بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية التجارة (https://www.thanwya.com/vb/forumdisplay.php?f=162)
-   -   لطلبة كلية التجارة - جامعة القاهرة (ضع استفسارك هنا) (https://www.thanwya.com/vb/showthread.php?t=342144)

vampire1188 21-06-2013 08:51 PM

اقتباس:

احب اشكر حضرتك انا بجد استفدت من الكلام واتمنى ان ربنا يكرمنى ومجموعى يجيب ، بس انى لى استفسار بسيط هل حضرتك تعرف حاجة بالنسبة للدبلوم التجارة اللى عايزين يدخلوا الكلية وعن نظام المعادلة والمفروض اكون جايبة كام عشان اعمل معادلة واتمنى انى مكنش طولت على حضرتك واتمنى كمان ان حضرتك تجاوبنى
ولا حاجة .. لازم تكوني في دبلوم تجاري نظام 5 سنين وتكوني جايبه 85 % تقريبا (دا على ايامي الله اعلم بقى علوها ولا ايه)

وبتخشي امتحان للمعادلة في الصيف تقريبا في شهر 8 وبتمتحني رياضة وادارة ومحاسبة والكلية بتبقى محددة عدد معين عشان ياخدوه وبياخدو اعلي مجاميع طبعا

لو ربنا وفقك ونجحتي بتخشي الكلية على سنة تانية مباشرة (بتتخطي مرحلة سنة اولي دي خلاص)

zhrat aljasmen 22-06-2013 01:17 AM

جزاك الله خيرا ، يبقى كده انا مينفعش ادخل لانى نظام 3 سنوات طب معلشى مافيش معاهد اربع سنين لنظام بتاعى ولا يعنى الواحد خلاص يحمد ربنا على كده

zhrat aljasmen 24-06-2013 02:59 PM

اتمنى ان حضرتك ترد يا استاذ فامبير لاننا هرتب نفسى على رد حضرتك

aboasef 16-07-2013 10:58 PM

لو سمحت عايز اعرف مصاريف قسم علوم اكتواريه للوافدين الفلسطينين

aboasef 16-07-2013 11:07 PM

عايز اعرف مصاريف قسم علوم اكتواريه للوافدين الفلسطينين كام

vampire1188 17-07-2013 08:07 PM

اقتباس:

جزاك الله خيرا ، يبقى كده انا مينفعش ادخل لانى نظام 3 سنوات طب معلشى مافيش معاهد اربع سنين لنظام بتاعى ولا يعنى الواحد خلاص يحمد ربنا على كده
ماعتقدش ان فيه للاسف :(

vampire1188 17-07-2013 08:08 PM

اقتباس:

لو سمحت عايز اعرف مصاريف قسم علوم اكتواريه للوافدين الفلسطينين
المصاريف مش هاتبقى updated اوي بس هيا هاتبقى رينج بين الـ 6000 للـ 8000 نفس مصاريف تجارة انجليش بس اعلي شوية عشان الطلبة الوافدين بيدفعوا اكتر .. ودا بردوووو على حسب انت عايش فين ومربعك السكني فين

محمد ابراهيم الجوهرى 18-07-2013 10:13 PM

السلام عليكم و رحمه الله و بركاته,
انا كنت عايز اعرف إيه اصسام كلية التجارة وإيه الاكثر فرصة للتوظيف و الاكثر طلبا؟؟
وما هو موقع الذى اعرف منه التنسيق لسنة 2013/2014

aboasef 19-07-2013 03:59 PM

لو سمحتو عايز اعرف معلومات عن قسم العلوم الاكتواريه
وعايز اعرف مصاريف القسم ده كام بالنسبه للوافدين الفلسطينين
ضروري جدا لاني انا السنه دي ثانويه عامه وعايز ادخل القسم ده
ارجو الافاده لمن لديه اي معلومات

aboasef 19-07-2013 04:03 PM

اقتباس:

المشاركة الأصلية كتبت بواسطة vampire1188 (المشاركة 5385619)
المصاريف مش هاتبقى updated اوي بس هيا هاتبقى رينج بين الـ 6000 للـ 8000 نفس مصاريف تجارة انجليش بس اعلي شوية عشان الطلبة الوافدين بيدفعوا اكتر .. ودا بردوووو على حسب انت عايش فين ومربعك السكني فين

يعني المصاريف بس هتبقى في الحدود دي انا في حد قلي اكتر من كده بكتير

vampire1188 19-07-2013 10:33 PM

اقتباس:

السلام عليكم و رحمه الله و بركاته,
انا كنت عايز اعرف إيه اصسام كلية التجارة وإيه الاكثر فرصة للتوظيف و الاكثر طلبا؟؟
وما هو موقع الذى اعرف منه التنسيق لسنة 2013/2014
الاقسام دي بتبقى على حسب سيادتك هاتخش كلية ايه

يعنى فيه جامعات فيه اقسام معينة ممكن ماتلاقيهاش في جامعات تانية .. يعنى مثلا على سبيل المثال لا الحصر :

>> جامعة القاهرة : ادارة - تأمين - محاسبة
>> جامعة حلوان : محاسبة - ادارة اعمال - اقتصاد - تأمين
>> جامعة عين شمس : تأمين - محاسبة

حتة بقى مين ليه فرص توظيف دي انت ونصيبك وانت ومجهودك وشطارتك

وبعدين انت لسه بدري عليك اوي .. لما تبقى تخش الكلية وتتعامل وتفهم الجو ساعتها انت اللى هاتحدد انت هاتمشي في انهي سكة

vampire1188 19-07-2013 10:35 PM

اقتباس:

لو سمحتو عايز اعرف معلومات عن قسم العلوم الاكتواريه
وعايز اعرف مصاريف القسم ده كام بالنسبه للوافدين الفلسطينين
ضروري جدا لاني انا السنه دي ثانويه عامه وعايز ادخل القسم ده
ارجو الافاده لمن لديه اي معلومات
يا باشا مانا قولتلك قبل كدا

وانت كدا كدا اصلا القسم دا مش هاتخشه باذن الله الا مع بدااااااية سنة تانية

يعنى ماتفتكرش انك اول ماهتخش الكلية هاتخش الكلية على اكتواري على طول !!

والاكتواري دا مش موجود في مصر كلها غير في الجامعة الامريكية وجامعة القاهرة

وانا قايل الكلام دا قبل كدا في مواضيع سابقة على فكرة .. حاول ترجع ليه وانت هاتعرف كل التفاصيل

GGMGG 20-07-2013 12:42 PM

لو سمحتم
 
انا جبت 87.8علمى رياضه وفى الانجلش 48 ممكن ادخل تجاره انجلش عين شمس السه دى بيقولو هينزل ويقل التسيق الداخلى

vampire1188 20-07-2013 04:15 PM

اقتباس:

انا جبت 87.8علمى رياضه وفى الانجلش 48 ممكن ادخل تجاره انجلش عين شمس السه دى بيقولو هينزل ويقل التسيق الداخلى
لو علمي يبقى معقــول مش وحش .. خوض التجربة وجرب وماتخافش ولو ليك نصيب فيها هاتخشها باذن الله

raw 4 ever 22-07-2013 12:59 AM

انا جايب 81% وفى الاينجلش 48 و الاينجلش مستوى رفيع 9.5 هل كده ممكن اتقبل تجاره اينجلش القاهره ؟
وبعدين سمعت انى فى الرغبات اكتب تجاره القاهره واكتب تجارة كذا محافظة ولو جتلى مثلا اسكندريه ممكن احول للقاهره
فى نظام اسمه كريديت بس بدفع اكتر بس المهم انى اروح قاهره ده صح ولا ايه ؟

