|
اقتباس:
|
فين الحلقة الرابعة يا جميل
|
ابن الحلقة الرابعة
|
بالراحة عليها يا جماعة هاتكمل ماتقلقوش :p |
ثانكس عالحلقة
يلا بقى كملى |
مكملين معاكي يا سندى
|
اقتباس:
|
معلش يا جماعه سندريلا مش عارفه تدخل فا ادتنى الحلقه وقالتلى انزلها الحلقه الرابعه استغربت لما شوفت القطه...بس هشتها ومشيت وساعتها حسيت انها مش قطه..مش عارف ليه حسيت كده! المهم نزلت اشتريت الطلبات اللي طلبوها وطلعت ولقيت هيثم بيتصل عليا انا: ايوا يا ابني اذيك قالي: الحمد لله...محمد لسه نازل من عندي انا: طب كويس قالي: مش عارف انا خايف عليه اوي بجد انا: لا متخافش محمد جدع و بيصلي دايما...ربنا هيحميه متخافش عليه قالي: انا مش عارف بس قلقان برضه انا: طب مخلتوش ليه يبات معاك في الشقه قالي: ما انت عارف محمد مش بيحب ينام بعيد عن بيته انا: طيب متقلقش ان شاء الله خير فاجاه وانا بتكلم معاه سمعنا صوت خبط ورزع وحاجات بتتكسر عنده في المطبخ قولتله: ايه اللي بيحصل عندك قالي: مش عارف الصوت ده من المظبخ قولتله: طب قوم بص يمكن يكون فار بيلعب مع اخواته ولا حاجه ههههههه قالي: حاضر ثواني كده.........وراح وانا عمال ادعي واقول يا رب خير خير بس مش عارف ليه ساعتها افتكرت القطه!! المهم رجع بس لقيت صوته غريب اوي وكله رعب وخوف قالي: محمد الحقيني انا: ايه مالك ايه اللي حصل كان قطه ولا ايه قالي: انا ملقتش اي حاجه انا: نعم..ازاي يعني قالي: ملقتش اي حاجه حصلت في المطبخ ولا كسر ولا حاجه اتحركت من مكانها انا: بجد قالي: محمدانا مرعوب اوي اوي انا: متخافش يا هيثم واجمد كده..مش باباك جاي دلقتي هوا واهلك قالي: اااه انا: خلاص بص انا وانت دلوقتي نقرا مع بعض سوره من القران لحد ما يجوا ماشي قالي: ماشي قعدنا نقرا سوره من القران لحد ما باباه جه هو واهله المهم قفلت معاه وانا قاعد افكر في اللي حصل ده...ازاي ده يحصل يا رب هوا ايه اللي بيحصلنا ده..وليه هوا عملوا ايه لده كله الله يخربيت ده قصر فاجاه حسيت ان في حد بيحاول يقفل باب اوضتي بس مكنش في حد...اعتبرته الهوا ونمت.....ويا رتني ما نمت حلمت حلم وحش اوي...ان انا وهيثم في القصر وبالليل اوي ومعانا كاشفات بس..وماشين بندور على محمد فاجاه سمعنا صريخ محمد في الدور التاني..طلعنا جري وقعدنا ندور لحد ما لقيناه بيصرخ وواقف قدام حمام ( غالبا اللي اتقتل في حد) روحنا واخدينه وطلعنا نجري بره القصر....واول ما خرجنا بره القصر .............. صحيت من النوم لقيت الساعه بقت 8.........ياه اول مره الفجر يفوتني يا خساره بس اللي زعلني كمان التلفون اللي جالي:: انا: ايوا يا هيثم مالك قالي: انا حلمت حلم وحش انا اول ما سمعت كده اتخضيت....قولتله ايه قالي: اننا كنا في القصر و...قولتله بس متكملش قالي: على فكره محمد انا: محمد ماله قالي: جرانوا اتصلوا عليا وقالولي انهم اضطروا يكسروا عليه باب الشقه بعد ما سمعوا صراخه بشكل غريب اوي جره انا: بيصرخ...بيصرخ ليه قالي: مش عارف هوا دلوقتي في المستشفى وانا رايحله انا: ماشي وانا هحصلك بس عاوز اسالك سؤال قالي: اسال بس بسرعه انا: هما لقوه بيصرخ على سريره قالي: لا ...على الارض انا: على الارض.... فين على الارض.؟ قالي.: لقوه............... قودام الحمام!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!! يتبع..........(على فكره الكلام ده حقيقي بجد ....... وربنا يجعل كلامهم خفيف علينا http://www.h3s2011.com/forums/style_...t/rolleyes.gif ) |
مش عارفه اقوللك ايه يا ايمي
مرسي يا حبيبة قلبي معلش يا جماعه اصل المنتدي كان مش راضي يفتح فبعتتلها الحلقه وهي حطتها ربنا يخليكي ليا يا قمر |
