لا مش عيب منك ولا حاجه انا النهارده حضرت وحاولت اركز جامد ويعني فهمت شويه مش اوي انا بكرها اووووووووووووووووووووووووووووووي

شكرا يا هنوده ع الرد انا ب3 بس بحضر معظم المواد مع ب4

الحمد لله المنتدى رجع
انا مش لقيا مشاركاتى اللى كتبتها من يومين فى الموضوع ده!!!!!!!!!!!!

دكاترة الفيزيا و الحيوان مش دخلين دماغى
انا مشكلتى الكبيرة فى الحيوان مع دكتورة داليا
معرفش مين ال..... اللى خلاها دكتورة

على فكرة دكتور جمال حيعمل رفع كفاءة حيشرح فيها العملى و النظرى ب 150 فى الترم
اللى حابب ياخد يروح يسجل فى شؤؤن الطلبة بس يأكد عليهم انهم يسجلوه فى مجموعة د. جمال

والله كويس اوى ان دكتور جمال هيعمل حاجة زى كده طول عمره مفرحنا
بس انا حضرت لدكتور احمد مختار احسن من الدكتورة لميا وداليا بكتيييييير وبيدى يوم الخميس الساعة 10
بس على الاقل دول احسن من دكتور سمير خليل بتاع الفسيولوجى

أنا في اعدادي صيدلة واتمني أن حد من اتحاد الطلبة يرد عليالأن في اسئلة كتيرة ع الاتحاد مش لاقية لها اجابة:
1)ليه الاتحاد الدخول فية بالكوسة بمعنى اصح ليه مفيش انتخابات وناس بترشح نفسها عندها برنامج انتخابي وتحصل مناظرات واللي حقيقي ح يعمل حاجة مفيدة يبقى هو اللي يتعين.
2)فاقد الشئ لا يعطيه(حملة جامعة بلا تدخين)ايه النتائج بتاعتها معتقدش أنها نجحت وكان ليها أصداء عند الشباب لسبب بسيط أن نص الناس في الاتحاد بتشرب سجاير يبقي حيجيبوا منين القدرة على اقناع الشباب بالاقلاع عن التدخين.
3)أنا مش شايفة بالصراحة أي دور فعال للاتحاد في الجامعة بس عشان مكونش كدابة النشاط الثقافي حقيقي متميز.
4)انتم بالصراحة مش واصلين لبقية الطلبة بمعنى أن لما بيكون في حاجة مش فاهماها بالنسبة للكلية بيبقى أني اسأل الاتحاد دا آخر حل قدامي -مش عارفة دي حالة خاصة ولا دي حالة عامة-
ياريت حد يجاوبني ع الأسئلة دي وياريت محدش يزعل مني أنا كدة كدة ضيفة عندكم فاستحملوني شوية وياريت لو أنا كلامي غلط حد يقولي الصح لأني كان نفسي اعمل حاجة في الكلية بس لما شوفت منظر الاتحاد اتصدمت.

الحمد لله على رجوع المنتدى..و يا ريت يكون في ناس محترفين في مجال الهاكينج عشان يحاربوا و يصدوا الهاكرز اللي اخترقوا الموقع.
انا برضه في مشاركة كنت كل شوية احطها و لما المنتدى يرجع ما الاقيهاش.

ازيك يا نغة .. مشوفناكيش بقالنا مدة .. حتى قبل مشاكل الموقع .. عموما حمد الله عالسلامة .. و ايه اخبارك في الدراسة و الفيزياء عاملة معاكو ايه؟!
و عايز ارحب بسمسمة و محمود .. كنت برحب بيهم من اول ما دخلو بس المشاركة مش بلاقيها.
عموما اهلا بيكم و بأي حد جديد ..

