![]() |
السلام عليكم ورحمة الله و بركاته اولا : احب اعرف نفسى , انا مصطفى الشريف من الاقصر و ادوب لسة مخلص الثانوية (شعبة الرياضيات طبعا) و مستنى النتيجة حاليا .ثانيا : احب ابدى اعجابى بالموضوع لانه موضوع رائع جدا و متميز (على الاقل من وجهة نظرى) و استفدت منه بمعلومات كتيرة و عرفت عن الهندسة اكتر شوية (اهو احسن من انى كنت زى الاطرش فى الزفة) ثالثا : زى ما الموضوع عجبنى كان فيه شوية حاجات معجبتنيش (نقد بناء) , منها مثلا انى الموضوع كان اكتر من نصة كلام ترحيبى و نقاشات جانبية , يعنى مثلا انا لاحظت ان فى اتنين سلمو على بعض و بعد كده بيقولو انه نازل الجامع و حيقابلو (طب ده ينفع فى موضوع زى كده ؟) , و كمان انا لاحظت ان الموضوع مش متعمق و مش شامل كل سبل الاستعداد لدخول الهندسة يعنى كان ممكن نخلى الموضوع يشتمل على معلومات من بدايه التفكير فى دخول الهندسة لحد دخول الكلية وايه الكتب اللى ممكن الشخص يستوعبها لوحده فى فترة الاجازة الصيفية (دون الضغط على نفسه لان دى اجازة) , و ممكن الموضوع يشتمل حتى التنسيق و كل حاجة ممكن تفيد الواحد لدخول الهندسة و خلافه , يريت محدش يزعل منى لان نقضى لازع (انا عارف) بس يريت نبقى متقبلين بعض , (مع العلم) انى قريت الموضوع كله و لاحظت ان فى حد اتكلم فى النقطة بتاعت الحوار خلال الموضوع و كده , بس و الله الحكاية دى بتفرق قوى لان ممكن يكون حد داخل يشوف معلومة معينة و يزهق لانه بيقرا حاجات مش حتفيده (اقصد طبعا الكلام بين الاشخاص بهدف الدردشة وليس المعلومات المفيدة) , و مرة اخير احب محدش يزعل منى على كلامى . و اخيرا بكرر ان الموضوع كان ممتاز بس للأسف عامل زى الطبخة الحلوة اللى ممكن تبوظ علشان شوية ملح ناقصين . (مصطفى الشريف) |
اقتباس:
وعليكم السلام ورحمة الله وبركاته أهلاً بيك يا مصطفى .. ان شاء الله تكون معانا في هندسة اولاً أحب أقولك اني مش زعلان بنقدك ده بل بالعكس أنا فرحان ان في حد مهتم بالطريقة دي لكن لكل شئ ظروفه .. لو تعرف وقت الموضوع وغرضه كنت سامحتنا :d المشكلة اننا كنا رايحين محافظات غير محافظاتنا في الكلية وكان محيط بينا جو من الإكتئاب فقولنا نعمل الموضوع ده نفرفش " لاحظ الهدف " بيه عن نفسنا ... ولو انت قريت اسم الموضوع أكيد كنت عرفت ... تمنياتي ليك بالتوفيق ,,, |
اقتباس:
شكرا على تفاعلك معايا و تقبل النقد و ان شاء الله مفيش اى مشكلة خالص بس للأسف اللى خلانى اقول كده انى قريت العنوان كويس جدا (كل سنة وانتوا طيبين العيد خلص وكله يربط الحزام للإستعداد ،،، محطة اطلاق صاروخ الهندسة) مش هو ده بردو , و لاحظت انه مافيهوش اى شئ يدل على الفرفشة , ده حتى بيقولك انطلاق صاروخ الهندسة يعنى المفروض مفيهاش اى هزار , و لا انا فهمت غلط ؟! و ع العموم الموضوع بردو رائع بس حيبقى اروع لو حد من المسئولين عنه اضاف بعض المعلومات اللى قولتها قبل كده , وارجو قبولى صديق معاكم فى المنتدى اولا و فى الموضوع اخرا . (مصطفى الشريف) |
اقتباس:
ما علينا مش هنضيع وقتنا في الكلام عن الموضوع ومش هو ده مصدر المعلومات يعني ,,, بس عايزك تفك شوية وخليك مرن ومتعقبش على كل حاجه في حياتك والا مش هتنتهي أرجو تقبل نصيحتي ,,, إن شاء الله أي حاجه سواء في الدراسة أو في الكلية عامة احنا تحت أمرك في رعاية الله |
اقتباس:
ممكن اكون فعلا فهمت الموضوع غلط (مافيش اى مشكلة الفهم الغلط , المهم اللى يعترف بكده) اشكرك على النصيحة الغالية دى وان شاء الله حعمل بيها و اشكرك على دعمك ليا و عرضك المساعدة فى اى وقت , انا النهارده فرحان جدا الحمد لله ربنا و فقنى و 98% , الحمد لله على كل شئ و ان شاء الله ربنا يكرم كل واحد بالكلية اللى يتمناها ان شاء الله . |
اقتباس:
لو دخلت هندسة القاهرة ممكن نبقى اصدقاء انا جبت 97% الحمد لله |
اقتباس:
ألف مبروك ربنا معاك ان شاء الله اقتباس:
ألف مبروك و ربنا يوفقك ان شاء الله .... |
اقتباس:
الله يبارك فيك |
اقتباس:
اقتباس:
|
شكرا يا رجاله ولو فيه جديد ارجو ان تكتبوا
انا طالب مقبل على اعدادى هندسه شبين |
شكرا للمجهود
|
يا ريت اى مهندس يكتب تنسيق كل قسم بعد الاعدادى ؟؟؟؟؟
|
اقتباس:
http://www13.0zz0.com/2013/08/13/22/488168234.jpg |
طب ازاى مثلا قسم نوويه جايب42% دا كده اللى يجيب المجموع ده اساسا يبقى ساقط ولا ايه
ارجو التوضيع ويا ريت حضرتك تقلى المتوسط العام (النسبئه المئويه) لقسم الكهرباء غالبا |
اقتباس:
بص الكليه نظام مختلف ... اهم حاجه عشان تعدى تكون بس على الاكثر شايل مادتين عشان تبقى ناجح طب لو شايل 3 مواد .. مينفعش .. تبقى تعيد السنه فاللى جايب 42 او 37 دول ناس شايله مادتين بس ناجحه عادى وتدخل اقسام برده وتمتحن المادتين دول السنه اللى بعدها :) بص انا الحقيقه معنديش معلومات عن باقى الهندسات بس الكهربا ف اسكندريه غالبا من رينج 66 __ 68 والله أعلم ! |
جميع الأوقات بتوقيت GMT +2. الساعة الآن 04:07 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.