محمود .. كلنا امام ربك سواسية .. بس فى دنيانا .. لو كان كلنا سواسية .. لما بدأت الحياة .. و لما انتهت .. فلما يتصارع الناس طالما . سيبقون فى نفس الحدود الطبقية ..

اخى الفاضل .. انا والدى .. كان بيشيل البرسيم ..على قفاه و يسافر بيه من البلد للمنصورة عشان يبيعه .. و كان بيلم الخوخ من ارضنا .. و جدى .. كان بيحرث ارضه و ارض جداده .. اخى الفاضل .انا واحد فلاح .. مش من جاردن سيتى مثلا.. انا طلعت من المنصورة اينعم المدينة .. بس اللى بقول عليهم دول .. من شيوة البلد ^^ .. يعنى فلاحين .. بس بقى ليهم مقام .. يجى واحد .. معملش اللى عملوه ياخد جزء منهم بسهولة ؟؟ لا اعتقد ذلك . فلكل .. مقامه .. و لكل مقام مقال ^^
و لو انا بياع فول .. هبص لبنى ادمة .. فى نفس مقامى .. لانى مش هسعد واحده اغنى .. ولا انظر لابوها .. لانه هينظر لى بإستحقار ..مش هقدر اجيبلها .. اللى ابوها بيجيبهولها .. يبقى ليه اخاطر .. و لا ابقى نطع و ابوها يصرف عليا !

اوووك والدك ربنا وفقه وكرمه وعرف يوصل لكن ممكن يكون واحد تانى ومجتهد وشاطر جدا بس ممعهوش واسطة ولا فلوس فى الزمن ده لكن برضو تعلم كويس وبيكسب من عرق جبينه عكس واحد تانى ابوه معاه فلوس ودخله شرطة
وهو ما يستاهلش كده واسال باباك الشرطة بيدخلوها ازاى لو قال حااجة غير الفلوس والواسطة يبقى كلام مش صحيح اذا انت هتجوزها لواحد اسم على الفاضى ولا تعب ولا اجتهد ولا اتحمل مسئولية كل الموضوع شوية فلوس وممكن يروحوا

اولاً المحترم محترم .. و ووالدى .. مكنش بتاع اقسام اصلاً .. و عمره ما ظلم بنى ادم .. و مش كل واحد ظابط .. يبقى مش محترم اختى الفاضلة .. و لكل واحد له مقامه يستحق كلمة باشا .. و لكل معلم .. يستحق كلمة مستر .. و استاذ .. و لكل مهندس .. يجب وع مقامه قبله .. المهندس كذا كذا ..
ملحوظة: تصدقى بالله .. انا عمرى ما قبلت لحد اكبر منى يقولى يا باشا .. انا العساكر اللى تحت ايدى .. بلعب معاهم كورة .. و بقعد معاهم ع القهوة .. و بيقولولى ياض و مش عارف ايه .. حتى البواب و حرس الجراج .. بيقولى يا امجد و انا بقوله ياعم حسين او عم كذا .. الخ ...

يا جماعه احنا مش كلنا نحترم اراء بعض حتى لو راى ده غلط ..

عادى امجد شايف ان كل انسان تعب فى سغله يستحق ياخد الى لقب بتاع شغل بتاعه و صراحه حقه و انا مع رأى ده و بحترمه
يعنى انا لو ابنى ظابط حقوله يا باشا

عزه و محمود شايفين غير كده حقهم برده و انا باحترم رايئهم ما فيش مشكله خالص

صح و لا ايه ؟؟

انا ماليش دعوه بغيرى يا محمود .. انا والدى ساعتها مكنش معاه وسطة .. كان جدى معلم اول لغة عربية !!!!! .. و الى عايز يوصل بيوصل يا محمود .. بفكرى و ايدى و صوتى هوصل .. و لو فيها موتى هوصل يا محمود .. انما احاول مرة .. و ميت مرة و مرة ع القهوة .. يبقى انتحر اسهل ..لو بالمنطق ده .. مكناش هننزل التحرير يا محمود .. انا والدى كان بيقولى لو نزلت هعمل فيك و هعمل فيك و هعمل فيك .. و نزلت .. و فى الاخر اعتذرلى .. لانى انا الصح ..و عرفت اوصل للى انا عايزه

و يا عزة .. انا مش بتفرج ع افلام .. انا عايش واقع و شفت بعينى .. انتى لسه هتشوفى كتير .. فى امريكا و اوروبا و حتى الشام .. فيه طبقات .. لا يقدر احدهم ع التحكم فى طبقة غيره و التسلق ع حسه اليها ..

مااشى يا امجد بس انت بتقول اختك لازم تتجوز باشا طيب مش تعرف الباشا ده يستاهل اختك ولا لا ولا لمجرد ان الناس بتقوله يا باشا يبقى خلاص مش امكن باشا بتاع بابا وماما وهما خلوه باشا

ارجع الى كلامى .. و ركز شوية هتلاقى لما اقل .. باشا .. قلت ظابط محاسب معلم مهندس دكتور .. دول طبقات لا يعلوا احداها ع الاخرى .. و لو جالى هشوف .. هو يستحقها ولا لا طبعاً .. بس ساعتها هيبقى عدى نص المطلوب و هو المركز المرموق .. انما اجوز اختى لسواق يا محمود .. اعتقد .. مش هينفع ..

اكيد كلما بنحترم اراء بعض يا صوفيا بس المناقشة مفيهاش حااجة خطا
شكرررا على رايك المحترم

والله دى حرية عندك يا امجد ودى وجهة نظرك وتحترم اكيد بس احنا بنتناقش وانا شاايف انت واخد كل حااجة بطبقية واضحة ده ملوك الفراعنة كانوا بيتزوجوا من العااامة

لا يا محمود .. كانوا بياخدوا من العامة الحلوة يجوزوها .. و تبقى جارية .. و كانوا بيقعدوا فى الحرملك .. ^^ .. المهم يعنى الطبقية دى .. انتى هتطبقها وقت جواز اختك .. ووقت جواز بنتك .. لان ساعتها .. هتبقى فى الامر الواقعى .

ملحوظة مكررة : خلقنا الله طبقات .. لكننا امامه سواسية .. و يجب وضع فى الاعتبار . ان الله خلقنا طبقاااات ^^

طبعا معاك حق يا امجد و معاك حق يا محمود ..

سؤال لمحمود لو ليك اخت اكيد حتفكر زى تفكير امجد صح و لا ايه ؟؟

لا يا امجد الفراعنة كانت بتكون فى زوجة مميزة هى الملكة وباقى الزوجات اقل منها وغالبا ما كانت تكون الزوجة الاولى سواء من الملوك او العامة والله ما دام راجل وقدر يكون نفسه وهيعرف يريحها مفيش مااانع بس يكون مستواه التعليمى كويس اما الشغل فاى شغل شريف والله خلقنا طبقات فعلا بس مش معنى كده اننا نتكبر ونبعد عن الطبقات التانية بالعكس علشان نتقرب اكثر