l0vly girl .. نا كنت واخد برمجة حاسب اختياري بس حذفتها .الدكاترة قالولي صعبة و انت معاك رياضة فبلاش. و دلوقتي واخد لغة عربية , و مدخل قانون خدتها عشان اكتر حاجة معقول بعد المحاسبة في متطلبات الجامعة والوحيدة الي اتعرضت دلوقتي..علوم البحار لسه محضرتش فيها حاجة روحت مرة لقيت الدكتورة عاملة امتحان و هم ما اخدوش غير محاضرتين فمدخلتش انا مش عارف خدت المادة دي ليه بس كان فاضلي ساعتين قلت املاهم بمادة من التسع ساعات بتوع المسار الحر و برضه مفيش غيرها دلوقتي ,حاسس انها مادة مشوقة بس ابتديت اتخنق و لو حسيت اني مش جايب فيها هنسحب منها.
بتحضري انهو محاضرة في اللغة العربية.انا رحت الاتنين اللي فات و متكلمش في المنهج قال مقدمة كده.
بالنسبة لبرمجة و تطبيقات الحاسب الاجبارية فاهماها ولا ايه ؟.انا بفهم قليل اوي في المحاضرة و السكشن بفهم كويس .. حاسس ان ده حاجة و ده حاجة تانية خالص.
الفيزياء بقى مش عارف دكتور اسامة مش بفهم منه و كمان الداتا شو مش بيخلينا نكتب حاجة غير اني شايف شرحه مش قوي.
الناس البيولوجي اللي بتقول ان الفيزياء صعبة.ليه كده دي اسهل و الذ مادة في الكلية و اكيد يعني فيزيا بيولوجي او جيولوجيا اسهل من علوم طبيعية,طب قولو الرياضة صعبة ماشي ابصم بالعشرة.
سلام..

هاى فوكس ... ازيك ؟
و الله يا ابنى كويس انك حذفت البرمجة الاضافى دى اولا لانها غلسة و انا عن نفسى مفهمتش من الدكتور اوى غير انه بردوه شغال على الداتا شو و محدش بيلحق يكتب وراه و ثانيا فيه ولد فى المحاضرة قال كلمة ضايقت الدكتور و هو مصمم يعرف مين اللى قال و اخر فرصة يوم الاربع اللى جاى لان الحوار ده بقاله اسبوعين و لو معرفش مين حيشيل مننا درجات اعمال السنة كلها او حيشيلنا المادة و الكلام ده على لسانه قدامى فى مكتبه يعنى مش بيهزر
انا معرفش حاجة عن مدخل القانون او علوم البحار لانى اخده برمجة وعربى ولا اعرف حد اخدهم يعنى معرفش ايه النظام فيهم
بالنسبة للغة العربية انا بحضر يوم الاربع من 4-6 و محضرتش اول محاضرة بس المحاضرة بتاعت الاربع اللى فات ادانا المقال و اخد الغياب
البرمجة الاساسى انا مش فاهمة فيها كلمة ومحضرتش فيها غير محاضرتين و محدش عارف يكتب حاجة من الكلام اللى بيقوله الدكتور و محضرتش غير سكشنين الاول مفهمتش اوى عشان كنت مش مركزة بس التانى كان كويس
بصراحة هى البرمجة الاساسى والاضافى بسكاشنهم كلهم غلسين ربنا يستر فيها المادة دى

حضرت محاضرة الفيزياء ع2 بتاعت دكتور اسامة (امبارح) ؟؟؟
انا من الاول قولت انه مبيعرفش يشرح ده طبعا غير الداتا شو اللى بيشرح عليها وفعلا مش بيخلى حد يكتب وراه بس انا بحاول اكتب اللى اقدر عليه

سلام

هاي جيرل .. انا الحمد لله كويس انتي عاملة ايه؟
ايوة انا مرة حضرت محاضرة البرمجة الاختياري و هي كانت المحاضرة اللي حصل فيها الحوار ده .. لما قال "يا جماعة انتو دخلتوا كلية العلوم" فتقريبا حد قال "يا راجل!!!"
اللغة العربية انا هحضر بكرة و اعتقد هيبتدي اول محاضرة في المقرر بجد.
انا حضرت محاضرة دكتور اسامة النهاردة الاحد..و نفس الكلام اللي بتقوليه.
مش عارف بقى الحاسب ده هنفهمه امتى ..ربنا يستر.
سلام