انا: هما لقوه بيصرخ على سريره
قالي: لا ...على الارض انا: على الارض.... فين على الارض.؟ قالي.: لقوه............... قودام الحمام!!!!!!!!!!!!!!!!!!!!!!!!!!!!!!!!!!!!!!!!!!!! .................................................. .............................................. يا مامى ايه الرعب ده |
بجد الموضوع حلو اوى و اول مره اتابع موضوع كده بس الحلقه الاخيره انا فعلا خفت منها
|
الباقى يا سوسو ارجوكى ارجوكى
|
اقتباس:
كفايه انى قريتها قبل كل البشر:D |
انا مازلت على رايى
دى قصه حلوه واسلوب ده جميل ومشوق عن اللى قبله وشكرا sweety girl لولاكى كان ممكن مانشوفش الحلقه وشكرا لسندريلا انها رضيت تدى الحلقه لحد |
السلام عليكم ورحمة الله وبركاته
الحلقات الجديدة دى حلوة وفيها تفاصيل اكتر اللى قبلها كانت كوميدى شوية هتكملى كملى بقىىىىىىىىىىى مستنية اهه |
الحلقة دى روعة ....واااااااااااااااااااااو بس مرعبه أوي ...ميرسي
|
يعنى هو وصاحبه اللى اسمه هيثم حلموا نفس الحلم والحلم اتحقق لصاحبهم التالت بس ف بيته :eek: وبعدين يا سيندا انا خايفة اوى بجد :(:(:( |
لا بجد سندريلا انا زعلانة اوى علشان مش كنت متابعة من الاول بس الصبح قرأتة وكملت ناو وعن جد رعب بمعنى الكلمة لا واية انا داخلة ارد بالليل على الموضوع والمفروض اصلا انى مش اعتب الموضوع دة بالليل خالص اصلى شجاعة جدا ......:D:D:D بس الحافظ هو ربنا وانا بجد من الناس المنبهرة بالقصر دة فن العمارة فية قمة الروعة والجمال جامع ما بين حضارتيتن لكن زملاء اخوكى عندهم شجاعة يحسدوا عليها ... ما شاء الرحمن دة يا بنتى انا قرأت جزء من الموضوع الصبح ووبعد كدة كنا عند عمتو وكلهم قاعدين وابن عمتو عندة سنتين عايز يشرب وطبعا كلهم كبار وانا الصغيرة فيهم فقمت دخلت المطبخ اشربة وعلى اللى كان هيجرى لى المطبخ معزول عن الشقة تقريبا يعنى بمجرد اما تروحى ناحية اتجاة المطبخ تحسى انك فى شقة تانية وتمشى مسافة طويلة لحد اما تروحى للمطبخ ...كنت هموت فيها هما رايحين القصر وبالليل زوزو تيجى نروحة ...وهتنازل لك يا حبيبتى عن انك تكونى انتى الليدر :p تسلم ايديك يا جميل عن النقل موضوع متميز والله ومنتظرين باقى الحلقات ايمى سلمت يداكى حبيبتى عن الحلقة .... يا مرعبة انتى :p |
شكرا ليكم يا بنات
بجد حلوة اوى حلقات النهاردا دى والله زعلت النهاردا انى ماقرتهاش فى وسط اليوم معلش الجهاز كان مهيس وماتقلقيش يا سندريلا ان شاء الله النتيجة هتباه احلى مما تتصورى وادعيلى انا كمان معاكى |
مرعبة اوى الحلقات ده
مستنية ايه يا زوزو كملى باقى الحلقات مستنياكى على نار |
فين الحلقة الرابعة يا جميل
|
:D
اقتباس:
|
وراكى وراكى:D |
ايه الرعب ده يا سندريلا
بس حلقه جامده اوى بجد شكرا ومستنين الباقى |
ايه يا زوزو التوبيك الهايل ده وان شاء الله متابعه معاكى
|
اقتباس:
|
اقتباس:
مين سمعك انا بموت منهم مش بخاف;) |
اقتباس:
الحمد لله انه عجبك اقتباس:
والله ببقي تعبانه ومش قادره ادخل واقول لا عشان محدش يزعل مني:( اقتباس:
واحده الصبح وواحده بالليل متهيالي دي انسب طريقه عشان الكل يلحق يقرا وع العموم اسفه اذا كنت لعبت باعصاب حضرتك:rolleyes: اقتباس:
اقتباس:
شكرا لمرورك |
اقتباس:
دي متهيالي اغرب حاجه حصلت في كل الحلقات ربنا يحمينا:) اقتباس:
اقتباس:
ربنا يخليكي ليا حبيبة قلبي |
اقتباس:
لا لازم تخلص بسر عة دى لعبة اعصاب حضرتك دلوقتي انا بحط حلقتين في اليوم واحده الصبح وواحده بالليل متهيالي دي انسب طريقه عشان الكل يلحق يقرا وع العموم اسفه اذا كنت لعبت باعصاب حضرتك حضرتك لابد من استخدام الباقة فى الحوار مش اخذ الموضوع افش |
