|
دكتورة lally adel جزاك الله خير يارب
بجد كل االكلام اللى بتكتبيه مفيد ما شاء الله ونصايحك جميله جداااااااا انا قريت المشاركات كلها :022yb4: معلش كنت عندى كام سؤال كده هو فى الانجليزى المستر مش بيعلم الكتب يعنى هو بيقولنا هاتو الكتاب وقولولى هجيب اجابتو من الناشر فهو فى اول السنه قالنا ذا بيست وسيربريز معاه الاجابات قال سنيور كويس بس اجابات الناشر فيها غلطات فهتلغبطنا لو جبناه واخدنا الاجابات بتاعتو من المستر وسالتو على جيم قال كويس اوى بس الناشر مش بينزلوا اجابات يعنى كأنوا من الاخر بيقول هتجيبيه مع نفسك واسالينى بس فى اللى مش تعرفيه :angry2: وهيكلمنا عن باقى الكتب المره الجايه هو المستر كويس جدااااااااا ما شاء الله تقريبا احسن مدرس فى المكان اللى احنا فيه يعنى فى الشرح ومذكراتوا نفسها فيها اسئله كتير وبيمشى معانا فى كلو ع عكس مدرسين تانين بيخلوا المهارات اخر السنه فنحتاس لكن هو كل حصه فيه واجبات ع اسئله اليونيت والمهارات ده بالنسبه للانجليزى بالنسبه لموضوع كتاب المدرسه فمدرس الاحياء كتابه بالنص زى كتاب المدرسه الفرق انه بس معنون جزئيات ومرتبها والكميا بصراحه ما شفتش لسه بس هو كان فى تانيه بيقولنا لازم نلتزم بكل كلمه فى نص الكتاب بتاع المدرسه لان احيانا فيه الفاظ معينه لو كتبناها باسلوبنا بيغير المعنى العلمى الفزيا المدرس الللى باخد معاه هو اول سنه اجربو هو كويس ما شاء الله جداااااا وبيشرح كل حاجه يعنى حتى لو عندنا حاجه مرتبطه بجزئيه فى الكميا وفزيا السنه اللى فاتت بيشرح الجزئيه دى وبعدين يشرحلنا اللى عندنا هو ممل فى الشرح بس دى حاجه كويسه بصراحه بنبقى فاهمين كل فتفوته فى الدرس فيه بقى مشكله ان هو بطىء جدا جدا جداااااااااااااا اصحابى بيقولوا كويس بس قلقانين لا يتاخر فى المنهج ويكروت فى الاخر بس بقولهم ان احنا عندنا نص منهج الفزيا فباذن الله مهما بقى بطىء ان شاء الله يخلص بدرى ونلحق نراجع طمنينى يا دكتوره انا كده بتكلم صح ولا هو فعلا ممكن يبطء لدرجه اننا نكروت فى الاخر |
اقتباس:
بصى يا ستى .. بالنسبة للانجلش ف حتى لو المدرس جابلوكو الاجابات يبقى خلاص مفيش مشكلة .. انتى هتراجعي الاجابات بعد ما تحلى و اللى يقف معاكى او ماتبقيش فاهمة هى جت كدة ازاى تسالى فيها المدرس عادى .. بس خدى بالك من نقطة .. الاجابات دى بتبقى لاسئلة ال choose و find the mistake بس .. فانتى لازم تخلى المدرس يتابعك ف باقىالاسئلة زى translation و speakers و situations وكل الاسئلة اللى بتعتمد على اللغة اكتر .. حلىالكلام دة و اديهوله يعلم .. كدة حسب كلامك الكتب المتوفرة باجابات هى " ذا بست - سيربرايز - سينيور اخدتو اجاباته من المستر " تمام كدة كوووويس اوووى مفيش مشكلة ان شاء الله ..