|
يادكتور عبد الرحمن
ياريت حد يقولنا ما هى أخر الأخبار اليوم بالنسبة لأوائل الأزهر |
الف مليووووون مبروك للجميع وربنا يتمم فرحتنا علي خير
معلشي ليا سوال بالنسبة للخدمة العامة اللي هنحضرها اجيبها منين انا معملتهاش وكمان مش كتبت قدامها حاجة وانا بقدم ده غلط ولا ايه بكده مش هيقبلوا التعيين وخصوصا ان في نص في الكتاب الدوري لسة قرياه للاسف بعد ما قدمت بيقول ان مفيش تعيينات من غير الخدمة العامة ياريت حد يوضحلي ربنا يكرمكوا |
مبروك لاوائل الازهر ربنا يتمم فرحتكوا بالوظائف اللى تتمنوها:022yb4::022yb4::022yb4:
|
اللى اعرفه ان الخدمة العامة تخص البنات انتم الخدمة العسكرية يعنى مثلا احنا ماكتبناش حاجة فى خانة الخدمة العسكرية
|
كل الايالات الا مش مختومه هو فى الا ايصال مختوم ؟
|
اية اخر اخبار النهاردة يا جماعة
|
http://www.thanwya.com/vb/life/icons/news2.gifاخى الكريم ارجو من سيادتكم التكرم وايضاح الامر انا اسمى مدرج بكشوف الاوائل ولكن ترتيبى الرابع على دفعتى هل سيكون من المعيدين ارجو الافادة ولكم وافر التقدير والاحترام
|
العشرين الاوائل ممكن يبقوا ثلاثين
الرجاء من حضرتكم توضيح الاتى :
1 - هل سيتم الالتزام بتعيين عدد 20 من الاوائل حتى وان لم يحضر منهم الا خمسة فقط للادارة والتنظيم .[/B] 2 - ترتيبى ال 25 ، فى دفعتى يوجد 2 معيد و 3 بالجهاز المركزى للمحاسبات ، هل سيتم استبعاد المعيدين والمعينين بوظائف حكومية يعنى ممكن نلاقى الترتيب وصل لل 30 3 - يعنى لو فيه من العشرين الاوائل سبعة تم تعينهم فى وظائف حكومية هل يتم الانتقال واخذ سبعة اخرى اى يصبح الترتيب الى رقم 27 4- شكرررررررررررررررا:excl: |
http://snakabdo.alrdwa.net/showthrea...ED%ED%E4%E5%E3
اسماء اوائل الخريجين من عام 2003 حتى 2011 الذين سيتم تعيينهم |
بسم الله الرحمن الرحيم
الاخوة الافاضل الاخوات الفضليات اعضاء هيئة التدريس بجامعة الازهر الشريف تحية طيبة وبعد : ماحصل البارحة واليوم اننا قابلنا رئيس الجامعة والذي فرح لفرحنا فرحا شديدا اكرمه الله ووعدنا بالاسراع في انجاز الاوراق ونسال الله التيسير هذا كان كلاما مجملا مع رئيس الجامعة اما التفصيل فهو مع ا محمود شعيب امين عام الجامعة والذي لم نستطع مقابلته بالامس لمشكلة مع طلبة الطب ، ولعدم حضوره اليوم لم نقابله ايضا والله المستعان وسنذهب اليه الاحد ان شاء الله ودعواتكم بالتيسير |
اقتباس:
|
اقتباس:
|
بسم الله الرحمن الرحيم
بسم الله خير الأسماء بسم الله رب الأرض والسماء بسم الله الذى لا يضر مع إسمه شىء فى الأرض ولا فى السماء بسم الله افتتحت وبالله ختمت وبه آمنت . بسم الله أصبحت وعلى الله توكلت ......... الحمد لله رافع السماء بلا عمد وخافض الأرض على ماء جمد اللهم ارزقنا التوفيق وأتمم علينا التعيين واكتب لنا فيه الخير إنك على ما تشاء قدير وبالإجابة جدير وصلى الله على سيدنا محمد النبى الهادى إلى سبيل الرشاد |
لمتابعة كل ماهو جديد عن تعيين اوائل الخريجين على صفحات الفيس بوك
انضموا الينا لتتعرف ونتعارف ........ http://www.facebook.com/groups/152782184815811/edit/ |
السلام عليكم
هل فعلا اليوم (الخميس 13/10/2011) هو آخر ميعاد لتقديم أوراق اوائل الازهر؟ مش كان اعلنوا ان التقديم لغاية يوم 18 ؟؟؟ برجااااااااااء الافادو بارك الله فيكم |
