لا ليك انا كنت بقول ماشاء الله ع المعلومات اللي عندك بس شكل كدة اللي يزعلك ياعيني عليه

بقولك ايه يافامبير معلش انا عارفه اني تاعباك معايا بس انا عايزة اعرف لو انا عايزة اجيب ملزمه للموارد علشان انا مش فاهمه ولا حاجه انا مجموعه و ومتقوليش من المكتبات لاني معرفش اصلا عي فين المكتبات دي ياريت تقولي هي فين او حمب ايه بالظبط؟ وانا هاحضر المحاضرات بردة علشان اعرف هو ادي ايه ولغي ايه

لا عادي لا تعب ولا حاجة .. وبعدين شئ طبيعي انك ماتكونيش عارفه المكتبات دي فين ..

لإن انا كنت زيك برده .. فمافيش كسوف يعني ..

بصي ياستي عشان تبقي عارفه النظام بس .. السنة اللي فاتت طبقوا نظام .. ايه هوا ؟

ان كل مكتبة من المكتبات بتوع بره تكون متخصصة في وضع ملازم لمجموعة معينة من مجموعات كلية تجارة ..

بمعني مثلا .. ان الفرقة الاولي (مجموعة و) كانت تبقي تبع مكتبة صقر .. والفرقة الاولي (مجموعة ز) تبقي تبع مكتبة بينجو والفرقة الاولي (مجموعة أ) تبقي تبع مكتبة عادل وهكذا ،،،

اما السنة دي بقي فاظاهر والله اعلم النظام اتشقلب .. وحكاية احتكار الملازم لمكتبة واحده اتلغت والتنافس مابين المكتبات اتفتح .. ودا انا لاحظته السنة دي .. لإن انا نزلت للفرقة الاولي (مجموعة ز) السنة دي لاقيت ان المكتبة اللي متولية وضع الملازم مش مكتبة واحده زي السنة اللي فاتت .. لأ دا كذا مكتبة كمان .. ودا كويس مش وحش ..

حتى عندي انا كمان في تانية كنت فاكر ان مكتبة واحده بس هيا اللي هاتنزل .. اتلاقيت فيه حوالي 3 مكتبات نازلة مره واحده .. وبقيت محتار اجيب منين .. بس طبعا بالنسبالي انا مش فارقة اوي لإن انا عارف انا هاتصرف ازاي ..

بالنسبة لسؤالك بقي عن طريق المكتبات .. بصي ياستي .. انتي تطلعي من باب تجارة وتدي ضهرك ليه .. هاتتلاقي الناحية التانية من الشارع لوحة كبير كدا ومكتوب عليها مطعم صبري .. وجنبيه زقاق صغير اوي كدا يدوبك يعدي منه اتنين بالعافية .. خشي في الممر دا .. هاتتلاقي مكتبات كتيرة .. اسألي اي مكتبة فيهم عن اسم المكتبة اللي انتي عايزاها .. وهما هايقولولك .. طبعا دا لإني ماعرفش انتوا مكتبة ايه اللي نازلالكوا .. ودا برده لإني مجموعة (ز) مش (و) !!

ميرسي جدااااا والله انا اساسا مكسوفه من كتر طلباتي
وانا هاروح واشوف الموضوع دة بكرة ان شاء الله
ميرسي مرة كمان يافامبير علي تعبك معانا كلنا

هوا انتي كنتي بتقولي قبل كدا انك مش لاقيه الوصل .. تقدري تقولي ضاع .. بصي ومن الاخر .. ملاذك الاول والاخير شئون الطلبة .. هوا اان مش عايز افتي .. بس على حد علمي طالما ورقك عندهم يبقي ممكن يطلعولك وصل جديد بس اما يتأكدوا ان ورقك موجود .. لإن اعتقد ان دا زيه زي اذن دفع المصاريف كدا في تجارة عربي .. فعادي ممكن يطلع منه 50 نسخة ! مافيش مشاكل يعني !! .. والله اعلم .. بس انتي حاولي تتنازلي شوية واسألي في شئون الطلبة .. اي نعم انا عارف انهم باردين ويخنقوا ويجيبوا الشلل .. لإن انا النهارده كنت هاتشلللللللللل ! .. بس عادي تحلي بالصبر والايمان .. وخليكي شجاعة عند سماعك دقة الساعة 2 ظهرا وانتي واقفة على شباك شئون الطلبة وبتتمزجي في سماع صوت رزعة الشباك بيتقفل في وشك !!!!!