فى برضه على فكرة كتاب اسمه توب ستيودنت بينزله اجابات .. اساليه عليه لو يقدر يجيبلك اجاباته .. و بيت باى بيت برضه تقريبا ليه اجابات .. دة لو انتى حابة تزودى ف الكتب يعنى بالنسبة للاحياء ف خلاص خليكى مع كتاب المدرس مدام مطابق لكتاب المدرسة زى ما بتقولى .. بس برضه ابقى قارنى الاتنين ببعض من باب حرص و لا تخون :) .. لان ساعات بيبقى فى حاجات اتضافت او اتشالت من كتاب المدرسة و المدرسين مايعرفوش .. زى مثلا كان عندنا ف الفصل الاول اللى اخدتوه السنةاللى فاتت الافيتامينات اللى تذوب ف الدهون كانت مكتوبة ف طبعة 2012 k,d,a .. خلوها ف طبعه 2013 k,d,a,h .. ف انتو خلو بالكو من الكلام دة لان ساعات فى حاجات صغيرة اوووى بيغيروها و لا بيبعتو نشرة للمدرسه و لا بيعرفو المدرسين و لااا اى حاجة .. كلام مدرس الكيميا بتاعك صح جداااا .. بس برضه لما تشوفى ملزمته اول حاجة تعمليها تتاكدى انها مطابقة لكتاب المدرسه .. مدرس الفيزيا بقى .. شوفى ياستى .. الحاجة الكويسة انكو بتبقو فاهمين كل فتفوتة ف الدرس .. و عشان يعمل كدة لاااازم طبعا ياخد وقت ف عشان كدة انتو بتحسو انه بطئ .. انتى وجهة نظرك صح ف ان مناهجكو انصاص ف بالتالى مش هتاخد وقت طويل مهما كان بطئ .. اساسا الحديثة عندكو صغيررررة جدا .. هى الفصل 12 و 15 هم اطول فصلين فيها .. اما 13 و 14 ف انا اخدت كل واحد منهم ف حصة .. و عموما الحديثة اساسا كلهااا دش و كلام نظرى و حفظ و حاجات ملهاش لزمة .. ف ماتقلقيش منها خاااالص .. انتى بس اللى هتقدرى تحددى هو بطئ ف حدود المعقول و لا بطئ بشكل اووفر و بيضيع وقت ف كلام فاضي .. يعنى مثلا فصل زى الفصل 8 دة اللى هو بتاع التبريد .. دة مثلا ماياخدش اكتر من حصتين .. لو هو شرحه ف 3 مفيش مشكلة .. لكن لو شرحه ف 4 و لا 5 لا يبقى كدة بيستعبط .. فاهمة ازاى .. انتى هتقدرى تحددى درجة بطأه ادايه .. معقولة و لا بيأفور ربنا يوفقك يا رب و يعينك ;) |
اقتباس:
بس مش عرفة حلتهم صح ولا لا |
اقتباس:
عندك انا مثلا يوم الجمعة دا كامل كنت فاضية فيه فضلت ازاكر نص غربة وحنين ومزاكرتش حاجة غيره دا حتى من غير التعليق :d |
اقتباس:
|
اقتباس:
أولا ربنا يوفقك .. دعيتلك أهو :d ثانيا انا قولت الحساب الكيميائى فقط عشان لسا مبداتش ف التحليل والمسألة اللى حلتها دى هى الوحيدة م الحساب الكيميائى صح |
سلام عليكم ..شباب وبنات الجامدين ربنا يوفقوا فى المذاكره ويقويكوا
سوال بقى انا جبت كتاب سنيور انجلش .. و عندى الاضواء بس قديم.... تنصحونى اجيب ايه من الكتب ده (ذا بست ولا توب استيودنت ولا سيربرايز ) والكيمياء انا شغاله من الامتحان اجيب حاجه معاه ؟؟ والاحياء من الامتحان بردوا فى حاجه تانيه ؟؟؟ والعربى معايا الامتحان والاضواء تمام |
اقتباس:
بس انا اساسا بشترى الكتب وكدا إرضاءً لنفسى عشان ضميرى يستريح بس :d |
اقتباس:
أيـــون هات اللى عندك والسؤال الصعب حطه هنا لازم تشوف أفكار كتيييير من كتب كتب كتييير حتى لو مش هتيجى ف الامتحان اكيد هتفتح مخك وهتفيدك فى حتة تانية صغيرة كدا يعنى |
اقتباس:
معلش كدا سؤال محرج :d هى إيه أسئلة الاولمبياد دى بقابلها كتير اوى وانا بحل الفيزيا :blush: |
اقتباس:
|
السلام عليكم ورحمة الله وبركاته موضوع رااااااائع بحق ربنا يجزيكم كل خير وربنا يبارك في الدكتورة lally على نصايحها الجميلة ربنا يجعلها في ميزان حسناتها كنت عايزة أستفسر عن اجابات كتب الانجليزي غالباً المدرس مش معاه الاجابات لو ملقتهاش عنده اجيبها منين ؟ وكنت عايزة اعرف هل في حد وصل للتكاثر الدرس الثاني عشان كان عندي سؤال فيه ربنا يوفق الجميع يااااااااارب |