omar.ahmed3 22-07-2013 05:46 AM

انا جايب 82.44
وعايز ادخل تجارة عربى هل ليها شروط ؟

محمد ابراهيم الجوهرى 23-07-2013 01:30 AM

السلام عليكم,
انا كنت عايز اعرف قسم نظم و معلومات فى كلية التجارة موجود فى تجارة القاهرة بس ولا فى كليات تانية؟
ولو كانت فى القاهرة بس وانا اتقبلت فى تجارة اسيوط او اى ماكن تانى ممكن انقل لتجارة القاهرة فى نفس السنة؟
وعندى سؤال تانى إيه القسم الاحسن والمطلوب فى سوق العمل اكثر محاسبة ولا ادارة اعمال ولا نظم و معلومات وهل التخصص بيبقى من اول سنة ولا من امتى؟

vampire1188 23-07-2013 02:07 PM

اقتباس:

السلام عليكم,
انا كنت عايز اعرف قسم نظم و معلومات فى كلية التجارة موجود فى تجارة القاهرة بس ولا فى كليات تانية؟
مش موجود في القاهرة اصلا .. دا هاتلاقيه موجود في تجارة حلوان اسمه قسم ibs

اقتباس:

ولو كانت فى القاهرة بس وانا اتقبلت فى تجارة اسيوط او اى ماكن تانى ممكن انقل لتجارة القاهرة فى نفس السنة؟
اه بتعمل تقليل اغتراب وكله من ع النت

اقتباس:

وعندى سؤال تانى إيه القسم الاحسن والمطلوب فى سوق العمل اكثر محاسبة ولا ادارة اعمال ولا نظم و معلومات وهل التخصص بيبقى من اول سنة ولا من امتى؟
انا مش هاجاوبك على السؤال دا . انت اللى هاتجاوب عليه ان شاء الله لما تخش الكلية وتدرس

ashrafahmed1997 23-07-2013 05:01 PM

يا جماعة انا مش جايب اي حاجة و لسة 2 ثانوي بس عاجبني فامبير دا اوي الصراحة دا برنس و انا داخل اسلم علية مش اكتر
و اسئلة هو كلية اية
و شكرا

vampire1188 23-07-2013 09:28 PM

اقتباس:

يا جماعة انا مش جايب اي حاجة و لسة 2 ثانوي بس عاجبني فامبير دا اوي الصراحة دا برنس و انا داخل اسلم علية مش اكتر
ههههههههههههه حبيب قلبي منور يا باشا

اقتباس:

و اسئلة هو كلية اية
واحد مشرف قسم كلية تجارة عايزة يبقى كلية ايه ؟!! هندسة مثلا ؟!!

محمد ابراهيم الجوهرى 24-07-2013 03:34 AM

الف شكر يا vampire على الرد بس كنت عايز اعرف التخصص بيبقى من سنة كام؟
وكنت عايز اعرف ازاى اقدم فى تجارة انجليزى فى التنسيق عشان بدور عليها ميش لاقيها

Gamal Beltagy 27-07-2013 03:56 PM

السلام عليكم

أنا عايز أستفسر هل فى قسم تجارة إنجليش بالسويس ؟؟ لأنى من السويس والتوزيع الجغرافى شكله هيجبرنى أكون بالسويس .

ولو أنا دخلت فى السويس هذا العام ممكن أنقل العام القادم إلى القاهرة أو عين شمس مثلا ؟؟

vampire1188 28-07-2013 08:22 PM

اقتباس:

الف شكر يا vampire على الرد بس كنت عايز اعرف التخصص بيبقى من سنة كام؟
وكنت عايز اعرف ازاى اقدم فى تجارة انجليزى فى التنسيق عشان بدور عليها ميش لاقيها
التخصص على حسب انت سنة كام فيه جامعات التخصص فيها من تالته وجامعات التانية بتبقى من رابعة

بالنسبة للتقديم في تجارة انجليش لازم تبقى داخل تجارة عربي انتظام ومنها بتقدم على تنسيق داخلي لتجارة انجليش

vampire1188 28-07-2013 08:24 PM

اقتباس:

السلام عليكم

أنا عايز أستفسر هل فى قسم تجارة إنجليش بالسويس ؟؟ لأنى من السويس والتوزيع الجغرافى شكله هيجبرنى أكون بالسويس .

