بوابة الثانوية العامة المصرية - جروب 3 ثانوى ( علمى علوم )

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - جروب 3 ثانوى ( علمى علوم ) (https://www.thanwya.com/vb/showthread.php?t=465591)

وربنا حرام يا جماعة
انا كل ما بدخل التوبيك هنا بيجيلي احباط

اقتباس:

المشاركة الأصلية كتبت بواسطة amothman123 (المشاركة 5243791)

ليه دة قصة الإنجليزى جميلة .. طيب بذمتك كدة مش أحسن من التهريج بتاع العناكب بتاعت ثانية ثانوى ؟!
علشان تفرق بين اسم التفضيل المضاف لنكرة و المجرد من أل و الإضافة بتقارنى بين المفضل و المفضل عليه .. فإذا كانوا من نوع واحد فهو مضاف لنكرة .. و إذا كانوا من نوع مختلف فهو مجرد من أل و الإضافة
مثال : المعلمة أفضل امرأة .. هى المعلمة أية يعنى مش امرأة ؟! إذاً هو هنا مضاف لنكرة و امرأة مضاف إليه مجرور
حضارة مصر أعظم حضارة .. ما هى حضارة مصر حضارة برضة يبقوا من نوع واحد و برضة مضاف لنكرة
و هكذا بقى : المعلم أفضل رجل .. مصر أفضل بلد .. إلخ
إنما تفرق مثلاً لما أقولك مصر أطيب هواء .. مصر مش هواء !! يبقوا من نوع مختلف يبقى مجرد من أل و الإضافة و هواء دى تمييز
مصر أعظم حضارة .. مصر مش حضارة !! نفس الكلام
----------
المستوى الرفيع عامل زى السبرتو الدروس بتتبخر فى ثوانى لازم تراجعى عليها بصفة مستمرة
الوحدة الأولى عن هاواى .. وحدة غاية فى الرخامة ولا ليها أى لازمة و أسماء مكلكعة و خلافه
الوحدة الثانية عن ماريا مونتيسورى .. أكبر وحدة لكن جميلة و سهلة بس بتتنسى بسرعة برضة
الوحدة الثالثة عن الـ global thinking عبارة عن 3 مواضيع ممكن تذاكريهم لأول مرة فى ساعة و نصف مثلاً لكن بيتنسوا أسرع منهم جميعاً و خاصة الدرس الثانى بتاع الإنفجار السكانى مليان أرقام
باختصار يعنى نصيحتى المستوى الرفيع الإنجليزى يبدأ على الأقل من شهر 1 حصة واحدة فى الأسبوع .. لو ماكنتيش لسة بدأتيه يبقى أبدأى فوراً .. أسئلة الحفظ دى لازم تحطيها فى جيبك إن شاء الله لأن الامتحان في حاجات تانية مالهاش منهج زى rewrite و القطعة الثانية الى بيبقى عليها اختيار من متعدد ( ارخم سؤال فى الامتحان ) فلازم تضمنى دول إن شاء الله
----------
و بعد جهد أسطورى و بعد ما كان هايحصلى حاجة منه أخيراً قدرت أجمع منهج العربى و القصة بأجزائها الثلاثة :022yb4: بس لسة برضة عايز أثبتهم أكثر و خاصة اللغويات ( أرخم سؤال فى الامتحان )

أولا ميرسي جدا لردك و مساعدتك وجزاك الله خير ..
الانجليزى ازمة حياتى منه ف القصة انها طويلة الاحداث كتييييير بتخش ف بعض معايا و سؤال الكوتيشن ده عجيب من كتر الناس اللى بيتكلموا ف كل شابتر انا دمغى بتلف ف النص .. و غير كدة مش قادرة اديلها حقها ف التركيز بسبب طبعا القنبلتين الذريتيين اللى اسمهم فيزيا و احياء
اما بالنسبة للانجليزى مستوى رفيع فانا شغالة فيه من بدري بس شغاله على حبة الجرامر و الاختيارات و ال rewrite و الكلام ده .. و اللى هى find the best ending دة تمام الحمد لله مش فاضلى غير الدروس و مش عارفة احشرلها وقت ازااااى فعشان كدة قلت سالكوا الوضع فيها ايه ..
اما بالنسبة للعربي فالف مبروووك عليك انا لسه بحاول الم فيه قدر المستطاع بس مش هيوقعنى فيه غير القصة لان الجزء التالت اانا شبه مش فاكرة منه ولا كلمه لانى بعد ماخلصته دخلت مراجعه من الاول على طول فماتكتش عليه جامد .. ربنا يستررررر

