|
يااااااااااااااااا هلا بالحبايب كلهم ربنا جمعنا كلنا كده دايما والله انا مبسوطه خاااااااالص لانى لما دخلت المره دى لقيت اخبار عن ندى واستاذ محمود وليقت الاموره انجى رده عليه والله بجد مبسوطه وهرد عليكم واحد واحد نفر نفر ههههههههههههه بالنسبه لل icdl انا باخده تحصيل حاصل زياده شهادات يعنى لانى لما كنت فى ليبيا كنت محرومه جدا من التزود بالعلم والدورات والحاجات اللى عندنا دى وكنت فاضيه هناك ومليش لا شغله ولا مشغله فلما جيت مصر كان عندى تعطش رهيب لاى شىء يزود مستواى العقلى والعلمى والوظيفى لانى كنت حاسه ان دماغى بدأت تصدى وكان لازم الحقها هههههههههه واخذت دورات فى مجالات مثل التنميه البشريه وغيرها وده ادانى ثقه فى نفسى فى كل مجالات حياتى لما رجعت الشغل بعد رجوعى من ليبيا والحمد لله انا من الناس اللى علاقتها كويسه جد بزملائى فى المدرسه يا ندى والحمد لله عندى القدرة والفضل لله تصنيف الناس ومعرفة معادنهم بسرعه والفضل لله طبعا مش شطاره والله وكذلك التكيف معهم وتفادى سموم التعابين منهم ببعض المرونه التى الى الان لا اعرف من اين اجيدها ولكن دائما اقول لنفسى والله ربك رب قلوب هههههه وبما انى رياض اطفال كل زمايلى ستات ;) انا فوجئت ان فى شغلى اللى حتى مش بتحبنى وقلبها اصلا مبيعرفش يحب تتمنى تكون معايه فى الشغل والله ده من فضل الله برضه وليس شطاره ولا فزلكه اصل الحاجات دى زايده عند المصريين خالص الايام دى المهم اليك بعض نصائحى المتواضعه متخسريش حد ابدا من زملائك وخليك دبلوماسيه ولا تتكلمى دى قالت ولا دى عادت حتى لو مع واحده تعرفيها كويس خلى وقت الشغل شغل فعلا ووقت الراحه راحه والاهم من ده كله اسمعى الناس اولا وخليهم يتكلموا (تكلم اعرف من انت ) وده هيساعدك تعرفى معادن الناس اللى معاكى قبل ما تتعاملى معاهم مباشرة اللى ترتاحى معاه عامله كويس واللى مترتاحيش له تعاملى معاه بحذر وتجنبى سمومه بقله الكلام معه ولا تعطيه معلومه كامله ابدا او على لسانك يعنى ( بيقولو كذا .... واو الله اعلم ؛ربنا يسهل ؛الحمد لله وهكذا وربنا يوفقك يا رب ويصلح لكى الحال يا ندى ويارب اسمع عنكم كل خير |
ممكن تساعدونا
لو عندكم اختبارات لغة انجليزية لغير المتحصصين |
مشكوووووووووووووووووووووور يا باشا
|
:cool:شكرا
|
أخواتي وزملائي الأعزاء جدا جدا جدا ندى - المشتاقة لمصر - eng - أحمد باذن الله هسافر الى الكويت يوم الخميس القادم 29-12 والطيارة الساعة 11:40 صباحا انتوا فين؟؟؟؟ لا مش هينفع كدة خالص.. عاوز حضور أكتر من كدة اليومين الجايين دول يا جماعة.. عالعموم أنا مقدر مشاغلكم وبإذن الله ترجعوا نهاية الأسبوع علشان الأجازة.. كل مرة أفتح صفحتي على الأكاديمية وأقول: خير اللهم اجعله خير.. ولكن أجد نفس الصفحة أنه جاري تسكيني على الكادر.. عالعموم ربنا معاهم واضح إن عملية التسكين دي (معصلجة) معاهم شويتين خايف أظلمهم جايز مش لاقيين مكان أو إن العيب فينا والله أعلم.. بما إني مسافر خلال أيام ما قدرتش أفهم اي حاجة من اللي بيحصل فيما يسمى بأحداث مجلس الوزراء والقصر العيني والشيخ ريحان الخ الخ الخ.. جايز اما امشي تتضح الامور.. يا ترى انتوا كمان زييي والا إيه؟؟؟.. |
من الواضح انك مبسوط لانك هتسافر ربنا يوفقك يارب ويصلح حالك وحال ابنى ال مغلبنى
لان امتحاناته باقى عليها اسبوعين وشددنى معاه... بس انا حبيت اقول لك خد بالك على نفسك وان شاء الله لما توصل بالسلامة تطمنا عليك والى لقاء |
اقتباس:
هلت البشاير وربنا يصلح حالك ويدوم عليك فرجه موضوع التسكين ده متشغلش نفسك به لانك مش على رأس العمل بس تابعه بالتليفون من الكويت من حد بالادارة يطمنك اما بخصوص موضوع احداث شارع مجلس الوزراء كل انا زهقت من المتابعه وقلبى وجعنى اللى انا شايفاه من الموضوعات دى هى تدمير مصر باى طريقه وبكل طريقه يعنى البنت اللى الدنيا قايمه عليها دى ملهاش اهل ؟؟ ازاى مهما بلغ وطنيتنا وحبنا لمصر ننزل بناتنا فى الظروف اللى مليانه بهدله ونرجع نقول ونعيد ازاى نضيع هيبة دوله ونمنع دخول مجلس الوزراء لمقرهم لاداره شئون مصر والله لو حصل زى كده فى امريكا اللى بقولو بلد الحريات لابادو المعتصمين ونسفو بهم الارض ولا كان حد سمع عنهم بس احنا لدينا اعلام عظيييييييييييم ويحب مصر لدرجه الجنون ربنا ياخدهم حسبى الله فى من اراد بمصر سوء ويجعل كيدهم فى نحرهم انا مفروسه من حاجات ياما والشعب المصرى اصبح شعب خسارة فيه كلمه حريه استغفر الله استغفر الله العظيم |
أعزائي مشتاقة - انج وهاب - محمود - احمد - وليد
