لا والله معرفش المعلومة دة

ممكن تساعدونى
 

ممكن اعرف طبيعة الدراسة فى قسم اثار باداب عين شمس لانى رحت الكلية النهاردة وكتبت الرغبات وكانت انجليزى و بعدين لغات شرقية ولانى جايبة 45 ونصف قالوا لى مش هينفع انجليش و الموظفة قالت لى حرام انتى جايبة مجموع كبير و تدخلى لغات شرقية وقالت لى اثار او دراما احسن
انا مجموعى 92 ادبى و بفكر فى اثار بس مش عارفة اى حاجة عنها وهى سهلة ولا صعبة يعنى لو ممكن تساعدونى

أرجوكم حد يرد عليا بسررررررررررررعة

ممكن اعرف اختبارات القبول فى الاقسام بتبقى ازاى
زى اختبارات قسم انجلش وكدا

هاى انا عاوزة اسال كام سوال و يارب تفيدونى و ما اتقلش عليكم

اول سوال انا قدمت اول رغبة ليه اداب عين شمس و الحمد لله جاتلى

بس بعد كده ناس قالتلى القاهرة احلى ف انا عوزة اعرف القاهرة احلى ولا عين شمس

على اساس ممكن احول

ثانيا انا عاوزة اعرف ايهما افضل قسم لغات شرقية ولا قسم حضارة اوروبية و هل بعد الدراسة بكون عارفة اللغة

صم ولا بحتاج قورصات

ياريت تفيدونى بليز لان كل واحد اساله براى ساعدونى لان انا بعشق اللغة جدا جدا و دائما بتميز فيها

فلو لغات شرقة يبقى تركى و طبعا حضارة اوروبية باخد ايطالى ياريت رايكم للى عارف سورى طولت عليكم

الموضوع دة عن الاستفسار عن كلية الاداب عموما والاقسام .... ولكن ليس لتفاصيل الاقسام والمواد الجزئية بة ... انا اسف لحضرتك

من وجهة نظرى ان الفرق الوحيد بين القاهرة وعين شمس .... ان امتحانات عين شمس معروفة على مستوى الجمهورية بتكون صعبة جدا جدا ... والفرق الثانى هو التنسيق فى الشكل والهيكل والتنظيم الداخلى للجامعة والمبانى والكليات .... اما القاهرة من زجهة نظرى افضل لانها مصنفة عالميا ضمن افضل 500 جامعة فى العالم ولها مركز عالمى وجامعة معتمدة .. وتنسيقها الداخلى ورونق وشكل افضل من عين شمس ... بس كدة
ولو انتى بتعشقى اللغة فعلا اكتبى اى لغة تحبيهانمثل الانجليزى او الفرنساوى او الامانى او الاسابنى او الايطالى وبلاش لغات شرقية دة ملهاش مستقبل اوى :d

انا كنت عاوزه اسالك ع كام حاجه كده معلش هتعبك معايا
انا عاوزه ان شاء الله ادخل قسم انجلش و انا جامعه القاهره انتظام كان مكتوب فى ورقه الشروط انى اجيب فى الانجلش 48 و انا بالظبط 48 الحمدلله و اجيب فى العربى 50 و انا بردو بالظبط 50 الحمدلله :d فكنت عاوزه اطمن بس انا كده هتجيلى انجلش فى التنسيق الداخلى ولا ممكن يبقى فيها كلام تانى مجرد قلق بس

بالنسبه للانجلش كنت عارفه ان بيكون فى اختبار تحريرى كده او شفوى معرفش يعنى المهم كنت عاوزه اعرف ده بيكون امتى ؟؟؟؟؟؟؟؟؟ ولا ممكن يقولولى ده خلص فمينفعش ادخل القسم ده ولا ايه ؟؟؟؟؟؟؟؟

