بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - ***الطب البيطرى*** (https://www.thanwya.com/vb/showthread.php?t=60695)

اقتباس:

المشاركة الأصلية كتبت بواسطة فجر الإسلام (المشاركة 812461)

على فكره يا دكتور هو ينفع وفي نسبه كبيره حولت بالطريقه دي
سواء من بنها أو من بلاد تانيه واخده أقل من بنها
يا رب تحويلك ينفع انت بتدفع بس 100 جنيه

ايوه هو بابا قالى سيب انت الموضوع ده عليا وركز فى شغلك
انا بصراحه حاسس ان الموضوع فات اوانه
بس خلينا مع الكداب لحد باب الدار

اقتباس:

المشاركة الأصلية كتبت بواسطة biob (المشاركة 812635)

ايوه هو بابا قالى سيب انت الموضوع ده عليا وركز فى شغلك.....طبعا لازم تذاكر وتحضر النظرى والعملى كانك مش هتحول
انا بصراحه حاسس ان الموضوع فات اوانه...ايه اللى ضمنك
بس خلينا مع الكداب لحد باب الدار

تقصد حضرتك مين بالكذاب.........الكلام شكله حقيقى بجد

اقتباس:

المشاركة الأصلية كتبت بواسطة السمراء (المشاركة 812648)

تقصد حضرتك مين بالكذاب.........الكلام شكله حقيقى بجد

يا اقصد اللى فاتحين باب التحويل فى الكليه
اصبرى بعد العيد بس وانا اعرف

اقتباس:

المشاركة الأصلية كتبت بواسطة السمراء (المشاركة 810041)

للدرجة دى المواد مختلفة جدا عن اى كلية يعنى رعاية الحيوان تقصدى behaviour اخذناها فى تانية
طيب قوليلى بيشرحوا ازاى فى المحاضرة
طيب ناخدها واحدة واحدة

يا حبيبتي والله يا عارفه اشكرك ازاي
مرسي اوي علي اهتمامك يا جميل

هستولوجى:اهم حاجة الرسم وارسمى ورا الدكتور مهم جدا..........والنظرى اللى تفهميه خديه من الكتاب واهتمى لما ترسمى الرسمة تشرحيها وبعدين ضيفى اللى انتى عايزاه.............والترم الاولانى غالبا مفيش مقارنة بين الحيوانات كلها بدايات سهلة وكويسة

هو انا لسه مخدتش كتب هستولوجي بس لما اخدها هحاول فيها وربنا ييسر

طبعا العملى بترسمى من ع الميكرسكوب واسالى حد فى تانية بيسلموكم اطلس بيجى من صور العملى ع التليفزيون ولا برده بتمتحنوا ع ميكروسكوب فى الامتحان لانها تفرق كتير
لو هتمتحنوا على ميكرسكوب بيكون اصعب ولازم تركزى فى الرسم من دلوقتى

لا الدكتور قال اننا هنرسم من ميكروسكوب
وبرده قاللنا زي مانتي قلتي كده لازم نركز وكده
بس الاطلس ده مجابولناش سيره

اناتومى:لازم الدكتور يرسم وترسمى برده والكتاب بيشرح الرسم وبس.........عندنا مش عارفة يختلف عنكم ولا لا الدكتور بيرسم ويشرح وبنكتب كل وراه ونشوف الكتاب لو الشرح معقد ولو انه كويس ناخذ بشرح الدكتور بس

مخدناش ولا محاضرة لحد دلوقتي
كانت محاضره واحده بس تعريفيه وعرفونا بالماده وكده
وبرده مخدناش كتب لسه
هيبقي بعد العيد

رعاية الحيوان بجد رائعة وانا جبت فى الترم الاول امتياز كلها متشابهة حطى قاعدة عامةلو بتاخدى حيوانات التجارب فى الترم الاول هتختلف شوية
خدى مثال:فى حالة الoestrus بتظهر على الحيوان حاجات معينة بتتشابه كتير فى كل الحيوانات
فى الحمل بهتم بيها ازاى وبعد الولادة وهى بتولد وبالمولود متشابهين جدا
فى الmatingتحس ان كله زى بعضه لكن فى فرق واحد بين الحصان والبقر انهم ينفصلووا اويفضلوا مع بعض...واختلافات طفيفة بين الحيوانات
لودرستىhorse-cattle-sheep-goatسهلة جدا اعتمدى على فهمك وبعدين حفظك

ياه يا شيخه ريحتيني
اصل الحاجات دي تقريبا كل اللي خدته لحد دلوقتي
وفاهماه كويس الحمد لله
والدكتوره اللي بتشرحلنا لحد دلوقتي كويسه جدا بس المشكله اللي هيبتدي معانا بعد العيد غير الدكتوره دي عشان هي رئيسة القسم
فربنا ييسر ويكون الدكتور الجديد كويس برده
بس انا حاباها اوي بصراحه
بس كل اللي مخوفني في الموضوع كله الشفوي
وانا مش قادره اقوللك اصلا بتلجلج وممكن ماعرفش اجاوب حتي لو صامه الكتاب :(
ربنا يستر

