النهاردة روحت الكلية وجبت الكود من الدور التانى بمبنى الحيوان جنب الطرقة اللى كان فيها الامتحانات
اخدت الكود وايميل تبع موقع الكلية واللى سمعته اانى المفروض ادخل على الهوت ميل واسجل الايميل بتاعى اللى اخدته من الكلية من هناك انا الصراحة مفهمتش يعنى ايه الكلام ده يايت اللى اخده يدخل يشرحلى عشان الموظفين الله ينور على طول مش فاهمين حاااااااااااااااااجة

يا جماعة هو ايه موضوع الايميل و الكود ده.
انا دخلت على موقع الكلية لقيتهم اخيرا نزلو نتايجنا اللي فاتت يعني تدخل و تكتب الرقم الجماعي تلاقي نتيجتك لحد السمر كورس.
ايه بقى الموضوع الجديد بتاع الكود ده ...هي النتيجة هتظهر بسرعة ؟:frown:

بصى يا قمر
اللى اعرفه ان الايميل ده حيبعته عليه النتيجة و ده اللى سمعته
المهم
انتى تروحى الاوضة اللى هى قدام المطبعة
حتلاقى اوضة كدة لسا متبيضة قدام المطبعة على طول
حتدخلى حتلاقى 3 بنات كل واحدة قعدة على جهاز اطلبى من اى واحدة ايميلك بتاع الكلية
حتسألك انتى سنة كام و قسم ايه
و حتكتبهولك فورقة هو و الباسورد
افهمى منها بقى تدخلى عليه ازاى و ابقى فهمينا احسن واضح انه محدش فهم منهم حاجة

موضوع الكود ده انا معرفهوش بس انا نزلة الكلية بكرة ان شاء الله و حطلع الدور ال2 و اشوفه

ده برده اللى هما قالوهولى
ادخل عالهوتميل و اعمل login بالايميل ده

انا شفت على موقع الكلية نتيجتنا لغاية السامر كورس فعلا
ياااااه
لما افتكروا
الكلية بعد سنة بتنزل النتيجة على موقعها
يعنى ان شاء الله نتخرج و نشتغل و هما ينزلوا بعد سنة نتيجة 4
يدينا و يديلهم طول العمر

السنة اللى فاتت كان نفسنا النتيجة تتطلع بسرعة شلونا علشان تتطلع
السنة دى انا مش عايزاها خالص
بس المشكلة انهم فى البيت عمالين كل شوية يسألونى ايه اخبار النتيجة
و انا مش عايزاها بس شكلهم حيطلعوها بسرعة
ربنا يستر

[quote=Nogha;1948430]بصى يا قمر
ا

انا شفت على موقع الكلية نتيجتنا لغاية السامر كورس فعلا

انا دخلت على موقع الكلية وملقتش اى نتيجة لينا انتى جبتيها ازاى بتاعة السامر كورس ياريت تكتبيلى الخطوات معلش هتقل عليكى علشان انا لما بفتح الجزء بتاع النتيجة على الموقع بتطلعلى لغة غريبة جدا مش عارفة اترجمها
ومش عارفة ادخل حتى على اى نتيجة بتاعة اى قسم او اى سنة

بصى يا قمر
انا ححطلك اللينك على طول
كليك عليه حتلاقى الصفحة اللى طال منك فيها الرقم الجامعى بتاعك اكتبيه (مش رقم الجلوس)
و استنى شوية لغاية ما يحمل

http://www.sci.alex.edu.eg/Academics...m/Default.aspx

بالنسبة للصفحة اللى بلغة غريبة انتى لو تعملى encording و بعد كدة arabic windows كانت حتظهر باللغة العربية
و بتختارى "عرض بيانات الطالب "

و لو معرفتيش قولى ميهمكيش

انا دخلت على اللينك اللى انتى كتبتهولى يا nogha بس كتبت الرقم الجامعى ومحملش حاجة انتى قصدك الرقم الجامعى اللى على الكارنيه بتاع السنة اللى فاتت؟
على العموم مش مهم نتيجة السنة اللى فاتت بس الصفحة دى هيكون عليها النتيجة بتاعتنا ؟

لأ
كارنيه السنة اللى فاتت اللى عليه ده رقم الجلوس رغم انهم كاتبين جنبه الرقم الجامعى بس ده رقم الجلوس

كارنيه السنة دى عليه الرقم الجامعى هو ده اللى تكتبيه هو تقريبا بيبقى اوله 93 و حتلاقيه مكون من 5 ارقام

