البقاء لله يا ريفو ونصيحة روحى الكلية علشان تغيرى جو شوية

البقاء لله يا ريفو
شدي حيلك

البقاء للة يا ريفوا شدى حيلك
اقرى سورة يسن والرحمن بجد حتستريحى اوى

والله بجد انا مش عارفة اقولك ايه بس الظروف دي بتقوي مش بتضعف .
وكل ما كان الحد ده غالى عليكي قوي: كل ما ده يقويكي اكتر ويجعلك اشد.
ورائيي روحي بكرة الكلية بجد الواحد في الاوقات دي بيبقى محتاج حد يفرج عنه همومه.
وانا لله وانا اليه راجعون و البقاء لله وحده .
صدقيني في اللي انا قولته لاني بجد جربت الموضوع ده :وده كان السبب في دخولي كلية الصيدلة.

السلام عليكم
اولا البقاء لله يا ريفو ولو مش هتقدري تروحي بكرة مش مشكلة وانا ان شاء الله ابقى اديكي المحاضرات وكل اللي انتي عايزاه وربنا معاكي
ثانيا انا شايفة ان ما شاء الله في اعضاء جديدة كتير دخلت في الاجازة اهلا بيكم كلكم ونورتو المنتدى

بجد مش عارفة اقولكم ايه كلامكم بيهون عليا كتير
سلمولي على الكلية والدكاتره

ايه يا باشا عامل ايه انت في مصر ولا لا الشباب كلهم بيسلموا عليك انا ان شاء الله راجع الجمعة
وبعدين السكشن ده نبات يعني اسبوع اه واسبوع لا

البقاء لله يا ريفو
شدى حيلك واصبرى (ربنا معاكى )
و شكل الترم ده حيبقى فل اووووووووووووووووووووووووووووى علينا:stickjo4::stickjo4:
وعموما لو لم تذهبى الى الكليه اليوم اليكى موجز الانباء
اول محاضرة الكترستى ودكتور اسمه مجدى وده دكتور شرحه كويس وعطا محاضرة حلوة بس دسمه شويه(لو عايزها ممكن ارفعها ليكى او اديها ليكى فى الكليه as you wish
التانيه د منى ودى بتدى مادة اسمها سستمتك بوتنى وشرحت مقدمه مختصرة عن المنهج (المفروض انها مختصرةبس طلعت طويلة شويه:stickjo4::stickjo4::stickjo4:)وشرحت جزء من المنهج وده تقريبا يشبه دروس التصنيف بتاعت اولى ثانوى وحاتدينا الجزء المختص بشرح تصنيف البكتريا والفطريات
وختامها مسك مع د بتاع ماده الزوولوجى ومشكوك فى اسمه ناس بتقول مصطفى وناس بتقول اسماعيل
وده عطا فسيولوجى (على ما اعتقد ) المهم ادنا الجزء بتاع البروتينات والكربوهيدرات والدهون وزود الفتامينات
وبعد كده الهضم وهو زى د اسماعيل كل شويه يقول (الجزء ده انتوا عارفينوا ؟؟؟ناخد اللى بعده )
و عرفت ان د جمال حايدى صيدله بس اى مجموعه مش عارفه (انا سالت فى قسم الحيوان )
واخيرا لاسكاشن نبات ولا حيوان ولا فيزيا بس الكميا مش متاكده
لو نسيت او غلطت فى حاجة ياريت حد يقول

السلام عليكم
اولا مافيش سكشن كيميا الاسبوع دة ان شاء الله
شوفتو د.منى الصراحة انا مكنتش عارفة اكتب ولا اركز معاها ولا اموت خمس دقايق المهم اللي انا فكراه انها عطت حجات كتير اوي وكان جميا اوي الشجر اللي كانت بتعمله بس الصراحة مكنتش عارفة ايه العنوان بتاع كل شجرة بس مش مهم المهم اني الحمد لله فضلت اكتب لما لقيت نفسي في الاخر كاتبة هيرغليفي
ودكتور الفسيولوجي شرحه حلو واحلى حاجة ان نص المحاضرة يا اما اخدناها الترم اللي فات يا اما خليها ناخدها بعدين بس للاسف مش هينفع احضر د. جمال ياريت لو حد مجموعة ج وهيديله د.جمال يبقى نصور محاضراته ان شاء الله.
وربنا معاكم