السلام عليكم ورحمة الله وبركاته مفتقداكم كتييييير ووحشتوني برده كتييييير اختي وصديقتي الغالية مشمشة أنا بشكرك جدا جدا علي ردك وأنا قرأته بتمعن وأستفدت منه كتييير بس المشكلة من الواضح فيه أنا لأني بقالي فترة ما نزلتش شغل هنا فلما نزلت كنت شوية قافلة علي نفسي رغم أني بحب الهزار والجو المرح . ولكني وجدت الجو العام مختلف شوية فأنا لما جيت في البداية اشتغلت في مجال السكرتارية وبعدين اشتغلت في مجال تخصصي وترقيت لغاية لما أصبحت مساعد رئيس قسم رغم إن كان فيه ناس أكبر سناً ومقاماً بس توفيق من عند ربنا والحمد لله وبعدين استقريت بالبيت لغاية لما نزلت تاني فالناس هناك مختلفة عن اللي كنت بتعامل معاهم يعني بيحبوا يتدخلوا في كل حاجة وأنا مش بحب كده بحب يكون ليه خصوصية شوية ولكني افتقدها لأن المكان مدرسة ثانوي وبالتالي التعامل لازم يكون اجتماعي أكثر مما أنا كنت متعودة لأني بشغلي اللي قبل ده كان ليه مكتب بملحقاته مستقل فعشان كده الوضع شويه مش مستقر معايا وعندي رئيسة قسم تعتبر لسه جديدة في الرئاسة فيبدو اللي هيه شفته خلال حياتها اللي فاتت طلعته عليه خلال الفترة القصيرة اللي أنا اشتغلت فيها معاها وبدعو لها ولنا جميعاً بالهداية المهم أنا فرحانة جدا لأننا تلاقينا مرة أخري بالمنتدي وبلاش تعصبي نفسك كلنا مش عاجبنا الاوضاع بمصر ومتفاجئين بسرعة الاحداث بمصر اللي أخذه البلد في منحني خطير من ناحية الاقتصاد والصناعة وحتي السياحة اللي ناس كتيرة فاتحة بيوتها منها فدعوتنا جميعاً أن نكون أيد واحدة لأننا ملناش بلد ثانية غير مصر أرض أهلي وأجدادي وأولادي إن شاء اللي فزي ما قلت قبل كده هي أحن علينا من أي حد ثاني أو بلد تانية . وأرجو المزيد من نصائحك يا مشمشة . حبيبتي أنج وهاب وحشاني يا ست الكل أيه أخبارك أنت بالمدرسة دائما تطمنين علينا وتنسي تطمنينا علي أحوالك وأيه موضوع أمتحانات أبنك هو في أي مرحلة دراسية دعواتنا له بالتوفيق والسداد والهداية إن شاء الله وأدعي لي إن ربنا يكتب لنا العمرة السنة دي كمان بنصف السنة عشان أفتكركم وأدعو لكم جميعا بكل الخير . الاخ المحترم محمود أيوة يا عم حجزت خلاص وجاي الديرة توصل بألف سلامة ودعواتنا لك طبعاً بموفور الصحة والعافية وبقول لك أيه سيبك بأه من موضوع الكادر أنت لسه فاكر ده موضوع وعدي كمان كام سنة لما يفتكرونا وعلي رأي الاخ أحمد ماهر يعني نجحنا بالكادر عايزين أيه ننهب . الحمد الله ده أحنا معانا الكادر بس علي فكرة يعني أيه كلمة كادر بالتحديد وليه مانقولش مرحلة متقدمة مثلاً أو الدرجة الأعلي . المهم توصل بألف سلامة وأبقي طمنا عليك لما توصل . وفي النهاية أنا طولت عليكم فالمعذرة ............ بس والله كنتم وحشني كتيييييييير |
مسافر بكرة بإذن الله
بإذن الله مسافر بكرة الفجر :bosyht9: .. إدعولي.. |
اقتباس:
|
اقتباس:
|
اقتباس:
الله خير حافظا وهو أرحم الراحمين |
شكرااااااااااااا
|
1000000 شكر
|
اقتباس:
يارب تطمنا عليك يا استاذ محمود وتوصل بالسلامه وييسرلك حالك ويوسعلك فى رزقك امييييييييييين ندى وانج وحشتونى والله ايه اخباركم ؟؟ لعلكم بخير واولادكم فى احسن حال يارب ييسرلكم كل صعب ويصلحلكم الحال من حيث لا تحتسبو انا كمان احتمال كبير اسافر ليبيا 17 يناير كام يوم كده :bosyht9: دعواتكم اوصل بالسلامه |
معلش النت بيفصل عندى تروحى وترجعى بالسلامة
|
السلام عليكم ورحمة الله وبركاته أخواتي وزملائي الأعزاء أحمد - ندى - والمشتاقة لمصر - eng جزاكم الله كل الخير على دعائكم فأنا والحمدلله بخير وكله تمام وكل ده بفضل الله ثم دعواتكم المخلصة قرأت مقولة قبل ما أسافر بكام يوم بتقول : على قدر حظ الإنسان من قيام الليل يكون حظه من عطايا ربه جل وعلا له.. فعملت بيها فكان لي نصيب من قيام الليل من أول يوم وصلت وكانت النتيجة والحمد لله أكتر ما اتوقعت على صحتي وعلى شغلي ويارب يديم علي الفضل ده.. مهما قلت وعبرت مش هوفيكم حقكم على دعائكم ووقوفكم جانبي.. يارب يوفقكم ويديم عليكم الصحة والسعادة اللهم آمين.. |
اقتباس:
|
اقتباس:
الله يسلمك يا انج ايه اخبارك يارب تكونى بافضل حال ويصلح لك حالك |
اقتباس:
الف حمدالله على سلامتك يا استاذ محمود مبسوطين انك طمنتنا عليك وربنا يصلح لك حالك ويديم عليك نعمة قيام الليل ووالله انه لفضل عظيم يتفضل به الله على عباده ويصطفيهم فينعمه بالتمتع للصلاة له والناس نيام يااااااا يالها من نعمه ربنا ما يحرمك منها ما حييت اميييييييييين ولاتنسانا من صالح دعائك |
اقتباس:
استاذ احمد نشكر جزيلا ربنا يجزيك كل خير ويكون لك حظ من دعائك للاستاذ محمود ربنا يديم المعروف يا رب |
