انا الحمد لله..
مش عارف بقى الدكتور , هي المادة ناقصة الغاز ... انا للاسف مش هقدر احضر المحاضرة بتاعت يوم الاتنين لاني عندي سكشن .. بس مش عارف اعمل ايه بقى,هو الحقيقة مش هتفرق كتير امتحنت او ما امتحنتش انا مش عارف لو جتلي ورقة الامتحان هعمل ايه..ربنا يستر...مش عارف بقى ممكن اروح اقول للمعيد على ظروفي هو اصلا السكشن بتاع الاسبوع ده تصحيح للكتاب و حاجات كده لاننا خلصنا .. هو بالحق مفيش نظري عملي فيزياء ولا ايه؟
عموما ربنا يستر علينا .. مش عايز اطلع بحاجة تاني .. بيني و بينك نتيجة الميد ترم في البحتة (القديمة طبعا) نتيجة زبالة و الدكتورة و همتحن فيها تاني بس قالت اللي هيعيد الامتحان يبقى مش هيجيب اعلى من درجة معينة.

البرمجة انا كنت بدأت قريت اول شبترين و يعني فهمت نص نص..انتي فهمتي حاجة؟!!
آسف على الاطالة.
و متشكر اوي .. سلام

يا فوكس نظرى العملى بتاع الفيزياء مع ميدترم النظرى زى الكيمياء يعنى يدوب تلحق تذاكر و سكشن الفيزياء بتاع الاسبوع مش حتعملوا فيه حاجة حيقولوا اللى عايز يراجع تجربة يراجعها مع نفسه
كويس والله انك قريت اول شبترين انا بقا لسه مفتحتش الكتاب ادعيلى افتحه انهارده الا انا مش طايقة المادة دى
و شد حيلك فى البحتة انا عارفة انك مش بتحبها خلى السنة دى تعدى على خير
سلام

طب كويس انك قولتيلي ..
و ان شاء الله اشد حيلي و السنة تعدي على خير هو ده بالضبط المطلوب دلوقتي.
الحاسب بقى افتحي الكتاب واحدة واحدة كده و ان شاء الله ربنا يعينا علىالفهم ..و الحتت اللي فيها كلام مش مهم عديها..انا كمان دلوقتي هفتحها احتياطي لبكرة و منه الواحد يحس انه دخل في المادة و ان شاء الله ربنا يستر.
و متشكر مرة تانية لاجابتك على اسألتي و بسرعة كمان .. و انا برضه تحت امرك.
سلام..

l0vly girl .. ايه الاخبار بعد محاضرة العميد ...انا اصلا من اول ما اتعرفنا نسيت اسألك انتي ناوية قسم ايه؟
انا بالنسبالي قلقت شوية احسن ما اقبلش في الكيميا لان معدي مش اد كده.
ربنا يستر

لان معدلي(gpa( مش اد كده.

انا اول مره اعرف ان العميد عمل محاضره عن اختيار الاقسام ياريت يانهى تقوليلي حصل ايه واستفدتي ايه منها لو كنت اعرف كنت حضرت

ازيك hanooda ...
العميد قال ان الاسبوع الجاي هنجيب استمارة رغبات من شئون الطلبة عشان نملاها..
اما بالنسبة للتخصصات كل دكتور من قسم معين يطلع يتكلم شوية عن قسمه.
معرفش بقى الحاجات اللي تخص بيولوجي

هاى فوكس ازيك ؟
انا للاسف مقدرتش احضر محاضرة العميد انهارده و معرفش ايه اللى اتقال يا ريت لو انت تعرف تقولى ايه النظام
انا نفسى ادخل قسم كيمياء سبشيال بس مش باين لها كده حاجة خالص لانى الترم ده مضيعة جامد
ربنا يستر