اقتباس:
اكيد طبعا كلنا لازم نشكر ايمي حبيبة قلبي:) اقتباس:
من عينيا يا جميل هكمل حاضر اقتباس:
مين ؟ دودي بحالها هنا مانا لو كنت اعرف يا قلب يانك بتحبي الرعب وكده كنت قلتلك تدخلي بس خفت عليكي قلت بلاش اخد ذنبها:D مرسي لمرورك يا قمر شكرا ليكم يا بنات اقتباس:
حصل خير حبيبتي المهم انك قريتيها يارب يا قمر تكون النتيجه حلوه وبدعي لينا كلنا والله يا حبيبتي اقتباس:
حالا هنزلها يا قمر اقتباس:
الحلقه الرابعه موجوده الخامسه هنزلها حالا ان شاء الله |
اقتباس:
انا ماخدتش الحوار قفش ولا حاجه حضرتك بتقول دي لعبة اعصاب فهمت حضرتك اللي بعمله واتأسفت مع اني مغلطتش ايه القفش في كده مش فاهمه واسفه اذا كان كلامي ضايق حضرتك ( مع اني مغلطتش ) |
اقتباس:
والله واحشاني موووووت:) وكويس يا جميل انه عجبك اقتباس:
هحط الخامسه حالا ان شاء الله شكرا لمرورك |
ههههههههه مش عارفة جاتلى هسترية ضحك لما قريت الجزئين 3 \4 :D أصل بأمانة ساعات بيحصل معايا الحاجات دى وخصوصاً القطة السوا دى مع انى الحمد لله بصلى وبقرأ قرآن وكله تمام يمكن تهيأت لالا ده أكيد ;) والقصة مشوقة جداً جداً شكراً ليكى بجد يا زوزو |
جبتلكم الحلقه الخامسه ياللا افرحوا ناقص 4 حلقات بس يعني قريبا جدا هتخلصوا من الموضوع وصاحبة الموضوع يارب الحلقه دي تعجبكم واسفه مره تانيه لاي حد زعلان مني اسيبكم بقي مع الحلقه الحلقه الخامسه قومت صليت ولبست وطلعت جري على المستشفى....وروحت على محمد في اوضته لقيت هيثم قاعد معاه..دخلت سلمت وقولت لمحمد: مالك ايه اللي حصل راح محمد بصلي ومش كان قادر يتكلم خالص هيثم بيقولي: من الصبح مش عاوز يتكلم مش عارف ليه انا : باين عليك ضعيف يا محمد..انت جبان كده ليه (انا قصدت اقوله كده عشان عارف انها بتعصبه) راح محمد بصلي وقام قعد واتكلم وقال: انا جبان..انت عارف اني مش جبان انا: اومال مالك كده مش بتتكلم قالي: عاوز انسى اللي حصل .. انوا مش عارفين اصلا ايه اللي حصل انا: طب ما تقولنا طيب....احكيلنا يا ابني قال: انا وانا نايم بالليل حلمت حلم وحش...روحت قايله: حلمت انك في القصر صح بصلي وقالي: ايه ده..وانت عرفت منين راح هيثم ضاحك وقاله: ما احنا حلمنا كلنا نفس الحلم....بس الحلم كنت انا ومحمد بندور عليك..انت مكنتش معانا..انت حلمت بايه قال: ان انا فاجاه بقيت في القصر..قعدت امشي لقيت حد بيجري طلعت اجري وراه بس..لحد ما لقيت نفسي واقف قدام حمام اول ما فتحت عيني من النوم....لقيت نفسي قدام حمام بيتنا ........ خفت اوي انا: فعلا دي حاجه تخوف بجد..... هيثم بدا وميتكلمش ولا محمد بس كل واحد فيهم عينه بتحكي هما ازاي مرعوبين قولت لهيثم ومحمد: طب انا هروح مشوار كده وابقا افوت عليكوا كمان حبه ماشي....ومشت روحت على الشيخ : قولتله اللي حصل..راح بصلي وقالي: انت المفروض تحمد ربنا وتشكره اوي وتخلي صاحبك ده ويحمد ربنا على اللي هوا فيه قولتله: اكيد بنحمد ربنا...بس اشمعنى بتقول كده قالي: عشان لولا ان صاحبك بيصلي ودايما بيشغل قران........كان حصله ابشع من كده وانتوا كمان خدت الكلمتين على قلبي زي الشاكوش اللي بينزل على المسمار.....وسلمت على الشيخ وجاي اقوم راح قالي: متخافش..كل حاجه هتنتهي خلاص روحت خارج من المسجد وماشي وقلبي بيدق........ليه دا كله..يا ترى ايه اللي حصلهم في القصر...! روحت راجعلهم المستشفى وقعدت معاهم شويه وبعدين خرجنا انا وهيثم عشان نروح روحت باصص لهيثم وقولتله: هيثم قالي : نعم انا: ايه رايك نروح القصر بكره! راح بصلي بصه وقالي: انت اتجننت ولا ايه......