|
محافظ أسيوط إلغاء مسمي معلم بالحصة وتحرير 10 ألاف عقد مميز لجميع العاملين بالحصة الحا
محافظ أسيوط إلغاء مسمي معلم بالحصة وتحرير 10 ألاف عقد مميز لجميع العاملين بالحصة الحاليين والمنقطعين لظروف خارجة عن إرادتهم والعمل في حاجة إليهم والمؤقتين .
وكذلك تم توفير ألفين درجة خالية ممولة لعمال النظافة والخدمات المعاونة بالتربية والتعليم .. صرح بذلك إبراهيم موافي وكيل وزارة التربية والتعليم بأسيوط وقال أن العقود المميزة تضمن نفس مزايا المتعاقد المعين على درجة دائمة حيث تتضمن جميع مزاياه المادية والمعنوية. وأضاف أن العقود المميزة تتضمن علاوة خاصة مضمومة محسوبة على قدر المكافأة فضلاً عن العلاوات الخاصة التي لم يحل موعد ضمها بالإضافة لكافة العلاوات الاجتماعية والإضافية ومنحة عيد العمال والحوافز والمكافأة والبدلات والأجور المتغيرة المسموح عليها بالتعاقد الدائم وفق تأشيرات الموازنة العامة للدولة وما تقدره السلطة المختصة لكل وحدة مشيرا ان مرتبات المتعاقد تساوى نظيره على نفس الدرجه الماليه . |
انتا عامل زي اللي بيقولو " حسني جدع ومتصدقوش اللي بيتقال عليه "
مع ان مش حضرتك الشخص اللي أرد عليه بس هرد من كام يوم اتبعت فاكس بايقاف إمضاءاات وتعاقدات المنقطعين حين دراستها كنا بنقول التعاقدات اتوقفت يرد اللي زيك ويقول لا متصدقش مفيش حاجة من دي ولما الناس راحت مدارسها واتمنعت من الإمضاءات حست فعلا بالخطر ساعتها روحنا المديرية وخربنا الدنيا مع الشئون المالية والادارية الاستاذ اللي مسك مكان جمال متى وفعلا تراجعو عن القرار أو عدلوه بحيث ان الناس تروح عادي وتمضي وفحص العقود يتم والناس موجوده على عملها مع اخذ إقرار على المتعاقدين بأن ليس لهم الحق في أي ماليات في حالة ثبوت عدم صلاحية التعاقد لو كنا سمعنا كلامكم وقلنا مفيش حاجة والعقود شغالة بس الناس بتروج اشاعات كان من الممكن جدا اننا نخسر كتير الفكرة لا دخان من غير نار إدارة صدفا وصلها فاكس فعلي بأن مرتبات المنقطعين 120 إدارة أسيوط لم يصلها شيء وتعاقدهم ماشي على كلام الموظفين ب 484.25 جنيه مصري إدارة أبنوب كان تعاقدهم بفيش ورقم تأميني الظاهر ان كل إدارة ماشية بمزاجها سواء في الاجراءات أو المرتبات بعدين عقدك ده اللي جبناهولك عقد مكافأة شاملة مش مميز |
شالو البدل النقدي من على الناس اللي اتثبتت السنادي
البدل النقدي ده اللي بيفرق مرتب المتعاقد عن المثبت بم تفسر ذلك؟؟ |
سبحان الله وبحمده سبحان الله العظيم
اقتباس:
اولا حضراتكم واخدين الموضوع انه تحدى مع انى بشر زيكم وانا فعلا والله العظيم مع كل الناس اللى فى اول السلم الوظيفى بس المشكلة ان الناس عاوزة تصدق اى كلام وبعدين لا وكيل الوزارة ولا المحافظ ولا احنا انبياء طبعا يعنى كلام اى مسئول كذب × كذب انا عاوز الناس تدور على حقوقها بجد مش يرموا لكم الطعم وانتو تبلعوه عندك البند الثامن بيقول ايه " يحق للطرف الاول الغاء ................................ دون اى مبررات او تعويضات" يعنى المفروض تكون الخطوات محسوبة كويس وهما كمان مش عاوزين مشاكل يبقى يقول اى حاجة وبعدها يحلها الحلالال وكمان التعاقدات اللى عملوها للمعلم المساعد اكبر بكتير من ال10 الاف اللى منشورة فى الجريدة ليه اللى اشتغل يوم من 15 سنة بيدور عليه والناس التربويين قاعدين فى البيت ليه كمان عمل لدبلوم الخطوط عقد معلم مساعد ................. الخ والله العظيم ده مش تعقيد ولكن ياريت الكل ينظر للموضوع نظرة عامة واسعة انا مش بجرح احد ولكن انا عندى زوجتى زيكم وانا شغال فى المديرية وعارف ان كلامهم كذب كله والكوسة شغالة زى ما هى وفى ناس مضت اقرار بالزور والله العظيم لانهم اصلا مش هيعرفوا يجيبوا اى اذونات صرف ومش بيراجعوا اى حاجة على فكرة المحافظ ده على شاكلة اللى قبله عاوز يبين انه مسيطر على البلد وانه على قد المسئولية وانه بااشااااااااااااا من العيار التقيل ياريت تصحوا وتفوقوا وتبصوا لقدام |
يايها الذين امنوا ان جاؤكم فاسق بنبا فتبينوا ان تصيبوا قوما بجهلا
عارف انا سالت ولا اداره جت فيها الفاكس دا ولا تم وقف امضاءات والمنقطعين انجليزى ولغه عربيه استلمو اللنهارده اهم شغالين ومافيش غير مفردات مرتب واحده تعرف بجد انتو عاوزين فتنه وزمان المنتدى كان بيمسح الناس الى بتطلع اشاعت من غير وثائق زيكم معلومه ليك يا قمر اقسم بالله العلى العظيم انا اكتر حد حاربت علشان عقود المنقطعين قدام مبنى المحافظه ومع المحافظ القديم والجديد... يمكن انت كنت نايم فى بيتك او بتدى شويه دروس خصوصيه او بتكلم منه ساعتها وفى الاخر جاى تقول متستهلوش الرد ربنا يسامحك وانت والراجل الى خايف ياخدو مرتبه التانى المثبت دا يظهر فتنه وانتشرت فى الصعيد الخوف ومش هقول انى حد فلول الفلول فيكم عارف نفسه |
أولا
== يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ... ثانيا == مش عاوزين الموضوع يقلب بزعل يا أستاذ فشار محدش مننا ليه أي مصلحة في ترويج الاشاعات وكلام الأستاذ رضا للأسف منطقي ثالثا == ياريت تكتب اسمك الحقيقى علشان أكيد هعرفك لأني بعرف كل اللي كانو بيحضروا معانا الاجتماعات مع المحافظ وسكرتيره ووكيل الوزارة وبكلم اغلبهم لحد دلوقت وتلفوناتهم كلها معاي وياااااااااااااارب يطلع كل اللي في دماغاتنا دي هواجس وحاجات ملهاش أصل من الصحة ويكون المرتب زي ما قالنا وكيل الوزظارة وزي ما قبضو الاخوة المستمرين ونتثبت قريب بس تثبيت فعلي |
الف الف شكر ياستاذ ابو منه وربنا يوفقك يارب وتكون اول واحد تتثبت
اقتباس:
الف شكر على سعة صدر حضرتك فعلا كلنا محدش له مصلحة ان لا يتم تثبيت المعلمين لان كل واحد مننا اكيد له اخ او اخت او زوجة ..........