنا بنخاف فنسكت ... طيب انتي اتفصلتي .. هل رديتي النفقات ؟ يعني المرتب اللي كنتي واخداه ؟؟ دلوقت وضعك لو انتي ضمن العشرين الأوائل هتاخدي تعيينك إداريا .. أما بالنسبة للمنح فللأسف اسمك مش هيروح من ضمنهم ... ع العموم قولي حسبي الله ونعم الوكيل وحاولي تشتكي ولو إني عارف آخرتها .. آسف للرد بس أنا عاوز أكون معاكي صريح ... واحنا تحت أمرك لو حبيتي تفضفضي في أي وقت .. |
ربنا لا تؤاخذنا بما فعل السفهاء منا !!
اقتباس:
ربنا لا تؤاخذنا بما فعل السفهاء منا !! أنا بصراحة دخلت على الصفحة دي قبل كده وبصراحة ما أنصحش حد يدخل .. أنا اشمئزت نفسي من الحقارة والوضاعة في الكلام ... وطبعا ما كانش فيه حد مؤيد .. الكل كانوا بيعلقوا ضد الصفحة وبيهاجموا صاحبتها .. هم فاكرين إنهم كده بيدافعوا عن الإسلام .. لأ .. ده حضرتك بكل تعليق بتكتبوا بتزيد في تفعيل الصفحة والصفحة بتاخذ تصنيف أعلى .. المفروض للي ما يعرفش يدخل ويرسل أنها صفحة مسيئة دون أن يعلق عليها .. وشكرا للأخ الكريم .. |
اقتباس:
|
اقتباس:
شوفوا التعيينات للعام وللأزهر .. الاختلاف فقط في آلية التنفيذ بين الجهتين ... أما بالنسبة للجامعات الخاصة والمعاهد فهم خارج موضوع تعيينات الأوائل خالص .. |
اقتباس:
ربنا يسمع منك ولو ان تعيين الناس كأعضاء هيئة تدريس هيكون خاضع للمنح فقط .... |
اقتباس:
كلهم أقسام من كلية واحدة وإدارة واحدة وعميد واحد ... علشان كده بيعتبروا كلية واحدة .. ولو ع الظلم .............................. آه في ظلم |
اقتباس:
يشرفني جدا أن أكون عضوا في هذا البيت المحترم .. شكرا لكي .. |
اقتباس:
أنا رأيي تاخد موعد وتروح مكتب الوزير بنفسك ... التعامل معاك بالذوق والاحترام مطلوب ومشكور .. لكن مش هيعينك الكلام اللي اتقال ده .. الثورة علمتنا إن الضغط بيجيب نتيجة وانت لازم تضغط وماتسكتش على حقك .. اشتكي واشتكي واشتكي... ما تسكتش ... |
اقتباس:
وخرج الاعتصام بمقابلة مع الوزير ووعد بتوفير درجات مالية للجميع في موعد أقصاه نهاية مايو القادم .. وبالفعل وصل اليوم فاكس لجميع الجامعات الحكومية العامة (مش أزهر) بعمل حصر شامل لكل طلاب المنح في الجامعات بما فيهم من هم على قيد المنحة (لتعيينهم كل على درجته) .. عاوزين نقول مبروووووووووك .. بس احنا في انتظار أن يكتمل التنفيذ تماماً .... |
اقتباس:
كما كنت حضرتك ... لا جديد ... |
ان شاء الله يادكتور عبدالرحمن اسبوعين او تلاته بالكتير ونخلص من الامتحانات
عندنا فى المدرسه وافضى باه ولازم اروح مصر للوزير بس هينفع اقابله كده يادكتور عادى ؟ دكتور عبدالرحمن بجد حضرتك من الشخصيات المحترمة والذوق اللى الواحد فخور انه بيتكلم معاها مش بس هنا ف المنتدى لا والله ع النت كله ربنا يوفقك يادكتور يارب ونشوفك رئيس جامعه قريب مش عميد اه دكتور عبد الرحمن حضرتك لما اخد الماجستير ان شاء الله اشتغل بيها مدرس مساعد على طول من غير مااكون معيد ولا لازم اكون فتره معيد ربنا مايحرمنا من دخول ورد حضرتك علينا |
السلام عليكم