لا يا عم مش هنروح انا: اسمع كلامي بس..احنا نروح ونشوف في ايه هناك وندخل الاماكن اللي انت ومحمد دخلتها..ومتخافش هنروح الصبح قالي: يا عم دا تحت صبحه زي ليله انا: يا سلام.....بقولك ايه هنروح ولو مروحتش معايا.......انا هروح لوحدي انا مش خايف من حاجه..انا مش بخاف غير من اللي خلقني...ها هتيجي ولا لأ قالي: هاجي خلاص........... واتفقنا اننا نروح تاني يوم علطول الصبح وانا طالع لبيتنا اول ما وصلت لشقتنا...لقيت القطه واقفه قدام الباب...اترعبت اوي روحت استعذت بالله من الشيطان.....وهيه مشيت مش عارف ازاي نمت في اليوم ده.....بس اهم حاجه اني قومت صليت الفجر...ولبست وجهزت وقابلت هيثم خدنا الطريق للقصر مشي....من عند هيثم لحد القصر مشي وصلنا ودخلنا القصر........مكنش بالليل اوي يعني كان عادي في الوقت المسموح دخلنا بس مكنش في حد هناك قولتله: هاااااا فين المكان اللي دخلتوه قالي: تحت...ونزلنا تحت...وروحنا للاوده اللي سمعوا فيها حاجه اتكسرت جاين ندخل...بس مش عاارف ليه الباب كان مقفول! لكن فاجاه سمعنا صوت خبط جامد اوي من جوه وفجاه خبط تاني من ورانا ومن مكان بعيد عننا قعدنا نبص حاولينا...مفيش حد غيرنا خالص.......ايه الخبط ده بس المافاجاه اللي اذهلتنا بجد اننا لما رجعنا بصينا على الباب..........لقيناه مفتوح!!!!!!!!!!!! بصيت لهيثم وقولتله ايه رأيك يا ابني هيثم قالي: انا ماشي مش هقدر ادخل وفعلا خرجنا من القصر ومشينا...وبقيت ماشي بفكر في كل حاجه ايه الخبط اللي حصل ده من جوه وبره....وليه الباب اتفتح لوحده فاجاه .. طب اصلا ايه اللي كان قافله من الاول ايه اللي بيحصلنا ده..........بس والله يا بشمهنديس لقيت حاجه جنب القصر واحنا ماشيين خلتنا فضلنا واقفين في مكانا متسمرين ازاي............عارفين شوفنا ايه يا بشمهنديسن شوفنا القطه ... ايوا القطه السوده...وكانت واقفه وبتبصلنا بعينها...كانها بتقولنا...اغبى حاجه عملتوها.... انكوا جيتو القصر تاني!!!!!!!!!!!!!!!!!!!! ياللا هانت اهيه واتمني محدش يزعل اني بتأخر في وضع الحلقات والله مش اكتر من اني عايزاكم كلكم تقروا الحلقه قبل ا احط جديد يعني انا م شكان اسهللي اقوللكم خدوا اللينك اهوه وعيشوا انتو بقي مع المغامرات بس صدقوني والله انا بستمتع بالحلقات هنا اكتر مع اني بقراها تقريبا للمره العاشره او اكتر كمان فانا بححط حلقه الصبح وحلقه بالليل متهيألي دي انسب طريقه عشان الكل يلحق يقرا ولو حد شايف نظام احسن يقوللي وانا مش هتأخر ابدا في رعاية الله اختكم في الله سندريللا |
شكرا يا سندريللا على الحلقات الجميلة دى بس هو مينفعش تحطى حلقة كمان دلوقتى علشان هسافر النهاردة و مش هاقدر اشوف حلقة بليل؟
|
اقتباس:
|
لا بصراحه النظام ده كويس هو فى الاول كان بيغيظنى لكن دلوقتى انا بقيت متعود عليه
ما تخافيش يا سندريلا ماحدش هيزعل من الحاجات الصغيره دى بس يا ريت بقى ماتتاخريش فى حلقه بالليل |
ربنا يستر :( بجد هما غلطانين انهم راحوا تانى بس الشيخ قالهم كل حاجة هاتنتهى خلاص هل ده ليه معنى معين ولا مجرد انه كان بيطمنه ؟! --- الف شكر ليكى يا سيندا على الحلقات والنظام ده تمام مش تغيرى حاجة ;) |
شكراً يا زوزو
جميل الجزء الخامس ومنتظرين السادس بإذن الله |
