|
اقتباس:
يارب إن شاء الله خير الله المستعان |
إيه الحكاية ياجماعة هو أنا أسيبكم شوية الحكاية تقلب عياط كده .....
ههههه أنا بس عاوزكم تفكوها كده ... وبإذن الله هأقوم بالرد على الناس دلوقت خصوصا الراجل المحترم اللي زعلان قوى من ناس متسواش ... |
بارك الله فى حضرتك ياربويارب مايحرمنا من ردك علينا
بصراحه يادكتوره حضرتك الامل الوحيد والقشاية اللى بنتعلق بيها بجد يادكتور مش عارف كنا عملنا ايه من غير حضرتك بس انا عاوز حضرتك تقولى خلاصة موضوعى ايه يعنى كل كلامى يبقى مع جامعة ايه بالظبط كفرالشيخ ولا طنطا وحضرتك وضحك بما فيه الكفاية ان المسؤل عن انه يبعت بقية الدفعات هيه كفرالشيخ وحضرتك لما الموظف يقولى انهم بعتوا الدفعات الخاصة بيهم بس ارد عليه اقوله ايه انا ان شاء الله هاروح فى اقرب زياردة لرئيس الجامعة ومن ثم الحاكم العسكرى ربنا يوفقك يادكتور ياااااااااااااارب |
السلام عليكم .. دي اخر اخبار تعيين خريجي الازهر نقلا عن جروب مظاليم الازهر ..
تم اليوم ايفاد مجموعه من الاوائل الي مكتب رئيس الجامعه ولكنه لم يكن موجودا ولكن الي متي الانتظار فالوقت يمر وليس في صالحنا لقد قمنا ويعلم الله ذلك بالصبر كثيرا وطرقنا كل باب يوصلنا الي حل في التعين ولم يبقي امامنا الا خيارا واحدا وهو الاعتصام اما رئيس الوزراء يوم الثلاثاء القادم ان شاء الله بكرة ان شاء الله في اعتصام امام رئاسة مجلس الوزاء الساعة التاسعه والنصف صباحا |
ممكن طبعا
اقتباس:
ممكن طبعا تتعين في الجامعة ... بس ده لو انت لوحدك في الدفعة .... |
:) :) ^___^
|
كل ده؟
اقتباس:
هههههههههههههههه شوف بقى ياسيدي ... س: هل يحق لى التعيين فى الكليه بوظيفة مدرس مساعد بمجرد الانتهاء من الحصول على رسالة الماجستير ؟ ج: نعم .. الفرصة متاحة للجميع بشرط موافقة القسم . س: هل فى جامعات ومعاهد حاصة بتطلب ماجستير فى المحاسبة ام قليل ؟ ج: كتييييييييير جدا .. ولما تنوي هأقولك على لستة بالكل سواء معاهد أو جامعات خاصة .. وعلى طووول بيطلبوا ناس ماجستير ودكتوراة تخصصك يمكن كل أسبوع كمان .. وهأقولك كمان تليفوناتهم واماكنهم وإزاي تقدر تتابع الإعلانات بتاعتهم .. س: بخصوص تعيين الاوائل هل يتوافر مع حضرتك صورة من القرار الخاص بتعيين من دفعة 2003 ل 2010 علشان لما اروح لجامعة كفرالشيخ اتكلم بقلب جامد ؟ ج: صورة من القرار بصراحة مش معايا حاليا .. بس انت لازم تتكلم بقلب جامد ده القرار نزل في الجرايد ووزير التعليم العالي كل يوم بيتكلم عنه في التلفيزيون وانا عندي مقاطع فيديو .. بس الأهم إنك هتلاقي صورة من القرار عند مكتب رئيس الجامعة ... س: خلاصة الموضوع بتاعتى ان علاقتى بجامعة كفرالشيخ وليس بجامعة طنطا يعنى لما اسال واتكلم فى الموضوع ده يبقى مع كفرالشيخ صح يادكتور ؟ ج: صح يا كبير.. س: لما بتاع كفرالشيخ يقولى اننا بعتنا من 2006 ل 2010 انا ارد عليه اقوله ايه؟ ج: انت تكلم رئيس الجامعة أو النائب على طول يا بيه !!! وتقولله انا درست عندكم في الكلية اللي عميددها فلان ودكاترها فلان وفلان وكان الأول على دفعتي فلان وده اتعين وهو دلوقت معاكوا ودلوقت الكلية بدكاترها ومعيدينها اتحولت وبقت معاكوا أنا بقى ليه مش معاكوا ؟؟؟ يعني الأول على دفعتي اتعين وبقي تبعكوا اشمعنا احنا بقى مش تبعكوا ... وقولله إن فيه كليتين يعني لازم يبقى فيه حصرين .. لو عاند معاك خالص .. قولله اعتبرني ابنك واتصرف انت مكاني .. بس بأكرر اتكلم مع الريس أو النائب ... متتكلمش مع موظفيييييييييييييييييين !!! فااااااااهم !!! |
توضيح
اقتباس:
|
اقتباس:
وتقديرك وكفاءتك هي القشاية الل يبتتمسك بيها وهي اللي بإذن الله هتكون في يوم من الايام سبب سعدك .. وأنا أخوكم ووسيلة فقط للتوضيح آملا أن يجعلني الله سببا في معرفتكم ... وأن يجعلكم سببا لي في الثواب .. |
استنى الرد يا د.شريف
اقتباس:
شوف يا دكتور شريف .. أنا بصراحة قرأت المنشورين بتوعك .. وبصراحة كنت متعاطف معاك جدا جدا فيهم ولو ان فيه بعض النقاط اللي بتعبر عن الإحباط واليأس .. وده ضد مقومات الباحث اللي بيسعى دائما للتميز والوصول نحو الكمال إن كان الكمال لرب العباد .. بصراحة فيه ناس بعتت لي ع الخاص رسائل علشان أضع بيانات عن نفسي أو حاجة كده زي سيرة ذاتية .. بس أنا لقيت إن المجال مش مجال شخصي .. بس بعد ما شفت كلامك لقيت إن نشر بيانات عن نفسي أمر قد يكون في غاية الأهمية .. خصوصا ليك .. ومش عاوزك تحكم على الأمور ... غير لما تؤول لمآلها الأمور .. وانا شايف إن الموضوع لسه منتهاش .. متزعلش نفسك يا دكتور .. وإن شاء الله بالليل هأكتب الرد المطلوب ... |
السلام عليكم جميعا:
يا جماعة خلوا املكو فى الله كبير واكيد بكرة احسن صدقونى بس الصبررررررررررر د عبد الرحمن الف شكر لحضرتك جزاك الله خيرا على راحة بالنا بجد سؤال بقى يا دكتور ليه كل القيادات ومواقع السلطة واخدين دكتوراه فى توقيف المراكب السايرة ؟؟وخصوصا عندنا فى الجامعات بينسوا انهم كانوا صغيرين فى يوم من الايام ومحتاجين مساندة يا سلام لوعندنا فى جامعتنا اتنين تلاته زى حضرتك بس يا خسارة الكراسى دايما متلخبطة سؤال تانى الوزير محددش المدة الزمنية لتعيين المنح؟ودلوقتى الاسماء راحت ايه الخطوات الجايه؟ايه المفروض يحصل يعنى؟ تحياتى للجميع |
قرر الدكتور أسامة العبد، رئيس جامعة الأزهر تشكيل لجنة لتوزيع الدرجات المالية علي الباحثين وأوائل الدفعات المتفوقين الذين حصدوا تقديرات امتياز وجيد جدا مع مرتبة الشرف ولم يتم تعيينهم حتي الآن لعدم توافر درجات مالية تستوعبهم. وقال إنه لن يسمح بأي تجاوز أو مجاملة أو استبعاد لأي من أبناء الأزهر لأي سبب من الأسباب، ولن تكون هناك معايير للاختيار سوي المعلن عنها، ومن ثم فإن مهمة هذه اللجنة هي مراعاة الدقة والشفافية وتحقيق العدالة بين الجميع.. وشدد العبد علي حرص الجامعة علي توفير العدالة بين جميع أبنائها أساتذة وطلابا وموظفين، وأنه لا تصل إليه مظلمة إلا ويوليها كامل الاهتمام ويسعي للبت فيها مباشرة بما يتناسب معها من وقت وإمكانات.
