اقتباس:
معلش يا قمر والله رغم انى قاعده فى البيت الا انى اتبهدلت اكتر منك سهرت امبارح وجيت انام على 9 الصبح لقيت ماما بتقولى انها نزله الشغل ولازم تجى تلاقينى متصله بالمدينه وافهم اروح ليهم امتى قعدت اتصل بيهم من 10 الى 12 عشان حد يعبرنى ابدا مفيش المهم نمت مهو النوم سلطان طبعا مش هقولك مامتى حبيبتى جات عملت فيا ايه وصحابى ولاد اللذين جم صحونى من النوم وعوزين يحددوا معاد نروح فيه بصراحه كان يوم عسل:blush: بس النهارده اجازه عشان السبت ولا ايه؟ |
اقتباس:
طيب كويس انك رايح بكره عشان نفهم منك يا دكتور انا اساسا مش فاهمه احنا نروح ليه؟؟؟؟ هى راغده كانت قالتلى هنروح عشان حاجات يامه كده بس مش فاكره من الحاجات دى ولا حاجه:bosyht9: |
انا بالنسبة ليا
رايح كلية علوم اشوف سكاشن (مشرفة) و(والى) واعرف مكانهم بالتحديد واشوف جدول علوم هينزل امتى ععشان اعرف المحاضرات وبالنسبة لطب بيطرى هعدى عليها اشوف السكاشن نزلت ولا لا واشوف المصاريف امتى واتاكد من معاد الدراسة واشوف ايه الجديد لو حد عاوز حاجة زيادة ممكن اساله طبعا |
اقتباس:
اقتباس:
|
اقتباس:
معاد الدراسه 3/10 كل الطلبه هنا يحضرو السندوتشات ويشدو الرحال علي كليه علوم تبقي في علوم 8 الا ربع:d يابني انتو عاملين زينا يابني مش مشكله و مش لازم تدفع المصاريف في اول يوم والدفع بيبقي بعد اسبوعين من الدراسه لانك هتروحلهم هيقلولك مش دلوقتي....ولو عايز اي سؤال انا موجود.. |
بسم الله الرحمن الرحيم..
علي فكرة يا جماعة انا نازل الكلية بكره وأهوو أروح علوم أشوف المكان عشان مروحش ألطش وأعدي عـ الكليه بالمرة جوله للتفقد بس ...وإن شاء الله هفتح قبل ما أمشي اللي عاوز حاجه من هناك يقولي:d ده أنتو بس تأشرو:av4056bb7jp3:وأنا هاكل للأستفسارات كلمني عـ الخط الساخن 090000001:022yb4: |
تفتح قبل ماتمشى شكلك رايح متاخر
انا برده رايح بكرة بس انا بقى خد كذاى جولة فى بيطرى لسة علوم |
اقتباس:
تؤ تؤ تؤ الجدول بتاع السنادى تقريبا كده يا دكتور حضرتك مختش بالك من ان السنه الدراسيه مكتوبه عليه2009/2010 |
يا جماعه مفيش حاجه ف علوووووم انا رحت ياريت اللى هينزل ياجل شويه لاخر الاسبوع كده لان يعنى لما الواحد ينزل الكليه ويرجع بخفين حنين هيبقى منظره مش لطيف
احنا عندنا ف البيت مسكنى تريئه والله ههههههههههههههههه اه هو السبت اجازه بس من اول الاسبوع الجااااااى دراسه عادى هتتلغى الاجازه |
اقتباس:
معلش يا دكتور خلاص :078111rg3: جلا من لايسهو ....الغلط ده مش عندي ده غلط من الكليه اصل الجدول بيتغير 18 مره حتي جداول الامتحانات كده :d |
اقتباس:
وبعدين ولا يهمك هى عربية ب1 جنيه رايح و 75 راجع ومتفكرنيش بقا انا الاجازة خلصت |
والله انا فرحان ان كلنا متجمعين النهارده
|
محدش عاوز حاجة انا عاوز انام
الحقوا الفرصة ومش عارف رايح بكرة ولا لا بس 80% رايح |
شكرا ليكى يا دكتورة سندريلا على المعلومات المفيدة ....