السلام عليكم ورحمة الله وبركاته ازيكوا يا جماعه عاملين ايه ؟ اولا بشكر الاخت سندريلا على موضوعها ثانيا انا اشتركت فى المنتدي دة علشان موضوع الاخت سندريلا والقصص بتقولها اللى ان شاء الله هتفدنى شخصيا فى مسئلة بالنسبه ليا انتقام وانا شفت ان هنا بعض الاخوه مش مصدقين الكلام دة ومفكرينه قصص خياليه ومسليه لا انا بقولكم صدقوا لان انا شخص من ضحايا القصر ده والضحيه الاكبر وفاة اعز اصحابى بسبب القصر والله يا جماعه دي الحقيقه ثالثا اعرفكم بنفسي انا اسمى فؤاد سنى 21 سنه فى اخر سنه ليا فى كلية فنون جميلة جامعة الاسكندريه بس مقيم فى المهندسين شارع شهاب ومكنتش عايش فى مصر كنت فى ايطاليا ومولود هناك والدي مصري و والدتى ايطاليه وتوفت ( ربنا يرحمها ) ونزلت مصر من حوالى 4 سنين علشان اخد الكليه من مصر وانا كنت هموت وانزل مصر كنت بكلم اصحاب ليا على النت من مصر واعز اصحابي دول هما اتنين واحد اسمه زياد وواحد اسمه تامر انا هقولكم بعض احداثن من قصتنا لكن بلاش التفاصيل علشان انا مش عايز افتكر والله وبدايتة القصه دي انى اول ما انزلت مصر لقيت اصحابي مستنينى فى المطار وهما زياد وتامر والاتنين ولاد عم كنت اتعرفت عليهم وانا فى ايطاليا من على النت وكنا بنتكلم من حوالى سنتين المهم انا نزلت على شقتنا اللى فى المهندسين ونضفناها وكدة واتفقنا انهم يقعدوا معايا طول النهار ويمشوا بليل لانهم مش راضين يناموا معايا فى الشقه علشان اهلهم المهم نزلنا فى يوم علشان اشتري عربيه علشان هحتاجها ونزلنا واشتريت واحده وكنا بنتمشي بيها بليل وعدينا من على قصر البارون انا وقفت عالطول اول ماشفته من شكله وكانت الساعه تقريبا 1:30 بليل اصحابى قالوا وقفت ليه سالتهم عليه بس هما كانوا يعرفوه اسم بس لكن مش يعرفوا تفاصيل انا شدنى اوى القصر ده قولتلهم يلا ندخله وفعلا نزلنا من العربيه ورحنا علشان ندخل لقينا حراصه وقالوا ممنوع الدخول وكدة وسالت ليه طبعا قالوا حاجات غريبه عنه انا مصدقتش طبعا وقولت انهم بيقولوا اى كلام علشان مندخلش المهم الموضوع شدني جدا وطبعا الكمبيوتر والحاجات بتاعتي سبتها فى ايطاليا يعني مكنش عندي نت ولا حاجه وقبل ما نرجع البيت قولت لاصحابي انى لازم اشتري لاب توب دلوقتى حالا قالولى لية وكدة قولتلهم لازم ادخل على النت بكتير اوى بكرة لحد ما تعملولى اشتراك على النت بكره الصبح قالوا ماشي المهم جيبت واحد و وصلت النت وكل حاجه وبدات طول ما انا فى البيت قاعد على الكمبيوتر بدور على معلومات على النت عن القصر ده واعرف عنه كل حاجه وشدنى القصر ده جدا مع انى مكنتش مصدق اى كلام من ده المهم انا قولت الاصحابى ندخل القصر ده من ورا الحراصه اللى عليه لو حتى هنطلع من على السور وحاولت اقنعهم وزياد عرف معلومات عن القصر ده وانه فى جن وكدة وكان موافق ومتشوق انه يدخل معايا لكن تامر كان خايف وكان رافض قولتلهم لو مش هتيجوا معايا هروح لوحدي المهم اتفقنا اننا هنروح كلنا لانهم خافوا عليا انى اروح لوحدي واتفقنا اننا نروح بليل بعد ما الحراص يناموا وخرجنا من البيت الساعه 12 تقريبا ووصلنا و وقفت العربيه بعيد علشان مفيش حد ياخد باله او حاجه رحنا ومشينا من قدام القصر مالقناش اى حاجه لا حراص ولا حاجه قولتلهم نختصر ونطلع من فوق السور وخلاص وفعلا طلعنا من فوق السور بس بصراحه والله مكنش فى كلاب المهم نزلنا من على السور داخل جنينة القصر لقينا اتنين حراص بيجروا من القصر خارجين بره خالص تامر اترعب قال انا خارج تانى المهم قولناله استنى واقنعناه قولتلهم ان دي فرصه كويسه اوى انهم خرجوا علشان نبقي براحتنا ودخلنا القصر قولتلهم ناخده بالتفصيل كده وكنت انا ماشي فى الاول وبعدين زياد و تامر انا كنت بقف عند كل حاجه اشوفها وادقق فيها لكن هما كانوا ماشين وخلاص وكان واضح عليهم الخوف بس انا والله مكنتش خايف انا كنت مستمتع جدا جدا المهم انا فضلت ماشي وطلعت فى الدور التانى وبصيت ورايا ملقتش ولا تامر ولا زياد نزلت تانى لقيتهم واقفين تحت ومسكين