لا عادي .. هوا انا عصبي شوية بس مافيش مشاكل .. بهدا بعد كدا ..

العفو .. وبعدين تتكسفي ليه ؟ .. بصي لإسم الموضوع وانتي ماتتكسفيش !

انا عاوزة اعرف الكتب نزلت ولا لسه وايه اخبار الكارنيه
:049gc0:

لسه الكتب منزلتش يا جميل بس بتروحى ومعاكى 90 جنيه للخزنه اللى قصاد مدرج د و ج على طول
النحية التانيه هتلاقى مكان فيه شبابيك وزحمة كده..

اخر شباك وتدفعى تمن الكتب وتقوليلة مجموعه اللى انتى فيها هيديكى ايصال تقريبا
ولما تنزل الكتب بتستلميها بيه بس تقريبا لازم تحجزى الكتب زى كده:)

واخبار الكارنيه لسة يوم البنات بكرة هروح واشوف لو جبته هاجى اقولك
لو انتى روحتى قدمتى للكارنيه قبل العيد روحى اسألى عليه دلوقتى ممكن تلاقيه اتعمل

يلا بالتوفيق

انا سمعت ان الكتب هتنزل من اول الاسبوع الجاي

ايوة تقريبا هما قالوا كده بس الدكاترة كانوا بيقولولنا
"احجزوا الكتب" بس انا محجزتش واكيد هاخد الكتب بردو ولا هيمنعونى :d

انا مش عارفه ازاى يعنى احجز الكتب

على فكرة يا جماعة .. انا سألت ناس صحابي .. قالولي ان الكتب نزلت فعلا .. فشوفوا انتوا هاتعملوا ايه بقي

السلام عليكم ورحمة الله وبركاته

الكتب نزلت طب كويس
يارب مايعذبونا زى السنة اللى فاتت:abdoog8:
ادونا الكتب قطاعى لما قرفونى
المهم برضه هنقف طوابير وكدا ولا ايه وزى السنة اللى فاتت ولا غليت

لا التمن زي ماهوا .. 90 جنيه .. جنيه ينطح جنيه :angry2:

بس حكاية القطاعي دي سببها احتمالين ..

> الاحتمال الاول ان عدد الكتب المطبوعة في الدفعة الاولي بيبقي اقل من عدد البشر اللي بيبقوا عايزين الكتب .. عشان كدا بيضطروا انهم يطبعوا دفعة تانية .. طبعا خلال الفترة اللي مابين الدفعة الاولي والتانية مش اقل من اسبوع !

> الاحتمال التاني بقي ان الدكتور مايكونش لسه خلص كتابه .. زي واحد اسمه عدلي بيدي موارد في اولي (ز) .. فاحلني بقي على بال مالدكتور يتكرم ويخلص البحث العلمي اللي بيعمله عشان يسلمه للمطبعة اللي بدورها تقعدلها سنتين على بال ماتطبعه .. وعلى بال بقي مايتم نقل الكتب من المطبعة اللي في اخر الجامعة لخزنة الكتب اللي عند المبني الرئيسي .. يكون الناس اتعقدت من حياتها !!

السلام عليكم ورحمة الله وبركاته

صحيح انت مرة قولت على كورس البورصة هل ده فى الاجازات بس ولاممكن ناخده دلوقتى
ولو كدا هيبقى مستمر ولا البورصة مش فاضية ونسيبها باللى هى فيه ياعينى:078111rg3:

يابنتي انتي محسساني انك مش في تانية خالص .. ولا كأنك عديتي على سنة اولي دي !!