ايه رأيك يا جماعه فى اقتراح بسيط ممكن ندخل هنا ونعمل زى يوميات بها عبره مثلا او شىء اتعلمته من موقف او موقف توقفت امامه ويكون مواقف شخصيه او كنت مشاهد لها ونتناقش فيه بشكل مجرد انا انهارده تعرضت لموقف احكى لكم عليه انا كل يوم باروح مدرستى لانها فى حى غير الحى بتاعى فانا بركب لها تاكسى مخصوص والبديل امشى لمده 5 -7 دقايق تقريبا علشان اركب من الموقف تاكسيات السيرفيس والزحمة والبهدله مقولكوش فاسهل باخد تاكسى لكن مره تذكرة كلمه لزوجى( ربنا يرجعه بالسلامه )قالى عايزة تستمتعى بالحياه وتشعرى بمنتهى الرضا اقفى فى طابور عيش او اركبى تاكسى سيرفيس بس متكنيش محووجه له يعنى روحى وانتى عندك وقت وانهارده فعلا قمت بالتجربه صحيت نزلت بدرى شويه ونزلت ورحت الموقف ولقيت زحمه بس للاسف بره الموقف مش جواه يعنى الناس بره الموقف خالص ويصطادو اى ركوبه .... وانا علشان جديده فى الموضوع روحت ودخلت الموقف وعمال لما يوصلنى تاكسى كنت مش اتأخر كنت اترفت ههههه المهم تاملت الناس وكأنى اعرفهم وجال بخاطرى اشياء كثييييييير وخلال ذلك التزمت الاستغفار لله بتكرار وقبل انا اخذ قرار انى اخرج من الموقف علشان اخود تاكسى مخصوص علشان متاخرش فجأه اذ بتاكسى يشق الناس من خارج الموقف ولا يقف لااحد ويقف جانبى مباشرة واركب جانب السائق والناس مستغربه وبتقوله ليه موقفتش عند الناس اللى بره وركبت الناس يا جدو رد عليهم السواق وقلهم الموقف هنا وهما عملو الموقف علشان تقف في مش بره والناس اللى جوه اللى واقفين من ساعه ميلقوش حد يوصلهم مع انهم ملتزمين وواقفين فى الموقف بصراحه كلام السواق عجبنى مع انه فى بعض الحده بس انبسط مش علشان ركبت ابدا والله علشان لسه فى ناس بتحافظ على النظام رغم الفوضى وطوال الطريق افكر فيما قابلته ويقاطعنى صوت السائق الذى يرد بحده على الركاب وتناولت الاجره من محفظتى واعطيتها له وكان معى ثمرة يوسفى فى حقيبتى كنت وضعتها لاكلها فى المدرسه فتناولتها ووضعتها جانب السائق وقلت له اتفضل فابتسم ابتسامه مقتضبه مش باينه يعنى السواق كبير السن وشعره ابيض ويظهر عليه الحزم واشرت له بالوقوف لانزل فرد عليه قائلا بلطف انتظرى نوصلك والله فشكرته تعلمت من حوالى نصف ساعه الاتى الاستغفار فانا اعلم تمام فضل الاستغفاروهو السبب الاساسى فى تسهيل ركوب التاكسى رغم الزحمه المفرطه ان نحاول جادين الحفاظ على النظام برغم كل فوضى فربما ينتفع منتظم وجاد من ذلك ويمكن يتعلم الناس من كده شيئا فشيئا التعامل مع الناس برفق وادب مهما كان يظهر منهم من حده واخير انا صدقت زوجى وفعلا استمتعت جد جد جد بيومى انهارده وشعرت برضى غير عادى وقررت احكى لكم الموقف ده |
السلام عليكم ورحمة الله وبركاته زملائى الاعزاء
بالمختصر المفيد انتم وحشتونى ووحشنى كلامكم وتعبيراتكم الصادقة عندى امتحانات وعند ولادى كمان وربنا يعدى اليومين دول على خير :bosyht9::bosyht9: ربنا يديم عليكم السعادة والصحة وتشوفوا اولادكم مثل اولادى الاول والثانى لكن مش ببلادة الثالث بس بحس انى هدخل الجنة بسببه يارب اكتبها لنا جميعا ويكتب لك يا عزيزتى ندى الذهاب الى الحرم المكى والحرم النبوى وتذكرينى عند دخولك الروضة الشريفة ودخولك مسجد قباء انا عايشة ايامى هذه على امل العودة اليهما لاننا عشنا عدة سنوات بالمدينة المنورة ومنتظرة الولاد يخلصوا دراستهم ونعود كما كنا يارب يكتب لكم العمرات والحج انت ومشتاقة واستاذ محمود واستاذ احمد .........والجميع. ونفسى اقول لمشتاقة ان شاء الله تسافرى ليبيا على خير وسلام ودى اامل ان تكون اخر مرة تسافرى لوحدك بعد كدة تسافرى مع زوجك وترجعى معاه وشوفى رياض اطفال هناك ولو ما فيش مش مهم اهم حاجة الاستقرار وكذلك الاستاذ محمود .. اهم حاجة الاستقرار لانى عانيت منه كثيرا احكى لكم بعدين ..........سلام |
أحبتي في الله
مشتاقة - انج وهاب - محمود - احمد ماهر السلام عليكم ورحمة الله وبركاته وحشتوني كتيييير ...... بس كان عندي امتحانات أولادي وكمان أمتحاناتي بالمدرسة ( وما زال العرض مستمر ) ففي المساء حفلة سواريه مع مذاكرة أولادي وفي الصباح حفلة ماتينية مراقبة وتصحيح بس هانت لسه حوالي اسبوع وأخلص الامتحانات وربنا يستر وماخلصش معاها . المهم أخبارك ايه يامشتاقة عجبنتي فكرة الخواطر جداً بس المشكله أنك بيقابلك مواقف صعبه في البيت والشغل ومع الاولاد ( بس قولوا ليه هل جيل الايام دي اتغير عن جيلنا ولا بيتهيأ ليه ....