طيب ثواني خليكي اون لاين شوية لو تقدري

هاي جيرل ازيك .. انا الحمد لله كويس.
المحاضرة اتكلم فيها العميد عن التخصصات اللي هنتختار ما بينها.
و جه دكتور من كل قسم و اتكلم عن القسم شوية.. دكتور سيد منصور كيميا .. علاء درويش فيزياء.. دكتورة معرفهاش فيزياء حيوية.. دكتور الحاسب بتاع الاختياري.. و دكتور هاني رياضيات..و قالو ان علوم الفضاء مش هتفتح السنادي..و الاحصاء مش هتبقى تخصص رئيسي.
و قالو ان الاسبوع الجاي هناخد استمارة رغبات للتخصص الرئيسي و نسلمها في خلال يومين..و ان الاختيار هيكون زي تنسيق الثانوية العامة يعني القسم عايز عدد معين لو العدد المتقد اكبر يبقى هياخد بالاعلى في المعدل التراكمي..(هو انتي معدلك كام بالمناسبة,انا عارف انه كويس اللهم لا حسد,ربنا يستر عليا انا).
و قال ان مجلس الكلية وافق على السامر كورس و ان الساعة المعتمدة هتكون ب100 جنيه.
و لما طلع دكتور هاني في ناس اشتكتله من مادة التطبيقية 2 و مشكال مع دكتور اسماعيل.
هي دي الحاجات القليلة المهمة في المحاضرة.

و انا شايف انك قدامك فرصة جامدة جدا في الاسبيشيال .. يعني لو مش اللي زيك يدخل اومال مين يدخل .. و ازاي مضيعة اومال انا ابقى ايه .(على فكرة انا جايلي رعب شديد احسن ما اقبلش في كيميا جنرال). على فكرة بجد انتي من نتيجتك اللي قولتيها مستواكي هايل بجد ربنا يوفقك و يلطف بينا.

انا تمام الحمد لله
شكرا على اهتمامك بالرد و اسفة انى تعبتك
بصراحة مش التطبيقية بس هى اللى غلسة الترم ده ده فى حاجات كتييييير و انا فعلا مضيعة الترم عن الترم الاول و خلاص الامتحانات قربت ربنل يسترها معانا كلنا
معدلى مش فاكرة كان كام الظبط بس تقريبا 2.76 او حاجة قريبة لكده
بس لو سمحت كنت عايزة اعرف التخصصات الرئيسية زى ايه كيمياء مثلا و فيزياء و ايه تانى .. معلش اصل انا معرفش اوى فى التفاصيل بتاعت الكلية
و متترعبش و لا حاجة ان شاء الله تدخل القسم اللى انت عايزه
سلام

اولا العفو مفيش اي حاجة و بعدين انتي ساعدتيني برضه في حاجات كتير..
التخصصات الرئيسية هي الكيمياء - الفيزياء - الفيزياء الحيوية - علوم الحاسب الآلي-الرياضيات.
بالنسبة لموضوع القلق اللي عندي ده هو عشان انا شايف ان قليل اوي اللي معدله زيي او اقل مني.
و بالنسبالك انا اعتقد ان معدلك اكتر من كده شوية لانك قايلة انك جايبة جيد جدا.
سلام..

الاسبوع الجاى؟ ياااااه
الواحد مش حاسس بالوقت خالص

هنووود زى ما قلتلك فى الكلية
و بالنسبة للفيزيكال كمسترى اللى انتى عيزاها فلو فيه حد يفيدك اكتر منى ياريت

ينفع من بيولوجى تخصص فيزيكال كمسترى؟

انا سألت د. علاء رمضان عن جدول الامتحانات و قالى ان بيولوجى حينزل يوم السبت ان شاء الله

ذاكروا كويس بقى و ربنا يعيننا
بكرة عندنا الفيزيا حبيبة الجماهير
ربنا يستررررررررررررر

ازيك يا نغة..فينك من فترة؟..اكيد بتذاكري ربنا معاكي و معانا.
[/quote]لاسبوع الجاى؟ ياااااه
الواحد مش حاسس بالوقت خالص[/quote]
عندك حق الترم التاني عدى بسرعة اوي عكس الترم الاول خالص

[/quote] هنووود زى ما قلتلك فى الكلية
و بالنسبة للفيزيكال كمسترى اللى انتى عيزاها فلو فيه حد يفيدك اكتر منى ياريت
ينفع من بيولوجى تخصص فيزيكال كمسترى؟[/quote]
هو مفيش اساسا حاجة اسمها تخصص فيزيكال كمستري ولا حتى من علوم طبيعية..هو اي حد هيتخصص كيميا لازم هيدرس فيزيكال كمستري بس هي مش تخصص ... هي تبقى تخصص في الدراسات العليا(دبلومة-ماجستير-دكتوراة)

