|
اقتباس:
اقتباس:
مين دي:bosyht9: امشي ياماما انتي مفكرانا بنكلم اي حد حتى بتوع الثانوية عادي كده:006et4: روحي شوفيلك امتحان فيزيا ولا كتاب كيميا اهي حاجة تنفعك:p ههههههههههه المشكلة ان صاحبة الموضوع معقده اساسا فلازم منها حكاية العقد دي:d لاء انا قصدي مش تعتمد ع الناس اعتماد كلي عاوزة تفرح يبقى بالناس تزعل يبقى بيهم وكل تفكيرها وحياتها تبقى فيهم وبيهم لو عملت كده مش هتكسب غير وجع الدماغ وحرقة الاعصاب لانها مش هتقدر تعمل كل حاجة ترضي كل الناس وهي الناس مش وحشة زي ماواحده قالتلي فيهم الحلو وفيهم الوحش تركز ع الحلو وتسيب الوحش واجمد حاجة بجد التنفيض من الناس مع انك متتعمديش انك تزعليهم او تضايقيهم فاهماني ؟ بالنسبة لحته الدراسة مش حكل حاجة لاء حاليا هي كل حاجة بالنسبة للاوطفال بتوع ثانوي اللي زيكو:006et4: حددي حياتك هتكون ازاي الاول وبعدها اعملي اللي نفسك فيه موستنين اجازتك اللي مش راضية تيجي تي:bosyht9: |
موضوع جامد اوي وهادف اوي وهيساعد ناس كتير .انا مش كنت متابعة من الاول بس ان شاء الله هتااااااابع
ثانكس لصاحبة الموضوع |
abo elias
..بسم الله الرحمن الرحيم..
بدايه..مع مشكله أخيك الصغير فالأطفال فى هذا السن الصغير يمرون بتغيرات وتطورات عقليه وجسمانيه تجعلهم يفعلون أشياء قد يعتقدها البعض جنون وهذا غير مقلق فهذا أمر طبيعى جداً وتختلف التصرفات من طفل لاَخر حسب مكنون شخصيته والبيئه المحيطه....فالحل فى مصاحبته ومداعبته وجعله يشعر بأن أفعاله المستفزه لا تمثل أى ضيق وبطبيعه الحال سيتوقف عنها بعد فتره.....وبالنسبه لعدم مذاكرته فالإنسان بطبعه لايحب القيود ومنها المذاكره مثلاً....فيجب على الأهل حثه على المذاكره بطرق الترغيب والترهيب إن لزم الأمر....حتى يعتاد المذاكره منذ الصغر حتى لايفشل......... أما بالنسبه للمواد الواجب مذاكرتها من أجل الإمتحان فلا وقت للتقاعس.....فأنا اجتزت إمتحانات اسبوعين متواصلين مع أن أغلبها رياضيه وبها الكثير من التعقيدات....والله يوفقك.... |
أنا في ثالثة ثانوي وواخدة فلسفة وكل الناس مخوفاني منها ورغم أن إمتحاني يوم الاحد الجاي إن شاء الله إلا إني زهقانة جدا وكل شوية أقوم من علي المذاكرة ومخنوقة جدا وعمالة أعيط رغم إن المستر بيشكر فيا أنا حاسة إن كل حاجة بحفظها بنساها علي طول لدرجة إني أوقات بنسي من كتر التوتر وعدم ثقتي بنفسي وكل اصحابي خدوا الاجازة إلا أنا وأنا قاعدة مخنوقة جدا ومش عارفة أعمل إيه ممكن تساعدوني بس حلول عملية وليس كلام فقط
|
اقتباس:
في اثناء اللجنة بيبقي فية نسيان ؟ في كل المواد ولا المادة دي بس؟ في المواد اللي في وقت قصير قدامها كنتي بتحسي بانجاز وان في كسل ولا نشاط ؟ .................................................. ....................................... الاسئلة اللي فوق دي مش مهم الرد عليها لو شفتيها عادي مش مشكلة الرد عليها دلوقت عشان الوقت . الحل العملي ان خلي مامتك تسمعلك او باباك او اختك مثلا |
اقتباس:
بصي حكاية ان المستر بيشكر فيكي دي اكتر حاجة كانت بتعقدني اليوم اللي المستر بيشكر فيه مش بحل:d ههههههههههههه بصي بجد انتي كده بتضيعي وقتك والامتحان خلاص حطي ادامك هدفك وانك الوقت اللي بتعيطي فيه دلوقت من غير سبب ممكن بعد الشر تعيطي زيه واكتر منه بعجين لو مش حليتي حاولي تعملي جدول ولما تحسي انك زهقانه غيري مكان المزاكرة وتكون الاضاءه قوية وشوفي واحده صحبتك تشجعك وتزاكرو ادام بعض يعني تحددو حاجة وتشوفو مين يخلص الاول وخلاص هااانت اوي;) __________ ميرسي ليكي ياشقاوة وياريت تتابعي معانا اسفه للتأخير ان شاء الله الموضوع هيتنشط قريب بس ارتاح الاول |
مشكلتى انا انى بخسر ناس كتير كانوا اصحابى بس انا مش عارف انا ليه بخسرهم ............... بس هى بالمعنى الاصح هم بيخسرونى عشان انا مش بعمل حاجة تزعلهم خالص هم اللى تفكيرهم مش زى تفكيرى ولا طريقتهم مش زى طريقة جايز مش مندمجين مع بعض .. بس ده بيحصل مع غيرهم كتير ... جايز تكون صدفة ولا يكون عيب منى مثلا..... بس انا مش شايف انى بعمل اى حاجة غلط بالذات مع اصحابى ... انا اكتر حد بحب اراضيه صحابى ....... كل الناس اتخلت عنى .,... سبحان الله مش عارف ليه حتى ( ...... ) ولا بلاش ميستهلش انى اكتب اسمه ...... طيب انا اعمل ايه .... ساعات احس انى زعلان على اللى انا بعمله ده وساعات بقول انهم هم اللى غلط وانا اللى صح .............. وانا ارجح انى بخسر اصحابى بسبب الغيرة منى ..... انا اشك فى كده
........... النت دلوقتى بقى صاحبى انا مش عارف فى المدارس ايه اللى هعمله ..... ؟؟؟؟؟؟؟؟ ...... يااااه الواحد فى حاجات كتير عايز يقولها بس مين يسمع ومين يقدر ؟؟؟؟ |
اقتباس:
لكن لو عليك انتا مش صح تقول كلهم بيبعدو من غير سبب أكيد في سبب حتى لو انتا مش عارفه بس لازم في سبب . انتا بتقول ان النت بقى فيه اصحابك . طيب ازاي تقدر تكون اصحاب في مكان ومكان تاني لأ . انتا تقدر تكون اصحاب بس حاول تختار القريب من تفكيرك . وجميل اوي انك تضحي عشانهم بس لازم تكون متاكد انهم اصحاب بجد . ونصيحة الي يبيعك سيبه وانساه بس اوعى تستندل زيه . ولو في اي مشاكل عندك حاول تحكيها هنا . الناس بتحب تساعد بعض والموضوع ما شاء الله فيه ناس كتير واكيد هيفيدوك . |
اقتباس:
..... بالنسبة للنت حتى النت مش بلاقى اصحاب مناسبة ليا بس اللى وقت اللى كنته بقضيه مع اصحابى ( الاهى لا ترجعه ) بقيت بقضيه على النت فى اى حاجة بقيت اكلم ناس فهمانى بتفكر زيى ..... مثلا انا لما اتكلم عن الانمى مع اصحابى يقولوا عنى ايه انمى يقولولى يا طفل ...... اكلمهم عن تامر حسنى يقولولى احنا مبنحبهوش .... اما فى النت بلاقى الناس اللى زيى كده ... اقدر اتكلم معها تفهمنى وافهمها ........ ............ بالنسبة للاحا فى النت عادى انت ممكن تصاحب اصحاب من على النت تسمعهم ويسمعوك ............ وعلى فكرة انا حاسس انى مش هلاقى اصحاب بجد فى الحياة دى ........ |
لااااا مش ينفع تقول مش هتلاقي اصحاب دة مش صح خالص . هقولك على حاجة بالنسبة لعدم التوافق بينك وبين اصحابك ليه مش تاخد الموضوع عادي هما بيحبو حاجات وانتا بتحب حاجات تانية عادي اوي حاول تاخدها ببساطة و الاوقات الي بتقديها معاهم حاول مش تخسرها حتى لو مش عجباك حاول تستفاد منها . اتعلم منهم حاجة اعرف حاجة كدة يعني ولو مش عاجبك نظامهم حاول تختار حد قريب من تفكيرك بس اكيد هيكون في اختلافات لأن دا الطبيعي وأكيد هتلاقي حد فيه من طباعك لكن مش ينفع تقول مش هلاقي .