فكثيرا ما أسأل هذا السؤال ) حتي أني أتصلت بأبويا مخصوص عشان أسأله هذا السؤال الصعب وكان رده ربنا يهديكي ويهديهم . المهم أنا أهديكي هذه القصة الحلوة لأنها عجبتني وأتمني أنها تعجبك لأن من الواضح أنك مثلي بتحبي القراءة وأسلوبك أدبي في سرد الحوار ( بس بلاش يا مشتاقة الكلمات الصعبه الملعبكه مثل وجال بخاطري ( ماشي يا أستاذ منفلوطي ) قراتُ عن أعز أصدقاء جنكيز خان .. كان صقره الصقر الذي يلازم ذراعه .. فيخرج به ويهده على فريسته ليطعم منها ويعطيه ما يكفيه .. صقر جنكيز خان كان مثالاً للصديق الصادق .. حتى وإن كان صامتاً .. خرج جنكيز خان يوماً في الخلاء لوحده ولم يكن معه إلا صديقه الصقر . انقطع بهم المسير وعطشوا .. أراد جنكيز أن يشرب الماء ووجد ينبوعاً في أسفل جبل .. ملأ كوبه وحينما أراد شرب الماء جاء الصقر وانقض على الكوب ليسكبه!! حاول مرة أخرى .. ولكن الصقر مع اقتراب الكوب من فم جنكيز خان يقترب ويضرب الكوب بجناحه فيطير الكوب وينسكب الماء تكررت الحالة للمرة الثالثة .. استشاط غضباً منه جنكيز خان وأخرج سيفه .. وحينما اقترب الصقر ليسكب الماء ضربه ضربة واحدة فقطع رأسه ووقع الصقر صريعاً .. أحس بالألم لحظة وقوع السيف على رأس صاحبه .. وتقطع قلبه لما رأى الصقر يسيل دمه .. وقف للحظة .. وصعد فوق الينبوع .. ليرى بركة كبيرة يخرج من بين ثنايا صخرها منبع الينبوع وفيها حيةٌ كبيرة ميتة وقد ملأت البركة بالسم أدرك جنكيز خان كيف أن صاحبه كان يريد منفعته .. لكنه لم يدرك ذلك إلا بعد أن سبق السيف عذل نفسه .. أخذ صاحبه .. ولفه في خرقة .. وعاد جنكيز خان لحرسه وسلطته .. وفي يده الصاحب بعد أن فارق الدنيا .. أمر حرسه بصنع صقر من ذهب .. تمثالاً لصديقه وينقش على جناحيه : ' صديقُك يبقى صديقَك ولو فعل ما لا يعجبك' المهم بخصوص موضوع الدعاء فأنا حريصة أشد الحرص علي الدعاء في كل وقت وخصوصاً : استغفر الله للمسلمين والمسلمات . المؤمنين والمؤمنات . الأحياء والأموات .إلي يوم الدين " غاليتي مشتاقة مستنيه كلامك الحلو والشيق . إلىأطيبوأروعقلبعرفته ..... إليكيايتهاالصديقةالوفيه ..... فنعمالصديقةأنتِ..انج وهاب.. أنتِالتيأحسستنيبطعمالصداقةبقوتهاوصلابها وأنتيالتيغمرتنيبنصائحجميلة.... أنتيوأنتيوأنتي........الخ كلهذهالعباراتلنتوفيكحقك.... لأنكالصديقةالحسنةالطيبة.... ولأننيأيضاًأحببتكحباًفيالله.... فأتمنامنأعماققلبيبأنتدومهذهالصداقةعلىمحبةاللهسبحانهوتعالى ومحبةرسولهالكريم أتمنىلكِحياةموفقةوسعيدةفيالدنياوالأخرة وزادكعلماً وجعلعمركممدوداًفيطاعتهسبحانهوتعالى.... أسألاللهالعليالقدير أنيرحمناويجعلنا منالذينيدخلونالجنة بدونحسابولاعذاب وانيظلناتحتظلعرشهيوملاظلإلاظله سبحانهوتعالى واشكرك علي دعائك لي بزيارة الروضة الشريفة وإن شاء الله تتحقق وأبلغك بأن الله قد كتبها لنا هذا العام فهي متعة فعلاً زيارة الكعبة الشريفة والروضتين الشريفتين . استاذنا العزيز محمود أنت فين يعني في مصر مستخبي وفي الكويت مستخبي يعني لازم نبحث عنك دائماً فعوداً حميداً يا محمود وفين وعدك بأنك لن تنقطع عن الصفحة . في انتظار دخولك لصفحتنا دائماً اسبكم شوية اوعو تروحوا اي حته ثانية فاصل ونواصل |
أسفة يا أنج
... مش عارفة أيه الكلام العجيب اللي طلع ده فبرسله مرة ثانية إلى أطيب وأروع قلب عرفته ..... إليكي ايتها الصديقة الوفيه ..... فنعم الصديقة أنتِ..انج وهاب.. أنت ِ التي أحسستني بطعم الصداقة بقوتها وصلابتها وأنتي التي غمرتني بنصائحها الجميلة.... أنتي وأنتي وأنتي........الخ كل هذه العبارات لن توفيكي حقك.... لأنك الصديقة الحسنة الطيبة.... ولأنني أيضاً أحببتك حباً في الله.... فأتمنا من أعماق قلبي أن تدوم هذه الصداقة على محبة الله سبحانه وتعالى ومحبة رسوله الكريم أتمنى لكِ حياة موفقة وسعيدة في الدنيا والأخرة وزادك علماً وجعل عمرك ممدوداً في طاعته سبحانه وتعالى.... أسأل الله العلي القدير أن يرحمنا ويجعلنا من الذين يدخلون الجنة بدون حساب ولا عذاب وان يظلنا تحت ظل عرشه يوم لا ظل إلا ظله سبحانه وتعالى واشكركعليدعائكلي بزيارةالروضة الشريفةوإن شاءالل هتتحققوأبلغكبأناللهقدكتبهالناهذاالعامفهيمتعة فعلاً زيارة الكعبةالشريفة والروضتينالشريفتين ودعائي لك أن يكتبها لكي ولأسرتك الكريمة . |
الأخوة والزملاء أحبائي في الله: إنج وهاب - ندى - المشتاقة لمصر - أحمد السلام عليكم ورحمة الله وبركاته أدعو الله أن تكونوا جميعا بخير وصحة وعافية.. أنا بخير والحمد لله وأسأل الله ان يكون لكم نصيبا من دعائكم لي اللهم آمين الأخت (مشتاقة): بجد فكرة رائعة جدا والسائق اللي يعمل كدة يبقى إنسان محترم وتأثرت بيه لأنه حاجة جميلة قوي إن الواحد يسمع أو يشوف ناس محترمة بجد بتعمل الصح وبتمشي في الطريق الصحيح حتى وإن كانت ماشية لوحدها.. نفسهم يشوفوا الحق والخير هو اللي سايد بين الناس.. كمان اتعلمت إن الواحد لازم يتعلم وياخد دروس من المواقف اللي بتمر بيه علشان يستفيد منها.. كمان هحاول أعيش تجربتك دي لأنها عجبتني قوي ومين عارف يمكن أحكيها لكم عن قريب.. الأخت الكبيرة (انج وهاب) مهما قلت مش هوفيك حقك لأنك القلب الكبير اللي يساع الدنيا كلها والله أنا اتعلمت منك