|
اقتباس:
|
حسبي الله ونعم الوكيل
|
السلام عليكم ورحمة الله وبركاته
كل الشكر والتقدير للدكتور عبد الرحمن على الشرح الوافي لجميع النقاط المطروحة للمناقشة جزاك الله خيرا يا دكتور بس انا احب اوضح ان انا خريجة اساسي 2010 بس لايحة جديدة والتخصص من اولى زينا زي العام والعشرين الأوائل اخدوهم من جميع الشعب فأي كليه هتقول غير كدة تبقى بتستهبل لان كمان العشرين متاخدين من اقسام مختلفة في درجة الصعوبة والتقديرات مش معقول هييجو بقى ويقولو اساسي لأ |
شوف ياسيدي
اقتباس:
شوف ياسيدي : أولا: مش عشان انت الحادي عشر على قسمك معناه إنك مش من العشرين الأوائل ع الكلية .. ممكن تكون منهم لأن تقديرك كويس وعلشان كده لازم تسأل في شئون الخريجين وتعرف ترتيبك .... ثانيا: هي كليتك هي اللي اتحولت لمسمى آخر والا انت اللي تحولت بملفك من كلية لأخرى ؟!!!! لو اتحولت بملفك من كلية لأخرى يبقى مفيش حاجة اسمها باقي للأعاده هو انت كنت بتدرس عنهم وسقطت ؟!!! مادام حولت من كلية لأخرى وهتبتدي من سنة أولى يبقى سعادتك لسة طالب جديد تعامل معاملة المستجد ... وعاوز أقولك ده فيه ناس حولت من كليتها وكانت ساقطة ولما راحت كلية تاني طلعت الأولى ودلوقت هم معيدين ودكاترة... مش عارف لو انا فاهم حالتك صح يبقى فيه خطأ إداري ساذج ولو إني متوقعش إن الموظفين في الكلية ممكن يقعوا فيه !!!!!!! ثالثا: في حالة إني فاهم غلط فبالنسبة لاستعادة تقديرك المسألة معقده شوية لأن فيه فترة قانونية تعقب ظهور كل نتيجة يمكن خلالها التظلم وبعدها يسقط حق الطالب في التظلم والتعديل وانت بتقول سنة أولى يعني من أربع خمس سنين ... المسألة صعبة جدا...... |
اقتباس:
فعلا الكلام مظبوووووووط |
هههههههههههه
اقتباس:
يا سيدتي الفاضلة : تعيين العشرون الأوائل هيكون في الجهاز الإداري في الدولة ... يعني بالنسبة لك هيكون في مدرسة أو في الإدارة التعليمية أو في المديرية ... وهيكون في محافظة سكنك وليس في المحافظة اللي درستي فيها ..... إنما إيه بقى موضوع (انا مش عايزة اتعين فى الكلية لان الكلية بعيدة خالص) هههههههههههههههههههههههههههههههههههههههههههههههههه ه يا ستي أنا أعرف ناس لو قالولهم هتتعين معيد في جامعة كينيا هيروحوا هناك ويتعينوا ... بصراحة دي أول مرة حد يقوللي الرأي اللذيذ ده .... عموما احنا طبعا بنهزر معاكي ... ومن استغنى أغناه الله ... |
ازيكم ياجماعة انا والله بدعيلكم من كل قلبى انا معيده بس الموضوع ده يمسنى بصورة شخصية واحب اشكر د عبد الرحمن لجهده الجميل فى حد خريج اداب كفر الشيخ 2003 والتانى على قسمه و الكلية ادته منحه واخد الماجستير ودلوقتى اسمه اتبعت فى الرصد الاخير ده موقفه ايه؟يا ريت الرد بسرعهظ وجزاكمالله كل خير
|
اقتباس:
الباحثين اللي في الرصد الأخير المبعوت للوزارة الدكتور عمرو عزت قال إنهم أخدوا 500 درجة من المالية علشان يدوها للمنح بس طبعا المنح مش كلها هتاخد بالشكل ده لأنهم أكتر من 500 واحد .. علشان كده يجرى الآن تنسيق واسع مع الوزارة لكي تصدر قرار بتعيين الكل في الجامعات .. طيب لو ده محصلش يبقى الموضوع هيرجع للأقسام يعني يكتب طلب لرئيس القسم ورئيس القسم يقول الأحمال التدريسية تسمح أو لأ ..... |
السلام عليكم
بصراحة مش فاهمة اخر تعليق يا د. عبدالرحمن يعنى حملة الماجستير والدكتوراة هيعينوهم ولا ايه بالظبط ؟ ممكن توضح اكتر بليز لام الموضوع ده يهمنى جدااااااا وشكرا |
لأ المسألة فيها لبس
اقتباس:
دلوقتي أنا هعيد نشر توضيح نشرته سابقا يلخص موضوع التعيينات بالكامل ويتضمن رد لسؤالك: 1- بالنسبة لتعيين الأوائل هيكونوا العشرون الأوائل على الكلية بالكامل وليس على كل قسم وبكده هتلاقوا أقسام بيتعين منها كتير وأقسام قليل وأقسام لأ.. 2- التعيينات هتكون من دفعة 2003 -2010 .. والتعيينات هتكون في وظائف إدارية بالدولة (مش كأعضاء هيئة تدريس) في الجامعات ودي نقطة مهمة بأكد عليها وهارجعلها في الآخر واوضح السبب .. 3- يعني إيه الهيكل الإداري في الدولة يعني في المصالح الحكومية .. زي الانت مثلا خريج آداب مكتبات .. تتعين أمين مكتبة في المكتتبات العامة أو تتعين في قصر الثقافة وهكذا.. طيب احتمال الأعداد تكون أكبر من الوظائف المتاحة .. يبقى الجامعات هتستوعب عدد منهم كموظفين يعني موظف في رعاية الطلاب أو في شئون الطلبة أو في الإدارة المركزية أو في مكتبة الكلية أو في السكرتارية وهكذا...كمان ديوان عام كل مافظة هيستوعب بعض الأوائل ويعينهم فيه كموظفين إداريين.. 