|
السلام عليكم استاذ محمود
شكرا على ردك الجميل واتمنى ان تكون فى اطيب الاحوال كنت قد سالت فى السابق عن انك تعين 1/7/2004 وعن دخولك المرحلة الثانية ولكنى قرات اليوم ان احد الزميلات فى نفس حالتك ارسلت الى البريد الالكترونى الخاص بالاكاديمية وردوا عليها بالاتى :- لقد ابلغت عبر الايميل من الاكاديميه بالاتي شروط التقدم للترقى · ان يكون المعلم حاصل على كادر المعلم ( اجتاز فى امتحانات الكادر) · على راس عملة · ان يكون تاريخ الدرجة المالية حتى 30/6/3004 الشريحة الثانية يرجى التاكد من صحة البيانات ، اما من لا ينطبق عليه ذلك التاريخ سوف يتقدم للترقى الذى يعقبه قريباً . يعني قبل تعيني بيوم ولاني لم ادخل اختبار الكادر لاتنطبق علي الشرطان الاول والثالث بصراحه فيه ظلم ظلم ظلم لاني لم ادخل الاختبار بسبب ظروف خارج عن ارادتي انا نقلت لك الرسالة كاملة حتى لا تفكر الان فى الترقية وفكر فى صحتك وهى اهم نعمة من الله عز وجل يعنى لسة ولا شهر يكون حلها ربنا اللهم اصلح احوالنا جميعا |
زملائي الاعزاء مشتاقة - محمود - انج وهاب
السلام عليكم ورحمة الله وبركاته هذا الخبر أنا لسه شيفاه علي الموقع الرسمي للأكاديمية تقررمد فترة التسجيل للترقي في وظائف كادر المعلمين للسادة المعلمين الذين مر عليهم 7 سنوات أو أكثر فى وظيفتهم على الكادر أو الدرجة المالية المناظرة قبل النقل على وظائف الكادر، أو 7 سنوات على الأقل فيهما معاً لمــدة اسبـــوع . حبيبتي الغالية انج وهاب أنا موافقاكي بخصوص أنه حرام تضيع سنة كاملة علي أبني بس أنا سمعت أنه ممكن لما أنزل مصر يعمل أمتحان يعتبر بمثابة معادلة ويمتحن في المواد الخاصة بمدارسنا في مصر بنفس مرحلته العمرية والدراسية ( ياريت لو حد عنده نفس المشكلة دي يرد عليا ) والحل الثاني أني أطلعه من المدرسة الاجنبية وأدخله مدرسة عربية يعني أخر سنة ليه تكون بمدرسة عربية . بس أنا بيني وبينك نفسي أولادي يطلعوا يعرفوا أنجليزي وميكونوش زينا أخذنا الانجليزي بمدارسنا في مرحلة عمرية متأخرة حتي أننا بننطقه غلط للأسف . المهم مش هطول عليكي واللي فيه خير ربنا يقدمه وأهو أحنا بنكافح كفاح الابطال مع أولادنا ومع مشاكلنا كمدرسين التي لا تنتهي مع وزارتنا ووزيرنا . المهم بس طمنينا عليكي دايماً . الاخ المحترم محمود ردودك قصيرة وحزينة فين البهجة اللي كانت بتكون فيها والألوان والزينة في الكتابة بتاعتك قلت لك قبل كده سبها علي الله وأنا عارفة أنك مؤمن وسايبها علي الله . وعودة قريبة إن شاء الله إلي عملك وشغلك . وربنا يطمنا عليك دائماً ويعطيك الصحة والعافية . مشتاقة يا مشتاقة بتوحشينا كتييييير طمنينا عليك وعلي الاهل بليبيا الحبيبة . ودعواتي لك بالسلامة والصحة دائما يا حبيبتي . |
اعزائي مشتاقة - انج وهاب - محمود
النتيجة بانت يا جدعان - النتيجة ظهرت بعد طول انتظظظار ياه أنتم عملتو ايه في النتيجة ....ارجووووكم طمنوني عليكم جميعاً فأنا لن اشعر بلذة النجاح إلا بعد أن أطمئن عليكم جميعا أنا فرحتي مؤجلةةةةةةةةة لغاية لما تطمنوني أعزائي وحبايبي . |
الف الف مبروك للجميع واتمنى ان يكون الجميع قد اجتاز الامتحان وتمنياتي دائما بالنجاح والتوفيق
:028ja7::022yb4: |
مبرووووووووووووووووووووك ندى انا نجحت عقبال الجميع
|
اقتباس:
ألف مبروك يا أنجي وأنا كمان نجحت الحمدلله ويارب يطمنا على محمود ومشتاقة وندي مستنيكم يا جماعة تبشرونا |
اقتباس:
الف الف مبروك يا ندي وانا كمان ويارب طمنا على مشتاقة ومحمود |
الى الاخت مشتاقة والاخ محمود
عووووودووو ا الى صفحتكم نحن فى انتظاركم طمنونا عنكما |
والله لسه عارفه حالا ان النتيجه طلعت والحمد لله نجحت
معلش اسبكم علشان الحق الشغل ولما اجى يكون الاستاذ محمود كمان طمنا عليه الف مبروووووووووووك للجميييييييييع مبروك يا ندى |
شكرا لكل اللى ساعدنى على النجاح الاستاذه مشتاقه لمصر والاستاذ محمود
|