اقتباس:
الانجليزى لو هتجيبى كتاب واحد بس يبقى توب استيودنت الكيميا الامتحان يكفى لو حابة تجيبى حاجة معاه هاتى الوسام العربى انا معايا الأضواء والامتحان بردو دول كفاية اوى |
اقتباس:
لا لسا موصلتش للتكاثر النهاردة هخلص اخر حصة من الحركة |
اقتباس:
و يبارك فيكي يا حبيبتى يارب ان شاء الله و ينولك ما تتمنين ان شاء الله بالنسبة لحوار الاجابات ده ف فى بنوتة هنا قالت ان مدرسها بيجيبهوملها من دار النشر بتاعت الكتاب نفسه .. فلو كدة انتو ممكن تتصلو بدار النشر او تروحوها و تسالو على حوار ملحق الاجابات لو قدرتو توصلوله يبقى كوووويس اووووى .. دى معلوماتى عن حوار الاجابات دة .. مفيش بس غير مرة واحدة لقيت لينك هنا ع المنتدى فيه اجابات كتاب توب ستيودنت مراجعه نهائية .. بس للاسف اللينك مش عندى :blush: شدى حيييييييلك ف التكاثر لانه فصل دسم جداااااا و مليان معلومات و حاجات صغيرة كدة بتقع .. و جزء كبير جدااا من امتحانا كان منه .. و انتو هيبقى جزء اكبر من امتحانكو عليه عشان المنهج المقسوم ده ربنا يقويكو :d |
اقتباس:
بس فيه مشكله رخمه جدا فى ذا بيست انه مافيهوش اسئله المهارات (translation - speakers -situations) عكس سيربريز فيه جزء خاص بالحاجات دى غير انه بينزل منها اسئله فى اليونتيت المستر قال ان اجابات سنيور فيها غلطات كتير اوى فهيلغبطنا فما اشتريتهوش . ان شاء الله اساله ع بيت باى بيت وتوب ستيودنت اما عن مدرس الفزيا هو احنا لسه مش هناخد التبريد دلوقتى لان بدنا بالكهربيه بس المستر قال ان هناخده باذن الله بعد الكهربيه فهبقى ان شاء الله اتابع مع زمايلى اللى بياخدو عند مدرسين تانين اشوف وصلو لفين وكده عشان اقدر احدد هو متأخر زياده عن اللزوم ولا عادى والحق نفسى بدرى بدرى ربنا يكرمك يا دكتوره ويجازيكى خير تاعبينك معانا |
اقتباس:
بصي هو تقريبا كدة نظام الكتب اتغير عندكو عن نظامنا احنا .. لا كتبنا احنا كانت كلها على بعض .. اليونيت الواحد بيغطى كل الاسئلة بكل انواعها .. و سيربريز مكنش فيه اجزاء .. على العموم انتى شوفى انتى محتاجة ايه و هاتيه .. بصي فكرة مقارنة مدرسك بمدرسين تانيين دى مش عمليه اووى .. لان كل مدرس و ليه طريقه شغله .. و على حسب طريقه الشغل دى هو بيستهلك الوقت .. يعنى مثلا فى مدرس بيعمل امتحان ف اول الحصه و يقعد يعلمه فيستهلك ساعه مثلا من الحصه ف يشرح حتة صغيرة .. دة هياخد وقت اكبر من اللى بيعمل الامتحان ف يوم منفصل و يقعد وقت الحصه كله يشرح .. فبالتالى التانى هيسبق الاولانى .. و هكذا .. انا كنت بتكلم على اساس ان انتى شايفه الفصل و بتشوفى الحصه بتمشي ازاى .. هل بياخد وقت كبير فى حاجات ملهاش لزمة و بالتالى شغل الفصل نفسه بياخد منه اكتر من حصة .. و لا بتلاقى ان فعلا الفصل دة كبير و كان محتاج شغل كتير و مكنش ينفع يقول كل اللى قاله ده ف عدد اقل من الحصص .. فاهمة ازاى .. انتى قيمى عدد الحصص بالمقارنة مع شغل المدرس نفسه .. لو لقيتيه بيستهلك وقت فى زيادات و حاجات ملهاش لزمة و رغى ع الفاضي يبقى سيبيه .. لكن لو لقيتيه بيركز على مضمون الفصل و يقضي الحصة كلها ف شغل متعلق بالمنهج يبقى تمام اتكلى على الله و كملى معاه .. ربنا معااكى :) .. و اوعى تقولى تاعبينك دى تانى .. انتو اخواتى و واجب عليا اساعدكو .. يلا ربنا يقويكو :) |