كد د.شاكر ان ورد له اتصال من احد اصداقائه حيث ابلغه انه تحدث مع رئيس الجامعه الذي اكد ان الخطابات سترسل لكل الاوائل في غضون عشره ايام مع تحيات
ادمن الصفحه د/بليغ حمدي Like · · Translate · Shar منقول من جامعة الازهر كلها مظاليم |
3 بتاريخ 14/10/2011 النص :أعلن الدكتورأسامة العبدرئيس جامعة الازهرعن موافقة الجهاز المركزى للتنظيم والادارة على توفير درجات مالية لتعين أوائل الخريجين فى جميع كليات الجامعة واوضح
ان الجهازالمركزى قام بمخاطبة وزارة المالية لتمويل هذه الدرجات المالية التى تم الموافقه على تمويلها والتى يبلغ عددها 6033درجة مالية لتعين الأول والثانى على كل شعبة سواء بكليات البنين او البنات بالقاهرةاو الوجهين البحرى والقبلى ...و الاسماء التى صدر لها موافقه سوف يتم مخاطبتها بهدف استيفاء الأوراق الخاصة بكل خريج بهدف استلام العمل كل فى كليتة خلال الايام المقبلة...وشكرا Like · · Follow Post · 23 minutes ago منقول من مظاليم الازهر |
اللهم لك الحمد
:022yb4:خبر هام من صوت الازهر صفحة رقم 3 بتاريخ 14/10/2011 النص :أعلن الدكتورأسامة العبدرئيس جامعة الازهرعن موافقة الجهاز المركزى للتنظيم والادارة على توفير درجات مالية لتعين أوائل الخريجين فى جميع كليات الجامعة واوضح
ان الجهازالمركزى قام بمخاطبة وزارة المالية لتمويل هذه الدرجات المالية التى تم الموافقه على تمويلها والتى يبلغ عددها 6033درجة مالية لتعين الأول والثانى على كل شعبة سواء بكليات البنين او البنات بالقاهرةاو الوجهين البحرى والقبلى ...و الاسماء التى صدر لها موافقه سوف يتم مخاطبتها بهدف استيفاء الأوراق الخاصة بكل خريج بهدف استلام العمل كل فى كليتة خلال الايام المقبلة...وشكرا منقول... ((مظاليم الازهر)) |
الهم اغفر لنا
|
الهم اغفر لنا وارض عنا وارزقنا حبك وحب من يحبك
|
اللهم صلى وسلم وبارك على حبيبنا محمد صلى الله عليه وسلم
|
مواعيد التخلفات
السلام عليكم ورحمة الله وبركاته يا جماعة لو فيه واحد عنده فكرة عن مواعيد تقديم الأوراق للتخلفات (للعام) يقول لنا |
ياترى ايه الجديد يا جماعه فى موضوع أوائل الأزهر معيدين
فينك يا أخ خليل ورامى وأم رهف تابعوا معانا على طول الأخبار أول بأول طمنونا ايه اللى بيحصل |
أعتقد التخلفات من 18 إلى 25 أو حاجة زي كده
|
التخلفات من يوم 18 الى يوم 23 وربنا يوفقك الجميع ونخلص على خير بقا وتكون وظائف حلوة تليق بالاوائل مش اى وظائف والسلام |
مواعيد التخلفات
طيب حيقسموها مجموعات ولا إيه يعني أقصد مثلا جامعة المنيا والقاهرة والزقازيق يوم كذا |
بس صح ربنا يسهل وتكون وظائف كويسة |
ايهما افضل واحسن التدريس كمعلمه في مدرسه ام اداريه في اداره الجامعه
ياريت لو حد يعرف يقولي وشكررررررررررا |
ارجو الافادة من اصحاب الخبرة فى الازهر هل مرتبة الشرف فى التقدير تكون احق من التقدير العادى بمعنى انا جايب جيد جدا وكبر 200 درجه من واحد جايب جيدجدا مرتبة شرف فتم ادراج اسمه ولما سالت قالو انه جايب مرتبه شرف على الرغم انا اكترمنه فى المجموع ارجو الافادة ضرووووووووووورى
|
الترتيب كالآتى ( ممتاز مع مرتبة الشرف - ممتاز - جيد جدا مع مرتبة الشرف - جيد جدا - جيد - مقبول )
|
اقتباس:
والله انا راى انك تنزل التنظيم والادارة قبل يوم التخلفات اصلا احتمال الموظف ياخد منك ورقك ولو ماخدش ورقك بالمرة اعرف المفروض تيجى امتة تقدم الموظف هيدلك احسن مننا |
اقتباس:
هى دى المشكلة فعلا لان النحاس نيتة الان انة يسكن الاوائل فى وظائف مشى حالك يعنى معظمها ديوان عام المحافظة مجلس محلى تربية وتعليم حتى الان مش سمعت ان هناك اى وظيفة محترمة تليق بالاوائل زى ما نكون بنشحت منة اى حاجة ربنا معانا وربنا ينتقم منة |
انا سألت في المدرسة الشخص المسؤل عن المدرسة الألكترونية و وجد اني علي الدرجة الثالثة لأني من اول الدفعات الي دخلت الكادر ارجوك بماذا تنصحوني هل اكتب اني اعمل ام لا؟
و هل كما قيل سابقا سيكون لنا الحق في الأختيار ام لا؟ بالله عليكم انصحوني |
اقتباس:
إداري الجامعة فلوسهم أكتر وأكثر احتراما في المعاملة مع احترامي لكل المعلمين .. هي المشكلة مش في المعلم المشكلة في وزارته اللي مش عامله له قيمة .. |
اه الاخبار يجماعة
اه الاخبار يجماعة حد سئل عن اوائل الازهر وصلوا معاهم لفين ال يعوف يقول الواحد زهق
|
اقتباس:
شكرا يادكتور عبد الرحمن علي رد حضرتك علي سؤالي وربنا يجازيك خير يارب ويجعله في ميزان حسناتك اللهم امين |
اقتباس:
عندك حق والله وخصوصا ان المقبول والدبلومات فى لتربيه والتعليم وشايفين انهم افضل مننا بالخبره كمان احنا نتمنى التميز وياااااااااااااااااااااااريت ادارة الجامعة انا على فكره تربيه نوعيه كمبيوتر ومعايا دبلومة خاصه فى الكمبيوتر من جامعة المنورة وحاليا مسجله ماجستير ونفسى اتعين فى حته غير التربيه والتعليم يا ترى امنيتى دى ممكن تتحق ولالالا؟ |
جامعة المنصورة واعتقد انها جامعة ليها احترامها ولا مش هتفرق معاهم ههههههه
ياريت لو حد عنده ملعومات يفيدنى |
اه الاخبار يجماعة حد سئل عن اوائل الازهر وصلوا معاهم لفين ال يعرف يقول الواحد زهق
|
منقووووووووووووووووول...............
السلام عليكم اذيكم يا اوائل البلد هههههه ياجيل مصر الصاعد بصوا بقى انا هاحكى اللى حصل النهارده فى مقابلة محافظ المنوفيه ومديرة التنظيم والاداره بالمنوفيه اولا انا وزميلنا استاذ حسام توجهنا لمكتب المحافظ الساعه التاسعه وهو مكنش موجود قابلنا النائب اللواء ابراهيم عزت فتح الباب واتكلمنا فى المهازل اللى حصلت يوم تقديم الاستمارات وهو قال ديه مسئولية التنظيم والاداره وفعلا كلم مديرة التنظيم والاداره مد...ام نبيله وهى قالت ان الكشوف موجوده وان عملية الفرز سوف تتم فى المحافظه حبيت اساله عن نوعية الوظائف او كيفية توزيعها للاسف قال ان كل حاجه بتحصل فى التنظيم والاداره وطلبنا منه ان احنا نتقابل مع مدام نبيله مديرة التنظيم وفعلا روحنا لمكتتبها وكانت على علم بزيارتنا لينا (طبعا لازم اخد ميعاد الاصول بقى ههههههههه ادخل عليها من غير سلبق انذار يعنى مكتب المحافظ كان بلغها ان هشرف عندها هههههههههه ) المهم دخلنا وقعدنا وهى استقبلتنا الاول بضيق وجايبه رؤساء اقسام معاها عشان يحموها منى تقريبا ههههههه اتكلمنا فى عملية الفرز معرفناش نوصل لحاجه مره الفرز هيتم فى المحافظه ومره الكشوف مش مظبوطه والنحاس مابعتش كشوف نهائيه نفرز على اساسها وقالت ان جاتلها بنت بافاده من كليتها انها الرابعه واسمها مش فى الكشف (اول نقطه سلبى ) اتكلمنا فى نوعية الوظائف قالت الكل فى تخصصه( بس ركزوا فى الجاى ) يعنى علوم وبيطرى تبع وزارة الصحه كده التخصص لكن هنبقى اداريين موظفين كلام واضح بالنسبه للتربيه هم ملهمش غير التربيه والتعليم وبتقولكوا احمدوا ربنا بالنسبه بقى للهيئات الاتيه لاتتبع ديوان المحافظه وبكدا تبقى خارج نطاق التعيين