شكرا استاذ وليد ويارب من نجاح الى نجاح :022yb4:
|
اعزائي مشتاقة - انج وهاب - محمود - وليد
السلام عليكم ورحمة الله وبركاته شكرا لكم جميعاً . شكراً انج وهاب علي تهنئتك الرقيقة وعلي اسلوبك العطر . شكرا وليد علي تهنئتك ودعواتي لك ولي ولأصدقائي جميعاً بالخير دائماً شكرا يا مشتاقة يااللي مش فاضية لينا خالص اليومين دول عايزين مشتاقة وردودها السابقة اللي اتعودنا عليها . الاخ الفاضل محمود ماهذا الغموض في طول غيابك عننا . عملت ايه طمنا عليك وإن شاء الله ناجح . |
أخواتي اللي والله بحبهم قوي ووحشوني جدا جدا جدا جدا .. ندى - eng-wahab - المشتاقة لمصر - وليد - احمد ماهر حامد سامحوني على التاخير بس والله ظروف غصب عني.. بس الحمد لله عدت على خير.. ألف مليون مبروك ليكوا كلكم .. معلش متاخرة شوية.. أنا لسة والله ما شفت حتى صفحتي على الاكاديمية وعرفت اني نجحت عن طريق زميل بعد ما مليتو الباسوورد.. بقول لأختي eng wahab بشكرك على كلامك ونصايحك وسؤالك علي وربنا يكرمك يارب وهقولك على حاجة بجد أنا كنت متأكد إن الاجابة على مشكلتي انا وندى هتكون عندك.. اختي ندى يارب تكوني بخير سامحيني اني كنت سبب في تاجيل فرحتك يارب يكتبلك الفرحة والسعادة في اي مكان تروحية ويبارك ليكي في اولادك اللهم امين.. وبشكرك على كلامك الجميل وعلى ذوقك.. الحمد لله على نجاحنا ورحمة ربنا علينا لأن الأولاد في المدارس مش هيفهموا رسوب احد المعلمين في اي مكون ومش بعيد ينادوا عليه بعدها (المدرس ابو كحكة اهوه) ههههههههههه كلمة وحشتوني قليلة قوي.. كنت حاسس في الايام اللي فاتت اني مسافر ومتغرب عن أهلي .. يارب ما يحرمني منكم ابدا.. |
اقتباس:
|
اقتباس:
يااااااااااااااااااا ازيك يا استاذنا لالالالالالالا بجد قلقتنا عليك والله وانا كنت بدخل اشوف كل شويه الموضوع واطمن عليكم بس كنت بقلق لما متكنش رديت المهم الف الف مبروك يا استاذ محمود وربنا يجعل النجاح فى الكادر فتحة خير اليك وترزق من حيث لا تحتسب ليس المال فقط لكن كل ما تتمناه وربنا يوفقك ويصلح حالك |
اقتباس:
والله يا ندى غصب عنى بس بجد مفتقداكم ووحشتووووونى جد جد خالص ومش هخبى عليكم عندى شويه حاجات شغلانى بطريقه اولا الشغل انا بدرس kg1 والاطفال احباب الله مطلعين عينى ومخلين دماغى هطرشق هههههههه بس والله رغم التعب إلا انى سعيده انى بقدر اثر على الطفل ويغير سلوكه ويتعلم حاجات وسلوكيات جميله وانا اخد الثواب بقى يا ستى ههههههه بجد شغل متعب متعب لأبعد الحدود بس السعادة الداخليه لا توصف طبعا ده غير ولادى فى البيت ومذاكرتهم وو........................ كفايه عليكم كده دعواتكم ويارب كل واحد فيكم يبلغه مناه ويصلح حاله من حيث لا يحتسب |
اقتباس:
ياااااه حمد الله علي السلامة يا محمود طمنا عليك بس من الوضوح أنك فيه حاجة سبها علي الله يا محمود ومتزعلش نفسك ومفيش حاجة في الدنيا تستاهل الزعل .؟؟؟؟؟؟؟؟ اهتم بصحتك فقط ( ودعائنا لك جميعا بالصحة والعافية ) طمنا عليك بس أولا مبروك علي الكادر اللي لغاية دالوقتي مش عارفين ايه الاضافة الجبارة اللي اضافها لينا ولا يمكن دي مفاجأة وسيبينها للآخر هيقولو لينا عليها بس في السر عشان ما نتحسدش يا محمود طمنا عليك فنحن رغم الفترة القصيرة بتاعة الكادر اللي جمعتنا بهذه الصفحة ولكن ربنا أعلم بأننا أخوات في الله وبعتبر كل واحد في هذه الصفحة مثل أخوتي الأعزاء . فرجاء طمنا عليك ضروري يا محمود . مشتاقة يا مشتاقة ربنا يعينك في المذاكرة وخصوصاً في هذه السن الصغيرة لأن كل تفكيرها في اللعب فقط وعلي فكرة أنا بحب السن دي جدا يعني سن kg1 kg2 بيبقوا عسل ربنا يخليهم ليكي وتشوفيهم زي ما بتتمني يا حبيبتي الغالية انج وهاب يا انج وهاب فينك يا ست الكل مستخبيه اليومين دول وحشتينا ايه اخبارك واخبار المدرسة معاكي ايه ربنا يطمنا عليكي إن شاء الله اختي الحبيبة . الأخ الفاضل احمد ماهر مبروك علي الكادر واشكرك شكرا جزيلا رغم إن اللي تعب معانا كانوا أبطالنا الاوفياء محمود ومشتاقة و نيس تايم وغيرهم من الزملاء الافاضل . فدعواتنا جميعا لهم بالصحة والعافية والستر اللي أفضل من كنوز الدنيا . |