انا كمان بحضر لدكتور احمد مختار و ماشاء الله قمة و الله ربنا يكرمه
اما د.داليا فكل اللى حقوله منها لله بجددددددددد

هنود صحيح كتبتى حاجة فى الكويز بتاعتها؟ ههههههههههه

الحمد لله بخير الله يسلمك
انا مكنتش عرفة ادخل المنتدى خالص مش عرفة ليه
اما بالنسبة للفيزيا فأنت بصراحة دست عالجرح
الفيزيا مدمرة عندى سواء العملى او النظرى
و الحمد لله على كل شىء

السلام عليكم,,,
ازيكم جميعا,,,,
الحمد لله حليت يانهى الحمد لله جه سؤال سهل بس طبيعي مش كله صح بس اكتر من ثلاث ارباعه صح الحمد لله على فكره ده من درجتين بس وهيتعمل خمس كويزات كل واحد بدرجتين كنت ناويه اخد فيه كورس بس لقيت انه لو شدينا حيلنا شويه هيتذاكر ومش مستاهل كورس وتعب عالفاضي احنا لازم نعمل اللي علينا ...
بالنسبه للفيزياء ملقتلهاش حل الا الكورس الحمد لله لقيت معيده كويسه وان شاء الله هكمل معاها
بس اكتر حاجه بكرهها الكورسات بتضيع الوقت جاااااااااااااااااااااامد بس اعمل ايه مفيش حل ...

د/ سمير خليل قال ان امتحان الفسيولوجى كمان اسبوعين تقريبا وطبعا مفيش ورق فى المكتبة والكتاب محدش فاهم منه اى حاجة طبعا ده غير الدكتور وكل ما اسال اى حد بيكون محتاس زيى وزى ناس كتير ومش عارفة الحل ايه .بس انا اصحابى اللى فى صيدلة نزلهم ورق المنهج كله لدكتور احمد سرور طيب ليه احنا مش بينزلنا ورق فى النبات خالص والامتحان قرب والمنهج متفتحش ياريت لو حد لقى حل للمشكلة دى يدخل ويشارك

انا مع الدكتور نبيل صابر ومحتاسه برضه بس مش قوي بس شكل اسئلته صعبه وغلسه ده غير ان المنهج فظييييييييييييييع وانا مفتحتش الكتاب خاااااااالص ولااعرف فيه ايه
ربنا معانا

و جينا لمأساة النبات و ما ادراك ما النبات
ايه ده مقلوش عندنا حاجة!!!!!!!!!!!!!!

ايوة (كأن انا اللى كتبة المشاركة دى مش هنووود هههههههههه يا سبحان الله)

قال انه مش بيحب نظام ال MCQ و حيجيبلنا الامتحان write on.....

يوم 17/4 امتحان physical chemistry وzoology
على الجزء بتاع protozoa ده بالنسبة للzoology
خبر تحفة مش كده؟. الدكتور عمر شلبى قرر مع باقى الدكاترة ان يكون فى امتحان عشان نشد حيلنا شوية فىالمادة وقال ان الامتحان عليه خمس درجات وهيكون سؤال واحد ازاى الله اعلم

يا جماعة هو في حد يعرف هو في انهو مجموعة في المواد الاختيارية؟ ا ولا ب ولا ج؟

اخر الاخبار اللى سمعتها وياريت حد ياكد على كلامى ان امتحان الفيزيكال اتاجل مع امتحان العملى ليوم 24
وامتحان zoology هيكون يوم الجمعة الللى جاى 17 فى مدرج 1 و2 الساعة 2 الى 3
وامتحان علو م بيئة الميد ترم يوم الثلاثاء 14لو حد سمع اخبار تانية يدخل يقول عشان انا حاسة اكنى فى صحرا هنا

ايوة صح امتحان الفيزيكال النظري بقى يوم 24 فعلا.
الباقي بقى معرفش لانها مش موادي

السلام عليكم لو سمحتم ممكن حد يقولي هو رفع الكفاءة فيزياء في الكليه كويس ولا بره افضل ولو بره افضل ياريت حد يقولي مين اللي بيدي وومكانه ومواعيده من فضلكم علشان انا محتاج دة جدا