وهى كالاتى المحاكم الجامعات مراكز الابحاث الضرائب البنوك الطب الشرعى شركات الادويه والمياه والكهرباء من التهايه اى وظيفه مرموقه انسهوها هى اداريين موظفين للاسف طبعا ( انا علوم امتياز وهناقش ماجستير كمان كام شهر قالتلى لو ربنا بيحبك تبقى تبع التربيه والتعليم لكن انتى غالبا هتبقى مع الطب البيطرى ) المرتب المرتب المرتب حتى الان التعيين على اساسى 234 جنيه ومع الميتين فى الميه يوصل ل 500 جنيه ( قرار 884 ج يتم دراسته حاليا ولم يتخذ به قرار ولم يفعل قولوا يارب ) بالنسبه لطلاب المنح وطبعا من الاوائل يتم معاملتتهم زى باقى الاوائل وسوف يتم تعيينهم بالنسبه للى شغال فى مكان وارفق ورقه بانه يتثبت فى المكان ده غالبا سوف يتم تعيينه حسب رغبته (ربنا يكرم الجميع ) بالنسبه للى شغالين ومتثبتين ومؤمن عليهم هى قالت لو عندى فى محافظتى طبعا هاستبعدهم هم اصلا شغالين سالتها هل يتم تخيرهم قالت لالالالالالالالا بالنسبه للسؤال عن التعيين باثر رجعى الكلام ده غير حقيقى بالمره انكرته وقالت استحاله يحصل بالنسبه لعملية التوزيع وميعاد التعيين قالت كله فى ايد التنظيم والاداره فى مصر احنا عملنا حصر للاسماء الاوائل وحصر الدرجات الخاليه هو هيوزع الاسماء على الوظائف (نقطه هامه المتحكم فى توزيعنا على الوظائف التنظيم والاداره بالقاهره) ويبعتوا للمحافظات يبدأوا اجرأت التعيين فورا نقطه طريفه جدا وتهمنى انا شخصيا اللى من الاوائل وحاصل على درجة الماجستير قالت ياخد علاوه 4 جنيه (هههههههه اوعوا تزعلوا نفسكم ههههههه العلم العلم مش ده مبدأنا هههههه) اما لو ناقشت بعد التعيين تاخد زياده 100 جنيه ( انا عن نفسى هاجل مناقشة الماجستير بتاعى ههههههههه) بالنسبه لدرجات المعيدين او الباحثين اللى الكل بيقول عنها هى انكرت معرفتها بيها نهائى بالنسبه لاى حد عايز يغير رغبته فى المحافظه يروح وان شاء الله يقدر يغيره ( حسام بعد ما عرف نوع الوظائف والمرتب غيرها هههههههههه وكتب المنوفيه بحب انا الانتماء ) |
الكلام ده معناه خريج علوم يشتغل مدرس ( الصلاه على النبى)؟؟؟
عايزين نبدأ نفكر فى نوعية الوظايف لو حد عنده معرفة فى الجهاز المركزى بالقاهرة أرجوه يسألنا على نوعية الوظايف لكل كلية |
يعنى ايه بتوع التربيه يحمدوا ربنا مش فاهمه هو لحمد لله على كل شىء لكن التعيين كمعلمين مهو فى ناس كتيره دبلومات فنية مدسين واى حد بياخد عقد مهما كان نوعه مصيره لتثبيت يبقى علماو ايه بجد كلام فااااااااااااااااارغ
|
يا ريت الدكتور عبد الرحمان يوضح لنا معنى الكلام ده ولو أنه يبدو عليه الوضوح وشكرا
|
1 مرفق
زملائي الأعزاء ,
أحيطكم علما بأنه تقرر بجلسة مجلس الوزارء رقم ( 15 ) المنعقدة بتاريخ 16/6 /2011 بالنسبة للمشروع القومي لتشغيل أوائل الخرجيين بالجامعات المصرية الموافقة على تعيين ال ( 20 ) الأوائل من كل كلية بالجامعات المصرية اعتبارا من عام 2003 وحتى عام 2010 وذلك بوحدات الجهاز الإداري بالدولة بالدرجة الثالثة التخصصية وفقا لأحكام قانون رقم 47 لسنة 1978 ولائحته التنفيذية. لذلك على من يجد اسمه في الموقع أدناه من بين العشرين الأوائل على الكلية مع الاخذ في الأعتبار أن الكشوفات تضم اسماء الاوائل بعد استبعاد اسماء المعيدين والمرحشين لمنح بحثية . الرابط في المرفقات ( عشان مش قادره احطه هنا عشان موصلتش ل 25 مشاركه بعد ) فقط اختار الجامعة والكلية و ابحث عن الاسم