تمام بس صعب تتنفذ متقنعوناش اننا كلنا كده هنوفق مواعيد ثابتة ممكن انا وحضرتك اه نتجمع لاننا بناخد تقريبا مع نفس المدرسين لكن صعب كلنا نوفق
احنا ممكن بس ناخد وعد على بعض ان اي حد يقدر يفيد التاني يفيد واي اسئلة رخمة في اي مادة تيجي لحد ينشرها هنا
كنت عامل امتحان كيميا رخم كنت مجمع اسئلة ونزلتها و محدش حملها ولا حد رد عليها فمش شرط كلنا نفتح سوا ونفس الحاجة في نفس الوقت بس نفيد بعض اكتر يعني نجمع مثلا الحاجات اللي وقفت معانا طول الاسبوع وكده وننزلها او الافكار التقيلة او نصور لبعض امتحانات الدروس لانها اكتر حاجة ممكن تفيدنا يعني لو مثلا خلصت الهيدروكربونات ها يا شباب حد معاه امتحان هيدروكربونات متجاوب كده يعني
الفرنساوي اي امتحانات دروس او اي واجبات معاها الاجابات الصح هاتوها عشان مباخدش الانجليزي الكتب متجاوبة لكن الفرنساوي مفيش حاجة متجاوبة

متأكد من انك مبتروحش درس؟ ؟؟
انا عاوزة اسم مدرس فزياء ع النت

مش حاخد اكتر من درس في نفس اليوم ومش حاخد 7 دروس في 7 ايام يعني انزل كل يوم يعني ممكن يعدي عليا اكتر من شهر بنزل كل يوم فمعنديش دروس يوم التلات ويوم الجمعة
مدرس فيزيا على النت فيه استاذ احمد بركة مؤلف الوسام ليه قناة على يوتيوب و فيه البشمهندز بتاعت م/ محمد جابر و فيه حلقات مدرسة على الهوا معرفش مين بيدرس السنة دي

شباب دي مسائل كيرشوف من دليل التقويم 2016 مسالة السنة اللي فاتت شبه مطابقة ليها موجودة هنا
نزلوا الملف و كل واحد يحل المسائل ونشوف حلنا عشان للاسف مش متجاوبين
فيه سؤالين كمان مش كيرشوف
https://www.mediafire.com/?fi0ec9zl1aqd4ht

شكرا يا باشا اما اكمل كيرشوف اصل انا مذاكره ع ما تفرج هحله
انا معايا نسخه 2016

منزلي امتحان عالعضوية اخر باب وهرد اقول ايه اجنا بنبدا من اول باب 😃

شكرااا جدا بس انا لو عاوز اشتري الدليل ده اشتريه منين وبينزل امته وهل بينزل منه 2017 ؟

أعتقد بيبقى ف الآخر

انا عرفت ان الوزارة بطلت تنزله من زمان بس المكتبات هي اللي بقت تعدل عليه وتبيعه يعني 2016 ده منقح ومضاف عليه كيرشوف معدل يعني
بس كويس بردك

خلاص بقى . هطلع من عنده انا جبت اخرى منه. عايز يسمعلنا قواعد النحو :(هو فيه كدة , انا هيجلى جلطة
بيعاملنا شكل اطفال الابتدائى مش فاهمين حاجة فى اى حاجة ومحسسنى ان احنا اول سنة ناخد عربى معاه.

صح كلامك افضل ..

لا بس مهم جدا

والله يا محمود عندنا كله بيبدأ بالعضوية بحسبكم زينا :d
دليل التقويم معايا بتاع 2014 منزله من ثانوية 5 نجوم بتاع 2016 اللي مصور منه ده كان مع واحد صاحب قريب واحد صاحبي فمعرفش جايبه منين برضو :d

تسميع القواعد ده تاني حاجة معترض عليها بعد طريقة تسميع معاني القصة كانت جايلي معنى راع مكنتش عارف حتى ده اسم ولا فعل واما سالت السكرتيرية اتريقت عليا و قالت مش مذاكر ومش عارف ايه بس برضو مفيش بديل ليه حاليا

ازيكم ي جماعه ؟؟
انا كنت ثانوية عامة السنه الي فاتت وربنا كرمني ودخلت طب المنصوره
اولا احنا كان لينا توبيك زي الي انتم عاملينه دوت ويمكن يكون احسن توبيك في تاريخ المنتدي الي اشتغل لعام كامل اشتغلنا مع بعض من اول يوم لاخر يوم والحمد لله كل الي كان فيه طب وصيدله وهندسه

عايز اقولكم أن تالته ثانوي والله سنه من اسهل السنين بالنسبالي كانت اسهل من سنين قبلها
بس محتاجه منكم انكم مضيعوش وقت ومتشغلش بالك بغيرك كتير
المفروض أن ليك هدف وبتسعي ليه
حاولوا بقدر الامكان انك متفوتش اي معلومه تقابلها حتي لو في نظرك ملهاش لازمه او صعب انها تيجي
ومتسبش اي حاجه للمراجعه لانك بصراحه مش هيكون فيه وقت في للمراجعه تذاكر حاجه لاول مره
بالنسبه العربي حاولوا تذاكروا كل يوم او ع الاقل خالص ٥ايام اسبوعيا وتحفظوا الادب من كتاب المدرسه وحل قطع نحو من اول السنه وكل يوم قاعدة تذاكرها ومتنساش تدرب نفسك ع البلاغه
وحل كتير مثلا معاك كتاب الامتحان رائع والقصه حاول تقرأ النص وتفهمه
الانجليزي حاول تذاكره بمواصفات ورقه الامتحان يعني تذاكر النوتس والريدينج والكلمات عشان الاختر والمستيك وتحفظ كل يوم عشر او خمس كلمات عشان الترجمه والقطع وتحل ميني ديولج وكل اسبوع برجراف ...