4- والتعيينات يا جماعة هتكون على الدرجة الثالثة التخصصية مباشرة وليس كعقد قابل للتثبيت بعدج ذلك.. 5- بالنسبة للأخت بتاعت 2002 أحب أبلغها إن دفعتك اتعينت منذ تخرجها طب انت ليه لأ؟!!! احتمال حضرتك الأولى على قسمك آه بس مش من ضمن العشرون الأوائل على جميع الكلية وده وارد .. طيب انا من العشرون ومتعينتش .. احتمال يكونوا بعتولك ع الكلية علشان تملي رغبات التعيين وحضرتك موصلكيش خبر فعلشان كده استبعدوك.. واحتمالات كتير .. بس المهم لو حضرتك لسه متمسكة بفرصتك يبقى ما عليكي إلا بفاكس بجنية وارسليه على وزارة التعليم العالي بلغيهم انك من دفعة 2002ومن الأوائل وترتيبي كذا على كل الكلية وتم تخطي تعييني وهيدرجوا اسمك ضمن الناس صدقيني ومتهمليش.. الحمد لله انا كنت من ضمن من قابلوا السيد وزير التعليم العالي شخصيا وأثروا في قراره بزيادة تعيينات الأوائل بعد أن كانت قاصرة على دفعات 2006-2010لتشمل دفعات 2003-2005 ايضا.. 6- بالنسبة لمسابقة التعيينات الخارجة عن الأوائل واللي تم الإعلان عن أنها سوف تشمل 130 ألف خريج تاني .. طبعا ده موضوع كان بيحصل وتم ايقافه .. وبتبقى مسابقة عامة بتنزلها الوزراات مع التنظيم والإدارة والتقديمات فيها بتكون إما في ديوان المحافظة أو في المديريات المعنية في كل محافظة ومعايير الاختيار بتكون الأعلى مؤهلا ثم الأعلى تقديرا ثم الأكبر سنا .. 7-بالنسبةلتعيينات الأوائل في التربية والتعليم خريجي كليات التربية يتم تعيينهم في الإدارات المختلفة كمعلمين مساعدين لحين اجتيازهم اختبار الكادر فينتتقلون لوظيفم معلم .. بس الفرق أصبح إيه؟!!! المطلع على قانون رقم 155 لسنة 2007 الخاص بتنظيم الكادر وترتيب وظائف التربية والتعليم ينص على أن وظائف التعليم الثابتة هي : (معلم مساعد-معلم-معلم أول-معلم أول أ -معلم خبير -كبير معلمين) ... وهذه هي الدرجات الوظيفية الثابتة لكن الخطأ كان إن المعلم المساعد قبل الثورة مربوط بتعاقد مميز مشروط الن المعلم المساعد ثابت لحين اجتيازه اختبار الكادر يعني محدش يعرف يقولك مع السلامة .. وكمان الوزير د.أحمد جمال الدين في صدد إصدار قرار بعقد امتحانات الأكاديمية 3 مرات سنويا .. ودراسة أن يسبق الامتحان دورة تأهيلية تعقدها الوزارة .. يعني سعادتك تتعين على درجة معلم مساعد وتمتحن الكادر بعد تعيينك بـ 3 شهور بالكتير وتنتقل لدرجة معلم على طوووول.. 8- نرجع لموضوع التعيين كأعضاء هيئة تدريس بالجامعات يعني وظائف (معيد-مدرس مساعد-مدرس) أحب أوضح نقطة هامة جدا مسببة اللغط ده.. من ضمن أوائل الخريجين فيه ناس اسمهم طلاب المنح الدراسية ودول المعروفين باسم ( الباحثين ) ودول ناس كانوا الأول أو الثاني أو الثالث مثلا على دفعته وماتخدش معيد فالجامعة أعطته منحة لمساعددته لاستكمال دراساته العليا وشرطت عليه عدم العمل الحكومي أو الخاص خلال مدة المنحة .. وفيه ناس حصلت على المنحة لاستكمال الماجستير ومخلصتوش لغاية دلوقت وفيه ناس خلصت الماجستير وفيه ناس خلصت الماجستير وأخدت منحة لاستكمال الدكتوراة كمان .. الناس دي سيتم تسكينهم في الجامعات كأعضاء هيئة تدريس وفقا لاحتياج الأقسام .. يعني اللي واخد منحة ماجستير وماخلصهاش يسكن على درجة معيد .. واللي خلص الماجستير من المنحة يسكن على درجة مدرس مساعد .. واللي خلص دكتوراة من المنحة يسكن على درجة مدرس ... يعني هيدعموا الجامعة من الناس اللي الجامعة بتصرف عليهم لاستكمال دراستهم العليا مش هيجيبوا حد محضر على حسابه أو حد لسه خريج وقاعد في البيت علشان يدعموا بيه الجامعات ويسيبوا الناس اللي صرفت الدولة عليهم وترميهم في الشارع .. وعلى فكرة ده نص كلام الدكتور عمرو عزت سلامة وزير التعليم العالي في برنامج صباح دريم أول أمس (حملوه من اليوتيوب) وهو نفس ما أكده الوزير خلال اجتماعه معنا الأسبوع الماضي .. وطبعا اللي يحب يتأكد يقرأ نص الفاكس الأخير المبعوت للجامعات والذي يشدد على مايلي : إرسال أسماء الـ20 الأوائل على كل الكلية دفعات 2003-2010 .. على أن يتم استبعاد الأسماء التي تم تعيينهم كمعيدين منهم .. وضرورة إرسال أسماء طلاب المنح الذين حصلوا على منح دراسية من الجامعة وأنهوها بنجاح وحصلوا على الدرجة العلمية سواء كانت ماجستير أو دكتوراة (ودول أسمتهم بعض الجامعات بالحاصلين على درجات علمية أعلى) وطبعا اللي هيقرأ خبر تعيين الأوائل في الأهرام أو الجمهورية أو الأخبار أول ما طلع أكد على عمل حصر لأوائل الجامعات وحصر المنح التي بالداخل والخارج إرجعوا للمصادر علشان عضويتي لا تسمح بوضع روابط كنت أدعم كلامي بالمصادر.. أتمنى أكون وضحت وجهة نظري وأن تكون الفائده عمت .. وشكراااااااا لاهتمامكم ..... وأرجو التواصل .... د.عبدالرحمن المنياوي |
دكتور عبد الرحمن لو سمحت كنت عاوزة اسأل حضرتك عن المنح أنا ماأخذت منحة وانا الاولي ولم اتعين معيدة هل من حقي دلوقتى اطالب بيها ولا خلاص راحت عليا انا2009 ولو ممكن اسأل فين بالضبط؟ وجزاك الله خيرا.
