بوابة الثانوية العامة المصرية - تعالوا نرتقى شوية بمنتدى الفيزياء...ونختبر بعض

بوابة الثانوية العامة المصرية (https://www.thanwya.com/vb/index.php)

- الامتحانات فيزياء 3 ث (https://www.thanwya.com/vb/forumdisplay.php?f=1021)

اقتباس:

المشاركة الأصلية كتبت بواسطة الطالب المسلم (المشاركة 429313)

كده العدد تمام

أنا معاكوا إن شاء الله

يللا نستفتح بأول سؤال

علل تنمو النباتات في البحر بالقرب من الشاطئ

لتقاوم السرعات العاليه للماء فى منتصف النهر حيث تقل السرعه كلما اقتربنا من الشاطئ تبعا للزوجه الماء حيث تتناسب السرعه عكسيا مع المسافه

اعتقد الاجابه كده والله اعلم

اقتباس:

المشاركة الأصلية كتبت بواسطة mai momen (المشاركة 430931)

مش عارف ليه الاجابه موش داخله دماغى

مه العلم انى معرفش اجابه تانيه

طب اقولكوا حاجه ... انتوا عارفين .. انا كنت هاجاوب ع السؤآل ده من الاحياء و كنت هاقول بناء ضوئى و هاخرف خااالص

اقتباس:

المشاركة الأصلية كتبت بواسطة الطالب المسلم (المشاركة 430761)

خسارة كنت عايز ألحق أسئلتك يا محمد
يلا ما علينا

يابنى احنا لسه بنسخن

اقتباس:

المشاركة الأصلية كتبت بواسطة الطالب المسلم (المشاركة 430761)

على فكرة أنا أقترح بقى نبدأ الأسئلة من الموائع علشان محمد الغلبان ده يشترك معانا

بس العملية تتنظم شوية....يعني مادمنا في الموائع يبقى الأسئلة متخجش عنها علشان اللي عايز يذاكر.

ايه الغلبان ده هو أنا بشحت منكم:mad: ولا ايه براحتك يا سيدى

ياريت فعلا ننتظم بجزء محدد فى الأسئلة ولما يخلص نتنقل للتانى وهكذا

مفيش أسئلة ليه
أحط أنا أسئلة

علل
1- الكثافة صفة مميزة للمادة .
2- الكثافة تعتمد على درجة الحرارة .
3- من السهل على الرجل السمين تعلم السباحة فى الماء على الرجل النحيف.
4- يستطيع المكبس الهيدروليكى رفع أثقال كبيرة بواسطة قوة صغيرة.

صدقنى يا اسلام
السؤال دة موجود فى 100 سؤال
وصيغته مختلفة خااااااااااااااااالص

معلش معلش أنا مش قصدي غلبان
أنا قصدي مسكين بس لساني غلط بقى
هههههههههههههههههه

1-لأن الكثافة تختلف بإختلاف نوع المادة لاختلاف الوزن الذري للعنصر(والمسافات البينية بين الجزيئات)...علشان متزعلش

2-لأنه بتغير الحرارة تتغير المسافات البينية فيتغير الحجم وتتغير الكثافة

3-هههههههههه إنت جبت السؤال ده منين
لأنه من العلاقة (Fb=Vol × p × g) تتناسب قوة الدفع طرديا مع حجم الجسم المغمور ،وحيث أن حجم الرجل السمين أكبر تزداد قوة الدفع عليه ويكون حجم الجزء المغمور منه أقل من الرجل النحيف

أو

لأنه حالة الجسم الطافي تكون قوة الدفع مساوية للوزن وفتكون قوة الدفع المؤثرة على الرجل السمين أكبر منها على النحيف،فيقل حجم الجزء المغمور من الرجل السمين فيسهل عليه تعلم السباحة

4-لأن القوى الصغيرة تنتقل بتمامها إلى المكبس الكبير بعد مضاعفتها عدة مرات طبقا لقانون بسكال، وكلما زادت مساحة سطح المكبس الكبير عن الصغير تزداد قيمة القوة (F/f = A)

شكرا على الأسئلة وياريت التصحيح بسرعة
إجابة الأخت mai momen صحيحة...جزاكِ الله خيرا

