اصلا مفروض مش نثق فى كلام حد ومنسمعش لحد وخصوصا فى مرحلة الثانوى لان لو ركزنا هنلاقى ان كل الكلام متناقض انا مثلا قررت اعمل حاجة كويسة جدا انى مسمعس لكلام حد انا صحابى فى الاجازة بحس انهم طيبين جدا لكن لما الدراسة بتبدا بحس ان شخصيتهم بتتغير وخصوصا لو كانوا من الاوائل يعنى مثلا صحبتى الاولى على المدرسة قبل كدة كنا بنتكلم على المذاكرة بحس ان كل كلامها متناقض بتقول حجات وبتعمل حجات تانية مع العلم انى من الاوائل وطلعة 3 على لمدرسة الحمد لله بعامل كل الناس كويس ومش ببخل بمعلومة انا عارفاها بس للاسف فى ناس لما نعاملهم كويس مش هيدوك قيمتك فى ناس بتحب المعاملة الوحشة ودول بجداللى انا مش بحب اكلمهم لكن فى ناس كتير حتى لومش شاطرين شخصيتهم رائعة وطيبين والله نفسى دول هم اللى يبقوا صحابى مش اللى انا مصحباهم
|
بجد لما بطلت اعمل فيها ارسطو و انتقد يمين و شمال و اوجع دماغى حسيت برااحه كبيره
مفيش احلى من انك تقرا لمجرد الاستفاده و المتعه وبس مش عشان تقول لصحابك انا النهارده قريت وسويت و تتفشخر مفيش احلى من انك تسمع لحد تانى و انت مركز فى كلامه و بتستفيد و مش بتفكر تنتقده حتى لو غلط بجد فرق شاسع فى الاحساس بين ده و ده ريح دماغك و اقرا و اتعامل من غير ما تحاول تنتقد و هتحس بفرق كبير النقد يكون فى الحاجات اللى تمسك وبسسسسس مش اى موضوع و السلام عشان النقد بيفرز الوحش من الحلو و انت لو منقدتش الحاجه اللى تمسك ممكن تاخد الوحش غير كده متوجعش دماغك فى النقد |
هو فيه بنات بتتكسف دلوقتى و خدودها تحمر و لما حد يزعلها تعيط و تجرى ع السرير تحضن المخده و تقول وحشين كلهم
!!!!!! |
قررت انى اعيش فى خيالى وبسس
يلعن ابوك يا واقع |
حد يولع فى البيت اللى عايش فيه ده و يخلصنى من الناس ديه
انا جبت اخرى منهم و لو ينفع اتزفت فى اى زفت مكان كنت همشى انا مش عارف ليه ربنا زنقنى مع ناس انا مش بطيقها ابداً و لا بحبهم و للاسف محتاج فلوس و مكان اتزفت انام فيه و هم اللى معاهم الحاجتين دول انا مجبر على كل زفت حاجه فى حياتى دينى مجبر عليه و شخصيتى و الظروف و كل حاجه مبقتش طايق زفت حد و لا طايق اتكلم بشكل دبلوماسى مع زفت حد و لا اسمع نصايح معاقه من زفت حد يوم حلو و عشره زباله حياه معفنه و ناس اعفن كلكم عنصريه و بوشين و مقرفين بجد انا نفسى اكبر باى شكل بسرعه عشان اخلص من اى المغص اللى عايش فيه ده انا بسكت كتير وبكتم جوايا بس طفح الكيل زى ما بيقولو و اى شىء هيجى يعلق احسنله ميخشش تانى عشان انا مش ناقص قرف و كلام ماسخ و سخيف و محفوظ اصل اللى ايده فى النار مش زى اللى ايده فى الميه يا رب فك ضغطى و همى و ابعد الناس المعفنه عنى عشان جبت اخرى مع مناظرهم |
اقتباس:
|
المعامله الحلوه بعد الاهانه ملهاش اى لازمة