حاجات كتير وكفاية ان انتي دايما تنصحينا وتساعدينا في حل مشاكلنا.. الاخ (أحمد): جزاك الله كل خير لدعائك ويارب يجعل لك منه نصيب.. الاخت (ندى): مساكم الله بالخير مش عوايدك انك تتاخري علينا كده يارب يهون عليكي الامتحانات وترجعي لينا زي الأول ويارب يكتبلك العمرة السنة دي ويكتبهالي اللهم آمين.. قصة الصقر دي مؤثرة قوي وانتظري تعليقي عليها المرة الجاية.. بالنسبة ليا فدوامي 12 ساعة زي جميع شركات التجهيزات الغذائية والواحد لما يرجع بيبقى مطلوب منه يجهز أكل ويغسل ويكوي وخلافه.. على فكرة أنا أجازة النهاردة (الثلاثاء) لأن الخميس والجمعة ممنوعة الاجازات لضغط البوفيهات لأن شركة الوطنية أكتر شركة شغالة في الكويت.. بس بإذن الله مفيش أي حاجة مهما كانت هتمنعني عنكم بعد كده أبدا.. وتصبحوا على خير .. |
صباح الفل أصدقائي الاعزاء
هذا الخبر نزل علي موقع اليوم السابع "التعليم" ترسل مشروع قانون الكادر الجديد لـ"التنظيم والإدارة" الجمعة، 20 يناير 2012 - 03:40 http://img.youm7.com/images/NewsPics...0928171225.jpg الدكتور صفوت النحاس كتب حاتم سالم http://www1.youm7.com/images/graphics/igoogle.gif أكد مصدرٌ مسئول بوزارة التربية والتعليم، أن الوزارة أرسلت نسخة من مشروع تعديل قانون كادر المعلمين 155/2007 للجهاز المركزى للتنظيم والإدارة للموافقة على عدد من التعديلات الإدارية بقواعد ترقية المعلمين وضوابط عمل المعلمين المساعدين. وأوضح المصدر، فى تصريحاتٍ لـ"اليوم السابع"، أن الوزارة طلبت من الدكتور صفوت النحاس، رئيس الجهاز المركزى للتنظيم والإدارة، إبداء موافقته على تعديلات قانون الكادر قبل الدفع بها أمام الدكتور كمال الجنزورى، رئيس مجلس الوزراء، ثم البرلمان المنتخب. وقال المصدر، إن الوزارة طلبت من "التنظيم والإدارة" بيان إمكانية تعديل قواعد ترقية المعلمين الحاصلين على ماجستير أو دكتوراه، بحيث يمكن خفض فترة ترقيتهم من 5 سنوات إلى 3 للحاصل على دكتوراه و4 للماجستير، مضيفاً أن الجهاز سيفصل فى مقترح الوزارة تعديل ضوابط التعاقد مع المعلمين المساعدين، بما يتيح لوزير التربية والتعليم الإشراف على اختيارهم بالتنسيق مع المحافظين بعكس الوضع القائم حالياً، والذى يضع الأمر برمَّته فى يد المحافظين دون دور للوزارة. فى سياقٍ متصل دعا معلمون إلى التظاهر أمام مقر مجلس الشعب أثناء انعقاد الجلسة الأولى للبرلمان الجديد، لمطالبته بالإسراع فى مناقشة قانون الكادر الجديد، فى الوقت نفسه دعت مجموعات من المعلمين على موقع التواصل الاجتماعى "فيس بوك" إلى زيادة الحد الأدنى لأجر المعلم عن 1500 جنيه واعتبرته قيمة غير كافية. |
صباح الجمال يا حلوين( لسه نايمين طبعاً )
خبر اخر من اليوم السابع التعليم" تقترح زيادة مكافأة نهاية خدمة المعلمين من أول فبراير الجمعة، 20 يناير 2012 - 01:13 http://img.youm7.com/images/NewsPics...1111111516.jpg جمال العربى وزير التعليم كتب حاتم سالم http://www3.youm7.com/images/graphics/igoogle.gif أكد مصدرٌ مسئول بوزارة التربية والتعليم، أن أكثر من 50% من المديريات التعليمية بالمحافظات أخطرت الوزارة بموافقتها على مقترح زيادة مكافأة نهاية الخدمة لشاغلى الوظائف التعليمية من شهر عن كل سنة عمل إلى شهرين، مقابل زيادة نسبة الاشتراك فى نظام المكافأة إلى 10% من الأجر الأساسى، بدلاً من نسبة 5% المعمول بها حالياً. وأوضح المصدر، فى تصريحاتٍ لـ"اليوم السابع"، أن تلقى الوزارة موافقات من المديريات التعليمية على مقترحها دفع مسئوليها لاتخاذ قرار نهائى بتفعيل المقترح، قائلاً "تواصلنا مع وزارة المالية وسنرسل خلال أيام خطاباً بمشروع زيادة المكافأة للهيئة القومية للتأمين الاجتماعى.. وسنقترح بدء العمل بالزيادة من 1 فبراير المقبل". وأضاف المصدر، أن 85% من المعلمين والإداريين الذين شاركوا فى الاستطلاع بشأن مقترح زيادة المكافأة وافقوا على العمل به فيما رفض 15% فقط، مشيراً إلى اعتماد الوزارة على مصدرين لاستطلاع آراء المعلمين وهما موقعها الإلكترونى والخطابات الرسمية من المديريات. |
زملائي الافاضل حياكم الله أرجو من الله أن تكونوا جميعا بخير وبصحة جيدة يارب البلد تستقر بقى وكل المشروعات والاقتراحات اللي جابتهالنا ندى على لسان السادة المسئولين تتحقق قولوا آمين.. قلقان قوي وبقول يارب استرها بكرة انتوا فين وحشتوني قوي ومفتقدكم جدا جدا.. |
الى الاخت مشتاقه لمصر والاخت ندى والاستاذ محمود ممكن اشترك معاكم على فكره انا سيدة واسمى هنى لكن زوجى هو اللى مشترك فى المنتدى وانا لم اشترك انا معلمه فى الازهر
|
صباح الخير لزملائي وأصدقائي الأعزاء