فعلا يا دكتور عبد الرحمن لسه واصلنا خبر النهاردة من المعتصمين ان الوزير هيوفر للكل تخيل يا دكتور لو حصل ده فعلا يبقى ده اكبر تعويض انا ممكن اموت من الفرحة مش هتصدق حضرتك انا وخطيبى كنا بنحلم بعقد بعد ما خلص الماجستير فتخيل بقى لوحصل واتعين ده يبقى نتيجة صبر 6 سنين مع وعد بالتعيين |
اه دكتور عبدالرحمن كنت عاوز اخد راى حضرتك كده فى حاجه بسيطه
حضرتك طبعا عارف انى بسجل رسالة الماجستير ومطلوب منى خطة بحث للرساله والله يادكتور المشرف فى شبين عطينى موضوع لسه جديد خالص ومفهوش اى مواضيع ودراسات سابقة المهم حضرتك انا رحت لدكتور جامعى فى تجاره طنطا فاتح مكتب محاسبة علشان يعملى او يساعدنى فى خطة البحث ديه هوه قالى ان مينفعش اخد منه كده الخطه ع الجاهز قالى ان لازم برده اقرى وابحث وطلب منى ان اعمله تلخيص كده لموضوع البحث لخصت وعملت وودتهوله وقالى تعالى خد الخطة كمان اسبوعين المهم رحت امبارح اخدت منه الخطه المهم وانا جاى ف الطريق كده بقرى الخطة اللى عملهالى والله يادكتور 20 صفحه الخطه كل الكلام اللى فيها 3/4 من المعلومات اللى انا ملخصهاله يعنى مقدمة ومشكله البحث 14 صفحة كلهم من اللى انا ملخصه وكمان 3 صفحات مراجع 3/4 انا جيبهمله 3 صفحات بس هوه ضافهم بس بصراحه مش كنت اعرف اعمله لواحدى اللى هما الاهداف والاهمية واسئله صياغة المشكلة البحثية والفروض ومنهج البحث المهم اخد منى والله 550 جنيه عاوز اعرف من حضرتك هوه كده نصب عليا ولا اي رايك بجد راى حضرتك يهمنى جدا جدا انا عارف ان انا غلطت ان معتمدتش على نفسى فى عمل الخطة بس يلا باه اللى حصل منتظر ردك حضرتك |
جزاك الله خيرا د عبد الرحمن على كلامك وربنا يكتب لنا جميعا ما فيه الخير
|
اقتباس:
|
ميرسى يادكتور على ردك بس ياريت حضرتك بجد تقولى رايك ف المشاركة التانيه
لان راى حضرتك يهمنى جدا والله |
مش واخدين منك حاجة يا عم شريف
اقتباس:
يعني مفيش صينية بسبوسة .. جولاش .. كنافة .. يعني أي حاجة حق الاستفسارات دي : بص ياباشا: المبدأ رقم واحد في البحث العلمي .. الباحث (اللي هو حضرتك) .. هو أكثر شخص في العالم دراية بموضوعه .. ذلك لأنه هو من اختار الموضوع .. والموضوع جديد ولم يطرحه أحد قبله على الساحة .. إيمانك بالمبدأ ده يخليك أكثر ثقة في نفسك وفي قدراتك ويجعل من المشرفين بتوعك مجرد استشاريين لتصحيح مسار الرسالة والتصحيح اللغوي .. أما المضمون فهو ملكك وحدك .. انت وحيدا من ستحاسب عليه إذا كان ركيكا .. وأنت من سترفع عاليا إذا ما كان قويا .. انت مرجعتليش ليه الأول قبل ماتروح تصرف ع الخطة وبس .. شوف بقى خطة الرسالة في بداية العمل .. المفترض إنها لا تتعدى فعلا 20 صفحة .. وتكون بتوضح بس انت ناوي تعمل إيه .. الخطة دي لا تكون ثابتة بل سوف تتعرض للتعديل أكثر من مرة أثناء عملك في الرسالة .. بل إنك سوف تجد نفسك وضعت خطة مختلفة تماما عنها في بداية الرسالة .. طيب أنا معنديش خبرة في وضع خطة البحث .. أنا مش هاقولك إنك من الفترض إنك درست ماده في التهيدي اسمها قاعة بحث علمي .. المادة دي هي المفروض إنها تفهمك ده .. أنا هأقولك ان الموضوع فعلا مايستحقش المبلغ الضخم ده .. وفي نفس الوقت الراجل اللي استغلك ده .. زي