|
اقتباس:
بس احنا برده منظلمش الشعب والنظام زي ما فيهم الفاسد فيهم المصلح مينفعش ناخد بالعموم |
النسبة كام؟؟!!!
لو الفساد أكتر من الاصلاح , يبقي أنا مش ظالم . لو الاصلاح أكتر من الفساد , ابقي ظالم . مصر علي وشك انها تاخد جائزة نوبل للفساد !! |
اقتباس:
وانت عرفت النسبة ازاي ؟؟؟؟ وعلي فكرة الأفساد اسهل من الأصلاح يعني لو واحد بيهدم والتاني بيبني يعني النسبة متساوية 1:1 هتلاحظ ان الفساد اكثر لانه اسرع واسهل بكثير من الاصلاح ع الرغم من النسبة متساوية !!!! فهي مش قصة نسبة ومين الاكتر ومين الاقل ! |
اقتباس:
كل يوم بلاوي فوق دماغك وتفضل تقول حسبي الله ونعم الوكيل حسبي الله ونعم الوكيل بس على فكرة منتا ممكن تتبهدل في امريكا برده وتقول نفس الكلمة عادي يعني :d |
اقتباس:
للعنق . بص حواليك وقولي ايه المكان اللي مصر لا يوجد به فساد , وفساد كبير وملحوظ وعيني عينك ؟!! أمريكا وأوروبا فيهم فساد أيضاً , لكن الاصلاح هناك أكتر بكتير من الفساد . قولت لك لما تتخرج ان شاء الله حتلاقي نفسك مثلاً بتدفع رشوة عشان تخلص حاجة تخصك وهي حق من حقوقك . حتلاقي نفسك لما تفتح عيادة بإذن الله بترفع ثمن الكشف عشان تقدر تجاري متطلبات الحياة . حتضطر تسكت عن ظلم تراه أمامك خوفاً من الأذية . مش عايز أسود عليك الحياة بكثرة الأمثلة , لكن مع كل الأسف ده واقع بلدنا الآن . |
وعلي فرض اني حوافق علي تساوي النسبة
لو قلنا مصر 80 مليون , وفيهم 40 مليون فاسد تفتكر ممكن يعملوا ايه في البلد ؟؟؟!!! |
اقتباس:
ولكن للاسف الفساد اسرع واكثر انتشار حتي ولو كانت نسبة المفسدين قليلة !! |
مين اللي قال ان الشعب كله فاسد؟؟
انا لم أقل هذا !! هو فيه شعب فاسد كله أو صالح كله؟؟!! أنا بقول الأغلبية فاسدة . هو المرتشي مش فاسد؟ الطبيب معدوم الضمير مش فاسد؟؟ المدرس , المحامي , الموظف , العامل , الصنايعي , التاجر , البائع , السائقين , ...... اللي همه كله المال حتي وان كان بلا عمل , مش فاسدين ؟!! يا تري نسبه الفساد في دول كام؟ قليلة برده؟؟ لو كانت قليلة , كان صحة الناس تلاقيها غير , التعليم كان يبقي عدل , المجرمين كنت تلاقيهم في السجون مش في القصور , مكنتش تلاقي السلعة اليوم بسع وبعد ساعتين بسعر أخر !! كنت تجيب الصنايعي يعملك حاجة ومتعطلش بعد ما يمشي !!! يا أخي دا أي صنايعي بقول أي واحد تلاقيه بيقولك الدخان يا بيه , وأصبح دخانه اللي هو عبارة عن فلوس مش دخان , وكأنه من ضمن الأجرة بتاعته !!!! كنت تلاقي السائق بيعاملك باحترام ولا يأخذ أجرة فوق الأجرة المقررة !!! كنت تلاقي الطلبة في الجامعات بغرض العلم , مش حاجات تانية !! كنت تلاقي الناس بتدخل قسم الشرطة ولا تخشي علي نفسها طالما كانت بريئة !!! كنت وكنت وكنت تلاقي حاجات كتير أوي بخلاف ما تراه الآن لو كان الفساد هنا قليل !!!!!! |
اقتباس:
النماذج دي فعلا هتلاقي منها كتير وميمنعش ان المصالحين بردو موجودين وفي كل مجالات الحياة بس احنا للاسف بنطبق قاعدة: السيئة تعم والحسنة تخص !!! |
ما انا قلت ان فيه ناس كويسة في مصر بس قليلين وضعاف
وقليلي الحيلة . اما قاعدة " السيئة تعم والحسنة تخص " دي سياسة الدولة مش سياستي أنا !! أنا مش شايف حسنة غير اني أقدر أقول الكلام اللي بقوله وبكتبه , زمان ما كنتش أقدر أتكلم كده , وإذا تكلمت فمكاني هو السجن أو المعتقل أو القبر !!! شفت أنا قلت حاجة كويسة في البلد الأن !! بس برده ده موجود في أوروبا وأمريكا وغيرهم . لكن الحمد لله , علي الأقل بقدر أتكلم بدل ما انفجر . |
اقتباس:
طيب فين البلد اللي انت شايفها معظم اهلها وشعبها كويسين وطيبين ومصلحين ؟؟؟؟ اكيد كل بلد فيها الكويس والوحش بغض النظر انك شايف معظم مصر وحشين !!!! |
اقتباس:
فيها عشان بلده بتقدره صح وعارف يعيش كويس فيها كانسان دا الحيوان عندهم في الدول دي بيلقي رعاية واهتمام أكثر مما يلقاه المصري في وطنه !!!!! سمعت ان أي مصري في الخارج في أي دولة ذهب إلي السفارة المصرية المتواجدة في هذا البلد ليشتكي من وضع ما أو من أجل رفع ظلم وقع عليه , ثم نصفته السفارة المصرية أو حتي وقفت بجانبه؟!!!!! لكن لو واحد أجنبي اتمس عندك هنا في مصر , سفارته تقوم الدنيا وتاخد حق المواطن التابع لها . يا أخي لما تتخرج زي ما قلتلك وتفكر مثلاً انك تتزوج بنت من البنات اللي بتدافع عن مصر بضراوة , أي بنت فيهم , وتلاقي أبوها أو ولي أمرها بيقولك الشبكة تبقي بالشيء الفلاني , والشقة تكون في منطقة كويسة وتكون كذا حجرة , والعزال يكون شكله كذا زي بنت عمها وخالها وبنت الجار اللي في أول المدينة علي ايدك اليمين , والفرح يكون في المكان الفلاني , والمؤخر يبقي كذا " حاجة تخض طبعاً " , والقايمة بتاعت بنتنا لا تقل عن مبلغ كذا عشان ما تبقاش أقل من فلانة , و ...... , و .... !! تقدر أي بنت من البنات اللي بتدافع عن البلد وشايفين ان الشباب لازم يصبر ويكافح ويعطي للوطن و .. و .. الكلام اللي مش عارف ايه ده , تقدر واحدة فيهم انها تبدأ مع شاب من الصفر ؟؟ تقدر تعيش معاه في حجرة في بيت أهله؟!! تقدر تستغني عن الشبكة , المهر , الشقة , الفرح , ..... ؟!! ولو قدرت , فهل ستقف في وجه أهلها اللي مؤكد حيعترضوا ويرفضوا رفضاً باتاً ؟!! يقدر أي شاب من الشباب اللي بتدافع عن البلد وخلاص وبدون مناسبة , يقدر يروح يتقدم لبنت ويقول لأبوها أنا لسه شاب وببدأ حياتي ولا أملك شقة أو شبكة أو مهر أو فرح أو .... ؟!!! ولو قدر حيكون تصرف الأب معاه ايه؟!! أكيد حيـ ........ بلاش أقول , افهموها انتم !! ولو تقدم لواحدة ووافقت , وبعدين تقدم لها واحد مسافر بره ومعاه شيء وكتيرات " شويات دي بتاعت مصر " , تفتكروا هي حتعمل ايه وأهلها حيعملوا ايه ؟! طبيعي جدا انك تاخد أول توكتوك وتروح علي بيتكم والمركب اللي تودي !!! المثل اللي أنا ضربته ده مش بره الموضوع أبداً . لو كان للتعليم والعلم قيمة في البلد دي , كان زمان خريجي الجامعات يعملون في وظائف محترمة يتقاضون فيها مرتبات تمكنهم من الحياة بصورة أدمية !! من حق الشاب ان المرتب بتاعه يكفيه " ده لو عرف يلاقي شغل " , ويقدر يتزوج ويفتح بيت بيه ,مش يقعد لحد ما شعره يشيب ولسه مش عارف يجيب شقة !!! من حق الانسان لما يمرض انه يتعالج وانه يكون معاه ثمن الدواء !! كلام الطلبة والطالبات , يعني اللي لسه بيدرسوا , مجرد أحلام , ولكن بعد حين يكتشف بأن هذا كان مجرد وهم وسراب !!!!!! وسلملي علي شعارات الوطنية والانتماء و العزة والكرامة والشموخ والافتخار في بلد تردد هذه الشعارات ولم تعمل بها حكومة وشعباً !! |
اقتباس:
بس انا هاقولهالك قدام المنتدى كله مش بس قدام نفسك زى ما حضرتك عملت معايا انا عمرى ما كنت بقول شعارات ان بقول اللى ف قلبى واللى بحس بيه علشان كدة في اعضاء كتير ومن بينهم حضرتك بيزعلو من كلامى شوية لانى ما بعرفش ازين ولا ازيف كلامى ولما بقول انى بحب مصر فدا اللى فى قلبى مش بقول شعارات وخلاص وبعدين الدور والباقى على اللى بيقول كلام ويعمل كلام تانى خالص وعلى فكرة من اسباب تخلفنا اننا نقعد نسب ونلعن فى بلدنا وخلاص من غير ما نعمل حاجة يعنى اللى بيسب فى بلده زى اللى بيقول شعارات هما الاتنين واحد ده بيتكلم وخلاص وده بيتكلم وخلاص فبلاش ننشر غسيلنا الوسخ قدام العرب وغيرهم خلينا محافظين على كرامتنا اللى باقية لو كان لينا كرامة بعد اللى قولتوه |
الموضوع أثار قضية في منتهي الأهمية
ماذا أعطتنا مصر ؟ وكلمة مصر في هذا السؤال يجب أن تفهم بشكل صحيح فالمقصود بها رجال الدولة و الفهم الخاطئ للمقصود أحدث لبسا لدي بعض الأعضاء فظن أن الاعتراف بوجود مشكلة هو عدم حب لتراب مصر الغالية إنني عندما أحب شخص لديه عيب ما أوضح له هذا العيب بشكل غير مباشر ليفهم فإذا لم يفهم فبشكل مباشر بيني وبينه ليقوم سلوكه و مصر بلدنا لازم نعترف إنها أصبحت تغرق في الفساد وعلينا نحن كأفراد في هذا المجتمع أن نقاوم هذا الفساد بجهاد النفس أولا ثم بالنصيحة للغير ثانيا والله الموفق ...:) |
اقتباس:
لا تعليق لكي لا أخرج عن الموضوع , وأنا الكبير برده . وعجبتي اوي جملة " قدام المنتدي كله !! " |
| جميع الأوقات بتوقيت GMT +2. الساعة الآن 08:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.