وواضح انك لازم تتقرص جامد عشان تلاقى معامله حلوه او ممكن تسموها شفقه |
ضحيت بوقتى و صحتى و نزلت بكل حماس و قعدت اتخطى كل العقبات و نجحت بجدارة انى امر بين العربيات السريعه من غير اى اصابات و تسلقت الكوبرى بكل قوة و حماس واصرار و قعدت امشى بكل ثبات و عزيمة و هدف واحد فى دماغى و امشى وامشى و الناس تبصلى باستغراب و انا مركز ومش مهتم و مسمحتش لحد انه يعطلنى عن هدفى و قعدت امشى و امشى وامشى وكلى اصرار و مسمحتش لاى حد انه يعطلنى عن هدفى العظيم
و بعد رحلة طويله من الاصرار و تخطى العقبات نجحت انى اوصل لهدفى الكبير اوى بتاع النهارده و اول ما وصلت حسيت بقشعريرة كبيره و فرحة غامره و كل الجماهير قعدت تصقف و طلعت الفلوس و اشتريت طبق بسبوووووووووووووووووسه بكل سلاسه و سرعه و بجد انا مستمتع بتحقيق هدفى و نصيحه لاى حد حط هدف ادامك و اوعى تتردد و متسمحش لاى حد يشدك ورا مهما كان و اديكو شفتو قصتى اد ايه مؤثرة و اد ايه تعبت بس استحملت و كملت و مهمتمش لاى مشتت او اى صعوبات ركز على هدفكك و اسعى وراه و ان شاء الله هتحققه وبجد انا مش قارد اوصفلكم احساسى بعد ما حققت هدفى و اد ايه كان طعمه لذييييييذ و ممتع اتمنى اكون حفزتكم اكتر |
فيه حد من اول حرف من اسمه هند عاوز اقوله مبروووووووووووووووك لقد حصلت على دعوة من القلب :)
|
نفسى لما حد اصغر منك يعرفك انه بيحترمك و يقدرك متعاملوش بكبرياء عشان خاطرى و تطنشه و تبقى سهل عليك انك تجرحه بسهوله و تهينه عشان بجد انت ممكن تكون بالنسباله حاجه كبيره اوى و معتبرك قدوة و لما يكبر هيقعد يدعيلك كتير و يبقى ضهر ليك كبير اوى ولما يكبر عقله هينضج بشكل كبير و تبقى محتاجه فى حاجات كتيره فحط نفسك مكانه ديماً و فكر كويس قبل ما تتكبر عليه او تطنشه
|
انا من النوع اللى اقل حاجه ممكن تفرحنى و اقل حاجه ممكن تزعلنى
|
انا ميهمنيش الناس تشكر فيا و لا لا
اصلاً الشكر بيكون على حاجات ظاهريه مش باطنيه يعنى ممكن اساعد حد و انا من جوايا عاوز ا***ه بس بساعده عشان سمعتى فالناس هتشكر فيا وتحبنى اوى وممكن مساعدش حد عشان عندى ظروف صعبه و مينفعش اقول لحد عليها فالناس هتهجونى وقتها و مش بعيد يستحقرونى وده شىء اكيد انا مش هنكر انى بحرص اوقات كتير انى ارضى الناس على حساب حاجات كتير بحبها بس بجد لازم اخد موقف من الهبل اللى بعمله ده و ابدا اتصرف على حسب اللى مقتنع بيه وبسسسسسسسسسسسسسسس واى حد يحتقرنى احب اقوله الزاوية اللى انت شايف منها غير الزاوية اللى انا شايف منها و لما تبقى تشوف من زاويتى هتفهم |
اقتباس:
الله يبارك في حضرتك وان شاء الله ربنا يتمم علي خير :p:p |
اقتباس:
هدف ايه طيب؟؟؟؟:blush: |
اقتباس:
شوفى انتى شاطره فى ايه و اسعى وراه واتعلمى من تجربتى للوصول للبسبوسه و هتفهمى قصدى ;););) |