الاصحاب كتييييييييييييييييييييييييييييييييييييييييييييير بس المشكلة في الصاحب الي هيكون عشرة عمر . ودا الي قصدي عليه انتا لو لقيت حد يكون صديق عمرك هيغنيك عن اي اصحاب بس انتا حاول تفكر بشكل ايجابي . |
الا صحيح الموضوع ده بئا عامل كده ليه كنت حباه اول مدخلت وبعد كده حالته تدهورت اوى
|
بصو ياجماعه بما ان الموضوع ميت فلازم يصحى ياسو اللي بتلعب ف بني عبيد:romarioxp6: قالتلي ع فكرة حلوة هي هتجيب مشاكل اجتماعية تهم الشباب كلهم واحنا نحاول فيها مع بعض وبعد كده تنزل حل المشكلة زي ماهو وكده نبقى استفدنا ونشطنا الموضوع لان طول ماهو نايم كده محدش هيجي يسأل اصلا |
اقتباس:
اقتباس:
اقتباس:
ايون واكييد المشاكل اللى هتتقال هتكون مشكلتنا منها او جزء منها ع اقل تقدير هنبدأ قريب بس اللى يرد يكون متفهم لظروف الحاله ( عامله فيها ضاكتوره نفسيه ) عامه ربنا يسهل والحدوته تنجح |
فكرة حلوة يا بنات عجبتنى الفكرة و منتظرة تنفيذكم ليها و أنا هكون موجودة بإذن الله |
اوكى
ان شاء الله |
بسم الله الرحمن الرحيم أنا آسفة جدا لو كنت قطعت عليكم الموضوع اللى كنتم بتتكلموا فيه . بس قولت انتهزها فرصة بما إنه مافيش حد كان بيحكى مشكلته . انا مشكلتى جايز تكون تافهة جدا بالنسبه للمشاكل اللى قريتها بس ارجوكم يا جماعة افهمونى و حسوا بيا انا مش عايزة حد يحبطني زى ما كل احكيها لحد يقولى نفس الرد شبه اللى قبله قالهولى انا مبدئيا فى كلية مش فى ثانوية . انا مشكلتى انى حبيت و اتدبست كمان . انا بحب واحد من 4 سنين تقريبا و حب من طرف واحد . بحبه جدا و متعلقة بيه اوى . و ولا مرة فكرت انى اصارحه او حتى الفت نظره انا مشكلتى انى متعلقه بيه و بحبه لدرجة انى مش متحملة فكرة انه يكون لحد غيرى . و مافيش حد غيره لفت نظرى ولا فى الكلية ولا فى العيلة ولا فى اى مكان مع ان فيه ناس غيره بيحبونى كتير انا ساعات بحس انه بيحبنى و ساعات بحس انه مش بيحبنى و الكلام ده من نظراته . ساعات بحس من نظراته ليا انه بيحبنى اوى و ساعات لما مش بيبص لى او ياخد باله منى - احنا جيران على فكرة - بقول هو مش بيحبنى ساعات بقعد لوحدى فى اوضتى و اقعد ابكى بالساعات بسببه . لإنى كل لما بشوفه ببقى فرحانة و زعلانة فى وقت واحد و محدش يستغرب . ببقى فرحانة لانى شوفته طبعا و زعلانة لاني خايفة مش اوصل له انا مؤمنة ان اللى ربنا كاتبه هنشوفه . بس انا مش بقيت قادرة استحمل الحب ده كله لوحدى . انا بحبه لدرجة انى لما بشوفه خرج من بيته لاى سبب حتى لو كان رايح الكلية بزعل اوى و بحس ان روحى خرجت منى و راحت معاه . انا حاسة انى بقيت مريضة نفسيا خصوصا و انى فى مرة فكرت انى ا***ه و كنت هنفذ كده فعلا و فكرت فى خطة بس رجعت استغفرت ربنا و قولت ايه الهبل اللى هعمله دة ! ماتفتكروش انى بعيدة عن ربنا لا الحمد لله بفضل الله انا قريبة منه و كمان انا مش فكرت اكلم اللى بحبه عشان ربنا تعرفوا دايما اقعد لوحدى و اصلى صلاة حاجة لربنا و بقعد اعيط و اتحايل عليه يكتبه من نصيبى و بفضل ربنا ان حبه مأثرش على مذاكرتى انا في ثانوى كنت كل لما اقرف من المذاكرة كنت بفكر فيه شوية و اقول يا سلام لو دخلت كلية حلوة كدة و هو جاله الخبر دة هيفرح اكيد و يمكن اكبر فى نظره دة طبعا بجانب تفكيرى فى اهلى فكنت بقوم اذاكر و ربنا وفقنى و دخلت الكلية اللى كنت عايزاها و بردو بذاكر فيها مش بلعب انا بحبه اوى يمكن اكتر من نفسى انا عندى اتعذب بموته احسن ما اتعذب بانه بقى لحد تانى لان دى هتبقى صدمة كبيرة اوى عليا دة حتى مجرد التفكير فى كدة بتعب اوى و بحس انى بموت نسيت اقولكم انه فى كلية بس اكبر منى بتلات سنين بس ماتفتكروش انى ببالغ بس دة بجد نقطة فى بحر من اللى انا حاسه بيه و من العذاب اللى انا عايشاه ياريت الاقى عندكم رد يريحنى مش يعذبنى زيادة |
السلام عليكم ورحمة الله وبركاته
اهلا يا اخت سري جداا انا بجد مش عارف ارد عليكي واقول ايه هو حد بيحب حد بالطريقة دي ؟ علي فكرة انا مش بمدح ولا حاجة انا بتكلم علي الطريقة دي انتي بتحبيه لدرجة انك عاوزة ت***يه لو بقا لغيرك وبعدين الما انتوا جيران وبقالكوا 4 سنين بتحبوا بعض انتي محستيش نحسيته باي حب ؟ خلاص يبقي هو مش شايف ده او مش حاسس ده ومتحاوليش تحسسيه بحبك طالما هو مش شايفه مش معقول هتقوليله حبني تاني حاجة انتي بتقولي اقتباس:
طيب يعني طالما مصرحلكيش بحبه يبقي مفيش ما اعتقدش ان فيه ولد يتكسف يقول لبنت انه يعني بيحبها لو كان بيحبها بجد انا بجد مش عارف ارد اقولك ايه انا اندهشت اوي من كلمة انك فكرتي ت***يه طيب هو انتي مش بتحكي مع حد او بتفضفضي مع حد طيب فكرتي تروحي لدوك ؟ هكمل ردي عليكي في مشاركة تانية |
اقتباس:
هنتابع الموضوع من تانى ان شاء الله الاخت الى انا مقتبس ردها دى والله انا حاسس بيكى بجد انا هكلم فى كذا ناحية فى موضوعك اولا الموضوع بتاعك مش تافة ولا حاجة الموضوع بتاعك بالنسبة ليكى اصعب موضوع فى حياتك وموضوعى بالنسبة ليا اصعب موضوع فى حياتى يبقى مش موضوع تافه ولا حاجة بالعكس موضوعك مشكلة معاصرة جدا موجودة عند ناس كتير ثانيا هكلم من ناحية انى شاب ويعتبر عاصرت المواقف دى كتير وبشكل شخصى عمر ما كانت النظرات تعبير على ان الولد معجب بالبنت او العكس انا اعرف واحد صاحبى مفيش بنت بتعدى غير اما يبص ليها من فوق لتحت بيفصصها 150 حتة :d معنى كدة انة معجب بيها ؟؟ بالعكس هوة معجب بنفسة ودة بيدفعة انة يلفت نظر كل البنات لة بالنظرات دى يبقى انتى متعشيش نفسك فى حلم انه بيحبك عشان مش تتعلقى بية اكتر وممكن يكون الحلم دا حقيقة بس هيفضل حلم لحد ما يبقى بين الطرفين طب هحكيلك حكاية والله حصلت انا كنت اعرف بنت مفيش ولد بيعدى قدامها غير اما تكلم علية كلام حلو ومع ناس هيا واثقة انهم هيوصلو لة الكلام دة وبتفضل تبص لاى ولد بيعدى لحد ما يختفى من قدامها خالص بتلفت نظرة بجد كل الولاد دول لما راحو يكلموها كانت بتشتمهم وترفض انهم يكلموها دى بيبقى عندها حب استطلاع ليس اكتر مش يمكن حبيبك دة فاكرك كدة ؟؟ او حتى نظرتة ليكى كدة ؟؟ طيب ما احنا نقطع الشك باليقين هقول لحضرتك ازاى تحت كدة اكلمنا فى اول نقطة اتمنى حضرتك تكونى مقتنعة بيها ثانيا انتى صليتى صلاة استخارة ؟؟ حاولى تستخيرى ربنا قبل اى حاجة فى الموضوع دة ربنا هوة الى هيريحك بجد اكتر من اى حد ثالثا عشان مكبرش عليكى الموضوع هقولك الحل من وجهة نظرى وهحط شرط فى الاخر للحل دة وانا متابع معاكى باذن الله الحل اولا الفتى نظراتة على قد ما تقدرى ووقتها هوة هيبدأ فى الكلام اكيد لو حابب لو رافض الموضوع يبقى تنسية تماما ومش تفكرى فية تانى طب لو هوة فعلا بدأ يكلم ؟؟ كلمية وكل حاجة بس بشرط موضوعك يكون فى النور قدام اهلكم والناس كلها ورسمى هتقدرى ؟؟ متابع معاكى ان شاء الله فى رعاية الله |
