|
مش عارف ليه مع إني شفت الموضوع دا من زمااان : ) بس حابب اتكلم يمكن
نفس السن والمرحله عامل مشترك كويس مبدئيا أنا محمد ... علمي علوم ... من القاهره أتمني تقبلوني معاكم : ) |
اهلا نورت
وانا كمان حبه اتكلم عن مشكله كبيره ياريت ياجماعه كلنا ندخل ونتكلم عن الحجات اللى مديقانه فى حياتنا ليه هتلر بس اللى بيكتب مع انه قايل انه بيرحب باى حد يدخل بجد ياريت اى حد حاجه خنانقاه يدخل ويكتب ونساعد بعض هتفضلوا لحد امته تقروا من بعيد صدقونى هترتاحوا بس اللى يدخل يكتب كلنا نقره اللى كتبه ونهتم مش ننفض وخلاص لازم كلنا نهتم ببعض بس الاول حبه اوضح لهتلر حاجه |
على فكره ياهتلر انا مكنتش دخله امدح فيك
بس لما الاقى ولد معايا فى الدرس الاستاذ بيقوله معنتش تيجى وانت لسه شارب سجاير لازم طبعا انصدم ازاى واحد لسه عنده 17 سنه وكمان فى ثانوى يعمل كده كنت مفكره الاستاذ بيهظر او يمكن على مرديش يستوعب المهم الحصه اللى بعدها قله نفس الكلام ولما اشوف كل ولد همه انه ياخد\ رقم بنت ولا البنت كل اللى همها ان حطه زفت مكياج على وشها ولبسه حاجه تخلى الواحد يجيب اللى فى بطنه بجد احنا بقينا شعب تافه وجيل اتفه وحاجه تعصب والله بقيت بكره اخرج فى الشارع من الارف اللى الواحد بيشوفه لما ادخل والاقى انسان محترم بيعترف باخطاءه ويحلم بمستقبل افضل بيحاول دايما يغير من نفسه للاحسن بس امممم خلاص ماشى ادام مش بتحب المدح هنتقضك ههههه لالالا لما اشوف حاجه انت بتقولها مش صح لحد دلوقتى كل كلامك تمام صراحه يازيدى يازيدى هههههه على العموم لسه متكلمتش عن مشكلتى اما اشوفكم هتتفعلوا ولا لاه |
اقتباس:
|
الخير فيما اختاره الله
فمهما كآن ومهما حدث لك لا تجعل لسانك يتمتم بشكوى القدر فلتجعل الحمدالله #عنوآن حيآتك تأتيك السعادة مشتآقة لك لا تجعل حيآتك مُعلقة بأمور الدنيا أطلق العنآن لقلبك وروحك فى ملكوت الله مش كلامي بس عجبني أوي :) |
جميله جدا بجد
|
انا عايز اقول حاجة .. هوا ليه في مصر بس كلية الطب كلية قمة .. وكلية علوم مثلا كلية مش قمة .. على فكرة ده غلط في العقل المصري .. انتو عارفين ان في امريكا كلية العلوم هي الاولى من حيث كليات القمة ... بعديها صيدلة .. وطب المركز الرابع .. انا اللي عايز اقوله لكل طالب في ثانوي .. طب مش كل حاجة .. اكيد حد هيقولي .. يمكن علشان انتا دخلتها مش عايز حد يدخلها تاني .. لا والله انا بحبلكوا الخير .. بس في كلمة قالها مدرس ليا .. قالي عارف يا احمد انا دخلت كلية علوم ليه علشان انا بحب الفيزيا .. وقالي مجموعي كان يدخلني صيدلة .. قلتله ليه عملت كده .. قالي علشان انا بحب الفيزيا وعلشان انا بامكاني اتميز فيها .. بس التعليم مسبليش فرصة .. فالخلاصة هيا انك تدخل الكلية اللي تحبها .. واللي عارف نفسك هتتميز فيها .. والمدرس بتاعي ده طلع اول دفعته بممتاز مع مرتبة الشرف .. د احمد زويل جاب في ثانوي 98 .. واللي مش عارف يعني ايه 98 في ثانوية زمان .. يسال ابوه او امه عن ثانوية زمان .. كان طب من 79 .. ودخل كلية علوم .. علشان عارف نفسه هيتميز وبيحب الشيء ده .. .. فاختار كليتك اللي تتميز فيها وتحبها .. مش تدخل الكلية استخصار مجموع |