وجدد أسامة العبد التزامه بتعيين جميع الأوائل بكل الكليات بدءا من عام 2002 حتي الآن بحسب ما يتوافر من درجات مالية، لافتا إلى التفريق بين من يشملهم التكليف من أوائل الدفعات الحديثة وبين الأوائل خريجي دفعات سابقة، حيث إن للمكلفين قانونا خاصا لا ينسحب علي قدامي الأوائل، والتكليف لدفعة حديثة لا يعني التفضيل أو الاستثناء لغيرها من الدفعات. كانت جامعة الأزهر قد أعدت كشوفًا حصرية وخاطبت الجهاز المركزي للتعبئة والإحصاء لتوفير درجات مالية لتعيين الأوائل وغيرهم الذين يمثلون عجزًا بالجامعة إلا أن رد الجهاز المركزي لم يصل للجامعة حتي الآن. المصدر / بوابة الاهرام هذا يا أخوتي الكرام آخر ما طالعته من أخبار عن تعيينات جامعة الأزهر الشريف |
اقتباس:
أختي الفاضلة : شكرا على ذوقك العالي جدا ومجاملتك الرقيقة .. لو في كل جامعة اتنين تلاتة زيي كان زمان الجامعات خربت .. والوزير رفدنا كلنا ... هههههههههه بالنسبة لموضوع المده الزمنية .. الوزير حدد لتعيين الأوائل الـ 20 في خلال شهر ونصف .. وده كلامه بالنص ... أما بالنسبة للمنح فإن الوزير قال هيخاطب الجامعات خلال الشهر الجاري لبيان حالة العجز في كل جامعة وملئها من المنح .. يعني تقدري تقولي كل التعيينات هتتم بإذن الله قبل شهر 6 .... |
اقتباس:
يا ريتنني كنت أزهر .... |
اقتباس:
|
سؤال تانى بعد اذن حضرتك بالنسبه للناس اللى هى معاها دكتوراه فى القانون هل ممكن تلاقى مجال فى اى مكان وتشتغل فى اى جامعه حكومية او خاصة
|
إلى الأخت الفاضلة أم رهف أين انتِ لماذا تغيبي عن المنتدى وأين أخبارك السعيدة؟؟
|
دكتور عبد الرحمن حضرتك معندكش اخبار عن اوائل التربية حيتعينوا ولا حيتعملهم عقود خصوصا وحضرتك عارف حكاية الكادر معلش اصل في اراء كتير بتقول عقود وجزاك الله خيرا.