لا يا دكتور تقريبا مافيش موضوع اسبوع واسبوع في النبات الترم دة يعني عندنا كل اسبوع ان شاء الله دة لو مغيروش رايهم

احلى حاجة لما كان بيسأل فيتامين د فى ايه ؟؟؟؟؟؟؟؟؟صاحبتى كانت حاتجاوب وتقوله فى (لافيش كيرى)(جبنه البقرة الضاحكه) مش بيقولوا كده فى الاعلانات برده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:romarioxp6::roma rioxp6::romarioxp6:
و نداء اللى اصحاب القلوب الرحيمه اللى دجمال حيشرحهم يبقوا يدونا المحاضرات وربنا يكرمك يا فاعل الخير

اولا البقاء لله يا دكتورة rivo بس الحقيقة الواحد لما بتقابله حاجة زي كده اقل شئ انه بيبقى حاسس ان العمر في يد الله (يعني مافيهوش كبير وصغير) ومتهيالي عدت علينا حاجات كده كتير

ثانيا: انا حضرت الفيزياء كانت حلوة بس هو الدكتور سريع شوية في الشرح
بس انا محضرتش اللغة وصاحبي قاللي هما دخللهم واحد قاللهم حلوا اساله unit 3 واعملوا بحث على scintific wards بتاعتها
وكمان بحث ورقتين او 3 عن عنوان اليونت من النت (copy+paste)

السلام عليكم هو فى حد بيض يا جماعة محاضرة الكهربية اول مسالة بتهيالى الناتج مش هيكون 4
هو فعلا د0 جمال هيدينا زوو

ازيكوا يا جماعة
كل سنة وانتم طيبين
ان شاء اللة يا ريفوا تكونى احسن وحاولى تنزلى المحضرات علشان فى شرح
فى بنت النهاردة طلعت ل دكتور جمال وقال انة حيكمل مع( ج) زووو بجد ياريت يكون الكلام صح
وبالنسبة لدكتور اللغة هو قال ان احنا فى اول اسبوع ومش حيتغط علينا علشان كدة نطلع المصطلحات الطبية ونعرفها ويكونوا مش اقل من15 من unite3

دكتور اللغة نزل مواعيد لمجمةعة (ا) يوم الاثنين الساعة2
ويوم الاربعاء من 10 الى 12


فعلا اول مسالة فى الفزياء حيكون الناتج 8

ايوة انا برده طلعتلى كدة واخر مسألة علشان نطلع الxهنعملها بالقانون الغريب اللى كنا بناخده فى اولى ثانوى صح ولا ايه؟؟

بليز يا جماعة انا جايه من تونس ومحتاسة شوية انا كنت عايزة اعرف الدكاترة اللى بيدو كورسات خصوصا فى الفيزياء والكيمياء وتليفوناتهم خصوصا دكتور سامح ومحمد زكريا وتيمور

بليز يا جماعة اللى يعرف اى حاجة يساعدنى او يقولى اوصلهم ازاى

ممكن طلب بسيط من اللي حضروا محاضرات الاسبوع ده ينزلوا المحضرات على المنتدى

لاني مسافر و مش هحضر الاسبوع ده





و شكرا

يا ريت تقدر تساعدنى انا عايزة اخد كورس فيزياء وكيمياء وعايزة تليفون سامح و محمد زكريا للكيمياء وبالنسبة للفيزياء تيمور وعلى عطية وياريت لو تقدر تقولى مين احسن
مشكور على الاهتمام

طب انا حبعتهم لحضرتك في رسالة خاصة عشان مينفعش اكتبهم هنا

:078111rg3::078111rg3::078111rg3:

ميرسى خالص بس هتقل عليك شوية انا مش عارفة مين احسن فى الكيمياء د زكريا ولا سامح بس انا سمعت ان زكريا كويس فى الاورجنك وسامح كويس فى الفزيكل و الانورجنك ودكتور امير ده كويس ولاايه والفيزياء برده تنصحنى بتيمور ولا دكتور على اصل انا مجتش الكلية الا اقبل الامتحانات بشهر ومعرفش حاجة

بصي حضرتك

د/زكريا ده بتاع اورجانك بس..مش بيدي فروع تانية

ود/سامح بتاع ان اورجانك وفيزيكال..بس هو أحسن طبعا في الان اورجانك

ود/ امير طبعا كويس ..انا كنت معاه الترم الأولاني

الفيزياء بقى

د/تيمور بيدي فروع و د/علي بيدي فروع تانية خالص...وهما الاتنين بيدوا مع بعض مع د/خالد

يعني بيتاخد عند التلاته مع بعض..الترم الاول حصل كده..مش عارف الترم ده نظامهم ايه؟؟


اهلا بيكي

شكلة كدة فعلا ربنا يستر


لا د.اسماعيل احسن منة طبعا دة اصلا كل شوية امراااض امرااااااض حتى العيش بيجيب امرااااااااااااض
واصلا الذاكرة عندة .........يلا

احسن حاجة ان د.جمال مش حيسيبنا علشان اصلا كنا حنضييييع من غيرة

اقتباس:

اول محاضرة الكترستى ودكتور اسمه مجدى وده دكتور شرحه كويس على فكرة انا سمعت اسمة د.احمد دانيال دكتور فيزياء ذرية وبيدينا حاجة تانية

هو على فكرة لامجدي ولا أحمد

هو جمال ......... جمال دانيال

اولا اهلا بيكي في المنتدى نورتينا
ثانيا بالنسبة لموضوع الدكتور هو الصراحة شرحه حلو يعني هتفهمي منه بس هو كان في مشكلتين انه صعب شوية تكتبي معاه لانه مش بيكتب كل حاجة والحاجة التانية انه بيشرح حجات كتير بالعربي فانا مكنتش عارفة الحجات دي علينا ولا لا بس عموما مادام انتي محضرتيش يبقى اكيد انتي مجموعة تانية فهيبقى عندك دكتور غيره لان هما تلات دكاترة كل دكتور مجموعة ان شاء الله

ليه مش 4؟؟؟؟؟؟؟؟؟؟؟؟؟؟؟
انا اللى فهمته ان عندى شحنتين وf=1N
لما يكون عندى اربعه يعنى كل شحنه نحط جانبها واحده كمان تكون F =?????????????
Fتتناسب مع Q1*Q2
F2تتناسب مع 2Q1*2Q2
F2تتناسب مع 4Q1*Q2
لذا تزيد الى اربع اضعاف امثالها
مش عارفه انا اللى فاهمه المسئلة غلط ولا ايه:confused::confused::confused:
بس المسلئه اللى فيها X مش عارفه اعوض ازاى يعنى لو فكيت القوس التانى بيدينى X"2-4X+4
ولو استخدمت الجذر بيدينى 3.44؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفعلا دجمال حايدى صيدلة وانا سالت معيد وقالى كده
بس نسيت اقولكوا انى سالت د الزووالعملى ايه
هو قالى شويه حاجات بالانجليزى مافاهمتش منها حاجه بس قالى عندتا تشريح ارنب وده احتمال كبير مشاهده بس علشان الارنب غالى واما الفيران زى ما د ايمن قال قبل كده
نحقنها بعقار معين ونشوف التاثير عليها مش تشريح يعنى