عندك حق يا أحمد ... طالما انك حاطط في دماغك حاجه معين او هدف معين كونك انك تحققه دا في حد ذاته نجاح حتي لو دا في نظر الناس فشل يعني لو حلمك مثلا كليه تجاره كونك انك تدخلها دا في حد ذاته نجاح كل واحد بفتكر دايما حلمك دا لازم يكون بتاعك انتا ... لو ناوي تحقق احلام غيرك يبقي هيجي عليك يوم وتقول ياريتني ... والاهم انك تكون ناجح في علاقتك مع ربنا كل حاجه في الدنيا لما تمشي بمعيار الحرام والحلال افضل كتير من انك تمشيها بعادات او تقاليد وعيب وغلط أنا بنصح نفسي بالكلام دا اولا ... يمكن ضييعت حاجات كتير وفرص و ووقت بسبب ظروف مليش يد فيها لكن أتمني مضيعش الللي جااي .. وعل فكره الكلام جميل قوووي لما بيتقال وصعب لما بيتنفذ يا جماعه .. مشاكل كتيررر بتضيع حاجات حلوه ماكنش المفروض تروح .... عامه انا رغيت كتير .. الحمد لله علي كل حال ... صحيح انا ملاحظ اني اول ما شاركت في الموضوع طفشت ناس كتير :) |
اقتباس:
كلامك صح والله .. دلوقتى الطفل قبل اللى لسه مولود يقول عايز ادخل طب وهو مش عارفه ايه الطب اصلا !! فى مصر فقط .. الثانوية يعنى طب غير كده ما تدخلش ثانوى !! شعب متخلف ! |
أنا ان شاء الله هشاركـ معاكمـ بس نخلص من الامتحانات ديه الاول :d
ربناا يسترها بقى وتعدى الامتحانات ديه على خير |
اقرأ
اول كلمه نزلت فى القران و هى ديه سر الايمان لما تقرا دينك كويس و كل حاجه تبعه ايمانك هيزيد بعدين اقرا بنية الفهم مش انك تطلع غلطات و تجادل |
كل واحد فينا ليه حاجات هو فطرياً متميز فيها اووووووى الحااجات ديه ربنا ميزك بيها عشان خد منك حاجات تانيه مهمه اووى
عشان كده يا ريت كل واحد ربنا ميزه بحاجه ميتفشخرش بيها عشان سعاتك عندك حجات ناقصاك كتير مهمه برده وربنا قادر ياخد منك اى حاجه انت شاطر فيها كلامى شامل كل حاجه حلوه زى الصحه و الجمال و اللباقه و التفكير المنطقى و سرعة البديهه و التفوق الدراسى و الحاله الماديه الكويسه و و و اوعى تستحقر حد اياً كان حتى لو ممثل او مغنى يمكن الناس اللى بتستحقرها يبقو اكتر تقوى منك و عند ربنا هم احسن منك بكتير ممكن صلاة واحده لواحد عاصى تكون افضل من خمسين صلاه ليك عشان هو صلاها بكل خشووع و بيبكى كمان انما انت بتصلى لمجرد التعود لو كل واحد خلاه فى حاله و بطل يحاسب الناس هيبقى فى سلام اكتر |
فيه ناس لما تعجز انها تتقن حاجه او تقدر تعملها او تفهمها تبدأ تهاجمها
|
نفسى اوى اعمل فيلم لما اكبر من انتاجى و اخليه يتكلم عن مشاكل المجتمع القوويه بس فى شكل كوووميدى و ممتع اوى
و هختار ممثلين توب وان و مخرج قوى و كل حاجه مميزه اوى فيه ناس هتقولى ما تتبرع بالفلوس احسن عندك حق بس تخيل لو انا عملت حاجه خلت كل المصريين يتبرعو مش انا بس هل ده احسن و لا لما انا اتبرع بس ؟!! الفكره ان الناس بقت ماشيه مع الاعلام و الافلام والمسلسلات ومفيش غير انى اجيلهم من الحتة بتاعتهم عشان يفوقو و بجد لو اتعمل الفيلم اللى فى دماغى هيغير مفاهيم ناس كتييييييير و هنلاقى حاجات ايجابيه كتير و الفكره من الفليم انه هيوصل مفاهيم كتير كوويسه بشكل غير مباشر و معظمنا اتغير