مش عرفة هل ده اللى حتنزل عليه النتيجة و اللا لأ

شكرا يا nogha على ردك
انا لغاية دلوقتى مش فاهة الايميل ولا الباسورد اللى احنا اخدناه اعمل بيه ايه على الهوت ميل انا كل ما ادخل يقولى ان الايميل غلط ياريت لو حد فاهم حاجة يفهمنىىىىىىىىىىىىىىىىى

الايميل و الباسورد دول تدخليهم على موقع الهوت ميل ( مش الماسنجر ) و تكتبى الايميل صح
the email*alex-sci.edu.eg

اللى بين اليكس و اللى بعدها دى شرطة عادية مش داش

شكرا جدا جدا يا lovelygirl
الحمد لله انا اخيرا سجلت بس الغريب اللى اوانا بسجل الباسورد اللى الكلية عتطهولنا وانا بسجل قالى اكتبى باسورد جديد وهو ده اللى هدخل بيه بعد كده يعنى اعتبر وانا بسجل ان الباسورد اللى انا اخدته اكنه قديم مش عارفة اذا كان حصل معاكى كده ولا لا عشان لو محصلش هصر انى اسجل تانى
وعلى فكرة فى حاجة اسمها postal code
ورقمها 11231

السلام عليكم ازيكو يا جماعة انا معلش كنت عايزة اعرف ميعاد تسجيل مواد الترم التانى (الورقة اللى حطوها فى اخر يوم امتحانات)

ازيكوا ياحماعة عاملين ايه ؟بجد المنتدى وحشنى أوى
الحمد لله خلصنا الامتحانات وربنا معانا فى النتيجة
بالنسبة لموضوع الايميل ....انتوا حتدخلوا على www.hotmail.com وحتكتبوا الايميل اللى معاكوا كله وكمان الباسوورد اوك بعد كده حتطلع صفحة حيقولكوا اكتبوا الباسوورد وتحتيه تغيير الباس وورد ....حتكتبوا عادى الباسوورد اللى انتوا واخدينه من الكلية وتحتيه تغيرو اختاروا انتوا بقى اى رقم براحتكوا اعملوه 6 ارقام او سبععة زى مانتوا عايزين المهم تحفظوها واكتبوها فى ورقة علشان ده اللى انتوا حتخشوا بيه ...وبعدين تملوا بياناتكوا عادى ودى بيانات شخصيبة املوها انتوا بعدين اتكوا موافق حتجيلكوا صفحة outlook اختاروا اللغة والدولة وبعدين اوك حيفتح معاكوا على طول ان شاء الله وخلوا بالكوا لما تيجوا بعد كده لوقفلتوه وجيتوا تفتحوا تدخلوا بالباسوورد اللى انتوا عملتوه اللى هو الجديد اللى انتوا غيرتوه مش بتاع الكلية اللى انتوا واخدينه مع الايميل .........يارب تكونوا فهمتوا منى حاجة وبالتوفيق لينا كلنا ان شاء الله

بالظبط زى ما قولت انا عملت كده . فى الحقيقة انا مكنتش فاهمة اذا كنت اللى عملته ده صح ولا غلط خصوصا موضوع الباسورد الجديد
الحمد لله انى اطمنت دلوقتى ويارب بس تظهر على الايميل ده
يعنى مش تنزل فى الكلية وبعدها بيومين ولا اكتر ينزلوها على الايميل

اللى انتى عملتيه صح
انا سمعت من دكتور ان النتيجة مش حتتعلق و حتتبعت عالايميلات بتاعتنا على طول
هل الكلام ده صح؟
حد يعرف النتيجة حتكون امتى؟
على فكرة يا جماعة
تسجيل مواد الترم ال2 يوم السبت 20 ان شاء الله
و من السبت 28 حتكون الدراسة ان شاء الله
و طالما
تسجيل مواد الترم ال2 يوم السبت 20 ان شاء الله يبقى لازم النتيجة تكون قبل السبت 20 يعنى من الآخر لازم تطلع بالكتير عالخميس 18 كدة ان شاء الله
حد فهم منى حاجة؟ اصلى حسة ان الكلام داخل فبعضه
ما علينا

انا فهمت الكلام اللى انتى قولتيه مش داخل فى بعضه ولا حاجة على العموم زى ما قولتى بالظبط المفروض تطلع قبل يوم الخميس بس يارب تكون كويسة عشان مش عايزين سمر كورس خاااااااااااااالص
ويعرفوا يبعتوها عشان الكلية بتاعتنا ما شاء الله فى التكنولوجيا تحت الصفر ( اللهم لا حسد )