يابني خلاص حقك عليا
أنا أصلا مش فاكر السؤال كويس

بعد كده مانا عارف إنك واكل المنهج وعارف إجابة السؤال...فلازم يبقى صعب شوية:d

طب صحيح هو في صفحة كام بالضبط

اقتباس:

المشاركة الأصلية كتبت بواسطة الطالب المسلم (المشاركة 431167)

معلش معلش أنا مش قصدي غلبان
أنا قصدي مسكين بس لساني غلط بقى
هههههههههههههههههه

ماشى يا سيدى مقبولة منك

1-لأن الكثافة تختلف بإختلاف نوع المادة لاختلاف الوزن الذري للعنصر(والمسافات البينية بين الجزيئات)...علشان متزعلش بس فين الحرارة يا باشا تختلف باختلاف نوع المادة والحرارة
وعندى إجابة تانية لأنها كتلة وحدة الحجوم من المادة ولا توجد مادتان لهما نفس الكثافة.

2-لأنه بتغير الحرارة تتغير المسافات البينية فيتغير الحجم وتتغير الكثافة
صح بس الأحسن وبالتالى تتتغير الكثافة

3-هههههههههه إنت جبت السؤال ده منين "من مذكرة والله لقيتها على النت مع ان فيها حاجات غلط وحاجات مش مقررة علينا بس حلو السؤال"
لأنه من العلاقة (Fb=Vol × p × g) تتناسب قوة الدفع طرديا مع حجم الجسم المغمور ،وحيث أن حجم الرجل السمين أكبر تزداد قوة الدفع عليه ويكون حجم الجزء المغمور منه أقل من الرجل النحيف
ممتاز
أو
لأنه حالة الجسم الطافي تكون قوة الدفع مساوية للوزن وفتكون قوة الدفع المؤثرة على الرجل السمين أكبر منها على النحيف،فيقل حجم الجزء المغمور من الرجل السمين فيسهل عليه تعلم السباحة
تنفع برضه بس الأولى أحسن لأنه لسه بيتعلم السباحة فممكن يغرق فميبقاش طافى:cool:
4-لأن القوى الصغيرة تنتقل بتمامها إلى المكبس الكبير بعد مضاعفتها عدة مرات طبقا لقانون بسكال، وكلما زادت مساحة سطح المكبس الكبير عن الصغير تزداد قيمة القوة (F/f = A)
صح

شكرا على الأسئلة وياريت التصحيح بسرعة

ياللا يا عم هتاخد 9/10
علشان تقول مسكين تانى

اقتباس:

المشاركة الأصلية كتبت بواسطة dr.boggy (المشاركة 431157)

صدقنى يا اسلام
السؤال دة موجود فى 100 سؤال
وصيغته مختلفة خااااااااااااااااالص

أنا أعرف صيغة تانية للسؤال ده بتقول

علل : تنمو الأعشاب ونبات ورد النيل على ضفتى النهر.

مفيش حد بيحط أسئلة ليه فينك يا سعيد

علل:
1- تطفو السفينة رغم كبر كثافة الحديد عن كثافة الماء.
2- تقل مساحة مقطع الماء الساقط من صنبور ينساب الماء منه لأسفل.
3- بعض السوائل لزوجتها كبيرة.
4- تقل كمية حركة جسم صلب عند تحركه فى مائع.
5- عندما تنتقل أمواج الماء من نقطة عميقة إلى نقطة ضحلة تقل سرعتها.
6- تتوهج النيازك عند دخولها الغلاف الجوى وواقترابها من الأرض.

على بركة الله
وياريت الذى يريد المشاركة بحل الاسئلة او وضع الاسئلة
اما كلمات الشكر لا مجال لها الان
وباذن الله سوف اوجهه مدرسين الفيزياء بالمرور على هذا الموضوع
بالتوفيق للجميع
تم التثبيت

اقتباس:

المشاركة الأصلية كتبت بواسطة صوت الحق (المشاركة 431343)

شكرا جزيلا لاهتمام حضرتك بطلبى

باذن الله سوف يتم من الاسبوع قادم وضع اسئلة النابغين من الكتاب المدرسى ودليل التقويم وامتحانات الثانوية العامة السابقة
وسوف يتم التنسيق بحيث يتم الاجابة عنها فى الغرفة
والسلام عليكم

ايييييييييوه كده ... فين اسئلة النابغين ديه من زمان

ونحن في الانتظار