بصراحه انا مش عارفه مسمعتش اى شىء عن الموضوع دا

طيب هل للمكاتب دور فى العربى والانجليزى ولا لا
ولو حد من ازملاء يعرف مكتب يقوللنا

ياريت حد يفيدنا

انتوا فين يا اساتذة

برضه دى انا معرفهاش لانى قدمت من غير لامكاتب ولا وسطاء بس هو اه سمعت ان فيه مكاتب بس معرفش اى شىء عنها

وكتيرررررررررررررررررررر جدا مقدمين من غير لامكاتب ولا حاجه

يعنى فى ناس اصدقائكم طلعوا عن طريق مكتب

واحتمال كبير يكون فى الموضوع نصب كتير فنصيحه بلاش تلجأ للمكاتب دى الا وانت متاكد تماما هو اه فيه مكاتب بتجيب عقود حكوميه بس انا شايفه انها مش مستاهله تدفع 20 او 25 الف عشان تسافر عمان وهناك ممكن تتوزع فى مكان نائى وممكن ميعجبكش الحال هناك وتخسر فلوسك كمان من وجهه نظرى ان اللى يدفع فلوس يدفع فلوس عشان الامارات او قطر او الكويت او حتى البحرين مش عمان

هما مش اصحابى الصراحه انا كنت بقول لواحده صحبتى الموضوع دا لانى مكنتش مصدقه لما قريته هنا هى اكدته وادتلى اسم واحده زميلتها قالت دا قدامها وقالتلى على اكتر من حد دفع فلوس كمان انا لما قولت انى مقدمه سفر عمان اتبعتلى رساله من حد معرفوش بيقول انه ممكن يساعدنى عن طريق مكتب يعرفه فى انى اسافر البحرين لانها افضل من عمان بس انا الصراحه مكانش موضوع السفر للبحرين او لعمان فى دماغى اصلا ولما كنت هنا ولقيت المسابقه قولت اجرب اشوف بيعملوا ايه وادخل بياناتى وانا فى البيت كانى بلعب جيمز واشوف هيحصل ايه و ان فيه نصيب اوك مفيش يبقى الحمد الله على كل حال ومكنتش متوقعه تيجى اصلا الموضوع كله كان تسليه فجأه قلب جد واصلا بصراحه انا مش شايفه انها بلد يتزعل عن انها مجاتش او يتجرى وراها ;):blush:

الاستاذ مصطفى راح فين مش ظاهر خالص
اين انت يا صديقى وتليفونك مغلق ليه باستمرار

وهذا امر غريب جدا لان الاختبارات هتكون متى والمقابلة والكشف واجراءات السفر وعمل الاجازة

اللى يعرف يا ريت يرد علينا

والله الامر محير وانا هنا فى مكان نائى وبصرف10 جنيه مواصلات بس يوميا غير المصاريف الشخصية والنقل من هذه المدرسة شبه مستحيل لعدم وجود بديل وعايز اسافر ولا توجد فرصة فماذا افعل

دور على فرصه واعمل اللى عليك وربنا معاك بس فكر كويس قبل اى خطوه تاخدها

لماذا لايوجدرد

يامنار هانم لمارجل يكتب تعليق مافيش غيرك ست بترد لومش لاقية رجل يلمك دورى على واحد يليق بواحدة زيك لانى اغلب اللى على النت ناس محترمة ماتنفعش معاكى ولو معاكى رجل ومش مالى عنيكى دورى على واحد بعيد عننا لاننا ناس محترمة

لازم جواز السفر علشان الكشف لانك بتروحى جامكا يا استاذه خوخه بالجواز ويختموا لكى على اخر ورقه وبحولوكى الى مستشفى اخر لعمل الفحو صات ودا كله بالجواز

اخى استاذ سليمان بعد التحيه انا زعلان من حضرتك على مهاجمة الاخت اللى بترد انا قرات تعليقات حضرتك انسان جنتل ومحترم ويعرف الاصول جدا بس المره دى الظروف خانتك وطلعت عن شعورك

