استفسار ضروري .. جداً جداً
 

انا عايز اعرف هي كل كليات العلوم فيها قسم حاسب ؟؟؟؟؟

الله يكرمكوا بسرعة حد يفيدني قبل ما التحويل ما يقفل

حضرتك هو علم الميكروبيولوجى كل دراسته خاصة بالنبات؟

لا طبعا

علم الميكروبيولوجي يعني علم الكائنات الدقيقه يعني البكتريا والفطريات والفيروسات ومعهم علم المناعه والطحالب

معظم كليات العلوم فيها علوم حاسب

هو لو مجموعك مش جايبها خلاص مش هتحولي قاهرة بس ممكن تحولى بعد اولى ممكن تسألى فى شئون كلية علوم القاهرة على التحويل
علوم حلوان فيها حاسب بس مش فردى مزدوج مع فيزيا او رياصة

بالنسبة للنقابة نقابة العلميين
عضوية وغير عضوية انتى خدتى مقدمة عنها فى ثانوى فى الكيميا المفروض
اولى دى بتبقى عاملة زى اولى ثانوى بتدرسى نبذة من كل حاجة ومن تانية تبتدى المواد تركز على التخصص بس ده من كلية لتانية فى كليات التخصص فيها من اولى دى الى بتعمل تنسيق داخلى للأقسام على مجموع ثانوى
الادوات كده كده هيحددهولك بس هى بالطو وحامل و3 انابيب وقطارة(سحاحة) وفوطة والبتاعة الى بتضفى الانابيب بيها ده اغلب شغلك فى المعمل الباقى مش هتحتاجيه اوى
حكاية انك تبقى معيدة ملهاش دعوة بمجموع ثانوى فى الى جايب اعلى منك بكتير ودخل علوم هما بيشوفو المجموع التراكمى بعد متخلصى لأعلى 3-4 طلاب على حسب المعيدين عدد المعيدين الى هما طالبينهم فى القسم
ميديكال رب ده مسمى وظيفى للى بيشتغلو فى الدعاية بتاعة الادوية وتنفع للنوعين
الدبلومة مش بتقل عن سنة وسعات سنتين بس اغلب الدبلومات دى للناس الى تقديرها وحش عشان تعمل معادلة للتقدير لو تقديرك حلو ممكن تعملى ماجيستير علطول
الى يقلك مفيش شغل يبقى مش بيفهم بس فى الاول وفى الاخر دى حاجة ترجع لتقديرك ومجهودك
ان الله لا يضيع اجر من احسن عملا
يعنى اجتهدى واعملى الى عليكى وان شاء الله هيكون خير ليكى

ممكن تبقى شروطها النجاح فى مواد معينة فى اولى
او تقدير معين فى اولى
او بمجموع ثانوى فى جامعات قليلة
او ملهاش متطلبات
بس ده يرجع للكلية ومتطلبات القسم نفسه وده ممكن يتغير كل سنة على حسب عدد الطلاب الى مقدمين فى القسم

دكتور هو حضرتك بتقول ان الواحد لو خلص الكلية بتقدير حلو نفترض قسم ميكروبيولوجى مش لازم يعمل دبلومة تحاليل يعنى مممكن ياخد ماجيستير وبعد كدة يشتغل عادى ولالازم الدبلومةة ؟؟؟؟؟

عشان تبقي اخصائيه تحاليل طبية يلزم دبلومه او ماجستير وان البكالوريوس يكون كيميا مزدوج مع البيولوجي

أنا عاوز أعرف ايه الاقسام المتوفرة لى وانا جايلى علوم/رياضة المنصورة ؟؟

دكتور حضرتك التخصص الاساسى عندنا فى جامعة اسكندرية فى سنة تاينة وتالتة بتبقى تخصص فرعى حضرت كان تخصصك الاساسى ايه؟؟؟؟ يعنى انا مثلا بافضل زى ماحضرتك قولت كيميا مع ميكرو فافضل انه تكون الكيميا اساس ولا الميكروبيولوجى هو التخصص الاساسى وشكراا

هو لازم الازدواج يبقى فى نفس الشعبه يعنى مينفعش مثلا ادرس الفيزياء مع الكيمياء و شكرا مقدما

لو سمحت كنت عايزة اعرف هى كلية العلوم تابعة لنادى ايه؟؟؟؟؟

دكتور معلش انا خنقتكم باسألتى
هو لو حد عايز يشتغل فى مجال اطفال الانابيب ممكن يكون تخصصه ميكروبيولوجى وكيميا عادى ولا لازم حيوان ؟؟؟؟؟؟؟؟؟؟