هاى يا جماعة ازيكو كلكوا ... اخبار ميدترم التطيقية ايه ؟؟؟
ايوة صح امتحان الفزيكال اتاجل يوم الجمعة 24 /4 مع نظرى العملى و حيبقوا ف نفس الورقة و الامتحان 3 ساعات
و يا فوكس محدش يعرف هو فى مجموعة ايه فى المواد الاختيارية كلو بيحضر مع كلو
سلام

السلام عليكم ع ما اعتقد يا فوكس ان مجموعه أ دي علوم طبيعيه وب بيولوجي وج جيولوجيا وتحضر عادي في اي مجموعه انت عايزها بس في الامتحانات لازم تلتزم بمجموعتك وبالنسبه لامتحانات الميد تيرم فيه امتحان zoology يوم الجمعه ع جزء ال protozoa وهيبقا عليه 15 درجه تقريباوالفيزيكال عملي ونظري هتكون يوم 24\4 وتقريبا في امتحان ميد ترم علوم بيئه يوم الثلاثاء بس مش متاكد

هاي لكله..
ازيك جيرل..فينك؟!
انا كنت ايز اسألك هو دكتور الحاسب قال حاجة على الميد ترم؟..و هل في اي حاجة نزلت للحاسب الواحد يذاكر منها؟..اصلي قررت من الاسبوع اللي فات اني محضرش عشان مش بفهم.
و بالنسبة للفيزياء عشان احتمال محضرش الاسبوع ده.. في اي كلام على الميد تيرم؟
و الناس البايولوجي نغة و هنود و محمد و ون واي .. اي حد بياخد علوم بحار... هل الدكتورة حددت معاد للناس اللي لسه ممتحنتش؟
سلام

انا عايزة حد يقولى وبسرعة ويكون متاكد ان فى امتحان علوم بيئة ولا لا يوم الثلاثاء انا فى واحدة صحبتى سالت الدكتورة وقالتلها لا بس انا حاسة ان الدكتورة محتارة تعمل ولا متعملش خاصة ان فى ناس بقولولى فى امتحان وناس تانية لا

هاى فوكس .. ازيك ؟ انا الحمد لله كويسة . معلش مش حقدر افيدك ف موضوع ميدترم الحاسب ده عشان مش بحضر بقالى كذا اسبوع و معرفش اى حاجة عنها كل اللى اعرفه ان فه ميدترم لحاسب الاضافى يوم الاربع اللى جاى بس انت تقريبا مش اخدها صح ؟ و بالنسبة للفزياء دكتور علاء قال امبارح ان الميدترم حيبقى يوم الجمعة 1/5 او 8/5 لسه مقرروش انهى يوم بالظبط بس حيبقى امتحان نظرى و نظرى العملى كمان يعنى زى الفزيكال و لو عرفت اى اخبار تانية حابقى ابلغك وانت كمان لو عرفت حاجة ابقى قولى.
سلام

لأ
معرفش
بس انا اعرف ناس كتير ممتحنوش و الدكتورة قالتلهم انها حتعملهم يوم تانى
و الله أعلم

يا جماعة حد خد رقم الجلوس الجديد اللي بيعلنه عنه؟
و الاهم .. حد حضرالمحاضرة بتاعت الدكتور سيد منصور بتاعت الاضافة و الحذف..انا معرفتش بالمحاضرة دي الا بعد ما خلصت.. لو حد حضرها يا ريت يقول الحاجات المهمة اللي اتقالت في المحاضرة.
نغة ..الامتحان طبعا اتعلقله ورق كتير و كبير و هيبقى يوم 23
lovely girl طب الحاسب ده هنعمل فيه ايه .. سيبك من معاد الامتحان اكيد هعرف.. بس المذاكرة هل في ورق.. انا لغاية دلوقتي لا شايف ورق ولا كتاب.
و الحاسب الاضافي انا اه مش واخده .. و مبروك ان الدكتور رفع عنكم العقوبات..يا ترى فك ازاي؟!

