طيب معلش يا دكتور هواللي بيتخرج من قسم البترول ده بيبقي مجرد عامل ولا مهندس ؟؟؟
وموضوع التخصص في مجال الادويه ده..يعني هوممكن تبقي تخصائي تحاليل وفي نفس الوقت تشتغل في شركه ادويه يعني تفتح معمل مستقل وتشتغل في شركه ادويه؟؟؟
وبعدين انا سمعت عن جامعات ممكن ندخلها سنتين بعد ما نخلص علوم ونتخرج منها صيادله هو ده صحيح وبيبقي في جامعات معينه ولا كله؟؟؟

عامل ؟؟؟؟ ازاي يعني

ده المهندس الجيوفزيائي للي بيكتشف اماكن البترول
وبالنسبه للادويه والتحاليل اه طبعا ويلزم لها اقسام الكيمياء المزدوجه مع البيولوجي

ومفيش حاجه اسمها تتخرجي صيدلي لكن ممكن تتخصصي في الادويه ومجالات الادويه من كليه علوم

اها تحاليل ادويه يبقي انسب حاجه ليكي

كيمياءوميكروبيولوجي

ولازم تعملي دراسات عليا والدراسات العليا ممكن تكون دبلومه او ماجستير او دكتوراه
واي واحده فيهم تكفي وممكن تتخصصي وتعملي دراسات في اي فرع

واحيانا القسم فعلا بياخد تقدير وده بيتوقف ع عدد الطلبه وع الكليه

السلام عليكم

انا ان شاء الله سنة اولى علوم

نفسى اتخصص فى قسم الاحصاء وعلوم الحاسب بس خايف ملحقوش بسبب التنسيق الداخلى

اهم حاجة عندى ياجماعة

هل الكلية فعلاً شاذة فى مذاكرتها وعاوزه مذاكره من اول يوم لآخر يوم ولا فعلاً زيها زى باقى الكليات هنذاكر اخر شهرين بس الفرق فيها اننا هنشد حيلنا فيهم اوى وبردو ربنا هيكرمنا وننجح ؟؟؟

معلش على السؤال بس بجد انا مش عاوز تعب اعصاب زى الى شوفته فى الثانوية

ان شاء الله تلحقه

الكليه عايزه فهم وحضور محاضرات بس ومش صعبه للي بيحبها

لو سمحت يا دكتور انا جالى علوم رياضة بنها ونفسى ابقى دكتورة تحاليل ممكن تقولى ادخل قسم اية اوا سنة ارجو الرد سريعا لو سمحت

لو سمحتم اناجالى علوم بس جامعة بنها كنت عايزة اعرف النظام اية هناك لانى دى اول سنة لى

ممكن سؤال هو في تشريح في اولي علوم كيمياء؟
وايه الأدوات اللى مطلوبة للكلية؟ يعني هل هنشتري ادوات معمل وتشريح ولا لأ

كيميا بس مش بيدرس تشريح

دي لطلبة بيولوجي او كيمياء مزدجه مع البييولوجي

اجتهدي واعملي للي عليكي وبس
وربنا يوفقك

بصراحه يا دكتور احنا كلنا مبسوطين من الشغل الجامد بتاع حضرتك بس يا ريت تكلمنا شويه عن سنه اولي علوم بيولوجي ونظام المحاضرات والمذاكره في كليه العلوم جامعه اسكندريه....افادكم الله

سنه اولي في بيولوجي غالبا
في الترم الاول
بتدرسي ماده في الكيمياء وماده في علم الحيوان وماده في علم النبات وماده في الرياضه العامه وماده في الفزياء

طبعا ممكن تختلف من جامعه لجامعه لكن معظم الجامعات كده
افضل نظام للمذاكره انك تحضري المحاضرات والسكاشن كلها تكتبي كلام الدكاتره وتذكريه اول باول

لو سمحت كنت عايز اعرف لو عندك معلومات عن كلية العلوم جامعة الازهر