اقتباس:
مشكلتك مش تافهه ولا حاجة بس انا حاسه الموضوع عايز منك قوة اراده اكتر من كده شويه ده غير انك طبعا لازم يكون ايمانك بالقضاء والقدر كبييير انا حطيت نفسى مكانك واكيد لو مكانك عمرى ما هاروح اقوله انى بحبه مثلا بس ممكن اعرف انتى حكمتى عليه انه انسان كويس يستاهلك ويستاهل حبك على اى اساس؟؟ كل اللى بينكم نظرات لا اكثر وانتى متعرفيش اذا كان هو فعلا مرتبط بحد تانى ولا لا وممكن لو صارحتيه يلعب بيكى بصى الحاجات دى كلها قسمة ونصيب فعلا كل واحد فينا مكتوبله نصه التانى هيبقى مين تحديدا وهيقابله فين وازاى من قبل ما نتولد اصلا ومحدش يعرف الخير فين لو كان هو فيه الخير ليكى ربنا هيدهولك ولو مكنش يبقى ربنا هينقذك ويبعده عنه وهيوفقك للشخص المناسب اهم حاجه مترخصيش نفسك ابدا ابدا وفكرى بعقلك قبل قلبك وحاولى تنشغلى باى حاجه تلهيكى عن التفكير فيه والصلاة كتير وقراءة القرآن خير معين وابقى طمنينا عليكى اقتباس:
معلش ليا اعتراض عالجزئية دى ؟؟؟ تلفت نظره على قد ما تقدر يعنى تعمل ايه يعنى ؟؟؟:o:o |
بسم الله الرحمن الرحيم انا قريت ردودكم و جزاكم الله خيرا المهم انا حفهمكم اكتر فى حكاية النظرات دى . هو مش بيرضى يبص عليا لما اكون واقفة فى البلاكونة و فيه حد معايا مبدئيا و فى مرة كنت واقفة فى البلاكونة بنيم البيبى و كدة و هو كان واقف تحت مستنى والدته تيجى انا طبعا كنت مركزة مع البيبى اكتر عشان تنام و سايباه هو فبالصدفه اخدت بالى منه و شوفته كان بيبص لى زى اللى بيخطف نظرة كدة خصوصا و ان كان البواب بتاع العمارة واقف تحت و معاه اصحابه و لما اخد باله انى بصيت له التفت بعيد و عمل نفسه بيشوف حاجة فى الموبايل هو من النوع اللى بيتكسف جدااااا لان تربيته كدة لان انا و هو متربيين مع بعض لكن لما كبرنا مبقاش فيه كلام عشان مامته بقت تقوله عيب و معرفش اية و كدة و هو متدين اوى و محترم جدا بشهادة الجميع . انا اخويا يبقى معيد فى كليته و بيحكى لى انه عمره ما كلم بنت حتى لما بنت بتيجى تساله عن حاجة بيرد و وشه فى الارض او مايردش اصلا و فيه مواقف تانية كتير من ناحية النظرات دى. مرة غصب عنى كان قاعد فى عربيته و انا بذاكر فى البلاكونة فسبت الكتاب و سرحت فيه غصب عنى و كان منظرى يضحك فعلا لاقيته هو كمان سرح فيا و كان شكلنا احنا الاتنين يضحك بس هو فاق قبل منى لان البواب برضو كان واقف انا معرفش اذا كان هو بيحبنى ولا لا و معمريش فكرت اقول له مع ان كل العيلة عارفة بابا و ماما و اخويا و عمتى . قولوا مصر كلها عارفة ما عدا هو . و لو فكرت الفت نظره حتى . هعمل اية دة انا لما بشوفه هما يادوب 3 ثوانى مش بيكملوا حتى و المشكلة انه كمان مش ليه اخوات بنات يعنى الموضوع مقفول من كل حتة انا فعلا تعبانة حاسة ان اخرة حبى دة الموت اول هوصل لمرحلة من مراحل الجنون يعنى اعمل اية بس اخلى حد يروح يقوله . شكلها هيكون غبى . اخويا مش هيسأله اكيد عن حياته العاطفية لانه معيد هو ماله يعنى بالحاجات دى ثم انه مش قريب منه اوى للدرجة دى. ادعولى اوى انا خلاص بموت فى اليوم 9000000000 مرة بسببه و متحمله عذابى عشان بحبه و بقول اخرة تعبى النفسى و عذابى دة اكيد مش صدمة انا تعبت اكتر من تعبى فى مذاكرة 3 ثانوى |
على فكرة يا توتة ممكن يكون معجب بيكي وكدة بس ظروفه متسمحش انه يتقدملك مثلا
لإنه لسة في كلية دة اولا وثانيا الله اعلم ظروفه عاملة ايه يعني فإنتي من رأيي ان كل اللي عليكي تعمليه تصبري والصبر جميل وبعدين اقري قرآ، كتير وثقي ان اللي فيه الخير ربنا هيقدمهولك ومتستعجليش او حتى تلفتي نظره عشان لو كان معجب بيكي وواخد عنك فكرة كويسة متروحش بتصرف منك وربنا معاكي يا توتة تحياتي |
يا آنسة أنا عايزة أقولك بس إن حب إبن الجيران و الكلام ده مجرد حب مراهقة مش هيدوم .. انتى قلتى بقاله 4 سنين هقولك أنا ليا واحدة صحبتى كانت بتحب واحد جارنا 7 سنين و فى الآخر إكتشفت إنه حب مراهقة أو إعجاب زيادة عن اللزوم و بصراحة مش عندى حاجة تريحك و تخلصك من عذابك اللى انتى بتقولى عليه .. انتى من جواكى نفسك تتقدمى خطة ليه و ده فى نظرى غلط جداً .. حاولى على قدر ما تقدرى لا تشوفيه ولا تسمعى صوته خالص إعتبرى نفسك فقدتى الذاكرة :bosyht9: و حطى فى بالك إن اللى ليكى نصيب فيه هتاخديه .. يمكن ربنا يرزقك بشاب أصلح منه و أفضل منه .. محدش عارف الخير فين ده اللى أقدر أقوله |
اقتباس:
السلام عليكم ورحمة الله وبركاته ربنا يبارك فيكِ والله ويجمعك بإلفك في شرعه وحلاله جميلة مشاعرك .. وطبيعية جداً .. ويجب احترامها وحطها فوق الراس كمان بس للأسف يا ( سري جداً ) مفهوم الحب عندك مشوش شوية لإن الحب تعريفه الأنسب : هو علاقة شعورية معنوية تربط بين روحين بمقاصد شريفة والتشويش ده الطب النفسي كان اتكلم عنه وقال إن في مرحلة ما بين 12-17 ( أجمل مراحل العُمر في نظرى ) الحب مبيكونش متعرف جوا الإنسان بالشكل ده .. لإن البنى آدم لما بيتخلق بفطرته بيبقي عنده تعريف واحد تقريبا هو حب الأم والأب باعتبارهم أول شخصيات يتعرف عليهم في الدنيا الجديدة والحب الأكتر بيبقي للأم لإنه بيحس إنها بتديله سُبل راحته من ( رضاعه - رعاية .. إلخ ) وما إلي ذلك .. بيبدأ الحب ده يتوجه ويتطور جواه بفعل الأب والأم - في حالة تدينهم - إلي الإله وبيبقي حب سامى جداً وراقي جداً جداً .. بس بعد كدا الحب ده الشخص مبيحسش إنه موفر كل احتياجاته .. بيكون عايز أكتر لإن احتياجاته زادت .. فبيبدأ يدور علي شكل علاقة حب تاني .. وهنا بقي بتبدأ المُجازفة .. بمعني إن فيه مثلا ولد ممكن يتصورله الحب هو الفسق او العلاقات الغير شريفة وكذلك البنت .. ممكن البنت يتصورلها الحب بشكله المثالي ومعنويته وروحانيته ووراها المقاصد الشريفة وكذلك الولد .. بس بردو تعريف الحب جوا الإنسان مبيكتملش في الفترة دى .. بيبدأ يكتمل تعريف الحب في مرحلة مُتقدمة من العُمر وهى 22 سنة 23 سنة وفي السن ده بيزيد للإنسان إمكانية خاصة بإتخاذ القرارات بشكل مُمنطق أو منطقي .. مش معني كلامي إن أي حب دون ذلك هو مش حب .. لكن هو حب غير مُكتمل يحتمل إتمامه او عدمه .. يعني غير مؤكد .. لكن زي ما قولتلك في المرحلة بتاعت 22 - 24 دي بيبقي الحب أغلبه صح ومُناسب لإنه بيبقي قايم علي وجهه نظر شامله مش مُجرد احتياج للمشاعر او الشهوة فقط .. كدا اتكلمنا علي المشكلة بتاعتك وفهمناها يعني حلينا نصها إنما الحل الأساسي بقي فين .. جميل اوي إن الحب الإلهي عندك .. وإنك عارفه إن ربنا هو اللي ف ايده يتمملك الموضوع ده او ينهيه لإن كل إنسان مش ف ايده الكلام ده لإن الحب والارتباط والميثاق الغليظ ( الزواج ) بينتج عنهم بشر تانيين والبشر التانيين مكتوبلهم يجوا من نسل مُعين ( اللي هوا الناس اللي اتكتب عليها تتزوج بعضها بقي ) عشان كدا الحل دلوقتي ف حاجة إنك تحاولي متابعيش الموضوع فترة .. وحوليها لعادة والجألي لربنا كتير .. متقعديش علي النت مثلا وتجيبي أشعار رومانسية ( بما أنك رومانسية ) الجانب ده هيتعبك جداً بلاشه .. أقعدى أقري أدب واقعي ( زيي :d ) .. اقعدي اقري معلومات عامة .. اشتري كتاب علمى واقعدي اقريه .. مبتحبيش القراءة ارسمي .. مبتحبيش الرسم اكتبي .. مبتحبيش الكتابة خيطي .. مبتحبيش الخياطه يبقي انتي كدا خنقتيني :D ههههههههه .. بهزر معاكي .. أهم شئ تفرغي طاقتك دى وتحاولي تشغلي انتباهك عن الموضوع .. فعلاً فعلاً لو ليكي والله ماهيبقي من نصيب حد غيرك .. لو مش ليكي هتلاقي الحب في قلبك بيدوب والله بعد فترة صدقيني وثقي فيا :) تحت امرك وإحنا مع بعض ف الموضوع لو احتاجتي حاجة انا واخواتك موجودين :) ملحوظة صغيرة : المُصارحة لو هوا مش بيحبك هتخليه يعاملك مُعاملة تكرهك في الحب :) بلاشها أحسن |
جزاكم الله خيراً عالردود
و اللي فيه الخير يقدمه ربنا |
اقتباس:
امممممممم باين بردو انك مش مقتنعه طويب انا كنت كتبت راى الدين فى الموضوع ده قبل كده و نكتبه تانى عل و عسى يفيدك امممممممممم نمسك بقى اخر حته و اللى حبيت انى اختم بيها هى من الناحيه الدينيه بصى يا حبيبتى زى ما قولتلك فوق ان اللى بيحب بيبقى قلبه فاضى من الحب محتاج انه يحب و مش لاقى الحنان اللى هو عايزه و ده بيخليكى اى حد تشوفيه تحسى انك بتحبيه و يبدا الشيطان يزين ليكى الكلام و انه بيفكر زيك و انه طيب و انه و انه ويقول ابن القيم رحمه الله: "القلب إذا أخلص عمله لله لم يتمكن منه العشق فإنه يتمكن من القلب الفارغ" فاهمانى فيه حديث عن الرسول صلى الله عليه وسلم عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح". هذا الحديث أخرجه ابن ماجه والحاكم والبيهقي والطبراني وغيرهم.. وقال الحاكم: صحيح على شرط مسلم ولم يخرجاه.. والحديث حسن بمجموع طرقه.. وقد صحَّحه الشيخ الألباني رحمه الله في صحيح الجامع. يبقى خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه .. (حب = جواز) ... و ليس ( حب = جواز + لما تُفرج ) و ليس (حب = جواز لما أمهد لأهلي) و ليس (حب = جواز + بس لما نخلص الكلية ربنا يسهل) :bosyht9: انسيه عشان ربنا و ربنا حيديكى اللى احسن منه الحب و الجواز و الله دول رزق ربنا اللى بيديهم و هو وحده اللى عارف ايه اللى فيه الاصلح لينا قال رسول الله صلى الله عليه و سلم : "إن روح القدس نفث في روعي أن نفسا لن تموت حتى تستكمل أجلها و تستوعب رزقها فاتقوا الله و أجملوا في الطلب و لا يحملن أحدكم استبطاء الرزق أن يطلبه بمعصية الله فإن الله تعالى لا يُنال ما عنده إلا بطاعته " فاهمانى :) لسه بدرى و الله على الحب بجد عارفه كان فيه مثال قريته قبل كده بيقولك الطفل الصغير مثلا ... حمادة لو شاف تفاحة حمراء و جميلة :006et4: هيحب ياكلها .. صح ؟؟ بس هو لسه بيرضع http://www.ebnmasr.net/forum/images/...new/suzeta.gif, معدته لسه مش متعودة على التفاح .. و لسه مش وقت أكل التفاح ليه .. لو كل التفاحة و صمم , و هو لسه صغير .. ايه اللي هيحصل له ؟؟ بطنة هتوجعه لأن معدته مش متعودة لسة , و مش ده الوقت المناسب لسه .. .. يعني لو أكل قبل المعاد . هيبقى فيه نتيجة سلبية .. صح و لا لاء :) حتقوليلى طاب و انا اعمل ايه دلوقتى فى نفسى اقولك اقفلى عليه بالضبه و المفتاح و ارمى قفله فى ابعدها بحر و اوعى تفتحيه لحد دلوقتى و لو حد حاول يسرقه و يدخل ابعدى و و الله و الله لو عملتى كده حتلاقى ان ربنا يزوقك بواحد أحسن من اللي انتى سبتيه زمان .. لأنه كما يقول السلف (من ترك شيئا لله .. عوضه الله أفضل منه) يقول ابن القيم: "وحسب قتيل العشق أن يصح له هذا الأثر عن ابن عباس رضي الله عنهما على أنه لا يدخل الجنّة حتى يصبر لله و يعف لله و يكتم لله , لكن العاشق إذا صبر وعفّ وكتم مع قدرته على معشوقه، وآثر محبة الله وخوفه ورضاه، هذا من أحق من دخل تحت قوله تعالى: (وأمّا من خاف مقام ربه ونهى النفس عن الهوى * فإّن الجنّة هي المأوى)" "إنه من يتق و يصبر فإن الله لا يضيع أجر المحسنين" انا بقولك الكلام ده و انا عارفه كويس اوى انه صعب و اانا مش بقولك كده و انا بعمله و بطبقه بالحرف بس بحاول انى اعمل كده احنا بشر مش ملايكه و ربنا غفور رحيم :) ربنا يوفقك يا رب و يهديكى للى فيه الخير ان شاء الله :):):) فى رعايه الله |
