اولا ربنا هيكرمك ويعوضك ان شاء الله لان الحياة والانسان مش بشهادته بس لكن بسمعته وشخصيته ونجاحه العام فى الحياة

ثانيا الهندسة الوراثية غير المعلوماتية الحيوية اللى انتي عاوزاها ,, لا الحل انك تخشي الجامعة وتدفعي فلوس كتييير بس فيه حل احسن انك تخشي معهد علوم حاسب وتتخصصي فى قسم تاني وبعد التخرج تعملي دبلومة فى المعلوماتية الحيوية وتاخدي فيها كورسات بس قليل اوي كورساتها ومش موجودة غير فى القاهرة وانتي كمان لو عاوزة تشتغلي فى المجال بتاع المعلوماتية الحيوية هتشتغلي بس اقل بكتيييييير من باقي الاقسام فى المجال ,, يبقا الافضل انك تخشي حاسبات قسم تاني وبعد التخرج تذاكري القسم اللى كنتي حاباه وتشتغلي بشهادتك عادي جدا فى المعلوماتية الحيوية ولا اي مشكلة :)

ثالثا المعاهد المعتمدة زي حاسبات بالظبط هي هي نفس الشهادة والاعتمادية والنقابة "مهندسي البرمجيات" لسة بتتعمل العفو الشكر لله :d

شكرا لتوضيحك .. بس قسم الهندسة الوراثية ممتع جدا ودراستو جميلة ونادرة وانا حابا ادرسو عشان ف كذا مشروع نفسي انفذو ف المستقبل يفيد البشرية ف التخصص دا وشغلو متوفر بس مش ف مصر اعتقد الا نادر . يعني لو دخلت مصر للعلوم والتكنولوجيا قسم التكنولوجيا الحيوية مصاريفها 12 الف..اما المعهد مش حاباه جالي ف التنسيق معاهد حاسب بس لما دخلت شفت المواد والاقسام مش حبيتها لانو بتتطرق للهندسة الوراثية بمساحة ضئيلة جدا وانا حابا ادرسها عن توسع .. انا بقا هدخل ع السنة الجديدة لانو مش هينفع انزل مصر ناو وهدرس اداب علم نفس وان شالله اوصل فيه للدكتوراه ف علم النفس لاني بحبو مع دراستي الشخصية للهندسة .. ادعولو .. وثااانكس ع الرد

اهم حاجة تعرفي المعلوماتية الحيوية بتتكلم عن ايه وهي برمجة ودراسة تكنولوجيا المعلومات الحيوية والأحياء والكلام دا كله بس من خلال تكنولوجيا المعلومات وانك تصنعي برامج التحاليل والمعالجة من خلال الكمبيوتر وانك تبرمجي الاجهزة الطبية نفسها ,, يااااه مش تقولي لحد بقا عشان مش تتحسدي وربنا معاكي ويوفقك وتنزلي مصر يارب بألف سلامة :) الى اللقاء :d

لا عاوزة دراسة جدوى وشغل كبير

ماشى بس هنعمل شغل جامد اخر حاجه يعنى لو على الاقل 8 فى التخصص اكيد هنبقى واخدين التخصص كامل يعنى كل واحد له قسم على الاقل ... و هنبقى متميزين فى مصر عن اى حد بس لو فى تشجيع بس ممكن تفهمنى قصدك انت

ايوووون .. الكمبيوتر مع الاحياء احلي حاجة .. والجينوم والحاجات دي .. ياارب ويكون مع كل الطلبة ... الله يسلمك .. وثاانكس مرة تانية :)

مش احسن من الرياضه 2 لآنك ... بتدرس لالغات برمجه ... معظمها رياضه يعنى افضل انك تكون رياضه من احياء

دا واجبي تجاهكم ربنا يخليكي ,, ان شاء الله يا ايهاب

وجهات نظر .. الاحياء فيها جزء بسيط رياضة وكيميا.. بس دراستها امتع من اي مادة تانية ما عدا الرياضيات :d

هههههههههههه كله حلو يا جماعة :)

لا مين قالك كدا الأحياء فيها رياضة وعمليات حسابية وفيها تفكير ودقة كبيرة جدا ,, لولا تقدم علم الأحياء والطب كان زماننا بنعاني وقت المرض والكتير مننا هيموت ,, ولو تفتكر زمان كانوا كل المواليد بيتوفوا مش بيفضل منهم غير القليل ,, كل حاجة وليها اهميتها وكل علم وليه احترامه وليه علماؤه وناسه

اولاً انا افصد ايه اللى دخل علم الاحياء فى البرمجة ...

طيب راجع كلامك الاول اللى فوق

اشكرك يا بشمهندس مؤمن ع ردك عليه .. البرمجه فيها ف الاحياء وخصوصا في مشروع الجينوم البشري اللي هيفيد المجتمع ف المستقبل القريب من حيث استخدامه في ترتيب الكروموسومات ونكتشف الخلل الوراثي عشان نقدر نعاجلو .. كل المواد مفيدة ومهمه ف العالم لو استخدمناها صح وفي طاعه الله وخدمة الناس