بسبب افلام اجنبيه مؤثره صحححححححح ؟!! انا برده هحاول اعمل حاجه تغير الفكر عن طريق الفيلم ده بجد الاعلام لو بقى زى بتاع الدول المتقدمه و بقى نضييف العقول هتنضف تمااماً للاسف دلوقتى بقى كل الافلام رقص و بلطجه و كام فيلم قصته تافهه وبس الاعلام هو اللى بيصنع العقوووووووول كل ما هو هابط كده عمرنا ما هنقوم ابداً المشكله ان فى علم النفس بيقولو ان الواحد لما بيشوف حاجه كتير بيبدأ يقتنع بيها حتى لو هى غلط وده للاسف بيحصل فى اعلامنا المبجل انه يعرضلك حاجه هابطه اكتر من مره لحد ما تصدق ان ديه هى الصح |
|
ضـاقت فلما استحكمت حلقاتها فرجت وكنت أظنها لا تفرج
أكتر حكمة بتريحنى !! |
انا مش مثالى
و مش عاوز اكون مثالى هعيش كوول و هعبر براحتى عن اى حاجه تضايقنى و هتكلم براحتى مع اى حد مش هزوق كلامى عشان طنط فيفى متزعلش من مامى و مش هقول على حاجهمش عاجبانى حلوه عشان اكون شخص كيوت لما هغلط هعترررف و مش هدور على مبررات عشان افضل ملاك ادام الناس لما اضايق هطلع اللى جوايا مهما كان و مش هخبى حاجه لما افرح هفرح كل اللى حوليا معايا هذاكر عشان احقق هدفى مش عشان حد مش هخاف انى اغلط مهما كان و هجرب كل حاجه جديده هتصرف بتلقائيه مع الكل سواء جديد او قديم ومش هيهمنى لو خد فكره غلط عنى ميهمنيش حد يرضى عنى او لا مش مستنى تصقيف و لا مدح بالساعات اهم حاجه ابقى مستريح نفسياً و رايق و مش عايش بوش تانى |
الانجليزى بحر والعربى محيط
|
خد دمى و متاخدش وقتى
|
مهو لو خد دمك مش هيبقا عندك وقت هههههههههههههههههههههههههههه
|
فيه حاجات من كتر ما انا متحمس انى اعملها مبعملهاش :(
|
اوقات دماغى بتروح ع الدائرى و بتفكر لو بابا و ماما و كل الناس اللى بحبهم ماتو
ناس كتير بتخاف تفكر فى حاجه زى كده بس انا شايف انه لازم نفكر فى الحاجات ديه عشان انا اعرف واحد جاله انهيار عصبى وبقى مجنون لما امه ماتت عشان مكانش يتصور انه تسيبه وواحد انتحر عشان حبيبته ماتت عشان برده مفكرش انها هتسيبه وناس وناس عشان كده لازم نتوقع اسوا الاحتمالات و نهيأ نفسنا معنوياً عشان لما تحصل فعلاً او محصلتش نكون فى امان نفسياً هتقلق شويه فى الاول لكن مع الوقت هتبدأ تتعود و مش هتبقى قلقان اوى زى الاول انا عن نفسى اصعب حد ممكن لو مات اتعب اوى عشانه هو امى بس انا فكرت كذا مره انى مش مخلوق عشانها انها مخلوق عشان اللى خالقها و انى مينفعش اكره الدنيا لو هى ماتت و انعزل و ابطل عباده وطاعه و مجتهدش تانى يوم القيامه مش هى الى هتشفعلى و لا اى حد غير عملى و التفكير انى هسيبها خلانى اجتهد انى مزعلهاش بس الافضل انك تقرب من ربنا اكتر و تفكر فى ربنا بدل ما تفكر فى الحاجات ديه لان لو الحاجه الوحشه حصلت ربنا هيقف جنبك عشان فكرت فيه بجد القرب من ربنا بيحسسك بالقوه بشكل كبييييير بس للاسف حوالينا حاجات بتشتتنا و بتبعدنا عنه كتير اوى |
اسوا حاجه بجد انك تكون ادمن بيدج تافهه