بصى انا حجيبلك حته من مقال كنت قريته قبل كده عن مفاسد الحب ته :bosyht9: أحدها : الاشتغال بحب المخلوق وذكره عن حب الرب تعالى وذكره ، فلا يجتمع في القلب هذا وهذا إلا يقهر أحدهما الآخر ويكون السلطان والغلبة له . و شوفى انتى بنفسك و احكمى انتى فيكى و لا لاء :) العلامة ابن القيم حين قال وهو يتحدث عن هذه المفاسد فقال : الثاني : عذاب قلبه بمعشوقه ؛ فإن من أحب شيئاً غير الله عُذّب به ولا بد كما قيل : فما في الأرض أشقى من محب *** وإن وجد الهوى حلو المذاق تراه باكياً في كل حين *** مخافة فرقة أو لاشتياق فيبكي إن نأوا شوقاً إليهم *** ويبكي إن دنو حذر الفراق فتسخن عينه عند الفراق *** وتسخن عينه عند التلاقي والعشق وإن استعذبه صاحبه ؛ فهو من أعظم عذاب القلب . الثالث : أن العاشق قلبه أسير في قبضة غيره يسومه سوء العذاب ، ولكن لسكرة العشق لا يشعر بمصابه . الرابع : أنه يشتغل به عن مصالح دينه ودنياه فليس شيء أضيع لمصالح الدين والدنيا من عشق الصور الخامس : أنه ربما أفسد الحواس أو بعضها إما إفساداً معنوياًُ أو صورياً . أما الفساد المعنوي فهو تابع لفساد القلب ، فإن القلب إذا فسد فسدت العين والأذن واللسان ، فيرى القبيح حسناً منه ومن معشوقه ، فهو يعمي عين القلب عن رؤية مساوئ المحبوب وعيوبه ... اهـ رحمه الله .- عاوزه تصدقى أكثر إن ده مش اسمه حب .. و إن ده تعلق و عشق بس .. ؟؟؟ هاتى ورقه و قلم و جاوبى على السؤال ده :): السؤال هو : اذكرى 5 عيوب في اخو الولد ده بقى بتاعتك .. !!! ها مش عارفه ؟؟؟؟ شفتى بقى ؟؟ :d ما هم قالوا من زمان .. اسمع قالوا ايه : كانوا يعرّفون العشق فيقولون أنّه: "الميْل الدائم بالقلب الهائم، وإيثار المحبوب على جميع المصحوب، وموافقة الحبيب حضوراً وغياباً، وإيثار ما يريده المحبوب على ما عداه، والطواعية الكاملة، والذكر الدائم وعدم السلوان.." ويترتّب عنه "عمى القلب عن رؤية غير المحبوب، وصَمَمهُ عن سماع العذل فيه". –العذل يعني اللوم , يعني ما يصدقش إن له عيوب , أو شايف محاسنة أكثر من عيوبه- , وأما دواء هذا الداء العُضال : فقال فيه ابن القيم - رحمه الله - : ودواء هذا الداء القتال أن يعرف إن ما اُبتُليَ به من هذا الداء المضاد للتوحيد ؛ إنما هو مِن جهله وغفلة قلبه عن الله ، فَعَلَيْهِ أن يعرف توحيد ربِّه وسُننه وآياته أولا ، ثم يأتي من العبادات الظاهرة والباطنة بم يشغل قلبه عن دوام الفكرة فيه ويُكثر اللجأ والتضرع إلى الله سبحانه في صرف ذلك عنه ، وأن يرجع بقلبه إليه وليس لـه دواء أنفع من الإخلاص لله ، وهو الدواء الذي ذكره الله في كتابه حيث قال : ( كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ ) فأخبر سبحانه أنه صرف عنه السوء من العشق والفحشاء من الفعل بإخلاصه ، فإن القلب إذا خلص وأخلص عمله لله لم يتمكن منه عشقُ الصور:) ؛ فإنه إنما تمكن من قلب فارغ كما قيل : أتاني هواها قبل أن أعرف الهوى *** فصادف قلبا خاليا فتمكنا وليعلم العاقل أن العقل والشرع يوجبان تحصيلَ المصالح وتكميلَها ، وإعدامَ المفاسد وتقليلَها ... ومن المعلوم أنه ليس في عشق الصور مصلحة دينية ولا دنيوية ، بل مفسدته الدينية والدنيوية أضعاف ما يُقدّرُ فيه من المصلحة ، فـليس شـيءٌ أضيعُ لمصالح الدين والدنيا من عشق الصور : أما مصالح الدِّين فإنها منوطة بِلَمِّ شعث القلب وإقباله على الله ، وعشقُ الصور أعظم شيءٍ تشعيثا وتشتيتا له . وأما مصالح الدنيا فهي تابعة في الحقيقة لمصالح الدين ، فمن انفرطت عليه مصالح دينه وضاعت عليه ؛ فمصالح دنياه أضيع وأضيع . انتهى كلامه - رحمه الله ها ايه رايك و الله انا بكلمك بالمنطق و مش كلامى انا عشان مش يكون غلط من قله خبره او كلام و بس ده كلام ابن القيم و اعتقد او يا ريت تكونى عارفاه قربى من ربنا و الله و الله حتلاقى ان كل ده ملوش اى فايده على فكره كل كلامى ده بينصب فى الاساس على مبدأ الحب نفسه بغض النظر عن انك اساسا مش عارفه اذا كان هو بيحبك و لا لاء فى رعايه الله |
لو سمحتوا ممكن حد يعرف الاستذكار واضح انه مشتق من الذاكره فهل نحن نعتمد علي الذاكره في التحصيل العلمي؟ ثانيا هل التحصيل هو بحل الاسئله المكرره والموجوده داخل جميه الكتب الخارجيه؟ ثالثا ماهي معايير الامتحان في الماده العلميه او الادبيه؟ رابعا هل الامتحان في اخر العام سيغطي جميع اجزاء المنهج؟ خامسا هل سيتعمد وزيرنا "المحبوب " الي 15% للطالب المتميز كل عام و85% للطالب المتوسط اللي اعلن انتحاره من يومين لان الوزير ضحك عليه ؟ اذا استطعت الاجابه عن هذه الاسئله اجابه صحيحه بالنسبه للك ومقنعه اضمن التفوق
|
السلام عليكم
اولا انا واحدة مشكلتى تعتبر اقرب لمشكلة الفتاة اللى اتكلمت قبلى بس انا مشكلتى تخطت المرحلة دى شوية بس ارجوكم اللى مش هيعجبه كلامى بلاش يرد عليا عشان مايزودش جرحى لانى بجد مش هقدر استحمل اكتر من كده نفسى احكى لحد من غير ما ابقى خايفة من اللى هسمعه رغم انى عارفاه كويس المهم عشان ماطولش عليكوا انا اعجبت بواحد من فترة كبيرة واتعلقت بيه جدا كل ده ممكن يكون عادى وبيحصل انما اللى ماحصلش قبل كده ومستحيل ان انسانة طبيعية تعمله انها تروح تصارحه بكده انا عارفة ومتاكدة ان اى حد هيقرا كلامى هيقول عليا مش مؤدبة ومش محترمة وانا معترفة بكده فعلا لكن نفسى اتكلم مع حد وخلاص نفسى انسى الجزء ده من حياتى كانه ماحصلش لانى كل مابفتكر بتجرح اوى وكل ماتيجى سيرة الموضوع ده حتى لو من بعيد بحس ان الكلام عليا انا حاسة بندم فظيع وحاسة انى منافقة رغم انى حكيت لماما وهى قالتلى خلاص انسى والزمن بينسى كل حاجة وفعلا كنت قربت انسى كل اللى حصل وكل اللى انا عملته وكل الوقاحة اللى اتصرفت بيها لكن رجعت تانى وفتحت الموضوع فى قلبى تانى وكنت بضحك على نفسى واقول عادى انا مش بفكر فى كده تانى خلاص بس اتحول كل الماضى اللى كنت بهرب منه وبقى كابوس بيطاردنى وانا صاحية ووانا نايمة وفى كل وقت وبجد مش عارفة اعمل ايه |