فى بعض كده والخوف ماليهم رحتلهم جري وسالت فى ايه قالوا شفنا واحد مشي بسرعه رهيبه ومش واضح هو اية بالظبط قولتلهم انسوا دة بيتهيالكم بس قالوا والله احنا متاكدين قولتلهم انسوا وخليكوا ورايا وطلعنا فى الدور الثاني بصراحه كان منظره مخيف اكتر من تحت لان كان فى دم كتير وحاجات شكلها يخوف زي تماثيل وكده المهم انا لقيت حاجات مكسره زي زجاج او مرايه وعليهم دم وجدران عليها دم وكلمات واشكال وحاجات غريبه انا حطيت ايدي على دم على الحطيه ولقيته ناشف وخشن جدا جدا وحسيت ان لدرجة لو ضغط عليه ممكن يجرح ايدي فمشيت قدام شويه كدة وزياد ببص فى مكان وتامر فى مكان واقل من دقيقه لقيت تامر بيورينى دم على ايده قولتله منين قالى من الجدار ده قولتله ازاى وانا لقيت الدم ناشف قالى والله منه ورجعت تانى حطيت ايدي لقيته ناشف ولقيت تامر الخوف وضح عليه جدا قولتله ممكن من مكان تانى بس انت مخدتش بالك سكت وانا متاكد انه مش مقتنع بكلامي ومشيت شويه لقيت حمام كله دم وده انا سمعت عنه انه اتقل فيه واحد بس بصراحه والله ملقتش حاجه بس انا عرفت انه هو الحمام لان انا كنت قرات ان البانيو بتاعه عليه دم وهو فعلا البانيو بتاعه كان عليه دم الهم كلنا اتجمعنا كدة علشان نطلع فوق كمان بس قبل ما نطلع سمعنا صوت خطوات لقيت اتنين ركبوا على كتفى ازاى مش عارف وهما طبعا زياد وتامر رجعت بيهم لورا شويه لاننا كنا قريبين من السلم ورجعنا ورا عمود قولتلهم ممكن يكون حد من الحرص حس بينا وطلع يشوف بس بصراحه صوت الخطوات دي كانت اكنها صوت خطوات فيل كانت جامده جدا وعالية جدا اصحابي سكتوا خالص بس فضلوا ماسكين فى كتفي رحت منور مره واحده تجاه السلم فوق وتحت ملقتش حاجه وصوت الخطوات سكت تامر قال انا همشي قولتله انا وزياد استنى لكنه كان ماشي بسرعه وراح واقع قريب من السلم وسمعنا اصوات خبط جامد واصوات حاجات بتتكسر واحاجت غريبه اوى قالى يلا نمشي يلا وحسيت ان الرهبه مسكته انا خوفت عليه بصراحه قولتلهم طيب يلا نمشي واحنا نازلين من على السلم موبايلى رن واتخضينا مع العلم ان موبايلى رنته دعاء اسلامى طلعت الموبايل اشوف مين لقيت الموبايل وقع مني وفضل الاتصال موجود بس الدعاء سكت و واطيت اجيبه حسيت ان فى حاجه مشيت بسرعه جدا بس والله مش عارف ده كان ايه او شكله ايه واصحابي ماشفوش حاجه لانهم لو شافوا كانوا هيقولوا ليا عالطول بس انا سكت مقلتش لهم حاجه علشان هما مش ناقصين خوف وجيت ابص فى الموبايل لقيت الاتصال من واحد صاحبي فى ايطاليا ولقيت الموبايل قفل خالص لوحده سكت قولتلهم يلا ننزل قالوا يلا ونزلنا وخرجنا من القصر ورجعنا البيت لقينا حاجه غريبه اوى لقينا مكتوب على تشيرت تامر كلام ايطالي وهو fronte la selezione come per la vita o la morte ده معناه ( امامك الاختيار اما الحياة او الموت ) فانا اول واحد شاف الكلام اللى مكتوب على تشيرت تامر وسكت وبعدين تامر شافه لما راح الحمام يغسل ايده من الدم اللى كان على ايده وشويه لقيته رجع بيجري وبيسالنى انا وزياد ايه ده قولتلهم مش عارف ده شكله مش انجليزي وزياد قال مش عارف راح تامر مغير التشيرت بسرعه وبعدين كل حاجه بقت عادي وناموا معايا فى الشقه فى اليوم ده وبعد حوالى شهور بدا تامر احواله تتغير ويقول انه بيشوف حاجات وفضلنا نضحك ونهزر على كلامه وبعد اقل من اسبوع تامر طلب مننا نروح القصر تانى وسالناه ليه قال كدة ومعرفناش السبب ورحنا القصر وبردة كان فى حاجات غريبه واصوات غريبه وتامر بقي عايز يقعد اكبر فترة ممكنه فى القصر وبنرجع بيكون تامر حالته احسن من الاول وبعد فتره من رجوعنا نلاقى تامر حالته بقت مش