اقتباس:
التانية صح التالتة دققي الحسابات وراجعيها تاني علشان الناتج مش مظبوط بالنسبة للقانون هيكون كتلة الماده / كتلة المخلوط *100 قانونك صح بس دي صيغته في الكمياء يعني :) |
اقتباس:
كلهم حساب كميائي التحليل ده مش درس .. فكره مسألة المفروض تعرفيها بس ربنا معاكى شكرا علي الدعوة وانا في الخدمة :) |
حد جاب كتب انجلش متجاوبه انا سامع ان surprise له اجابات و senior كمان ؟؟
|
اقتباس:
|
إيه رأيكو فى السامى أحياء ؟؟ و الإمتحان كيميا و فيزيا ؟ أنا أهم حاجى عندى فى الكتب ديه الأسئله ويتكون فيه إجابات ليها، كتب الشرح عندى كتيره أوى
|
اقتباس:
آمين يارب ويوفق الجميع المشكلة إن احنا بعيد عن المحافظة خالص فهيبقى صعب اوصل لدار النشر وكمان أنا معايا the best بتاع السنة اللي فاتت 2013 فمش عارفة ده هيبقى ليه ولا لأ أنا هبقى أسأل المدرس وربنا ييسر ويكون عنده دعواتكم معانا فاكرة حاجة في موضوع الانقسامات والتكاثر ولا ؟ فيه حتة بتقول في الاقتران في نبات الاسبيروجيرا لما بتتكون اللاقحة الجرثومية ( 2ن ) وبعد ما بتتحسن الظروف بتنقسم اللاقحة ميوزياً لتصبح نصف عدد الصبغيات لإن الطحلب يكون احادي الصبغيات ثم تنبت إلى خيط جديد طيب هو مش المفروض إن اللاقحة انقسمت ميوزياً يعني المفروض تكون أربع خلايا ( ن ) وكل واحدة تنمو إلى خيط جديد " أنا اللي فهمته من الكتاب إن اللاقحة بعد ما هتنقسم هتكون في النهاية خيط واحد بس جديد " مش عارفة أكيد فيه حاجة أنا مش فاهماها مش عارفة === معلش اصل ساعات بحس ان الأسئلة بتاعتي خيالية فبسكت وكنت عايزة أعرف أجيب ملخص واحد فرنساوي ولا أكتر من واحد انا كنت متعودة بجيب برافو فمش عارفة اجيبه هو بس ولا اجيب معاه واحد تاني ولو جبت اجيب جينيال ولا ميرسي ؟ |
اقتباس:
|
اقتباس:
بالليل او الصبح كده هذاكر كميا تانى هحاول احلهم تانى ان شاء الله |
انا ابتديت دروس وحاسس نفسى تاااااااااايه جدا مش عارف ليه
انا علمى علوم ومشكلتى ان الاحياء بتتبخر بسرعة جدا ومش بتتحفظ معايا بسهوة وهى اكتر مادة تعبانى ده غير انى مش بعرف ارسم....اعمل ايه؟؟؟؟ انا طبعا دخلت علوم لأنى بتمنى ادخل كلية محددة وفى نفس الوقت مليش تقل على الرياضة |
اقتباس:
الفرنساوى مقدرش افيدك فيه لانى كنت المانى .. الشبابان شاء الله يساعدوكى :d انتى ممكن تتصلى بس الاول بدار النشر تساليهم فى فعلا اجابات للكتب بتنزل و ممكن حد يشتريها و لا لا .. لو لقيتي ممكن تبقى تبعتى حد يجيبهالك او تنزلى ف مرة مع باباكى او اى حاجة يعنى .. اتاكدى بس الاول عشان ممكن تكون دى للمدرسين بس مش للطلبة :) |
انا ابتديت دروس وحاسس نفسى تاااااااااايه جدا مش عارف ليه