ولو أنا دخلت فى السويس هذا العام ممكن أنقل العام القادم إلى القاهرة أو عين شمس مثلا ؟؟
ماينفعش تنقل تجارة انجليش من جامعة لجامعة

maged4ninja 29-07-2013 04:53 PM

اقتباس:

المشاركة الأصلية كتبت بواسطة vampire1188 (المشاركة 5398781)

اه بتعمل تقليل اغتراب وكله من ع النت


بس هيبقي انتساب

باب التقديم في تجاره القاهره انتساب بيفتح امتي ؟!

mai f 30-07-2013 12:50 AM

انا مجموعى الاعتباااارى 397.5 علمى .. عايزة تجارة انجليزى ... اكتبها فى الرغبات ولا صعب انها تيجى اصلااا ؟؟؟

vampire1188 30-07-2013 01:14 AM

اقتباس:

س هيبقي انتساب

باب التقديم في تجاره القاهره انتساب بيفتح امتي ؟!
هاتلاقيها بدءا من المرحلة التانية في التنسيق ان شاء الله

vampire1188 30-07-2013 01:17 AM

اقتباس:

انا مجموعى الاعتباااارى 397.5 علمى .. عايزة تجارة انجليزى ... اكتبها فى الرغبات ولا صعب انها تيجى اصلااا ؟؟؟
على حسب هاتقدمي في جامعة ايه .. بس انا شايف مجموعك كويس على فكرة

Morethanlove Tito 30-07-2013 05:57 AM

انا جايب 358.5 من غير مستوى و واخد مستوى انجلش وجايب فية 8.5 و درجة الانجلش 46 يعنى مجموعى الاعتبارى 408

وجالى تجارة القاهرة و عايز اقدم تجارة انجلش كدة هقبل ولا !!

وفى ناس بتقول ان الى واخد مستوى انجلش بيتاضف درجتة مرتين مرة على درجة الانجلش ومرة على المجموع الكلام دة صح ولا !!

والمفروض اعمل اية علشان اقدم تنسيق داخلى !! و أمتى المفروض اقدم !!

babion 30-07-2013 04:37 PM

انا ادبي ومجموعي الاعتباري 398 هلحق تجارة انجليش قاهرة ولا احول حلوان من دلوقتي عشان انا مش عايز ادخل تجارة عربي بصراحة

vampire1188 30-07-2013 04:58 PM

اقتباس:

انا جايب 358.5 من غير مستوى و واخد مستوى انجلش وجايب فية 8.5 و درجة الانجلش 46 يعنى مجموعى الاعتبارى 408

وجالى تجارة القاهرة و عايز اقدم تجارة انجلش كدة هقبل ولا !!
أدبي ولا علمي ؟؟

اقتباس:

وفى ناس بتقول ان الى واخد مستوى انجلش بيتاضف درجتة مرتين مرة على درجة الانجلش ومرة على المجموع الكلام دة صح ولا !!
هههه لا طبعا دا تهريج .. مافيش حاجة اسمها الكلام دا !!

اقتباس:

والمفروض اعمل اية علشان اقدم تنسيق داخلى !! و أمتى المفروض اقدم !!
تقدم عربي الاول عااااااادي جدا

بعد كدا تروح لشئون طلبة تجارة انجليش وتقولهم عايز استمارة تقديم شعبة .. بـ 100 جنيه تقريبا (الكلام دا من 3 سنين مش عارف بقى غليت ولا لاء)

vampire1188 30-07-2013 05:01 PM

اقتباس:

انا ادبي ومجموعي الاعتباري 398 هلحق تجارة انجليش قاهرة ولا احول حلوان من دلوقتي عشان انا مش عايز ادخل تجارة عربي بصراحة
محسسني ان عربي دي فيها جرب !!

مااااعلينا .. لا انا شايف ان خليك في حلوان احسن .. او انك تقدم قاهرة بس ممكن تروح الشيخ الزايد

babion 30-07-2013 05:07 PM

اقتباس:

المشاركة الأصلية كتبت بواسطة vampire1188 (المشاركة 5412847)
محسسني ان عربي دي فيها جرب !!