الخ لكن مش اى كلام ينقال نصدقه لازم نتحقق منه اولا وبعدين انا عاوز اوضح حاجة مهمة كمان ان القرار ده قرار محافظ وممكن يتلغى زى قرار محو الامية للناس السابقين واتعينوا بمجرد استيفاء شروط التعيين ده اولا اما ثانيا الناس المنقطعة واللى على رأس العمل المفروض ان تكون كل مستحقاتهم واحدة فى كل شئ والمفروض حكاية التفرقة دى ممنوعة نهائى وكمان المفروض ميكنش هناك تدخل للتوجيهات والموجهين خالص لانهم معظمهم ومش عاوز اقول كلهم بتوع كوسة وكمان الناس الحلوين اللى كانوا شغالين من 15 و 20 سنة خلاص هما اتاقلموا على ظروف معينة المفروض حرام يسيبوا الناس التانية تشوف مصالحها وكمان الغريب فى الموضوع ان كل يوم تتطلع جوابات للمعلم او حتى الدبلوم اللى اشتغل يوم واحد للاسف الحكاية موضوع بلطجة كله عاوز ياخد حق بعضه والسمك الكبير عاوز ياكل السمك الصغير وكمان الى الان ممسكوش واحد من العقود المزورة مع انهم عارفين كده واخيرا صدر فاكس من السيد المحافظ الباشا اللى بيدلع ووصل الحسابات ممنوع صرف حافز الاداء للمعلم المساعد والمعلم وحتى البدل النقدى وبدل الاغتراب علشان ان خطوته وسعت قوى ومش عارف يفوق والناس مش هتسكت وهيشتكوه فى الرقابة الادارية ازاى المحافظ مينفذش قرار وزارى احنا عاوزين نقف على الحقيقة مش عاوزين الناس تشتغل شهر او 2 وبعدين يفسخوا العقود دى لان كده طبعا حرام وكمان حرام جدا لما يدوا المنقطع 120 جنيه ويدى نفس المؤهل اللى مستمر على رأس العمل ودخل بالكوسة 485 جنيه ياجماعة احنا عاوزين نظرة واسعة للموضوع مش عاوزين نبص تحت رجلينا |
لا حياة لمن تنادي |
على فكرة أكتر فساد حادث اليومين دول من قبل التوجيه
موضوع المستمرين على رأس العمل أنا أعرف ناس كتيييييييييير طلعلها جوابات بالحصة في الوقت اللي كان الكلام على التعاقد مع مدرسين الحصة جوابات لناس ملهاش علاقة بالتربية والتعليم وناس جديده وجوابات ب 4 حصص وأقل من أجل اثبات الحالة فقط وفساد بغباء وبدون دراسة يعني دلوقت بيستغلو المتعاقدين الجداد وبيودوهم المدارس اللي الناس القديمة تعبانين فيها وبيريحو القدام .. لدرجة ان في مدارس بعيدة وغير مرغوبة أصبح كل طاقمها من المعلمين المتعاقدين ودي حاجة في منتهى الغباء لأن لو حصل أي لعب أو إلغاء لتعاقدات أو حتى كلام على مرتب ترتب عليه ترك عمل أو إضراب على الأقل من قبل المتعاقدين هيوقف حركة سير العملية التعليمية في المدارس دي إحساس الاحباط بقي مسيطر عليا ومبقتش متفائل حسبنا الله ونعم الوكيل |
تحياتى
بكل الود والاحترام والتقدير احترم واقدر كلام زملائى الاعزاء ويعلم الله كم احبهم وكم انا حريص عليهم من الفتنه اقسم لكم بالله ان مانت انت فيه نتاج عدم ثقتم من قرارت الدوله فى السنوات التى كان فيها فساد وظلم فى العهد البائد السيد المحافظ اصدر القرار بعقد مميز للمستمر ين والمنقطعين 485 والقائمين بخدمات تعليميه 415 والمعلم المساعد ب700 تطبق من اول يناير القادم وامبارح شكلت لجنه فى ديوان وزارة التربيه والتعليم لمناقشة موضوع200% والى بيقول مافيش فلوش هقوله يا استادى المحترم البند المالى متوفر من تلات شهور يعنى هما ماخدوش من القدامه الحوافز علشان .. انما دى تمهيد لتطبيق 200% افهم بقى يا ادارى يالى شكلك مش دارى مصدر معلوماتى .. اليوم السابع الجمهوريه موقع اسيوط دوت كوم السيد وكيل الوزاره ومدير ادارتى والاهم من دا كله ثقتى بالله عز وجل انه لن يخزلنا ابدااااااااااااااااااااااا وانى الحكومه لا تغضب الشعب والثوره الان فى قمة اشتعالها افهمو بقى وربنا يوفقنى ويوفكم وان شاء الله قريبا هقولكم اسم الحقيقى سلام |