جزاك الله خيرا ويا ريت اكون صديقة للمنتدى

اهلا بيكىوان شاء الله نقدر نستفيد مع بعض
شوفى يا مريمانا حليتها ازاى ا
هو بيقول ان q1=q2=1
عندما f=2N
'طيب وعندما الq1=q2=2
اذن الf هتساوى كام ده اللى فهمته من المسالة ونعوض عادى زى زمان هتطلع ان الfب8 ولو عملتيى باقى المسالة بنفس الطريقة عندما الq1=q1=1\2
هيطلع الfبتساوى 1\2 صح

ولا كدة الطريقة غلط؟؟؟؟؟؟؟؟؟؟؟؟؟؟:romarioxp6:
وبالنسبة للجذر مش عملتيه مرة بالسالب ومرة بالموجب

اهلا بيكي معانا في المنتدى

:078111rg3::078111rg3::078111rg3:

ما اعرفش الطريقه دى
:(انا كنت حاروح للدكتور بكرة يشرحها ليا

هاى يا جماعة
انا لقتكم بدأتو مذاكرة من اول ساعة فى الترم التانى وانا اصلا قولت احنا مخدناش حاجة يعنى هيييييييييييييييييييه هكمل الاجازة
ولما فتحت المنتدى لقيت حل مسألأة وحاجات كدة وجالى احباط لما شوفت دة هو انا خدنا حاجة تتذاكر بجد؟؟؟؟
والله احيكم بجد وانا دلوقتى هاقوم اشوف ايه اللى خدناه وحاول اذاكره

لا حول ولا قوة الا بالله العلى العظيم ايه اللى حصل فى الدنيا يا جدعان هو احنا لسه شمينا نفسنا وبعدين محدش حيعرف يذاكر حاجه لسه لما تيجى الكتب الاول ولا ايه؟ وبعدين هو الواحد مش عايز يكرر مأساه الترم الاول ولكن حنحاول نذاكر بس مش اول اسبوع كده غير لما نعمل دراسه تخطيطيه للجدول الاول

وبعدين الكلام ده ميحبطش حد لسه لان العبرة دايما بالنهايه ويمكن اللى داخل حامى اوى كده على اخر السنه حيهبط فبراحه شويه الدنيا ما طا رتش ولا ايه؟]سلام

اولا اهلا وسهلا بيكى عضوة جديدة ماشاء الله الاعضاء كترو والافادة هتزيد برضة ان شاء الله
ثانيا المفروض نتعلم من اخطائنا الترم الاول وبعد كدة دا احنا ماخدناش غير محاضرة واحدة ماخدتش تبييض على مذاكرة نص ساعة وبتهيالى لازم كلنا نشجع بعض :slap1qk6:

فى ايه يا جماعه؟؟؟؟؟؟؟؟؟؟؟؟؟؟؟؟؟؟؟:stickjo4::stickjo4:
كل ده علشان انا وسهم بنحل مسئلتين الكترستى؟؟؟؟؟؟؟؟؟؟؟؟؟؟؟؟؟؟؟؟حرام عليكوا:slap1qk6: ده بدل ما تشاركونا:slap1qk6:
وبعدين احنا بنتكتب المحاضرات تانى يعنى مش بنحل دليل التقويم:stickjo4: ولا امتحانات السنين اللى فاتت:stickjo4:
وعموما عن نفسى انا عندى بنزهير:romarioxp6: فا لو ماذاكرتش الحاجة فى وقتها حانسها وانسى الشرح بتاعها وارجع ادور على حد يشرحها ليا :049gc0:يعتى الفكرة انى مش باكل الكتب وخلاص:redface:
وعموما انا بحترم كل الاراء :friendsxs3:
والاختلاف فى الراى لايفسد للود قضيه:078111rg3::d:d

بيتهيالى الحل صح لانه قال ان f2حتقل للربع
2×1\4=1\2

حلوة حكاية البنزهير دي

يا ستي ربنا يسهلك. ومتنسيش

ذاكروا...ذاكروا...انا مقولتش حاجة

بس انا مش حبدئ دلوقتي خاااااااالص

اولا: اهلا بيكي يا رانيا

و طبعا عندك حق في كلامك