السلام عليكم
انا عندي استفسار ( كل ما اروح الجامعة يمنعوني من الدخول علشان انا مادفعتش المصروفات لسة ( اولي انتساب ) ومفيش معايا كارنية اعمل اية ) وكل الشكر للي هايرد عليا .

ازاى هو انتى مش معاكى ورقه الترشيح والبطاقه اكيد هتخشى عادى بس ممكن يكون مبيدخلكيش عشان انتساب ملهومش محاضرات بس معتقدش انى عدم دفع المصارريف هيمنعك من الدخوول للجامعه وبعدين احنا كنا بنخش عادى بالبطاقه وورقه الترشيح عاادى بس هو خلاص ان شاء الله ينزلكم جدول الاسبوع دة وتتحل

الله يخليكى لا دة واجبنا وعلى فكرة هو اسمه hoky70 مش كوكى هههه هو اة ممكن تحضرى معانا على الاقل ممكن تفهمى المادة بتتكلم عن ايه يزيد نا شرف انك تحطى اى معلومه ممكن يستفيد بيها الناس

بصوا واحدة بتقول يوم الاتنين فى محاضرة محاسبة لاولى انتساب صح ولا غلط

يعني الجدول نزل يا ألاء ولا ايه
طيب حد كان ف الجامعه النهارده يا شباب[

طيب الحمد لله انه لسه منزلش
انا كنت خايفه لتكون فى محاضرات راحت عليه
ومـــــــــــــــرسى جدا للناس اللى بتجيب لنا الاخبار على طول

لسة الجدول ما نزلش

النهاردة كان فى كورس محاسبه الاولى انتساب ف سنترvip مجانا
صدقونى يا جماعة لازم نوصل الموضوع للبرامج زى 90دقيقه وال10مساء والبيت بيتك والحياه اليوم ونعمل مظاهرة سلميه زى بتوع جانعة القاهرة ما عملوا لان كده مش هناخد محاضرات

لسه هنستنى السنة كدة هتضيع وكل مره يعملوا معانا نفس الحوار ده

يا شباب حد راح الجامعه امبارح ولا النهارده يقولنا ايه الاخبار
طيب ف خبر الجمهوريه ف(عقول تتفتح) النهارده عن الانتساب ف حلوان ياريت تقروه وتقلولي بيقول ايه لاني مفهمتش حاجه منو

طلاب الانتساب .. حائرون في حلوان
لا تزال مشكلة حضور طلاب الانتساب وتنظيم محاضرات لهم قائمة في جامعة حلوان حتي الان لم يتم تنظيم محاضرات بصفة منتظمة لهم خاصة في كليات التجارة والحقوق والخدمة الاجتماعية وغيرها من الكليات النظرية التي يوجد بها أعداد من الطلاب المنتسبين.
أكد د. محمد مصباح - عميد كلية الحقوق بجامعة حلوان أننا ندرك جيداً ان طلاب الانتساب لهم حقوق علينا وهو تعليمهم كغيرهم من الطلبة المنتظمين وإذا كانت القاعدة والأصل ان الجامعة لا تلتزم تجاه المنتسبين الا بعقد امتحان وتوفير الكتب لهم غير ان العمل جري في كلية الحقوق علي ان طلبة الانتساب يحضرون المحاضرات ويتلقونها كغيرهم من طلاب الانتظام.
أوضح العميد ان الظروف التي نمر بها الآن المتعلقة بخطر انفلونزا الخنازير تقتضي الحد من كثافة الطلاب الأمر الذي أدي إلي تأجيل حضورهم المحاضرات في المدرجات تجنباً للكثافة العددية المرتفعة لكننا كنا نفكر في تنظيم محاضرات لهم يوم الجمعة الا ان وزارة التعليم العالي ألغت الفكرة لمزيد من الحيطة والحظر لمواجهة خطر انفلونزا الخنازير.. موضحاً اننا نسعي جاهدين لتوفير الوقت المناسب لإعطاء هؤلاء محاضرات في المدرجات إيماناً منا أن لهم حقوقاً علينا تتعين الوفاء بها ولكن سيكون ذلك في ضوء الظروف التي نمر بها ولذلك وفرنا للطلاب المنتسبين المقررات الدراسية التي سوف يمتحنون فيها وسنبحث لهم عن بدائل فعلية وجدية لتعويضهم عما فاتهم من محاضرات.
أما الدكتور محمد عبدالحميد النشار - نائب رئيس الجامعة لشئون التعليم والطلاب فقال ان طلاب الانتساب في الجامعة عددهم محدود عكس الجامعات الأخري مشيراً إلي انه سيتم التنسيق باعداد لقاءات في وقت الفراغ في اليوم الدراسي للطلاب المنتسبين.
أوضح ان طلاب الانتساب جزء من طلاب الجامعة وسيتم تنظيم لقاءات لهم في أقرب فرصة ولتعويض ما فاتهم من محاضرات.