تحياتى بكل الود والاحترام والتقدير احترم واقدر كلام زملائى الاعزاء ويعلم الله
بكل الود والاحترام والتقدير احترم واقدر كلام زملائى الاعزاء ويعلم الله كم احبهم وكم انا حريص عليهم من الفتنه اقسم لكم بالله ان مانت انت فيه نتاج عدم ثقتم من قرارت الدوله فى السنوات التى كان فيها فساد وظلم فى العهد البائد السيد المحافظ اصدر القرار بعقد مميز للمستمر ين والمنقطعين 485 والقائمين بخدمات تعليميه 415 والمعلم المساعد ب700 تطبق من اول يناير القادم وامبارح شكلت لجنه فى ديوان وزارة التربيه والتعليم لمناقشة موضوع200% والى بيقول مافيش فلوش هقوله يا استادى المحترم البند المالى متوفر من تلات شهور يعنى هما ماخدوش من القدامه الحوافز علشان .. انما دى تمهيد لتطبيق 200% افهم بقى يا ادارى يالى شكلك مش دارى مصدر معلوماتى .. اليوم السابع الجمهوريه موقع اسيوط دوت كوم السيد وكيل الوزاره ومدير ادارتى والاهم من دا كله ثقتى بالله عز وجل انه لن يخزلنا ابدااااااااااااااااااااااا وانى الحكومه لا تغضب الشعب والثوره الان فى قمة اشتعالها افهمو بقى وربنا يوفقنى ويوفكم وان شاء الله قريبا هقولكم اسم الحقيقى سلام |
السلام عليكم
اولا يا جماعة انا سألت ناس فى الماليات الاى بيعملوا المرتبات قالوا انه المرتب زى ما هو 485 جنية لموهل العالى 415 جنيه للمؤهل المتوسط بس انا بصراحه بقيت محتاره وانا بقرا كلامكم بالصفحه ونفسى افهم حاجه احنا مش المفروض معلمين بالتربيه والتعليم وفقا للقوانين التعليم انه المسمى الوظيفى معلم مساعد طيب انا مش فاهمه بكده ايه عقود مميزه وهل بكده احنا ملناش الحق اننا نشترك بالتامين الصحى واشتراك بالنقابه الاجراءات المعروفه الاى المفروض تتعمل لينا كلامى صح ولا غلط لما سألت ناس بالادارة قالوا اصبروا انه هيعملوا لينا بطاقه صحية واشتراك بالتامين هيتخصم من المرتب دى حاجات كويسة بس بنفس الوقت الواحد بقى متلخبط يقولك دى قرارت للمستمرين ودى قرارات للمنقطعين ليه احنا مش كلنا واحد وبنتعب فى نفس المركب والا ايه . والعقود الكتير الاى اتعملت الاى اغلبها مزوره ما علينا ربنا الطلعه ومش هيباركله باى حاجه جايه من حرام وعلى حساب ناس تانى ياريت نكون على تواصل بمعرفه كل الاخبار مع بعض ولو نعمل صفحه فيس بوك نقدر نتواصل فيه المعلمين الجدد يكون افضل سلام عليكم جميعا |
على فكره وصل امبارح فاكس لادارة البدارى و محتواه ان على المعلمين و الاداريين المتعاقدين شهرى 7 و 9 القيام بالكشف الطبى من اجل التأمين الصحى
|
ياااا مسهل خبر كويس جدا بس ياريت اللي يقدر يجيب صورة من الفاكسات يبقى ينشرها للتأكيد ولو في معلومات عن الراسل وكده يبقى يعرضها يعني الفاكس بتع التأمين الصحي من مين وهل وصل الى جميع الادرات ولا لأ وعلى فكرة موضوع ال 120 محدش اتكلم عليه غير إدارة صدفا لحد دلوقت وهما اللي قالو على الفاكس بتاع ال 120 وكانو بيأكدو عليه انما باقي الادارات ماشية طبيعي مع اختلافات بسيطة |