اقتباس:

المشاركة الأصلية كتبت بواسطة (بالقرآن نحيا ) (المشاركة 5243875)

وربنا حرام يا جماعة
انا كل ما بدخل التوبيك هنا بيجيلي احباط

why why why

ياجماعة هو مفيش طريقة بنحول بيها الوحدات المكافئة بدل الحفظ..انا زهقت وبنساهم.
ومحدش علق على امتحان السودان يعنى؟؟

اقتباس:

المشاركة الأصلية كتبت بواسطة ahmed ali12345 (المشاركة 5244000)

انا محلتش امتحان السودان
انت خلصت حل كتاب الامتحان في الفيزياء ولالسه ؟؟؟؟؟؟؟؟؟؟؟؟؟؟؟؟

اقتباس:

المشاركة الأصلية كتبت بواسطة طالب المستقبل (المشاركة 5244006)

انا محلتش امتحان السودان
انت خلصت حل كتاب الامتحان في الفيزياء ولالسه ؟؟؟؟؟؟؟؟؟؟؟؟؟؟؟؟

السؤال المفروض
انت بدأت حل كتاب الامتحان ولا لسه:p:p.؟؟

انا لسة بدرى عليا اوووووووووووووووووووووووووووووووووووووووووى
اصلى بعمل حاجة حلوة
براجع النظرى بتاع فصل واحل اسئلة فصل غيره بس مش الاسئلة كلها
يعنى خلصلت مراجعة 1.2.3. وبراجع مثلا فى الرابع
احل سؤالين من الاول ومسألتين من اللتانى. وفتح كتاب المدرسة احل اسئلة التالت..
لغاية ما اخلص المنهج كلها هيبقى المنهج لسة فى دماغى وملموم كويس
اما لو اخدت درس درس راجعته وحليت كل اسئئلته ورميته ولا ضهرى..عبقال ما اخلص هكون نسيت كل حاجة ورااااااااا

اقتباس:

المشاركة الأصلية كتبت بواسطة ahmed ali12345 (المشاركة 5244028)

انت عامل زيي انا فكرت نفسي الوحيد اللي متاخر الله يكرمك اعطيتني امل تسلم يا كبير طب المسائل تظامك فيها ايش

اقتباس:

المشاركة الأصلية كتبت بواسطة amothman123 (المشاركة 5243794)

صعب جداً تقدرى تحفظى بالنص لو أنت واخداها عربى .. الإنجليزى ممكن إنما العربى صعب جداً .. و هو مش محتاج يكون فاهم أو متفاهم .. هو امامه نموذج إجابة بيشوف فيه الإجابة و يروح يشوف إجابتك و مادامت الإجابتين متطابقتين من حيث المعلومات المذكورة مايهمكيش إن شاء الله .. إنما بقى لو جزء مهم نقص من الإجابة هايعمل أية يعنى ؟! أكيد هاينقص نص درجة ولا حاجة .. فى نموذج الإجابة أصلاً بيبقى معلمله على كل جزء مهم من الإجابة بأنصاص .. ياريت لو عندك كتاب الامتحان مراجعة نهاية امتحان 2012 دور أول الى أنا امتحنته الفقرة الأخيرة من السؤال الأول تقريباً بتاع الفسفرة التأكسدية باين .. المهم فى إجابة نموذج الإجابة الى هاتلاقيها عندك فى الامتحان كل سطر من الإجابة عامل عليه فى النموذج ( نص درجة ) لأن أى معلومة هاتنقص هنا هاتأثر على الإجابة
دة قصدى .. مش مهم الأسلوب .. المهم كل المعلومات و المصطلحات المذكورة فى هذه النقطة تتكتب .. بأى أسلوب بقى مش مهم

سؤال تاني معلش : رأيك أكتفي بكتاب المدرسة كويس أوي و لا في كتاب خارجي فيه معلومات مهمة ؟

و كمان لازم أحل الأمتحان أسئلة كله و لا ممكن أطنشه عشان الوقت ؟؟؟؟؟؟ أنا كنت حالة حاجات في أول السنة بس ناسيتها !