[/quote] انا سألت د. علاء رمضان عن جدول الامتحانات و قالى ان بيولوجى حينزل يوم السبت ان شاء الله
ذاكروا كويس بقى و ربنا يعيننا
بكرة عندنا الفيزيا حبيبة الجماهير
ربنا يستررررررررررررر[/quote]
ان شاء ربنا معانا .. و الفيزياء على فكرة فرصة لرفع المعدل..هي مش صعبة..بس كل واحد ليه مادة بيحبها.
سلام..

شكرااااااااا عالإفادة
يارب يا هنوووود تكونى سعيدة دلوقتى

هى فعلا مش صعبة
بس انا مليش اوى فيها
يعنى ساعات بكون كويسة و ساعات ..........
اللى ساعدتنى فى رفع المعدل هى الكيميا
ربنا يخليهالنا

ممكن حد يقولى ايه الاستمارات بتاعة شئون الطلبة دى ؟
هى دى بتاعة الرغبات للاقسام؟
وبالنسبة لامتحان الفيزيا العملى لو حد يعرف عليه كام درجة يقول

انا اعرف ان عليه خمس درجات بس
والنظري 20 درجه
عملتوا ايه في الامتحان؟

ربنا يخليهلنا ياااااااااااااااارب انا هتجنن لو متخصصتش فيها خاصه الكيمياء الفيزيائيه رااااااائعه والدكتور سليم ربنا يكرمه يارب بجد دكتور رائع وهو اللي حببني في الماده دي اوي

الامتحان الحمد لله كان كويس اوى خاصة propeties لانهم جايبين القوانين والعملى حلو اوى بس electricity كان بايخ شوية بس احلى حاجة عملوها انهم لغوا السؤال رقم19 لانى ضيعت فيه وقت طويل بس الحمد لله حليت على عكس ما كنت متوقعة

اه الحمد لله الامتحان كان جميل والسؤال رقم 19 اول ماشفته اتخضيت قلت هو هيهزر معانا ولا ايه لانه لاغي الفصل الرابع ولقيته موجود في الامتحان بس الحمد لله ربنا ستر عقبال الفاينل والمواد الباقيه

سلام عليكم..
واضح انكم حليتوا كويس الحمد لله .. و احنا كمان جالنا كويس.
l0vly girl ايه اخبار الامتحان؟

هو امتحان الكيميا العملي في مواعيد معينة ولا كل واحد في سكشنه..و لو كل واحد في سكشنه يبقى الاسبوع ده ولا اللي بعده؟

العملى كان حلو اوى و النظرى كمان بس مكنتش مذاكرة الكهرباء و معرفتش احل فيها حاجة بس البصريات كانت جميلة اوى
اهو عدى الحمد لله و انت عملت ايه ؟؟؟
بالنسبة لامتحان الكيمياء العملى ... فى السكشن بتاعى قسمونا على مجموعتين عشان العدد كبير بس فى نفس يوم السكشن و حيبقى الاسبوع ده

ازيك l0vely girl
على فكرة زيي بالضبط .. العملي برضه ممتاز .. و برضه انا الكهرباء ذاكرتها عالاخر فبرضه كانت مش قوي.
بالنسبة لمعاد الامتحان العملي .. عرفتي منين انهم هيقسموكو..على فكرة انا بقالي اسبوعين مش بروح سكشن الكيميا(تقريبا مفيش.. ولا ايه؟)
و هيقسموكو مجموعتين ازاي؟
و معلش اخر سؤال .. هو فعلا دكتور علاء مشرحش شابتر 4 ؟
سلام