السلام عليكم ورحمة الله وبركاته زملائى الاعزاء :078111rg3:
مبروك يا استاذ محمود على اجتيازك الكادر ويارب فى تقدم وازدهار الشكر الكبير والكثير للاخت ندى جزاها الله كل خير على سؤالها الدائم على الجميع ويجعله الله فى ميزان حسناتها اللهم امين امابخصوص السؤال عن المدرسة فنفسيتى مقفولة عنها الان وعندى كاتمة منها وربنا يفكها من عنده واخيرا وليس باخرا ربنا يعين الاخت مشتاقة فى عملها المتعب على حد قولها والى لقاء |
ضاعت الترقيه من الناجحين فى اختبار كادر اغسطس
احنا اللى نجحنا فىامتحان الكادر ضاعت علينا فرصه الترقى ولا ايه الاسماء لم تنزل فى الترقيات هل بسبب تأخر التسكين او ما السبب:mad:
|
الاستاذ احمد
كلنا منتظرين التسكين الصبر جميل وان شاء الله نلحق المرحلة الثالثة ( 6سنوات واكثر ) |
اقتباس:
|
اقتباس:
احنا اللى بنشكر على متابعتك يا انج وربنا يصلح حالنا جميعا يارب وليه مكتومه منها ربنا يفك كاتمتك يا شابه ههههههههه :d لالالا بجد قلقتينى عليكى؟؟؟؟؟؟ عارفه انا كل يوم بعمل ايه ؟؟؟؟ الاولاد والبيت والشغل + عدم النوم ارق لانى زوجى سافر ليبيا وانا لوحدى :bosyht9: ويادوب بنام 4 ساعات مع المجهود ده كله فى الشغل والمدرسه والبيت :angry2: عارفه ايه اللى مقوينى سبحان الله كل يوم قبل النوم بسبح 33 تسبيحه و33 الحمد لله و33 الله اكبر بنية ربنا يعنى على المجهود اللى عندى فى اليوم التانى والله سبحااااااااان الله على سحر الموضوع ده مش هقولك جربيه !!!!!!!!!! وزودى عليه لما تدخلى المدرسه ( اللهم اسألك خيرها وخير ما فيها واعوذ بك من شرها وشر ما فيها) واخير اسيبك اصلى ولادى عاملين مظاهره وعامله يقولو ارفع راسك فووووووق انتى مصرى :022yb4: هههههههههههههه عمرهم 6 سنين |
السلام عليكم ورحمة الله وبركاته اختى مشتاقة
شكرا على ردودك المريحة وجزاك الله خيرا وجعله فى ميزان حسناتك اللهم امين اناالحمد لله متعودة على قراءة اذكار الصباح والمساء ولكنى بعد استلام العمل بانسى اذكار الصباح لانى بقوم من النوم جرى على المدرسة ال ان شاء الله هخلص منها عن قريب .....بعدين هقول لكم انت عارفة زى ما ندى بتقول لك ان السن ده اجمل سن للاطفال وهى طبعا محقة فى قولها انا كنت بقعد الون مع اطفالى فى كتبهم وطريقة التلوين مهمة جدا فى معرفة مسك القلم للكتابة بعد كدة (شكلك كده داخلة مع الاطفال فى كتابة الحروف والارقام وسايبة التلوين واللعب ) متعب لك ولهم هذه الطريقة اعانك الله عليهم ولو عايزة تبدلى تاخدى ولادى واخد ولادك انا موافقة هتبقى الصباح حضانة وفى البيت شباب جامعى عايز يقعد على النت عايز يخرج عايز يسوق عربيات ويعمل بها حوادث ووووووو عايزين ترفيه ومافيش مذاكرة !!!!!! ماشى نكمل الصفقة استشيرى عموما كل سن له مشاكله والحمد لله على كل شىء من قبل ومن بعد وربنا يطمنك على زوجك ويصلح حالنا جميعا وخصوصا الشباب اللهم امين |
زملائي الاعزاء
انج وهاب ومشتاقة ومحمود و وليد واحمد ماهر وكل زملائي الافاضل سلام الله عليكم ورحمته وبركاته طبعاً أغلب الاسئلة تدور حول تسكينا بالكادر الجبار بس للأسف مفيش إجابة لا عند وزارة التربية ولا عند أي أحد له علاقة بالتعليم فيا ريت حد يقول لينا نسأل مين . مش أنا قلت ليكم من الواضح إنهم كانوا بيلعبوا بينا وهما اللي نجحوا مش أحنا . ياريت أحد من الزملاء يفيدنا بهذا الخصوص ولا نسأل حد تاني ملوش علاقة بالكادر زي بتاع السوبر ماركت مثلاً . يمكن يفيدنا اكثر من الوزارة . انج وهاب ربنا ما يحرمني من ردودك اللي أنا بكون مستنياها جداً فأنا فعلاً حاسة إن ليا أخوات وأصدقاء بيسألوا عليا ربنا ما يحرمني منك ويخلي لك ولادك ويبارك ليكي فيهم وأشوف أولادي زيهم يارب بس من غير نت ولا سيارات ( بس ده طبعاً أكيد صعب لأني فهمت من كلامك إن ولادك أصبحوا في سن جامعي وبالتالي أصبحتي بتتحاوري معاهم وتتناقشي وليسوا في سن أعطاء أوامر وتعليمات ...