مااااعلينا .. لا انا شايف ان خليك في حلوان احسن .. او انك تقدم قاهرة بس ممكن تروح الشيخ الزايد

والله عارف انك هتفهم غلط ,

مش جرب ولا حاجة ياباشا بس انا متعود من اولي ابتدائي اكتب الارقام بالانجليزي وكدا يعني هخش تجارة عربي مش هفهم حاجة بيقولك تربيعة و اوس وحاجات غريبة كدا :d


شيخ زايد شيخ زايد , بس هلحقها ولا ايه ؟
بنسبة كام في المية مثلا كدا

vampire1188 30-07-2013 05:45 PM

اقتباس:

والله عارف انك هتفهم غلط ,

مش جرب ولا حاجة ياباشا بس انا متعود من اولي ابتدائي اكتب الارقام بالانجليزي وكدا يعني هخش تجارة عربي مش هفهم حاجة بيقولك تربيعة و اوس وحاجات غريبة كدا
ههههه عادي طب مانا طول حياتي رياضة عربي وكل دراستي بالعربي

وحاليا كل شغلي بالانجليش بما يتضمنه ارقام وحسابات !!

عادي عادي ماعلينا

اقتباس:

شيخ زايد شيخ زايد , بس هلحقها ولا ايه ؟
بنسبة كام في المية مثلا كدا
يعنى بتاع 80 في الميه كدا .. قول يا رب واتكل على الله

Morethanlove Tito 31-07-2013 04:30 AM

اقتباس:

المشاركة الأصلية كتبت بواسطة vampire1188 (المشاركة 5412836)
أدبي ولا علمي ؟؟



هههه لا طبعا دا تهريج .. مافيش حاجة اسمها الكلام دا !!



تقدم عربي الاول عااااااادي جدا

بعد كدا تروح لشئون طلبة تجارة انجليش وتقولهم عايز استمارة تقديم شعبة .. بـ 100 جنيه تقريبا (الكلام دا من 3 سنين مش عارف بقى غليت ولا لاء)

أدبــــــــــــــــــــــــــــــــى :d مش عارف ازاى نسيت أكتبها :d
كدة أقبل ولا !! ولو قبلت هيبقى القاهرة ولا لشيخ زايد !!
ولو جالى الشيخ زايد ينفع احول القاهرة بأى طريقة ولا مستحيل !!
ومعلش أسئلتى كتيير :D :D

vampire1188 31-07-2013 08:00 PM

اقتباس:

أدبــــــــــــــــــــــــــــــــى مش عارف ازاى نسيت أكتبها
الشيخ زايــد باذن الله

AttelaTheHun 03-08-2013 09:37 AM

عندي سؤالين بس يا فامباير .. الاول : انا جايب في الثانويه العامه 89.49 % ادبي و جايب في الانجلش 45.5 و واخد مستوي رفيع انجلش و جبت فيه 8 من 10 هلحق تجاره انجلش ولا لا؟

السؤال الثاني : ينفع واحد دخل تجاره عربي في اول سنه و جاب جيد و كان في ثانوي جايب 40.5 في الانجلش و 43 في الرياضيات يلحق قسم اكتواري في سنه تانيه ؟؟

vampire1188 03-08-2013 12:33 PM

اقتباس:

عندي سؤالين بس يا فامباير .. الاول : انا جايب في الثانويه العامه 89.49 % ادبي و جايب في الانجلش 45.5 و واخد مستوي رفيع انجلش و جبت فيه 8 من 10 هلحق تجاره انجلش ولا لا؟
يــا مســهل .. قول يــارب

اقتباس:

السؤال الثاني : ينفع واحد دخل تجاره عربي في اول سنه و جاب جيد و كان في ثانوي جايب 40.5 في الانجلش و 43 في الرياضيات يلحق قسم اكتواري في سنه تانيه ؟؟
تلحق طبعا .. بس اهم حاجة تعدي في الامتحان بتاع اكتواري

vampire1188 05-08-2013 07:26 PM

اقتباس:

انا جايب 83% و جايب في الانجليزي 42 عاوز اقدم انجليش ينفع ولا لا ؟ مع العلم اني ادبي
لاء ماينفعش

maged4ninja 05-08-2013 10:49 PM

بقولك يا اخوه هو بيحاتجوا بيان النجاح ده ؟!
ولا هي الشهاده و بطاقة الترشيح بس ؟!