امتحان ع.بيئه يوم السبت 25

ايوة يا فوكس انا رحت انهارده اخدت رقم الجلوس الجديد من شئون الطلبة و بتقولها انا عايز اعرف رقم جلوسى الجديد بتديك ورقة مكتوب فيها الرقم و المواد اللى انت المفروض تاخدها الترم ده و المواد اللى معاك و..المحاضرة اللى انت بتقول عليها انا محضرتهاش بس شايفة ناس انهارده بردوه فى شئون الطلبة بيسالوا على حذف و اضافة مواد ..
بالنسبة للحاسب معرفش حنعمل فيه ايه انا مش فاهمة فيه كلمة و مسالتش حتى على ورق فى المكتبة و الدكتور كان قايل حينزل كتاب و مفيش حاجة نزلت ... لو عرفت حاجة فى عن الحاسب ده ابقى قولى
و على فكرة دكتور البرمجة الاضافى مرفعش العقوبات و لا حاجة بس هو فقد الامل ان يعرف مين الشخص و الامتحان انهارده محدش عرف يحل فيه حاجة .... ربنا معانا الترم ده و يعديه على على خير

المشاركة الأصلية كتبت بواسطة l0vely girl http://www.thanwya.com/vb/life/buttons/viewpost.gif
ايوة يا فوكس انا رحت انهارده اخدت رقم الجلوس الجديد من شئون الطلبة و بتقولها انا عايز اعرف رقم جلوسى الجديد بتديك ورقة مكتوب فيها الرقم و المواد اللى انت المفروض تاخدها الترم ده و المواد اللى معاك و..المحاضرة اللى انت بتقول عليها انا محضرتهاش بس شايفة ناس انهارده بردوه فى شئون الطلبة بيسالوا على حذف و اضافة مواد ..
اه..بس بيتهأيلي حذف ممكن لكن اضافة صعب خصوصا لو مادة فيها ميد تيرم..هنشوف اصلي بفكر احذف حاجة كده.
بالنسبة للحاسب معرفش حنعمل فيه ايه انا مش فاهمة فيه كلمة و مسالتش حتى على ورق فى المكتبة و الدكتور كان قايل حينزل كتاب و مفيش حاجة نزلت ... لو عرفت حاجة فى عن الحاسب ده ابقى قولى
ربنا يستر..انا برضه بجد لا افقه شيئا فيه..و ان شاء اللهاي حاجة اعرفها هقولك.
و على فكرة دكتور البرمجة الاضافى مرفعش العقوبات و لا حاجة بس هو فقد الامل ان يعرف مين الشخص و الامتحان انهارده محدش عرف يحل فيه حاجة .... ربنا معانا الترم ده و يعديه على على خير
هو الحاسب شكله كله طلاسم كده..يا رب يعدي على خير
و مش عارف ليه الناس اللي بتحضر محاضرة الكيميا بقول قليلين اوي؟..مع انه الوحيد اللي بياخد غياب كل مرة.
يلا سلام..

انا اخدته
بس كلنا عندنا غلطات فى ارقامنا
يعنى انا مثلا مش مكتوبلى حقوق انسان رغم انى وخداها الترم ده
كتبنا طلب للعميد و المفروض نروح كمان اسبوعين نسأل

ايه محاضرة د. سيد منصور دى؟ و لا حد حس بحاجة
مأعلنوش اصلا انه فيه حاجة

ياريت اللى حضر يقولنا كانت عن ايه حتى.......

