|
اقتباس:
و انتى طيبة يا بروكن و عيد سعيد عليكى انتى كمان اقتباس:
المفرمة كانت جامدة اوى المرة دى بس الحمد لله تقريبا عدت و مش فاضل غير تاريخ العلوم بكرة ربنا يستر و طميش ميفضلش يخترع فى امتحانات كانت شغالة و امتحانات لا ربنا معانا و يعدى الترم ده على خير |
احلى طلبة علوم " كيميائين و فيزيائين " مش حقول " جبولوجين " علشان شكلى كدة لوحدى الجيولوجيا اللى فـ المنتدى دة كل سنة و انتم طيبين و بالف خير و سلامة و ان شاء الله السنة دى تكون سنة سعيدة علينا كلنا و ربنا يعدى الترم دة ع خير ان شاء الله تــم بحمد الله انهاء الاسبوع بتاع الميد تيرم ع خير يا رب كــلة يكون عدى علية ع خير ان شاء الله معلش بقة كان تواجدى فـ المنتدى الايام اللى فاتت قليل علشان الامتحانات بقة .. كلكلم عارفين بقة :):) و شغل البرنامج بس الحمد لله انة عدى ع خير و كل سنة و انتم طيبين مرة تانية و كل واحد بقة يحجز لى نصيبى من " اللحمة " و بلاش خم :) http://www14.0zz0.com/2009/11/24/23/832123750.jpg و الــــعيـــــــد فــــــــــرحــــــــــــــة ماااااااااااااااااااااء |
الحمد لله ان الأسبوع ده عدى و انا لسا عايشة و الله فضل من ربنا
الامتحانات كانت بشعة ايه دههههههههه؟؟؟؟ الحمد لله كل سنة و انتم طيبين و ان شاء الله السنين الجاية نبقى فى عرفات قولوا آميييين |
اقتباس:
على العموم الحمد لله الواحد ارتاح من الاسبوع المميت اللى كنا فيه ويارب يقوينا عليهم بعد العيد وكل سنة وانت طيبين جميعا نصيحة من اختكم اتفسحوا على قد ما تقدروا علشان هنرجع لحرقة الدم تانى بعد العيد |
اقتباس:
تعرفى ان فيه وحدة صحبتى كان يوم الاربع عندها 3 امتحانات لأ و فيه وحدة صحبتى تانية قدرها انها كان عندها يوم الأربع 4 امتحانات و الاربعة اوحش من بعض فيزيا حيوى كيميا thermodynamics ميكروبيولوجى تاريخ علوم تخيلى كيميا معاها فيزيا ده حتى ال2 ميمشوش مع بعض و الميكرو كان فى محرم بك من 10 ل 11 و الامتحان اللى بعده كان فى الشاطبى من 11 انتو متخيلين؟:040vk0: اقتباس:
ما هما ال3 كليات فى شارع واحد فردة كعب يا دوبك تموتوا فى الدلع منهم لله اقتباس:
هو بس علشان ابقى عملة حسابى عندنا ايه بعد العيد هل فيه امتحانات تانى؟ اصلى فعلا و الله مش مركزة صحيح هو العملى حنمتحنوا امتى؟ |
السلام عليكم و رحمة الله و ربركاته
ازيكم يا جماعة عاملين ايه يارب الكل يكون بخير بصوا انهردة فيه ورقة اتعلقت فى محرم بك عند شئون الطلبة مكتوب فيها ان العميد هو و رؤساء الأقسام حيعملوا اجتماع لمناقشة طلبة المستوى التانى فى المشاكل اللى واجهتهم اثناء الدراسة و حلولها و كدة حتكون يوم الخميس ان شاء الله 10/12 يعنى الخميس الجاى بمبنى الكلية بالشاطبى فى مدرج 1 انا قلت اقولكم و بصراحة انا حسة انه الاجتماع ده مهم و حيتكلموا عن المشاكل و كدة و هى كليتنا دى فيها ايه غير المشاكل يعنى انتو ايه اخباركم؟ و المذاكرة؟ طبعا شغالة اكييييد؟ ههههههههههه ربنا يوفقنا كلنا ان شاء الله و السلام عليكم و رحمة الله و ربركاته |
من زمان مدخلتش المنتدي عملين ايه وعملتوا ايه في سنه اولي
|
اي حد واقف معاه اي حاجه في اي ماده يقلي بس
ممكن اساعده |
اقتباس:
واقف معايا كللل حاجة فى كل المواد الاحصا رايحة فى داهية و s p lock elements رايحة فى داهيتين و الثيرمو الحمد لله تراوة اول مرة فحياتى بجد احس بالتوهاااان :romarioxp6:و عدم فهم اى شىء فى الا شىء بس اهم حاجة اوعو حد يحسدنى:mad: ما شاء اله الله اكبر |
ازيكم يا جماعة