بجد مضيعه فظيعه للوقت تخيل واحد قاعد طول اليوم ينزل بوستات كلها هبل و ضحك للاسف معظم الصحفات على الشاكله ديه يا ريت اى حد ادمن لاى بيدج زى ديه يستقيل منها و يروح يعمله حاجه مفيده الزمن ده كل واحد مسؤول عن نفسه من وهو فى سن صغير اوى لو مفقتش بدرى و عودت نفسك الالتزام و الجديه هتضيع لما تكبر اصلاً انت بتخش الفيس بتعمل حاجات تافهه كتير من غير ما تحس و الاستفاده بتكون محدوده اوى و كمان فيه كميات اشاعات و معلومات مغلوطه ضخمه و طبعاً عشان انت متعودش تقرا كتب موثوقه من صغرك و اتربيت على تويتر و فيس مش هتعرف تفرق بين المعلومات هتلاقى كمية معلومات يومياً على الفيس ضخمه جداً و فيه حاجات منها كتير غلط عشان اهداف خاصه وطبعاً هتصدق معلومات كتير غلط و تطبقها و هينعكس عليك بالسلب لما تكبر مش اى حاجه تقراها تصدقها وتطبقها عاوز تقرا روووح المكتبه او هات كتب موثوقه معلومات النت المتبعتره اى كلام معظمها وممكن تتحرف وهى بتتنقل من مكان لمكان |
اقتباس:
علمتنى الحياة ان اكون كما انا الذى احبه ليس الذى يحبه الناس |
محتاجين جرأه اكتر عشان نزدهر
بجد القرارات الجريئه متعه كبيييييره اوى جرب تاخد قررات جريئه و قوووويه كل فتره القرارات ديه و التجارب الجريئه بتعلمك دروس قويه اوى عارف زى ايه ؟! اكنك ماسك ريشه وبتمشيها على صخره هل الريشه هتأثر فى الصخره و تخليها تتشكل ؟!! لا طبعاً الصخره هتبقى مستمتعه بالريشه وبعد ما الريشه تطير مع الرياح هترجع الصخره زى الاول وهو ده اللى بتعمله كتب التنميه البشريه انما لو مسكت شاكوووش ودب دب فى الصخره بعد كذا يوم هيبان الاثر وبعد ما يمشى الشاكوش الاثره هيفضل موجود وده القرارت و التجارب الجريئه هى اللى بتعمله فينا اه هنحس بتعب بس هنتعلم دروس و هنتغير بجددددددددد مش مؤقتاً وخلاص خليك جرىىىء و متخافش من اى حاجه وخش اى تجربه جديده و جمع دروس و استفيد منها و متخافش عمرك مكتوووب و مش هتموت غير لما ربنا يئذن |
اقتباس:
|
اقتباس:
|
اقتباس:
|
لو عاوز تعمل حااجه اوووووووووعى تقول لحد عليها ابدا
عشان فيه حاجه تبع العقل لما انت بتتكلم عن انجاز عاوز تعمله بيبدأ الحاجه اللى فى العقل اللى هتحفزك انك تعمل الانجاز ده هتبدأ انها تتوقف عن العمل و اصلاً من غير ما اتكلم فكر كده زمان لما كنت بتقول هعمل واسوى و تيجى فى الاخر متعملش عاوز تشتغل اجرى وابدا و اغلللللللط و متقولش لحد اكبر منك اعمل ايه ومعملش ايه عاوز تذاكر انجررررر و افتح كتابك و شغل دماغك شووويه بقى و متروحش تسال اذاكر ازاى وانظم وقتى ازاى اصلاً كتر سؤالك هيحسسك بالرضا عن نفسك و مش هتشتغل اخررس شويه وخليك جد مع نفسك و بطل دلع ورغى زى الستات و متديش اهميه لافكارك التعبانه و مشاعرك الملزقه ارررررررركن كله على جنب و اشتغل اصلاً انا مؤمن انى اللى بيخلينى استحق العيش انى اشتغل و افكر انما الاكل و الرغى ده بحسه بيزود الجانب الحيوانى بتاعى فلنعمللللللل فى صمممممممممت يا بششششششششر |
اقتباس:
مبحبش الشكرانيه على قد ما بحب الدعوه الحلوه:d:d بالذات لو طالعه من القلب كمان:wub::wub::wub::wub: ربنا يكرمك يا جميل و يوفقك ديماً و متحرمناش من دعواتك السكر :078111rg3::078111rg3::078111rg3::078111rg3: :friendsxs3::friendsxs3::friendsxs3::friendsxs3: |
اقتباس:
|
طول ما انت حاسس بتقصير و انك مش راضى عن نفسك هتفضل تطوووور