ممكن حد يقولى هو امتحان علوم بيئة لغاية اى محاضرة بالظبط ولو فى حاجات بنجبها من على النت زى علوم بحار ممكن حد يكتب الرابط بتاعها هى وعلوم بحار

علوم البحار هيجي في اول اربع محاضرات على ما اعتقد و دي لينكات بعتتهالي الدكتورة اماني و الدكتور حنان
http://www.easy-share.com/1904029215...1_introduction
http://www.easy-share.com/1904328984/plankton_final.pdf
http://www.mediafire.com/folder/9c4a...eada0a1ae8665a

سوري الدكتورة حنان

لا انا قصدى على علوم بيئة الامتحان هيجى على كام محاضرة بالظبط

سوري انا مش باخد علوم بيئة

امتحان علوم البيئة يوم السبت 25/4 الساعة 12 و داخل فيه اول 4 محاضرات

انت بتتكلم عن امتحان الميد ترم اللى خلاص خلص من زمان
فيه كويز فى علوم بحار مش الاسبوع ده لأ اللى بعده داخل فيه المحاضرتين 2 الكيميكال (د.انجى) + 1 الجيولوجيكال (د. أحمد)

quiz علوم البحار الاحد 26 على المحاضرة 5 و6 و7 وامتحان نظرى العملى فيزيكال عليه 30 درجة او 20 لان المعيدين مش متاكدين لغاية دلوقتى واتعلقت ورقة ان امتحان عملى الفيزيكال هيبدا من يوم 9 مايو الى 23 وامتحان العملى عليه 40 درجة بس انا سالت المعيدة وقالت ان الامتحان بيجى ورقة عليها الخطوات واحنا نعملها ونعوض بالقانون لان استحالة نحفظ خطوات التجارب كلها خاصة القياسات والنظرى الفيزيكال عليه 30 درجة

ربنا يعيننا بجد
الاسبوع ده كله مشحون و الامتحانات ورا بعضها الفيزيكال نظرى العملى + النظرى و تانى يوم علوم بيئة و بعده بحار و الاسبوه اللى بعده الفيزيا

ربنا يعيننا ان شاء الله
و بالتوفيق للجميع بإذن الله

عندك حق يا نغة انا اليومين اللي فاتو دول تعبت جامد و عايز انام سنتين عالاقل.
و بعدين امتحان الكيمياء كانو معموله بروباجندا كبيرة زي ما يكون امتحان ترم.
انا بالنسبالي حلي مش بطال..بس كمان انا رحت على التوقيت الشتوي و انا مش واخد بالي ان الساعة اتغيرت..بس الحمد لله المعيد دخلني و سابني شوية زيادة في الامتحان الاولاني بس على حساب التانية يعني اداني ورقة نظري العملي و سابلي الورقة بتاعت النظري الاولانية.
المهم عدت على خير و ربنا ستر.
اخباركو ايه بقى في الامتحان ده؟
و l0vely girl هل رقم جلوسك اللي في الورقة اللي خدتيها من شئون الطلبة في اختلاف عن اللي متعلق عند معامل الكيمياء؟
و السؤال للكل لان ممكن المشكلة دي تكون مش لعلوم طبيعية بس.
و ربنا معانا

هاى فوكس... ازيك ؟
الامتحان انهارده كان شغال يعنى انا عن نفسى حليت كويس الحمد لله
انا معرفش ان فيه ارقام جلوس متعلقة اصلا عند معامل الكيمياء كل اللى انا اعرفه رقم جلوسى القديم و رقم اخدته من شئون الطلبة ... على فكرة كتاب البرمجة الاساسى نزل شفته مع معيدة امبارح فى السكشن و قالت انه نزلوه خلاص فى الكلية
سلام

الحمد لله
الامتحان كان حلو و الله و زى ما د. سليم قال باضبط و الاسئلة كانت من المسائل و الأمثلة اللى من الكتاب اللى د. سليم كان معلملنا عليها
الحمد لله

لأ
معنديش المشكلة دى
انا مشكلتى زى ما قلتلكم قبل كدة
انهم مش كتبنلى حقوق انسان رغم انى وخداها الترم ده