Nada Elshimy 06-08-2013 12:53 PM

انا جاتلى تجارة القاهرة انتساب
عايزة اعرف بقى ايه الفرق بينى و بين الانتظام
و امتى اقدر احول انتظام

maged4ninja 06-08-2013 01:58 PM

اقتباس:

المشاركة الأصلية كتبت بواسطة nada elshimy (المشاركة 5424245)
انا جاتلى تجارة القاهرة انتساب
عايزة اعرف بقى ايه الفرق بينى و بين الانتظام
و امتى اقدر احول انتظام

انا جتلي برده

الفرق المصاريف 480ج
ملناش اعمال سنه
ملناش سكاشن
التحول في سنه تانيه لو جبتي في سنه اولي جيد او اعلي ;)

zahraamok 06-08-2013 02:41 PM

السلام عليكم ورحمة الله وبركاته

انا جاتلي تجارة القاهره

كنت عايزه اسأل انا ممكن اخش تجاره انجلش ولا لأ

مجموي الكلي بدون مستوى رفيع 374.5
درحة اللغه الانجليزيه 45
درجة المستوى الرفيه انجليزي 8.5

كدا هلحق تجاره انجلش ؟؟

وهل صحيح ان احنا ممكن نروح الشيخ زايد ؟؟

وجزاكم الله كل خير ع المجهود

omar.ahmed3 06-08-2013 09:51 PM

ما هى اجراءات التحويل ؟
وما موعد فتح التحويل الالكترونى والورقى
التحويل من كلية تجارة عين شمس للقاهرة
مع العلم انى من القليوبية
وانا كاتب فى الرغبات عين شمس بنها القاهرة
ارجو المساعدة من فضلكم

HardTarget1994 10-08-2013 10:03 PM

السلام عليكم
لو سمحت ياجماعه انا دخلت تجاره زقازيق وعايز اعرف كل حاجه عنها

https://fbcdn-sphotos-c-a.akamaihd.n...41367426_n.jpg

1 - التقديم هايبدأ امته ؟
2 - ايه الافضل عربى ولا انجليزى علشان انا سامع ان الاتنين زى بعض
( يعنى لو عربى وجاب تقدير احسن من الانجليزى هو اولى )
3 - ايه نظام اشتراك الانجليزى ( مصاريف الاشتراك فى الشعبه - كتب - بندفع كل سنه ولا هى اول سنه ؟ - فى حكايه ان الواحد يدفع النص الترم الاول والنص الترم التانى ) بندفع كام فى الاخر يعنى لما نقدم هاندفع كام فى السنه كتب واشتراك وكده.؟
4 - الكتب بتاعت التجاره الانجليزى سهله ولا ايه يعنى هاقدر افهمهما ولا من اول السنه بناخد كورسات ؟
5 - الشغل بتاع التجاره اخباره ؟

ولا اريح دماغى واخش عربى واخد كورسات انجليزى وفرنساوى زى ماواحد قالى واحاول اجيب تقدير وخلاص

يعنى من الاخر انا عايز كل حاجه تتعلق بيها وشكرااااااااااااا على وقتكم .
ياريت الرد بسرعه كمنى رايح التلات اقدم

m maher 11-08-2013 03:16 PM

انا جايب 93 و 44.5 انجليزي ودخلت تجارة بس عايز اعرف شوية حاجات كدا عن تجارة انجليزي يعني صعبة ولا لا مميزاتها عيوبها مصروفاتها السنادي.
والافض ادخل عربي واجيب تقدير وحسن اللغة واخد كورسات ولا ادخل تجارة انجليزي
وكنت عايز اعرف المجموعة المميزة دي بتاخد من كام وبتاخد كام طالب