|
pppppppppppppppppppp
|
عصام هاشم 12-4-2011 | 13:35 1 603
نظم أوائل الدفعات من خريجي جامعة الأزهر وقفة احتجاجية صباح اليوم الثلاثاء أمام رئاسة الوزراء بقصر العيني اعتراضا علي عدم تعيينهم معيدين أو باحثين بالجامعة رغم تفوقهم وحصولهم علي تقديرات تؤهلهم لذلك. وأعرب نحو خمسمائة من أوائل دفعات سابقة بمختلف كليات الجامعة عن استيائهم من التراخي وتباطؤ الحكومة في التعامل مع قضيتهم حتي الآن رغم وعد رئيس الجامعة الجديد بتعيينهم معتبرين ذلك نوعًا من العنصرية في التعامل مع الأزهريين ورفعوا شعارات تندد ذلك منها "عنصرية عنصرية ضد الطلبة الأزهرية". من جانبه جدد الدكتور أسامة العبد رئيس الجامعة التزامه بتعيين جميع الأوائل بكل الكليات الذين حصدوا تقديرات امتياز وجيد جدا مع مرتبة الشرف بدءا من عام 2002 حتي الآن بحسب ما يتوافر من درجات مالية. وأكد العبد أنه لن يسمح بأي تجاوز أو مجاملة أو استبعاد لأي من أبناء الأزهر لأي سبب من الأسباب، وأوضح أنه تم حصر كشوف بأعداد الأوائل وتمت مخاطبة الجهاز المركزي للتعبئة والإحصاء لتوفير درجات مالية لتعيين الأوائل وغيرهم الذين يمثلون عجزًا بالجامعة إلا أن رد الجهاز المركزي لم يصل للجامعة حتي الآن. |
جزيل الشكر لدكتور عبد الرحمن ولمجهوده الرائع معانا وبجد ربنا يبارك حضرتك ز لكن انا عايزه اعرف ايه اللى بعد كده . يعنى ايه اللى بعد ارسال الاسماء . هنعرف ازاى الوظائف اللى هنتعيين فيها وهنتابع مع مين وهل هنملا رغبات وجوابات التعيين لما يحصل ان شاء الله هتيجى على الكليه ولا على المنازل . يعنى ببساطه كل حاجه عن الفتره القادمه .
|
السلام عليكم جميعا
اخباركم ايه يا جماعة النهاردة يا رب دايما اكثر تفاؤلا واشراقا واملا فى بكرة تخيلوا مجموعة من اوائل جامعة كفر الشيخ كانت عند رئيس الجامعه قالهم انتوا جاين ليه انتوا تجيبوا القرف انتوا علاقتكوا انتهت بالجامعة بعد التخرج وجامعة كفر الشيخ لمن لا يعرفها جامعه حلوة اوى من بره فاضية ومفيهاش درجات مالية من جوة والاوئل فيها ملهمش مكان ومعتمدة على الانتدابات ودى مشكلة كل الجامعات المستقلة حديثا المهم عندها توصل للعدد اللى يخليها تستقل حتى ولو على حساب التعليم والطلبه كل يوم بسمع ان الاهتمام الفترة الجايه هيكون بالتعليم والبحث العلمى ياااااااااااااارب تصدقوا يا جماعه اانا ملقتش مكان لفيران التجارب بتاعتى اخدتها البيتno comment |
جزاك الله كل خير دكتور عبد الرحمن :)
|
اقتباس:
|
ألف سلامة على رهف وياريت نكون اصدقاء اذا تفضلتي أحب اعرف هو حترتك بتكملي دراسات عليا , وفي قسم ايه لغة عربية زيي ولا قسم تاني , وان شاء الله ربنا يسهل وكل من عنده أمنية يحققها بعون الله .