شوفى عندهم ذوق ازاى بتاخدوا من علوم اللى بيفيدكم وبس مش زينا يبهدلونا

طيب كويس بيعملو فينا خير :078111rg3:

بيولوجى:نبات:بترسى بكتريا وفيروس وجميلة وسهلة اوى كنت بذاكرها من الكتاب........دى هتفيدك فى سنة تالتة.والعملى كويس جدا
تمام
الحيوان:برده هيفيدك بتالتة ...معلشى مش هاقدر افيدك فيه اوى اصل انا مكنتش بذاكر كويس بس كنت بهتم بالعملى جدا
بس صدقيتى هتكون حلوة بس ذاكريها حتى لو هتاخذى من كل طفيل رسمته وشوية معلومات عنه

هو الدكتور كويس معانا
بس المشكله ان الطلبه مسترخماه فبيرخمو عليه
مثلا يبقي صوته جايب للكليه اللي جنبينا ويعدو يقولوله اتكلم في الميكروفون
يبقي كل حاجه واضحه ويقولوا مش شايفين
راح اخر محاضره وهو خارج
راح سحب حاجته وهو متنرفز وقاللنا براحتكو هو انتو لسه شفتو حاجه:abdoog8::abdoog8:
فربنا يستر بس وتعدي السنه دي علي خير

بيوفزيكس:درسناها عربى وكنا بنذاكرها من الكتاب سهلة جدا بتتكلم عن الموائع وشوية اجهزة طبية بنستخدمها تبع الدرس اللى بتاخديه وسهل تجيبى فيها تقدير

لا عندي انجليش
بس لحد دلوقتي انا بموت فيها
ربنا ييسر

ملحوظة: احنا درسنا 3انواع للفيزياء و4 للكيمياءوحيوان ونبات فى علوم ومكناش بنفهم غير الفيزياء الحيوى كاملة وكيمياء عامة وبقيت الفروع نص ربع فاكيد اللى انتم بتاخدوها هتجيبم فيها تقدير

ملحوظة كمان: انا ان شاء الله هحاول اجاوبك على استفساراتك وبكون بجد فرحانة........بس برده اسالى حد من تانية عن اولى يمكن طريقة مذاكرة مادة ما تكون بتتذاكر بشكل مختلف او مصادر المذاكرة فى نظر الدكتور الكتاب اهم من المحاضرة(ولو انها نادرة بس الاحتياط واجب)

ميرسي اوي يا حبيبتي
اسفه علي تعبك معايا

اقتباس:

والله كل الكلام ده لا يقارن بمواد علوم
يا جماعه انا راجل بتاع حيوانات
مال اهلى انا ومال نيوتن والكهربا
انا هكهربهم
لا اله الا الله

:039uw8::039uw8::039uw8:
لا معنديش انا كده
ولا يمكن هاخده في البيو فيزيكس
يمكن اشوف يعني
بس بصراحه كل اللي انا باخده في علوم والحاجات المقرره علينا هتفيدنا
مش هناخدها تقضية واجب يعني
يعني حتي في البوتاني والزولوجي مختارينلنا شابترين مثلا اللي هيفيدونا
يعني مثلا في البوتاني هناخد بس الانزيمات والتنفس
وبرده قيس علي ده الباقي
بس ربنا ييسر يعني
وزيادة الخير خيرين :039uw8:

اقتباس:

المشاركة الأصلية كتبت بواسطة sendrilla (المشاركة 813549)

ميرسي اوي يا حبيبتي

اسفه علي تعبك معايا

خيرين ايه بس يا سندريلا
دول طلبه علوم مش عارفين يزاكروها
يبقى انا هزاكر موادى و كمان موادهم
لا يا ستى
المنصوره دلع على الاخر

على فكرة ياسندريلا انا قصدى الاطلس ده بتستلميه للامتحان لكن شغلك فى السكاشن لازم ع الميكرسكوب
يارب يوفقك ........شكلك حبيتى الكلية والمواد(احقد بقى)

اقتباس:

المشاركة الأصلية كتبت بواسطة biob (المشاركة 813934)

خيرين ايه بس يا سندريلا
دول طلبه علوم مش عارفين يزاكروها............انت عايز تقارنها بمواد علوم............حرام عليك
يبقى انا هزاكر موادى و كمان موادهم.........وجزء من موادهم
لا يا ستى
المنصوره دلع على الاخر