كويسه ويطلب مننا نروح القصر ونروح ويرجع بيكون كويس استغربنا طبعا انا وزياد بس مارضناش نتقل على تامر ولا حاجة علشان منخضوش على نفسه وسكتنا وابتدت الدراسه وانشغلنا شويه بالدراسه بس كنا بنروح القصر لما تامر يطلب بس بعد كل فتره واوقات كنا مش بنعرف ندخل المهم فضلنا على الحال ده سنه وفى اجازة الصيف بدا تامر يروح القصر لوحده ومره زياد كان معايا وبنتصل بيه علشان نخرج رد وقال انه فى القصر قاعد هناك بيشوف حاجات زياد قال لازم نسال ونشوف ايه الحكاية دي وسالنا تامر قال مفيش حاجه انا بحب اروح اشوف المناظر اللى هناك وطبعا مصدقناش لان تامر ده كان بيخاف جدا واحنا هناك حتي لما الهوا بيعمل صوت زياد قالى انه هيسال اى شيخ وسال فعلا شيخ وحكاله كل حاجه والشيخ قاله ان الشياطين اتملكت من صاحبك وممكن يكون ركبه جن وهو اللى بيحركه فالشيخ قال سبوه على راحته وهو فترة الجن ده هيخرج منه وقاله متفضلوش تضغطوا عليه احنا قلقنا جدا عليه وابتدي خوفنا عليه يزيد وفضلنا على الحال ده اكتر من سنه ونص او سنتين ومفيش اى تغير وفى مره ايام الامتحانات اهل تامر اتخانقوا معاه علشان مش بيذاكر و والده حبسه فى البيت علشان يذاكر وفضل تامر يتصل بينا انا وزياد علشان نروح ناخده ونروح القصر ورحنا البيت له اهله رفضوا اكتر من مره اننا نقابله وبعدها باقل من اسبوعين اتصل والد تامر بزياد وقاله ان تامر مات وزياد اتصل بيا وعرفني رحنا هناك البيت عندهم واحنا مش مصدقين وبعد ما وصلنا دخلنا على تامر لقناه خلاص اتوفى اتصدمنا صدمه كبيرة جدا وعرفنا من والده انه رمى نفسه من شباك غرفته والغريب واحنا واقفين انا وزياد وهما بيغسلوه ان مكتوب على بطنه نفس الجمله اللى كانت على التشيرت لما رجعنا fronte la selezione come per la vita o la morte من القصر اول مره اللى هى (معناها امامك الخيار اما الحياة اما الموت ) وزياد اغمى عليه فى الوقت ده وانا حالتى النفسيه تعبت والحمدلله بقينا كويسين عن الاول دلوقتى واقسمنا بالله وحلفنى على المصحف وقررانا انا وزياد يا نموت او ننتقم لتامر والله العظيم بجد يا جماعه واحنا حاليا بندور ونبحث عن كل حاجه نقدر ناخدها سلاح لنا وسالنا شيوخ ومناجمين علشان نعرف ايه نقط الضعف ولقينا كتير اوى من نقط الضعف وعرفنا انهم مخلوقات ضعيفه جدا جدا بس اللى يفهمها من الاول وان شاء الله ربنا يوفقنا ونقدر ننتقم لتامر (واسالكم الدعاء لتامر بالرحمه والمغفره وبالتوفيق لنا للانتقام له ) و والله العظيم يا شباب القصه دي حقيقه ومفيش فيها ولا كلمه زياده انا حكيتها لكم علشان تصدقوا ان القصص بتاع الاخت سندريلا حقيقه وان شاء الله احاول ادخل هنا تانى علشان لو اى حد منكم عنده استفسار ارد عليه ولو اى حد عنده معلومه تفدنا ياريت ميبخلش علينا بيها والسلام عليكم ورحمة الله وبركاته |
اقتباس:
|
واى حد يا جماعه عايز يدخل القصر ده يقولى ونتفق ونروح وميقلقش خالص والله العظيم على مسؤليتى الشخصيه بس يبلغنى وطبعا مش هنروح غير بليل لان دلوقتى القصر بقي مزار سياحى بس كل حاجه فية بليل بتبقي زي ماهى انا هحاول ادخل تانى علشان اى حد عنده استفسار ارد عليه
والسلام عليكم ورحمة الله وبركاته |
و اى حد يا جماعه عايز يدخل القصر ده يقولى ونتفق ونروح وميقلقش خالص والله العظيم على مسؤليتى الشخصيه بس يبلغنى وطبعا مش هنروح غير بليل لان دلوقتى القصر بقي مزار سياحى بس كل حاجه فية بليل بتبقي زي ماهى انا هحاول ادخل تانى علشان اى حد عنده استفسار ارد عليه والسلام عليكم ورحمة الله وبركاته |
و الله انا مش عارفة اصدق ولا لا
انا معرفش انا كان نفسى ادخل القصر بس حب استطلاع |