اللهم لا سهل الا ما جعلته سهلا وانت تجعل الهم والحزن ان شئت سهلا
السلام عليكم اناحتى الان مستلمتش خطاب التعاقد بتاعى كل منسال على اللغه العربيه ابئدائى - ومدرسين الفصول - والحاسب الالى-وعلوم -درسات يقولو احنا بنراجع كمان يومين وتعالو ومش عارف اليومين بتوعهم مش هيخلصو ولا ايه روحنا للسيد وكيل المديريه المحترم / اتصل بيهم قالو احنا ادينا شغالين بصراحه انا بدات اقلك ادعولنا ياخونا وفى ادارته مشابه يفهمنى برضه |
خير إن شاء الله أهم حاجة في الموضوع
المتابعة علشان حقك ميضيعش وربنا يكرم إن شاء الله وكل واحد ياخد حقو |
رابطة معلمى اسيوط الجدد على الفيس بوك
|
من مصدر موثوق فيه
**** أخبار عاجلة غير مؤكدة ****
_ بعد صدور قرار مجلس الوزارء بزيادة حوافز المعلمين وإستبعاد المكافأة ،أكد لي مصدر بأن المديرية أرسلت فاكس للإدارات لتنفيذ القرار اليوم ، وسيصل مرتب معلمي تعاقد (2/2) بعد زيادة الحوافز إلي 125% إلي أجر يتراوح بين (530 : 550 جنيه) علي حد علمي ولا أعلم كم سيكون مرتب المعلم (75% ) والمعلم الأول (50%) بعد تلك الزيادة. ---- أما بالنسبة للمنقطعين ، فقد صدر فاكس للإدارات عند إستلامهم العمل بأن يحصل المؤهل العالي علي 120 جنيه ، والمؤهل المتوسط وفوق المتوسط علي 90 جنيه ، لكن تم إلغاء هذا القرار فيما بعد وأرسل فاكس ينص علي حصول المنقطعين علي نفس المرتب الذي يحصل عليه المعلمين الذين علي رأس العمل. ------------------------------------------------------------------ والله أعلي وأعلم..... |
تحياتى
ربنا لا تحملنا ما طلاقة لنا به واعف عنا واغفر لنا وارحمنا انت مولنا فانصرنا على القوم الظالمين من اول يوم مافيش غير منشور واحد بمفردات مرتب واحده والزيادة الجديده التعاقدات مالهاش دعوه بيها دى للمعلم والمعلم الاول احنا تعاقدنا اما معلم مساعد او معلم بعقود مميزه او معلم بتاعقد موسمى |
أول مرة أعرف موضوع ال120 ده منكوا الصراحة بس أنا اللي فاهماه إن الكل سواء المنقطعين أو على رأس العمل هياخدوا نفس المبلغ لأنهم كلهم بتعاقد واحد والله المستعان أما إحنا بالنسبالنا قبضنا شهر 7 ناقص الحوافز يعني 305 وشهر 8 كان 485 يعني بالحوافز وعملنا إستمارة بالفروق شهر 7 أما شهر 9 لم نأخذه بعد والله المستعان |
اليوم والحمد لله الناس الاى شغال والاى هما من المنقطعين قبضوا مرتب شهر 9 وهو كالاتى المؤهل العالى 485 جينة والمؤهل المتوسط 415 جينه وطبعا الكلام ده تبع ادارة اسيوط
الخبر التانى الاى مش متاكده منه انه بيقوله الزياده الاى حددها الوزير 125% لمعلم المساعد مش لينا قال ده بسبب اننا مش معلمين مساعدين واننا عقود مميزه ده الجديد انهردا فمبروك للناس الاى قبضت والاى هتقبضت باذن الله |
أكتر شىء يضايق ان اى حد مش عارف اى حاجة فى اى حاجة ويتكلم
او يكون عنده معلومة سمعها من الفراش عنده فى المدرسة ويقولها على اساس انه جاب الديب من ديله مين قال ان المعلم المساعد تعيين 1/7 او 1/9 مش ليه فى الحوافز. لا وايه كمان يتقال اننا عقد مميز مش عقد معلم مساعد اقرى عقدك كويس واعرفى انتى مين وبعدين اتكلمى والله حرام اللى بيحصل فى البلد ده كل واحد مش وراء شغلة ولا مشغلة يطلع اشعات وبس. |