أنا متخوفه جدا من هذه السن لأننا أتربينا غير تربية الجيل اللي طالع يعني أنا أولادي من دالوقتي حاسة أنهم ليهم شخصية مستقلة ولهم رأي خاص بيهم فبحاول إني أتكيف مع أوضاع أنا لم أجربها من قبل مع أمي رحمها الله برحمته الواسعة أو مع والدي الحبيب والغالي . فالمدرسة حالياً لها دور في غرس مفاهيم وأفكار لم أجربها مع أهلي . المهم ربنا يبارك ليكي فيهم يارب وتشوفيهم زي ما بتتمني حبيبتي أنج وهاب . مشمشة يا مشغولة جدا جدا جدا جدا علي طول يعني مش فاضية نتكلم شوية علي صفحتنا بالكادر . علي طول وقتك المنزلي مع الاولاد مشغول مفيش وقت لخطنا علي صفحة الكادر ؟؟؟؟ياستي ربنا يعينك . بس أنتي السبب لأنك بتوحشينا جدا خالص بجد يا حلوتي . علي العموم مستنينك وربنا يطمنك علي زوجك إن شاء الله . محمود أخونا العزيز برده مش عايز تقول لينا ما هذا الغياب عن صفحتك بالمنتدي يا سيدي ربنا يطمنا عليك ويعطيك العافية والصحة الدائمة . علي العموم ليش مش بترد علي صفحتنا بانتظام ولا أتشغلت بمصر . طمنا علي صحتك أولاً . وبعدين هنقول لك أيش أخبارك بمصر أم الدنيا ؟؟؟؟؟؟؟ ولكم زملائي الافاضل كل التحية والسلام . |
السلام علبكم اخواتى وزملائى الاعزاء
اخباركم ايه ؟؟؟؟ جزاك الله خيرا يا ندى ويارب ترى اولادك كما تتمنى زى ما بتقولى ان المدرسة بتغرس فيهم اشياء لم نكن متعودين عليها فمثلا البلد ال كنا متعاقدين فيها كانت المدرسة تلزم الطلبة باعمال power point وابحاث عن اشياء فى المنهج وللمدرسة موقع يضع عليه المعلمون بعد المواضيع والاسئلة الهامة وكل ده يحسب لهم كمشاركات وتحسب عليها درجات سوى للنقل او للشهادات ولو هم ما بيدخلوش كنا ندخل لنرى الجديد ! والان الكليات بتاعتهم عاملة موقع وبتوضع عليها بعض التمارين نفس الكلام نهيك على facebook كل دكتور عامل له صفحة والطلبة بيدخلوا للمشاركة اعتقد لو دخلتى ولادك مدارس مصريه مش هيكون فيها ذلك بس عايزة اقول لك برغم كل شىء ال ما سافرش لم يتعلم ... فعلا فى السفر سبع فوايد . مش هطول عليك انا شيفاك مشغولة بالتسكين ربنا يكرمنا ونلحق المرحلة الثالثة لانها هتفرق عندى فى الترقية ... اللهم يسر امرنا جميعا اما مشتاقة قربت تكتب لنا من ليبيا بعد الاحداث الجديدة بس على الله يكون عندهم نت :022yb4: و عن الاستاذ محمود احنا مش فاهمين هو فين الان ؟؟؟ لعله بخير |
انج ندى السلام عليكم ورحمة الله كل الناس والله وحشنى موووووت وربى اللى يعلم أد ايه نفسى اكون موجوده معاكم ازاى واتكلم فى كل حاجه ونرغى ممكن تكبرو الخط شويه علشان الحول شمال الايام دى يا حبيبى ههههههههههه بالنسبه لموضوع الكادر جارى التسكين على ما اسمع وانا خرجت اللاستمارة اللى فيها بيان النجاح ودتها لموظفة المرتبات الناس زمايلى قالولى كده وعلى شهر يناير تقريبا حتخدى كل مستحقاتك بأثر رجعى من ساعة ما دخلتى الامتحان بيتحسب لك ده اللى حصل مع الناس القديمه وانا هحاول اٍسأل فى موضوع الترقيه وان احنا نجحنا فعلا ويتم التسكين حاليا فليه تضيع الترقيه هى الترقيه مش هتفرق كتير معايه بس لما تيجى تانى ترقيات حلينى بأه كنا خرجنا على المعاش:bosyht9::bosyht9: ههههههههه على فكرة انا قدمت فى الترقيه ويمكن يغلطو ويرقونا :d:d:d:d انا دلوقتى فى مصر على فكره وبتفرج زيكم على الاحداث فى ليبيا وبجد رغم فرحتى بموت الراجل ده لانه فعلا طاااااااااغيه لابعد الحدود الا انى فعلا حزززززززززززينه والله ليه نمثل بجثته ؟؟؟ الراجل فى ذمة الله واحنا مسلمين ومهما عمل دينا الاسلامى ميدناش الحق فى التمثيل بالجثه كده القنوات والتصوير والناس تشوطه برجليه انا عارفه انه يستاهل يتقطع ويرتمى لحمة للكلاب كمان بس ربنا هيسمحنا فى التعدى على شىء فى ذمته وليس هذا من شيم الكرام ضربه و*****ه وهو حى ممكن لكن ميت فعلا لألألألألألألألألألألأ اللى مضايقنى الناس فى ليبيا فعلا اتغيرو وبدأ يحافظه على الصلاه فى المسجد وسلوكياتهم اغلبها اتغير فعلا وانا كنت حاسه ان الناس دى ربنا هينصرهم ويوفقهم فى ثورتهم بسبب قربهم من ربنا مش زى عندنا فى مصر البلطجه والسرقه والجرائم والنهب ليلا نهار لكن بعد كده يمثلو بجثة ميت ده شىء كمان يخوف جوزى هناك حاليا وهيجى ان شاء الله على العيد وسنوافيكم باخر الاخبار :blush: |
اقتباس:
مش ضرورى تقدرى تغير كل اللى ميعجبكيش بس لازم يكون فى قنوات مفتوحه بينك وبينهم واى شىء والله بيتغير بالرفق فى الكلام واسلوب منظم فى التفكير ولااااازم يكون فى ثقه بينكم تبدأ منهم ليكى يثقو فيكى فى تجاربك فى كلامك وده عايز مجهود وصبر ملوش حدود اعانك الله وسدد خطااااااااااكى |
شكرا مشتاقة واللهى انا مش عارفة اقول لك ايه بعد الكلام المؤثر ال جاء فى وقته انا زعلانة جدا من ابنى الصفير وقاعدة حزينة مش عارقة اعمل له ايه :bosyht9: انا هاستعين بدعاءك الجميل وهو اللهم اعنى على تربية اولادى تربية ترضيك عنى ولا اخجل منها يوم القاك |
السلام عليكم ورحمة الله وبركاته مشتاقة ندى الاستاذ محمود استاذ وليد الاستاذ احمد ونهاد كل عام وانتم جميعا بخير وصحة انا عارفة ان فيه ناس صايمة وناس مشغولة وناس ...... الله يكون فى عون الجميع وان شاء الله يعده علينا بالخير :022yb4::022yb4::022yb4::022yb4: |
اقتباس:
|
اقتباس:
ويعينك ويسدد خطاكى اقتباس:
معلش والله فعلا صيام وشغل وربنا يعين الجميع كل عام وانتى بالف خير ويعوده عليكى بالصحة والهنا يارب انتى وكل اصحاب هذة الصفحه ندى استاذ وليد استاذ محمود الغائب طمنا عليك وادخل ولو مرة فعلا مشغووووووولين عليك ربنا يجعل المانع خييييييييييييير |
|
|
|
اقتباس:
|
20 نوفمبر.. المرحلة الثانية من ترقيات كادر المعلمين الخميس، 3 نوفمبر 2011 - 20:37 http://www.youm7.com/images/NewsPics...0111821117.jpg جمال الدين موسى وزير التربية والتعليم كتب حاتم سالم http://www.youm7.com/images/graphics/igoogle.gif أكد مصدرٌ مسئول بوزارة التربية والتعليم، أن تأهيل معلمى المرحلة الثانية من ترقيات الكادر المتأخرة، سيبدأ يومى 19 و20 نوفمبر الجارى، وسيخضع له نحو 140 ألف معلم، وسيستمر لمدة تصل إلى شهر ونصف تحت إشراف الأكاديمية المهنية للمعلمين. وأوضح المصدر لـ"اليوم السابع"، أن هناك احتمالات لمد خطة الترقية، التى تشمل نقل 660 ألفاً و666 معلماً للدرجة الوظيفية الأعلى، إلى ما بعد ديسمبر المقبل. وأضاف أن الدكتور أحمد جمال الدين موسى، وزير التربية والتعليم، طلب إنهاء خطة الترقية قبل حلول عام 2012، إلا أن التوقعات تشير إلى استحالة الانتهاء منها فى هذا التوقيت، وتوقع المصدر انتهاء المرحلة الثانية بنهاية ديسمبر، على أن تبدأ المرحلتان الثالثة والرابعة فى يناير وفبراير من العام الجديد. وذكر المصدر أن وزارة التعليم تستغل 300 قاعة تدريبية على مستوى الجمهورية، لإجراء تدريب الترقيات المعطلة منذ تطبيق قانون الكادر فى 2007. وقال إن قرارات ترقية المتدربين للدرجة الوظيفية الأعلى من درجات القانون 155 ستصدر بعد انتهاء كل مرحلة، نافياً ما تردد عن تأجيل صدور القرارات حتى نهاية العام الدراسى الجارى. وعن أقرب تقويم جديد للمعلمين، أشار المصدر إلى استعداد الأكاديمية المهنية للمعلمين لعقد اختبار للمعلمين المساعدين فى يناير 2012، على أن يُفتَح باب التقديم له قبل انتهاء العام الجارى. |
اقتباس:
|
أعلنت وزارة التربية والتعليم، أن عدد المعلمين الذين انتهوا من تسجيل أسمائهم على وظائف كادر المعلمين ممن أمضوا 6 سنوات فأكثر على آخر درجة مالية بلغ 491 ألفا و655 معلماً، وذلك ضمن برنامج الوزارة لترقية 600 ألف معلم على 4 مراحل متتالية.