اى حد متفوق فى حاجه او مميز اوى فى حاجه تيجى تحسده تلاقى عنده بلااوى تهد جبال
مفيش حد متميز اوى اتعاملت معاه من قريب اوى الا واكتشفت انه عنده ابتلاءات كتير اوى اوى و كمان لما حد يضرك و تيجى تنتقم تكتشف انه حالته اصلاً اصعب منك بكتيير بجد كلنا مساكين و اللى بيبان قوى ادام الناس بيجى عليه وقت يعيط زى الاطفال مع نفسه اللى بيتريق كتير شخصيه للاسف عندها خلل نفسى كبير و السبب فى التريقه ديه انه ماشى بنظام اتغدى بيه قبل ما يتعشى بيا يعنى هو شايف انه تعبان فى حاجات كتير فقبل ما التانى يتريق عليه لا هو يبدأ بالتريقه و كمان فيه ناس بتتريق بشكل مبالغ على الناس الناجحه اوى عشان يرضو غرورهم و حقدهم بجد التريقه ملهاش اى دعوة بالفكاهه و خفة الدم اطلاااااقاً |
انا مش متابع اى اخبار عن البلد اللى مستقبلها زفت طول ما التعليم بالمنظر ده و طول ما الانسان رخيص فيها و الفقر بقى منتشر فى كل مكان و الجرايم بتُرتكب و الضمير مرتاح و محدش بيمشى بالليل الا و يتثبت ويتسرق و مفيش بنت محدش اتحرش بيها باللفظ او الكلام بالذات فى القاهره و كل واحد لسه مطلعش من البيضه يحشر نفسه فى مواضيع لسه عقله منضجش كفايه عشان يستوعبها و كل ما كل واحد فينا باصص بتشاؤم و يأس لمستقبل البلد
الحل الوحييييييييد رئيس يكون من طينة كويسه جداً و بسسس انا مش ضد الاخوان و لا مع السيسى بس انا ضد اى حد يتاكل حقه و ضد انى اى حد يموت و ضد الظلم تماماً |
محدش دلوقتى بقى قطة مغمضه اى حد عنده نت بقى عارف كل حاجه و عينه مفتحه كويس
و انا ضد تماماً النت يكون من غير مراقبه للى تحت ال 18 عشان بجد النت ممكن يوديك حتت انت مش قدها و يفتح عيونك على حاجات هتتعبك اوى اوى اوى و يخليك مش عايش سنك اصلاً عشان كده تلاقى كل الاطفال اللى معاهم تابلات و بيخشو نت كتير و متعاصين تكنولوجيا تلاقيهم ماسخييين جداً و البراءة ماتت فيهم و تلاقيهم بيتكلمو فى مشاكل و مواضيع بعييده اوى عن سنهم و المصيبه انى بقيت الاقى عيال مطلعتش من البيضه ومكملوش العشر سنين و ليهم اكونتات على الفيس و بيتكلمو عن جرح الحبيب و المشاعر و كلام الكبار ده بجد حاجه تجيب اسهال و مغص .. فين ايام لما كان كل واحد عايش سنه بالظبط و كانت الحياه هاديه و كان الخبر ليه متعه و الفيلم نسنتاه كلنا عشان نشوفه و كنا بنتلم كتير مع بعض انا عارف انى دخلت جو التكنولوجيا و العك ده بدرى برده بس مش زى الجيل اللى بعدى و برده قعدت فتره مش قليله بعيد عن قرف التكنولوجيا انا مش هنكر ان فيه ايجابيات كتير بس الحياه بقت ملهاش طعم و رتم الحياه بقى سريع جداً جداً و الناس بقت بجحة و البنات بقت معندهاش حياء زى ما بنشوف فى افلام زمان او من كلام بابا وماما و بدل ما كان الواحد بيتصل بصاحبه و يقوله كل سنه وانت طيب و يتكلمو ويهزرو بقو يبعتو على صفحته