اقتباس:
انت بص ع العقد كويس مكتوب عقد 2/2 مش معلم مساعد اسمه عقد مميز مش اختراع وروح اسال اواسالى ف اى مكان هيقولك اننا عقد مميز مش معلم مساعد ثانيا احنا فعلا مش لينا بالحوافز الجديد بامره الكشوف مش طالعة بالزيادة والاى هياخدوا 125% المعلمين المساعدين القدام الاى مدخلوش امتحان الكادر بسبب الدبلومه فهمت بجيب الكلام ده منين اخواتى كلهم شغالين بالحسابات وهما الاى بيعملوا الكشوف فهمت وياريت لما نحب نريد ع اى حد يكون رد كويس |
حاجة تعفرت
اقتباس:
أعتقد إن كلامك صح للأسف المرتبات بتتعمل بدون إضافة الحوافز 125 % وبنسأل ناس في الإدارة بتقول ان التعاقد بتاعكم تعاقد مكافأة شاملة وليس معلم مساعد والله أعلم و أتمنى أكون على خطأ ياريت اللي عندو معلومة أكيدة يشارك بيها |
ده كمان فيه كلام بيتردد معرفش إيه مدى صحته
إن جميع التعاقدات اللي تم توقيعها ( وليس الاستلام ) بعد 14 / 9 سوف تلغى الكلام مش أكيد أنا سمعته من زمايلي في المدرسة من اللي بيخلصو ورقهم في الادارة |
عودة 7500 معلم من المنقطعين للعمل بنظام المكافأة الشاملة بالغربية
وافق اليوم "الأحد" المستشار محمد عبد القادر محافظ الغربية على عودة 7500 معلم للعمل بنظام المكافأة الشاملة، وذلك اعتبارًا من أول نوفمبر المقبل. ... |
وحشتونى
سلام عليكم اولا يا شباب التعاقد معلم مساعد بند 2/2 انا لما نزل الكشف الى فيه اسمى كان مكتوب عليه تعاقد معلم مساعد بند2/2 ولا انا من قاره تانى وثانيا مافيش اى فكسات مانا ليل نهار بوروح الماليات فى الاداره قالو كل المفردات واحه سواءه سبعه او تسعه 485 عالى 425 متوسط لكن فى مشكل اكبر يا قمرات هى الى حقيقى مش اشاعه وعاوزين نطالب بيها كلنا من الان مننتظرش لحد شهر واحد عارفين اى هى انى احنا حتى الان ملناش مستقطع يعنى لم يتم التامين عليا ولا لينا تامين صحى ولا ليك حق اشتراك نقابه ولا معاشات ولا التنظيم ولاداره بعتت تاخد اسمك علشان لما توصل سن التثبيت المفروض يبقى فى مستقطع وتتخصم الحاجات دى علشان دى هى الخطوه الصحيحه للاستقرار اما لو محصلش فدا ليه معنى واحد انى لو متوافرش بند مالى ممكن يشردو 12 الف متعاقد فهمتو يا حلوين ولا لسه نايمين عموما انا وانتو ان شاء الله موجودين وعن حقنا مش ساكتين موافقين ولا مش موافقين |
خبر اكيد : انا امبارح روحت الاحصاء فى الادارة و سلمتهم شهادة الدبلومه و استمارة الاحصاء و الموظف قاللى خلال اسبوع هيطلعلى رقم كودى و رقم سرى اكيد ده تبع التنظيم و الادارة
|
الاخ \ المصرى
حضرتك ادارة اية ؟؟؟؟؟؟؟؟؟؟؟ ممكن تقول لنا اية خطوات الى انت عملتها فى الاستمارة دة ؟؟؟؟؟؟؟؟؟؟ وشكرا |
أولا بالنسبة للتأمين الصحى فده انت بتروح وتخلصه من نفسك بدون ما اى حد يبعتلك وبالفعل مدرسين كتير راحوا المبرة واشتروا الاستمارات واتصلوا بالخط الساخن وانا التانى ماشى فى الاجراءات.