|
اقتباس:
شفتي عشان متبقيش تغيبي علينا تاني يا همسه :d ويلكم باك ياجميل |
اقتباس:
والله انا عارفه كده ومش عايزه احط اني رتبت ده في دماغي اساسا عشان بجد انا عارفه اني لو اعتبرت ان ده نهاية المطاف هضيع لان الترتيب ده ولا بيمثل اي حاجه دلوقتي غير انه يشجعني اني احافظ عليه وسمعت كتير عن الاوائل المختفيين اللي بيظهرو في رابعه وخامسه دول ربنا يستر انا بعمل اللي عليا والباقي علي ربنا في الاول والاخر بس ايه بابا عنده حق دي:stickjo4: شكلك يا دكتور مش عايز البنات يشتغلو عشان نفضيلكو مكاننا بقي :d |
اقتباس:
اي خدمه بس انتي أأمري واسألي واحنا موجودين |
فكرتوني بالذي مضي
انا الاسبوع اللي قبل الدراسه ده كنت بنزل علي طول قال يعني عشان اعرف الكليه ومكان المحاضرات والمصريف والكتب وبرده رحت اول يوم لطشت ومكناش عارفين حاجه وكل ما نمشي في حته في الجامعه نلاقي حد تايه ناخده في سكتنا ونمشي زي اللي في مظاهره علي فكره انتو ممكن تتصلو بشؤون الطلبه وهما هيفيدوكو والكلام اللي قاله دكتور ميجو صح بس لو حد قريب من الكليه وعايز ينزل يطمن مفيش مشكله بس مابقاش بعيد عن الكليه بساعتين وانزل وارجع زي مارحت هههههه ربنا يوفقكو جميعا |
اقتباس:
|
اقتباس:
ثانكس يا قمر وان شاء الله ما فيش غياب تانى يا ميس |
بسم الله الرحمن الرحيم
سوري يا همسة مخدتش بالي من ترحيبك والله وأهلاً بيكي هنا و في الكليه وسوري عليالتأخير في الرد ومنورانا والله :av4056bb7jp3: |
اقتباس:
ده نورك يا دوك مفيش حاجه ابدا تستاهل الاسف ده احنا كلنا هنا زمايل |
يااااااه التوبيك وحشني اوي كأني بقالي سنه مش دخلته :blush: قلت ادخل انفض التراب وارش ميه كده عشان ربنا يسهل :d بس انتظرو جديد الليله ان شاء الله:bosyht9: |
اقتباس:
كده يا دكتور برضه :angry2::angry2: كل دي ميه غرقتيلي البنطلون:d مستنين جديدك ويا حظكم يا بتوع اولي:d |
اقتباس:
ايه يا دكتور مالك ببتوع اولى شغال نق نق:angry2: ما تخلى سندريلا تنتطلق معانا:d مستنينك يا سندريلا |
يااااااااااااه يا سندريلا متتصوريش الميه اللي رشتيها دي جابت تراوه أد ايه :stickjo4:خلتني وانا ماشي بره وبعدي عـ التوبيك ده قولت أخش أشوف ايه الجديد ومنتظرين معلوماتك وربنا يعينك علي ترويق التوبيك والرش و الذي منه :av4056bb7jp3: |
اقتباس:
والله انا خايفه ع العيال دي يا دوك :d ربنا يسترها عليهم بقي :bosyht9: |
اقتباس:
معلش يا هموستي اعذرينا بقي ماحنا الصراحه يعني مكناش بنلاقي حد يقوللنا حاجه :006et4: انتو بقي ربنا رازقكم ب2 دكاتره يعني ماشاء الله هيودوكو علي ليمان طره عدل :d:d |
اقتباس:
انا برده حسيت بطراوه فظيعه كده :d النظافه من الايمان برده :romarioxp6: |
هاااااااااااااااااااى يا زوزو ويا كلكوا عشان محدش يزعل ههههههه
فعلن والله التوبيك وحشنى جدا جدا |
كل سنه وانتو طيبين الدراسه ع الابواب الحقو افتحولها بقي قبل ما ترجع في كلامها وتقوللكو هعدي عليكو السنه الجايه :d النهارده بقي معانا كام نصيحه كده بس ايه بقي انا عارفه انكو داخلين علي دنيا جديده ومهما حد كلمكم عنها لازم تعيشوها وتجربوها بنفسكو بس اهوه بدل ما نعيشها كده سبهلله نلاقي ع الاقل حد يوعينا نعمل ايه ومنعملش ايه:blush: طبعا الكلام ده هيبقي من خبره متواضعه في كليتنا العزيزه اللذيذه لا تتعدي السنه بس اهوه كلمتين ينفعوكو في وقت زنقه 1- الدكاتره ع العموم في كليتنا او غيرها مبيحبوش اللوك لوك لوك لوك عارفينه هاه :d يعني مش طول مانت قاعد في المحاضره ماسك في ودن اللي جنبك لحد ما تخربهاله :slap1qk6: 2- خليك مؤدب وظريف مع الدكتور عشان الدكتور في ايده كل حاجه ينجحك يشيلك يخليك تعد سنه اضافي كل ده في ايده حتي لو كان الدكتور ده انت مش بتحبه او بتستتقل الماده بتاعته وساعتها تاخد بالمثل الشهير اللي بيقول ..........:blush: 3- خلي في عمار بينك وبين المعيدين :d فاهمين ازاي ؟ لأ طبعا مش فاهمين طيب طيب متزقوش هقول اهوه :stickjo4: يعني المعيد ده سنه اقربلك من الدكتور وفاهم كتير طبعا عني وعنك ومعظم المعيدين بيبقو حابين يثبتو للطلبه انهم محل ثقه واي سؤال تسأله هيحاولو يردو عليك وانت لازم تستغل النقطه دي كويس اوي يعني روح للمعيدين كتير واسأل عن ده وده وخليه يشرحلك الجزء اللي مش فاهمه اسأله الامتحان بييجي ازاي ازاكر منين كل الحاجات دي هيفيدوك فيها بس ملحوظه هذا الكلام غالبا لا ينطبق علي المعيدين اللي بيدو دروس وانتو عارفين ليه :) 4- الدكتور بيحب الطالب الذكي النبيه اللي بيذاكر اول بأول ومش هييجي يقوللك يا شاطر ذاكرت المحاضره اللي فاتت وللا لا:d لا طبعا هتلاقيه في وسط المحاضره بيسأل في حاجه خدتها قبل كده وهيتبسط منك اوي لو جاوبتها واحنا مش عايزين اكتر من ان الدكاتره يبقو راضيين علينا :078111rg3: 5- ذاكر اول بأول ترتاح ماكدبش عليكو الموضوع مش سهل اوي زي مانتو فاكرين بس لو يوم رجعت متأخر وملحقتش تذاكر حاجه اضعف الايمان اقرا اللي خدته النهارده شوف صورت ورق ايه الدكتور اتكلم عن ايه لانك لو ركنتها هتيجي الاسبوع اللي بعده في المحاضره اللي بتستكمل نفس الموضوع هتبلم وتبقي ولا كأنك سمعت حاجه عن الموضوع ده قبل كده 6- في السكاشن حاول تكون صاحي عشان بتبقي محتاجه تركيز اوي وكل ما تركز ده يسهل عليك