اول ما تتغر و تحس انك تمام شغلك هيتدهور متسمحش للغرور انه يتملك منك ولو للحظه ومتسمحش لاى مشاعر تحسسك انك ديما صح انها تعشش جواك ابداً ولو حسيت انك فعلاً اتعصت جامد من المشاعر المعفنه ديه روووووووح اقرا سيرة اى حد عظيم و هتعرف انك مجرد دبانه جنبه و هتعرف مقامك اصلاً انا معرفتش حد تفووق جامد غير لما حس انه اقل وااحد و ناس عظيمه كتير مش فاكر اسمائهم قالو انهم شايفين نفسهم قلييليين اوووى بالرغم من ان انتاجهم كان مرعب و ضخخخخخخخم يا ريييييييت كل واحد مينساش انه قليل مهما عمل و انه لسه عنده طاقات ضخمه يطلعها بس يبطل ام الغرور العقيم ده و يبطل يشوف نفسه صح ديماً |
لما اتفرج على حاجه او اسمع حاجه او اقرا حاجه بيبدا ابراهيم الناقد يشتغل الله ينوووور وبصراحه انا شايف ان النقد حلووووووو بس الوحش انى اصر انى صح
اصلاً اى حاجه بيبقى ليها كذا زاويه و مش شرط زاويتى هى اللى صح ممكن زاويتك هى اللى صح مش انا و يا ما كنا فاكرين حاجه صح طلعت غلط و يا ما العكس فككككر و افتكر هتلاقى مواقف كتير بتدل على كده عشان كده قررت انى انتقد كتييييير بس مع نفسى و ماخدش حكم نهاائى ابداً و انى احسن الظن لغاااااية ما اتاكد تماماً ان نقدى صح كده افضل من انى احكم على طول و الحكاية ديه محتاجنها كتير فى مصر بلاقى ناس اول ما تختلف يدبو فى بعض و يشتمو لو كل واحد اصطبر على التانى و متسرعش فى الحكم هنبقى اهدا و متحضرين اكتر |
كل ماجى اتكلم مع حد يقول لي انتى افكارك مش ماشية معانا
لحد ما الكيل بيا طفح انا معنتش قادرة امبارح كنت في درس كميا والاستاذ كان بيول ليا يا دكتورة ولما قلت له يا استاذ انا وزملتى اللى معايا يعنى ( ما هو انا ماعنديش صحاب) نكون دكاترة قال ليا انا بشك فيكى هو قال الكلمة دى من هنا و انا وربي كنت حاسة انى هنفجر من العياط حتى لما سالنى وشك وصوتك اتغير ليه ؟؟؟؟؟؟؟؟؟؟ ساعتها قولت في نفسى نعم؟؟؟؟؟؟؟ هو انت تقول الكلمة وتطلع منها كبراءة الذئب من دم ابن يعقوب نعم ؟؟؟؟؟؟؟؟؟؟؟؟؟؟ بس يعنى انا كنت هعمل ايه قولت له يا استاذ مافيش حاجة وروحت من هنا واقفلت باب الاوضة وفجاءة بحر بحر مين ده كان محيط من العياط والدموع و الكتب المسكينة وقعت علي الارض والقلم انكسر بس الحمد لله هديت و بطلت عياط بعد حوالى ساعة ونص ماما بتقولى انتى جبتى العياط ده كله منين تفتكروا يعنى اقول لها ايه؟؟؟؟؟ افل حاجة ممكن تزعلنى بس لما يتكرر من نفس الشخص بيكون ليلته ولا سنته سودا وبضايق اوى لما اطلب نصيحة من حد وميعبرش |
اقتباس:
|
لا تعطينى بيضة .....ولكن علمنى كيف ابيض:022yb4:
|
للكبار فقط
الحب انا بشوف انه زى النار و الممنوع زى البنزين كل ما الممنوع يزيد كل ما النار تشتعل اكتر يعنى لو بتحب حد و الحد ده صعب انك تتملكه او تتواصل معاه بحريه حبك ليه هيزيد بدرجة كبيره و اشتياقك ليه هيكبر اوى واللى بيحصل فى المجتمعات الغربيه ان الواحد ممكن يحب كذا واحده فى فتره قصيره و يسيبهم عادى من غير اى احساس بالذنب .. لييه ؟ .. ده عشان اول ما يحبو بعض او قبل كمان ما يحبو بعض بينامو مع بعض كتيييير و ممكن تخلف منه اصلاً و للاسف معظم الاطفال هناك ولاد حرام للاسف انما فى المجتمعات الشرقيه ممكن تلاقى اتنين بيحبو بعض سنين كتيير و لسه حبهم قوى بس ده كاان زماااااااان دلوقتى الفيسبوك و الموبايلات خلت العلاقات تتعمل وتنتهى فى ساعتها عادى اللى عايز اقووله ان الحب طول ما هو فى الحلال ومفهوش اختلاط كتيير هيستمر و ربنا هيبارك فيه و يتمم على خير بس لو مقابلات على الكورنيش و بوس و احضان و معاملة متجوزين مش هيبارك فيه و هينتهى بفضيحه او الم شديد نفسى بعدين بالنسبه للاطفال او المراهقين المستجدين بيبقو متحمسين اوى للحاجات ديه بدرجه مش طبيعيه و بيحبو يخوضو التجربه وخلاص مش مهم فى صدق مشاعر او لا اهم حاجه اساير المرحله و خلاص و ده طبعاً غلط و لازم يبقى فيه توعية للعيال ديه انا مش هنكر انى حبيبت كتير هههههههههه بس الحمدلله موصلتش لتبادل موبايلات ومقابلات سريه و حاجات عيب هههههههه و فقت بدرى و اصلاً لو محدش حب فى المرحله ديه ميبقاش طبيعى على فكره بس اهم حاجه ميسمحش لمشاعره انها تخليه يتهور و يعمل حاجات مرفوضه فى الدين و لازم قبل ما تدور على الحب تبنى نفسك الاول و تدور على اللى يخليك مستريح بكره ومش تبقى محتاج مساعدات من حد عشان الحب موجود كده كده لكن مستقبلك مفيش حد غيرك هيبنيه |
لازم يكون ليك مش اقل من نص ساعه يومياً تحاسب فيها نفسك قبل ما تنام وتسترجع تصرفاتك فى اليوم كله و تشوف انت عملت ايه صح و عملت ايه غلط و تشوف انت اكتسبت حاجه جديده و لا لا و تشوف الحاجه اللى اكتسبتها ديه حلوه و لا لا و تشوف تصرفاتك لو فيه حاجات افضل ممكن تتعمل ايه هى و تبدا تصلح
الcheck up ده هيخليك تطور عن امبارح بكتير و خبرتك تبقى افضل و نسبة الغلط بتاعتك هتقل + انت لما تحاسب نفسك من دلوقتى احسن ما تتحاسب فى الاخره وتتصدم |
الحياه سلسله من روتينات ورا بعض
مهما حاولت تخرج من روتين هتقع فى روتين تانى استمتع بروتينك و اعتبره شىء لا مفر منه و حاول تخليه ممتع اكتر و فيه ترفيه كتيير و اصلاً لو ركزت شويه هتلاقى الكون ماشى بروتين واحد طول الحياه ما عدا شوية تغييرات بسيطه اوى متاخدش الروتين حجه ان الحياه ممله و استمتع بكل لحظه فى روتينك ده و حاول تخلى كل يوم مختلف حتى لو بتعمل نفس الحاجه يعنى لو كل يوم لازم تذاكر يبقى يوم تذاكر مثلاً فى مكان مختلف و يوم مكان تانى و يوم تذاكر بصوت عالى ويوم بصوت واطى ويوم تشرح لحد و يوم تروح لصاحبك و يوم تذاكر عند قريبك و يوم يوم انت كده خليته روتين ممتع مش ممل بس فيه ناس بتعشق الملل و مبتحبش تعمل اى حاجه مختلفه او ممتعه دول ملناش دعوه بيهم |
مش بحب خالص الناس اللي بتقرب من ربنا لما بيكون عندها امتحانات وبس
وغير كده مش بيعرفو ربنا غير قليل اووووي عايزه اقول للناس اللي بتعمل ككده صدقوني ربنا مش هيوفقكم |
اقتباس:
كنت بعمل كده .. وقت الامتحان بس اصلى واقرى قرءان واقرب من ربناا كااانت اياااااااااااام:d بس الحمد لله ربنا تااب علينا من بعد ما دخلنا الثانوية العامية ديه :cool: |
|
فى سنة كام ؟؟؟؟
|
اقتباس:
|
ليكوا كلكوا :):) |
صلو قبل ان يصلى عليكم
|
احساس وحش اووووي لما تبقي نفسك تتكلم مع حد بترتاحله