في العام الذي تم التخرج فيه. و بغيه الاثابة من الله , على من يعرف أحد من تلك الاسماء سرعة احاطته علما بذلك لان هناك الكثيرون ممن لا يعلمون انهم من ال20 الاوائل خاصة بعد استبعاد المعيدين قبل رصد الاسماء وهنا تأتي المرحلة الثانية وهي الدخول على الموقع ادناه و طبع استمارة التعيين لملئها وتقديمها مع ارفاق صورة من البطاقة الشخصية وشهادة التخرج وشهادة الجيش ويتم كتابه الترتيب في الاستمارة وفقا للترتيب في الكشوف. ستجدون في الموقع المذكرة الصادرة بشأن تعيين أوائل الخريجين يتم ارسال الطلب لمديريات التنظيم والادراة الخاصة بكل محافظة وستجدون في نفس المذكرة كل المعلومات المطلوبه ومواعيد تسليم الأوراق وهي لمعظم الجامعات- باستثناء جامعات محافظتي القاهرة والاسكندرية- يوم الاحد والاثنين والثلاثاء 9 , 10, 11, من شهر اكتوبر الحالي . ارجو التوفيق للجميع |
الله الغني عن وظايفكم يا حكومة
بعد الكلام اللي قاله sherif 20II أنا زعلان علي اليوم اللي أخدته عارضة من الشغل وعلي الفلوس اللي دفعتها في المواصلات علشان أروح سوهاج |
وكمان لو كانت الوظيفة في مكان بعيد عنك وبتركب مواصلتين ولا 3 وطبعا لازم بتصادف تقابل ناس حبايبك أو أصحابك وتحب تدفعلهم الأجرة يعني في الآخر بيكون اللي شغال بالحصة في مكان قريب منه أحسن منك |
الى أوائل الأزهر
نحن الان كمت صرح رئيس الجامعه فى العدد 629 فى 14 /10/2011 فى انتظار مخاطبة الجامعه لاستيفاء الأوراق ونصيحتى الى جميع الأخوه تجهيز اوراقهم واستكمالها وهى على نحو التالى والعذر اذا نسيت شيئا 1- شهادة مؤقته من التخرج 2- شهادة الميلاد قومى 3- بيان بالأربع سنوات 4- افادة بالسنة النهائية 5- فيش جنائى 6- الدمغات حسب ما تحده الجامعه ونصيحه جهزها من دلوقت 7- الموقف من التجنيد 7- الخدمة العامة للاناث 8- دوسيه بلاستك حافظة 9- 4 دوسية عادى 10- بيان بالحالة الوظيفيه ونصيحه اخرى جهز استمارة مفردات مرتب وخليها معاك 11- الموقف من الدرسات العليا ودى تاتى عند الطلب منك 12- متابعة جريدة صوت الأزهر الايام القادمة لأنها سوف تخبر الجميع باهم الاحداث وكذلك ما ينشر من اللجنه التنسقية لأنها قد تسبق الجريده عند اصدازها ونتمى من الله ان يحقق ما بقى من حلمنا وييسر أمورنا امين |
نشنت يا شريف
انا قررت و الحمد لله اعمل ماجستير انا خطيبتى كانت بتتحايل عليا أعمله من زماااااااان بس مقتنعتش الا بعد حكاية ال 4 جنيه اللى هزيدهم على المرتب بجد فرصة لا تعوض!!!!
بقولك ايه يا شريف هو حد قالك إسأل اوعى تروح هناك تانى الله لا يسيئك .. كنت بفطر اللقمة وقفت فى زورى0.. دا أنا كنت بدأت أعامل الناس اللى فى شغلى على إنهم هما اللى شغالين عندى مانا كده كده مفارق بس يالا اهو كويس ألحق أحسن علاقاتى تانى هههههههههه |
هههههههههههههههه و الله أنا كنت حا سس بملل و أنا فى تمهيدى ماجستير على أن المشوار لسه طويل بس ال 4 جنيه دى أدتنى شحنة حماس و عزيمة على انى اكمل...
طبعاً ما تخسرشى شغلك يا اسلام دلوقتى لحد متتاكد 100% من توزيعك مش بس توزيعك ده كمان لما تعرف المرتبات شكلها هيبقى ايه.... .......و مبروك على الخطوبة يا برنس :) |
شوفتوا الحكومة بتقول ايه؟
هتتطلعوا أوائل ... هتعملوا ثورة مش هتتعينوا يعنى مش هتتعينوا هههههههههه |
| جميع الأوقات بتوقيت GMT +2. الساعة الآن 10:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.