ما قالك وبطرقة غير مباشرة .. انت أكتر واحد يقدر يعمل لنفسه خطة .. وعلى فكرة هتقع في مشكلة إزاي أكتب وشكل الرسالة هيكون إزاي وطريقة التوثيق ووضع المراجع .. ولو فاكر المشرفين هيقفوا جمبك لأ .. انت بتحلم دول مش هايفضولك يا بيه .. طيب أعمل إيه ؟!! أنا كان نفسي أحط لك روابط لكتب هامة في هذا المجال بس حسابي لا يسمح .. عموما علشان تاخد كتب سهلة وبسيطة تعلمك إزاي تشتغل في الرسالة اتبع الآتي: اكتب في بحث جوجل : Harvard_referencing وكمان اكتبك: كيف تكتب بحثا علميا الرابطين دول هتلاقي تحتيهم كتب رائعة وبسيطة وعربي وانجليزي .. الكتاب اللي يمشي معاك شغااااااااال حمله واستفيد ... صدقني يا شريف الكتب دي هتفيدك جدا في شغلك .. |
مبروك ليكي ولخطيبك
اقتباس:
احنا عاوزينك تدعي كتيير علشان ربنا يسهلها والتنفيذ يكتمل .. وع العموم مبروووك مقدما ليكي ولخطيبك ولكل الناس اللي تعبت ومستنيه التعيين .. وبعدين امسكي نفسك .. مش تفضلي مستنية 6 سنين وأول مايجوا يعينوكي تموتي .. هههههههههه |
أنا حاصل على ليسانس اللغة العربية من جامعة الأزهر 2007 فرع أسيوط شعبة عامة وتقديري كالتالي اولى جيد تانية جيد جدا تالتة جيد جدا رابعة جيد جدا التراكمي العام جيد جدا لكن مش مكتوب لي في الشهادة المؤقتة مرتبة شرف معرفش هل كدا انا حاصل على مرتبة شرف علما بأنه مفيش في الدفعة بتاعتنا امتياز ابدا في التراكمي يعني الاول جيد جدا المهم اخوي راح الكلية سأل عشان انا في السعودية قالوا له هو مش معاه مرتبة هل هم صادقين في كلامهم ولا لا وقالوا له هو فعلا من العشرة الأوائل لكن معندهوش مرتبة وبالتالي القرار مش شامله ارجوكم حد يفهمني
أنا خايف يكون الموظفين بيتلاعبون في الاوراق أرجوك يادكتور عبد الرحمن رد علي أنا بس عايز اتوظف اي حاجة عشان أمنيتي أكمل الدرسات العليا:frown: |
اقتباس:
انه كنا نمتحن المقرر بتاع أولى وننساه ونحفظ مقرر تانية وننساه وهكذا لأنه عندنا في أسيوط مكناش مطالبين بالقران تراكمي وبالذات عندنا في كلية اللغة العربية في أسيوط وأنا محتار مش عارف أسجل في لغة عربية الأزهر ولا أسجل في دار العلوم علما بأنني عايز أكمل في قسم اللغويات-نحو وصرف وعروض-لأنه بحبه جدا وأعلى تقديري فيه -وأنا تقديري التراكمي جيد جدا والتفصيل اولى جيد تانية جيد جدا-تالتة جيد جدا-رابعة جيد جدا-التراكمي العام جيد جدا وعلما بأنه لايوجد في دفعتنا امتياز فالأول جيد جدا لأننا أول دغعة يطبق عليها التراكمي في الأزهر |
الف الف شكر لحضرتك يادكتور عبدالرحمن
يادكتور حضرتك تؤمر صنية جلاش ايه بس ولا كنافة ايه مقام حضرتك اكتر من كده بكتير والله لاوالله يادكتور انا متفق مع الدكتور بتاع طنطا ده منه لله باه من مده كبيره والله يلا قدرالله وماشاء فعل بجد يادكتور يابخت الطلبه والله اللى حضرتك بتدرسلهم فى الكليه كم اتمنى ان اعود طالبا واستمع على محاضرات حضرتك ربنا يوفقك يااحلى دكتور فى مصر كلها وربنا يادكتور كان نفسى حضرتك تكون دكتور تجارى بس يلا باه |
السلام عليكم يادكتور عبدالرحمن
بسم الله الرحمن الرحيم