|
اقتباس:
السلام عيكم منوره المنتدى والموضوع يادكتوره المهم حضرتك بتقولى ان فى حد طالع من الاوائل على اداب كفرالشيخ دفعة 2003 والكليه بعتت اسمه واللى اعرفه ان كفرالشيخ بعتت فعلا اسماء الاوائل من 2006 ل 2010 ياريت بجد عاوز حد يوضحلى النقطة ديه لو سمحت يادكتور عبد الرحمن لو عند حضرتك خلفية عن الموضوع ده اولى عليها انا لما رحت اداره جامعة كفرالشيخ قالى انهم بعتوا من 2006 ل 2010 تانى يوك طلعت على ادارة جامعة طنطا ملقتش اسمى هناك لان اقل حد فى العشرين كان جايب جيد جدا وياريت اعرف يعنى ايه انبعت فى الرصد الاخير ده يعنى فى دفعة تانيه انبعتت ولا ايه وانا ان شاء الله عقدت العزم انى ابعت فاكس لسيادة وزير التعليم العالى بس مع انى واثق ان الفاكس مش هايزود ولا هاينقص لو اتقرى اساسا بس يلا باه الواحد بيسعى وخلاص الف الف شكر بجد مره تانيه على تعب حضرتك معانا يادكتور عبدالرحمن |
السلام عليكم جميعا
اولا:المنتدى منور بيكم يا استاذ شريف ثانيا:الشخص اللى بتكلم عنه اسمه انبعت فى الرصد لانه طالب منحه وحصل على الماجستير ودول اللى الدكتور عبد الرحمن اتفضل وقال انهم ابناء الجامعة اللى هيتم تسكينهم على درجاتهم حسب حاجة الكليات. الوزارة طلبت رصدهم او حصر بيهم وده اللى اقصده بالرصد لان فى رصد تانى للعشرين الاوائل بعد المعيدين والناس المعينه بالفعل. ثالثا:سؤالى للدكتور عبد الرحمن حضرتك حضرت الاجتماع والكلام اللى حضرتك قولته ده نص كلام الدكتور عمرو فعلا؟ يعنى هيوفروا درجات فعلا؟حضرتك عارف ان جامعة زى كفر الشيخ استقلت ومحتاجة بس للاسف دايما مفيش درجات؟ دعوتى لكم جميعا ربنا يحقق للجميع احلامه.انا متفائله وعندى احساس ان بكره هيكون ان شاء الله احسن وكل واحد هياخد مكانه الصحيح بس الصبر |
اقتباس:
|
لو سمحت يادكتور عبد الرحمن لو عند حضرتك خلفية عن اخر تطورات تعيين خريجى الازهر لان رئيس جامعة الازهر قال هيتعين الحاصلين على جيد جدا وامتياز مع مرتبة الشرف . لوسمحت رد عليا . اخوك أحمد سعد
|
شكرآ دكتور عبد الرحمان انت اضافه قويه جدآ الى المنتدى
|
جزاك الله كل خير د/عبد الرحمن المنياوى على توضيحاتك
وشكرا لكل من ساهم فى الموضوع بتوضيح وشكرا لصاحب الموضوع ربنا يوفق الجميع |
أخبار الأزهر
أرجو من السادة الكرام أعضاء المنتدى إفادتي بالأخبار عن تعيينات الأزهر التي تحدثت عنها الأخت الفاضلة أم رهف ,والدكتور الكريم عبد الرحمن الذي لا يبخل على أحد بالرد فأنا خريجة دفعة 2003 في كلية الدراسات الاسلامية والعربية بالاسكندرية , وكان ترتيبي الخامس على قسم اللغة العربية بتقدير ممتاز مع مرتية الشرف واحلم بالتعيين في الكلية واطلب من الله تعالى أن يتحقق حلمي وقد أوشكت على الحصول على درجة الماجستير في الأدب والنقد بإذن الله تعالى.