بعدين :av4056bb7jp3: 7- حاول تحضر كل المحاضرات متفوتش منها حاجه هو انت لو فوتت كام محاضره مش هتسقط يعني :romarioxp6: بس بجد الدكتور بيقول كلام في المحاضره ممكن يفك زنقتك وانت في امتحان الشفوي :d والدكتور بيعرف اللي فاهم من اللي مش فاهم واللي بيحضر من اللي مبيحضرش والشفوي سيد مين يعرف الدكتور الفرق :d 8- حاول تلتزم بمواعيد محاضراتك وسكاشنك السكاشن عشان ميفوتكش حاجه والمحاضرات برده عشان ميفوتكش حاجه وعشان الدكتور ساعات بيرخم وبياخد غياب وده بيبقي مش لذيذ لو كتبك غياب وانت حاضر المحاضره اساسا :blush: 9- مش اي حاجه تذاكر منها ومش كل حاجه تذاكرها بمعني مش انا عندي في الهستولوجي 20 مصدر اذاكر منه اقوم مذاكر ال20 مصددر وافتكر اني كده واد شاطر عشان ذاكرت كل حاجه:blush: لأ ده بالعكس بيشتتك اكتر ما بيفيدك انت لوحدك اللي هتحدد تذاكر كل ماده منين الموضوع محتاج شوية وقت بس الشاطر اللي يقدر يحدد بدري بدري عشان يلحق نفسه 10- اصحابك اصحابك دول بعون الله ممكن يخلوك تجيب امتياز وممكن برده يخلوك متطلعش حتي بمقبول حاول تختار اصحابك صح ومش اي حد يتصاحب وبرده شطارتك انك تقدر تحدد مين كويس ومين وحش واصاحب مين وماصحابش مين من البدايه كده :slap1qk6: 11- متفتكرش ان الشاطر هو بس اللي يخلص محاضرته ويجري علي سكشنه وبعدين ع البيت لأ مش شرط انت بس المهم تعرف ان وقت الجد جد ووقت اللعب لعب مش بقوللك قضيها واستني التقدير يجيلك ع البريد:d لأ بس عيش حياتك صح متبقاش حياتك كلها مذاكره وبس الكليه عامله زي السوبر ماركت بالظبط ان جاز التعبير:blush: فيها كل حاجه وانت بتختار في اساسيات ماقدرش استغني عنها لازم اخدها(الدراسه ) وفي حاجات يعني ممكن اخدها عشان هتبسطني او هتريحني (اصحابي و الترفيه عن نفسي وكده) وحاجات بقي هتضرني لو خدتها(تضييع الوقت وانك تعيش حياتك زياده عن اللازم يعني ) 12- سيبك من الكورسات والكلام ده كله صدقني ملهاش لزمه وبتضيع وقت وهو مفيش وقت اساسا حاول تعتمد علي نفسك مش زي ثانوي لو مخدتش درس في الفيزياء هسقط فيها مثلا مع العلم اني مخدتش ولا درس وانا في ثانوي :bosyht9: متهيألي كفايه عليكو كده عشان بس متزهقوش ولو دكتور ميجو حابب يضيف او يعدل حاجه التوبيك تحت امره طبعا :) ولو حد عنده اعتراض علي حاجه من دول يقول:stickjo4: بس النصايح دي عن تجربه شخصيه ممكن تختلف من حد للتاني بس يعني اكيد في حاجه ممكن تفيدك واسفه علي الاطاله وطبعا مش محتاجه اقوللكو لو في استفسار احنا موجودين :) |
اقتباس:
هاي يا لبني وانتو كمان وحشتوه :blush: متهيألي ده كان اول معرفتي بيكم اصلا عشان كده عزيز عليا اوي بجد التوبيك ده :) |