...........جمييييييييييييل جدا

طبعا اهو بقينا بعد العيد
تحويلك اتقبل
كان عليكم سكشن هستولوجى نفسى اعرف الدكتور كان اقعدكم ليه
ده انا زهقت من الوقفة(طبعا مش وقفة العيد)

اقتباس:

المشاركة الأصلية كتبت بواسطة السمراء (المشاركة 816707)

انا رحت شؤن الطلبه
بعد ما لفيت الجامعه 4 مرات
وفيه راجل معفن هناك قالى نتيجتمكمش هتظهر الا بعد اسبوع
وبعد كده ابقى روح اسال فى كليتك :stickjo4:وماتجيش هنا

يعنى نفسى افهم حاجة واحدة انت امبارح حضرت المحاضرات والسكاشن ولا لأ
ثانيا مش اسمك متسجل فى السكشن
احضر وسيبك منهم
ولا انا فى حاجة مش فاهماها

اقتباس:

المشاركة الأصلية كتبت بواسطة biob (المشاركة 817837)

انا رحت شؤن الطلبه............فى الكلية
بعد ما لفيت الجامعه 4 مرات............هناك فى اشارة
وفيه راجل معفن هناك قالى نتيجتمكمش هتظهر الا بعد اسبوع........طيب ليه بس كده.......انا بجد زعلت
وبعد كده ابقى روح اسال فى كليتك :stickjo4:وماتجيش هنا

..........اسال فى المنصورة مش بنها

اقتباس:

المشاركة الأصلية كتبت بواسطة السمراء (المشاركة 817943)

..........اسال فى المنصورة مش بنها

ايوه يا دكتوره
انا اقصد المنصوره
انا ما بتكلمش عن بنها

اقتباس:

المشاركة الأصلية كتبت بواسطة biob (المشاركة 818190)

ايوه يا دكتوره
انا اقصد المنصوره
انا ما بتكلمش عن بنها

معلشى .....انا عندى راى
انا متفائلة انك تحول بس ده مش مؤكد طبعا
طالما قالك اسبوع ماشى.......لسه قدامك 3 ايام دراسة
احضرهم فى بنها وخلاص........ عدى اليوم بتاع علوم(الاثنين)
احضر محاضراتك علشان تبقى كاملة وسكاشنك علشان متتسجلشى غياب
لانك كده كده المنصورة بالنسبة لك طريقة الشرح جديدة
يعنى لو محضرتش 3 ايام مش فارقة
لكن لقدر الله ومتقبلتش فى المنصورة تبقى كل حاجتك كاملة
هبعتلك رقم سويتش بيطرى بنها فى رسالة خاصة علشان لو والدك رفض انك تروح

اقتباس:

المشاركة الأصلية كتبت بواسطة السمراء (المشاركة 818373)

كلامك مظبوط
بس محدش هنا خالص بيفكر فى انى ممكن ما اتقبلش
خصوصا ان كل زمايلى اللى قدمواطلب تحويل اتقبلوا
هو فعلا بابا مش موافق خالص انى اروح بنها تانى
وبيقولى احضر فى المنصوره محاضراتك
يا جماعه ازاى دا انا دخلت اول يوم الجامعه ببطاقه ترشيح بنها بالعافيه
اتصرف
طيب ادخل سكاشن ازاى وانا اسمى مش مقيد
اتصرف
انا مش عارف ادخل انهو سكشن ولا اقولهم ايه هناك
وخايف بصراحه يفوت منى حاجات كتيره

اقتباس:

المشاركة الأصلية كتبت بواسطة biob (المشاركة 818388)

كلامك مظبوط
بس محدش هنا خالص بيفكر فى انى ممكن ما اتقبلش
خصوصا ان كل زمايلى اللى قدمواطلب تحويل اتقبلوا...................ان شاء الله(قل لن يصيبنا الا ما كتب الله لنا)
هو فعلا بابا مش موافق خالص انى اروح بنها تانى.........:(:(
وبيقولى احضر فى المنصوره محاضراتك
يا جماعه ازاى دا انا دخلت اول يوم الجامعه ببطاقه ترشيح بنها بالعافيه
اتصرف............انت ممكن تحضر محاضرات دى طبعا سهلة...........انا دخلت عادى السنة اللى فاتت
طيب ادخل سكاشن ازاى وانا اسمى مش مقيد
اتصرف......ادخل معلشى واحضر السكشن وبعد السكشن فهم الدكتور الحكاية ولو مرضيش يسجلك(لانها فعلا صعبة....لانك لسه ما اتقبلتش)مفيش مشكلة
انا مش عارف ادخل انهو سكشن ولا اقولهم ايه هناك
وخايف بصراحه يفوت منى حاجات كتيره:(:(:(

...........انت اسمك اكيد المفروض فى اخر سكشن غالبا المنصورة 8 سكاشن يعنى انت رقم8.....................بس انت عارف هى مش فارقة بس اللى اضمنلك سكشن 8