|
الف شكر بجد ليكى يادكتوره ع التوضيح
يعنى معنى كلامك ان فى اسماء انبعتت تانى فى الرصد الاخير ده طيب واللى انبعت اول مره دول مصيرهم ايه واللى انبعت ف الرصد الاخير دول من دفعة كام لكام معلش يادكتوره بتعبك معايا وجزاكى الله خير |
السلام عليكم .. في جروب ع الفيس بوك خاص بخريجي الازهر بيتابع الموضوع اول باول والجروب ده اسمه ... مظاليم الازهر
|
للأسف مش علارفه اضع اللينك بتاعه لان عدد مشاركاتي ميسمحش :)
|
اللهم يا وهاب هب نعمتك لمن تشاء
وانصر من تشاء واعز من تشاء بيدك الملك وانت على كل شىء قدير |
اقتباس:
|
بخصوص المنح
اقتباس:
شوفي بالنسبة لموضوع المنح كل سنة بتنزل الجامعات في شهر 12 منح دراسية لكل كلية ويتم الإعلان عنها في الكلية (إعلان داخلي) .. والناس تقدم وتتم المفاضلة بينهم مثل المفاضلة عند تعيين المعيدين ... طيب لو محدش قدم ومحدش خد منح السنة دي .. المنح ترجع من الكلية للجامعة واللي ما أخدش السنة دي يقدم السنة الجاية ويدخل المفاضلة .. المهم إيه اللي بيتغير كل سنة ؟!!!! اللي بيتغير هو عدد المنح المخصصة لكل كلية يعني ممكن كليتك تاخد السنة دي أربع منح والسنة الجاية منحة واحدة.... طيب هل فيه شروط للمنحة ؟!!!! الإجابة : بداية من 2008 تم وضع شرط لمن يحصل على منحة .. وهو أن يكون مسجل للدرجة قبل التقدم للمنحة .. يعني يكون مختار موضوع الرسالة واتحط له مشرفين ودخل سيمينار وأخد موافقة على البدء في الرسالة ... وبعدين يقدم... يعني مينفعش أقدم على منحة وانا لسه متخرج ومش مسجل موضوع رسالة ... طيب والمنحة دي بتديني مزايا إيه؟!!! المنحة بتخليكي معفية من مصاريف الكارنيه كل سنة .. وكمان بتاخدي مرتب شهري يتراوح مابين 25-185 جنيه للماجستير ،،،،، و 40-280 جنيه للدكتوراة ..... بيختلف من جامعة للتانية ... وللقسم أن يكلفك بأعمال السكاشن العملية مقابل بدل نقدي يصل لحوالي 150 جنيه تانية وممكن يكتفي القسم باستدعائك للمراقبة في الامتحانات .... بس المهم هتمضي إقرار بأنك لن تعملي في أي جهة خلال مده المنحة .... بس ؟!!!!! مش عارف والله وضع المنح كويس دلوقت بعد الثورة يعني الوزي بيقول هعينهم في الجامعة دكاترة بعد ما يخلصوا ... وده بيتهيألي هيخلي رؤساء الجامعات يلغوا موضوع المنح ده من الأساس .... طيب يا عم متشكرين عقدتنا وخليتنا نيأس ... إستنوا ..... لو انتي ياسارة عاوزة تاخدي منحة بصفتك أول القسم ومش عاوزة تستني الدوشة دي... تعملي إيه؟!!!!!! ولا حاجة ... طلب صغير وعلى رئيس الجامعة ولو عندك حد معرفة يدخل معاكي أو لو معندكيش يبقى تحكيله ظروفك وهو هيأشر بالموافقة على الطلب .. وبكده مش هتستني مجلس جامعة ولا إعلان ولا حاجة ... وعلى فكرة حصلت كتييييييييييييير جدا مع ناس جايبة مقبول كمان ... شكرا وتقبلوا مروري د.عبدالرحمن المنياوي |
انا خريجة كلية تربية عاوزة اعرف موضوع معيدين الازهر اية
|
تاعب نفسك
اقتباس:
انت تاني يا شريف ؟!!!! ههههه بص ياعم أنا قلت لك إنهم هيضحكوا عليك ولا طنطا هتبعت ولا كفر الشيخ هتبعت .. وقلتلك روح لرئيس جامعتك وفهمه الموضوع ..... يا بني لازم يكون فيه كشفين أوائل واحد خاص بكفر الشيخ والتاني خاص بطنطا ... طيب ركز معايا : هو كام كش اتبعت لغاية دلوقت للكليتين ؟!!!! أقولك أنا : طنطا بعتت واحد لكليتها فيه 20 اسم من 2003-2010 صح؟ .... صح! كفر الشيخ بعتت واحد لكليتها فيه 20 اسم من 2006-2010 صح؟ .... صح! يبقى في أوائل كليتك اللي اتحولت لكفر الشيخ الأوائل من 2003-2005 ؟!! اتضحك عليكوا يا باشا وانا قلت لك إن ده هيحصل وانت مسمعتش الكلااااااااام ... طيب أنا أعمل إيه دلوقت ياعم ؟!! أقولك ... روح لرئيس الجامعة بتاعتك وقوله اللي حصل وقولله نسق مع رئيس جامعة طنطا وحل لي موضوعي ده !!!!! ولو حضرتك معملتليش حاجة هروح للوزير ... وحاول تاخد حد معاك .. يعني دكتور ليه خاطر كده عندهم .. طيب منفعش ؟!!!! اطلع ياعم وروح للوزير مباشرة وقدم شكوى باليد وخد رقم واسأل عليها خلال أسبوع وإوعى تنام لاحسن يعينوا الناس منغيرك!!!!!! |
ياريت يا جماعه يكون عندنا شويه صبر مش كل حاجه بين يوم وليله هتحصل كده
|
أيون
اقتباس:
السلام عليكم : نعم يا سيدتي أنا كنت في الاجتماع مع الدكتور عمرو وده فعلا كان نص الكلام ... وهو قال إنه وفر فعلا 500 درجة مالية هيوزعها على الجامعات ومراكز البحوث لاستيعاب المنح ... بس فيه مفاوضات لزيادتها علشان 500 مش هيكفوا المنح في كل الجامعات .... |
متشكرة لحضرتك جدا يا دكتور عبد الرحمن حضرتك دائما تفيدنا بارائك الوافية والسديدة وجزاك الله خيرا.