عموما كورس البورصة دا كل اللي اعرفه انهم بيعلنوا عليه عشان الحجز .. بعد كدا اعتقد انه بيتم دراسته في اجازة نص السنة .. بس الكلام دا على ليفل 1 .. فيه بقي ليفل 2 نزل السنة اللي فاتت بس في اخر الترم التاني على الامتحانات كمان ! .. شغل تعجيز يعني ..

دلوقتي فيه كورس للتحليل الفني في مركز البحوث ب 1000 جنيه .. بس مش عارف بقي هايبدأ امتي .. بس باب الحجز مفتوح للي عايز ..

فيه بقي كورسات تانية بس دي تبع البورصة نفسها .. وبتبقي مجانية .. بس تخشي تحت مسمي المستثمرين الجدد .. بتقدمي عليها هناك وبميعاد مسبق معا بتوع العلاقات العامة هناك ..

السلام عليكم ورحمة الله وبركاته

vampire1188
يابنتي انتي محسساني انك مش في تانية خالص .. ولا كأنك عديتي على سنة اولي دي !!

لو اسالتى بتضايقك انا اسفة ومش هسالك تانى خالص

اه هانتقمص بقي ونزعل .. لأ على ايه .. انا بس كل قصدي ان مش باين عليكي انك في تانية

يعني بتسألي عن الكتب .. بتسألي عن الكورسات .. المفروض دي حاجات معروفة لينا .. فا مجرد بستغرب بس مش اكتر .. لكن مالهاش لازمة الزعلة يعني !! .. وعموما سوري لو كان ردي فيه شئ زعلك ..

وحشتنى يافامبير مش لاقى حد اشتمه :(

الى العضو ahmedovich ،،،

كلام نهائي واخير .. اي تجاوز منك سواء باللفظ الصريح او بالتنويه عنه .. هايتم وقفك واظن انتا مجرب مرتين قبل كدا .. اللهم قد بلغت .. اللهم فأشهد

مستني الرد
 

السلام عليكم...ازيك يا فامبير وازاي كل اعضاء المنتدي....المهم انا كنت بس عايز اسالك سؤال...
دلوقتي في ناس كانت بتوزع ورق عندنا في المدرج مكتوب فيه ان في دوره في المحاسبه وكده لطلاب سنه اولي في مركز الشيمي والدوره دي لانتظام وانتساب عادي والحجز دفع رسوم 10 جنيه بس...ولو فات ميعاد الحجز ..لو عايز تقدم فيها هتدفع حوالي..300 جنيه.فا انت رايك ان الدوره دي مهمه والمفروض اخدها او هتفيدني ؟ولا انت شايف ايه ؟ مستني الرد وياريت بقي ابقي اشوفك في الجامعه لو بتنزل يعني ؟؟؟ اه نسيت اقولك كمان هو انت من الاخوان المسلمين في الكليه ؟؟؟:stickjo4:

بقولك يا فامبير ياريت ترمي موضوع باك خالص اصلا من مواضيعي ياريت متنساش:::

فامبير معلش عايزة أسألك سؤال

أنا فى أولى تجارة إنجلش و مقضية أيامى من ساعة ما بدأت فى تبيض المحاضرات و مش بذاكر خاااااااالص

و أحنا عندنا إمتحان الميد تيرم فى 11-9 و مش عارفة أعمل إيه

و كمان أنا معرفش الأسئلة ممكن تيجى إزاى


يا ريت لو تقدر تساعدنى حكون سعيدة اوى لانى بجد حاسة إنى تايهة

اهلا زيكاس باشا .. منور ..

بيتهيألي اني شوفت الورقة بتاعة الدورة دي .. بس مش متأكد هيا ولا مش هيا ..

عموماً .. هيا مش دورة .. هيا درس بس هما بيقولوا عليها دورة عشان الناس ماتقولش انهم بيستغلوا وكدا .. شغل تجارة بقي :blush: .. هيا غالبا السكاشن دي بتبقي دروس في المحاسبة المالية .. بس بيني وبينك بتفهِّم عشان اللي بيشرحوا المادة معيدين وبيجيبوا من الاخر .. فماتخافش مش مضرة يعني .. فانتا عايز تاخدها اتس اوكي .. مش عايز برده اوكي بس احضر المحاضرات وافهم بقي ..