أخباركم أيه أولاً أهلاً وسهلاً بالزميلة الجديدة هني وتشرفنا بوجودك بيننا أخت عزيزة فهذه الصفحة ملك للجميع نبدي فيها رأينا وأخبارنا وبالنسبة لي هي صفحة مهمة لأنها بتربطني بأصدقاء أعزاء علي قلبي . ومرة ثانية نورتي صفحتك يا هني . أختي العزيزة أنج وهاب وحشتيني ومفتقدين وجودك عسي المانع خير إن شاء الله طمنيني عن أمتحانات أولادك ونتائجهم . مشتاقة أخبارك أيه وأخبار أولادك أيه وأخبار النتائج بتاعة الاولاد أيه طمنيني عليكي كمان . أزيك يا محمود متابع مثلي أخبار مصر والله أنا معاك الأخبار مش عجباني تحس إن البلد والحكومة في وادي والناس في وادي ثاني كلنا بننشد الاستقرار ثم الاستقرار ثم الاستقرار الناس تعبت يعني أبويا بيقول ليه كل الناس قرفانة من الاوضاع ومش عاجبها حال البلد بس فين الصح وفين الغلط . هل نعطي فرصة للأنتاج والاستقرار ولا نظل عايشين في مظاهرات وقلق وفي نفس الوقت المطالب بتاعة الناس مشروعة وحقهم مية في المية . بس الناس اللي علي باب الله ليس لها وظيفة هيعيشوا أزاي وهما كل دخلهم بيعتمد علي الاستقرار ( اللي مش موجود ) ربنا يستر علي الجميع وعلي أهلنا وعلي البلد . مستنية أخباركم طمنوني . |
السلام عليكم ورحمة الله وبركاته
زملائى واصدقائى الاعزاء وحشتونى جدا شكرا ندى على سؤالك انا افتكرت انك فى العمرة واكيد مشتاقة فى ليبيا واستاذ محمود ماشى فى طريقه وانا فعلا مشغولة فى حاجات تانية غير الامتحانات عقبال اولادك خطوبات وربنا يستر عمالة أأجل وأطنش ولكن الى متى ؟ ( البحر امامى والعدو خلفى ) ماليش اصدقاء وانتم اصدقائى اول ما القنبلة تنزل بافقد توازنى ومش عارفة افكر انا هعمل استخارة واسيبها على الله معلش انا دايما باشركم فى مشاكلى وهمومى بدل ما اكلم نفسى .والى لقاء |
يا روح قلبي يا أنج وهاب
ألف ألف مبروك ..... بمجرد ما قرأت ردك مقدرتش غير أني أشاركك فرحتك وربننا يتمم بخير أحلي فرحة في الدنيا هيه فرحتنا بأولادنا وأحفادنا ويارب يارب كلنا نشوف هذه الفرحة بأولادنا وأنا إن شاء الله هتكون العمرة بتاعتنا علي الشهر الجاي إن شاء الله بس ليه التأجيل يا ست الكل أجلاً أو عاجلاً هذه الخطوة لازم تتم وبلاش تزعلي أحد من أولادك خليهم يفرحوا وأنتي كمان تفرحي بدري بدري وربنا يسعدك ويسعدهم ويجعل كل أيامكم أفراح ولكل أحبائنا وأصدقائتنا . |
الزملاء الأفاضل والزميلات الفضليات: ندى - إنج وهاب - المشتاقة لمصر - أحمد - هنى السلام عليكم ورحمة الله وبركاته أرجو من الله تعالى أن تكونوا جميعا بخير أنا بدوري برحب بالأخت (هنى) وبقولها أهلا وسهلا بيكي ويسعدنا طبعا اشتراكك معانا وفي انتظار رسايلك باستمرار.. الأستاذه إنج: الحمد لله إنك بخير ويارب الشباب يطلعوا من الأوائل.. بالنسبة لموضوع الخطوبة أكيد في (خضة) في البداية لأنها مسألة فرضت عليكي اعباء جديدة تجاههم.. بس أنا شايف إن الزواج بالنسبة للبنت أو الولد كلما كان أقرب كان أفضل خصوصا في الزمن ده ويارب يوفقهم للصح وبقولك مبروك مقدما ويارب بالفرح دووووووووووم إن شاء الله.. المشتاقة لمصر : يارب تكوني بخير غايبة عننا من زمان ليه ومش عارفين يا ترى سافرتي ليبيا والا لسة ؟ الأخ : أحمد ماهر : انت فين يا ابو حميد وحشتنا يارب تكون بخير.. الأخت ندى: فرحان جدا جدا لتواجدك وحضورك ويارب كده دايما.. وعمرة مقبولة بإذن الله.. وبالنسبة لقصة الصقر اتعلمت منها أنه من الغلط إن الواحد يبقى شاكك دايما في اصحابة واقرب الناس اليه من مجرد موقف عابر او كلمة عفوية بحسن نية لأنه ببساطة في لحظة ممكن يخسر صديق عمره أو شخص رائع بيحبه بجد وقريب منه جدا.. ودي طبعا بتبقى خسارة مفيش حاجة في الدنيا ممكن تعوضها.. كمان لو لا قدر الله فقدنا ناس بنحبهم قوي مش لازم نستسلم للحزن والغم لكن لازم دايما نفتكرهم بالخير وندعيلهم وده أبسط حقوقهم علينا.. وبشفق جدا على أي شخص يبقى في الموقف ده لأنه بعد ما يعرف حقيقة اللي عمله في لحظة غضب مثلا مع الناس اللي بيحبهم وبيحبوه ممكن يعيش في ألم وإحساس بالذنب طول العمر.. من الآخر لازم نحافظ على أصدقائنا وأخواتنا قوي وكل ما نحبهم اكتر هيحبونا اكتر واكتر وساعتها هنحس ان احنا نستاهل حبهم لينا.. وتصبحوا على خير |
امنياتي بالتوقيق
|
مساكم الله بالخير اخواتي وزملائي ندى - المشتاقة لمصر - انج وهاب - احمد وكل الناس الحلوين اللي دايما يدخلوا صفحتنا ولو بالمشاهدة أين أنتم؟؟.. افتقدكم ولا أجد ما يطمئنني عليكم .. رجاء الى كل من يعرفهم أن يبلغهم سلامي.. |
السلام عليك استاذ محمود وعلى ندى ومشتاقة لقد وصل سلامك شكرا لك جزاك الله خيرا اتمنى من كل قلبى ان تكونوا جميعا بصحة وان تصلوا الى كل ما تتمنوا |
اصدقائي الحلوين انج وهاب - محمود - مشتاقة
