أنا أخوك في الله ليه خلتني عزول
أشهد أن لإلاه إلا الله وأن محمداً رسول

يارب سامح أخي

انا لا أحسدك فأنا أعيش في نعمة من ريي ولا أكره لك أو لغيرك الخير
ثانيا شرقاوى دى أنا برضه فيها على كلمتك فيومي وانت فاهم
ثالثا أنا لي قناعاتي اللى متشابهة من قناعات الملايين
رابعا أنا مدرس دراسات اجتماعية

يكفي مبارك دماء ال 300 شهيد

شكرا ياغالي


انا حبيت أفهمك حاجة

أنا عانيت من ظلم النظام السابق زي حضرتك بالضبط

أنا كنت بجامعة الأزهر كنت ثاني الدفعة كلية تربية وبالكوسة تم تعين بديلاً لي


أنا أوضح فقط أن مصر كانت ولازالت أمنا كلنا

ومش علشان مشي محمد حسني مبارك ووضعتله صور يبقى أنا عميل

لاازلت أكررها تاني

أنا مصري بحب بلدي وفقط وأقل تكريم له نقوله مع السلامة

وسامحنا واحنا مسامحينك

مسامحك بس عمرى ماهاسامح حسني

الاخ بن الاكرمين
كنت ناوي ارد عليك
لكن اعتقد ان الاخوة عملوا اللازم

ومع ذالك مفيش مانع اني اوضح لحضرتك شيء

شوف يا طيب انا لو قولتلم كمبارك عامل في البلد اية موش هتصدق
لكن انا طلبت منك تبطل هرس وعك في الكلام يومين او تكثر فليلا الي ان تري بعينك نتائج التجقيقات
الصادرة عن القضاء عن المصري

وهتشوف مبارك خدم البلد ولا نهبها
طبعا دا اذاكان حضرتك تقتنع بكلام القضاء المصري

ثانيا المشاركات متعددة ولها اوجة مختلفة وبالمناسبة نادرا ما تجد احدا من الاحرار لم يشارك

وقد قدمت مستقبلي في الجامعة فداءا لوطني منذ اكثر من 5 سنوات

واحيرا أقول لك
الاحاديث التي استشهدت بها صحيحة لكن الاستدلال خطأ
الكلام الان ما بعد
وليس ما قبل...................المفروض بما انك أُثرت الاحاديث تتفهم كلامي
............................

تحياااااااااااااااااتي

الى ابن الاكرمين
لم اكن اتوقع ان يكون هذا موقفك تجاه مبارك لان بكل بساطة لو كان بلدك فيها الخير ماكنتش سبتها انت وكل شباب مصر الى زى الورد وبعدين هو فين الامان ده الى انت خايف عليه من الضياع يا اخى ده الفساد الى حولنا من كل ناحية وضعنا فى سجن مدى الحياة حتى الموت ولكن الان فقط استطيع ان اقول هناك امل وبعدين الجيش اكد انه مش هيستمر حاكم للبلاد ولكنه سيحافظ عليها حتى يسلمها لمن يختاره الشعب ولو سمعت لاى من مفكرين مصر الشرفاء ستعرف انه حانت لحظة الحرية ودلوقتى انا مش خايفة على مستقبل عيالى كذلك ساتوقف عن فكرة الهجرة الى كندا لانى حاسة دلوقتى انى ليا بلد لازم اعتز بانتمائى لها لان عهد السخرة انتهى ولم نعد ملك لمبارك واصحابه واصبحنا ملك لمصر

مصر هتبقي زي الفل ان شاء الله
والحكم العسكري ده مؤقت.. دي حاجه معروفه والجيش قال كده
وبعدين الناس استحملت 30 سنه حكم عسكري.. مش مشكله كام يوم كمان... ما احنا كنا تحت حكم عسكري ومحاكم عسكريه وطوارئ ...

وكل ظالم ليه نهايه

بس ربنا يسترها علينا من المنافقين ومثيري الفتن من انصار النظام السابق
قولو امين

وده مش غريب علي واحد قال علي شباب التحرير" عاطلين وفاضيين وعواجيز مودعين"
ده كان رأيه في شباب الثوره...!!

ياعم الشيخ يامستر هادي

مشكور وبارك الله فيك

ياريت يشمعوا الموضوع علشان ترتاحوا

اجسام البغال وعقول العصافير


لكي الله يامصر

فعلا عندك حق .. اجسام البغال وعقول العصافير


بس ده كان رأيك في الناس اللي في التحرير .. انت قولت عليهم كده مع انهم ناس في منتهي الرقي والادب والثقافه والاخلاق

وصنعو ثوره مصريه شعبيه سوف تدرس في الكتب
http://www.thanwya.com/vb/showthread.php?t=285197&page=2
ده الرابط اللي انت قولت فيه كده لا تقول عليا كداب لا سمح الله

علي فكره انا مش شيخ ولا حاجه.. انا مدرس انجليزي. بس يارب اوصل لدرجه شيخ متفقه في علوم الدين

ولو انت بتلمح ان انا اخوان.. انا والله لا انتمي الي اي حركه دينيه او سياسه..
أنا مصــــــــــــــــــــــــــــــــــــــــــــــ أصيل ــــــــــــــــــــــــــري

أحدُ الصالحين وهو يوصى ولده فقال: "يا بنى إذا عَرَضَتْ لك إلى صحبة الرجال حاجةٌ فاصحب مَنْ إذا خدمته صانك، وإن صحبتَه زانك، وإن قَعَدَتْ بك مُؤْنةٌ ماَنَكَ. اصحب من إذا مددتَ يدكَ بخير مَدَّها ، وإن رأى منك حسنةً عدَّها، وإن رأى سيئة سدَّها، اصحب من إذا سألتَه أعطاك، وإن سكَتَّ ابتداك، وإن نزلت بك نازلةٌ واساك. اصحب من إذا قلتَ صدَّق قولَك، وإن حاولتما أمرًا أمَّرك، وإن تنازعتما شيئًا آثرك"



وعلى العموم

انا ياغالي حبيت أقول للراجل وداعاً وبس

مكنتش أعرف أنكوا كلكلوا بتفكروا بتفكير متشابه

مع السلام يامستر

بس انت اهنت عضو في كلامك

وده يا شئ مستفز بصراحه



انا اقول رأيي في حاجه بس من غير اهانه لأي حد.... في ناس بتحب حسني مبارك وناس بتكرهه.. بس احنا كلنا مصريين في الاخر

انا أقول رأيي واحترم الاخريين

احنا كلنا عايزين نبقي ايد واحده علشان نبني بلدنا
مش عايزين نرجع للعصر اللي فات بكل ما فيه

وان كان علي مبارك.. انا كمان بقوله مع السلامه وربنا يوفقه الي الخير
وربنا يوفقنا جميعا
سلام