بصى بقى يا زوزو انا فضلت ساعه اعمل كومنت بقى وشكر والذى منه بعد كده الصفحه هنجت وما لقيتش ولا كلمه وانا حلفت انى مش هعمل الكومنت تانى اتعبرينى بقى عملته
هههههههههههه |
اقتباس:
بتحصل في احسن العائلات علي فكره :d بس احسن انه اتمسح عشان انا مش عاوزه منكم شكر انا عاوزه حاجتين تدعولي ربنا يوفقني للي فيه الخير وتجيبو تقدير ترفعو بيه راسنا وبس شفتي حاجه بسيطه ازاي ;) |
مممممممممممممممم
طبعن الدعاء مش هنا والتقدير مش دلوقتى هههههههههههههههههه ع العموم ربنا يوفقك يا زوزو ياااااااااااااارب وتحققى كل الى انتى بتتمنيه |
عشان قولتي بلاش شكر يا سندريلا يبقي ثانكس :)علي المجهود ده وتاعبينك معانا والله وعن نفسي استفدت من كلامك وهحاول انفذه إن شاء الله ومش هخلي الكليه سوبر ماركت :stickjo4:ولا مدرسه ماهو خير الامور وسط :039uw8:وربنا يوفقك ويوفقنا للي فيه الخير إن شاء الله
|
اقتباس:
هو انتى يادكتورة همسة معلش سؤال بس محيرنى كنتى بتروحى المدرسة أصلا فى الثانوية العامة اصل انا ما أعرفش أنا كنت فى فصل كام حتى:av4056bb7jp3: |
اقتباس:
|
طب تصدقوا بالله ياجماعه انا قضتها في الثانويه وعشت حياتي فيها يمكن اكتر من الكليه....اصل اخوكم طول عمره مبيذكرش والثانويه دي كان البيت كله بيحاول يطبطب عليا وكل الطلبات مجابه وعايش مرتاح ومكنش فارق معايا لا نتيجه ولا بتاع...والله كانت من اجمل الايام
|
الحمد لله مقابلة النهارده تمت بنجاح :d:d بس فعلا والله كان يوم بناتي لذيذ كده وظريف :av4056bb7jp3: انا عن نفسي اتبسطت اوي بمعرفتكو والله واتمني اكون مش حد تقيل عليكم وتكونو اتبسطتو زي مانا اتبسطت واتمني كمان بقي يعني متتوهوش اول يوم في علوم بعد كورس الارشاد السياحي المكثف اللي اديتهولكو في الجامعه :d عشان زي ماقلتلكو اللي هيتوه ملوش عندي الا ........ حاجه ساقعه يشربها عشان اكيد تعب من المشوار :d كنت ناويه انزل تفاصيل المقابله زي مابنعمل في مقابلاتي انا واصحابي هنا ع المنتدي بس بلاش بقي خليهم يخمنو بقي عرفنا بعض ازاي وعملنا ايه :d مش لازم يعني نديهم كل حاجه جاهزه كده لازم نشغل مخنا ده احنا داخلين علي دراسه :stickjo4::d وبجد كان يوم حلو اوي يا بناويت طبعا البناويت دول هما لبني ورغده والاء اختها وهمسه ونبره حزن واكيد انا طبعا كنت معاهم مش عايزه ذكاوه:d رغم اني راجعه من بدري اوي بس مكانش ليا نفس اكتب حاجه مش عارفه ليه :confused: المره الجايه بقي تبقي في الويلكم بارتي ان شاء الله ونتقابل كتير لحد ما نزهق من بعض :d c u soon isa |
بسم الله الرحمن الرحيم...