ازيك l0vely girl
على فكرة زيي بالضبط .. العملي برضه ممتاز .. و برضه انا الكهرباء ذاكرتها عالاخر فبرضه كانت مش قوي.
بالنسبة لمعاد الامتحان العملي .. عرفتي منين انهم هيقسموكو..على فكرة انا بقالي اسبوعين مش بروح سكشن الكيميا(تقريبا مفيش.. ولا ايه؟)
و هيقسموكو مجموعتين ازاي؟
هو فعلا دكتور علاء مشرحش شابتر 4 ؟
و اخر سؤال معلش..مفيش اخبار عن امتحان البرمجة الاساسية؟
سلام

انا الحمد لله تمام يا فوكس انت اخبارك ايه ؟؟

بالنسبة لسكشن الكيمياء الدكتور هو اللى قال انهم هيقسموا سكشن 5 على مجموعتين عشان عدده كبير وفعلا كان فيه ميعادين بس الميعادين يوم الاربعاء ورا بعض و عملوا كشف بالاسامى لكل ميعاد فيهم وتمضى فى ميعاد منهم معرفش بقا عملوا مع باقى السكاشن كده ولا لأ و مكانش فيه سكشن الاسبوع اللى فات.

و دكتور علاء مشرحش شابتر 4 و فيه ناس سالته امبارح الشابتر ده ملغى قال للولد اللى سأله انا مش حديك معلومة تنشرها فى الكلية بس انتو ملزمين باللى انا شرحته فى المحاضرات بس و اللى بيحضر هو اللى حيعرف.

البرمجة الاساسى الميدترم بتاعها حيبقى مع امتحان العملى يعنى فى السكاشن و كل واحد حيمتحن فى سكشنه و حيبتدوا من يوم 16/5 يعنى السبت الجاى شوف بقا انت سكشنك امتى و استعد .. على فكرة الكلام ده من الدكتور فى محاضرة يوم الاتنين يعنى مش اشاعات عشان كليتنا دى كلية الاشاعات و ممكن بردوه تسأل فى اى معمل كمبيوتر عشان تتأكد بنفسك.

لو حبيت تعرف حاجة تانى ابقى قول و من غير معلش
سلام

انا الحمد لله..
يعني انا اذاكر و اروح معاد سكشني عادي.
طيب شدي حيلك اكده ن شاء الله و كل الناس الللي معانا في المنتدى الكيمياء دي مشتركة.
بالنسبة للفيزياء انا حضرت محاضرة السبت و عشان كده بسأل انا مكنتش هعرف بالموضوع ده لولا ان الولد سأله..بس واضح انه بيلغيه بطريقة غير مباشرة..لان كمان الكهرباء خمس شباتر بس و البصريات ستة فيلغي عشان يبقوا زي بعض.
عموما متشكر اوي..
سلام

امتحان الفيزيا كان حلو اوى
بس جزء الكهربية كنت بحل فيه بالحظ و اهو الحمد لله حالفنى الحظ المرة دى
هههههههه

انا امتحنت الكيميا العملى و جاتلى اول تجربة فى الكتاب بتاعت تعيين
the molar mass of a volatile gas
و الحمد لله ربنا ستر

على فكرة
درجات علوم بحار متعلقة عند شؤون الطلبة (انا شفت بيولوجى بس معرفش جيولوجيا و علوم طبيعية متعلقة و اللا لأ)
انا الحمد لله جايبة 26 من 30
رغم انى مذاكتهاش خالص لغاية دلوقتى

برده ربنا ستر
الحمد لله

hi....
ايه اخباركم؟؟
هو ممكن الدكاترة يساعدونا في امتحان الفيزكال كمستري العملي!! انا سمعت ان الخطوات هتكون مكتوبه بس باختصااار ...الواحد ناسي بعض التجارب ...معظمها حتى مش بعضها ...عملي الكيمياء التيرم الاول كان اسهل بكتير ...ربنا يستر في امتحان العملي ده ...و عملي الفيزيا و البرمجه كمان ...بجد لما بتخلص امتحانات العملي برتاااااح ...
حد يعرف حاجه عن جدول امتحانات اولى طبيعيه ؟؟ سمعت ان اول امتحان كيميا و هيكون يوم 26 ...
bye