نغة انا نسيت اسألك صح .. انتي حقوق الانسان مترفعتش زيي ولا ايه .. انا عملت التماس و برضه مترفعتش.. و انا مسجلتش فيها الترم ده اصلا.
l0vly girl لو حظي حلو و دخلتي المنتدى النهاردة ..يا ريت تقوليلي الاسبوع ده سكشن الحاسب اختياري ولا اجباري لاني مش فاكر الاسبوع اللي فات رحت ولا لا... و كتاب البرمجة بيتجاب منين و بكام؟...و كتاب العربي لو تعرفي برضه منين و بكام.. و اسف على رخامتي
على فكرة انا عرفت ان الدكتور قال ان في امتحان ميد ترم برمجة الاسبوع الجاي .. انا محضرتش المحاضرة بس عرفت من الزملاء.
و قالو ان الفيزياء يوم 8.
و طبعا اكيد قريتي الاعلان بتاع محاضرة العميد و الدكتور علاء اللي هيتكلموا فيها عن اختيار التخصص الرئيسي maior مكتوب انها كانت يوم 27 الصبح لجيولوجيا و بعد الضهر لعلوم طبيعية بس في اعلان اتعلق انها اتأجلت ليوم 5 من 2-4 في مدرج 1.
مش عارف بيولوجي ملهمش ليه .. انتو مش هتختارو حاجة للسنة الجاية يا نغة؟؟!
سلام..

هاى فوكس ... ازيك ؟؟
سكشن الحاسب الاسبوع ده الاجبارى ( ده بالنسبة لسكشنى معرفش الباقى ايه نظامه و ماشين زينا و لا لأ )
و كتاب البرمجة كانوا قايلين اول السنة انه بيتحجز فى دور الرياضة و بــ 20 جنية تقريبا
و كتاب العربى الدكتور كان قايل الحجز عند مكتبة ايمان و تقريبا بـ 20 جنية بردوه
اه انا اصحابى قالوا ان دكتور البرمجة عايز يعمل امتحان بس لسه محددش ميعاد و الفيزياء حتبقى يوم 8/5
سلام

لأ
مترفعتش....... انا معملتش التماس اصلا لأنى عرفة انه ملوش لازمة فى حقوق الانسان
هو الدكتور مزاجه اننا نسقط فسقطنا
كل اللى حقوله "منه لله"


لأ
ازاى؟
عملولنا خلاص الاجتماع ده
و كان يوم الثلاثاءاللى قبل اللى فات الساعة 9:30 كدة
و على فكرة
مطنشوش الاجتماع ده أحسن بجد مهم جدا و عرفنا حاجات مكناش نعرفها قبل كدة
بجد حتستفيدوا
لازم تحضروه مهم جدا

و حيقولولكم فى الاخر كمان مشروع الجدول اللى هو جدول الامتحانات اللى الكلية اقترحته حيناقشوه معاكم
بجد
الاجتماع اهم من لو حتى كان ساعتها عندكم سكشن او محاضرة

lovely girl ازيك؟
انا حضرت محاضرة الحاسب امبارح و الدكتور مجابش سيرة الامتحان .. هو مش ناوي ولا ايه؟
بالنسبة للفيزياء متعرفيش هيجي لغاية شابتر كام؟ المكان و الزمان كمان؟
سلام..

هاى فوكس .. ازيك ؟ انا تمام الحمد لله
هو دكتور البرمجة ده بيقول لكل مجموعة كلام مختلف ولا ايه .. انا اصحابى حضروا محاضرة يوم الاتنين اللى فات و قال انه حيعمل امتحان بس معرفش يتفق معاهم على ميعاد فقال طب انا حاحدد ميعاد بمزاجى و انتو حرين و فيه ناس تانية بتقول انه حيعمله فى المحاضرة ف طبعا لازم احضر المحاضرة بتاعت بكرة و حتكون من 2 لـ 4 فى مدرج 6 يعنى لو حبيت تحضر
الفيزياء بقا حتيجى فى 3 شابتر كل فرع حيبقى يوم الجمعة الساعة 10 و المكان بقا متحدد على اساس انت بتاخد ايه فى العملى ... لو انت بتاخد حرارة و خواص مادة يبقى مدرج 3 و 6 ولو بتاخد بصريات و كهرباء يبقى مدرج 4 و 5
اى خدمات تانى ؟؟؟ انا تحت امرك
سلام