يا استاذ سلمان عيب الي حضرتك قلته علي الاستاذة ده لان كلنا شايفين ردودها محترمة ومفيدة ولم تغلط في احد وبعدين احنا هنا منتدي تعليمي مش منتدي ترفيهي او اجتماعي عشان تقول كلام زي ده

هو ليه الغلط دا ؟ ايه الكلام الفارغ اللى بتقوله دا ؟ ايه تفكيرك دا ؟ تصدق انا فعلا غلطانه انى رديت عليك من الاول اصلا ولو كنت اعرف انك بالتفكير والمستوى دا مكنتش رديت عليك وافتكر يعنى ان كل ردودى محترمه ومافيهاش اى غلط فى حد وردودى فى صميم موضوعنا اللى يهم كل واحد بيقراه او متابعه ومحتاج اى حد يعرف معلومه جديده انه يقولها ايه دخل الموضوع فى قصه انى بنت او راجل كمان لو انت بتعتبر الست اللى ترد عليك باحترام مش محترمه يبقى فعلا اكيد عندك مشكله كمان يعنى انا مشفتش رجاله عبرتك اصلا ولا ردت عليك وبالنسبه للاحترام فلو انت اللى محترم ومش عاوزنى ارد عليك كان فيه مليون طريقه افضل وارقى من كدا لكن فعلا كل بئر ينضح بما فيه وشكرا على انك وضحت للجميع مين سيادتك

يابنتى كبرى دماغك اللى تفكيره بالمستوى دا مفيش تفاهم معاه انا استغربت والله من الكلام اللى قريته وعمرى ماتوقعت ان حد توصل بيه الدرجه للمستوى دا من التفكير خاصه انى اصلا برد عادى وهدفى انى افيد غيرى لو اعرف حاجه بغض النظر عن راجل او ست لانى مؤمنه بان زى مابعمل هيتعمل معايا ولو قدرت افيد حد اكيد هلاقى اللى يفيدنى وفعلا دا جربته اكتر من مره وزى ماقولتى احنا فى منتدى تعليمى الهدف منه تبادل الخبرات واننا نفيد ونساعد على قد مانقدر واى حد عنده اى معلومه يقولها بغض النظر عن اللى بيرد راجل ولا ست ونتبادل الخبرات عشان كدا انا هنا من سنين اصلا
والظاهر ان موضع كونى واحده بترد عليه دا عامله مشكله نفسيه ولا الله اعلم ايه جواه بقى واصلا رأى اللى بالمستوى بتاعه دا من التفكير ولا يفرق معايا ولا يأثر فيا لانى عارفه مين انا وايه هى نوايايا وعلى فكره لولا ان تفكيره هو اللى مش تمام وسىء لان كل يرى الناس بعين طبعه مكانش قال اللى قاله دا يلا عموما ربنا مش بيضيع حق حد :d:)

واضح ان الاستاذسلمان كان مضايق يا جماعة او فيه عنده ظروف
لانه عيب تقول لاختك منار كدة هي واحدة مرت بتجربة عمان وعايزة تفيد الناس فعلا تيجي انت وتجرحها كدة فعلا لازم تعتذر

علي فكرة يا جماعه ده اول تعليق لي هنا على الموضوع ومتابعه تقريبا من العيد وبصراحة أكثر عضو أفاد فيه هو الأستاذ مصطفى والأستاذه منار لأنها عاصرت الموضوع وبتوضح بالتفصيل اللي حصل معها للإفادة وكل ردودها فى منتهى الأهمية وحاصله فعلا بس اللي ضايقنى واكيد ضايق كل اللي قرأ تعليق الأستاذ اللي بيسأل كتير ده وغالبا اسئلته مكرره هوزعل فجأه ليه مع أن ردود الاستاذه موضحا كل شئ لانها أكثر واحده معاصرة الموضوع فطبيعى هو تكون الأكثر ردا .
سامحوني على الإطالة ولكن الإنصاف فقط