وقال محسن عبد العزيز، مدير عام الإحصاء بالوزارة، إنه تم الانتهاء من تسجيل المعلمين على المرحلتين الأولى والثانية، وجار تسجيل المعلمين على المرحلة الثالثة التي شهدت إقبالاً كبيراً من قبل المعلمين، وهو ما اضطر الوزارة إلى مد التسجيل إلى ما بعد العيد، لافتاً إلى أن الأيام الأربعة الماضية شهدت تسجيل 218125 معلماً من إجمالى عدد مستهدف (302478) معلماً. وأضاف عبد العزيز أن مديرية الإسكندرية التعليمية سجلت أعلى نسبة في تسجيل المعلمين، وبلغت 94% تقريبا، تلتها مديرية أسيوط بنسبة 93% ثم مديرية جنوب سيناء بنسبة 92%، ثم مديرية المنيا بنسبة 90%، بينما سجلت مديرية الفيوم أقل نسب بلغت 77%، ثم مديرية القاهرة بنسبة 78% ثم مديرية السويس 79% ومديرية الوادي الجديد بنفس النسبة تقريبا. ولفت إلى أن عدد المعلمين الذين تم تسجيلهم ضمن المرحلة الأولى وقضوا ثماني سنوات فأكثر على آخر درجة مالية أو التسكين على درجات الكادر بلغ 72067 معلماً جار عقد تدريبات مختلفة لهم. وبلغ عدد المعلمين الذين تم تسجيلهم ضمن المرحلة الثانية وقضوا 7 سنوات فأكثر على آخر درجة مالية أو تاريخ التسكين على درجات الكادر أو كليهما معا 140 ألف معلم، وسوف يبدأ تدريبهم اعتباراً من منتصف شهر نوفمبر 2011. وأشار مدير الإحصاء إلى أن فتح باب التقديم للمرحلة الرابعة سيكون بمجرد الانتهاء من المرحلة الثالثة التي تم مدها لبعد أيام العيد نظراً للإقبال الشديد من قبل المعلمين، مشيرا إلى أنها ستكون مخصصة للمعلمين ممن قضوا 5 سنوات فأكثر على آخر درجة مالية أو تاريخ التسكين على درجات الكادر أو كليهما معاً. ودعا عبد العزيز جموع المعلمين إلى الدخول على الموقع الإلكتروني ومراجعة البيانات المسجلة لكل منهم عن طريق شؤون العاملين والإحصاء بالإدارة وإجراء تعديلات في حالة وجود بيانات مخالفة للواقع حرصا على مصلحتهم الشخصية. زملائي الافاضل كل عيد أضحي وأنتم جميعاً بخير |
أعلنت وزارة التربية والتعليم أنه تم الانتهاء من تسجيل 491 ألفا و655 معلما ممن أمضوا 6 سنوات فأكثر على آخر درجة مالية ضمن برنامج الوزارة لترقية 600 ألف معلم، وذلك للقضاء على الرسوب الوظيفي، الذي عانى منه المعلمون خلال الفترة الماضية.
وقال محسن عبد العزيز، مدير عام الإحصاء بالوزارة، السبت، إن مديرية الإسكندرية سجلت أعلى نسبة بلغت 94% تلتها مديرية أسيوط بنسبة 93%، ومديرية جنوب سيناء بنسبة 92% ثم مديرية المنيا بنسبة 90%، فيما سجلت مديرية الفيوم أقل نسبة بلغت 77%، ومديرية القاهرة 78%، ومديرية السويس 79%، ومديرية الوادي الجديد بنفس النسبة تقريبا. ودعت الإدارة العامة للمعلومات والحاسب الآلي المعلمين إلى الدخول على الموقع الإلكتروني ومراجعة البيانات المسجلة لكل منهم عن طريق شؤون العاملين والإحصاء بالإدارة، وإجراء تعديلات في حالة وجود بيانات مخالفة للواقع، حرصًا على مصلحتهم الشخصية. |
اقتباس:
ندى كل عام وانتى بخير وصحه وربنا يجمعنا وايكى الى عرفات العام القادم ان شاااااء الله وانتى كمان والله وحشااانا جد خالص والاستاذ محمود طول علينا الغيبه جد جد ربنا يطمنا عليه يارب اما بالنسبه للاخبار اللى انتى منزلاها بعد كده بجد مش قادرة افهمها ياريت تنزلى بالمختصر المفيد هههههههههههههههه وعن اخبارى انا سألت عن موقفنا فى الترقيه قالولى على ما التسكين يتعمل هتلحقيها فى المتخلفين فى الترقيه ازاااى ؟؟؟؟؟؟؟؟؟؟؟ مش فاهمه بس لو اسمى نزل فى الترقيه هقولكم لانى متابعه وربنا يسهل يااااااااارب وكل عام وانتم بخير |
اعزائي مشتاقة - انج وهاب - محمود - وليد - احمد ماهر