|
مفيش جديد :(
|
السلام عليكم جميعا
ايه الاخبار يا جماعة مفيش جديد ولا ايه؟؟؟؟؟؟؟؟ دكتور عبد الرحمن بقالك كتير ما نورتناش لعل المانع خير ادينا قاعدين مستنين اعوذ بالله من خيبة الامل يارب حقق امال الجميع |
شكرا بجد لحضرتك يادكتور عبدالرحمن والله كلنا بنستفيد من خبرات حضرتك
بس ياريت حضرتك بجد لو مفيهاش تعب تقولى اعرف منن ان المعاهد والجامعات الخصه ديه عاوزين ناس ماجستير محاسبة حضرتك ان معرفش بصراحه اسامى المعاهد ولاالجامعات الخاصه بتاعة المحاسبة ياريت لو حضرتك تقدر تقولى على اسماء هذه المعاد والجامعات الخاصه يبقى كتر الف خيرك بجد لانى انا حاسس ان بعد مااخلص الماجستير مش هعمل بيه حاجه وده السبب بجد والله اللى مخلينى مكسل ومتراخى جدا فى الرسالة بتاعتى واملى فى ربنا وفي حضرتك انا ان شاء الله رايح الحد الجاى كفرالشيخ وهاروح لنائب او رئيس الجامعه على طول حضرتك انا كنت بعت اميل لوزير التعليم العالى والبحث العلمى من اكتر من اسبوع والحمد الله لقيت امبارح جيلى رسالة من مكتب الوزير بتقولى عليك موافاتنا ببياناتك كاملة الاسم وبقية البيانات انا مشعارف باه الرد ده معناه ايه طمنى حضرتك يادكتور ؟ خير ان شاءالله صح دكتور من الحق انا شغال اساسا بعقد فى التربية والتعليم وامبارح وانا ببعت بياناتى كتبت فيها رقم البطاقة انا خايف باه من الرقم ده يعرفوا انى شغال |
اقصد اننا مستنين الناس اللى فى ايديهم الامر\يحنوا علينا
ولله الامر من قبل ومن بعد ومستنين برضه طلة حضرتك علينا يا دكتور عبد الرحمن بارائك السديدة واخبارك الحلوة |
اقتباس:
|
عرفت النهاردة انهم كلفو فعلا الاول والثانى من دفعتى 2009 و2010 بنين وده تكليف اما باقي الدفعات من 2002 وحتى 2008هينطبق عليهم نظام التعيين وليس التكليف يعنى لابد من توافر درجات مالية وموافقة القسم يعنى هل هو محتاج الاعداد دي ولا لاء ,الاخبار دي من استاذ ورئيس قسم في كلية اللغة العربية وربنا يكرم الجميع
طبعا ده في الازهر |
مليوووووووون سلامة على رهف
وربنا يباركلك فيها يارب وربنا يوفقك لما يحب ويرضى |
يا ام رهف يعني بنين بسسسس !!!
|
اقتباس:
نوركوا كفاية ... وربنا يكرم الجميع ... معلش أصل أنا كنت مع المعتصمين أمام مجلس الوزراء بخصوص المنح ... شكرا لسؤالكم .. |
شكرا لذوقك
اقتباس:
|
انت استغلالي يا شريف .. هههههههه
اقتباس:
المعاهد والجامعات الخاصة اللي بتطلب تخصصك كتييييييييييييييييييييير جدااااااااااااااااااااا ... والأماكن دي بتنزل إعلانات بصفة شبه دورية عاوزين ماجستير ودكتوراة ... وتقدر تتابع في الإعلانات دي لغاية ما تاتخد الماجستير فهتعرف خلال الفترة دي مين بيعلن كتير ومين أحسن وإيه المطلوب علشان بمجرد إنهاء الماجستير هتلاقي الطريق مفتوح امامك ما انت متابع بقى ... تتابع انت أو أي حد عاوز يتابع كل إعلانات الصحف بشكل يومي بدون أن يشتري كل يوم كل الجرايد .. ما عليك سوى الدخول على موقع اسمه شغلانتي وتختار (أكاديميون - مصر) وهيجبلك الإعلان متصور قدامك .. كل يوم تدخل الموقع تعرف الإعلانات اللي اتنشرت في هذا اليوم في أي جريده ده ممكن كمان تعرف الوظايف اللي في أي دولة عربية حسب تخصصك ... |
اقتباس:
شكرا لذوقك يا سيد عمر .. بالنسبة لموضوع السيرة الذاتية انا بس محبتش إن الموضوع يتفهم غلط لاحسن حد يقول إني غاوي شهرة والا حاجة .. فانا لما يأتيني الإذن من أخواتنا الخبيرات والأقدم في المنتدى مثل أستاذة سارة ورحييق وأم رهف .. وإلا أصبح أنا متطفل ... |
اقتباس:
بالنسبة لرد الوزير معناه إن موضوعك دخل حيز التنفيذو الاهتمام تابع لأنهم كده بيحاولوا يستفسروا عليك عند رئيس الجامعة .. ربنا يكرمك .. ومتخافش من موضوع العقد ده .. التعيين هيجيلك بإذن الله .. |
شكراً يا أختي العزيزة أم رهف على قبول صداقتي وان شاء الله ربنا يعينك وتخلصي الماجستير أنا كمان زيك محمد ابني كان معطلني بس الحمد لله خلصت الرسالة والدكتورة بتلقي عليها نظرة أخيرة ، وسلامي لأهل الشرقية كلهم ، على فكرة أنا جوزي كان مسجل الماجستير في الزقازيق جنبكوا وأخده ، وبيسجل الدكتوراه دلوقتي ، وإن شاء الله ربنا يفقك ويوفقنا جميعا , وشكرا على موافاتك بالأخبار ، والله المستعان .