هاتتلاقيني عند الشبابيك اللي قدام مدرج العيوطي .. دا المقر الرسمي بتاعي :078111rg3:

لا ياعم اخوان ايه اعوذ بالله ! .. لا انا ليبرالي مش تبع اي اتجاه ولا اي حزب ..

ههههههههه .. طب تصدقي بالله .. انا زيك برده :blush: !!

بس هاعمل ايه .. اصل مافيش كتب نزلت لغاية دلوقتي .. والمكتبات عندنا كلها سايحة على بعضها والجد لسه ماجاش .. فعادي انا مقضيها لغاية اول 11 كدا ابقي ابدأ ابص بقي ..

بصي .. انتي بالنسبة للمحاسبة والرياضة .. اكتبي فيهم وماتفوتيش كلمة ..

اما باقي المواد .. فا عادي .. كله نظري .. والحفظ فيها مطلوب ..

بالنسبة لإمتحان الميد تيرم بتاعكوا .. دا مافيهوش مشاكل .. انتي الدكتور بييجي قبل الامتحان مثلا بييجي اسبوع كدا ويقولكوا يا جماعة ال hints اللي هاتيجي في الامتحان كذا وكذا وكذا ..

وكدا كدا اصلا ماتتخضيش من المقرر اللي عندكوا .. يعني مثلا لو افترضنا ان مادة زي المحاسبة دي في 22 شابتر .. مش هايتقرر منها الا ممكن 8 او 9 بالكتير اوي ..

في الميد تيرم .. غالبا في المحاسبة هايجبلكوا من اول شابتر وان لغاية ال journal entries

في الرياضة .. على حسب الدكتور اللي بيدرس عشان فيه دكاترة بيبدأوا بحاجة ودكاترة تانية بتبدأ بحاجة تانية

في ال managment هايبقي غالبا من شابتر وان .. لغاية مداخل الادارة ..

في ال economic ممكن من اول ماشرحلكوا لغاية الwheat دا ان كان مقرر اصلا -_-..

وهكذا .. انا مجرد بس بديكي امثلة .. هوا الدكتور قبل الميدتيرم هايحدد ويقول .. وقبل الفاينال برده هاييجي في الاخر ويقول ايه اللي مقرر وايه اللي متكنسل .. وشكل الامتحان هايبقي ايه وكام سؤال واحل ازاي .. فماتستعجليش .. هوا شئ طبيعي انك تبقي سايحة على نفسك .. بس انتي ان شاء الله اثبتي وتابعي المحاضرات كويس .. اي نعم انا عارف انك بتتخنقي عشان المحاضرة ساعةونص ! :redface:.. بس استحملي .. كله في سبيل انك تعدي .. وماتستغربيش من كلمة تعدي دي :blush:.. فيه ناس كتيرة جدا بتشيل مواد وفي اللي بيدبلر السنة !! :eek: .. فانتي الترم الاولاني حاولي بقدر الامكان تطلعي صافي باي طريقة .. والترم التاني العبي في التقدير لإن التاني اسهل من الاولاني .. مش عشان المناهج اقل .. لأ عشان انتوا هاتكونوا خلاص خدتوا على النظام وعرفتوا .. وربنا معاكوا :)

ممكن طلب عاجل بخصوص المجموعة المتميزة
 

هى مجموعة متميزة فيها نسبة حضور ومودها فيها تغير عن العادية و ممكن حد ينزلهلنا هنا

مجموعة متميزة أظن سبق واتكلمنا عليها كتير .. بس مافيش مشاكل هانرجع تاني ونقول

المجموعة دي السنة اللي فاتت كانت لتانية وتالته ورابعة بس .. انما السنة دي نزلوها لسنة اولي

بالنسبة للناس اللي لسه داخلين اولي .. جايين من ثانوية عامة يعني ..