صباح الهنا اخباركم ايه ............. دعائي لكم بالعافية والصحة دائماً أنا بخير بس الفترة اللي فاتت الأحداث الكتيرة اللي حصلت في مصر كانت معكننة عليا وخصوصاً أحداث بورسعيد والمقاطعة والحصار وخلافة فربنا يصبر أهل الشهداء الذين لا ذنب لهم فيما حدث وحسبي الله ونعم الوكيل في من فعل هذا . الذي لا يرضاه ضمير أو عقل . دعواتكم الطيبة فأنا مسافرة للعمرة الاربعاء القادم إن شاء الله |
السلام عليكم ورحمة الله وبركاته ندى .محمود ومشتاقة اتمنى ان تكونوا بصحة وسعادة ويارب نكون مشتاقة رجعت مصر ونطمنا عليها بالنسبة للاخوة المسافرين مثل ندى والاستاذ محمود او الذين فى اجازة حاصة نزل الان على موقع الاكاديمية بخصوص ترقياتهم الاتى إتاحة التقدم للترقى للمعلمين الذين هم فى أجازة خاصة بناءاً على موافقة فتوى الشئون القانونية بأحقية من هم فى أجازة خاصة أداء التدريبات المؤهلة للترقى طالما إستوفوا شروط الترقى ولا يصرف البدل إلا بعد إستلام العمل ، وعلى من يرغب في الترقي عليه التقدم بطلب الترقية لإدارة المدرسة و التى ستتولى تسجيل طلب التقدم للمعلم على الموقع الالكترونى للأكاديمية المهنية للمعلمين لتحديد مكان تدريب كل معلم و موعد بدء الدورة التدريبية ، وذلك إعتباراً من يوم الثلاثاء الموافق 21 فبراير2012. |
اقتباس:
|
السلام عليكم جميعا
ارجو من الله ان تكونوا جميعا بخير.. لا اعرف سبب غيابكم.. وادعوا الله من كل قلبي ان يكون يكون المانع خيراإإه.. ان كنتم نويتم الا تعودوا فارجوكم ان تعدلوا..إ |
احنا دخلنا الكادر فى 1/4/2011 والامتحان كان سهل
|
السلام عليكم جميعاً ورحمة الله وبركاته
زملائي وأصدقائي الأعزاء انج وهاب - مشتاقة - محمود - احمد ماهر - هني كيف حالكم جميعاً وحشتوني كتييييييييييير أنا بخير والحمد لله أنا رجعت من العمرة الأسبوع اللي فات وكانت عمرة فيها روحانيات كثيرة وحاسة بتغيير كتيير في قلبي وعقلي فأصبحت أكثر هدوءاً يعني علي رأي أبويا عقلت شويه ( خذوا بالكم من شوية ) يعني من وجهة نظر أبويا حبيب قلبي لسه ناقصني كمان شويتين . المهم أنا دعوت لي ولكم جميعاً بكل خير وأن يعطي لكل واحد مننا كل ما يتمناه ولكل المسلمين والمسلمات ...أمين يارب العالمين أيه أخباركم وأخبار أحوالكم أيه طمنوني علشان أنا حجزت ونازلة علي مصر بمنتصف شهر 7 وزوجي بيقول ليه ألغي السفر وأعملي دعوة لأبويا وأختي الصغري وأخويا أحسن من القلق اللي حاصل بمصر فبصراحة أنا مش قادرة أقتنع ليه ألغي سفري وهل مش من حقي أني أنزل بلدي وأشوف أهلي وليه مفيش أمن وأيه مواضيع الخطف دي وكمان أنا بقالي فوق 10 سنوات لم أري خالي وأولادة لأنهم عايشين بأمريكا ودي المرة الوحيدة اللي ظبطت أجازتي معاهم علشان أشوفهم ( رغم أني هسافر ليهم علي المنزلة ( أحدي محافظات المنصورة ) علشان أنتم عارفين أنا من بورسعيد وصعب في الظروف دي نتقابل بالقاهرة لأن كمان زوجي مش نازل معانا فأنا فعلاً قلقانة هل أنزل ولا ألغي سفري وخصوصاً إن أبويا الحبيب مش هيرضي يجي الكويت لأنه بيحب بورسعيد جداً ومابيحبش أي بلد يرحها غير بورسعيد ( اللي في ظروف اقتصادية صعبة جدا ) بسبب الأحداث الأخيرة معلش بشارك أحبابي في همومي بس ارجو الافادة والاطمئنان عليكم جميعاً . |
ال
سلام عليكم ندى ومحمود ومشتاقة واحمد حمدا لله على سلامتكم جميها وعمرة مقبولة ياندى وانا اول مرة اعرف انك من المحافظات السواحلية مثلى ولكن انا الان لست مقيمة بها . المهم انك تنزلى ان شاء الله بلدك فى سلام وامان وتصلى رحمك والانفلات الامنى موجود فى كل مكان بس الاعلام بيكبرها شوية وخصوصا قناة الجزيرة وعندما كنت فى السعودية كان فى مصر وكل الدول العربية ازمة فى القمح وهذه القناة صورت مصر انها تعيش فى مجاعة وكنا فى الغربة نبكى على مصر واهلنا الذين يعيشون فى هذا الفقر المضجع وعند نزولنا اليها لم نجد اى شىء من هذا ونجد اهلها يعيشون يأكلون ويلبسون مثلنا تماما و مشاكل بورسعيد هتنتهى بمحاكمة الذين تسببوا فى هذه المجزرة ويجىء دور الدعاة امثال الشيخ حسان الذى ذهب الى بورسعيد وهدىء من تفوس اهالى مصر جميعا وبورسعيد الان عاملة اسبوع التسوق واهالى القاهرة ذهبوا للشراء والسياحة الداخلية ربنا يرفع عن مصر الغمة ودايما ترددى دعاء سيدنا يعقوب الى سيدنا يوسف وهى الاية الكريمة ( الله خير حافظا وهو ارحم الراحمين ) الحقيقة هى تدخل السكينة والطمأنينة على قلبى عندما تشتد بى الامور او اى سفر لى او لاولادى بحفظهم بذكر الاية الكريمة ونتركها على الله الذى ليس لنا سواه وهو الملجأ والملاذ اتمنى من الله ان يكون اخونا محمود فى صحة وسعادة وفى تقدم ويامشتاقة انا قلقانة عليك لظروف البلد التى بها زوجك لو سمحتى ردى علينا ولو بالرد اليسير والى لقاء |