|
استفسار
السلام عليكم ورحمة الله وبركاته
بعد اذنكوا كان لى استفسار انا خريجة حاسبات ومعلومات دفعة 2005 والخامسه على دفعتى واخدت منحة لدراسه الماجستير اللى مسماها مساعد باحث فى نفس الكليه واشتغلت فيها سنة ونص تقريبا والحقيقه انها اسواء شغله ممكن الواحد يشتغلها لانهم كانوا بيطلبوا مننا نشتغل زى المعيدين بالظبط السكاشن والمراقبات والامضاء وكل حاجه وفى الاخر المرتب 24 جنيه واربعين قرش ولما كنا حتى بنسال عليهم كان الموظفين بيضحكوا علينا ويقولوا لنا هنحوشهم لكوا وتعالوا خدوهم كل كام شهر ، منتهى الذل ان موظف اقل منك بكيتر يتريق عليك وانت صاحب حق المهم قلت مش مشكلة اكمل بس للاسف المنحة دى المفروض تتجدد كل سنة زى العقد كده واول سنة جددتها العميد طلع عنينا بمعنى الكليه مش هنسى اليوم دى يوم عيد الحب واحنا واقفين له على السلم هنبوس ايده علشان يجدد المنحة وبالعافيه وافق والجميل فى الموضوع انه لما جت اجازه الصيف وقلنا هنرتاح صمم اننا ننزل كل يوم نمضى حضور وانصراف ومش مهم نقعد نعمل ايه المهم نيجى وبس ساعتها انا كنت مخطوبه لمعيد فى الكليه اكبر منى بسنة وهو كان عامل مشاكل مع العميد لاسباب زوجى حاليا له حق فيها بس بدون الخوض فى التفاصيل العميد ساعتها وقبل زواجنا باسبوعين بالظبط بعت لنا هديه الزواج لغى لى منحتى ولما رخت له وقلت ليه يا دكتور وانا عملت ايه قالى انى امتنعت عن الحضور والانصراف ودى كان فعلا حصل من الضغط النفسى ودى يديله الحق انه يلغى المنحة وبالنسبة لزوجى قالى للاسف مقدرش اعمل له حاجه لانه تثبيت انما انتى بالقلم الرضاص وكلام وصلنى ساعتها انه قال كفايه جوزها بيقبض عايزه تشتغل هى كمان مع العلم ان زوجى مدرس مساعد حاليا بيقبض الف و200 جنيه مش عارفين نعيش بيهم حتى المهم انى كملت على حسابى واخدت الماجستير فعلا من سنة ولما فكرت اسجل الدكتوراه قالوا لى ممنوع حد من بره الكليه يسجل وكفايه عليكى الماجستير وكمان المصروفات زادت بقت الف ونص فى السنة وطبعا دى فوق قدرتى بكتير انا اسفه انى طولت عليكوا بس عايزه اعرف انا مصيرى ايه دلوقتى؟ يعنى المفروض الجامعه هتقول ان دى اخدت المنحة وفصلناها وملهاش حق ؟؟؟ ولا تحسب زى الخرجين العادين ولا الماجستير دى هيحسبوها ولا ايه مش عارفه اسكت واستنى ايه اللى هيحصل ولا ابعت واشتكى ولا اعمل ايه انا صبعان على بعد كل دى من مجهود وفلوس وحرق دم ان التعين فى النهاية يجى اداريه فى اى تعليم الكترونى بجد هتحصر انا صرفت من جيبى على الماستر دى من بعد المنحة خمسه الالف جنيه وخمس سنتين ضاعوا من عمرى فيها وكمان اللى بيقولوا عايزين يبقوا مساعد باحث ياريت يكونوا فى مراكز بحثيه لان دى اللى بتقدر الاوائل ماديا ومعنويا انما مساعد باحث فى كليه لااااااااااااااااا وانا قدامكوا اهو عبره لمن يعتبر وشكرا لكل اللى هيقدر يكمل قصتى للاخر لانها طويله بسمن حصرتى حبيت افك بكلمتين معاكوا |