|
الأزهر لأ
اقتباس:
بصراحة الأزهر أنا معنديش فيه معلومات مميزة ولو إن الأخوات الأزهريات في المنتدى كثريات وفائقات وأقدم مني وأعلم .... |
كتير والله
اقتباس:
شكرا لكم .. منكم أتعلم وما أسعى إلا أن أكون لبنة في صرحكم العظيم |
ياريتني صاحب الموضوع .. هههههههههههه
اقتباس:
وفقنا الله وإياكم يا رب .. |
الحل قانونياً
اقتباس:
انت أول ما تخلصي الماجستير تصبحي على موقف قوة .. تقدمي طلب لرئيس الجامعة وتقولي عاوزة أتعين مدرس مساعد وهو هحول له للعميد والعميد يحول له لرئيس القسم بتاع كليتك والقسم هيدرس لو الأحمال تسمح والا لأ.... |
انا جايب 65 % دور تانى ممكن اتعين معيد فى الجامعة
انا جايب 65 % دور تانى ممكن اتعين معيد فى الجامعة :022yb4::006et4::giljotiiniug3:
|
اوك يادكتور عبدالرحمن طالما حضرتك كنت حاضر الاجتماع اللى تم مع الوزير
يبقى اكيد كل كلمى اولتها حضرتك صحيحه ميه فى الميه وانا فعلا لازم اروح لرئيس جامعة كفرالشيخ المره الجايه وهاشوف كده دكتور يروح معايه ولا مفيش حد يبقى معايه ربنا اقوى من الكل المهم فعلا زى ماحضرتك اولت ان كلامى كله لازم يكون مع جامعة كفرالشيخ ومليش دعوه خالص بطنطا صح يادكتور ؟ وانا ان شاء الله سوف ارسل شكرى لرئيس مجلس الوزراء ع الميل الخاص بالشكاوى ويارب قدم اللى فيه الخير شكرا جزيلا لحضرتك مره تانيه |
بالنسبه لجامعه الزقازيق اخدو الاوائل على كليه التربيه عام 2007 وكلهم امتيازات وهم 20 فقط وانا جيد جدا مع مرتبه شرف 84.5%.
|
دلوقت وضعك على السلم لاهو فوق ولاهو تحت ..
انت أول ما تخلصي الماجستير تصبحي على موقف قوة .. تقدمي طلب لرئيس الجامعة وتقولي عاوزة أتعين مدرس مساعد وهو هحول له للعميد والعميد يحول له لرئيس القسم بتاع كليتك والقسم هيدرس لو الأحمال تسمح والا لأ.... |
أشكر الدكتور الفاضل عبد الرحمن على إفادته القانونية ولو انني كنت أقصد ما تحدثتم عنه عن الفاكس الذي وصل إلى كليات جامعة الأزهر عن تعيين مرتبة الشرف (ممتاز وجيد جدا) معيدين ومعيدات واتمنى أن ينطبق علي وأُعين في الكلية فكنت ارغب في معرفة آخر التطورات
|
شكرا على اهتمامك أختي الكريمة أم رهف , وانا مسجلة في كلية الدراسات الاسلامية والعربية في الاسكندرية تحت اشراف الاستاذة الفاضلة أماني عبد الفتاح , والاستاذة امال ضرار , واتمنى ان الجامعة تنفذ تعليمات الفاكس لأني عندي امل كبير في التعيين في الكلية ( إن الله لا يضيع أجر من أحسن عملا) وأرجو منكِ أن توافيني بالأخبار إذا عرفتي شيئاً والله المستعان .
|
معذرة على نقل كلام الدكتور عبد الرحمن فهو خطأ غير مقصود كنت اريد الاقتباس كي اشكره
|
دكتور عبد الرحمن بجد والله شرف كبير لنا جميعا ان حضلاتك متابع معانا
الموضوع دخ من اوله وان شاء الله ربنا يكرمنا جميعا كنت اود الاستفسار من حضرتك عن بعض الامور الاخرى هل يحق لى التعيين فى الكليه بوظيفة مدرس مساعد بمجرد الانتهاء من الحصول على رسالة الماجستير حضرتك هل فى جامعات ومعاهد حاصة بتطلب ماجستير فى المحاسبة ام قليل حضرتك بخصوص تعيين الاوائل هل يتوافر مع حضرتك صورة من القرار الخاص بتعيين من دفعة 2003 ل 2010 علشان لما اروح لجامعة كفرالشيخ اتكلم بقلب جامد حضرتك خلاصة الموضوع بتاعتى ان علاقتى بجامعة كفرالشيخ وليس بجامعة طنطا يعنى لما اسال واتكلم فى الموضوع ده يبقى مع كفرالشيخ صح يادكتور حضرتك لما بتاع كفرالشيخ يقولى اننا بعتنا من 2006 ل 2010 انا ارد عليه اقوله ايه علشان هوه بيقولى ان الدفعات اللى قبل كده كانت تبع طنطا انا عارف انى بتعب حضرتك والله يادكتور بس حضرتك بمثابة اخ اكبر لى ويمكن تكون حضرتك الوسيلة الوحيده لديه فى الموضوع ده بارك الله لنا فى حضرتك مره اخرى |
ارجو الاهتمام والاجابة اكرمكم الله
منذ بداية الاعلان عن تعيين العشرين الاوائل وانا تتملكنى حالات متعددة وحيرة ليس لها اول من اخر ودعونى قبل ان اتوجه بالاسئلة اليكم ان احكى لكم قصة صغيرة واجو الا تنامو منى فيها دعونى ابدا