السلام عليكم ورحمة الله أعوز بالله من كلمة ان : خريج 2008 حاصل على بكالوريوس تربية نوعية - قسم تكنولوجيا التعليم والمعلومات - بتقدير ممتاز مع مرتبة الشرف ( ترتيبى الرابع على القسم والخامس على الكلية ) . دبلوم مهنى فى التربية - جامعة عين شمس - بتقير ممتاز 2009 دبلوم خاص فى التربية - جامعة عين شمس - بتقدير ممتاز 2010 حاليا والحمد لله تعالى اولا واخيرا ، قربت اسجل الماجستير انا عايز اعرف ايه موقفى من القرار ده انا واللى زيى ، وبردو لان حضرتك صاحب خبرة تفتكر حضرتك ايه اللى يناسبنا وشكرا لحضرتك كثيرا ، وجزالك الله خيرا ، ووفقنا الله تعالى جميعا لرفعة مصرنا الحبيبة ، والسلام عليكم ورحمة الله . |
ربنا يسهل الحال
|
اقتباس:
الله يبارك فيك مقدما يا دكتور بس اوضح لحضرتك حاجة: انا معيدة خطيبى هو اللى اخد المنحه من ست سنين وانا اتعرفت عليه بعد ما ناقش يعنى بعد ما اصبح مالوش علاقه بالكليه وبيدور على شغل بعد المنحه ما خلصت فتخيل حضرتك التحدى اللى واجهناه وحاجه زى دى هتفرق ازاى فى حياتنا فانا لومت هموت من الفرحه عشانه والله اكتر من يوم ما اتعينت انا لانه صبر كتير تحياتى للجميع |
يا مسهل الحال يا رب
|
السلام عليكم يادكتور عبدالرحمن
بسم الله الرحمن الرحيم
السلام عليكم ورحمة الله أعوز بالله من كلمة ان : خريج 2008 حاصل على بكالوريوس تربية نوعية - قسم تكنولوجيا التعليم والمعلومات - بتقدير ممتاز مع مرتبة الشرف ( ترتيبى الرابع على القسم والخامس على الكلية ) . دبلوم مهنى فى التربية - جامعة عين شمس - بتقير ممتاز 2009 دبلوم خاص فى التربية - جامعة عين شمس - بتقدير ممتاز 2010 حاليا والحمد لله تعالى اولا واخيرا ، قربت اسجل الماجستير انا عايز اعرف ايه موقفى من القرار ده انا واللى زيى ، وبردو لان حضرتك صاحب خبرة تفتكر حضرتك ايه اللى يناسبنا خصوصا بعد تعبنا وتعب اهالينا معانا ، والناس اللى كانت معلقة امال كبيرة علينا بعد ربنا سبحانه وتعالى طبعا ، مقدرش اقول غير اللى اتعلمتو طبعا ومقتنع بيه تماما " إن الله لا يضيع اجر من أحسن عملا " وشكرا لحضرتك كثيرا ، وجزالك الله خيرا ، ووفقنا الله تعالى جميعا لرفعة مصرنا الحبيبة ، والسلام عليكم ورحمة الله . |
تمام كدةلا لية
|
شكرا جزيلا يا دكتورنا الفاضل عبد الرحمن لو تكرمت عليّ ممكن أعرف من حترتك المواقع التي يكون عليها رسائل كاملة للاستفادة منها في الدكتوراة بإذن الله تعالى
|
الحال ماشي بس حيكون الاوائل دول بالاجر برضوا مش عقد ههههههههههههههه حنرجع لايام زمان
|
اقتباس:
|
اقتباس:
|
اجماعة يا اوائل كلية التربية لازم نشوف ايه وضعنا بالضبط وزير التربية والتعليم كان بيتكلم وقال ان مفيش حاجة اسمها وظيفة معلم مساعد تعيين بل عقد يعنى حيقولولنا انتو لكم ظروف خاصة وقوانين تربية وتعليم يعنى الكليات التانية حيتعينوا واحنا حنبقي عقد اشمعنا احنا احنا اوائل لازم يكون فيه استثناء ولا ايه يا جماعة انا من ساعة ماسمعت الكلام ده وانا حتجنن حنعمل ايه ؟هو المدرسين علطول ولاد البطة السودا وكمان الكلام علي عقد معلم مساعد مش اكيد ممكن يبقي عقد عادى ب110 ويقولك هو ده التدرج الوظيفي في التربية والتعليم ردوا عليا ايه الوضع؟
