اصدرت وزارة التربية والتعليم بسلطنة عمان قرارا بتشكيل لجنة الاعارات والتعاقدات لاعضاء هيئة التدريس من جمهورية مصر العربية للعام الدراسي 2015\2016 برئاسة الدكتور \ سعيد بن سالم بن حمد الحارثي مستشار وزيرة التربية والتعليم بسلطنة عمان، وستبدأ اللجنة عملها من يوم الاحد الموافق 26\7\2015 وتنتهي يوم الجمعة الموافق 14\8\2015.

وستقوم اللجنة باجراء المقابلات الفنية اللازمة مع المرشحين للوظائف لمعرفة مدى صلاحية كل منهم لشغل الوظيفة المرشح لها وفحص المستندات الخاصة بكل مرشح والشروط اللازم توافرها للتخصصات المطلوبة.

رحب حاتم السعيد عليوه مؤسس رابطة المعلمين الوافدين بلجنة الاعارات في القاهرة و تونس ، مؤكدا ان اختيارات اللجنة جاءت موفقة و نشعر بالطمأنينة من الاسماء المختارة بعناية و حان الآن ان ينتهي تدخل مكاتب التوظيف في و الواسطة في الاختيار و ان تكون هناك عدالة الاختيار من كافة المحافظات حتى يتم اختيار افضل المعلمين للارتقاء بطلاب و طالبات السلطنة في ظل في الفلسفة الجديدة للتعليم بالسلطنة .

و عليكم السلام ورحمة الله وبركاته

ان شاء الله تكون السنة دى احسن من السنة اللى فاتت بكتيررررررررررر

إن شآء الله وربنا ييسر الحال

كم الرواتب للتعاقد الحكومي وزارة التربية العمانية استاذ مصطفى؟

الرواتب بالنسبة للتعاقد الحكومي وزارة التربية والتعليم العمانية حوالي 425 ريال عماني

كيف اتقدم للمقابلة وايه الاوراق المطلوبة لو سمحت الاجراءات من البداية حتى النتيجة بتاعة المقابلة

شكر استاذ مصطفى على التجاوب معنا وبارك الله فيك

يا ترى ايه التخصصات المطلوبه
عالعموم ليه اتنين زميلاتى واحده مكملتش للاخر وقدمت استقالتها وواحده كملت للاخر علشان تجيب اسعار تذاكر الطيران لاولادها وجوزها لانها استقدمتهم وزمايلى كانو سافروا عمان السنه اللى فاتت المسابقه اللى عدت بيعيطوا دم رموهم فى الجبال ولادهم كانو بيحتاجو دكاتره كانو مسكنينهم فى اماكن مقطوعه بيدفعوا كهربا فى الشهر ما يعادل 650ج مصرى ومفيش اى توفيييبر وعيشه قرف الحمدلله ربنا نجانا من عمان

عمان عايزه شخص عازب لسه متجوزش يروح هناك يعيش فى المرار لوحده ويحوش قرشين وبعدين ينزل يتجوز ويسافر بئه بمراته بلد محترمه وعدله

جزاكم الله كل خير

لو حضرتك هتقدم كإعارة لازم تكون شغال فى التربية والتعليم وتقدم عن طريق الإدراة التابع لها أما لو ما قدمتش تبع الادارة أو كنت أزهر تنتظر رابط التسجيل فى المسابقة لانهم بياخدو تعاقدات بعد إمتحان الإعارات فممكن تقدم فى التعاقدات عن طريق لينك التقديم ولما ينزل الرابط ويتم الاعلان عنه هنزله على الصفحة ان شاء الله

العفو وفيكم بارك الله

لسه والله رابط التسجيل لم ينزل بعد لانه بينزل مع الإعلان عن المسابقة ويذكر معه التخصصات المطلوبة ويا أخت أزهرية والله هى دى ضريبة الغربة ويعنى زميلاتك استعجلوا فى الاستقدام وان كان لابد منه فيمنفعشى من أول سنة لان الراتب اصلا لا يجازى مصاريف الولاد ولا مصاريف المدارس وعلى العموم السفر ده نصيب وارزاق والحمد لله على كل حال

كلام صحيح ... بس مالنا بد والله المستعان .. حضرت ك ليه ماقدمتيشى فى مسابقة قطر السنة دى كانت محتاجة تربية اسلامية .

وجزاك الله عنى خير الجزآء مستر عاطف ابو بكر

انا لغيت فكرة سفرى خاااالص من دماغى بعد الصدمه اللى خدتها بسبب عمان السنه اللى فاتت بس برده الحمدلله طبع خير ان انا مسافرتش بس قصة اسافر نووووو والله طووول هذا العام مكاتب اتصلت كتيييير بيا لكن انا لغيت الفكره تماما من كتر التجااارب القاسيهةاللى شوفتها صدقونى المدرس المصرى بره وجوه حقه مهضوووم السفر على اى مهنه غير التدريس افضل ومجالها اوسع

كل حاجة وليها ضريبة مش بالساهل ويعنى لو حال المدرس كويس فى بلده إيه أصلا هيخليه يفكر فى الغربة الحمد لله على كل شئ .... يعنى أفهم من كده أن السنة دى حضرتك بعيد عن مسابقة عمان حتى ولو طلبوا تربية إسلامية إناث مش هتقدمى ؟!! ربنا يوفقك ويكتب لكى ما فيه الخير .