الجامعة بتاخد منهم في حدود اعلى 200 واحد في المجاميع ويكون انتظام وعربي (مش انجليش)

عشان تكمل في المجوعة دي طوال السنين اللي جايه .. يشترط حصولك على جيد جدا على الاقل ..

بمعني انك اذا جيبت جيد جدا بتخشها على طول ..

بس مش هانسي اقول ان المجموعة دي بتقدم عليها من خلال اسمتارة بتتسحب من شئون الطلبة..

يعني مش بيتم تحويلك تلقائي ليها .. لازم انتا تروح وتحول نفسك

بالنسبة للغة الدراسة .. هى اللغة العربية ..

اما اماكن الدراسة فابتبقي في مبني الشعبة الانجليزية لكلية تجارة (جامعة القاهرة)

بالنسبة للمواد .. فهيا هيا بتاعة الناس العادية .. 5 مواد برده

معلش يا فامبير باشا هاتقل عليك بس كان عندى سؤال
يا ريت لو تعرف حاجه عن السكاشن بتاعه سنه اولى و على فكره انا مجموعه (د)
عاوز اعرف هتبتدى امتى و فين
بس خلاص

مستعجل اوي ؟! ..

>> السكاشن دي ياسيدي بتنزل على اخر شهر قبل الامتحان .. وبجدول معروف لكل مجموعة من مجموعات " انتظام " زي جدول المحاضرات كدا .. واللي بيدرس فيها معيدين مش دكاترة .. والسكاشن بتبقي في المواد العملي بس (محاسبة ورياضة ترم اول) و (شركات و accounting ترم تاني) ..

>> اماكن السكاشن غالباً مابتبقي في قاعات الامتحانات عشان القاعات هناك ماشاء الله كتيرة اوي .. حوالي 8 قاعات في الدور الواحد .. والمبني كله على بعضه 4 ادوار غير البدروم .. كل قاعة منهم تشيل بالظبط 150 طالب .. عشان كدا امتحانات الترم عدد كبير من الطلبة من الكلية عندنا ومن كليات تانية زي حقوق واعلام بيمتحنوا فيها ..

>> بالنسبة لاوقات الجداول اللي بتتحط .. غالباً مابيتحطلك الجدول بتاع السكاشن بتاعتك في يوم واحد ..

مش موضوع مستعجل بس انا فى التوهان و مش فاهم حاجه من الدكاتره فى المحاضرات و الامل بقى انى افهم من السكاشن:049gc0:
و شكرا يا برنس على المعلومات
هو كان فى سؤال كده:confused:
انت بتجيب المعلومات دى كلها منيييييييييييييييييييييييييين:romarioxp6:
اوعى لتكون شغال فى امن الدوله:p

جدول السكاشن نزل امبارح هو لكل مجموعه يوم من ايام اجازتها
فى فى كل المواد الا الموارد مش عارفه ليه
ومكان الجدول جنب الباب بتاع مدرج ج ود

اللي يعرف اي حاجة عن مجموعة متميزة يتفضل بالدخول
 

كنت عايز اعرف ايه حكاية الامتحانات التمهيدية دي عليها درجات و ايه و كمان عايز اعرف احنا بنمتحن نص السنة و اخر السنة ولا بنمتحن ثلاث مرات كل مرة الثلث:confused:

هههههههههههههه .. لأ شغال تبع امن نفسي !!

اها .. انا سألت برده ناس صحابي في تانية انتظام قالولي انه نزل .. بس مافيش ولا دكتور قالهم ان فيه سكاشن .. بالتالي هاتبقي معا وقف التنفيذ والله اعلم ..

لإن الموارد مش مادة تجارية .. واللي بيقوم بتدريسها دكاترة منتدبين من كلية الاداب ..

وفي الترم التاني هايبقي عندك برده مادتين .. اقتصاد / قانون تجاري

الاقتصاد هايدرسلك فيها دكاترة منتدبين من كلية سياسة واقتصاد

والقانون التجاري دكاترة من حقوق .. اما باقي المواد فابيبقي دكاترة من تجارة ذات نفسها

ربنا يحميك لمصر يا فامبير
بجد انت راجل جدع و بتساعد الناس
ربنا معاك يا برنس

يااااااااه لمصر بحالها ؟! .. طب قول لمنطقة الهرم .. لمنطقة الجامعة ..