و الله يا جماعة انا حاسس بضياع جامد اوي و حاسس اني دخلت منطقة الخطر و لازم ارفع درجة حالة الطوارىء الى الون البرتقالي. معلش يا جماعة عايز اسألكم على شوية حاجات لاني منفض للحضور لاني بحاول الم نفسي في مادة الرايضة لاني ضايع فيها و لا افقه شيئا. مادة الاقتصاد ايه ظروفها و دكتورها و كتابها و وقها؟ انا مش عارف اي حاجة عنها و كمان عملت مصيبة اني محضرتش الميدترم. المقال التاني بتاع تاريخ العلوم نسلمه امتى؟ و يا ترى لسه بياخد غياب؟ هو الديناميكا الحرارية خلصت عند شابتر تلاتة كده؟ و بعدها قاعدةالصنف؟ معلش يا جماعة اصل انا تايه بسبب اني باحاول الم نفسي. مع اني و الله عندي مشكلة اني مش عارف اذاكر كويس .. حاسس اني بذاكر سلق بيض. سلام عليكم.. |
اقتباس:
اهلا فوكس ازيك .. عاش من شافك .. مش بتدخل غير عشان مصلحة ;) بس ماشى ولا يهمك الضياع ده مش انت لوحدك اللى حاسس بيه ده الحمد لله كل كيمياء و تقريبا ف كيمياء حيوية بردوه بيعانو منه منفض للحضور عشان تلم نفسك ف مادة الرياضة ؟؟؟ جيب ورق دكتورة هدى من المكتبة حيظبطك فيها شوية مادة الاقتصاد شغالة عادى ف مواعيدها و الكتاب انت و مزاجك عايز تجيبه جيبه لو مش عايز بلاش بس الدكتور بيقول امتحان الترم حقولكو افتحو صفحة كذا و حلو الاسئلة اللى فيها ازااااااااى بقا الله اعلم :bosyht9: بالنسبة للدكتور بيجى وبيشرح و بياخد الغياب و كل اسبوع بيطلب اسئلة الكتاب اللى بعد كل شابتر تتحل و تتقدم كانها شييت .. حاول تظبط نفسك فيها عشان هى تعتبر مادة زى اى مادة بساعتين يعنى زى الاوجانك مثلا و عليها درجات و تقدير و حرام تضيع المقال التانى بتاع تاريخ العلوم يتسلم اخر الشهر و ماخدش الغياب الاسوع اللى فات الديناميكا مش عارفة بصراحة هى وقفت لحد شابتر كام و بعدين يا فوكس لو مش عارف تسلق بيض انت ممكن تقليه على فكرة ههههههههههههههههه :d ربنا معاك و معانا ان شاء الله |
اقتباس:
اظن ممكن تعوض شوية بأنك تحضر المحاضرات و تحل اسئلة كل شابتر لأن الميدترم عليه 10 درجات اما الشيتات اللى الدكتور بيطلبها مننا فى صورة حل الأسئلة اللى ورا كل شابتر فديه عليها 15 درجة يعنى اكتر من الميدترم و زى ما لافلى قالت اقتباس:
اقتباس:
يا سلام دى اجمل حاجة فى الدنيا و الله:D:D:D |
اقتباس:
عشان الفرق ف المواد بين كيميا و كيميا حيوية مش كتير يعنى شايفين نفس العذاب زيينا ربنا معانا و يسترها ف امتحانات الترم |
اقتباس:
انا مش عارف اقلي ولا اسلق لان مفيش بيض اصلا بس موضوع انكوا ضايعين زيي ده مبالغ فيه لانكو مش عارفين اني لا افقه شيئا , انا بصراحة مثال للاستهتار و الاهمال لدرجة اني بفكر اترشح رئيس وزراء بس هحاول انقذ ما يمكن انقاذه و شكرا انك نبهتيني لموضوع الاقتصاد ده و عرفتيني اللي بيحصل في المحاضرة. بس بجد الرياضة هي اللي عاملالي كآبة..انا لسه ببتدي اذاكرها عشان الفاينال..هي صعبة ولا ايه؟ اقتباس:
طيب الكتاب بيتجاب منين؟ و المحاضرات في الشاطبي ولا في محرم بك و مواعيدها ايه و مدرج كام؟ و خدتوا كام محاضرة لغاية دلوقتي و كام شابتر و حليتو كام شيت؟ يعني من الاخر اتوبيس كام بيروح فين متشكر اوي يا جماعة سلام |
اقتباس:
مواعيدها السبت و التلات من 4 ل 6 بتاتعت يوم السبت اظن اها فى مدرج 3 و بتاعت التلات فى مدرج 6 ال2 فى الشاطبى (المدرجين اللى تحت دول اصلى مش عارفة بصراحة ارقامهم) كام محاضرة يمكن 7 و اللا حاجة فى الحدود دى و كام شيت حتى الآن 6 شيتات و هو فى مجموعة التلات خلص فى محاضرة واحدة 3 شباتر فبقينا بقدرة قادر حنبدأ فى الفصل التاسع يعنى ده تقريبا اللى انا فاكراه |
| جميع الأوقات بتوقيت GMT +2. الساعة الآن 09:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.