حضرتك انا موضوع الجواز مبصلوش اصلا فى المستشفى ولا حتى شافوه كل اللى خدوه منى الجواب و540 جنيه وادولى ورق لعمل تحاليل دم واشعه صدر وبطن ودا كان اول يوم كشف وتانى يوم كانت تزاكر لدكاتره العين والانف والباطنى والصدر هما بس خدوا الجواز قبل الكشف فى المدرسه نفسها يعنى وانا هناك فى المدرسه بعمل المقابله هى ادتنى ورقه الكشف وقالتلى انزلى للاداره هما بقى خدوا الجواز وطلعوا الجواب وادولى الجواز تانى تقريبا كانوا بياخدوا منه بيانات او حاجه لكن فى المستشفى واثناء الكشف محدش شاف حاجه وعلى فكره انا ملاحظه انهم ماشيين بسرعه جدا وان اى حد ورقه ناقص بيشوفوا غيره يعنى مثلا بعد الكشف لو نجحنا هما بيتصلوا عشان نروح نمضى استماره امنيه والعقد ولازم تكون شهاده الخبره والكليه موثقه من الخارجيه والسفاره العمانيه فاى حد راحلهم ومكانش موثق ورقه مرضيوش يمضوا معاه عقد الا بعد التوثيق وفيه ناس شهاداتها من زمان دى كان لازم تتوثق من الجامعه قبل الخارجيه والسفاره واللى لاحظته ان عندهم بدائل وحاطين مجموعه على قايمه الاحتياطى عندهم يعنى اى حد عمل الكشف عليه انه يسرع بتوثيق ورقه ويعمل حسابه على 6 صور شخصيه وبعد مايوثق ورقه يصوره وهو موثق

كمان انا سمعت بس مش متأكده يعنى ان اول رحله ليهم هتبقى يوم 4-9 وهيفضلوا يطلعوا رحلات لمده اسبوعين بعدها

من فضلك مسمعتيش التاشيرات هيبداوا يسلموها امتي

انا كنت بكلم واحده صحبتى ماضيه عقد الخميس وسالت اللجنه قالولها فى خلال اسبوع او عشر ايام بالكتير بس مفيش معاد محدد

لانى بصراحه متخوفه لميدوناش وقت نقدم ونخلص اجراءات الاجازه هنا فى مصر لانهم ماشيين بسرعه اوى ولو حصل دا و
للاسف وقتها هضطر اقدم اعتزار ومسافرش

نفس الشئ الكل متخوف من انه ميقدرش يخلص اجراءات الاجازة

ربنا يستر بقى

بسم الله الرحمن الرحيم
والصلاة والسلام على أشرف المرسلين سيدنا محمد النبي الأمى الأمين عليه وعلى آله وصحبه وسلم تسليماً كثيرا .... أما بعد كل عام وأنتم بخير ورمضان كريم ويتقبل الله منا ومنكم الصلاة الصيام والقيام ... آمين
مرة ثانية نلتقى فى مسابقة عمان وهذا رابط المسابقة كل ما عليكم الصبر والترقب لحين فتح الوصلة والتقديم على الموقع وهذا هو الرابط وبالتوفيق للجميع
http://services.moe.gov.om/TeacherHi...plication.aspx

اين رابط التسجيل والتخصصات المطلوبة

ألف شكر ياأستاذ مصطفى
 

لسه الاعلان منزلش يا استاذ مصطى والرابط ده قديم بتاع السنة الى فاتت

يا جماعة الخير أنا لم أقل أن المسابقة نزلت بل هى على وشك النزول فما علينا الا الصبر والترقب وبالفعل هما لم يفعلوا الرابط بعد ولكن أصدقائى الاعزاء سوف يكون التقديم على نفس الرابط ان شاء الله بس هما يقوموا بفتح الوصلة وتفعيلها ليس أكثر ... بالتوفيق للجميع

ممكن نعرف ايه هى التخصصات المطلوبة وهل يريدون معلمين حاسب الى

فضلا ما هى التخصصات المطلوبه والشروط

والله حتى الآن لم تنزل المسابقة ولا التخصصات المطلوبة ولاكن كما قلت نترقب لحين نزول المسابقة التى سوف يعلن عنها فى إعتقادى الأسبوع القادم إن شآء الله