السلام عليكم ورحمة الله وبركاته
انا كنت فى الجامعه امبارح (الثلاثاء) وبرده مفيش اخبار كل اللى موجود اسماء الدكاتره بتوع الانتساب اللى هيدونا ده لو خدنا اساسا !!!
واسماء الكتب اللى نزلت وتمنها
وبخصوص اللى مكتوب فى الجمهورية انا قرأته الملخص يعنى ان عميد كليه الحقوق بيتكلم عن كل طلبه الانتساب الحقوق وغيرها وكلام عادى خالص بيقول ان الطلبه دول ليهم حق فى الحضور زى طلبة الانتظام وانهم وفروا المقررات الدراسيه اللى هنمتحن فيها ولسه اساسا بيدوروا على الوقت المناسب اللى هناخد فيه المحاضرات !!!

يارب نرووووح يسمع من بوقك بس عايزة اسال اشترى الملازم منين من موجة ولا من فيب ولا من مكتبة حماد

هو لسه نزلكم اى ملازم ياستى المهم فى ناس تقولك هات العملى من موجه والنظرى من فى اى بى والله ياستى انا عن نفسى كنت بجيب ملازم المواد العملى زى المحاسبه بس والمواد النظرى كنت بجيب ملزمه المراجعه النهائيه وخلاص بس منصحش حد يعمل ززى لانى الواحد بيشوف اوقات صعبه قبل الامتحان وبيبقى عليه ضغط عصبى ونفسى فظيع انا هقول راى المحاسبه من مركز حمادة توب والباقى تجيبه من اى حد اللى تلاقى نفسك عجبك الورق بتاعه ومستوعبه منه هاتى منه وخلاص ونصيحه ملازم المراجعه النهائيه هتيها من موجه كلها عشان بجد الناس دى بتعرف تحط مراجعات
ملحوظه كل الملازم بيبقى فيهاااا غلطات فى جميع المراكز ودة حصل السنه اللى فاتت وبالذات فى الاقتصاد ولولا الواحد كان بيتاكد من الرسومات من الكتاب كان شال المادة
بس برضك الملازم مش وحشه اوى للدرجه دى وبتسهل العمليه

كويس الحمد لله الجدول نزل وطلع كلام دكتور المحاسبه تماممممم اول مرة يصدق

الف شكرررررررررررر يا جميل ع الخبر الجميـــــــــــــــــــــــــــــــــــــــــل ده
والف شكر لكل اللي الناس اللي تعبت معانا metab9 ـــــــــــــــــhoky70 ـــــــــــــــــــــــــALFARES
والف شكر لكل الناس الحلوه اللي كانو معنا كلهم
بجد يا جماعه انا حاسس اني كسبت اصحاب من قبل مروح الجامعه
وانا باه ف الفرقه الاولي انتساب (مجموعه أ) مين معايا باه!!!!!!!!!!!!!!!!!!

ونزلوا الكتب كمان ياجماعة انا لسة راجع من الجامعة وفعلاً الجدول نزل والكارنيه قالوا انو بيتعمل كمبيوتر ومايعرفوش امتي هيخلص

بصراحة خبر جميل والفضل يرجع ليه metab9******* واللي كانوا معاه في تزويدنا بمعلومات تيفيدنا . انا خلاص عرف انا كدة مجموعة (ا-ب) وهاروح السبت بس يارب ميكونش حلم ويكون حقيقة ونفسي اعرف مين في المنتدي هنا معايا في مجموعتي انا نسيت انا اولي انتساب هههههههه
تحياتي ** forodo

مرسيى جدا على الجداول دى يا يوسف بس عايزة اعرف هتكون فى مدرج ايه ؟

طب معلش هو المكان اسمه 6 ا وكدا ولا مدرج 6 مش فاهمة سورى

السلام عليكم
مبروك

السلام عليكم
مبروك علينا الجدول يا جماعه الواحد كان خلاص هيفقد الامل و الف شكر للناس الي تعبت و كانت بتنزل الجامعه عشان تجبلنا اخر الاخبار انا بقترح نحتفل بنزول الجدول:av4056bb7jp3::022yb4::av4056bb7jp3::022yb4:

غبــــــــــــــــــــــــــــــاء
 

احسدونا بقا

الحمد لله بس ازاى المجاميع كلها هتاخد رياضة ف وقت واحد

خبر مش حلو ياجماعه ربنا يستر
إكتشاف 19 إصابة جديدة بمرض إنفلونزا الخنازير

أنه من بين الحالات حالتان لطلاب بالجامعات أحدهما بكلية التجارة جامعة عين شمس والأخرى بكلية التجارة جامعة حلوان.

ربنا يستررررررر علينا ويرحمناااا

ايه الشغل الجامد ده و شكر خاص لكل من ساهم في جمع الاخبار

يعم انت فرحان فينااااا على فكرة بقى دة واحد من انتساب واسمه يووسف وبلاش اقول اكتررر من كدةةة معلش بهزرر معاك يامعلم وربنا معاناااااااا