هاي يا نغة ازيك؟!
ههههه..واضح ان الكهربية كده معانا كلنا.
مبروك على الكيمياء العملي اكيد احساس حلو ان الواحد خلص امتحان .. خصوصا ان ده مقرر لوحده.
بصراحة التجربة دي رخمة شوية بس برافو عليكي انك عديتي فيها.
انا رحت عند شئون الطلبة و بصيت على نتيجة علوم بحار و لقيت علوم طبيعية.. انا مش فاهم تقسيمة الدرجات كاتبين عملي و شفوي مش فاهم.. بس عموما الدرجات اللي مكتوبة عندي مجموعها 21 يبقى 21 من 30 يعني مش بطال بالنسبة للمذاكرة بتاعتي.و انا كمان محضرتش اول كويز خالص..و اول خانة من التلات خانات بتوع الدرجات فاضية عندي تقريبا هي دي مكان الكويز الاولاني.
بس الحمد لله كده كويس
سلام..

هاي ازيك..اخبارك ايه ... يا ترى لسه بتفكري في موضوع الاقسام و حضرتي محاضرة العميد ولا لأ؟
انا سمعت اه من دكتور علاء درويش ان امتحانات اولى علوم هتبدأ 26 بس مش عارف هيبقى ايه بالضبط بس غالبا زي مانتي قولتي كيميا عشان مشتركة بين كل اولى علوم.
و الجدول لسه مفيش اخبار.
بالنسبة لموضوع ان الدكاترة يساعدونا في العملي بيتهأيلي النظام زي الترم الاول في حدود معينة .. بس انا شايف ان دكاترة الفيزيكال صعب شوية.فالمهم انتي تذاكري على اساس ان محدش هيساعدك احتياطي.
عندك حق ان الكيميا العملي الترم الاول كانت اسهل بكتير.و فعلا الواحد هيرتاح لما يخلص الامتحان ده لان دي كمان مقرر مستقل لوحده.
و بالنسبة للخطوات .فعلا الواحد ناسيها و صعب يلمها في دماغه كلها كويس.. انا اول لما عرفت ان الخطوات هتيجي مكتوبة جه في دماغي انها هتيجي مكتوبة زي الكتاب بالضبط
و عموما اكتر حد ممكن يفيدنا في الموضوع ده هي نغة لانها امتحنت خلاص..يا ريت يا نغة تقوليلنا.
سلام..

l0vely girl اخبارك ايه؟..لو حظي حلو و دخلتي قبل محاضرة الكيميا بكرة .. دكتور شوقي خلص المنهج ولا لسه .. عشان لو لسه اروح بكرة.
و 3olom_alex لو انتي ع2 برضه لو تعرفي خلص و لا لأ؟
سلام..

الجدول نزل النهاردة وكانوا منزلين شوية نسخ عند شئون الطلبة بس للاسف خلصت وهيتعلق بكرة بس اللى عرفته ان احنا هنبدا 26 ده بالنسبة لبيولوجى و اول مادة حبيبة الكل هى الكيميا
ومراجعة النبات هتكون لل botany يوم الاربعاء والخميس معلقين الاسماء عند سكاشن النبات بميعاد الامتحان بيوم المراجعة
واخييييييييييرا وليس اخرا خلصت امتحان الفيزيا العملى جتلى تجربة specific heat of solid بس احلى حاجة ان احنا كلنا تقريبا حرارة وخواص مادة قليل جدا اللى جالهم كهربية وان الدكاترة بيتاكدوا من النتايج اللى احنا مطلعنها ولو فى حاجة غلط بيعدلوها

مدام الكيمياء اول مادة يبقى اولى علوم كلها هتبدأ 26
على فكرة specific heat of solid دي التجربة اللي جاتلي في الترم الاول..تجربة مش صعبة.. عموما عقبالنا لما نخلص.
سلام

السلام عليكم

محمد فوكس ممكن اعرف حاجه؟؟
انت بتقول لنهى نغه لييييييييييه ؟؟؟؟ انا كل مااشوف الاسم ده اقعد اضحك ولا ايه يانهى؟؟؟؟؟:) :) :)