happy birthday و خلاص و كام صورة سخيفه من جوجل وخلاص كده و قصص الحب زمان كنت تستممع وانت بتسمعها او تشوفها فى افلام زمان لكن قصص حب دلوقتى تلاقيها ابتدت بلايك على كومنت و انتهت برساله فى الانبوكس و حتى كمان بتكون ماسخه جداً و مفهاش اى مغامرات و ممله جداً وتلاقى البنت ارتبطت عشرين مره على الفيس بوك و مش بعيد تكون قابلت ناس كتير و مش بعيد تكون عملت علاقات كمان و كل ده فى فترة قصيره و من غير ما بابا وماما يعرفو انا حاسس ان الدنيا بتشطب و بتخلص الاحداث اللى هتحصل عليها بسرعه عشان كده بنلاقى الايام بتمر بسرعه و مبقناش نحس بيها |
كعبول
اتوبيس المدرسه السحرى الفواكه النخلة نوسه التماسيح ابطال الديجيتال انا واخى سابق ولاحق كونان عالم سمسم ماوكلى عهد الاصدقاء ريمى زمن الكرتون الجميل :) |
اقتباس:
الله كرتووووووووووووووووووووووون بمو اوي اوي في الكرتون وبالذات كونان الله حاجه كده تشرح النفس هههههههههههه وكعبول طبعا وابطال الديجتال واتوبس المدرسه السحري وسباق ولاحق عيال اختي مجننيني بيه واخوتي بقي من عشاق انا واخي هههههههههههه معلش بقي اصلي بحب الكرتون اوي |
فيه ناس تشوف المصيبه ام 2 سم تشوفها 5 متر و ناس تشوف المصيبه ام 5 متر تشوفها 2 سم هى ديه الناس اللى بتعرف تعيش صح
|
اقتباس:
معلش ممكن اسال سؤال واسفه جدا اني بعلق بس ازاي دول الناس اللي بتعرف تعيش؟؟ |
اقتباس:
|
الناس فئات
كل فئة بتنسجم مع بعضها انا الفئه بتاعتى بلاقيها بس مش بتبقى فى سنى للاسف مش شرط كل الناس تبقى نفس الفئه بتاعتك و معظم مشاكلنا ان احنا فاكرين ان احنا كلنا فئه واحده بس ده غلط عشان كده تلاقى الواحد مع صاحبه منسجم اكتر من ما هو مع عيلته عشان صاحبه من الفئه بتاعته وعيلته مش كلها من الفئه بتاعته حتى الاخوات برده الفئه اقصد بيها الصفات و طريقة التفكير و الفلسفه الخاصه بيك و قناعاتك |
السعاده بجد بجد بجد بجد بجد انك تتقن شغلك اوى
لو اتقنت كل حاجه بتعملها هتحس احساس رائع انما الكروته و الخبث و انك تستخدم اسهل الطرق بجد هتحس بتانيب ضمير و تعاسه مستمره وحقد اصلاً جوا كل واحد فين انسان صغير اوى ماسك عصايه فى ايد والايد التانيه ماسك ورده لما تعمل حاجه غلط بينك و بين نفسك بيضربك بالعصايه و اللى هى انك تحس بتانيب ضمير و اكتئاب و لما تعمل حاجه صح و باتقان و بضمير بيديك الورده اللى هى الرضا عن النفس و السعاده اتقن شغللللك و متتخابثش و تسلك طرق سهله و اى كلام عشان بجد احساس انك عملت اللى عليك احسن ميت مره من الوصول للهدف و تحقيقه |
علفكره انا متابعه الفضفضه دى من بدرى قوى يمكن دخلت انهارده بذات عشان اتبعها بجد مستمتعه بيها جدا يمكن لا بحس بتتكلم بصوت لاى جوايا وجوا كتير غيرنا كمل واتمنى انى اشارك عن قريب بفضفضه
|
اقتباس:
|