بالنسبة لموضوع النقابة احنا كده كده بيتخصم منا فلوس خاصة بالتأمين والنقابة ( مرتبنا للعلم 640 جنيه قبل خصم اى شىء ) فأيه اللى يمنع انك تشترك فى النقابة على العموم انا لسه ما اشتركتش فيها لكنى بعد ما هخلص اجراءات التامين الصحى هخلصها بأذن الله. |
ياريت الاخ انا مصرى يوضح هو ادراة ايه وتعاقد ايه ؟؟؟
ويقوم بتوضيح كلامه اكتر |
انا ادارة البدارى التعليميه تعاقد 1\7\2011 و اللى حصل بالضبط انى كنت فى الادارة بسأل فى التعيينات عن شهادة الدبلومة بتاعتى و بعد كده الموظف ادانى الشهادة و قالى انزل عند موظف الاحصاء و خد استمارة و كمل بياناتك علشان تتسجل على النت على موقع الوزارة و بالفعل موظف الاحصاء بلغنى انى ارجع بعد اسبوع علشان استلم الرقم الكودى و الرقم السرى الخاص بتاعى ده بالنسبه للاحصاء
اما بالنسبة للتأمين الصحى انا اشتريت نموذج 111 و اتصلت ب19806 و حجزت كشف بتاريخ 27\11 الساعة 1.5 مساءا بالنسبة للنقابه لسه مفيش عندى اخبار |
اقتباس:
بالنسبة لاستمارة الاحصاء انت مضيتها من مين بالضبط.........ارجو توضيح الاجراءات بالضبط حتى يستفاد الجميع وشكرا |
اقتباس:
|
ياجماعة ايه اخبار ال125% لينا ولا لا
|
كود PHP:
لحد دلوقت لأ |
هو لية لحد النهاردة ما زدناش ال 125% مع ان الناس المعلمين المساعدين القدامى زادوا أنا مش عارفة هو عقدنا ده معلم مساعد ولا مكافاة شامله بدليل ال 125%
|
اقتباس:
|
اقتباس:
شئون مصرية > زيادات حوافز المعلمين بدءاً من أكتوبر كتب منيرفا سعد العدد 1922 - الثلاثاء الموافق - 4 اكتوبر 2011 اعتمد د.عصام شرف رئيس مجلس الوزراء قرار زيادة الحوافز لثلاث درجات مهنية للمعلمين، حيث تم رفع حافز الإثابة للمعلم المساعد من 75% إلي 125% والمعلم من 50% إلي 75% والمعلم الأول من 25% إلي 50% علي أن يتم صرف الزيادات الجديدة علي راتب أكتوبر الجاري وذلك بعد استبعاد مكافأة الامتحانات من إجمالي الحوافز التي يتقاضاها المعلمون ليصل الإجمالي مرة أخري إلي 200 يوم إلا أن الفئات الثلاث الأعلي وهي المعلم أول أ وكبير المعلمين والمعلم الخبير تعدت حوافزهم 200% بعد خصم مكافأة الامتحانات منها مما ترتب عليه عدم وضع أي زيادات جديدة لهم. |
فى حد قبض مرتب نوفمبر
|
الظاهر مفيش حد قب خالص
|
استاذ خالد انت منين
|
قرية بمدينة اسيوط وانت
|
احنا نستاهل اللى يجرى لينا واكتر والله عشان ساكتين على حقوقنا يعنى ايه مدرس ياخد 240 جنيه الجاموسة بتاكل ب300 و400 جنيه فى الشهر يعنى احنا اقل من البهايم
|
اقتباس:
|
يعنى ايه الكلام ده مفيش قبض خلاص ولا الناس دى عاوزه ايه
ومين بيقبض 240 جنيه وفين ابو منة من زمان وحشنا صوتك |
ياتر ى امتى امتحانات المرحلة الثانوية
|
مفيش اخبارعن التثيبيت لينا ولا اية
|
اقتباس:
احنا قبضنا شهر نوفمبر يوم 27 واسمائنا نزلت على الكمبيوتر مع الاساسيين علشان نقبض في يوم واحد كل شهر والقبض انخفض الى 468 جنيه مش عارف ليه وده مش كل المدارس فيه مادارس قبضت 485 زي ماهما دلوقت الناس بتحجز الكشف الطبي بالرقم 19806 المكان في النميس قدام صيدلية نانسي وبالنسبة للتثبيت ... أدينا بندعي إن الجنزوري يقدر ينفذ كلامو على فكرة شغل الحصة هيرجع تاني .. التوجيه بتاعنا قدم طلب للمحافظ علشان فيه عجز رهيب في الرياضيات والمحافظ اعتمد التأشيرة بالموافقة بس مستنيين الاعتماد المالي وهيشترطو على اللي يشتغل انهم يستغنو عنو في اي وقت وملهوش حق يطالب بحاجة ( ده كلام التوجيه بتاعي ) |
يابو منه هو احنا لسه ملناش فى ال125% برضوا ولا مفيش جديد
|
| جميع الأوقات بتوقيت GMT +2. الساعة الآن 09:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.