انا رأيى انك تنزل و تشوف الورق اللى موجود و اللى تشوفه انه كويس اكيد حتجيبه انا معايا الورق بتاع المحاضرات
و دكتور العضوية معنديش اى فكرة عن مكانه او ميعاده لان محدش كان بيلحق يكلمه
لا شكر على واجب بس ابقى قولى عملت ايه ف التكامل

اللى ملغى ف الاحصاء اخر صفحة ف شابتر خمسة و شابتر سبعة

الحمد لله الامتحانات اخيييييييييييييييييييرا خلصت وعدت بسلام ويارب النتيجة تعدى بسلام وكل واحد ياخد على قد تعبه ومجهوده
المهم فى كود فى الكلية نزل فى مبنى الحيوان بالشاطبى الدور الارضى عند الخزنة علشان منه نقدر نعرف النتجة من خلال موقع الكلية وياريت اللى يعرف اى اخبار جديدة بخصوص النتيجة يدخل يقول

الحمد لله
اى نعم انا بالنسبالى الامتحانات معدتش على خير بس الحمد لله كل اللى يعمله ربنا كويس

وان واى معلش انا مش فاهمة كود ايه؟
انا اخدت الايميل و الباسورد بتاعى من الاوضة اللى قدام المطبعة دى و مش عارفة بصراحة اعمل ايه و قالو ان الايميل ده هو اللى حيبعاتولنا عليه النتيجة
ايه موضوع الكود ده ؟ ده النتيجة حتكون على موقع الكلية مش بالايميل زى ما قالوا

هما ليه كل شوية برأى كدة؟

ازيكم جميعا يارب تكونوا بخير اخير خلصنا انا حاسة اننا بقالنا سنة بنمتحن المهم اننا خلصنا بس بجد حرام عليكوا يا نهي انتي ووان واي احنا لاحقنا اتهنيننا بالاجازة علشان تتكلموا ع النتيجة اتبسطوا شوية دي الاجازة اسبوعين فقط لا غير بس انا اول مرة اسمع كلام الكود والكلام ده وانتوا بتكلموا ع موقع الكلية هو فين موقع الكلية اصلا الموقع مقفول من اول السنة دي

وان واى ف المنتدى مش معقوووول ... عاش من شافك
فعلا الامتحانات الحمد لله خلصت بس مش بسلام ولا حاجة يا رب النتيجة هى اللى تعدى بسلام
انا اول مرة اسمع عن الكود ده .. ايه الكود ده و حنعمل بيه ايه
الكلية دى بتطلع فيها حاجات غريبة و من غير حد ما يعرف

و ايه الايميل و الباسورد ده كمان .. هو انا للدرجة دى مش عارفة حاجة ف الكلية دى خالص

معلش يا جماعة اعذرونى عشان بتكلم فى النتيجة بس والله غصب عنى من كتر القلق اللى انا فيه
المهم موضوع الكود ده اكيد هعرفله حل انا بكرة ان شاء الله رايحة الكلية عشان اجيبه وهبقى اكتب لكم اخر الاخبار
بس حلوة اوى حكاية انهم يبعتولنا النتيجة على الايميل طيب على فرض ان واحد معندهوش ايميل او لما كان بيسجل مكتبش ايميله يعمل ايه ميعرفش نتيجته يعنى والله ناس غريبة معذبنا فى كل حاجة حتى دى