فتمسك التليفون تفضلت تقف علي كل اسم من اصحابك اللي بتحبهم شويه وتروح فحأة تقفل التليفون وتقول انا هكلم حد منهم علي النت احسن علشان مش عايز حد يشوفني ضعيف تيجي تفتح الفيس يااااااااااااه معظمهم فاتحين هكلم اكتر حد فيهم برتاحله ارسلت مسج :( ملقتش رد وكانك كنت بتسلبط بقا تقفل الجهاز والفيس وترمي الفون بس فجأة بقا افتكرت التوبيك ده وقولت اجي افضفض :) |
***** قليل البخت *****
******************** عاوز طبيب جراح ويكون طويل البال ويكون في ساعة رضا يعدل بأيده الحال ويصلح اللي انكسر مع غنوة او موال لو مرة قال مليت نقوله عيب يا خال كمل جميلك ده انا عليل وحملي جبال دايما قليل البخت وليالي همي طوال واصحى تملى وافوق على رنة الخلخال الناس تشوفني تقول والله ده لعب عيال جرحك صعيب يا ولا والاه تقول زلزال مكتوب عليك العشق وتعيش كمان رحال هايم في ارض الله ورا كل طيف وخيال من نظرة كده بتدوب تصبح عليل الحال |
قبل ما تفكر فى اختيار الكلمات حاول تظبط العاطفه الاول
بجد لو العاطفه بتاعتك او مشاعرك ايجابيه هتلاقى الكلمات الايجابيه بتطلع منك من غير اى ترتيب او تفكير وبرده لو انت مشاعرك سلبيه نفس الكلام ظبط مشاعرك عن طريق التفكير و متهمتش لاختيار الكلمات و لا الاسلوب |
بلاحظ ان الناس اللى شكلهم وحش اوى او عندهم عاهات فى شكلهم ان عينيهم فيها احساس كبير بالنقص و معندهمش ثقه كبيره فى نفسهم
فى حين الناس الحلوه بتبقى ماشيه اكنهم ملوك و محدش قدهم انا بصراحه مش فاهم ليه الشكل بقى اساس كبير اوى فى حياة ناس كتير بلاقى ناس بتدفع الاف على عمليات التجميل و اللبس الشيك اوى و المجوهرات وخلافه وكل ده عشان الناس تشكر فى جمالهم وبسسسسس انا شايف انك تكون لائق و لابس حاجه مريحه للعين مش ملفته و مقززه ده شىء كويس انما تكون مبذر و تصرف اد كده على حاجات شكليه مش هتستفاد غير لفت الانتباه لفتره محدوده ده تصرف غبى جداً يا رييت بجد لو انت او انتى وحشين تقرو التاريخ و تعرفو اد ايه ناس كتير وحشه وعملت حاجات لغاية دلوقتى الناس بتشكر فيها و ابسط مثال اسماعيل يس و مارى منيب و الممثلين اللى زيهم مع انهم شكلهم مش حلو بصراحه بس محدش مش بيحبهم و طبعاً كان فيه ابطال فى مجالات كتير فى التاريخ شكلهم سىء جداً بس العالم رفعلهم القبعه قبل ما تحس انك اقل من حد عشان شكلك افتكر كويس ان ربنا قال ولقد خلقنا الانسان فى احسن تقويم و انك مش غبى عشان تقلل من نفسك للسبب ده انا عارف الموضوع ده حسااااااااس اوى للبنات و ميفرقش مع الولاد و بنات كتير بتهتم بشكلها عشان تتجوز بسرعه و على فكره لو عاوزه تتجوزى عشان شكلك اعرفى كويس انه بمجرد ما هيلاقى الاحلى منك هيخونك او يتجوز عليكى او يسيبك ويتجوز غيرك ولو عايزاه يتجوز عشان اخلاقك و ايمانك و حسن اسلامك ربنا هيباركلكم فى الجواز و هيشوفك احلى واحده ديماً ده ميمنعش انك تهتمى بالجمال و تحسنى من شكلك بس لو شفتى حد احسن منك كشكل مينفعش تحسى انك اقل منه فى حاجه و ان الشكل مش كل حاجه ابداً |
| جميع الأوقات بتوقيت GMT +2. الساعة الآن 09:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.