اقتباس:
بس هو طلع انسان اوى وتقبل الامر بكل بساطة بس اكيد طبعا نزلت من نظره زى من نزلت من نظر نفسى ويمكن اكتر واكيد بيقول عليا اكتر من اللى قولته على نفسى مية مرة انا بس طالبة منكم انكم تقولوا رايكم فى واحدة عملت كده وقولوا رايكم بصراحة ومن غير تذويق فى الكلام لان هو ده اللى هيريحنى مش عايزة حد يضحك عليا ويقولى عادى ومفيهاش حاجة انا عارفة ان مفيش بنت مؤدبة ومحترمة تعمل كده ابداااااااااا وانا استاهل اكتر من كده مليون مرة انا عارفة انى ضايقتكم واصلا الموضوع بتاعى كله ملوش لزمه لانه مايختلفش عن موضوع اللى قبلى كتير وانتوا ردتوا عليها وغطيتوا كل النقط اللى ممكن نفكر فيها انما النقطة الوحيد المختلفة هى دى اللى خلتنى اكتب واحاول اسمع رايكم بصراااااااااااااااااااحة |
السلام عليكم ورحمة الله وبركاتة
انا والله العظيم مقدراكى وعارفة التجربة والمرحله اللى انتى بتمرى بيها صدقينى انا كمان بمر بيها وياسبحان الله موضوعك تبك من الاصل من موضوعى حتى المدة للى انتى تعرفية فيا انا كمان اعرفة فية بس انا كمان بتعذب اوى وللاسف انا لو كان عندى جواب اقولهولك كنت قولتة لنفسى وكنت عملت بية بس انا من رائي حاولى على قد متقدرى انسية اعملى زى مانا بعمل دلوقتى انا بحاول اشوة صورتة الحلوة الجميله فى بالى بحاول اخترعله اى عيوب فية بس بردة لو لقيتى الفرصة انكم تفاتحوا الموضوع مع بعض حاولى تكملى وتتقلى بس متتسرعيش حاولى انتى تجيبية من نظراتك وضحكتك وابتسامتك حاولى تشدية ليكى وربنا يوفقك ويوفقنى انا كمان |
بصي ياسري جدااااااااااااا............. أنا عارفة أنك حاسه بالذنب الفظيعة ....... بس هقولك حاجة .......... هل فيه انسان في الدنيا دي كلها مش بيغلط طبعا لا وفيه حاجة اهم خير الخاطئين التوابون صدقيني لو رجعت لربنا بقلب صافي ربنا هيسامحك ربنا بيغفور الكبائر .... أكيد طبعا ربنا هيغفر لك .. وبدل انتي عرفتي غلطك دا شيء في حد ذاته كويس انا ع فكرة شايفة ان مش عيب خالص ان الواحد يغلط بس العيب اللي بجد انه بدل عرف انه غلط لازم يصحح غلطه... صدقيني ادامك الفرصة انك تبدائي حياة جديدة ... وتبقي بنت الكل يبصلها بحترم .. ورفعه رأسك ع طول ربنا يوفقك في حياتك كلها;);) |
اقتباس:
أكيد مش كل البني آدمين زي بعض ياأخت ( سري جداً ) مش كُلنا عندنا التقنيات اللي تخلينا نتعامل مع المواقف بحكمة او تعقل عارفه انا لما قولت للأخت اللي قبليكي متصارحهوش .. هو لإني مكنتش عايزها تحس نفس إحساسك دلوقتي لو طلع الموضوع مش نافع مشاعرك جميلة جداً بجد .. ومينفعش محدش يحترمك عشان تعبيرك عن مشاعرك ويبقي فيها ظلم قوى جداً لمشاعرك .. للأسف المشاعر مش بنقدر نتحكم فيها وزي ما ماما قالتلك الوقت صدقيني هينسيكي .. اللي ارتكبتيه خلينا نفترض إنه غلط بس أكيد قصدك مكانش غلط .. اكيد الخير اللي جواكي كان موجود زي ما هوا موجود دلوقتي .. مش عارف حاسك انا .. ربنا بيغفر لما بيلاقي الإنسان حابب يبقي أحسن .. وصدقيني مشكلتك علي اد طاقتك " لا يُكلف الله نفساً إلا وسعها " متقلقيش انتي ادها وادود ربنا يبارك فيكي يارب ويبارك ف الخير اللي فيكي صدقيني فيكي خير اوى والشخص اللي زيك عمره ما يقل ف نظر حد ( محترم عاقل ) :) |
اقتباس:
بصى اولا مفيش حد يقدر يقول انك المفروض تعيشى فى الحاله اللى انتى فيها لازم تكونى عارفه من الاول ان كل ابن ادم خطاء و كلنا اولاد الخطأ و مش بنتجزأ عنه بس خير الخطاين التوابين :) يعنى خلاص اللى حصل حصل مش تعيشى نفسك فى الماضى انسيه عشان تعرفى تتحررى و تسامحى نفسك و تسامحيه الدنيا بجد مش بتقف على موقف و لا على حاجه بس فى حاجه كونك بتقولى عايزه اسمع رايكو فى اللى تعمل كده هل راينا حيفرق معاكى بمعنى هل راينا بس هو اللى يحددلك طريقه تفكيرك و شعورك تجاه نفسك احنا مجرد ناس و راينا ماهو الا انعكاس لينا احنا و بيعبر عننا اكتر بكتير ما بيعبر عنك هو بيعبر فى الاساس عن شعورنا تجاه نفسنا مش عنك انتى فسواء اللى حيقولك عادى او اللى حيقولك عيب الاتنين مش بيعبروا عنك فى شئ :) ملخص كلامى انسى و سامحى نفسك و اسمحيلها انها تطلع كميه الخير اللى جواها انتى انسانه جميله بجد استغفرى ربك و قربى منه بجد مش كلام و انتى حتلاقى الى يملى قلبك كله و مش حتحاجى لحب الا يوم ما تكونى قدام الانسان اللى ربنا كاتبهولك :) فى رعايه الله |
معلش كنت عايزه اعلق على شويه حاجات كده
اقتباس:
امممممم طيب لما تكون المشاعر هى نفسها غلط احنا بنتكلم على الفكره نفسها مش على فكره مين قال لمين ده منظور ضيق للمسأله اما لو شوفناها من حته اعلى احنا بنتكلم على ان المشاعر دى نفسها غلط انها تكون موجوده دلوقتى و غلط ان الانسان يتعلق بحلم مش حيكون دلوقتى لانه بطبيعه الحال مش فيه جواز ليهم فى السن ده و زى ما قولت الحديث ده كتير عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح". و فى كلمه عن ابن القيم بجد بتوصف كل حاجه ويقول ابن القيم رحمه الله: "القلب إذا أخلص عمله لله لم يتمكن منه العشق فإنه يتمكن من القلب الفارغ" فالعشق اللى هو يقصده اللى هو العشق اللى قبل الجواز اللى مجرد كلام و بس هو ده اللى غلط :) فكونها انها تعبر اساسا عن مشاعر غلط انها تكون موجوده هى دى القضيه مش قضيه مين قال لمين :) يلا فى رعايه الله |
بعد إذن الجميع المشكلة دى إنتهت و المفروض إن الموضوع فضفضة بس مش عن الحب و ده كويس مننا إننا ردينا على البنت صاحبة المشكلة بس الردود اللى شيفاها دى كافية أوى لحل المشكلة المشكلة إنتهت و أرجو عدم الرد بالنسبة للمشكلة دى تانى |
بصراحة بعيد عن اى حاجة الموضوع جميل جدا و مجهود جامد.....