تخرجت من الكلية فى عام 2007 بتقدير عام جيدا جدا مع مرتبة الشرف وبمعدل تراكمى 84% من الاوائل على القسم ومن العشرين الاوائل فى الكلية تجتاحنى فرحة عارمة املا فى التعيين فى الكلية وارد الله ان لايتم تعيينى فلم ايئس ابدا وقلت الى الدراسات العليا فالامل هناك ولا تياس والى البحث عن عمل فلم اجد العمل يوما والعمل المتاح لايرضى احد البته وخلصت السنة الاولى من الدراسة فى الدراسات العليا وبتقدير جيد جدا ومازل الامل يحبونى بلايائس ولكن نظرات امى وابى وهم يرموقوننى كل يوم كانت كالكسين تالتى تدبحنى وكل لحظة كنت ارى الشفقة تحبوهم تجاهى ودب الياس فى اوصالى فها انا ذا الذى تخرجت مازلت اخذ مصروفى من والدى وقررت وانا خريج التربية ان اعمل بالاجر فليس لى سواها وفى يوم تتحدث امى عن تعيين فراشين فى الملصلحة التى تعمل بها واذا بى اطلب منها ان تقدم اوراقى فيهم فاذا بها تبكى حرقا على وضعى وعلى الساعات التى قضتيتها بين كتبى اذاكر وبالطبع ترفض وفى عام 2009 وبعد تخرجى بعامان وكمحظوظ قبلت جائى عقدا فى التربية والتعليم وليس بالوسطة التى لا املكها بل لان تقديرى كان مرتفعا فاردو ان يصبغو التعينات عندما يضعون اسمى بالعدل وم ليس لهم به اى صلة وفى عام 2010 احصل على درجة الماجستير فى تخصصى كأحد اصغر من حصولو عليه وهذا من حظى الجميل أو التعس كما ارى انا فكم من وقت ضاع بين طيات الكتب والمراجع ابحث وافحص حاملا شعار العلم فوق المال وللعلم لنا مجال واحصل على الدرجة ومنذ حصلت عليها انتابنى الياس الذى لم اراه طوال عمرى فما استفدت شيئا من هذا الماجسيتر الذى تنازلت بسببه عن اى حلم للارتباط واى حلم لكى ازيد دخلى الذى لايتجاوز ابدا 300 جنية هنا جاءات الثورة وشاركت فيها مجاهدا فى سبيلها واعتقدت انها الامل والحلم المنتظر ولما انتهت بسقوط النظام قلت ها قد جاءت اللحظة التى سياخذ الكل حقة وجاء قرار تعيين العشرين الاوائل وهذه هى اسئلتى ايها المستمعون الاعزاء الذى اعتقد انهم ملو من حكايتى البلهاء: اولا: انا تعاقد هل سيتم استبعادى لانى متعاقد ( وهل كل لى اى اختيار فى ان اتعاقد وهل كنت المخطا الذى كان سببا فى انتشار الكوسة وفروعها فى كل ارجاء البلد وهل كان بيدى رفضها انتظار لثورة فى علم الغيب وهل كان يمكن ان اقول لها لا وانا منذ لحظات كنت اقولك لحضراتكم انى مستعدا ان اعمل فراش وهل هذا جزائى انى لم اسرق ولم اعمل عقلى فى الشر كلها اساله تجتاح راسى الا تكون لى فرصة الاختيار ابدا فى نختار الحياة ولا نختار الموت ما اريد قوله اذا كان مثلا تم تعيين البعض فى الجامعة لماذا لااكون منهم لماذا لايتم تخيرنا فى الوظائف والاماكن وتكون على هيئة رغبات هذه ناحية ليس لى اجابة عنها وما يجعلنى ابكى فعلا ان احرم من الاختيار دوما وانا اعاقب على شئ ليس فى يدى ابدا) ثانيا: الم يعلم متخذو القرار الاذكياء منهم انه من دفعة 2003 الى 2010 من حصل على الماجسيتر الا يوجد تمييز ابدا ببين من تعب وسهر وذاكر وبين من ارتاح الايوجد رحمة فين القانون وفى عين واضعية الا توجد رحمة فى عين فقهاء وعلماء التعليم العالى الذى اعتقد انهم اصبحو صم عمى لايسمعون شيئا ابدا ) ثالثا: هل اذا تم عمليت ادماجنا فى ملااكز البحوث الذى تحدث عنها الوزير يوما ان يتم استبعاد كل من له عقد وكانه اثم ارتكبة رابعا: كيف لنا ونحن نور لهذه البلد نعم نور فنحن تعبنا فى دراستنا يوم نام الناس واستراحو نعم تعبنا الايوجد تمييز واحد نراه فى دولة تبحث عمن ينير لها الطريق كلها اسئلة تجتاحنى ولا اجد لها اجابة وكلها اسئلة اود ان اسئلها الى وزير التعليم العالى يامعشر الناس اليس فيكم رجلا رشيد اليس فيكم رجلا عاقل بعقل ويفهم ويفكر ويتخذ القرارات الصحيحة اهان العلم عليكم يوم هان كل شئ وماهو جزاءنا انرجم ام نحرق ام نموت فقط لكوننا تعبنا وسهرنا بدل من نلعب ونلهو اهذا جزاء العلم والبحث والتنقيب اهذا جزاء العرق والجهد . اخذت عهدا على نفسى ان حالى اذا لم ينعدل بعد هذه التعينات وبعد ان يتم استبعادى ان ارحل الى اى دولة وابنى نفسى هناك واقسم انى اتحمل علمها واعلو من شانها وانى اصلح شأنها اقسم ان لا انام حتى تكون الافضل والاحسن دائما اقسم انى عندما اعود لمصر يوما لن اكون مصريا بل سأكون عالما يتحدث عنه العالم وساقول يومها باعلى صوتى انى كنت مصريا ومصر لاتحب اهلها انى مسلما فقط |
هل سيتم استبعاد المعينين
لدي سؤال بالنسبة للأزهر أو التربية والتعليم وهو : بالنسبة للتعيين في الجامعة في وظائف المعيدين الواردة بالفاكس سواء للأوائل في التربية والتعليم أو لحاملي الامتياز والجيد جدا في الأزهر , وهو : هل سيتم استبعاد المعينين في أي وظائف غير تابعة للجامعة كالتدريس مثلاً ؟؟
|
والله إحنا هنا فى دمياط
وعفنا من الكلية انهم بعتوا أسماءالـــ 20 الاوائل للوزاة ومنعرفش مصيرهم إيه !! |
اقتباس:
من حقك فعلا لأن مفيش حد لاقي حاجة تشجعه في مصر بس حسبنا الله!!!! مع إن أنا بنوته إلا أنني أفكر هكذا بس هنعمل أيه أملنا في ربنا كبير لآخر يوم في العمر وهنواصل كفاحنا ودراستنا ومفيش حد يقدر يقتل طموحنا ولو وصلت للسفر ودا أكيد هنسافر بس ساعتها مش هنفتخر إن مصر قدمت لنا حاجة لأن مصر هتفضل هي هي الواسة والمحسوبية والحرامية والبلطجية و............الخ هتفضل مهما غيرنا بنغير أشخااااااااااااااااااص وليس نظام ولا نفوس لكن البشر زي ما هما فين البعثات زي البلاد التانية فين الاهتمام بالتعليم ولا متبعين سياسة الاهتمام بالغباء وليس التعليم فين الطفل المصري أذكى طفل حسب الاحصائيات والابحاث ومجرد دخوله المدرسة سبحاااااان الله يبقى أغبى طفل؟!!!!!!! فين الاهتمام وبالدراسات العليا والتشجيع لذلك والله نفسي أعرف أيه مهمة وزير التعليم العالي والبحث العلمي؟؟ ازاي ملوش سلطة على الجامعات وكل جامعة كأنها منفصلة عن الأخري ازاي مينفعش يتدخل في خصوصيات كل جامعة امال عملوا وزير لكدا ليييييييييييييييييييييييه ؟؟؟؟؟؟؟؟؟؟نفسي اعرف بجد انا كنت هتتجن لما شوفته في برنامج الحياة وهو بيقول كدا أستاذي الفاضل شريف الحلواني وجهة نظري سافر بالماجستير لأي جامعة عربية أو حتى أجنبية أول ماتلاقي فرصة حلوة وأعتقد انها كتير لكن فيه حاجات لازم تعملها قبل ما تسافر هتعرف معناها بعد كدا لان بردوا محدش عارف ايه يحصل مع الزمن زي مثلا دا بعد ما تضمن انك اتعينت هنا سواء في شغلك الحالي أو بعد ماتستلم شغل الأوائل وتتعين فيه وتكون سجلت دكتوراه اللى أعتقد إن حضرتك أكيد يابدأت فيها ياإما في الخطة وتوكل على الله وخلي أملك في ربنا كبير يا دكتور شريف الحلواني وحضرتك أحسن كتيييييييير من غيرك تقبل مروري والله المستعان وحسبي الله حسبي الله حسبي الله |
الى الرحيل
اشكرك زميلتى رحيق على كلاماتك ولكن ما احس به الان اكثر بالف مرة مما احسسته قبل الثورة فقبل الثورة كانت ملامح الفسادة ظاهرة ولكن بعدها اصبحت ملامح الفساد ظاهرة ولكنها مغلفة بعلبة سوليفان كبيرى تعلوها رابطة جميلة فيحسبها الناس جميعا انها هدية وهى فى الاصل فساد باين زملائى الاعزاء كثيرا احاول ان افهم واستوعب ماذا يحدث حولى ولكنى اكتشفت انى قديم الطراز والهوية فلا انا استطعت ان اتعامل بالفساد مثل الفاسدين تحت مسميات ماشى حالك ولا انا استطعت يوما ان اخذ ما اره حقا اصيلا لى بعد تعب وسهر اليالى وبعد العرق وبعد ان راهنت كل حياتى على مستقبل افضل وحياة اجمل نعم اصبح الياس يكسو ملامحى فلم يعد لى امل فى تغير ابدا فجميعنا اصبحنا نتناول مشكلاتنا ونريد حلها دون غيرنا فمثلا الدكتور عبدالرحمن قابل الوزير لماذا لم يحدث عن معناتنا بدل من يحسبنا كلاب يرمى لنا فى عظمة يعلم اننا سنقبلها لاننا اصبحنا نرضى بالذل والهوان بدل ما ينظر فى حالنا كأناس طبيعين بدل مايتخيل ان ايا منا قد يكون ابنه او قريبة ولكن لماذا يفكر فينا ونحن لانساوى عندة قيد انملة لقد نسى سيادة الوزير انه لولا الثورة لكان خاج السيلطة وهو يعلم انه من يخرج منها لايدخل زملائى اعترف انى هنت عندما هان كل شئ ضعفت عندما ضعف كل شئ يأست عندما ضاع الحلم اعترف انى المخطأ الذى جرى وراء وهم العلم والتعليم جرى وراء وهم انه قد يكون مستقبل افضل نعم فأنا شخص واهم وانا حطان انسان عفى عليه الزمن زملائى اعترف امامكم انى المخطأ وليست الدولة ولا السيد الوزير اعترف انى مخطأ عندما اجتهدت وعندما اعتقدت انه العلم سلاح نعم هو سلاح ولكن موجه الينا ليقتل امالنا ليقتل طوحنا ليبث فينا سم الياس والاحباط نعم اعترف انى ضعيف نعم ضعيف استسلمت لشعارات العدل والمساواة اعترف انى مخطأ فقد اعتقدت واهما ان الثورة ستغيرنا ولكنى لم اكن ادرى انه قتلتنا كما تقتل النعام اعترف انى المخطأ عندما تحديت سنة الكون فى ان يظل العبد عبد والسيد سيد وانه هناك تحرير بعد الاسلام اعتقد انى اخطات وهنت عندما فكرت ولو للحظة انى يمكن ان اساعد مصر ولكنى نسيت ان مصر لاتريد من ابناء عبيدها المساعدة بل ترضى بالهوان والذل وترضى بالاستبداد والغباء ترضى بانصاف الحلول نعم هنت امام كل القيم التى زرعها فى ابى وامى نعم هنت عندما توهمت يوما انه فى الحياة امل ندافع عنه ونحمل سلاح العلم لنبنيه ونشيدها نعم هنت عندما ذاكرت وتفوقت وتعبت لماذا فعلت كل هذه الجرائم التى لاتغتفر فسأظل مكانى منتظرا لقاء ربى وساقوله له يوم القاة ربى اغفر لى هوانى وضعفى اغفر لى اخطائى ربى حاسب الظالمين ربى اريد حقى فأنت الحق وماسواك فهو الباطل ربى اخرجنى اهل مصر منها وهى احب الاماكن الى قلبى ربى اسالك ان تهدينى وترحمنى فليس لى سواك ولن ادعو سواكى ربى انا عبدك الضعيف ارحمنى.