برجاء التواصل حتى يعرف الجميع

بسم الله الرجمن الرحيم
كيف تستعد لتقديم اوراقك على النت عند الاعلان عن المسابقة الخاصة باختيار معلمين و معلمات للتعاقد مع وزارة التربية العمانية .
1• اسحب شهادة المؤهل الجامعي و شهادة الخبرة و الصورة الشخصية و جواز السفر (سكنر) و احفظ الصور امتداد png الافضل في نقاء الصور.
2• اضغط الصور الى حجم مناسب بحيث لا يزيد حجمها عن 150 كيلو بايت او اقل او زيادة شوية لسهولة رفعها على الانترنت.
3• يمكنك الاستعانة بمختص بالحاسوب لو لم تستطع اجراء العمليات السابقة قم بتسمية كل صورة باسمها ( المؤهل ... الخبرة ... التربوي... الجواز ... الصورة الشخصية الخ ).
4• استخدم متصفح انترنت اكسبلور حديث .
5• لو السيرفر عليه ضغط و هذا متوقع حاول في وقت متأخر او في الساعات الاولى من النهار.
هذا للاستعداد و تابع نشر الاعلان و الله الموفق.

لايوجد كلمات سوى الشكر لكل من يساهم فى المنتدى

انا هكلم بصراحه فى واحد عارض على ان ادفع مبلغ وقدره27000 الف جنيه مقابل انه هيجيب لى الامتحان ويقف جانبى حتى اسافر علشان هو عارف ناس فى اللجنه العمانيه طبعا فى ناس غيرى دفعو له وجاب لهم الامتحان انا خائف من النصب المبلغ كبير بس كل عام بقدم عن طريق النت ولم يتصلو بى انا محتار الرجاء انصحونى اعمل ايه وفق الله الجميع

بس ده للامانة مبلغ كبير بس يا ترى المرتب كام وبصراحة لان فيه واحدة زميلتى برضو دافعة لواحد بس مبلغ اقل فيمكنم الراتب بتاعك اعلى

بالله عليكم يا أساتذه اللى يعرف حاجه عن امتحان الجغرافيا يعرفنى 01010046564

السلام عليكم ورحمة الله وبركاته ... أبو ميزو ..أولا كل سنة وحضرتك طيب وعيد سعيد علينا وعليكم إن شآء الله ... المبلغ الذى سوف تقوم بدفعه لصاحب المكتب 27000 كبيييير جدااااااا وبعدين حكاية أنه يجيب الأسئلة ده بالفعل آخره معظم المكاتب بتاخد فلوس من الناس وهى التى تقوم بالتقديم لها إذا نجح يبقى من مجهود الفرد وتقله انا سبب نجاحك وإذا لم ينجح تعطيه فلوسه اذا لم يكن صاحب المكتب نصاب لانه فيه مكاتب مش بترجع اى حاجة أما حكاية الاسئلة وفيه ناس صحابك عطاهم الاسئلة الكلام ده السنة دى ولا السنة ايلي فاتت ؟ اصلى السنة دى مشددين على حكاية المكاتب لما كثر الكلام عن نصب المكاتب على الناااس فى مصر .. والله المستعان

بسم الله الرحمن الرحيم
السلام عليكم ورحمة الله وبركاته
القرار الوزاري بتشكيل لجنتي الاعارات و التعاقدات لجمهورية مصر العربية و الجمهورية التونسية و اختصاصهما.
و اختيارات موفقة إن شآء الله و ينتهي تدخل مكاتب التوظيف و الواسطة في الاختيار و تكون هناك عدالة الاختيار من كافة المحافظات حتى يتم اختيار افضل المعلمين للارتقاء بطلاب و طالبات السلطنة في ظل في الفلسفة الجديدة للتعليم بالسلطنة .
هذه الأسمآء منقولة من صفحة رابطة المعلمين الوافدين بسلطنة عمان على الفيس بوك وهذا هو رابط الصفحة
https://www.facebook.com/teachersinoman?fref=ts