اقتباس:

المشاركة الأصلية كتبت بواسطة ahmed ali12345 (المشاركة 5244028)

أنا كنت بعمل حاجة شبه كدة بس لقيت انه لازم أراجع كل وحدة لوحدها لو عايزة ألم المنهج بجد ...و الله أعلم يعني...ز

اقتباس:

المشاركة الأصلية كتبت بواسطة amothman123 (المشاركة 5243791)

تحياتيييييييييييييييييييييي علي لم نهج العربي ...أنا لسة عايشة في معاناة بسببه مابين كتاب المدرسة و تطويل الكتاب الخارجي و الأدب الي لازم يتحفظ ياريت لو في طريقة سهلة راجعت بيها تكتبها و كلوا يستفيد !

أنا متفقة معاك في المستوي بس الوحدة الأولي تعتبر سهلة من وجهة نظري يعني انما الأخيرة دي رخمة أوي و موضوعا بايغ جدا و عموما أنا لسة بذاكر فيهم لأن كل لما أحفظ درس و بعدين أرجعله تاني الاقي نفسي ناسياه تماما !!

اقتباس:

المشاركة الأصلية كتبت بواسطة طالب المستقبل (المشاركة 5244034)

انت عامل زيي انا فكرت نفسي الوحيد اللي متاخر الله يكرمك اعطيتني امل تسلم يا كبير طب المسائل تظامك فيها ايش

انت اللى عطيبتنى الامل والله ههههههههه
انا المسائل كويس فيها الحمد لله بس بسيب المسائل الصعبة كل شوية ابص عليهم عرفتهم خير وبركة معرفتهمش ..اشوف الاجابة ...بس فيه حاجات كتير ببقى سايبها والله برجع احلها من تانى الاقى نفسى حلتها..مش بعقد نفسى بيها يعنى.
اما المسائل المعقدة خالص ماليش فيها..هتحسسنى انى مش بذاكر ع الفاضى
وعلى فكرة امتحان السودان اسئلة المسائل سهلة ...النظر هو اللى لاعب فيه.خير ان شاء الله

اقتباس:

المشاركة الأصلية كتبت بواسطة yolanda (المشاركة 5244286)

نصيحة حصرية اوى
اوعى تذاكرى الادب من اى حته وهتعقدى نفسك ليه..
كتاب الاضواء مراجعة نهائية عامل لكل درس من العشرة ...اسئلة مش بتزيد عن 10 اسئلة للدرس الواحد ....مفيش اى سؤال ثانوية عامة ولا سودان بيطلع منهم وعن تجربة+لو معاكى كتاب الرسالة مراجعة نهائية جايب اسئلة الادب اللى جات فى الثانوية مجمعه واجابتها بردو الاسئلة بتتكرر فى الادب 95% منها والله.
اما لو سورى يعنى عايشة فى دور لازم اذاكر الادب كله من اوله لاخره...هتتعذبى والله جربى ومش هتندمى.
ملحوظة: لو معكيش كتاب الاضواء مراجعة نهائية..يبقى ذاكرى الادب من موقع الاستاذ مدحت فودة.اكتبى فى جوجل( نادين مدحت)
بس بأمانه بتاع كتاب الاضواء احسن وجايب المهم واللى بييجى

حد يقوللي يا جماعه علي النصوص ايه الحفظ وايه الدراسه ربنا يخليكوا لاحسن الدنيا بايظه عندي

اقتباس:

المشاركة الأصلية كتبت بواسطة طالب المستقبل (المشاركة 5243893)

why why why

كل ما بدخل بلاقي ناس متوترة وناس بتقول الامتحانات هتيجي صعبة .....................الخ

اقتباس:

المشاركة الأصلية كتبت بواسطة ngmellail (المشاركة 5244416)

حد يقوللي يا جماعه علي النصوص ايه الحفظ وايه الدراسه ربنا يخليكوا لاحسن الدنيا بايظه عندي

الحفظ : غربة وحنين - الصغيران من اول و بينما نحن - الشاعر وصورة الكمال - كم تشتكى - النسور المقطعان 3و4 .. و الباقى دراسة