|
اقتباس:
خلي طموحك أعلى يا أخي |
ياااااااااااااااااااااااااارب
|
ايه ياأخوانى موضوع تعيين اوائل الخريجين فى العام والازهر طلع كذب ولا ايه حد يرد عليا بالله عليكو . الموضوع هدى وباين كدة كان تهدئة وضحك على الناس . ردوا عليا أنا خلاص تعبان والله روربنا يسامحهم
|
انا يادكتولر طالع العاشر علي كلية التربية جامعة طنطا فرع كفر الشيخ دفعة 2005قبل انفصال الفرع وتحويله الي جامعة وكنت طالب في منحة ماجستير بس هما طردونا فما رايكم ارجو الرد بسرعة الله يجزيك الخير
|
اقتباس:
نفس المشكله بتاعتى بس انا كلية تجاره وانت تربيه بس يابنى مش هتعرف تاخد حقك زى حلاتى اوائل دفعة 2005 اتحسبت على جامعة طنطا هاتقف معايه ونرفع شكوى ولا ايه رايك كلمنى خاص وابعتلى اميلك نتكلم |
اقتباس:
|
السلام عليكم ورحمة الله وبركاته الاخوة والاخوات الكرام ياتري فيه اى اخبار جديدة عن الموضوع؟
|
يارب نتعين
بجد اللي يعرف اي حاجة عن تعيين العشرين الاوائل يقول الواحد مستني الخبر ده بفارغ الصبر احنا محتاجين حاجة تدينا امل تاني وربنا يجازي كل من يساعدنا في معرفة اي معلومة تفرح قلبنا
|
ياااااااااااااااااااااااااااااارب
|
إلى الآن لم يصل أي رد إلى الجامعة
الله المستعان |
ياااااااااااااااااااااااااااااارب
|
الاخيرة
........ |
الموضوع شكله
مات ادعو له بالرحمة |
انا خلاص فقدت الثقة في كلام الحكومة أول ماسمعت كلام وزير المالية في الحياة اليوم
بينصح ويقول انا انصح الشباب الجامعي ميفكرش في الوظايف الحكومية ههههههه وروح دور على القطاع الخاص او اعملك حتة مشروع صغيرة ونحن هنمولك هههههههه يعني عايز يشغل البنوك والفلوس بتاعة المالية ومتفكرش في الوظيفة لا أوائل ولا أواخر انا زهقت ولو اعرف اسافر الهند من السعودية هسافر احسن:mad: |
آخر أخبار الأزهر بتاريخ 8 مايو 2011 قرر أوائل الخريجين من جامعة الأزهر الدخول في اعتصام مفتوح، أمام إدارة الجامعة بدءا من الغد، احتجاجا على عدم تعيينهم معيدين، وعدم التزام الجامعة بالعدالة وتكافؤ الفرص في اختيار المعيدين.
وأعرب الأوائل عن استشعارهم بأن مطالبهم يتم التلاعب بها، لاسيما بعد ما تردد لديهم من إدارة الجامعة بأن تعيين المعيدين المرتقب لن يشمل أوائل كل الدفعات وسيكون انتقائيا. الأمر الذي رفضه الأوائل مطالبين رئيس الجامعة بالالتزام بما سبق أن أعلنه من تعيين جميع الحاصلين علي امتياز وجيد جدا مع مرتبة الشرف. وإن كان هناك عجز في الدرجات فلتكن الأولوية في التعيين للترتيب الأول والثاني من كل قسم بكل دفعة دون تمييز أو استثناء، على أن يبدأ بدفعة 2002 فصاعدا. وقال الأوائل إن عدم التزام إدارة الجامعة بهذا المبدأ معناه أنه سيتم تفصيل شروط واحتياجات غير حقيقية لمجاملة بعض الخريجين أو ذويهم على حساب آخرين أولى منهم. وهذا يتنافى مع مبدأ العدالة والمساواة، كما يتنافى مع ما أعلنه رئيس الجامعة نفسه الذي تعهد بعدم ظلم أحد من أبناء الجامعة. |
| جميع الأوقات بتوقيت GMT +2. الساعة الآن 12:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.