انا علمى علوم ومشكلتى ان الاحياء بتتبخر بسرعة جدا ومش بتتحفظ معايا بسهوة وهى اكتر مادة تعبانى ده غير انى مش بعرف ارسم....اعمل ايه؟؟؟؟ انا طبعا دخلت علوم لأنى بتمنى ادخل كلية محددة وفى نفس الوقت مليش تقل على الرياضة[/quote] هو في البداية بيكون لازم كده بس مع المذاكرة والتكرار بتبقى أفضل وهي الأحياء لانها معلومات كتير فهي بتثبت مع التكرار والمداومة عليها وبالنسبة للرسومات يعني الواحد بيشوف الرسمة وطريقتها وبيحاول يرسمها بس الرسومات محتاجة فهم قبل الحفظ لانها لما تتفهم هنتخيلها ونقدر نرسمها |
اقتباس:
بصي كل المسائل الي انا كاتبها قبل كلمة ده الدرس الاول علي الحساب الكميائي التحليل الكمي ده موال تاني هتاخدي فيه المعايرة وكده انا جايب مسألة واحده فيه علي المعايرة ممكن تسيبها لو موصلتيش لسا للجزء ده انما كل الي كان في الاول كان علي الحساب الكميائي الي هو افكارة بتنحصر في عدد المولات كتلة المادة كتلة المول حجم المادة عدد المولات من خلال الحجم عدد الذرات او الايونات او الجزيئات عدد المولات من خلال """"""""""" الكثافة .. الكتلة من خلال الكثافه التركيز عدد الموات من خلال التركيز الحجم من خلال التركيز اتمني تكون الفكرة وصلت وكل المسائل دي هتلاقيها عندك في كتاب الامتحان باستثناء مسألة الحديد بتاعت ال 30% دي مش هلاقيها .. حاولي فيها تاني هفتحلك باب كده علشان تفهمي المسألة الخام ده مش هو Fe2o3 يعني انت عندك .. خام حديد .. عندك اكسيد حديد .. وعندك حديد ركزي بقا وان شاء الله توصلي للأجابة ---------- السؤال بتاع خام المجنيت هفتحلك الباب بتاعه بردو 2Fe3o4 +1/2 O2-------------->3fe2o3 لو وصلتي للمعادلة وموزنه صح هتكملي ان شاء الله .. علي شرط تقري المسألة كويس ---------- مسألة المطر الحماضي هتلاقيها رقم 46 في كتاب الامتحان ( لو مفهمتشي اجابة كتاب الامتحان في اجابة تانية ) من عندي صح بردو ان شاء الله ---------- اخر مسألة الي هي بتاعت المعايرة دي ( الي في الدرس التاني الي اسمة التحليل الكمي والكيفي ) هتلاقيها رقم 14 في الامتحان في الدرس التاني بالتوفيق |
اقتباس:
انت بدل مبتذاكر الاحياء مره .. هيبقو اتنين مثال .. عندك درس الاحياء يوم الاحد مثلا احدت حصة ... هتذاكرها كويس يوم الاحد وتحل عليها .. تمام؟ تيجي بقا يوم السبت في الاسبوع الي بعدة وانت صابح عليك الاحياء تاني يوم تروح ماسكها وتسمعها من اول وجديد .. في حاجات هتكون واقعه هتثبتها .. في حاجات هتلاحظها مكنتش واخد بالك منها في المره الاول هتلاحظها في المرة التانية الخلاصة اول مره استفادتك هتكون 80 % تاني مره هتقفل 100% ان شاء الله علي شرط انك تكون ناوي المذاكرة بجد .. وتكون بتذاكر وانت بتعامل ربنا وان شاء الله المعلومات تثبت وتخش الكلية الي انت عايزها ........ موضوع الرسم مفيش حاجه اسمعا مش بعرف .. انا رسمي معفن في الطبيعه .. بس في الاحياء هم مش منتظرين منك انك تبقي بيكاسو .. او دافنشي هو انت تشوف الرسمة .. وتتعلمها .. وتتعلم ترسمها ازي مش تنقلها مش مهم تكون حلوة المهم تكون صح وحاول تسأل المدرسين .. وهم بيعلموا الرسمة دي مثلا بيركزو علي ايه بالظبط عندك مثلا رسمة الحزام الحوضي والطرفين السفلين .. المدرسين بيبصوا علي ان الارتفاق العاني في النص بالظبط ولا لا وبيبصو علي التجويف الحقي مظبوط مع عظمة الفخد ولا لا وهكذا معلومة بس او اعتبرها نصيحة متذاكرش الرسم لوحده والشرح لوحده طابق بين الرسم والشرح لان ده هيسهل عليك كتير والله ركز علي اسامي العظام وكده وشوف كل حاجه جاية منين ورايحة فين حتي في جسمك انت .. هتلاقي الموضوع سهل وبالتوفيق |
دكتوره ...بما انك المانى زى
كنتى بتشتغلى من كتاب ايه انا عندى هالو دويتش حلو ولا لا واجيب حاجه معاه :d:d:slap1qk6: |
اقتباس:
ممكن تجيبي معاه بريمير مش هيضرك يعنى بل بالعكس هيساعدك ف التمرين و المراجعه كل فترة .. و برضه احفظى الكلمات اللى ف الكتابين عشان يبقى معاكى حصيلة كلمات كويسة :) ربنا معاكو :) |
يا جماعه جبت كتاب الإمتحان عربى و مفهوش شرح أصلاً ^_^ كلو أسئله و كده، بس مثلاً غربه و حنين فيه بتاع 4 صفح أسئله و قطع، أذاكر بقى الدرس و أحل الكام صفحه دول و خلاص كده ؟؟ أصل حاسس إن مش هيبقى ضميرى مرتاح :d ديه الكميه الطبيعيه يعنى ولا الإمتحان بيخرف ؟؟ أبوس إيديكو ساعدونى :d
|
اقتباس:
وعلفكرة amothman123 بردو كان عايز اسنان ودخل بشري ;) هى ايام النتيجة حاجات كتير اوى بتغير الاراء بالزات لما تقعدى تسألي وكده بس ايا كان يعنى اصلا انا لاكنت عايزة ده ولا ده انا كاااااااااااااان نفسي فى هندسة من وانا صغيرة :( بس اهو ربنا كااتبلى ابقا دكتورة :bosyht9: والحمد لله يعنى :friendsxs3: اوعى اشوفك بتتريقي عليا تانى هجتلك ^_^ :d |
اقتباس:
|
اقتباس:
انا عن نفسي جبت الوسام في الشرح وهو جميل اوي الحمد لله وبحل من الامتحان بردو وربنا يكرم بقا :d |
اقتباس:
fe2o3 الناحيه التانية 2fe 160جم 112جم 1طن س طن س = 1.43 طن بعد كدة الخام مع fe2o3 100 % 30 % س طن 1.43طن س = 4.76 |
اقتباس:
هو المستر كويس برضو فى انه منظم يعنى بيقولنا مثلا الفصل ده بيتكلم عن عشر حاجات بالترتيب كذا وكذا وكذا هو قال ان ان شاء الله اول فصل هيخلص شرحه فى حصتين ومراجعه عليه حصه يعنى 3 حصص....بس هو بطء فى الشرح فمش خلص كل النقاط اللى كان قال هيشرحها فى اول حصه فكده احتمال يخلص شرحه فى 3 حصص والمراجعه حصه يعنى اربعه هو ان شاء الله اذا التزم بال3 حصص وحصه المراجعه يبقى كويس ولا هو الفصل ممكن ياخد منه وقت اكتر من كده ؟ انا حاسه ان اول فصل كهربيه ده اسهل من الاتنين التانييين "ده زى تمهيد يعنى" وجزاك الله خير يا دكتورة ع نصايحك ربنا يجعلها فى ميزان حسناتك وربنا يوفقك فى دراستك :) |
اقتباس:
جزاك الله خيرا طيب فيه مسأله كانت فى كتاب المستر بتاعى انا حليتها وطلعت الرقم47.73% بس مش متأكده منو ومالقتهاش فى كتاب الامتحان ولا كتاب المدرسه عند معالجة مخلوط يحتوى على(10جم) من كربونات الكالسيوم والرمل بحمض الكبريتك المخفف معالجة تامة تصاعد(2.3جم) من ثانى اكسيد الكربون ... احسب النسبه المئوية للرمل فى المخلوط علما بأن (Ca=40/Cl=12/O=16) وابقوا قولولى طلعتوا الرقم زيى ولا مختلف |