ولو اي حد يعرف اي حاجة عن السن صيني يكلمني عنه
يا ريت لو حد يرد عليا بسرعة عشان المفروض اقدم خلال الاسبوع دا

hobahoby 13-08-2013 09:15 AM

لو سمحت كان فى موضوع كدة و حضرتك الوحيد اللى ممكن تتأكد منة
انا انجلش 47 بس ملحقتش تجارة على درجة فمش قدامى الا انتساب و طبعا عربى
و تانى سنة ان شاء الله ممكن احول انتظام
بس سمعت ان ممكن تحول من عربى لانجلش تانى سنة بشرط امتحان انجلش مش سهل بس اللى يعدية يحول لانجلش
بليييز اتأكدلى من الموضوع دة :(
و رأى حضرتك تجارة عربى لو مع كورسات جامدة ممكن يتعادل بتجارة انجلش و لا ملهاش لزمة و مش هتبقى بدرجة تجارة انجلش بردو :(

maged4ninja 13-08-2013 10:00 PM

اقتباس:

المشاركة الأصلية كتبت بواسطة hobahoby (المشاركة 5434920)
لو سمحت كان فى موضوع كدة و حضرتك الوحيد اللى ممكن تتأكد منة
انا انجلش 47 بس ملحقتش تجارة على درجة فمش قدامى الا انتساب و طبعا عربى
و تانى سنة ان شاء الله ممكن احول انتظام
بس سمعت ان ممكن تحول من عربى لانجلش تانى سنة بشرط امتحان انجلش مش سهل بس اللى يعدية يحول لانجلش
بليييز اتأكدلى من الموضوع دة :(
و رأى حضرتك تجارة عربى لو مع كورسات جامدة ممكن يتعادل بتجارة انجلش و لا ملهاش لزمة و مش هتبقى بدرجة تجارة انجلش بردو :(

ماهو شرحه في الموضوع الي هو قسم الاكتوراي
بس ده مش تجاره انجليزي هو حاجه شبيها ليها

ثانيا ادخلي تجاره عربي وكورسات بقي خفيف ولو متجوزتيش لما تتخرجي هتشتغلي سنتين خبره وبعدها تاخد كورسات من الغاليه :028ja7::028ja7::028ja7:

ahmed_adg 15-08-2013 12:00 AM

السلام عليكم
لو سمحت انا علمي رياضه جاييب 88.5 % و مستوي رفيع انجليزي 8 و الانجليزي 45 و قبلت في جامعه القاهره هل ينفع يقبلوني تجاره انجلش جامعه القاهره و لو مش هينفع ينفع احول تجاره حلوان و اقدم هناك انجلش ولا مش هتفرق و التحويل مفتوح لحد امتي و في سؤال تاني هو تجاره عربي مع قرصات افضل من تجاره انجلش بدون قرصات لاني لو دخلت انجلش لن استطيع اخذ قرصات و لو عربي هاخد قرصات و شكرا

نور الرحمة 18-08-2013 02:26 AM

انا قبلتنى تجارة جامعة السويس بس انا عايزة احول من تجارة عربى السويس الى تجارة انجليزى جامعة جنوب الوادى ولو فى القاهرة تقبلنى ينفع احول ومن اعمل زى النظام الجديد انى انا اتخل الكلية اللى اناعيزاهامثل تجارة انجليزى جامعة جنوب الوادى بدلا من عربى بس اتفع زيادة زى الكليات الخاصة كدة يعنى الطلاب بيدفعوا3000 فى السنةانا بقى اتدخل زيهم واكون انتظام بس اتفع 7000 فى السنة وعلى فكرة انا مجموعى322 اناشعبة ادبى ومجموعى فى الانجليزى 27.5 وارجوا الرد السريع على ذلك


جميع الأوقات بتوقيت GMT +2. الساعة الآن 10:41 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.