عموما .. ربنا يخليك دا من زوقك بس

انا كنت عايزة لسالك سؤال يافامبير وانا عارفه اني بقيت رخمه جدا بس انا عايزة اعرف دلوقتي دكتور محمد عنتر بتاع الادارة مسافر واللي هايدينا مؤقت دكتور المحمدي وانا بصراحه بقيت مش بفهم منه حاجه عايزة اعرف اذا كان دكتور محمد هايرجع تاني ولا لا؟ ودي اول مرة يعملها؟
ثاني سؤال هل التطبيقات بتاعت دكتور المحمدي كفايه اني ازاكر منها وهايجي منها الامتحان ولا لا بردة ؟

أنا بصراحه كان نفسى أقولك الهرم بس خوفت لأحسن تفهمنى غلط:slap1qk6:
هههههههههههههههههههه
على العموم انا كنت عاوز اقولك حاجه
معرفش ليه حاسس ان انا فى التوهان و مش قادر اركز خااااااااااااالص و مش فاهم اى حاجه فى اى حاجه
بالعربى كده بطاطس:giljotiiniug3:
يا ترى دى حاجه طبيعيه و لا انا اللى يمكن منفض حبتين

والله انا مش كنت قريبه عشان اعرف هاييجي ولا مش هاييجي !!

الله اعلم .. ادعي بس ان محمد المحمدي مايسافرش هوا كمان .. عشان السنة اللي فاتت سابنا وراح يحج !!!!

بصي محمد المحمدي رغاي في محاضراته اوي .. هاتيجي تمسكي تطبيقاته هاتتلاقيها رغاية اكتر .. فانتي نصيحتي ليكي اعملي حركة حلوة اوي .. الجأى للملازم مؤقتاً دلوقتي .. بعد كدا اما تستلمي الكتاب اقري فيه .. وحاولي تلتزمي بأسلوبه في الكتابه .. بحيث اما تيجي تكتبي في الامتحان تكوني كاتبه اسلوبه بطريقة كوبي بيست .. عشان اي دكتور يحب اوي ان الطالب يكون كاتب بنفس اسلوبه .. فاذا كان الدكتور بيحب كدا .. ظبطيه !!

حكاية التطبيقات دي لمجرد القراية بس .. عشان اصلا هيا تطبيقاته اما بتنزل بتبقي محلولة بمعني انها نازلة بطريقة سؤال واجابة .. هيا نوعاً ما لذيذة .. بس هاتتلاقيها كتيرة .. وبعدين السنة اللي فاتت تطبيقاته نزلت متأخرة .. الله اعلم السنة دي هاتنزل امتي .. بس هوا المحمدي اهم مايميزة ان الكتاب بتاعه نضيف جدا مقارنة بالكتب التانية

اذا كنتي مزنوقة اوي في الكتاب وعايزة تلحقي تدحي .. غالبا هاتتلاقيه في السايت بتاعه

http://www.almohamady.com/ .. خشي واتفرجي براحتك بقي ..

بس بجد .. السلوكية ماتسيبيهاش لإنها طويلة خاصة في اخر 4 فصول فيها .. وهوا اصلا كمان صاروخ فيها .. ممكن يشرح بالفصلين في المحاضرة الواحده !!

هيا حاجة طبيعية انك تبقي بطاطس ! .. بس ماتسيبش نفسك لغاية ماتبقي بطاطس مهروسة !!

بمعني انك اكيد مش فاهم حاجة في المحاسبة .. واكيد هاتستلم الكتاب وهاتنح قدامه عشان هاتتلاقيه حوالي 500 صفحة وانتا ساعتها هاتبقي مطالب انك تخلصه في اقل من شهر ونص .. واكيد انتا سايح على نفسك عشان مش عارف تذاكر منين !