تم تثبيت الموضوع
نتمنى لكم دوام النجاح والتفوق |
اقتباس:
بتاع خام الحديد دى شوفتها ف كتاب الوسام بس قولت دى مش تبع الحساب الكيميائى "فتى بقى" :d ماشى هشوفهم تانى ألف شكر |
اقتباس:
الامتحان بيخرف طبعا:d انا اتصدمت أصلا لما شوفت الكمية دى بس انت تجيبلك كتاب تانى انا جبت الأضواء معاه كنت هجيب الوسام بس مش هلاقى وقت أصلا ازاكر العربى دا |
خدوا دول "" شُداد "" :d
على حد علمى دول مش موجودين فى اى كتاب خارجى خُـلط 25 سم مكعب من محلول NaCl تركيزه 0.2 مولارى مع 75 سم مكعب من محلول CaCl2 تركيزه 0.02 مولارى احسب تركيز أيونات الكلوريد Cl الموجودة فى المحلول احسب تركيز كل أيون من الأيونات الموجودة فى المخلوط المكون من :- 150 سم مكعب من محلول 0.1 مولارى من NaCl مع 150 سم مكعب من محلول 0.05 مولارى من MgCl2 علما بأنه لا يحدث تفاعل بين المحلولين |
اقتباس:
هههههههههههههههه .. ايوة ما دة اللى انا بقولهوله .. لو محددتش حاجة معينة و صممت عليها و حطيتها هى و بس قدامك لما تيجى ساعه التنفيذ حاجات كتيييييير هتتغير .. انا اعرف ناس صحابى جابو 99 و 100 % و دخلو صيدلة .. و فى بنت حكيتلكو عنها بعد ما عملت التظلم و اترددتلهاالدرجات دلخت حاسبات .. بتوع صيدلة دول كانو عايزين صيدلة من الاول .. مفرقش معاهم بقى هم جابو مجموع طب و لا لا .. حطو هدفهم قدامهم و وصلوله .. amothman 123 انا معرفش هو اصلا كان عايز ايه .. هو كان شوية يقول اسنان و شوية يقول بشري .. هو يمكن كان عنده تشبع من البشري ده عشان باباه و مامته دكاترة .. بس يلا هو كله نصييييييب :) .. انا اقدر برضه اتريق عليكي يا بااااشااااا .. خرااااااشي :rolleyes: .. دة انت حبيبي يا برنس ;) |
اقتباس:
|
يرى بعض النقاد أن كلمة "المؤسى" لم تضف جديداً للمعنى، ناقش.
حد يعرف إجابة السؤال ده ؟؟ من كتاب الإمتحان و الوحيد إلى وقف قدامى ^_^ أذكرلو مثلاً فائدة الكلمه ؟؟ زى إنها تدل على الإستمرار و التضعيف فيه يدل على المبالغه ؟ |
يرى بعض النقاد أن كلمة "المؤسى" لم ضيف جديد للمعنى، ناقش.
السؤال من كتاب الإمتحان و مش عارفلو إجابه، أنا كتبت إنى أعارض النقاد لأن المؤسى تدل على الإستمرار و التضعيف فيها يدل على المبالغه. مش عارف ده صح ولا غلط ؟ |
اقتباس:
لا اول فصل كهربية هو اصغر فصل ف ال3 لكن افكاره جبااااااااارة و بنت لذينة .. و محدش يقدر يعرف السؤال فيه هيجي ازاى .. خدى بااااالك اوووووى من مسائله لان افكارها لامتناهيه ثانيا احسبي الحصص بتاعت الشرح مش الشرح و المراجعه .. لان انتى بتتكلمى على بطء الشرح نفسه ربنا معاااكو ;) |
مبرووووووك التثبيت :) ..
|
فيه سؤال بيقول
أذيب7.1 جم من كبريتات الصوديوم في الماء احسب : عدد مولات الأيونات الناتجة من الذوبان " هو هنا عايز عدد مولات الأيونات كلها ولا عدد مولات كل أيون على حدة ؟ لأن في الملخص عاملينها كل واحدة على حدة وانا شايفة انه عايز عدد مولات الأيونات كلها " |
| جميع الأوقات بتوقيت GMT +2. الساعة الآن 07:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.