انا كنت عملته من سنة و نص و الحمد لله حصله فشل ذريييييييع... و فرحت ازى لما لقيت حد احيا الفكرة و نفذها احسن منى كمان واهتم.. ربنا يوفقكم و ان شاء الله اتابع و اقدر اساعد ... ربنا يحل مشاكلنا كلنا.. آمين |
اقتباس:
اقتباس:
اللهم آمين والحمد لله ان الفكرة اتنفذت المهم اننا نساعد بعضنا وياريت تتابع معانا مستنينك |
السلام عليكم و رحمة الله و بركاته بما ان محدش قايل مشكلة فاسمحولى اقول حكاية تعتبر مشكلة بالنسبالى انتوا عارفين ان الصداقة نادرة حاليا انا عندى واحد/ة صاحب/تى و احنا اكتر من اخوات بجد مش هلاقى بديل ليه/ا المهم المشكلة ان ام الصديق/ة عايزة تبعدنا عن بعض باى طريقة مع ان اسرتنا صديقة اسرتهم بس الحجة ان الاولاد فى السن ده بيبوظوا بعض و كانت الام بتحجج الاول بالدراسة و المذاكرة و بعديها دول بيعرفوا بعض حاجات مش كويسة ( مع ان والله مفيش حاجة من دى بتحصل ) و انا بجد مش عايز/ة اخسره/ا و كل شوية الام تكلم امى و تقولها كلام معناه ابعدى ابنك / بنتى عن ابنى/بنتى انا مش عارف/ة اعمل ايه اكمل معاه/ا ولا اسيبه/ا بناء على رغبة الام هى الحكاية ممكن تكونوا مش شايفناها مشكلة بس هى مضيقانى و مكنتش ناوي/ة اقول لحد لكن بالصدفة شوفت الموضوع ده فقولت اجرب اتكلم معاكوا يمكن استريح معلش مش عايز/ة اقول انا ولد ولا بنت |
اقتباس:
انا هاتكلم بصيغة الولد... و على فكرة دى مش حاجة بسيطة دى فعلا زى ما بتقول مشكلة.... لانه اكتر حد بتقضى معاه فترة من حياتك هما الاصدقاء ..... بالنسبة للموضوع ده انا احب اقول حاجة و افتخر بيها... انا ليا اصاحب اتنين اجدع و احسن اصحاب ممكن اقابلهم.... فيه طرفين منا احنا التلاتة معارض الصداقة دى ...من الاهالى... بس بينا و بين نفسنا عارفين اننا مش بنعمل حاجة غلط او حاجة تغضب ربنا... مش بنأذى حد....خلاص مش مهم بقى و الاول اهم حاجة الصديق ده لازم تكون واثق انه يستاهل... يعنى بينكم و بين بعض صداقتكم قوية بنسبة كام فى المية.... اكيد فيه اسباب تخلى ام صاحبك تعمل كدة.... و ممكن تكون الاسباب دى هى اللى شايفها بس او ممكن كمان تكون هى اللى عاملاها.... بينكم و بين بعض لو الاسباب اللى هى بتزعمها صح...فضوها.... لكن طالما انتوا واثقين من صداقتكم مش مهم الباقى... انا و اصحابى قعدنا مع بعض كذا مرة و حاسبنا نفسنا و حاسبنا بعض و قسنا بالمواقف قوة الروابط اللى بينا.... و لقينا انها تستاهل اننا نحارب عشانها...او بلاش نحارب ممكن نقول تستاهل اننا نحميها... و انا بارجح ان الام عندها خوف غير مبرر..و هى بتحط له الاسباب... ممكن يبدأ صحبك انه يفهم مامته قد ايه الصداقة دى مهمة ليكم... و قد ايه هى لوجه الله وحده بعيد عن اى غرض او غلط..... و احب اقول نقطة فى الاخر انا زى ما لقيت اجدع اصحاب اتخميت فى اول صديق ليا و خانى اكبر خيانة بعد 6 سنين صداقة..... لكن اتعلمت بدأت افهم الناس اعرف افرق بين الخاين...و الصديق و الصاحب و الزميل و المعرفة و الاهل و القرايب... كل دى مفاهيم مختلفة.... و فى الاخر باقول طالما انتوا صح حافظوا على صداقتكم بكل الطرق المشروعة.... و ربنا يجمعكم على طاعته سوا فى الدنيا و فى الاخرة فى الجنة ان شاء الله.... :039uw8: الصداقة و الحب اندر من الجواهر....اندر من الذهب و اندر من الفضة و حتى اندر من البلاستيك.... هيه فرفش بقى و فكها و خليك رايق...:friendsxs3:و معلش انا طولت اوى جدا خالص.... |
اقتباس:
او انتي بنت والي بتتكلمي عنه ولد فهمت بس لان الدين بيقول كده فلازم تبعد عنها او تبعدي عنه لغايه ما تخلصي دراستك عاوزك اوز عاوزها تروح لها لما تبقي قادر علي الجواز بس اما لو العكس فلازم يكون في سبب يعني يستحيل هيبعدوكم عن بعض من غير سبب |
احفظ كويس وحل على قد ما تقدر اكبر عدد من الاسئلة والكتب
|
انا عندى طريقه عبقريه
وهى كالتالى ان كل واحد معاه كتب خارجيه يفهمو كويس ويحفظوا اكتر من اسموا و100% نتيجه افضل |
شكرا ع الموضوع
وطبعا طريقة المزاكرة بتختلف من طالب للتاني بس انا فـ رأيي ان احسن طريقة للمزاكرة هيا ان ف الاول نقرأ تلخيص المنهج كامل او الجزء المقرر مزاكرته كامل يعني عشان نعرف الفكرة العامة ونعرف هنبدا بايه ونوصل لايه بعدين نقراه كمان مرة ونركز اكتر ونفهم اكتر ونحاول نركز اوي اوي على النقط المهمة والملحوظات .... بعدين نفتح اي ملخص حلو فيه اسئلة حلوة يفضل يكون ف الاول فيه اسئلة مجاب عنها نقراها كلها ونقرا الاجابات كويس ونفهمها بعدين نروح نحل اسئلة مش محلولة او ليها حلول بس ف كتاب تاني او وف اخر الكتاب نبدا نحل كويس اوي ونكز ونفتكر كل اللي قراناه واي نقطة تقف معانا نروح نشوف الاجابة بس طبعا مش الاجابة كلها نروح نشوف جزء صغير بس يفكرنا باللب قراناه ونحاول نفتكر اللي كتبناه ويفضل طبعا نكتب الحل بالايد ... مع ان فيه ناس بيفضلو انهم يعتمدو ع مخهم بس .. بس بقول يفضل . وبعد منخلص كمية كبيرة من الاسئلة المتنوعة نبص سريع ع الجزء دا تاني من غير منقراه كله نركز بس ع المهم فيه واوعو حد يحفظ يا جماعة اي حاجة لازم تفهمووووو وبس والاجابات هتقدرو انتو تقولوها من عندكم مادام فاهمين الحفظ ميبقاش الا في الحاجات اللي لازم تتحف ومينفعش تتفهم بس زي النصوص ف العربي والكلمات ف الانجلش والفرنساوي و الالماني وكده وان شاء الله بعون الله اضمن لكل واحد يتبع الطريقة دي من اول السنة لاخرها انه يطلع من الاوائل باذن الله صحيح انا مكنتش بطلع من الاوائل لاني ربنا يسامحني مكنتش بعمل كده الا ف اخر شهرين ولا اخر شهر وناسي نفسي طول السنة طبعا اوعو حد يعمل كده محدش ضامن انه هيلحق يخلص فلو كل واحد عمل الطريقة دي من اول السنة هيدعيلي بعد ف اخر السنة ان شاء الله وف النهاية بتمنالكم كلكم التفوق والنجاح في حياتكم ... وفي دراستكم لو طلاب وفي شغلكم لو غير كده ... |