السلام عليكم ورحمة الله وبركاته الحمدلله لعودة بعض اخواتنا واحبابنا يارب يطمنا عليهم دايما.. (ندى): حمد الله على السلامة.. والحمد لله انك بخير وعمرة مقبولة بإذن الله وعقبال الحج.. انا شايف انك تتوكلي على الله لأن مهما حصل في مصر فهي احسن من اي مكان في الدنيا وطبيعة الاعلام المبالغة والاخبار السيئة عن مصر بتكون بالنسبة لهم هي الافضل وهي اللي بتشد الاهتمام اكتر على عكس الاخبار الحلوة.. على فكرة مركز ومدينة المنزلة دقهلية ليس بعيد عن قريتي التابعة لمركز المنصورة وبأكدلك ان الوضع مش بالسوء اللي الناس فاكراه.. فتوكلي على الله وخدي بالاسباب واعملي كل الاحتياطات زي موضوع تجنب السفر بالليل وما تقفوش لأي حد على الطريق ويارب يحفظك انتي وعائلتك من اي مكروه.. جزاكي الله كل خير اختي انجي لسؤالك والدعاء وربنا الاعلم انا فرحت بالاطمئنان عليكي ورجوعك للكتابة من تاني قد ايه.. ادعو معايا يارب يكملها بخير ونطمئن على المشتاقة ويارب تكون هي واسرتها بخير اللهم امين.. احمد مش متعودين عليك الغياب ده.. طمنا عليك.. لي طلب عندكم حاولوا ما تتأخروش علينا تاني وحاولوا ترجعوا زي الاول.. يارب احفظ اخواتي من كل سوء وديم الود والدعاء بينا اللهم امين.. |
السلام عليكم ورحمة الله وبركاته
احبائي وأعزائي انج وهاب - محمود - مشتاقة وكل زملائي بالصفحة اشكر لكم تواصلكم الدائم بيننا وأنا بشكر لكم اهتمامكم وردكم عليا . انج وهاب حبيبتي السواحليه مثلي كيف حالك عاملة ايه يا انج وأخبار أولادك أيه أنا حسيت إن ليه أكثر من الأخوات بهذا المنتدي وربنا يديم المحبة والمعروف بينا علي طول . فرغم كل شيء ورغم أوقاتنا الضيقة بس لينا وقت نقضيه مع بعض حتي ولو دقائق معدودة وأنا إن شاء الله هتوكل علي الله وأسافر لأني لا أستطيع أني ما أشوفش أبويا الحبيب والغالي فهو يشتاق لرؤيتي وأنا كمان في أشتياق لرؤيته دائماً فربنا يعطيه الصحة والعافية ورضاه دائماً عليا عندي بالدنيا . وكمان مشتاقة أني أشوف أخواتي فهم لوحدهم مفيش حد معاهم غير ربنا لأن أغلب أقرباؤنا بالخارج والباقي بالمنصورة فأشكر لكي حرصك علي حثي علي صلة الرحم فأنتي معاكي حق وربنا يتقبل مني حرصي علي عدم تقصيري في حق أهلي أبداً . رغم إن لغاية أمبارح بس أخت زوجي أتصلت عشان تقوله ألغي السفر لينا وأنا أقنعته بأن يسيبها علي الله وإن شاء الله خير فأنا بحب بورسعيد جداً فهي بلد ناسها طيبين وأنا مش بعمل دعاية لبلدي بس فعلاً دي الحقيقة وفيها من خير ربنا الكثير وأهلها مفوضين أمرهم لربنا . ومرة ثانية أشكرك أختي أنج من كل قلبي ودعواتي لكي دائماً بالصحة والعافية الأخ الفاضل محمود اللي برده بلدياتي بس من ناحية مدينة ومركز المنزلة ( وليس محافظة ) يا أخي الواحد خايب جدا بالجغرافيا ) أشكر حرصك علي تواصلك الدائم بالصفحة وأنت دائما اللي سباق في السؤال بس فعلاً تحس إن اليوم بيطير مش بتحس خالص الوقت راح فين . انا النهاردة بكتب بأستفاضة لأن لما رحنا علي المدرسة قالوا لنا اليوم أجازة بسبب سوء الأحوال الجوية . أنا إن شاء الله هتوكل علي الله وأنزل أجازتي فدعواتكم الطيبة بس أنت طبعاً لسه راجع من الأجازة . وأنا بصراحة فضلت أن أنزل في شهر رمضان لأننا بنتجمع في هذه الأيام المباركة وله روحانيات خاصة في كل شيء ويكفي أنك فيه مع أغلي وأحلي الناس وهم أهلنا . وطبعاً كلنا متواصلين بصفحتنا دائماً يا محمود . مشتاقة يا مشتاقة فينك يا مشمشة وحشتينا جدا عايزين نطمن عليك وعلي أحوالك ضروري لو بتدخلي طمنيني عليكي وبلاش الغياب الكثير ده عننا لأنك فعلاً بتوحشينا . ولكم مني كل الحب والود . |
اقتباس:
|
مشكور جدا واتمنى لك دوام الصحة والعافية ولك جزيل الشكر والعرفان فانت مشكور جدا حدا جن
مشتتتتتتتتتتتتتتتتتتتتتتتتتتتتتتتتتتتتتتتتتتاق لمداخلاتتتتتتتتتتتتتتتتتتتتتتتتتتتتتتتتتتتتتتتك ولكككككككككككككككككككككككككككككككككككككككككككككككك ككككجزيا الحب والعرفتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتتتتتتتتتتتتتتتتتتتتتتتتتتتتتتتتتتان
|
السلام عليكم اخواتنا وأحبابنا.. يارب تكونوا بخير.. دعاؤكم لي بظهر الغيب هو اللي خلاني موجود اكتب ليكم دلوقتي.. ادعو معايا يارب رد علينا اخواتنا الغايبين واحفظهم من كل سوء اللهم آمين..
|
الله يسلمك يا محمود بس أحنا متواجدين أنت اللي مختفي أرجع للوراء شوية هتلاقينا ردينا بعد أخر رد ليك
ولكن اللي مختفيه بجد بقالها فترة طويلة عننا هي مشتاقة وبجد وحشتنا كلنا . ربنا يطمنا عليها وعلي كل حبايبنا بالمنتدي يا محمود . سلامي لك وللجميع . |
| جميع الأوقات بتوقيت GMT +2. الساعة الآن 09:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.