كل دي حاجات طبيعية جدا اي freshmen زيك لازم يمر بيها .. بس اعراض الكلام دا المفروض انه بيستمر لغاية ماتستلم الكتب .. اذا استلمت الكتب كدا انتا مالكش حجة .. عشان ساعتها المكتبات برا بتبدأ تشتغل صح .. فانتا لازم تبقي مدرك للي حواليك وعارف ايه اللي بيتشرح وايه اللي بيتقال .. ولو مثلا انتا عايز تفهم اوي في المحاضرة .. حضر قبليها .. يعني اقرا المحاضرة قبل ماتخشها من الكتاب .. واحضر .. 90 في الميه هاتبقي عارف ايه اللي بيتقال وهاتفهم كويس اوي ..

ربنا يستر و نعدى السنادى على خير

بقولك يا حج فامبير

هو ممكن الواحد يشيل مادة ويقدر يدخل انتظام ؟

بمعني اوضح ممكن واحد يشيل ماده ويجيب في باقي المواد تقديرات حلوه ويكون التقدير العام جيد ؟

سؤال ليك بقي يا باشا

انت انتساب ولا انتظام؟

اديكي شوفتي بنفسك .. اصل اول ماكتبت الموضوع دا اتلاقيت ناس مهاجماني كتير

بس اديكي شوفتي وحكمتي .. وهما نفسهم شافوا وحكموا .. بس يالا .. ربنا يهدي الجميع

حج ؟ .. يسمع من بقك ربنا يا دولة !!

هع هع هع هع .. لا طبعاً ..

يعني بالعقل كدا .. انتا هاتشيل مادة في اولي وتيجي تحول انتظام

طب اما تيجي تمتحن مادة الرسوب .. هاتمتحنها تبع مين .. انتساب ولا انتظام ؟!

ماتجيش طبعا .. ماهو عشان كدا بتوع انتساب بيموتوا ويحولوا انتظام

اللي هوا انا واحد منهم :blush: !!

تؤتؤ .. بص من الاخر

عشان سيادتك تحول انتظام .. لازم تحقق الشرطين دول >>

تجيب جيد على الاقل .. وتكون صافي .. غير كدا ماينفعش بأي طريقة من الطرق

انتساب للافس ! .. حلوة للافس دي :bosyht9:

الله يبشرك :giljotiiniug3:

يا عم دا حاسس اني عامل زي كوز الدرا المشوي اللي برد ومش فاهم حاجه في اي حاجة:slap1qk6:

والله فعلا مش عارف ابدأ منين :(

الرياضة والمحاسبة امرهم سهل

بس المواااااااااااااااااااد الــــــــــــــــــــــنــــــــــــظــــــــــــ ــري هي المصيبه

ياعم اهون من اما تحس انك زي اللي واقف في جبل ..

ومتعلق بإيد .. والايد التانية مجروحة .. وتيجي دبانة تزن فوق مناخيرك !!!!!!

طب خير خير .. دا هما دول اجمد مادتين ..

ياراجل حرام عليك !! .. انتا شكلك كنت علمي يا دولة .. صح ؟

ماهما بتوع العلمي دايما كدا .. بيتخنقوا من الحفظ

بس والله العظيم دا النظري سهل جدا .. هوا يمكن اللي رخمة شوية السلوكية

انما الادارة لذيذة جدا .. والموارد معلومات عامة ..

عيش حياتك ياعم .. بالا وجع دماغ

لا والله انا كنت ادبي بس تانيه كنت علمي

وفعلا هي السلوكية مشكلتي مش عارف اعمل معاها ايه

:giljotiiniug3:
ربنا يستر

انا هاجاوب على سؤالك باني اسألك ..

انتا كدا بتذاكر علم النفس في الثانوية العامة ازاي ؟

من ملازم المدرس بتاع الدرس :d

شيل بقي كلمة المدرس وحط كلمة المعيد .. وشيل كلمة الدرس.. وحط كلمة مكتبة

ماشي كويس

المعيد دا تبع مجموعات التقويه

واشتريت تطبيقاته

بس انت تقصد المكتبة المركزيه ولا مكتبات الكلية ولا اللي برا الكلية ؟