اوهايو
هههههه صباح الخير بس باليابانى اممممممم شو اكتب هههههههه يازيدى يازيدى انا دخلت علشان اقولك انك انسان محترم قريت معظم اللى كتبته على فكره مكنتش مصدقه انك مصرى علشان جيلنا بقى تافه واهبل ياتك نيله نست الكلام ههههههه بس انت انسان صاد دايما بتاخد من المشكله خبره بتعترف باخطاءك واحنا عدنا فى زمن اللى يعترف بخطئه دا ضعيف ومش كويس اه لسه فى كلام كتير امممممممم بس مبحبش اتطفل عليك اتكلم برحتك وانا من متابعينك فى الخفاء بس عادى لو حبيت ارخم هدخل انت تطول هههههه |
اى حد فى جامعه عشان تعرف تعيش مبسوط بعد كده يا اما تقوى علاقاتك اوى و تضمن واسطه كويسه يا اما تجتهد اوى فى جامعتك وبتقى معيييد
غير كده هتفضل فى بيتك مش اقل من 5 سنين مستنى وظيفه كويسه مفيش حاجه غير بالواسطه مهما خدت كورسات مهما جبت تقديرات عاليه فى الجامعه مهما كانت خبرتك فى الكومبيوتر مهما مهما الواسطه هى اللى هتخليك تشتغل من الاخر انا بكلمك فى المضمون عاوز تضحك على نفسك و تعتمد على كورساتك و تقديراتك فى الكلية مفيش مشاكل بس نسبة انك تلاقى حاجات كويسه متوفره ليك قليله متفكرش انك تحب فى الجامعه غير لما تضمن انك هتكون نفسك بسرعه عشان هتعلقها معاك فتره كبيره كان ممكن هى تتجوز اصلاً وتخلف فحرام تعلقها الفتره ديه لغاية ما تكون هى عانس و فى الاخر تتجوز واحده تانيه عشان زهقت من الاولى المستقبل كويس جداً لهندسة و الكليات الطبيه مش هنضحك على نفسنا اى كلية تانيه يا تكون معيد يا متدخلهاش اصلاً عشان هتركن على جنب بعد ما تخلص تجارة برده مستقبلها واسع اوى فى كل حاجه دايسه بالذات تجارة انجلشششش لو ليك موهبه استغنى عنها ومتخشش الكلية اللى بتحبها عشان لما تكبر و متلاقيش شغل هتكره نفسك و تكره ام موهبتك ديه و يمكن موهبتك تدفن اصلاً بسبب التعليم العالى الحمضان |
اقتباس:
اووووووووووووووهاااايوووو جوزايماااااااااااس اريييييييجاتووو على كلامك الحلو بتحبى اليابااااااااااانى !!!! !! ؟!!! |
نسيت
انت ليه مسمى اسمك هتلر انت بحب السيوف والاحصنه والجحات دى بس ايام العصور دى مكنتش فى بسبوسه ههههههههه لا بجد بدى اعرف ليه مسمى اسمك هتلر حتى اسمك مختاره لغر |
اقتباس:
اصلاً انا معرفش عنه حاجات كتير غير انه حرق شوية يهود و كان عنده داء العظمه |
بس انت تشبه فى صفات
مش بعاكس دى حقيقه دايما بنختار اسم من غير منعرف ليه بس عارف فى الاخر بنكتشف انه بيعبر عنا |
اقتباس:
خليكى صريحه وكوول :) :022yb4: |
لا يا وله حلو
انت صفاتك زى صفاتك الفرسان مش تنغر باه هههههه لا والله انت عندك صفات كتير معظمنا فقدها بس عارف نقصك معنى الشعور بالسعاده الحقيقيه |
اقتباس:
كلامك على رااااسى وشعرى كمان ههههه و السعاده الحقيقه بحسها لما بكون بصلى فى الجامع وبكووون خااشع مش عمال افكر فى المحشى اللى ماما هتعمله هههههههه |