كنت عاوزه اعرف الجدول بينزل امتى يعنى انا هنزل يوم 15 و الجدول لسه منزلش هروح اسلم ع الجامعه و ارجع ولا ايه ؟؟؟ لان لحد دلوقتى مكتوب ع الموقع جدول السنه اللى فاتت و مفهمتش منه اى حاجه حتى معرفتش افهم بننزل كام يوم فى الاسبوع فياريت تعرفلى معلش و تقولى لان الموضوع ده يهمنى جداااااااااا و عاوزه اعرف بيبقى مثلا المحاضره ليها اعاده يعنى نفسى المحاضره ليها ميعادين ولا هو ميعاد واحد ولا ايه لانى مش فاهمه اى حاجه و انا عاوزه انزل الجامعه اقل عدد من الايام فياريت تطمنى و تفهمنى معلش

كنت عاوزاك تقولى الموقع اللى ع الفيس ده اللى انت بتجيب منه المعلومات علشان ادخل عليه معلش استغلال بقا

و شكرااااا ليييييك جدااااا والله انت بجد تعبت معانا و عامل شغل جامد اووووى ربنا معاك بجد شكرا جدا واسفه انى طولت عليك

اخر سؤال معلش نسيته بالنسبه لانى انتظام هيبقى لازم الحضور يعنى ولا ايه ؟؟؟؟؟؟؟؟؟؟ معلش عندى انا مشكله فى حوار الحضور ده يعنى مثلا ممكن انزلى يومين ولا حاجه ممكن تلاته لو الدنيا خربانه خالص بس هيكون بصعوبه

و سؤال شخصى ليك انت بقا هو انت ادنا ولا فى سنه كام بالظبط لانى حاساك خبره فى الجامعه بصراحه ههههههههههههه

تمام ... انتى مش هتصدقى انى رايح سنة اولى زيكوا بالضبط ومجموعى 80% .. بس انا قريت كتير اوى اوى وفهمت كل حاجة عن كلية الاداب عشان كدة عندى شوية خبرة

وبالنسبة لسوالك ... طبعا الانتظام غير الانتساب... بمعنى انى الانتظام بيحضروا كل المحاضرات اما الانتساب لهم الحق فى بعض المحاضرات فقط ... وفى بعض الاحيان يكون لهم محاضرات خاصة بهم لا تكون مع الانتظام


وبالنسبة للحضور وكدة .. طبعا مينفعش تغيبى كتيير عشان فى عدد معين للمحاضرات مسموح ليكى انك تغيبى .... ولو عديدى الرقم دة بيكون فى فصل وكدة وتعملى اية قيد وشغلانة بقة .... تانى حاجة اصلا نظام الجامعة غير المدرسة يعنى مش هنحضر كل يوم ولا حاجة ... هتلاقى مثلا فى الاسبوع 3 او 4 ايام بالكتير محاضرات والباقى مفيش بيبقى اجازة ...

وفى ناس حبايب الدكتور وبيمسح ليهم الغياب عشان موضوع الفصل دة ... وفى طرق كتير ... بس احسلك متغيبيش كتير يعنى

شكرا بجد على مجهودك بس ممكن سؤال تانى واسف علي تعبك معايا
انا دلوقتي جالي اداب اسكندرية وعايز احول معهد تمريض ومجموعى جايبو بس قالولي لازم الثانوية العامة تكون من اسكندرية وانا واخدها من مكان تانى
ممكن اعرف ازاي احول وهينفع احول بالثانوية العامة وانا واخدها من مكان تانى غير اسكندرية؟

لو سمحت انا عايزة اعرف اى رقم الطالب اللى بيطلب وانا بختار الاقسام الداخلية لاداب قاهرة ضرورى

دة رقم جبوسك هو كان فى البداية فى لخبطة بس دلوقتى الحمدلله الدنيا اتصلحت تقدرى تدخلى وتكتبى رقم جلوسك عادى جدا وهيخش

يعنى اية الثانوية العامة من اسكندرية ... المفروض ان شهادة الثانوية العامة دة موحدة على مستوى جمهورية مصر العربية ... لا والله مش فاهم الحكاية دة اطلاقا للاسف

انا سالت فى شئون الطلبة وقالولى ان لازم شهادة الثانوية العامة تكون من اسكندرية
اعمل ايه دلوقتي وهو انا لو هحول احول امتي وازاي
ومعلش بتعبك معايا