السلام عليكم ورحمة الله وبركاته اتمني من الله أن تكونوا جميعاً بألف خير وصحة وعافية اشكرك مشتاقة علي ردك وأنتي كمان وحشتيييييييييني جدا جدا وبنتظر دخولك علي صفحتنا دائما . ربنا ما يحرمنا من وجودك دائما معنا . وبالنسبة للأخبار اللي أنا نزلتها أنا بنقلها حرفياً مشمشة من موقع اليوم السابع لأنه تقريباً الموقع الوحيد اللي فاكر إن فيه حاجة أسمها مدرسين وكادر وظيفي حتي لما بدخل علي الموقع الرسمي للأكاديمية مفيهوش لا حس ولا خبر . واللي أنا قدرت أفهمه إن الموضوع مطول شوية بالنسبة للترقيات وخلافه فبعد تسجيل بيانات من هم علي رأس عملهم ومراجعتها والتأكد من صحتها ( وهذا ضروري جدا ) يوجد تدريب في شهر نوفمبر الحالي ( حسب كلامهم والعهدة علي الراوي ) فالترقية ستكون علي أربع مراحل متتالية ؟؟؟؟؟؟؟؟؟؟ وفتح باب التقديم للمرحلة الرابعة سيكون بمجرد الانتهاء من المرحلة الثالثة التي تم مدها لبعد أيام العيد نظراً للإقبال الشديد من قبل المعلمين، وستكون مخصصة للمعلمين ممن قضوا 5 سنوات فأكثر على آخر درجة مالية أو تاريخ التسكين على درجات الكادر أو كليهما معاً. وبالنسبة للمغتربين عن الوطن فليس لهم ترقية لأنهم لازم يكونوا علي رأس عملهم .( حسب فهمي ) انج وهاب فينك وحشتيني كتتتتتتتييييييير وأنتي كمان بستني دخولك علي صفحتنا فمتحرميناش من وجودك الحلو معانا . محمود الزميل العزيز فينك يا أستاذ محمود أحنا قلقنيين جدا عليك ... طمنا عليك بقالك اكثر من شهر غائب فلعل المانع خيرا إن شاء الله وعيد سعيد عليك وعلي الأسرة الكريمة , الأخ احمد ماهر شكرا علي ردك رغم أني دائما اللي بتأخر علي الرد بس أنا فهمت من كلامك إنك مغترب عن الوطن مثلي فهل أحنا غير منطبق علينا شروط الترقية فعلاً زي ما أنا سمعت وفهمت . بس ده فيه ظلم شوية لأنهم علي أعتبار أنهم سمحوا لنا بدخول أمتحان الكادر وبنسدد تأميناتنا ومعاشاتنا بانتظام فليه الترقية تكون مؤجلة يعني سيكون هناك مدرسين أحدث مننا في التعيين وسيترقوا ونحن محلك سر . مفيش مشاكل بس ياريت لما ننزل مايكونش فيه اخراعات جديدة يقولوا لينا عليها ويؤجلوا ترقيتنا . ولك وللجميع الشكر والتحية والسلام عليكم ورحمة الله وبركاته |
اقتباس:
:excl::excl::excl::excl::excl::excl: ارجو من الله ان يتحقق اى من مطالب الثوره العظيمه حريه كرامه عداله اجتماعيه |
السلام عليكم زملائى الاعزاء
لقد تم تسكيننا وانا وجدت اسمى فى الكشوف التى نزلت المديريةالتابعة لمحافظتى عقبال الجميع |
السلام عليكم ورحمة الله وبركاته
زملائى الاعزاء ندى مشتاقة اخباركم ايه انتم قررتم تختفوا زى زميلنا الاستاذ محمود ولا ايه ؟؟؟؟؟؟؟؟؟؟؟؟؟؟ ندى اخبارك ايه و اللهى وحشتينى جدا جدا كيف حال اولادك وزوجك ووالدك لعلكم بخير واخبار الكويت ايه ومشتاقة اخبارك واخبار زوجك وابنائك واخبار ليبيا ايه خير ان شاء الله طمنونا عنكم |
اقتباس:
eng ,وحشتينى والله وازيك وكيف حال اولادك ؟؟ ندى ايه اخبارك ؟؟؟؟؟؟؟؟؟؟ والله يا جماعه مشغووووووله جد بس اللى اقدر اقولكم عليه انا الحمد لله اسكنت على الكادر وانا شاء الله منتظره اسمى فى الترقيه المرحله الرابعه ربنا يسهل دعواتكم كده وانا دلوقتى باخد ال ICDL وقربت اخلصه والاستاذ محمود ربنا يصلح لك حالك طمنا عليك ؟؟؟؟ يااااااااارب يوفقك الجميع ربنا يصلح لكم الحال |
الحمد لله يا مشتاقة انك بخير ربنا يطمنا على ندى
فعلا انا قلقانة عليها ويارب المانع خير على فكرة انا وندى سابقناكى فى الحصول على icdl بس مش عارفة ماذا سوف نستفيد من هذه الشهادة ؟ |