السعاده احنا اللى بنصنعها جوانا
بابتسامه فى اصعب اللحظات ترسمها على وشنا هتريحنا ولو قليل دايما ابتسم وخلى السعاده والضحكه تنبع من قلبك بجد يادكتور مخ واعصاب ياكبير |
اقتباس:
|
هههههه
اصدى ياعبقرينوا فى حياتك العامه مين لما بيصلى مش بيحس بالراحه كلنا بنحس بالراحه بس لما نصلى بخشوع شعرك وحطط فزلين هههههه شفت ضحكتك ببلاش اهو ربنا يسعدك ويحققك حلمك البسبوسه سواء دخولك الطب او انك تعيش على الساحل وبحر باه ابى افتكرنا ياعم بشويه سمك او انك تكبر بسرعه ربنا يوفقك |
انا حابب اشكر مريم و شمس على مشاركتهم
بس انا بكره اى مدح ليا اياً كااااااااااااان احب اللى يعجبه حاجه منى سواء رد او فكره يدعيلى بظهر الغيب وبس عشان اى مدح ولو بسيط بيكبر عندى و يقلب غرور و قرف و انسا نفسى المدح يكون للاطفاال اهم حاجه عشان هم بيكون ثقتهم زيرووو و ميعرفوش حاجه و محتاجين تشجيع بس المدح لحد كبر شويه بيشجع زياده عن اللزوم و بيقلب غرور بعدين انا اسف انى بقول كده و عارف ان فيه ناس هتفتكرنى معقد او رخم بس انا فعلاً مش بحب اى مدددح اياً كاااااان خااالص عشان انا تفكيرى بايظ و ممكن اتغررر و انا بكره الغرور عشان بيمنع الواحد انه يبدع و يقدم جديد ممكن حد غيرى يحب المدح و يتعمد انه يسمعه كتير بس ده طبعه و شخصيته تقدر تخليه يفصل بين الثقه و الغرور انا صعب بالنسبالى اوقات كتير بس بحب اعرف عيوبى جداً و احب اللى يقولهالى وبكره المجااامله موووووووووت حتى معظم مشاكلى انى مبعرفش اجامل حد و بجد انا مستريح اوى وضميرى مستريح برده انى مبحبش كده اصلاً انا ضد ان كل واحد يخبى مشاعره الحقيقيه يمكن انا مش هعرف اعيش كويس بعدين عشان فيا الخصله بتاعة الاطفال ديه بس انا مستريح جداً و مش هااممنى مكاسب ماديه تيجى بالتعامل من تحت قناع كل واحد لو اتعامل بشفافيه مش هيكون فيه خبث و لا حقد و لا كلام من تحت لتحت و شغل المقززين ده انا اعرف نااااس قرايب وبيعملو عمل لبعض واعرف ناس صحاب اوووووووى و بيكرهو بعض مووت و بيعملو فى بعض مقالب وحشه و اعرف بلاوى تانيه كتير كل ده بسبب ان كل واحد بيخبى مشاعره الحقيقيه و بيمثل على التانى و طبعاً كله بينتقم من تحت لتحت انا عارف ان سر النجاح فى الحياه الماديه وبالذات فى الزمن ده انك تبقى دبلوماسى خبيث بس الحياه بالشكل ده هتبقى ماسخه و كلها هموم وقرف انا تعبى بسبب الصراحه اسهل واهون بكتير من تعبى بسبب الخبث و التعامل بوشين و اى حد كبير هيفهمنى لو مضايق من حد رووووح صارحه وقوله و لو بتحب حد روووووح قوله لو مش عاوز تتكلم متتكلمش لو حاسس بحقد اقعد مع نفسك و حط نفسك مكان الشخص اللى بتحقد عليه لو حاسس باى نوع من المشاعر الوحشه صلحها اول باول عشان لو اتراكمت عليك هتبقى مهموم ومش عارف ايه السبب بالظبط عشان الاحساس بيبقى و السبب بيروووووح |