هههههههههههه
قولها نغه براحتك هي موافقه :d

نهى هتحضري محاضره د عمر شلبي يوم الجمعه؟؟
انا مش هحضر مش فاضيه للاسف اليوم ده ومتضايقه اوي
شوفتي جت من عند ربنا د عمر اجل الامتحان لكله لحد يوم 23
الحمد لله تلاقيني صعبت عليه :d

هاي
يا ريت يا جماعة لو سمحتوا اللي امتحن عملي الفزيكال يقولي عمل إيه ،والوقت بيكفي ولا لأ ، والمعيدين كانوا بيساعدوا ولا إيه النظام ؟
وخطوات التجربة بتيجي مكتوبة زي ما قالوا ولا احنا بنحفظها ؟ و لو مش بتبقى مع التجربة بتبقى شرط تتكتب في الاجابة ولا لأ

واللي يعرف اي حاجه تاني يقولها عشان امتحاني بكرة و قلقانة جدا
سلام

و عليكم السلام .. :d
هههههههههه...الحقيقة انا معرفتش اصلا ان اسمها نهى الا منك بالصدفة و بالصدفة برضه عرفت منها ان اسمك هنود.. و قبل ما اعرف كنت فاكر ان اسم العضوية بتاعتها نوغا مش مش نغة.
الاسم بقى بيضحكك ..ههههههههه..طب ما انتي هتشوفيه كل شوية لما هي تحط مشاركة.
عموما شوفو عايزني اقول نهى ولا نغة و انا معنديش مشاكل.:d
و بالمرة بالنسبالك اقول هانودا hanooooda ولا هنود؟ :p
و بالمناسبة اخبارك في الامتحانات ايه؟
سلام..

و انا بضم صوتي لصوتك .. انا كمان امتحاني يوم الخميس و قلقان
يا ريت يا نغة بما انك امتحنتي تقوليلنا ايه النظام؟
و ربنا معانا
سلام..

بس بالنسبة للخطوات يا l0vely girl اكيد بتيجي مكتوبة كله بيقول كده.

hi...
بالنسبه لامتحان الفيزكال العملي الخطوات هتكون مكتوووبه ..عشان المعيدين في السيكشن قالوا كده ...و الوقت انا شايفه انو هيكفي لو الواحد فاكر التجربه كويس اوي و عارف يشتغل صح ....مدة الامتحان ساعتين تقريبا ..( يعني مده كويسه )
ربنا معانا ..
انا عايزة تجربه الـ density او الـ molar volume..ياااارب واحدة من دول اللي تجيلي ...عشان انا فاكرهم كويس اوي
سلام..

الامتحان العملى فيزيكال بتكون الخطوات مكتوبة زى اللى فى الكتاب و كاتبين طبعا الثوابت و لو حصل اى حاجة عادى ممكن نسأل المعيدين و بيردوا و كمان فى الآخر بيراجعوا علينا لدرجة ان فيه وحدة صحبتى كانت عملة حاجات غلط الدكتورة قالتلها انها غلطانة و خلتها تعيد التجربة من تانى

و الله متخفوش الموضوع اسهل مم كنت اتخيله
طبعا الترم الاول كان احلى فى كل حاجة بس مش حنفضل عايشين فى الوهم كتير



بالنسبة لهنوووووود اللى اكيد اسمها الحقيقى لا هانودا و لا هنوووود
هههههههه
انا عيزة احضر د. عمر يوم الجمعة ان شاء الله
هو حيكون الساعة كام؟
بعد الصلاة؟


و ايه موضوع الجدول اللى نزل
ده انا لسا سألة الشؤون و قالولى لسا عالاسبوع الجاى
يا ساتر دول فظااااااااع بجد

انا معرفش كمان موضوع النبات ده بكرة ان شاء الله اطلع الدور و اشوف امتى امتحانى و مراجعتى

و الله يا جماعة متخفوش خالص
ايوة الوقت بيكفى و زيادة لأن من حقك تقعدى السكشن كله بتاعك

انا قعدت ساعتين و نص

و طبعا متكتبوش الخطوات هى مكتوبة جاهزة

و لو فيه اى حاجة تانية انا فى الخدمة

يارب اكون طمنطكم
بجد الموضوع ساهل ان شاء الله

ده حتى اللى مش مذاكر حاجة
الخطوات قدامه
اهم حاجة احفظوا القوانين كويس و طبعا من غير اثبات