السلام عليكم ورحمة الله وبركاته بصراحة أنا واقعة في مشكلة بجد مش عارفة هي فعلا ممكن تتسمي مشكلة ولا ايه باختصار شديد انا مش بعرف اتخذ قرار كل قرارتي خاطيء بحس اني شخصية ضعيفة اقل حاجة في حياتي مش بعرف اختار فيها يمكن البداية كانت في 2ث كنت كاتبه رغبتي ادخل ادبي.... وبعدين لقيت ناس كثير (لا )ومش عارفة ايه واللي يقولي جربي وانا زي العبيطه رحت مغيرة وكتبت علمي زي ما هم عايزين انا مقصرت وكنت بذاكر بس طبعا جبت مجموع وحش وحولت وجبت مجموع بجد انا مبسوطه بيه .......... المهم لما جينا نقدم للكلية مش كنت عارفة انا عايزة ايه:( بس اللي كنت عايزة اني اخرج من بلدنا يمكن الاقبي ناس تانية وتعلم منهم بس اهلي قالوا بدل مش كليات قمة يبقي كل كلية زي الثانية وفعلا قدمت في بلدنا كان في قسمين ادامي في الكلية وانا لحد اللحظة دي مش عارفة اختار خايفة اختار اختيار وبعد كدا اندم عليه ...... كل حياتي ندم بسبب القرارت الخاطيء ومش انا اللي بقرر حياتي الناس اللي حوليه ...وبعدين اهلي قالوا اختاري القسم اللي انت عايزه طبعا انا محتاره وبعد كدا بنت عمتي اقنعتني بقسم معين قلت ماشي هختاره دلوقتي هم بيقنعوني بالقسم الثاني المشكلة بجد اني مش بعرف اخذ قرار وبقي اد المسئولية والله العظيم انا تعبت وزهقت ومش طيقة نفسي :( حاسه اني عندي اكتئاب شديد من الموضوع دا ........!!!!!!!!!! |
اقتباس:
ببساطة كل واحد فينا بيتخذ قرارات خاطئة في حياته بس مش بيحلها بالندم بيحلها بالاستفادة في الغلطة ده فانتي دلوقتي سمعتي كلام ناس ورحتي في مكان مكنتيش عايزة يبقى متكرريش نفس الغلطة وتروحي تمشي ورا كلام الناس تاني الاهل دايماً بيبقى ليهم رأي ووجهة لابنهم او بنتهم والابن احياناً بيبقى متفق معاهم بس في الغالب لأ دلوقتي بتقولي قدامك قسمين عارفة كل قسم بيحكي عن ايه ؟ المفروض الواحد بيسأل واهل الخبرة كثيرون ولو رحتي القسم الخاص بكليتك إن شاء الله تلاقي حد يفيدك في الموضوع ده اكيد ليكي رغبة ونفسك تطلعي حاجة في المستقبل شوفي كل قسم من دول حيطلعك حاجة مين فيهم اقرب لميولك واهتمامك ؟ ايه المواد اللى بتحبيها اكتر ؟ محدش فينا لحد دلوقتيبيعرف يتحمل مسؤولية كفاية بس لما الواحد يجرب وبتجرأ ويختار بنفسه يمكن يحس بمكانته اكتر |
اقتباس:
السلام عليكم ورحمة الله وبركاته يعني طبعا انا هقول ايه بعد اللي banzer قاله بس يعني بجد دي مشكله صعبه شويه ممكن عشان مش اتعودتي من صغرك تخدري قرراتك بنفسك او ... او .. الخ طيب دلوقتي انتي لازم تحولي تثقي في نفسك وتفكري انتي عوزه ايه مش الناس اللي حوليا عوزين ايه مفيش اي مانع طبعا ان احنا ناخد راي اسرتنا او كده يعني مثلا انتي ممكن تقعدي تتناقشي مع اسرتك وتتكلمي في موضوع القسم ده ومع المناقشه هتحسي انتي عوزه ايه بس يعني وتحولي تعملي كده في باقي الحجات يلا يا رب اكون افدت بحاجه تقبلي مروري |
1453698]ببساطة
كل واحد فينا بيتخذ قرارات خاطئة في حياته مش عارفة يمكن بس بحس ان ممكن اكون اكثر بس مش بيحلها بالندم حد في حياته بيغلط في غلط بيضيع حياتنا ومستقبلنا يمكن الندم عشان مش نغلط تاني بيحلها بالاستفادة في الغلطة ده اه طبعا باستفيد بس بعد فوات الاوان فانتي دلوقتي سمعتي كلام ناس ورحتي في مكان مكنتيش عايزة يبقى متكرريش نفس الغلطة وتروحي تمشي ورا كلام الناس تاني صدقني انا مش بمشي بمزاجي انا بمشي وراء كلامهم عشان انا مش عارفة اختار الاهل دايماً بيبقى ليهم رأي ووجهة لابنهم او بنتهم والابن احياناً بيبقى متفق معاهم بس في الغالب لأ انا دايما مش متفقة معاهم بس بمشي وراء كلامهم دلوقتي بتقولي قدامك قسمين عارفة كل قسم بيحكي عن ايه ؟ معلومات بسيطة مش كل المعلومات المفروض الواحد بيسأل واهل الخبرة كثيرون اهلي بيسألوا بنيابه عني ولو رحتي القسم الخاص بكليتك إن شاء الله تلاقي حد يفيدك في الموضوع دهلما بسأل حد مااما بتقعد تقولي **عشان فلانه قالتلك كلمتين بتمشي وراها ومش عارفة ايه اصلك مش ليك شخصية اصلا*** اكيد ليكي رغبة ونفسك تطلعي حاجة في المستقبل شوفي كل قسم من دول حيطلعك حاجة مين فيهم اقرب لميولك واهتمامك ؟ مش عارفة بجد بصراحة انا دخله الكلية عشان المجموع من اكثر ولا اقل الحكاية حكاية مجموع:( ايه المواد اللى بتحبيها اكتر ؟ محدش فينا لحد دلوقتيبيعرف يتحمل مسؤولية كفاية بس لما الواحد يجرب وبتجرأ ويختار بنفسه يمكن يحس بمكانته اكتر [/quote] انا بخاف بخاف اووووووي مش بحب اختار بنفسي عشان مش احمل نفسي المسئولية ومش حد يلمني بعد كدا انا عارفة ان ردودي رخم وغلسه كمان بس بجد هي دي الحقيقة شكرا ع مساعدتك وانا ان شاء الله هروح اسئل في الكلية يمكن اقدر اقرر |
اقتباس:
مش عارفة اتناقش معاهم هم عايزين حاجة وانا حاجة تانيه ومفيش مجال اصلا وبعدين كلامهم بيتعب اعصابي بجد لان فيه ناس كثير بتقعد تقول كلام مستفز اصلك مش دكتور عشان تشرطي وحاجات غريبه انا حاسه اني بكره نفسي بسبب كلامهم دا ع العموم متشكره ع مساعدتك |
اقتباس:
انا بخاف بخاف اووووووي مش بحب اختار بنفسي عشان مش احمل نفسي المسئولية [/quote]ومش حد يلمني بعد كدا انا عارفة ان ردودي رخم وغلسه كمان بس بجد هي دي الحقيقة شكرا ع مساعدتك وانا ان شاء الله هروح اسئل في الكلية يمكن اقدر اقرر بمكن هدفك مشوش شوية لإنك داخلة بالمجموع مش بالرغبة بس برده يمكن لو سالتي حتلاقي إنه الافضل كان في حتة تانية متعرفيهاش وبكره تحمدي ربنا إنك مرحتيش لمكان تاني كان ممكن يبقى اصعب وغالباً في المواقف اللى فيها الخيارات الصعبة بنصلي ركعتين الاستخارة ودول مهمين جداً طبعاً بعد الاخذ بالاسباب ومعرفة كلا المنطقتين اللى رايحنلهم والمميزات في كل منهم على فكرة انا برده كنت بخاف من اتخاذ القرارات وخصوصاً الكبيرة بس في حاجات مينفعش اسيبها من غير اختيار عشان كده بقى لازم اختار حتى لو انا مش قد المسؤولية بكره اتعلم ومحدش بيعرف من غير ميجرب والحياة مغامرة ومخاطرة زي ما بيقولو فمفيش حاجة ممكن نعملها تخسرنا إلا التقصير في عمل الحاجة لا اكثر وربنا يوفقك ان شاء الله في اختيارك |
اقتباس:
العفوا انا معملتش حاجه |
| جميع الأوقات بتوقيت GMT +2. الساعة الآن 07:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.