يعني ممكن عرفتو بعض عن طريق المكان ثم الهاتف الخلوي :lol::dبس يا تري كانت جوله إرشاد سياحي بس :stickjo4:ولا عرفتو حاجه... يعني عن السكاشن او المجموعتين..وأتمني تكونو عرفتو عشان انا مقلق بصراحه :slap1qk6: |
أكيد يعني يادكتور اتفقتو علي معاد تتقابلو فيه اتفقتو تتقابلو في مكان في الجامعه المكتبه المركزيه وكان معاكم ارقام بعض وكان التواصل ان اللي يوصل يتصل لغايه معرفتم بعض.....بس بجد ربنا يكرمك يادكتور علي المجهود ده
|
اقتباس:
ايوه كده تمام :d يعني مش ارشاد بس الصراحه هو احنا رحنا شؤون الطلبه بتاعت بيطري وقالو ان السكاشن هتنزل بكره اللي هو النهارده يعني بس طبعا احنا مصدقناهمش :d فانتو ريحو دماغكو وابقو روحو يوم الحد كده كده انتو اول يوم ليكو في بيطري الاتنين ان شاء الله ورحنا بقي شؤون الطلبه بتاعت علوم طبعا كالعاده ازبهلال لا متناهي :d ماعلينا واحنا بقي عند مدرج مشرفه الاء اخت رغده دخلت سألت حد جوه فقاللها روحي لاستاذ فلان في شؤون الطلبه راحو هما بقي لاستاذ فلان ده وانا ورغده ولبني قعدنا عند والي كده شويه فراح استاذ فلان ده اداهم رقم التليفون وقاللهم اتصلو بكره بس متقلقوش يعني احنا عرفنا السكاشن بتاعتنا اول يوم باين :006et4: وبسسس |
اقتباس:
يعني تقريبا:bosyht9: بس احنا اتقابلنا الاول في الكليه الجديده وبعدين رحنا الجامعه بقي وياعيني العيال رجليهم وجعتهم من المشوار وكنا بنفكر نعمل مشروع توك توك في الجامعه :d ربنا يكرمك يا دكتور ده هما زي اخواتي بالظبط والله :) |
ههههههههههههههههههههههههههههههههههههه
اكيد يا سندريلا فاهمه انا بضحك ع ايه اكيد يعنى انتى واخده باااااااااااااااااالك انى لسه داخله ع العموم ما علينا انا عاوزه اوضح حاجه مهمه جدا يعنى يا جماعه لازم تعرفوا ان سندريلا دى مش سهله خااااااااااااااااااالص امبارح عماله تقولى ده كذا يا لبنى وده كذا وده كذا واحنا راااااااااااجعين بقى لقيتها بتقولى ده اسمه ايه بقى يا لبنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ههههههههههههه هههههههههه كانت بتختبر معلوماتى هههههههههه بس انا يعنى ما يحدش يفكر حاجه وحشه يعنى اه ما تخفو ش انا ما كسفتكوش اه انا وبلا فخر قولتلها وانا مالى هعرف منين يعنى:romarioxp6: ههههههههههههههه انا اخر واحده حد يعرفنى طريق او يقولى حاجه وتلاقينى اعرف حاجه اصلن ببس الحق يتقاااااااااال زوزو دى تمام بس اللى مش لطيف انا بتسأل بعد ما تخلص :stickjo4: |
ماشى ماشى:stickjo4:
على العموم انا قمت بزيارة سريعة النهاردة الخميس فى كليه بيطرى الجديده والسكاشن نزلت بحمد الله ودفعت المصار يف وكل حاجة تمام على الاخر والله يا نادر اليوم كان ناقصك بس قالى الصبح انا رايح :romarioxp6: |
احنا كنا ناويين نقدم مشروع طفطف في الجامعه عشان تنقلات الطلبه.....بس كويس ان الناس زارت الموقع علي الواقع...(علي فكره المنتدي اتهكر عليه النهارده الصبح من واحد سعودي عشان كدن مكنش بيفتح)...
|
ميرسي ياسندريلا علي التور الجامده دي والله تعبناكي جدا بس اتبسطنا جدا بمعرفتك والله عن نفسي يعني كان يوم لطيف جدا وقضينا وقت جميل خالص ويارب نشوفك كتير ياسندريلا لانك هتوحشينا اوي والله احنا كلنا حبناكي
|
http://www.thanwya.com/vb/showthread...01#post1650901
اللىينك بتاع الموضوع اهه |
انا برده عرفت انه اتهكر عليه بس بصراحة مكنتش فاضى اتابع و اعرف
لانى كنت نازل |
جميع الأوقات بتوقيت GMT +2. الساعة الآن 11:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.