الفزيا من امتع المواد وهي التي بتميز طالب عن طالب في ثانوية عامة وساعات الانجلش اهم حاجه تكون منظم في المذاكرع بتاعتها كشكول مرتب لكل حاجه لكتاب الامتحان ومذكرة المستر والله لو قادر عليهم وتمام ممكن تشتري كتاب نيوتن او المثالي حاول تبعد عن كتاب الوسام ملوش لازمه وحل كتييير ومتهملش النظري ومتفوتش حاجه الا لو انت مذاكرها عملت كل دوت هتيجي ع اخر السنه برنس فيها
الكيمياء ويلا للي هيعملهالي في اول السنه .. ماده فيه معلومات كتير وعايزه حل كتيير عشان تثبت المعلومه معاك كتاب الامتحان ومذكرة المستر قادر عليهم ممكن تشتري كتاب مندليف او الاستاذ

الاحياء لازم تذاكر من مصدر مطابق لكتاب للمدرسه والي تاخده تذاكره في يومه وتدرب نفسك ع الرسم بالبيانات من اول السنه
معاك الامتحان ومذكرة المستر وكان معايا كتاب الفائز اكتر من رائع وابعد عن كتاب التفسير
الجيولوجيا لازم مصدر مطابق لكتاب المدرسه وتحفظ الحاجه في يومها وريمها سهل درب نفسك عليه معاك الامتحان ومذكرة المستر
اللغه التاني ودي زوق عافيه لازم تدخلها وهدفك انك متنقصش فيها ربع درجه كنت بذاكرها من مذكرة المسيو بس حاسس ان مذكرة المسيو بتاعك وحشه هات كتاب برافو
يارب اكون افدتكم دعواتكم ي جماعه وربنا معاكم

ربنا يكرمك يا دكتور ....هو انا معايا كتاب الوسام فى الفزيا وبحل منه بس فى حاجات كتير واقفه معايا

يعنى اكمل فيه لاخر السنة ولا اشوف كتاب غيره احسن

تمام يا دكتور الوسام لحد قانون اوم تمام جدا لكن فكيرشوف فعلا تقيل
بس كيرشوف هو تقيل وافكار يعني العيب مش في الوسام بدليل ان مسالة السنة اللي فاتت تقيلة

مشكلتي مع النصوص
الألفاظ
يعني أي وحده عضويه يعنى أي تجربه الشعريه
انا مدايقه

طيب انتو شغالين فى ايه للمسائل...فى كتب افضل منه ممكن اجربها

للامانه كان معايا الوسام وحليت فيه لحد قانون اوم ودخلت ع كرشوف اتعقدت واشتريت كتاب نيوتن كتاب روعه وفيه كل المستويات وكمية اسئله كبيرة بس مشكلته انه مكنش معاه كتاب اجابات ومنزلش الا في الاخر .. وفيه افكار كتير من الوسام كمان بس ميزته زي ما قلت فيه كل المستويات المهم انتم ركزوا ع الدليل وكتاب المدرسه وكتاب الامتحان اهم حاجه ولو باذن الله مخلصنهمش وقادرين عليهم ممكن اشتروا كمان كتاب المهم وانتم بتحلوا اتقنوا الحاجه عشان تخلص منها ولما تقابلك المسأله تاني تحلها بالنظر

متسبش الحاجات السهله وتهملها وتفضل شاغل نفسك بالحاجات الصعبه خلي المذاكره بتاعتك متنوعه ركز ع كل للمستويات بحيث ان المستوي المتوسط تركز اكتر الامتحان مبيجيش كله صعب المسأله بتاعتنا مكنتش تقيله المطلوب التاني سهل خالص وصعوبة المطلوب الاول مكناش واخدين الفكرة واتوزع درجة المطلوب الاول ع المطلوب
التاني

الوحدة العضوية
وحدة الموضوع والجو النفسي وتناسق الافكار وترابطها
....................
التجربة الشعرية
العاطفه والافكار والصوره التعبرية

لا في الدرس مش بيدينا واجب او بيلزمنا نحل من كتاب محدد هو بيعمل امتحان كل حصة وكده لو عايزة تحلى على الفصل الاول حملي مذكرات مستر علاء منير

مبروك يا دوك انا ملاحظ ان معظم الدكاترة هنا من المنصورة :d ربنا يوفقنا كلنا
المهم انا كنت عايز اسالك يعني على مشكلة النسيان دي انا بكون مذاكر كويس وانسى بسرعة وخصوصا العربي والمادة اللي فيها كلام كتير مش عارف انا النسيان عندي فظيع هو ده طبيعي ولا انا اللي مش طبيعي :022yb4:
وشكرا مقدما

هو بنسبة كبيرة الصعب عمره ما حيجي الا لو معايا اساس سهل قوي بس تمام اكيد التنوع مطلوب :022yb4:

اي حد بينسي عادي دا شئ طبيعي متقلقش
عشان تعالجه لازم تراجع باستمرار واحسن مراجعه عن طريق الحل وانت ماشي في الجديد حاول تراجع ع التقديم وبالنسبه للعربي وانت بتذاكر قصه حاول تفهمها كحكايه حدوته وحاول لما تخلصوا الجزء الاول في الدرس تكون مخلصه مذاكره لان الجزء التاني سوري في اللفظ مقرف وحشو كتير وهيحتاج وقت والادب حاول تجيب كشكول محترم وتنقل كتاب المدرسه فيه بتنظيمك عشان يبقي سهل معاك ... وزي ما قولتلك العربي بيتذاكر كل يوم او ع الاقل خالص ٥ايام في الاسبوع لانه كبير ولو ركنت فيه وحاولت تلمه في الاخر هيتعبك وهيكون ع حساب المواد التانية
ربنا معاك ومعانا💟

تمام شكرا جدا لحضرتك
جزاك الله خيرا

لسه كنت بشتكي لمدرس الجيو عن كده
قالي بس شكوتك دي بدري ااووي