نصاااااااااااايح عشان تعرف ترد على اى حد وتهزمه
اول حاجه لو انت موقفك قوى الززززززم الصمت و خليه يبعبع يبعبع و حافظ على الابتساااااااااامه و بعد ما يخلص قوله كلمتين مختصرين بس اوعى تغلط و بعد كده سيبه وامشى اراهنك هيضرب نفسه بالجزمة لما يكون موووقفك ضعيييييف سيبه يتكلم و دور على غلطات هو قالها من غير ما ياخد باله وامسكهاله و اقعد علق عليها و اقعد استفزز فييه واتلكك على حاجات تافهه لحد ما اعصابه تفووور بعدين اتلكك على اسلوبه اللى مش محترم ههههههه بعد كده هيجيلى السكر و تكون هزمته برده ده بقى اللى بيحصلى بشكل مستمر مع اسرتى الجميله حاجه كده استغفر الله العظيم تجيب اسهاااااااال و مغص و متعرفش تاخد حقك ابداً اللهم انى لا اسالك رد القضاء لكن اسالك اللطف فيك و لا منك مش فاكر اوى |
ابسط يا عم
بس تصدق يا هتلر ومن غير مدح اهوووووووو
كلامك منطقي جدا ... ما فيش احسن من الصراحة علشان الانسان لو عاش بوشين الحياة مش هيبقى ليها طعم او لون حاجة كده زي المية ماااااااااااااسخة وعلشان كلامك الحلو ده ان بهديلك القصيدة دي وبدعيلك بظهر الغيب ان ربنا يوفقك ويسعدك يا رب *** قول واتكلم *** ***************** قول واتكلم وافتح قلبك واسجن خوفك ويا سكوتك ايه بالذمة يا قلبي باقيلك بعد ما ليلك طفى شموعك عايش ميت الحق قولها قبل ما قطر حياتنا يفوتك واوعى ف يوم تبكي وتتندم واضحك سمع حزنك صوتك مهما وقعت هتوقف تاني ضوي ف ليل الحزن شموسك امسح المك بايديك دايماً واسجن خوفك جوا ضلوعك خدها نصيحة وخليك فاكر ربنا كاتب رزقك .. قوتك حتى الموت لو جالك اضحك حزنك مش هيأخر موتك |
منور يا وحش
والقصيده جميله بس مش فاهم ابيات فيها ههههههههههه بس هى حلوه و كلامها قوى |
اقتباس:
|
لا انا قريتها تانى بتمعن وفهمت الفكره
جميييل يا معلم اسلوبك و اختيار الالفاظ حلو اوى وبسيط :) وهقول واتكلم و اطلع كل حااااااجه جوايا و مش هخاف من حد >>> بلطجه هى ههههههههههههههه |
بس انت خطك كااابيييير اوى يا كبير
انت بتخوفنى يعنى ههههههههههههه |
هقفل نور الاوضه و اجيب حاجه حلوه كتير و اتفرج على فيلم رعب او كوميدى و افتح النور هههههههه
بس مش عارف انهى فيلم بجد الحوارات البسيطه ديه بتفرحنى جامد عن الحاجات الكبيره المزعجه الغاليه يعنى قرطاس لب اكله على الكورنيش بالليل احلى بكتير من المرواح لمناطق غاليه ممله وكمان قاعده مع حد دمه خفيف و بسيط احسن مليون مره من خروجه كبيره مع ناس بوشين ماسخه البساطه شىء رااائع و ممتع وده اللى مخلينى بعشق اليابان اوى |
اقتباس:
|
اقتباس:
|
اقتباس:
عامل اييه !! |
جميع الأوقات بتوقيت GMT +2. الساعة الآن 11:26 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.