وابشرك زميلتى انى كنت قد انهيت خطة بحثى ولكنى رميتها وقطعتها ولن اكرر اخطائى ابدا نعم لن اكرر اخطائى فلا علم بعد اليوم ولا وهم ولا امل سنحيا لنموت سنحيا لنكون عبيدا انعام ننتظر الحسنة ونتتظر يوم لقائنا الله لنشتكى له ضعفنا وهمنا وهواننا فالى يوم الميعاد. |
ايه يا جماعة الاحباط ده انا زيكم بالضبط عانيت ياما ومخدش حقى ورضيت بنصيبى بس فى النهاية لازم نشكر ربنا ونحمده احنا اكيد احسن من ناس تانية كتير حالتهم اصعب مننا ...اللى جاى احسن بس احنا نصبر ونعمل بقول الله عز وجل فى كتابه العزيز(ان لا نضيع اجر من احسن عملا)لو مكنش فى الدنيا يبقى فى الاخرة...ولو لك نصيب تتعين معيد اقسم بالله لازم تتعين رغم انف اى شخص ولو ملكش نصيب تبقى تحمد ربنا وتشكره على اللى انت فيه...والكلام ده مش قاصد بيه شخص معين علشان محدش يزعل انا بتكلم عامة......والله الموفق
|
تصدق بالله يااستاذ شريف قصة حضرتك انا اعيشها بالتفصيل
لكن مع اختلاف التخرج انا بكالوريوس تجاره 2005 ومن الاوائل برضه وحاليا فى مرحلة تسجيل رسالة الماجستر بس هاقولك حاجج انت احسن كمان منى تعمل ايه باه فى واحد طالع من العشره الاوائل على دفعته بس اسمه منبعتش انا بجد نفسى اروح اى يوم اولع فى رئيس الجامعه ده هاقولك حاجه اول حاجه لازم تروح تعملها دلوقتى انك تطلع على كليتك تتاكد ان اسمك انبعت ضمن الاوائل ولينا الحلاوه طبعا عارفه مفيش حد هيجبلك حقك لغاية عندك ليك حق لازم تدور عليه بنفسك زى حلاتى انا ليا حق هابحث وادور عليه بالطرق القانونية الاول منفعتش باه فى طرق تانيه كتير نعمل ايه باه لازم نعمل كده حسبنا الله ونعم الوكيل هيا ديه مصر مش هاتتغير بالتوفيق يااستاذى العزيز |
ياجماعة لو سمحتوا انا عايزة اعرف تقدير ومجموع اخر واحد ف العشرين الاوائل من كلية التربية الزقازيق 2009 علشان اعرف انا منهم ولا لأ
|
اقتباس:
أستاذي الكريم أستهدى بالله والله كلام حضرتك دا ضايقني جدااااااااااااااااااا بالله عليك اهدى واصبر صدقني خير حضرتك صبرت كتير ايه يعنى تصبر كمان شوية ان الله مع الصابرين صدقني والله اللى لك نصيب فيه هتاخده ويمكن يكون أحسن في الوقت اللى ربنا رايده ربنا كبييير ورحيييييييم قوي وعمره ما بيرضى بالظلم وكل ظالم له نهاية والله لو في ايدي حاجة كنت عملتها لان مجربه الظلم دا عيني عينك وتحدي كمان وأحيانا ينتابني نفس اليأس والتفكير دا بس بستغفر ربنا واقول ان لازم اكون اقوى ومااخليش حد يقتل طموحي ودا علشان عندى امل في ربنا كبيييير والله ضايقتني لما قولت رميت خطة الدكتوراه ازااااااااااااااااي هانت عليك وحضرتك عارف ان مفيش حاجة بتيجى بالساهل ازاى هان عليك تعبك فيها ليه مش تخلى املك في ربنا ومش في حد من عباده واللى رايده لك هتشوفه وبتقولي (ابشري) دا ايه دا بجد ياريت تفكر شوية ومتخليش اي توتر او ضيق أو يأثر عليك وماتندمش على حاجة عملتها مهما كان كان دايما دكتور يقولي حاولي تبصي قدامك ماتبصيش خلفك علشان رقبتك مش تألمك وفعلا عنده حق اكيد فاهم قصدي والله بجد حضرتك احسن من ناس تانية كتيييير حاول تبص للي اقل منك علشان نفسيتك واصبر تقبل مروري |
| جميع الأوقات بتوقيت GMT +2. الساعة الآن 08:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.