هو مين عاطف ده اجدعان والله ما فاهم :006et4:

يا باشا احنا عندنا كل حاجة بص بقي النحو عندنا مقسم لسبع وحدات
وبادئين النحو من 1 ابتدائي لحد 3 ثانوي تخيل :022yb4:
يعني من اول همزة الوصل والقمرية والحاجات دي لحد الكشف في المعجم والممنوع من الصرف

متتهربش برا الموضوع يا محمود ابو خليفة :d
وهات الهدية بتاعتي بما اني جاوبت

برافو اجابة ممتازة
بالتوفيق

انا قلت اللي هيجاوب ليه هدية من محمد
متهربش يا محمد فين الهدية 😁😁😁

محمد مين ؟ مفيش حد اسمه محمد هنا ؟ فيه محمد شوقي ومحمد كمال :d

ازيكوا يا شباب ،
انا ملاحظ ان الاسئلة مابتحلاش إلا في غيابي يعني !😄

ابن حلال اهو لسه جايب فسيرتك والله :d

لا والله ازاي دا حضرتك اول من اسسوا الموضوع ده معايا
اخبار المذاكره ايه
وخلي بالك محمود دبسك
فاعل خير

فين عباقرة النحو :d
العلم له مجالات متعددة تحتاج الي مساع إليها، لهذا يحاول الباحثون أن يلاحقوا الحركة العلمية فيما وصلت إليه حتي تكون الثمرة التي نرجوها. فإذا أخذنا انفسنا بالجد، وبدأ أبناؤنا يهتمون بالعلم فذلكم السبيل الحق . فالعلم يا أبنائي حتي يتحقق الأمل ويظهر المجتمع مهيبة مكانته ونصل إلي ما نصبوا إليه من رفاهية وتقدم .
إعرب ما تحته خط :d

محاولة للحل :
مجالات : مبتدأ ثان مؤخر مرفوع وعلامة رفعه الضمة الظاهرة.
الثمرة : فاعل مرفوع وعلامة رفعه الضمة الظاهرة (كان تامة).
السبيل: خبر مرفوع وعلامة رفعه الضمة الظاهرة(فذلكم تشير الى ما قبلها وليس السبيل) .
فالعلم : الفاء حرف استئناف مبني على الفتح لا محل له من الاعراب
والعلم : مفعول به منصوب وعلامة نصبه الفتحه لفعل محذوف تقديره "الزموا" (اسلوب اغراء).

بسم الله ما شاء الله عليك :)
الاعراب كله صح
القطعة دي جات في 2013 ثانوية عامة وطبعا كان الاعراب صعب بالنسبة للطلبة الي ماشية بالثوابت النحوية
وناس كتير اعربت السبيل بدل لكن فعلا هو خبر
ماشاء الله

اولا شكرا عالافادة الحلوة دي
ثانيا اللي عمله بدل مفكرش فين الخبر بتاع الجملة 😁 يعني في جملة اسمية مبتدا وبدل ونعت ومفيش خبر ده اول تفكير ييجي في الدماغ
ثالثا ذلكم السبيل ازاي دي حتى متنفعش 😁 على الاقل المفروض تبقى ذلك
بس كويس اصلا انا اسمع ان امتحان 2013 مكنش سهل

معلش يا جماعة ينفع حد يوضح كويس ازاى السبيل خبر مش بدل ؟
ولما يجى اسم اشارة ازاى اقدر احدد اللى بعده مش بدل ؟؟

هى فذلكم تشير للاهتمام بالعلم دلت على الى قبلها يعنى اصلها
فذلكم الاهتمام بالعلم السبيل الحق وهنا السبيل خبر مش بدل عشان السبيل مش مشار اليه

يعنى اسم الاشارة + اسم معرف ب ال المفروض يتعرب بدل ان كان زائد ومشار اليه
اما اذا كان غير مشار اليه يتعرب حسب موقعه مثلا
يشهد بذلك المؤرخون المؤرخون فاعل مش بدل على الرغم من كونه معرف
عشان اسم الاشارة لا يشير للمؤرخون بعينهم