ههههههههههه
الحمد لله
يلا يا عم
ماشى


انا بقى اللى انا مرعوووووبة منه
الفيزيا العملى
ربنا يستر

انا يوم 20 امتحانى

السلام عليكم

قول اي حاجه كله ينفع (هند هنوده هنود نودا نور و دودي كمان) اي اسم يخطر على بالك ههههههههههه

انا الحمد لله تمام لحد دلوقتي ماشيه كويس ماعدا امتحان الحيوان الميد تيرم محلتش فيه ولا حرف وامتحان الانسان والبيئه عديت درجه السقوط بدرجه 16 من 30 ربنا يستر ان شاء الله يتعوضوا بس ادعولي بس
وربنا يوفقنا جميعا





ومش عارفه يانهى محاضره الحيوان امتى بس اتوقع زي المره اللي فاتت انا هروح ظبطت مواعيدي
تعالي معايا


ياجماعه عملتوا ايه في الاستماره انا اخدتها النهارده وان شاء الله هحط الكيمياء اول حاجه بعدها الكيمياء الحيويه بعدها ميكرو بيولوجي والباقي محتاره فيه ايه رايك يانهى؟؟؟عملتي ايه فيها؟؟؟خساره اني محضرتش محاضره العميد بجد

معلش طولت عليكم
باي

و عليكم السلام..
خلاص اوكيه كل مرة هقول اسم من دول هخليكي تتلخبطي :d
معلش المواد دي حاولي تركزي عليها في الفاينال عشان تعوضي على فكرة انا كمان عندي مواد كده برضه:blush:

و بعدين بقى هي الاستمارة نزلت؟؟؟... امتى و فين ؟؟..الراجل بتاع شئون الطلبة سألته من كام يوم قالي لما تنزل هنزلكوا بيها اعلان.
جبتيها من انهو مكان بالضبط..
و بعدين يا جماعة يا بتوع بيولوجي خفوا شوية على الكيمياء :d مانتو عندكو كيميا حيوية و ميكروبيولوجي اهو ابقو اختاروا كيميا فرعي بعده كده بس بلاش رئيسي ابوس ايديكوا..اصل احنا معندناش غير كيمياء واحدة وقلقان ما اتاخدش فيها..ربنا يستر
بالمناسبة فتحت الاقسام الجديدة البيولوجيا الجزيئية و التقنية الحيوية ولا لأ.. احنا عندنا قسمين جداد علوم فضاء و فيزياء حيوية بس قالو علوم فضاء مش هيتفتح السنادي.
على فكرة انا مروق شوية و قاعد عالنت عشان الحمد لله خلصت مذاكرة العملي و كمان زي ما نهى قالت الموضوع مش صعب.احسن حد يفتكرني مش بذاكر.:p
سلام..

l0vely girl
ازيك و اخبار امتحانك ايه ؟و جتلك تجربة ايه؟

لامؤاخذة في السؤال السخيف ده ...اصل الواحد بيبقى موسوس شوية.
هم 9 تجارب في الكيمياء اللي علينا صح؟

ههههههههههههه اه صح

انا مستغربه ان نهى بتقول معليناش حفظ اثباتات انا صحبتي جاتلها تجربه وكان فيها اثباتات ومكنتش مكتوبالها بعدين سالت الدوكتور وساعدتها

بالنسبه للاستماره هي تقريبا لسه نازله امبارح بتتجاب من شؤون الطلبه الرخمين

تنسى اني مخترش كيمياء انا قلت هتجنن لو متخصصتش كيمياء فيزيائيه فلازم اختارها حظك وحش
:-p
بس ياااااااااارب ادخلها
ونزل عندنا قسم البيولوجيا الجزيئيه(مش ده ابن عم الميكرو بيولوجي ولا ايه) ونزل التقنيه الحيويه كمان

والله انا محتاره احط ايه لاني معنديش معلومات كافيه عن كل قسم فهتجنن

ربنا يسهل ان شاء الله

وربنا يوفقنا بكره في الامتحان يارب