dark zone
انا مصدقك بس علشان خاطرى بلاش موضوع الانتقام او انك تروح القصر ده تانى ما تنساش ان انتوا غالطنين من الاول انكوا دخلتوا مكان مش من حقكوا انكوا تدخلوه صحيح طبعا العقاب ايا كان مايبقاش لدرجه الموت لكن دى حكمه ربنا هو شايف ومطلع على عباده (ربك يمهل ولا يهمل) وربنا يرحم صاحبك تامر بس احسنلك ما تروحش المكان ده تانى وادعى لصاحبك احسن ماتنتقمله ده مجرد رأى |
اقتباس:
مقبوله منك بيبيبيبيبيبيبيبيتوتوتوتوتوتو بس ياريت تقولى يا مصطفى علشان انا موضوع بيوب ده عاد بيسببلى مشاكل^_^ |
الموضوع إتطور أوى يا ريت يا جماعة محدش يحاول يكتشف القصر ده ولا حتى يدخله علشان مايحصلش مشاكل وقلق لحد مع إنى هموت وأدخله:D وربنا يجعل كلامنا خفف عليهم :p أهم حاجة نحافظ على الصلاة وقراءة القرآن علشان مايحصلش حاجة أساساً زى ما قال الأخ فؤاد إن الجن مخلوق ضعيف جداً جداً لدرجة انهم بيخافوا مننا لكن لما يشوفونا ضعاف بيلعبوا بينا وحياتهم زى حياتنا بالظبط فيهم المسلم والمسيحى وفيهم الاطفال والنساء وكبار السن وفيهم الحرامية والعمال والفقرا والأغنيا عادى جداً ليهم حياة زينا وعلى فكرة أنا سمعت والله أعلم إننا ممكن نشوف الجن وممكن يخ بيتنا عادى جداً وممكن وإحنا قاعدين ومفيش هوا تلاقى باب الاوضة ولا حاجة اتقفل أو اتفتح وإختصاراً للعبط اللى بيعملوه الجن معانا كل يوم الصبح نشغل سورة البقرة فى البيت وهما هيختفوا خالص الجن كائنات أضعف من إننا نخاف ولا حتى نقلق منهم إستعيذوا بالله وصلوا على النبى :) ومنتظرين الجزء السادس ;) |
اقتباس:
ياالله مش عارفه ابتدي منين بجد بس اللي حصل ده يخليك تقول انك مش هتروح القصر تاني مش تنتقم وكده لان ده ممكن يضرك بالله عليكم ابعدوا الفكره دي من دماغكم بلاش موضوع الانتقام ده مهما كان صاحبك الله يرحمه ده نصيبه وايا كان سبب موته فدي مجرد اسباب احنا بناخد بيها بس ده في الاول وفي الاخر نصيبه باالله عليك بلاش تطلع الفكره في دماغهم في كذا حد هنا عايزين يروحوا ومتحمسين اوي والله يا جماعه لو حد فيكم لا قدر الله جراله حاجه انا مش هسامح نفسي ابدا انا مهما عملت انا جبتلكم القصه دي للتسليه لا اكثر مقصدتش اني اطلع الفكره في دماغ حد والله يا جماعه استحلفكم بالله بلاش موضوع الذهاب للقصر ده تاني والله العظيم ما هسامح نفسي ابدا مهما كان القصر بقي مزار سياحي ومهما علوا فيه بس اكيد الجن متملك المكان وانا عارفه ان موضوع ان القصر بقي مزار مش هيستمر كتير لان اللي ساكنين المكان مش هيسمحوا لحد غيرهم انه يدخله زي ما عملوا معاكم ومع غيركم بس والله اللي حضرتك حكيته ده خلاني ندمت مليون مره اني عملت الموضوع بجد اول مره اندم الندم ده يا جماعه عايزاكو توعدوني واحضرتك اولهم ان مفيش مرواح للقصر متخلونيش اتعب نفسيا اكتر مانا تعبانه بجد وحاجه اخيره بس عايزه اقولها اللي عنده ذرة شك واحده ان انا ليا علاقه بالاخ فؤاد او ان العضويه دي بتاعتي وانا عملتها عشان أأكد علي كلامي محدش يقولي ان محدش جه في دماغه التفكير ده اقسم بالله العظيم انا اول مره اشوف الكلام ده زيكم تمام واللي في قلبه ذرة شك ممكن يبعت لاستاذ عصام او استاذ حسام ويسأله اذا كانت العضويتين بنفس الاي بي وللا لا سامحوني اني قلت الجملتين دول بس صدقوني اي حد مكانكو ممكن يشك في رعاية الله ورنا يرحم زميلك ويرحم اموات المسلمين امين |
بلاش تنتقم استعيذ بالله من الشيطان الرجيم وقوم صلى ركعتين وادعى لصاحبك بالرحمة
|
| جميع الأوقات بتوقيت GMT +2. الساعة الآن 03:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.