اعزائي وأخواتي انج وهاب - مشتاقة وأنتم كمان وحشتوني جدا جدا ومفتقده وجودكم معايا فأنا بحس بأني لسه في مصر لما بقعد ادردش معاكم علي صفحتنا انا بخير والحمد لله بس أنا نزلت شغل هنا لأني زهقت من قعدة البيت فأنا بطبيعتي بحب الحركة والنشاط والصحيان بدري زي ما متعودة طول عمري والحمد لله مبسوطة ولكن لسه مش أخذه علي زملائي لأني مش بندمج بسرعة غير لما أعرف الناس كويس . ومش بعرف أفسر ليهم أني دي طبيعتي . علي العموم وحشتوني كتيييييييييييييييير . أخبار مصر أيه يا حلوين . وأخبار كادرنا أييييييييييييييييييه . عارفين أنا بحب الكادر دالوقتي لأنه كان السبب في معرفتي ليكم وربنا يديم المعروف دائما بيننا ويكون هناك تواصل دائما بيننا . كيفك يا مشمشة .... يا بنتي أنتي علي طول مشغولة ومش هتقدر تغمض عينك طول ما أنت مع مشتاقة ........ هدي اللعب شوية وطمنينا علي أخبارك وأخبار شغلك وزملائك كيفهم معاكي . وأنا زي ما انج قالت معايا icdl بس في رأيي الشخصي ملهاش لزمة في حياتك العملية فمن خلال تعاملي مع الكمبيوتر اكتشفت أن أخذ دورات في الكمبيوتر أفضل بكتيييير من شهادة icdl . انج وهاب . دائما تسبقينا بالاطمئنان علي أحوالنا أنتي نعم الاخت الغالية الحنونة وأنا سعيدة بمعرفتي بيكي يا أنج وبشكرك من كل قلبي علي زوقك وربنا يطمنك دائما ويعطيكي ألف صحة وعافية . الاستاذ المحترم محمود أرجوك اذا كنت بتدخل صفحتنا طمنا عليك ...... فنحن ندعو الله عز وجل أن تكون بألف صحة وعافية. استاذنا أحمد ماهر ايه اخبارك . وأنا متابعة ردودك علي باقي صفحات المنتدي بخصوص الكادر. ربنا يطمنا عليكم . ولكم كل الشكر والتحية |
الحمد لله ندى انك بخير وانا مبسوطة جدا انك بتعملى الان وربنا يوفقك فى عملك وشكرا على اسلوبك الجميل الشيق وابقى طمنينا عليك كل فترة وهل دخلتى على صفحتك فى موقع الوزارة حتى ترى انه تم تسكينك على وظيفتك الجديدة فى الكادر؟ وعن مصر ربنا يحفظها لنا جميعا وما تتفرجيش كتير على قناة الجزيرة ولك كل الحب و الاعزاز
|
عدنا والحمد لله
السلام عليكم ورحمة الله وبركاته.. عدنا والحمد لله.. أنا والحمدلله كويس بس كانت هناك شوية مشاكل يارب ما تعود تاني.. يارب تكونوا بخير وصحة وسعادة.. ويارب يعينكوا على تربية الأولاد وضغوط الحياة بالإضافة إلى أتعب مهنة على ضهر الأرض وهي التدريس.. تعريف المعلم: هو ذلك الإنسان الذي يحترق ليضيء الدرب لغيره لأن العلم نور والمدرس الشمعة مصدر النور وكل ده عشان يبدد ظلام الجهل.. ويدفع ثمن لذلك من أعصابه وبالتالي ضغط وسكر وغيرها .. ويارب ابعدها وابعد كل شر عن أخواتي وحبايبي وكل المسلمين.. بعيد عن السيرة الغم دي (تلاقيكوا بتقولوا ما تقلبش علينا المواجع.. وكمان الهم طايلنا وطايلك).. المهم انتوا وحشتوني والله كتيييييييييييييييييييييييير جدا.. حابب أكرر كلام (ندى) اللي هو والله لسان حالي : " عارفين أنا بحب الكادر دلوقتي لأنه كان السبب في معرفتي ليكم وربنا يديم المعروف دائما بيننا ويكون هناك تواصل دائما بيننا" . أنا بشكركم كلكم لأنكم كنتوا دايما تسألوا عني وعن أخباري.. ومهما قلت مش هوفيكم حقكم .. بإذن الله هبقى موجود معاكوا على طول بس انتوا ادعولي دايما.. |
السلام عليكم ورحمة الله وبركاته استاذ محمود وعودا محمود حمدا لله على ىسلامتك بالنسبة لامراض المعلمين من الضغط والسكر كل شىء وله علاج وبيعتبرها الاطباء ضيف ثقيل ولابد من تحمله وممكن الشفاء منه لو اتبع تعليمات الاطباء .....شفاك الله وعفاك من كل مكروه... بس الانسان يحاول يغير من نفسه وربنا يديم عليك صحتك ومحبة الناس لك وهى واضحة جدا من زملائنا الاعزاء ندى ومشتاقة وانا ........الدائمين السؤال عليك لانك اكيد تستاهل كل هذه المعزة الصادقة وحاول تفكر شويه فى نفسك حتى تخف عنك الهموم وربنا يوفقك فى بلدك الاخر الكويت وتروح وترجع لنا بألف سلامة والى لقاء |
| جميع الأوقات بتوقيت GMT +2. الساعة الآن 09:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.