https://www.facebook.com/2la.Rasol.Allah
معا لغلق صفحه ريم النجار التى تسب رسولنا الكريم ،احلف بالله ان تشترك وان ترسلها لكل اصحابك لكى نغلقها فى اسرع وقت https://www.facebook.com/2la.Rasol.Allah حمله جمع مليون مسلم لغلق صفحه ريم النجار التى تسب الرسول ( صلى الله عليه وسلم ) https://www.facebook.com/2la.Rasol.Allah |
السلام عليكم ورحمة الله وبركاته شكر خاص لك الاخوة والاخوات اللي شاركوا في الموضوع بس انا عايز اسال عن حاجات خاصة بالموضوع ده هو القرارات دي خاصة بجامعة الازهر ولا التربية والتعليم كمان وهل ياتري المعاهد الخاصة والجامعات المفتوحه والجامعات الخاصة سواء معادلة او لا هيكون لها نصيب من القرار ولا ايه ياريت اللي يعرف حاجه يخابرنا بوركتم |
السلام عليكم
انا فعلا تابعت الاعتصاماتدى الاسبوع اللى فات بس مفهمتش السبب؟مش قابلتوا الوزير قبل كده وقال هيعين الناس؟ انتوا اكتشفتوا عدم صدق النوايا؟؟؟ ولا اعتصمتوا عشان يعينوا الكل مش 500 بس؟؟؟ووصلتوا لايه؟ معلش احنا بنتقل على حضرتك بس حضرتك همزة الوصل ومصدر المعلبومات الثقة فى الموضوع ده؟ حضرتك عارف مستقبل ناس كتير واقف على قرار واحد بس لله الامر من قبل ومن بعد |
اقتباس:
|
يارب
انا خريج عام 2005 بنسبة 83.41%
وكان ترتيبى الثانى بعد تعين المعيدين يارب اتعين معيد يارب |
اقتباس:
|
اقتباس:
|
السلام عليكم
ياجماعة انا عرفت انهم بياخدوا العشرين الاوائل على كلية التربية العام وتربية اساسي وتربية طفولة باعتبارهم كلية واحدة لكن كل منهم كلية منفصلة ولها مجموع مختلف تماما ف الثانوية العامة . دة يبقى ظلم |
ايوة يا ام رهف انا 2009 بس الثالثة ومفيش اي اخبار عندنا في الكلية ... :(
|
الأخوة والأخوات الكرام أعضاء المنتدى انا سمعت خبر دلوقتي بس مش عارفة اشاعات ولا هو خبر صحيح وصلتني اخبار انهم نزلوا اسماء المعيدين في كلية الدراسات الاسلامية بنات القاهرة , انا سمعت لكن ماقرتش في اي صحيفة او على النت ياريت من يهمه الامر يتأكد من ذلك والله أعلم .
|
| جميع الأوقات بتوقيت GMT +2. الساعة الآن 02:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.